Tabla de contenidos para October 2025 en Rooi Rose

Dis 'n menslike behoefte om gelukkig te wil wees. Wie wil nou probleme en stres hê wat net ongelukkigheid veroorsaak? Wanneer 'n mens gelukkig is, floreer jy, kry jy nuwe idees, en sien jy kans vir baie. Maar dié gevoel hou nie vir altyd aan nie. Die balans van die lewe is altyd daar. Wanneer jy dalk nié op jou gelukkigste is nie, dink net aan één ding wat jou gelukkig maak, en doen dit. Dit kan jou weer moed gee. Ek is op my gelukkigste wanneer ek kan oefen. Sodra ek my voete binne die gimnasium sit, is ek in 'n gelukkige wêreld. Nog dinge wat my gelukkig maak, is: 'n smaaklike bord kos. 'n Goeie glas wyn. Ware vriendskappe. Om 'n kat te vryf. My werk goed te…

Kafeïenverslawing is seker min of meer ononderhandelbaar as jy van Maandag tot Donderdag van 06:00 tot 07:30 jou kykers met 'n breë glimlag en met 'n op en wakker “goeiemôre” moet groet. Vra maar vir die bekende kunstenaar en aanbieder Pieter Koen, wat ná 'n vinnige heen-en-weertjie na Amerika, weer terug is om op eie bodem een van die aanbieders van hierdie gewilde program te wees. Goeiemôre/Good Morning is in April vanjaar op VIA bekendgestel. Daar was in die begindae uit die aard van die saak en heeltemal te verstane 'n bietjie tegniese probleme met die uitsaaiery, maar niks wat nie intussen opgelos is nie. Deesdae verloop dinge klopdisselboom. Ná die uitgooi, groot trek en oppak, is hul gesin nou “minimaliste” wat na 'n huis op soek is. Hy vertel…

Verhelder en verfris Vroue span dikwels al hul pogings in om hul gesig glad, jonk en stralend te hou, maar hul liggame is soms 'n nagedagte. Dink byvoorbeeld aan jou onderarms. Hulle is van die minder sigbare gedeeltes van die vel, so dit is maklik om die versorging daarvan na te laat. Skeer is een ding, maar ons onderarms kan ook nes ander dele van die vel knoppies, verkleuring en irritasie ervaar. Dis ook maklik om lui te word, veral wanneer jy haastig is, en dan jou onderams sonder 'n skeerroom of seep te skeer. Knoppies en irritasie is dan onvermydelik, en jou keuse van deodorant kan dinge vererger. Oorweeg 'n natuurlike deodorant wat nie alkohol bevat nie om irritasie te verminder, maar steeds sweet onder beheer hou. As pigmentasie…

Wen Een leser kan 'n SKIN Willem Botha Beauty-geskenkpak ter waarde van R2 700 wen. Dit sluit die volgende in: ✤ Ultimate Cleanser ✤ Advanced Serum ✤ Active Moisturiser ✤ Renewing ✤ Exfoliator ✤Daily Protection Besoek www.rooirose.co.za en klik op die WEN-blokkie voor of op 23 Oktober om vir die prys in aanmerking te kom *Slegs een inskrywing per persoon Soveel mense vra my gereeld of ek nie moeg raak om so bedrywig te wees en permanent deur mense omring te wees nie. Ek dink dit sou moeilik gewees het as ek nie geniet het wat ek doen nie, maar ek is verlief op elke aspek van my werk! Ander mense gee my energie en dis die grootste geskenk om soveel vroue spesiaal te kan laat voel Ek deurkruis die…

Mareli Smit het op 'n klein dorpie in die Wes-Kaap grootgeword. Op 25 was sy gelukkig met'n onderwysgraad van die Universiteit Stellenbosch agter haar naam, 'n vaste werk en sy kon'n deposito op haar eie motor neersit. “Ek was trots. Ek het hard gewerk en my werk geniet.” Op 34 het sy skielik gevoel asof sy alles gedoen het wat van haar verwag is. Haar lewe was stabiel. Maar een oggend het sy vir haarself in die spieël gekyk en besef sy leef nie meer nie. “Ek was nie ongelukkig nie, maar ek het sonder gevoel gelewe. Dit was asof die kleur uit my lewe was. In my twintigerjare het ek soveel drome nagejaag. Maar nou moes ek erken: Ek het stagneer.” Mareli het geweet sy moet iets doen om…

