Tabla de contenidos para August 2025 en Rooi Rose

Die belangrikste dinge in baie van ons se lewe is dit waarvoor ons eens gewag het. En dit was gewoonlik die wag werd … Toe die Vrouekeur-tydskrif gedurende die Covid 19-tydperk gesluit het, het ek gewonder of ek ooit weer by ’n Afrikaanse publikasie sou werk. Ek het intussen ander planne gemaak om die pot aan die kook te hou, maar ek het werklik daarna gesmag om weer by ’n Afrikaanse tydskrif te werk. Ek het my oor op die grond gehou en heeltyd uitgekyk vir poste wat dalk in dié rigting geadverteer word. Maande sonder enige geluk het verbygegaan, maar eendag gebeur dit toe wel wat ek gedink het onmoontlik gaan wees. Die wag en soek en bid het vrugte afgewerp! Wag kan met hoopvolle afwagting gevul wees. Maar…

Tinarie van Wyk Loots het kykers die afgelope paar maande ademloos gelaat met haar spel in die rol as Issie Fourie se ma, in kykNET se eerste ware misdaadreeks, Niggies. Issie en haar niggie, Petro Nel, is in 1966 in Odendaalsrus verkrag en vermoor en die families moes 20 jaar wag voor die skuldiges vasgetrek is. Tinarie is in albei tydsvakke – die jare sestig en tagtig – in die reeks te sien en speel ’n ma in haar dertiger- en vyftigerjare. Niggies is nog vir etlike weke op DStv Stream te sien. Tinarie word vanjaar 45, maar sy lyk beslis nie soos die verbitterde, effens afgeleefde Marie Fourie-karakter nie. Sy sê dis altyd lekker om ’n uitdagende rol te speel, en die menslikheid en integriteit in ’n karakter te…

Koel ivoor Dit roep 'n tydlose gesofistikeerdheid op met 'n tikkie romanse en ouwêreldse grasie. Sjokoladebruin Ryk en aards. Sjokoladebruin gee ’n warm, luukse gevoel. Pikswart Sterk en vreesloos. Swart spreek van selfvertroue, elegansie en dalk 'n tikkie rebelsheid. Wynrooi Donker. Ryk. Gesofistikeerd. ’n Diep wynkleur simboliseer luuksheid. Bosgroen Vars en aards. Groen kleure bring 'n koel gesofistikeerdheid mee. Dink aan saliegroen, mentgroen en smaraggroen. Potblou Genuanseerde skakerings van blou skep ’n “skoon” voorkoms wat nie te skerp of te hard oorkom nie, maar rustig en selfversekerd. Skarlakenrooi Speels, kragtig en vol begeerte. Rooi laat altyd die koppe draai. Grys en houtskool Skoon, koel en beheersd. Hierdie skakerings laat ’n uitrusting moeiteloos indrukwekkend lyk. STILIS ZEENAT KHAN STILISASSISTENT ALEXANDRA BENJAMIN FOTO’S GARETH VAN NELSON FOTOGRAAF-ASSISTENT LAUREN FREDERICKS HARE EN GRIMERING…

1 | MONDAY Moisture Leave-In Conditioner R139, CLICKS Die verpakking lyk asof dit op Instagram hoort, en is nie net mooi om na te kyk nie, maar verteenwoordig ’n handelsmerk wat inklusiwiteit en bekostigbaarheid vier. Die nuwe inlos-opknappers is propvol voedende bestanddele, wat belowe om verskeie haarkwessies te takel, sonder die salon se prys. Die Moisture-weergawe is my gunsteling, en bevat hialuronsuur, galambotter, amandelolie en meer. Dit kan op verskeie maniere gebruik word. As jou hare maklik koek, sproei dit deur die lengtes van jou hare voordat jy jou hare was sodat dit makliker uitkam. Gebruik dit dan ook nadat jy jou hare gewas het as jou hare ekstra droog is, of enige tyd wanneer die punte droog lyk. 2 | Shower to Shower Men 3 in 1 Shower Gel-reeks…

Ons weet hoe ons voel wanneer ons ’n goeie oefensessie agter die rug het, en hoe dit ’n bui kan verbeter, maar dis soms moeilik om aan die gang te kom. ✚ Fokus op daardie gevoel wat jy ná oefening ervaar en gebruik dit om gemotiveerd te bly. ✚ In plaas daarvan om te wag tot jy jou uiteindelike doel bereik het, vier die kleiner doelwitte en beloon jouself daarvoor. Bederf jouself met ’n manikuur, koop daardie mooi sportsbra, of doen iets wat jy geniet. ✚ Skryf vir jouself motiverende briefies en plak dit by jou spieël of teen jou kas op. Jy kan ook klere, wat nie meer pas nie, deel van jou doelwit maak en jou vordering prakties toon. ✚ Kry iemand om saam met jou te oefen.…

