Tabla de contenidos para July 2023 en SA Hunter/Jagter

ONDER DIE KAMEELDORING | UNDER THE CAMEL THORN As daar nou een ding is wat vir my belangrik is in die jagveld, is dit lekker kos. Nie daardie tipe wat jy in “fensie” restaurante kry nie, selfs nie eens ons kossubredakteur Karla se vindingryke disse nie, alhoewel jy baie daarvan sommer in die jagkamp kan maak. Nee, vir my is dit die disse wat met die jagter praat, wat praat met die siel as jou lyf skraal raak ná al die dag se dinge. Veldkos, bederfkos, cholesterollekkernye en bederfies weg van mamma se oog... Iets anders as wat jy by die huis sou eet. My grootste gunsteling sal altyd springboklewer bly, maar nie sommer enige springbok op enige plek nie – dit moet in die Kalahari wees, daar moet vuur…

S A JAGTER/HUNTER is altyd op soek na goeie foto’s vir ons voorblad. Skryf gerus in vir ons splinternuwe kompetisie waar jou foto op die voorblad kan pryk – ’n lekker prys is op die spel! Voorbladonderwerpe hoef nie noodwendig spesies te wees wat normaalweg gejag word nie, maar foto’s van byvoorbeeld muise of slange sal nie by die tydskrif se tema inpas nie. Die voorbladfoto wat jy instuur, moet ’n resolusie van ten minste 300 dpi hê. Dit moet in portretformaat (portrait) wees, met ’n afmeting van 23 cm x 28 cm, of ’n ratio van naastenby 4:5. Foto’s moet groter as 2 MB wees, maar kleiner as 12 MB. Vir ’n tipiese voorbladuitleg sal die foto-onderwerp ongeveer in die middelste derde horisontaal, asook vertikaal wees. Die onderwerp moenie…

Die St. Luciameer, ’n UNES-CO-wêrelderfenisgebied in die iSimangaliso-vleiland-park, is die grootste vleilandstelsel in Afrika en een van die belangrikste beskermde gebiede vir die bewaring van Nylkrokodille in Suid-Afrika. ’n Onlangse studie deur navorsers van die Universiteit van die Witwatersrand (WITS), Universiteit van Pretoria (UP), Nasionale Dieretuin en die Tshwane Universiteit van Tegnologie (TUT) het egter bevind dat lood (Pb) teenwoordig was in bloedmonsters van al 22 wilde krokodille wat hulle ondersoek het, met konsentrasies wat wissel van 86 tot 13 100 nanogram (ng) lood per ml bloed (ng/ml). Loodvergiftiging was beduidend hoër by manlike diere (gemiddel-de bloedloodkonsentrasie van 3 780 ng/ml) in vergelyking met vroulike diere (gemiddeld 266 ng/ml). Verskeie krokodille het duidelike kliniese bewyse van loodvergiftiging getoon, en die hoogste bloedloodkonsentrasie (13 100 ng/ml) was nie net die hoogste…

Een van my grootste tekortkominge as beroepsjagter, voel ek, is my gebrek aan die vermoë om vreemde tale te praat. Ek praat Afrikaans en Engels vlot, het ’n beperkte woordeskat in isi-Xhosa en Sesotho en probeer om elke keer wanneer ek ’n anderstalige persoon ontmoet, te leer groet en dankie sê in sý taal. Dit is verbasend hoe ver ’n mens kan kom met “hallo” en “dankie”, maar dit is nie altyd voldoende nie, soos my ervaring met ’n Franse jagter in die vroeë 2000’s duidelik illustreer. Die Fransman en die eienaar van die plaas waar ek jag, sit woordeloos langs ’n soetdoringvuur na mekaar en staar wanneer ek laatmiddag by die jaghuis aankom. Ek het my vorige jagter, ’n Amerikaner, vroegoggend op die lughawe afgelaai en daarna die nodige…