'n Mimosa maak van enige geleentheid 'n viering, en nou het Robertson Winery hul mimosa-reeks uitgebrei. Hulle het reeds 'n Mimosa Orange Sparkling Spritzer, en dit word nou aangevul deur die Mimosa Berry Sparkling Spritzer en die Non-Alcoholic Mimosa Orange Spritzer. Mimosas hoef natuurlik nie met lemoensap gemaak te word nie en omdat Suid-Adrikaners gek na pienk drankies is, het Robertson dit goed gedink om 'n spritzer met heerlike bessiegeure te maak. En natuurlik drink nie almal alkohol nie, en daarom is daar 'n nie-alkoholiese opsie beskikbaar. Só kan almal deel van die pret wees. Die voorgestelde handelsprys is R100 en dis landwyd by kleinhandelaars beskikbaar. Meer inligting by www.robertsonwinery.co.za…

Watter plante is giftig en moet liewer in 'n tuin met kinders en troeteldiere vermy word? Sommige plante kan gevaarlik wees vir kinders en troeteldiere omdat hulle giftige stowwe bevat. Hier is 'n paar algemene plante wat jy liewer in jou tuin moet vermy: Oleander (Nerium oleander) Al die dele van hierdie plant is giftig en kan ernstige gesondheidsprobleme veroorsaak as dit ingeneem word. Lelie van die vallei (Convallaria majalis) Hierdie pragtige blom kan hartprobleme veroorsaak as dit geëet word. Goudreën (Koelreuteria paniculata) Die sade en blomme is giftig en kan naarheid en ander simptome veroorsaak. Kasterboon (Ricinus communis) Die sade bevat risien, wat dodelik kan wees. Engeltrompet (Brugmansia spp) Alle dele van die plant is giftig en kan hallusinasies en ander ernstige simptome veroorsaak.…

✤ Steven Spielberg onthou Jaws, wat vanjaar sy 50ste verjaardag vier, as die moeilikste fliek wat hy nog geskiet het. Die rubberhaai het verskeie kere gebreek of gesink. ✤ As deel van 'n grap, het Steven die skepper van Star Wars, George Lucas, in die haai se bek toegemaak, toe wil die bek nie weer oopgaan nie! ✤ 'n Kat as 'n bekende rolprentster? 'n Kat het al die hoofrol in twee flieks gespeel. Pet Sematary en Thanksgiving. ✤ Buzz Lightyear in Toy Story se naam was eers Lunar Larry. Niemand het daarvan gehou nie en dis dadelik verander. ✤ Starbucks-koppies kom gereeld in Fight Club voor, ook as produkteplasing.…

Sy besef dit nie, maar Amalia se nuwe lewe begin eintlik al in haar matriekjaar. Toe almal om haar klaar klere en kêrels vir die matriekafskeid het en sy nog op die rak sit en wonder en wroeg en wag. Se voet! besluit sy. Sy wil deel wees van hierdie fanfare waar die onderwysers saam met die matrieks 'n bietjie uithaak. Die kos is nie watwonders nie, maar die vrugtepons is altyd gedokter. Verder hang daar 'n roekelose rooi nommertjie in Evening Magic Boutique met haar naam op. Daarom wag sy tot Jakobus tydens pouse alleen in die wetenskapklas is voordat sy hom bekruip. Hy moet vir eers die eksperimente wat hy hier in sy vrye tyd aanmekaarslaan opsyskuif. Daar is nou belangriker sake as om elemente met mekaar te…