Gebakte pekanneutkaaskoek ✚ porsies KORS 200 g (1 pakkie) koekies (digestive wholewheat biscuits) 125 ml (½ k) pekanneute, fyngekap knypie fyn kaneel 80 g (⅓ k) botter, gesmelt VULSEL 750 g (3 x 250 g) roommaaskaas 3 eiers 187 ml (¾ k) ligte bruinsuiker 30 ml (2 e) gouestroop 5 ml (1 t) vanieljegeursel knypie sout KARAMELSOUS 100 g (⅓ blok) botter 250 ml (1 k) ligte bruinsuiker 125 ml (½ k) room knypie fynkaneel knypie sout PEKANNEUTAFRONDING 250 ml (1 k) pekanneute, grofgekap Stel oond op 160 °C. KORS Kap koekies, pekanneute en kaneel saam in voedselverwerker tot fyn. Giet gesmelte botter by koekiekrummels en roer tot gemeng. Spuit 22 cm-losboomkoekpan met kossproei en druk koekiekrummels op bodem vas. VULSEL Klits maaskaas, eiers en bruinsuiker met elektriese klitser tot glad. Voeg gouestroop, vanieljegeursel en sout by en klits tot goed…

Jacqui Simaan woon in KwaZulu-Natal en het in Desember verlede jaar die pragtige woonstel in die Old Cape Quarter-gebou in De Waterkant, Kaapstad, gekoop sodat sy daar kan oorbly wanneer sy by haar dogter, wat op universiteit is, kom kuier. Haar dogter kan ook daar bly as sy net ’n bietjie van studentelewe wil wegbreek en in die lekker atmosfeer van die buurt wil wees. Jacqui sê dis die perfekte stadswegkruipplek as sy of haar dogter net weer hul batterye wil herlaai. Tussendeur huur sy dit soms op Airbnb uit en vriende kom bly ook af en toe daar. Sy sê dis ’n kleinerige boetiekwoonstelblok en die intimiteit, mooi ontwerp en karakter het dadelik haar oog gevang. Dit het ’n moderne, oopplanuitleg met twee slaapkamers, twee badkamers, en ’n oopplankombuis,…

Leon, jy het sakke vol boeke agter jou naam. Verlede jaar het Droomjagter verskyn, jy’t Het van Verlangekraal aangepak en nou verskyn Die volmaakte moord. Oor die afgelope drie dekades het daar byna elke jaar ’n boek uit jou pen verskyn; dis nou buiten jou skryfwerk vir radio en TV. Hoe en waar het jy begin skryf? As kind het ek my eie stories uitgedink. Soveel so dat my pa vir my ’n tikmasjien gekoop het waarop ek na hartelus kon skryf. Dit was stories wat niemand ooit gelees het nie, maar waarin ek myself verloor het. ’n Jaar nadat ek by die SAUK begin werk het, het die skrywer van ’n Springbokradiovervolgverhaal my laat weet sy kan nie meer nie en kon ek vyf halfuur-episodes vir die volgende dag…

WAT HET JY NODIG? ✚ ELLE Cotton On Seriously Chunky (100 g) ✚ 1 bal vir klein sakkie ✚ 2 balle vir groter sakkie ✚ 6 mm-hekelpen ✚ 2 merkers GROOTTE IN DEURSNEE Klein sakkie = 20 cm Groot sakkie = 24 cm AANWYSINGS Klein sakkie Begin met verstelbare ring en 6 kb. Plaas merker in laaste steek en skuif dit van nou af met elke rondte op. ALTERNATIEF Hekel 5 ks, gs in 1ste st, 1 ks, 6 kb in ring. Moenie rondte met glipsteek sluit nie. Plaas merker in laaste steek en skuif dit van nou af met elke rondte op. Van hier af word in aaneenlopende rondtes gehekel sonder om rondtes met gs af te rond. Plaas merker in laaste steek en gaan voort met kb in…