JAGSTORIE Vir jare het daar ’n beeldjie op my pa se lessenaar gestaan met die inskripsie “Gewond maar nie Oorwonne”. As kaalvoetseun het ek baie gewonder wat dit eintlik beteken, wetende dat dit eendag baie relevant in my jagervaringe sou wees. Lank gelede, op ’n koue Dinsdagaand, ry ek tussen Bronkhorstspruit en Witbank teen ’n Suid-Afrikaanse Brouerye-trok vas. Ek het sleg seergekry en onder andere my knieskyf vergruis. Dertig jaar later keil die knie my behoorlik op en die Nieu-Seelandse Gesondheidsraad besluit om my te help. Ek moes sommer geweet het dinge sou goed gaan toe ek my ortopediese chirurg in Taupo ontmoet en sy naam Francois van der Westhuizen is. ’n Mens voel mos sommer veiliger in die bekwame hande van een van jou eie mense hier in die…

SAJWV KONTAKINLIGTING/CONTACT INFORMATION: SAJWV - Inyathipark | SAHGCA - Inyathi Park ADRES/ADDRESS: Plot 3, Mountain Drive 7, Derdepoort, Suid-Afrika/South Africa TELEFOON/TELEPHONE: (Suid-Afrika/South Africa) 0861 SAHUNT (724 868) | Internasionaal/ International: +27 (0) 12 808-9300 E-POS/E-MAIL: admin@sahunt.co.za | WEBTUISTE/ WEBSITE: www.sahunters.co.za Jag in al sy fasette is toenemend onder druk. Elke verantwoordelike jagter kan ’n bydrae lewer om die feite rondom die waarde van jag te ken en te kommunikeer, of dit nou langs die braaivleisvuur is saam met vriende, by ’n sportbyeenkoms, of op sosiale media. Ekstreme diereregte-organisasies, oningeligte regeringsamptenare en politici dryf persoonlike en politieke agendas sonder sinvolle bewaringsbeginsels wat die voortbestaan van jag bedreig. Daarmee saam raak die algemene publiek al meer uit voeling met die natuur en vervaag die realiteit dat ’n dier doodgaan sodat ons kan…

NUUSBROKKIES | NEWS SNIPPETSSNELVUURKOMPETISIES In die Nov/Des 2022-uitgawe van SA JAGTER/HUNTER het ons oor die groeiende aantal vroulike jagters in jagveld berig en die positiewe uitwerking daarvan op die jagbedryf en bewaring. 9 Augustus 2023 is Nasionale Vrouedag en SA JAGTER/HUNTER gaan in die Augustus-uitgawe spesiale erkenning hieraan gee en ons dames bederf. Ons beplan om die hele Bokspog aan damesjagters se foto’s te wy en spesiale, ekstra pryse sal vir die wenfoto’s op die spel wees. Stuur dus gerus jou jagfoto in van ’n dame en jong dametjie in die veld. (Dit hoef nie by ’n gejagte dier te wees nie; selfs foto’s van ’n dame wat haar man of familielede vergesel in die jag-veld, om die jagkampvuur, ens., sal in aanmerking kom.) Ons verwelkom ook artikels van die…

DOOIERUS Kyk, ek is nou wel nie ’n opgeleide sangoma nie, maar gisteraand het ek ’n slag weer die bene gegooi. Sommer ’n paar varkribbeentjies, oor my skouer, toe ek daar by die vuur sit. Ek doen dit soms wanneer ek in die veld kamp, dan verbeel ek my hoe dankbaar een of ander diertjie gaan wees vir dié gelukkie, selfs al is dit nie kosher of halaal nie. Maar vanoggend, toe ek uit my tent kruip om die nag se toordruppels agter ’n bos te gaan sprinkel, lê die beentjies nog steeds daar. Niks weggedra nie, geen muishond- of kat- of jakkalsspoortjies nie, net vol miere. So staan en kyk ek hulle toe, want niks in die lewe is toeval nie, het ek al gelees. In alle dinge is…