Volgens die afgestorwe digter C Louis Leipoldt is Oktober die mooiste, mooiste maand. Hoekom voel ek dan asof die hond my brekfis gesteel het? By wyse van spreke natuurlik, want ek het nie tans 'n hond nie en ek eet nie ontbyt nie. Selfs Noenoes, die kat, is dikbek. Sy's eintlik al maande lank dikbek, sedert haar boetie se afsterwe. Sy skreeu en skreeu, lê 'n ruk hier en dan daar, trek haar neus op vir katkos en peusel halfhartig aan gekookte hoender. Volgens oom Veearts is sy net oud en verstrooid. In 'n stadium het sy vir geen goeie rede nie besluit om in die tuin te gaan bly. Onder 'n boom. Sy wou nie eens op die kussing lê wat ek vir haar neergesit het nie. Twee maande…

Om 'n aktrise én sakevrou te wees, sit nie in elke vrou se klere nie. Voeg hierby om boonop 'n bekwame podsender ook te wees, en 'n reeds oorvol skedule raak al hoe gewigtiger. Die bestuur, uitdink, navorsing en opneem van die weeklikse podsending op Netwerk24 se Klankgolwe, “Wat kyk Leon en Annie?”, verg nie net ure se voorbereiding nie, maar daar moet tyd gemaak word om drie rolprentvoorvertonings per week by te woon, asook om ses platforms se skedules te fynkam. Annie Malan snuffel die regte vermaak vinniger as wit lig uit! Die opname van 'n gesprek tussen my en Annie is die lekkerste. Dit verg 40 minute se intense konsentrasie en om die geselsbal sekuur terug te slaan. Voeg daarby 'n koel kop wat helder redeneer, vinnig op…

1 | Clicks Sorbet-produkte VANAF R189 Vier Sorbet se 20ste verjaardag met 'n nuwe reeks gerieflike en vitamien-verrykte grimering- en velsorgprodukte. Die produk van die jaar, Sorbet Smoothing Serum (R199), bevat glikol- en melksuur, wat onder meer die vel afskilfer en verhelder, veltekstuur verfyn, en fyn lyne verminder. Kry perfekte lippe met Sorbet Line-2-Shine se intrekbare lipstiffie en lipomlyner (R189), 'n duursame formule met intense kleur wat ook perfek is om op te knap. Laastens, maar nie die minste nie, bied die Sorbet All Four You Multi-Palet (R299) vier veelsydige skakerings vir oë, lippe, en wange, alles in een gerieflike houertjie. Dié trio is perfek vir besige skoonheidsliefhebbers. Beskikbaar by Clicks. 2 | QIQI Bare Repair Oil R1 375, WWW.MODERNHAIRBEAUTY.COM Die nuwe QIQI Bare Repair Oil is 'n revolusionêre droë…

Inligtingstegnologiekenner Elred Lawrence (73) van Kaapstad sê prostaatkanker bedreig dít wat van 'n man 'n man maak. “Ek was bevoorreg om dié siekte te kon oorkom, maar om daarmee gediagnoseer te word, lewensbelangrike besluite te moes neem en 'n prostatektomie te ondergaan, is geweldig uitdagend. “Toe ek 58 was, het my algemene praktisyn tydens 'n roetine-ondersoek gevind dat my prostaat vergroot het. Ek moes voortaan elke drie maande 'n PSA-bloedtoets kry, want prostaat-spesifieke antigene neem toe as jy prostaatkanker het. “Aanvanklik het die PSA-tellings min gestyg. Die dokter het my gerusgestel dat prostaatkanker stadig groei. Ek sou waar-skynlik eerder daarmee saamleef as om daaraan te sterf. Ek was gemaklik en het geen pyn ervaar nie. “Toe die PSA-lesings egter vinniger begin styg, het die dokter bekommerd geraak. Ek doen toe…

