Tabla de contenidos para June - July 2016 en SARIE KOS

3 REDES WAAROM jy hierdie kans moet aangryp. Jou SARIE KOS-intekening beteken Jy weet jy sal nie ’n uitgawe misloop nie Jy betaal eenmalig vir 6 uitgawes Dis ’n kans om jouself – of iemand vir wie jy omgee – te bederf GEDRUKTE WEERGAWE SLEGS R247,80 EENMALIG VIR 6 TEKEN IN of HERNU BEPALINGS EN VOORWAARDES IS VAN TOEPASSING. DIE AANBOD GELD NET VIR INTEKENING OP DIE GEDRUKTE SARIE KOS EN IS GELDIG TOT 31 JULIE 2016 (NET IN RSA). *GEEN AFSLAG OP POSGELD EN BTW. SKAKEL 0877 401 020 E-POS sariekosinteken@media24.com EN ONS KONTAK JOU SMS SUBS SARIE na 32361 (geen leestekens) EN ONS KONTAK JOU (’n tarief van R1 per SMS geld) WWW Besoek SARIE.com vir gewone en digitale intekening 25% afslag*…

Smullekker sjokolade-brownies Die heel sjokoladestukke, neute en bros bolaag sorg dat hierdie brownies nog lekkerder is as gewoonlik. genoeg vir 9 groot brownies Verhit oond tot 180 °C. Voer ’n vierkantige koekpan van 23 x 23 cm uit met bakpapier en spuit die kante liggies met kleefwerende kossproei. Plaas 250 g (275 ml) gesmelte botter, 400 g (500 ml) ligte bruinsuiker en 4 eiers in ’n groot mengbak. Klits goed saam met ’n houtlepel. Voeg 140 g (250 ml) gesifte koekmeel, 10 ml bakpoeier, 150 g grofgekapte melk-sjokoladeblokkies, 150 g grofgekapte heelneut-sjokoladeblokkies en 200 g grofgekapte pekanneute by. Meng goed met houtlepel. Skep uit in voorbereide koekpan. Plaas in oond en bak 40 minute. Verwyder uit oond en laat heeltemal afkoel op draadrakkie. Sny eweredig op…

Verfdit Kies verf met ’n mat voorkoms om ou meubels nuut te laat lyk, soos die grys van Dulux – Mineral Haze (30BB 31/043) – wat ons vir ons bokkie-tafel gebruik het. Jy kan selfs vir elke ete die kleur van jou tafel verander. Sonder ’n steel Ons ken hom vir sy anderste manier van dinge doen. Nou wat kan ons anders van Nataniël verwag as ’n anderste stel wynglase? Sy nuwe reeks duursame kristal-wynglase is nie net mooi nie, dit het nie ’n steel nie! Kry in bokse van 4 vanaf R299 by Checkers-winkels. Mooi getooi Dra die see om jou arm! Handgemaakte metaal-armband met allerlei skakels vanaf R2800. Sien Koopgids vir meer inligting. Op jou lippe Kleur jou lippe koraalrooi met Max Factor se Lipfinity Long Lasting-lipstiffie (Ever…

Maak deeg aan volgens resep op bl. 52. Haal deeg uit mengbak van elektriese menger, bedek met GLAD Wrap en laat rus 15 minute. Verdeel deeg in 8 stukke en vorm ’n bal van elke stuk. Rol dun uit in ’n sirkel. Maak deegsirkels toe met kombuislap en laat rus 15 minute. Verhit ’n kleefvrye pan. Plaas 1 deegsirkel op ’n slag in warm pan. Braai sowat 1 minuut tot bruin vlekke wys. Draai om en braai nog 1 minuut. Haal uit en plaas in GLAD Zip Seal Freezer Bags Large. Dit sal sorg dat die tortillas sag bly. Braai res van sirkels en plaas dit ook in plastieksak. Tortillas vries baie goed – sny papiersirkels uit GLAD-bakpapier en plaas tussen tortillas. Plaas tortillas in GLAD Zip Seal Freezer-sakkie en…

SARIE KOS is ryk in geure en kleure, en die smaaklikste Afrikaanse woorde is op ons tafel. Van hierdie uitgawe af vier ons opnuut ons taal met lekkersêkoswoorde. Ons eerste woord is #appelliefie, daardie blink geel bessie wat nou in seisoen is en jy vars kan eet of in gebak kan gebruik. Die woord is ’n vervorming van die Nederlandse appeltje der liefde. Die Engelse weergawe is Cape gooseberry – die cape verwys na die skurwe manteltjie om die gladde vrug. Gaan ook na Afrikaans.com “My appelliefie, my suikerlyfie, jy is so soet …” Elaine Coetzee, Karoo Eisteddfod…