Sudoku 1, 2 & 3 van bl 118 SUDOKU 1 MAKLIK SUDOKU 2 MEDIUM SUDOKU 3 MOEILIK Raaikettings 1 & 2 van bl 120 RAAIKETTING 1 Skuins na onder: 1. Jag; 2. Amen; 3. Moses; 4. Siter; 5. Gedos; 6. Lewer; 7. Regie; 8. Reën; 9. Stg. Skuins na bo: 1. Jam; 10. Amos; 11. Gesig; 12. Netel; 13. Seder; 14. Rower; 15. Seges; 16. Riet; 17. Eng. RAAIKETTING 2 Skuins na onder: 1. Boa; 2. Adam; 3. Señor; 4. Sleep; 5. Erger; 6. Ester; 7. Eties; 8. Eeue; 9. RKK. Skuins na bo: 1. Bas; 10. Odes; 11. Aanlê; 12. Moere; 13. Regse; 14. Pette; 15. Reier; 16. Reuk; 17. Sek.…

Dit was onlangs my lotsbestemming om ’n minikonserttoer van vyf dae lank te onderneem. Alleen in my motor, het ek altesaam 20 uur na verskeie bestemmings op die Kaapse Tuinroete tussen SomersetWes en Jeffreysbaai afgelê. Daar is mense wat beweer dat hulle baie waarde uit meditasie put. Ek kon dit nog nooit werklik regkry om ure lank kruisbeen te sit en ’n mantra oor en oor te herhaal nie. Daarvoor het ek eenvoudig nie die geduld nie. Maar, ou maat, sit my agter ’n stuurwiel op die langpad, stoksielalleen, met net die wind wat deur die oop venster inwaai en die horison wat daar voor wegraak, en ek verander binne enkele ure in ’n geestelike wese. Daar is min dinge wat ’n mens so help om tot selfinsig te kom…

Met die eerste oogopslag is dit Megan Troskie se pragtige amandelvormige groen oë, porseleingelaat, blos op haar wange en perfekte lippe wat jou tref. Dit is die eerste keer dat ons in lewende lywe ontmoet. Sy het pas ’n paar tonele by Stark Studios in Randburg by Binnelanders klaar geskiet en ons ontmoet in Paputzi’s, ’n knus koffiewinkel in Linden, waar sy nou bietjie weg van die kameras kan ontspan. Megan het op 22 Julie mondig geword. Dit beteken dat sy nou amptelik die volwasse wêreld betree, maar eintlik het hierdie skamerige jong dame op September 2022, toe sy as die onskuldige Thalia by die Binnelanders-span aangesluit het, al daardie reuse-sprong na volwassenheid gemaak. “Buiten die twee kleingoed, Leah (Melinda Viljoen, wat Tracy speel se dogtertjie Liebe Viljoen) en Malie…

Wenke om jou wimpers langer en dikker te laat lyk HANNON BΟΤΗΜΑ Voorkomskenner en aanbieder van Glam Guru op kykNET 1 | GEBRUIK 'N WIMPERKRULLER: Voordat jy maskara aanwend, gebruik dit om jou wimpers saggies op te krul. Dit help om jou wimpers op te lig en langer te laat lyk. 2 | KIES DIE REGTE MASKARA: Soek 'n formule wat vir verlenging en volume gemaak is. Sorg dat die maskaraaanwender klein genoeg is sodat jy dit kan aanwend vanaf die vel tot by die punte van die wimpers. 3 WEND VERSKILLENDE FORMULES BO-OOR MEKAAR AAN: Vir ekstra dikte en lengte, gebruik verskillende tipes maskaraformules op een slag. Begin met 'n verlengende maskara om jou wimpers te verleng, gevolg deur 'n maskara wat volheid en digtheid belowe. 4 | VALS…

Maak griep minder goor Griep is ’n aansteeklike respiratoriese siekte met verskeie simptome soos liggaamspyn, koors, hoes, moegheid en meer. Een of ander tyd raak almal bietjie siek, en die winter is natuurlik die seisoen waar jy meer geneig is om goor te begin voel. Daar is gelukkig doeltreffende maniere om dit te voorkom, of die tyd te verkort wat dit vat vir die kiem om jou onder te kry. ✚ Gebruik aanvullings soos vitamien C, sink en echinacea om jou immuunstelsel op te bou. Jy kan dit regdeur die jaar gebruik. Heuning is ’n wonderlike bestanddeel wat help om jou keel te streel en jou minder te laat hoes. ✚ Drink baie water en warm drankies soos kruietee, en vermy alkohol so veel as moontlik wanneer jy siek is.…