Iemand het eenkeer gesê dat 'n belegging in kennis die beste rente betaal. Kennis is beslis die beste as jy presies wil weet wat rente behels en hoe jy daarby baat kan vind. Dis ook belangrik om te weet wat goeie alternatiewe beleggingsopsies is om misleidende aanbiedings van rentekoerse op algemene spaarbeleggings te kan klop. Repokoers Rentekoerse in Suid-Afrika word deur die Reserwebank vasgestel, en die repokoers word daardeur bepaal. Dié koers is die uitleenkoers waarteen die Reserwebank geld aan Suid-Afrikaanse handelsbanke leen. Primakoers Die prima rentekoers word direk afgelei van die Suid-Afrikaanse Reserwebank. As 'n belegging 'n prima rentekoers verdien, is dit direk afhangend en dus gekoppel aan die Reserwebank se rentekoers aan handelsbanke. As die repokoers dus daal, sal handelsbanke se primakoers ook daal, en omgekeerd. Nominale koers…

Skoliose – die abnormale kurwe van die rugstring – kom al hoe meer voor. Labarré Jansen van Vuuren, 'n biokinetikus van Pretoria, fokus op die konserwatiewe behandeling van skoliose, veral by kinders. Labarré het haar eie biokinetikapraktyk in Faerie Glen, Pretoria. Sy werk saam met twee ander biokinetici wat in oefenterapie vir bejaardes, hidroterapie vir chroniese pyn, en sportbeserings spesialiseer. Die praktyk bied ook kliniese oefenterapie vir 'n groot verskeidenheid toestande en beserings. Sy het onlangs deur 'n Amerikaanse instituut as praktisyn in skolio-Pilates gekwalifiseer. Sy kan nou spesifieke skolioseoefenterapie en -protokol vir kinders en volwassenes met skoliose in werking stel. Sy is tans die enigste Suid-Afrikaner wat hierdie protokol as terapie kan aanbied. Ter voorbereiding vir ons gesels, het ek eers by die SuidAfrikaanse Instituut vir Sportwetenskap (SSISA) gaan…

Vier kos en wyn ✤ 4-5 Oktober | Pick n Pay se wyn-en-kos-fees, Wanderers Club, Illovo, www.pnpwineandfoodfestival.co.za ✤ 9-12 Oktober | Pinotage 100, Meerendal-wynlandgoed, www.pinotage100.com ✤ 25 Oktober | Unwined Local Food and Wine Show, Boesies Venue, Secunda, www.quicket.co.za ✤ 25-26 Oktober | The New Wine Show, St George's Club, Gqeberha, plankton.mobi Brothers se koffie Toe ek eenkeer in Groot-Brakrivier was, het ek by Brothers Coffee Roastery ingeloer en het daar die heerlikste koffie geproe. Die onderneming het begin toe Ben en Sunel Ferreira jare lank in Uganda en Suid-Soedan gebly het en gereeld vir familie en vriende koffie gekoop het. Mense het meer en meer begin vra na koffie en Ben het die koffie vir sy broer in Suid-Afrika begin stuur om te versprei. Só is Brothers Coffee gebore…

Geen droom is te groot om gedroom te word nie, glo dié ma-en-dogter-span wat vandag hard werk om soveel as moontlik van hul drome – saam én op hul eie – waar te maak. “Want wat sal die lewe dan nou wees as ons nie met verwagting na môre kan uitsien nie?” sê hulle. Lucet (50) en Tenile (21) gesels 'n hond uit 'n bos vanuit hul huis in Pretoria-Oos oor hoe hulle tot hier gekom het. Hier waar hulle kan terugkyk en hul reis met al sy hoogte- en laagtepunte kan waardeer. Maar bowenal kyk hulle vorentoe om die toekoms met oop arms tegemoet te gaan. “Dit gaan regtig goed met ons!” sê Lucet opgewonde. Dié oudlugwaardin se blou oë straal van geluk. Sy en Tenile is besig om…