As jy lus het vir outentieke Italiaanse kos in ’n eetplek sonder fieterjasies, is Cousins die antwoord. Terwyl ek weglê aan vuurwarm diepvet-gebraaide Italiaanse brood, bekyk ek die aanloklike geregte op die spyskaart. Die tuisgemaakte pasta-dis wat Cousins genoem word, trek my aandag: gaar pasta wat in ’n uitgeholde Grana Padano-parmesaanskil geroer word voor dit in netjiese nessies gedraai word. Die lekkerste van alles is die tagliolini, gemaak van room, sampioene en wyn – ek reken dit gaan moeilik wees om iets anders te kies as ek weer daar gaan eet. Maar die porcini-risotto is ewe perfek, en die smelt-in die-mondaartappel-gnocchi is die beste wat ek nog in die stad geproe het. Ek loer om my rond om te sien wat die mense aan die buurtafel eet: borde vol klassieke…

Geure van spesery Danksy die Oosterse aanslag van dié viskoekie werk dit goed saam met ’n soeter wyn – dink aan ’n Gewürztraminer of ’n semisoet Riesling. HIerdie voorbeeld van Groote Post vat veral die geure van die speserye in die gereg vas, terwyl die soet nasmaak help om die brand van die rissie te “streel”. Elegant & rokerig Pinotage, Suid-Afrika se inheemse druifsoort, en snoek is perfekte pasmaats. ’n Elegante Pinotage, soos Bellingham s’n, het ’n rokerige kwaliteit wat lekker smaak saam met die gerookte vleis van die snoek. Dié Pinotage se goeie suur vul boonop die Mediterreense geure aan. Soet & suur ’n Soet wyn met ’n goeie suurinhoud is ’n lekker keuse saam met die patatpoffertjies. Die sitrusgeure van lemoenskil en lemmetjie verskaf ’n ekstra lagie kompleksiteit…

Karamel-souskluitjies Die tradisionele lekkerny kry nuwe lewe met die karamelstroop waarin dit gekook word. genoeg vir 4 Plaas 140 g (250 ml) koekmeel, 10 ml bakpoeier, 5 ml fyn kaneel en 2 ml sout in ’n voedselverwerker. Voeg 50 g (55 ml) botter by en pols tot dit soos fyn broodkrummels lyk. Meng 1 eier en 60 ml melk en voeg geleidelik by meelmengsel terwyl verwerker loop tot baie stywe deeg vorm. Verhit 400 g (500 ml) suiker en 100 ml water in ’n diep pan. Laat staan oor matige hitte tot ’n donker karamel vorm. Moenie roer nie – dit sal suikerkristalle veroorsaak. Voeg 500 ml water by en roer met draadklitser. Voeg 50 g (55 ml) botter by en bring tot kookpunt. Verlaag hitte tot matig. Skep lepels…

Hy sit sy kos prentjiemooi voor, altyd gegeur met die aromas van sy kinderdae. Dis alles deel van Jan Hendrik van der Westhuizen se manier om sy herkoms te vereer – en dis onder meer vir hierdie uniekheid dat sy restaurant nou bekroon is met ’n Michelin-ster, die Oscar van die Europese koswêreld. In sy restaurant is jy outomaties ’n VIP as jy Suid-Afrikaans is en so ’n besoek word met sjampanje gevier, vertel hy. Jan Hendrik kom van Middelburg, Mpumalanga, waar sy ouers met wild boer. “Dis mieliepap-en-souswêreld, en my reis van daar af tot waar ek vandag is, was opwindend en uitdagend. Alles wat ek doen, moet op ’n hoër vlak wees as enigiets wat ek voorheen gedoen het. Dit het ek van my ouma gekry. Sy hou…

Dadelpoeding met toffiesous Sit voor met kits-vanieljevla – die perfekte pasmaat vir die sagte sponspoeding. genoeg vir 6 – 8 Verhit oond tot 180 °C. Spuit ’n ring-koekpan met volume van 2,2 liter met kleefwerende kossproei. Bring 250 g dadels en 250 ml kookwater in ’n klein kastrolletjie tot kookpunt oor matige hitte. Kook sowat 5 minute tot dadels sag is. Laat dadels eenkant afkoel. Meng 200 g (250 ml) sagte bruinsuiker, 250 ml melk en 3 eiers saam in ’n mengbak met ’n draadklitser. Voeg die dadels by en meng goed deur. Klits 100 g (110 ml) gesmelte botter by dadelmengsel. Voeg 350 g (630 ml) gesifte bruismeel by en meng goed deur met ’n houtlepel. Skep beslag in voorbereide koekpan en plaas in oond vir 40 minute. TOFFIESOUS…