WENPRYS GEBORG DEUR: Stevenson Hamilton Die wenner van hierdie maand se Bokspog, Jaco Pretorius, wen ’n produk beskikbaar op Stevenson Hamilton se webtuiste www.stevenson-hamilton.co.za ter waarde van R800. Baie geluk, Jacol! Om jou prys te eis, stuur ’n e-pos na: admin@promark.co.za VEREISTES VIR BOKSPOG-FOTO’S: SA JAGTER/HUNTER publiseer geen foto’s van die volgende nie: • Kinders jonger as 10 jaar oud.• Oormatige bloed op bokke of op die grond.• Jagters met bloedbesmeerde gesigte.• Jagters wat bo-op ’n gejagte dier sit of handgebare toon – dis oneerbiedig teenoor die dier.• Foto’s met “plakkate” waarop die jagafstand verskyn.• Foto’s waarop drank verskyn.• Foto’s waarvan die resolusie/kwaliteit onvoldoende is. Foto’s moet verkieslik 1 MB groot wees. (Stel jou kamera op die hoogste resolusie/fotogrootte.)• Enige foto wat jag in die oë van die algemene publiek…

On 1 January 1800, Éleuthère Irénée du Pont set foot upon American soil after fleeing the French Revolution. He was a keen student and chemist, and by July 1802, he was making black powder under the DuPont name with machinery imported from France, supplying the US Army with black powder from 1805. Today, IMR (acquired by Hodgdon in 2003), a division created under the DuPont stable, is still a leader and innovator in all forms of firearm propellants. While our own line of local Somchem propellant has been serving the needs of hunters and shooters for decades, the imported lines of propellant have opened up new avenues for the reloader. The IMR (Improved Military Rifle) range of propellants and black powder is vast, catering for every conceivable firearm and calibre.…

Die Mosambiek-buffeljagkompetisie van 2022 was ’n reusesukses. Die wenner, Lawrence Meintjes, en sy vrou Ansu wat vir hom die wenkaartjie gekoop het, was vergesel van SA JAGTER/HUNTER se redakteur en Gert Booyse, eienaar van Rhino Bullets wat 2022 se hoofborg was. Hulle het ’n ongelooflike ervaring meegemaak in Coutada 11 in Mosambiek, die tuiste van Zambeze Delta Safaris (ZDS). Vanjaar maak ons weer so en die prys is dié keer selfs groter! Ons gaan weer ’n trofee-buffelbul jag, asook ’n trofee-waterbok en ’n trofee-rietbok. (Die kwaliteit van die waterbokbulle en rietbokramme in die konsessie is ongelooflik – ek het nog nooit so ’n groot konsentrasie van “Rowland Ward”-diere in my lewe gesien nie. – Red.) Die jag vind aan die einde van November 2023 plaas en die presiese datums sal…

KOSRUBRIEKKom kuier saam in KARLA SE KOMBUIS As iemand my vra om een ikoniese Suid-Afrikaanse gereg uit te sonder, sal ek sonder twyfel sê bobotie. Hierdie geurige gereg met sy smullekker kombinasie van speserye, vleis en die soetheid van rosyne en blatjang is al vir dekades ’n gunsteling op ons tafels. Boonop is dit so veelsydig en kan ’n mens bobotie met alles van vis tot volstruis maak. Ek het by die koskenner Errieda du Toit gaan aanklop vir ’n bietjie bobotie-wysheid. “Bobotie se oorsprong is vol misterie, kinkels en afdraaie. Die invloede kom uit verskillende windrigtings en eras – uit die Ooste en van die antieke Romeine. Dit dra die spore van Kaaps-Maleise voorouers en wys ook familietrekke van boerekos. Dat bobotie in die ou Kaapse kombuise ontstaan het…

HERLAAI | RELOADING PASOP VIR “GOEDKOOP” DOPPIES Miskien moet ek begin deur die titel van hier-die artikel in perspektief te stel. “Goedkoop” verwys nie na monetêre waarde of laegraadse kwaliteit nie. Kom ons kyk ’n bietjie hierna. Ek ervaar dikwels dat ’n kliënt sy geweer vir my bring om ’n lading vir ’n sekere koeël voor te stel. Saam met die geweer versoek ek gewoonlik 25 doppies waarmee ek ’n goeie, konstante lading vir sy patroon moet probeer ontwikkel. So ’n lading moet in ’n aanvaarbare klein spoedverskil vir die koeëls binne ’n sarsie teen ’n konstante, gemiddelde spoed ontwikkel. Die spoed moet voldoende wees om die kliënt se operasionele doel te bevredig en ’n relatief klein genoeg groepering te lewer oor die afstand wat die kliënt die geweer wil…