Die fliek Lost in Translation met Bill Murray en Scarlett Johansson het my diep geraak. Nie net oor die pitkos oor die lewe en eensaamheid wat hul karakters met mekaar gedeel het nie, maar ook oor hoe oorweldigend ek verwag het Tokio sou wees. Dis toe die beste weergawe van myself wat daar op my gewag het. Dis moeilik om te glo dat jy in 'n stad met bykans 40 miljoen (die groter Tokio-gebied) mense meer introspektief kan wees as by jou eie huis. Hier val die alledaagse werklikhede van jou lewe heeltemal weg. Boonop raak jy gou gewoond aan die afwesigheid van geraas. Ja, jy het reg gelees, afwesigheid. Niemand praat op hul selfoon op die trein, op die sypaadjie of op die parkbankie langs jou nie. Niemand skree…

Hierdie pragtig geïllustreerde boek deur die kenners, Elsa Pooley, Geoff Nichols en Andrew Hankey, bevat 2 400 van ons inheemse plante, wat dit 'n nuttige gids maak as jy jou tuin wil opkikker. In die inleiding word basiese inligting gedeel, soos die klimaat, beplanning, tuinonderhoud en hoe om wildlewe na die tuin te lok. In die tweede deel word plante in 13 hoofstukke verdeel op grond van die soort, soos bolle, orgideë, aalwyne, struike, grasse, bome en fynbos, met al die inligting hoe om daardie plante te kweek en te onderhou. Kleurfoto's met 'n kort beskrywing van grootte, vorm, blomtyd en groeitoestande en hoe om die beste plant vir 'n spesifieke plek te kies, maak dit 'n nuttige handleiding. Dit word deur Penguin Random House uitgegee en is teen R850…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 LEIDRADE DWARS Leer van die laaste dinge (11) Die trekpas gee (4) Sjefs (5) Inflammasie van die gewrigte in die ruggraat (11) Mossel se omhulsel (5) Rookafval (4) Natuurlike geaardheid (11) AF Growwe snuif (4) Jakkals (3) Balsport te perd (4) Ongesonde (8) Stoelpatat (10) Klein kind (3) Braai-afdak (4) Halfrok (4) Tjommie (3) BLOKRAAI 6 LEIDRADE DWARS Jong takbok met onvertakte stange (9) US-student (5) Nie so ver nie (5) Vakwoord (4) Wortelstok (6) Terugreis (6) Musiekskrif (4) Swemvoëls (5) Die hele spul (5) Aardrykskunde (9) AF Priester (RK) (5) Adellik (4) Behendig (6) Cowboy-byeenkoms (5) Grondstof (7) Kreukels (7) Roer (6) Oom se vrou (5) Touwys maak (5) Oudnoorse verhaal (4)…

RAAIKETTING 1 LEIDRADE SKUINS NA ONDER Lang baadjie Pa of ma Tabberd Ander naam Reeks Interes Knaagdiere Wondplekke Boesmans SKUINS NA BO Spekskiet Gehoorsaal Plak hul op briewe Waadvoël Tog Wangbeenholte Volkekundig OT Bybelboek …, twee, drie RAAIKETTING 2 LEIDRADE SKUINS NA ONDER Getem Gelerige klei Uitreik na Skilders se driepote Hoëlui Vraatsugtig Mat Artikel Hulde SKUINS NA BO Immers Bewysdokument Liggewers Voorskrifte Duidelike helder geluid gee Worstel Kallusse Wandelhoof Madame (afk.)…

Slegte nuus. Daar is steeds geen keer aan Marie, ons eens preutse krimpelien-en-crocs-vriendin, wat onder ons glam guru-vriend Bradly se meesterhand van vaal eend tot sexy swaan getransformeer is nie. Ons het ons eens behoudende vriendin – aan 'n (baie mooi) man – verloor. Marie, deesdae 'n bottelblond (á la Marilyn Monroe), fladder elke naweek soos 'n wafferse skoenlapper van braai tot braai saam met die hubaarste, sag-op-die-oog-welaf ingenieur, Jan-Andre. Sy het ons hand in die as geslaan en dié eerste-prys-man se voete by die Vyftigplusser Singles' Klub se braaikompetisie onder hom uitgeslaan. Sy het haar geslepe braaivernuf gebruik en haar vlamme tot twee meter laat opstyg toe hy verbystap – en só die pragdier se volle aandag op haar gevestig. Ek, Santie en Joyce het vergeefs soos die wolf…