Hoenderquesadillas met avokado en feta genoeg vir 4 Verhit oond tot 200 ºC. Plaas 4 hoenderborsies (500 g) in ’n oondvaste bak en sprinkel eers 45 ml olyfolie, dan 2 gekapte knoffelhuisies en sap van 2 suurlemoene oor. Oondbraai 20 minute of tot goudbruin en gaar. Plaas 4 (van 8) tortillas op bakplate en smeer 2 fyngedrukte avokado’s met ’n lepel se agterkant daaroor. Breek gaar hoender in stukke en verdeel tussen tortillas. Krummel 200 g fetakaas oor, gevolg deur ½ gekapte uien 2 grofgekapte tamaties. Sprinkel hand vol vars fyngekapte koljander oor en geur goed met sout en varsgemaalde swartpeper. Plaas tweede tortilla bo-op elkeen en druk stewig vas. Plaas terug in warm oond en bak 10 - 15 minute of totdat fetakaas gesmelt het. Sny in kwarte met…

maandag Romerige visgebak Ryk en lekker en die ideale trooskos vir koue wintersaande. genoeg vir 4 100 g (120 ml) botter 70 g (120 ml) koekmeel 800 ml melk sout en varsgemaalde swartpeper 4 x 250 g-stokvisfilette, vel verwyder 100 g vars broodkrummels 100 g parmesaankaas, fyngerasper 3 takkies vars tiemie se blaartjies, fyngekap Verhit oond tot 180 °C. Smelt botter in ’n diep pan. Voeg meel by en roer met ballonklitser tot glad. Voeg melk bietjies-bietjies by en roer goed ná elke byvoeging. Prut sowat 5 minute oor matige hitte en roer deurentyd. Geur met sout en peper. Plaas vis in warm sous en sorg dat dit heeltemal toe is onder die sous. Meng broodkrummels, kaas en tiemie saam in ’n bakkie. Strooi krummelmengsel oor vis en plaas in…

A Andyvie – endive Ansjovisfilet – anchovy fillet Appelbier – apple cider Appelkooskonfyt – apricot jam #appelliefie – gooseberry Aspersie – asparagus Asyn – vinegar Artisjok – artichoke Avokado – avocado B Bakpoeier – baking powder Basiliekruidblare – basil leaves Beesaftreksel – beef stock Bestanddele – ingredients Bevrore ertjies – frozen peas Blaarslaai – lettuce Blaardeeg – puff pastry Blomkool – cauliflower Bloubessie – blueberry Boegoe – buchu Bokmelkkaas – goat’s cheese Botterbone – butter beans Broodkrummels – bread crumbs Bros – brittle/crisp Bruinsuiker – brown sugar D Dadel – date Deeghaak – dough hook Draadklitser – whisk Dreineer – drain E Eiergeel – egg yolk Eiervrug – eggplant, aubergine, brinjal F Fillodeeg – phyllo pastry Foelie – tinfoil Forel – trout Frambose – raspberries G Gemmer – ginger Gerook…

ELKE MAANDAG 18:00 Week ná week besoek Herman boere en produsente om die storie van bestanddele te kry in Inspirasiekos met SARIE op VIA kanaal 147 om 17:30. Besoek SARIE.com direk ná die episode vir die resepte en ekstra inligting oor die bestanddeel. ELKE DINSDAG 12:00 Barbara deel ’n gereg uit haar kombuis wat sy oor die naweek berei het. Dis wat sy vir haar gesin kook en hoe sy in haar kombuis eksperimenteer. ELKE WOENSDAG 12:00 Jy kry ’n nuwe #SARIESondag-spyskaart plus ’n inkopielys vir jou Sondagkuier. Ons gee raad, wenke en ’n maklike stap-vir-stap-video om ’n tafel te skep wat by jou spyskaart pas. ELKE DONDERDAG 12:00 Die SARIE KOS-span deel maklike resepte-video’s van minder as 1 minuut (sien bl. 10) + Herman gee geheime en wenke wat…

Frankryk het haar nog altyd bekoor, sê Jeanine. “Ek was al twee keer in Parys, maar ek wil graag die Franse platteland besoek vir ’n ouwêreldse eetervaring. Ek kan my maklik laat omkoop met ’n vars baguette en ’n skyf verouderde camembert of ’n karamel-agtige canelé (fyngebak). En ek sou graag soupe à l’oignon (Franse uiesop) wou probeer, êrens in ’n château voor ’n kaggel met ’n glas rooiwyn in die hand. Die restaurant JAN (lees artikel op bl. 54) is vir seker ook op my doenlysie!” Ons begin die spyskaart vir #SARIESondag met Mariska se winter-salmviskoekies. “Die vorige keer toe ek dit gemaak het, het ek die salm met makriel vervang. Dis ’n heerlik anderste smaak.” Haar resep is op bl. 30. Dit was Deidre se taak om Herman…

GLÜHWEIN 1 x 750 ml-bottel rooiwyn 1 lemoen, in ronde skywe gesny 250 ml heuning (of suiker) 250 ml brandewyn 8 heel naeltjies 3 stokke kaneel (1 vir garnering) 2 steranys-sade Kombineer al die bestanddele in ’n pot en verhit oor matige hitte tot dit begin prut (jy wil nie al die alkohol uitkook nie!). Laat prut minstens 15 minute, maar jy kan dit ure op die stoof laat oor lae hitte. Gooi deur sif en garneer met lemoen en kaneel. WENK Knoop speserye en sitrus toe in 'n moeseliendoek. Dis dan maklik om te verwyder wanneer die wyn gereed is. SARIE KOS-vriend RUDO VAN HEERDEN van Johannesburg ‘Ek maak hierdie maklike resep dubbel aan, want een pot is te min! Ek het nie die kaneelgarnering gebruik nie.’…

Vrugte Appelliefies #appelliefies kan net so geëet word, maar is ook ideaal in ’n tertvulsel en heerlik in slaai. Tamaties Hou vars tamaties buite die yskas. Dit smaak lekkerder en word gouer ryp. As dit te ryp begin raak, kan jy tamaties in die yskas bêre. KYK OOK UIT VIR Appels, avokado’s, piesangs, koejawels, grenadellas, pomelo’s, koemkwats, lemmetjies, lukwarte, nartjies, lemoene, papajas, pynappels Groente Wortels Dis een groentesoort wat rou of gaar ewe lekker smaak. Volgens kenners is wortels baie gesond. Kool Kerf die koolkop fyn wanneer jy bredie maak. Plaas in groot bak met kookwater en laat staan sowat 30 minute. Dit verminder die skerp geure en bitterheid van die kool. KYK OOK UIT VIR Aspersies, artisjokke, beet, boerboontjies, broccoli, spruitkool, blomkool, seldery, knolseldery, grasuie, komkommer, andyvie, knoffel, peperwortel,…

Karoo-lamskenkelen-bonesop Ek het geblikte botterbone gebruik, maar droë botterbone werk net so goed. Week oornag en voeg dit saam met die aftreksel by die sop. genoeg vir 6 – 8 sowat 50 ml olyfolie 2 lamskenkels (1 kg in totaal) 1 ui, fyngekap 2 knoffelhuisies, fyngekap 3 groot wortels, skoongeskraap en in skywe gesny 1 groot selderystingel, in skywe gesny 3 x 400 g-blikke heel tamaties 1,4 liter beesaftreksel 2 lourierblare sout en varsgemaalde swartpeper 4 x 400 g-blikke botterbone 200 g baba-spinasieblare Verhit olyfolie in ’n groot kastrol en braai lamskenkels tot bruin. Haal skenkels uit en hou eenkant. Gooi ui, knoffel, wortels en seldery in dieselfde kastrol. Braai 5 minute. Plaas skenkels terug in kastrol en voeg tamaties, aftreksel en lourierblare by. Geur met sout en peper en…

“Dis belangrik om te weet dat werklike Mexikaanse kos eenvoudiger en geuriger is as die kos wat jy by die gemiddelde Mexikaanse restaurant in Suid-Afrika aantref” Piet Marais en Frik Oosthuizen kán kook – dit het hulle gewys toe hulle in Februarie die DStvkanaal Via se kosprogram Brood en Botter gewen het. Die beoordelaars was onder meer mal oor hul Mexikaanse taco’s (oop, gevoude tortillas) met allerlei eksotiese vulsels. Dis die vars geure, die pikante speserye en die smaakkombinasies van Mexikaanse kos wat hom en Frik van meet af aangetrek het, vertel Piet, wat nes Frik ’n kursus by die bekende Institute of Culinary Arts (ICA) op Stellenbosch gevolg het. Piet het in 2001 professioneel begin kook en wyd rondgetoer in Europa, die Ooste, Brittanje en Afrika. Tydens sy omswerwinge…