‘Ek het besef dis 'n storie wat harte gaan aanraak. En as ek daarvan deel kon wees, dan moes ek dit doen' Die voorblad van hierdie maand se rooi rose straal – nie net vanweë die helder Namibiese son waar die fliek My f*k, Marelize geskiet is nie, maar vanweë die warmte en opregtheid van twee vroue wat hul hart en talent ten volle aan 'n storie toevertrou het. In die fliek, wat binnekort in teaters te sien sal wees, vertolk Je-ani Swiegelaar en Zandélle Meyer die rol van 'n ma en dogter – karakters met dieper lae as wat 'n mens op die oppervlak sou raaksien. Maar dit is ook hul eie reis – as aktrises, as vroue, as mense op soek na betekenis en geluk – wat dié…

Vier jou geleentheid in styl! By Loch Lynne-wynlandgoed word elke geleentheid 'n onvergeetlike ervaring. Die landgoed, wat tussen wingerde en majestueuse berguitsigte net buite Durbanville geleë is, bied 'n versameling elegante lokale wat ontwerp is om by elke geleentheid se styl te pas van intieme byeenkomste tot groot vieringe. Kies tussen die Glashuis, Balsaal en Binnehof. Bespreek nou jou volgende geleentheid. www.lochlynne.co.za STILIS ZEENAT KHAN STILISASSISTENT ALEXANDRA BENJAMIN FOTO'S GARETH VAN NELSON FOTOGRAAF-ASSISTENT LAUREN FREDERICKS HAREEN GRIMERING LAURA MITCHELL MODEL SHIELA HO/ICE MODELS VIND HIERDIE ARTIKELS BY: AYANA www.ayana.co.za FOREVER NEW www.forevernew.co.za/collections/new-in FOSCHINI www.bash.com/foschini LOVISA www.lovisajewellery.co.za/collections/new-arrivals MILADYS www.miladys.com/clothing POETRY www.poetrystores.co.za/ WOOLWORTHS www.woolworths.co.za ZARA www.zara/com/za/…

Skoonheidswenke vir jou slaaptydroetine HANNON BOTHMA Voorkomskenner en aanbieder van Glam Guru op kykNET 1 | Maak jou vel goed skoon voordat jy gaan slaap om grimering sowel as vuiligheid wat gedurende die dag opgebou het, te verwyder. Gebruik 'n reiniger wat vir jou veltipe geskik is. 2 | 'n Nagproduk se molekules is kleiner as 'n dagproduk en kan jou vel dus dieper binnedring wanneer jou vel oornag herstel. 'n Nagserum moet gevolg word deur 'n nagroom, wat nie net ekstra vog aan die vel verleen nie, maar wat help met die verfyning van die veltekstuur asook die behandeling van pigmentasie. 3 | Tik 'n bevogtigende oogroom aan die sensitewe vel rondom jou oë. Dit voorkom swelling, verdonkering onder die oë, en verminder fyn lyntjies. 4 | Bevogtig jou…

Voel jy nie heeltemal lekker nie? Jou derm kan die oorsaak wees As jy traag, opgeblaas of nie heeltemal soos jouself voel nie, vra jou derm dalk vir bietjie herstel. Daaglikse faktore soos stres, verwerkte voedsel en gifstowwe kan die balans van bakterieë in jou spysverteringstelsel ontwrig – wat nie net vertering beïnvloed nie, maar ook jou energievlakke, bui en immuunstelsel. Rawbiotics bied 'n natuurlike, doeltreffende manier om jou derm weer in balans te bring. Hierdie lewende, vloeibare probiotika wat met kruie-aftreksel en rou bestanddele gefermenteer is, ondersteun verbeterde vertering, verbeterde voedingstofopname en algehele lewenskrag. Dit help jou om ligter, energieker en gebalanseerd te voel. www.rawbiotics.co.za Kry balans Met MetaRelax® se unieke dag-en-nag-kombinasie, kry jy ondersteuning wanneer jy dit die meeste nodig het. Gedurende die dag help magnesium, B-vitamiene en…