Skandinawiese kos Lekker eet is nou nie juis iets wat jy met lande soos Denemarke, Finland en Noorweë assosieer nie, maar The Nordic Cook Book (Phaidon, R739) van Magnus Nilsson kan jou dalk tot ander insigte bring. Die boek voer jou weg op ’n kosreis verby lieflike landskappe, terwyl Nilsson jou vertel van rogbrood met salm en oondgebakte pannekoek uit die Åland-eilande. ’n Kosatlas wat jou lus maak om te reis. Gesonde tradisies As jy gedink het Eat Ting (Quivertree, R320) is net nog ’n dieetboek, kan jy ontspan. Volgens die skrywers, Anna Trapido en Mpho Tshukudu, bevat dit gesonde eetplanne wat op tradisionele Afrika-geure gebaseer is. Die sentrale tema is Suid-Afrikaanse superkosse, met resepte soos sorghum-plaatkoekies (glutenvry) en slaaie van lae-GI-oergrane. Die skrywers meen daar was in die vroeë…

Lamsboud Ek hou daarvan om lamsboud eenvoudig gaar te maak, sonder ’n klomp kruie en speserye. Knoffel, suurlemoensap en olyfolie is vir my meer as genoeg. genoeg vir 4 – 6 sowat 100 ml olyfolie 2,2 kg lamsboud, been en al sap van 1 suurlemoen 2 knoffelhuisies, fyngekap sout en varsgemaalde swartpeper Verhit oond tot 180 °C. Sprinkel helfte van olyfolie in oondbraaibak. Plaas lamsboud in bak en gooi suurlemoensap oor. Vryf knoffel oor boud en geur met sout en peper. Sprinkel res van olyfolie oor en maak bak stewig toe met foelie. Plaas in oond en bak 2½ – 3 uur tot vleis heerlik sag is. Pitabrode met gebraaide uie-enlamsvleis ( bl. 67 ) ’n Smaaklike, maklike middagete – die meeste werk is om die uie te braai.…

Spinasiesop met wors-frikkadelle Sorg dat jy dwarsdeur die winter genoeg groente eet om gesond te bly. Hierdie sop is ’n maklike manier om sonder moeite groente in te kry. genoeg vir 8 (400 ml per porsie) 45 ml kanola-olie 5 preie, gesny 2 knoffelhuisies, gekap 400 g murgpampoentjie, gesny 600 g spinasie, gesny 1 liter hoenderaftreksel 250 ml laevet-melk 10 ml neutmuskaat 1 rooi brandrissie sout en varsgemaalde swartpeper 500 g boerewors, uit derm gedruk 20 ml olyfolie 1 Verhit olie. Voeg preie, knoffel en pampoentjie by. Braai 5 minute. Voeg spinasie by en braai 1 minuut. Gooi aftreksel, melk, neut en rissie by. Geur met sout en peper. Bedek pot en laat kook sop 15 minute. 2 Maak happiegrootte frikkadelle van die worsvleis – jy kan ook varkworsies gebruik.…

1 Hou jy van kook? Ek’s dol daaroor wanneer ek tyd kry … Die voorbereiding en voorsit is vir my die lekkerste. 2 Jy is ’n plaasmeisie van Worcester. Wat onthou jy as jy terugdink aan die plaaskombuis? Die lekker hitte van die Ellis De Luxe-koolstoof, rooibostee wat staan en prut, koffie gerooster in “Ouma Sannie” (’n ysterpot), varsgebakte growwemeel-brood met botter wat water sweet en Mamma se korrelkonfyt (druiwekonfyt). 3 Hoekom is daar soveel emosionele konneksies tussen kos en musiek? Ek dink dit het te doen met breinpatrone. Dis die visualiseer van ’n smaak (kos) en die hoor-in-jou-kopklank (musiek) wat dieselfde is. Albei het bestanddele wat saamgesnoer word om ’n fisieke sensasie teweeg te bring. Albei is terapeuties in die voorbereiding, en veronderstel om ’n uiters genotvolle resultaat te…