Varkroerbraai met soetsuursous ✤ 4 porsies SOETSUURSOUS 187 ml (¾ k) suiker 166 ml ( k) water 80 ml ( k) witasyn 60 ml (4 e) sojasous 30 ml (2 e) mielieblom 15 ml (1 e) tamatiesous VARKROERBRAAI bietjie olyfolie 1 knoffelhuisie, gekap 600 g varkvleisrepies sout en peper na smaak 1 rooi soetrissie, ontpit en in repies 1 geel soetrissie, ontpit en in repies klompie suikerertjies (mange tout) 30 ml (2 e) boontjiespruite 3 grasuie, gekap 15 ml (1 e) sesamsaad SOETSUURSOUS Verhit bestanddele saam in kastrol tot kookpunt. Draai hitte laer en laat vir 3 minute prut terwyl jy af en toe roer. Verwyder van hitte wanneer sous verdik het. Hou eenkant tot benodig. VARKVLEISROERBRAAI Verhit olie en soteer ui en knoffel tot sag. Skep uit. Gooi nog…

Grenadella-yskastert ✤ 1 tert KOEKIEKORS 300 g (1½ pakkie) tenniskoekies 50 g (½ pakkie) pekanneute, grofgekap 150 g botter, gesmelt VULSEL 385 g (1 blik) kondensmelk 125 ml (½ k) suurlemoensap 80 g (2 × 40 g-pakkies) grenadellajellie 250 ml (1 k) kookwater 750 ml (3 k) grenadellajogurt KOEKIEKORS Kap koekies en neute saam in voedselverwerker tot fyn. Giet gesmelte botter by en roer tot goed gemeng. Gebruik losboomkoekpan of tertbak met 23 cm in deursnee en ongeveer 5 cm-rand. Druk koekiekrummels op bodem en teen kante van tertbak of losboomkoekpan vas met agterkant van lepel. VULSEL Meng kondensmelk en suurlemoensap saam in mengbak. Roer jelliepoeier en kookwater saam tot heeltemal opgelos. Plaas jelliemengsel vir 15 minute in yskas om vinnig af te koel. (Daar kom nie koue water by…

Linza van Aswegen (70) ken die bitter daarvan om 'n ouer te verloor. Sy het albei haar ouers op 21 verloor en om dié rede is dit vir haar noodsaaklik om aan haar dogters oor te dra hóé belangrik emosionele veerkragtigheid is. Daarsonder sal 'n mens moeilik die uitdagings van die lewe kan navigeer. Die lewe is 'n lied, ja, maar as jy nie die vaardighede het om die uitdagings te trotseer nie, kan dié lied vinnig 'n nagmerrie word, sê sy. Sy en haar twee dogters, Leré Heathcote (37), 'n prokureur, en René Jansen van Vuuren (47), 'n somatoloog, het op die ingewing van die oomblik besluit om vir ons ma-en-dogter-kompetisie in te skryf toe René se oog die advertensie vang terwyl sy deur 'n rooi rose geblaai het.…

BEKENDES EN BLOMME ONS VOORBLADSTERRE Hierdie maand het ons sommer twee voorbladsterre, Je-ani Swiegelaar en Zandélle Meyer. Je-ani bly in 'n kompleks met 'n klein tuintjie en omdat sy baie weg van die huis af is, verkies sy plante wat nie baie sorg verg nie. “Ek hou eintlik van 'n tuin met 'n grasperk en bome. Ek het vrugtebome en twee koorsbome in die tuin.” Zandélle vertel blomme lê haar na aan die hart. Sy verduidelik haar naam Zandélle is saamgestel uit haar drie name, naamlik Suzaan, Catherine en Edell. “My eerste naam Suzaan beteken ‘lelie van die veld' en dis ook waarom Matteus 6:28 vir my spesiaal is: ‘En wat bekommer julle oor klere, let op hoe groei die veldlelies: hulle swoeg nie en hulle maak nie klere nie.…

Die ooggetuie is jou debuut. Die uitgewers het jou reeds gevra om 'n reeks te skryf met Julia Blomerus, 'n prokureur op die platteland, as hoofkarakter. Dit is voorwaar 'n pluimpie. Hoe, waar en wanneer het jy begin skryf? My droom om te skryf bestaan al vandat ek kan onthou. Ek het kleintyd myself vermaak deur stories te skryf en my gunsteling-skoolwerk was om opstelle vir Afrikaans of Engels te skryf. Ek het oor die afgelope 20 jaar ernstiger begin skryf en 'n hele aantal skryfskole bygewoon. Die eerste een was in 2006 en is deur prof Hans du Plessis aangebied. Frederik de Jager van The Talking Table het egter in die laaste twee jaar vir my baie beteken. Hy het baie met die ontwikkeling van Die ooggetuie gehelp. Wat…

WAT HET JY NODIG? ✤ 1 bal elk Vinnis Colours Nikkum in White en Blue Grey of kleure van jou keuse ✤ 4 mm-hekelpen ✤ Merker GROOTTE Voetlengte (ongeveer) 0-3 maande = 8,5 cm 3-6 maande = 10 cm 6-9 maande = 11 cm 9-12 maande = 12 cm GRYS SKOENTJIES Werk grootte vir grys skoentjies soos volg uit: Voetlengte ÷ 3 × 4 = grootte van vierkant (ongeveer) VIERKANT (MAAK 2) Maak 4 ks en gs in eerste st om ring te vorm. Rdte 1 | 3 ks (tel as lb), 2 lb in ring, 2 ks, (3 lb, 2 ks) 3 keer in ring, gs in 3de ks aan die begin, 1 ks, draai vierkant om met verkeerde kant voor. Rdte 2 | gs in 2ks-sp, 3 ks…

Sudoku 1, 2 & 3 van bl 118 SUDOKU 1 MAKLIK SUDOKU 2 MEDIUM SUDOKU 3 MOEILIK Raaikettings 1 & 2 van bl 120 RAAIKETTING 1 Skuins na onder: 1. Jas; 2. Ouer; 3. Kleed; 4. Alias; 5. Serie; 6. Rente; 7. Muise; 8. Sere; 9. San. Skuins na bo: 1. Jok; 10. Aula; 11. Seëls; 12. Reier; 13. Darem; 14. Sinus; 15. Eties; 16. Esra 17. Een. RAAIKETTING 2 Skuins na onder: 1. Mak; 2. Oker; 3. Strek; 4. Esels; 5. Elite; 6. Snoep; 7. Kelim; 8. Item; 9. Ere. Skuins na bo: 1. Mos; 10. Akte; 11. Kerse; 12. Reëls; 13. Klink; 14. Stoei; 15. Eelte; 16. Pier; 17. Mme.…

VEEARTS BEANTWOORD VRAE REGTE GEWIG Ek het 'n labrador wat baie vinnig gewig aansit. Hoe weet ek wat sy moet weeg? Oorgewig kan verskeie gesondheidsprobleme by honde veroorsaak. Die algemeenste probleem, veral vir labradors, is die verhoogde stres op die gewrigte wat vroeë artritis, en ook ernstiger tekens van artritis, kan veroorsaak. Ander probleme sluit chroniese inflammasie in die liggaam in, wat 'n verhoogde risiko vir ander siektes inhou, of reeds bestaande siektes vererger. As die hond vinnig gewig aansit, is dit altyd die beste om jul veearts te besoek om seker te maak daar is geen onderliggende mediese redes vir die gewigstoename nie. Ander dinge wat tot die gewigstoename kan bydra, is verkeerde voeding, ekstra lekkernye en gebrek aan oefening. Daar is geen presiese korrekte gewig vir 'n labrador…