Daar is heelwat van ons wat droom van ’n huisie by die see. Dit is belangrik om oordeelkundig die opsies te oorweeg as daar oor die koop, of dan alternatiewelik die huur, van ’n moontlike vakansiehuis besluit word. Langtermynplan Dis belangrik om ’n langtermynplan en ’n algehele finansiële portefeulje in ag te neem as daar oor die koop van ’n vakansiehuis besluit word. Bespreek die verskillende moontlikhede met ’n persoonlike finansiële adviseur om te verseker dat die besluit wat geneem word die beleggingsportefeulje in geheel en langtermyndoelwitte komplementeer. Ligging en ander kostes Die ligging van ’n vakansiehuis is belangrik en die eiendom moet in ’n omgewing geleë wees waar jaarlikse kapitaalgroei op die waarde van die eiendom sal realiseer. Neem bykomende kostes wat met die koop en besit van ’n…

Toeval het Martie Walker se professionele pad ná 30 jaar onherroeplik van rigting laat verander. Sy het drie dekades lank in gesondheidsorg gewerk, maar vandag is haar kleurryke ontwerpe van Iconic Designs in meer as 50 boetieks landswyd en selfs sover as Zimbabwe en Namibië beskikbaar. ’n Naweekbesoek met die spoedtrein na Shanghai het tot die begin van haar klere-onderneming gelei. Sy vertel van haar ateljee in Kaapstad: “My stiefseun, Ryan, het vir ’n jaar in Jinan in China studeer en ek het in 2014 verskeie kere by hom gaan kuier. Ek het in ’n hotelrestaurant in Shanghai waar ons oorgebly het, ’n Italiaanse ontwerper ontmoet. Sy het my genooi om saam met haar na die pluismeule te reis, waar sy die lapdrukproses moes goedkeur. Baie van die groot Europese…

De Krans Wyne het onlangs hul nuwe voorkoms vir hul portstylreeks bekendgestel. De Krans is deel van die eerste plase wat in 1757 in Calitzdorp uitgelê is, bekend as Buffelsvallei of Buffelvallei. Die nuwe logo en etiket beeld 'n vollyfbuffel uit om hulde aan hierdie diere te bring. Kleure soos robynrooi, bloupers en geelbruin word as kleurkapsules gebruik om die kleure en die rykdom van die verkillende portstyle te weerspieël. Die De Krans portstyl-wynreeks bestaan uit Cape Pink (R115), Premium Cape Ruby (R145), Cape Tawny Limited Release (R240) en die vlagskip, die Cape Vintage Reserve (R380). www.dekrans.co.za…

Bloekombome (Eucalyptus) kan tot 50 meter hoog groei. Die bas is oor die algemeen glad met ’n gevlekte grys-wit of rooierige oppervlak. Dit het lang, smal en groen blare met ’n sterk aromatiese reuk wanneer dit gebreek word, met roomkleurige wit blomme. Die vrugte is bruin peulagtige kapsules. Dit kan ’n taai gom laat uitlek wanneer die bas gebreek word. Die bloekom is aanvanklik vanuit Australië ingevoer en gekweek vir hout, skuiling en vuurmaakhout. Dit dien as windskerms, as bronne van heuning en om moerasagtige dele droog te lê. Daar bestaan meer as 700 variëteite van die Eucalyptus-spesies (inheems aan Australië en Suid-Asië), en daarvan is sowat 200 soorte in Suider-Afrika verbou. Nege daarvan is reeds as indringeronkruid in Suid-Afrika verklaar. Baie spesies van die Eucalyptus-plant dien tot groot voordeel…

Die Harold Porter Botaniese Tuin is geleë tussen die berg en die see by Bettysbaai in die WesKaap midde-in die Fynbos-kusgebied en sluit berghange, klowe, vlaktes, vleilande en duine langs die see in. Die tuin is bekend vir sy watervalle en lieflike poele. Dit sluit die hooffynbosfamilies, soos proteas, erikas en restio’s in, maar ook ander belangrike plantfamilies soos irisse, madeliefies en orgideë. Die rooi disa kom natuurlik hier voor sowel as ons nasionale blom, die koningsprotea. Daar is ook verskeie staproetes vir besoekers beskikbaar en die tuin is 365 dae per jaar oop. Besoek www.sanbi.org vir meer inligting…

✚ Die bangmaakrolprent Silent Hill is glo op die waarheid gegrond. Dit spook skynbaar werklik op die plek, en die rolprentspan het vreemde ervarings gehad. ✚ Ed Helms het mense laat skaterlag met sy uittand in die oordrewe komedie The Hangover. Die ironie was dat hy regtig een tand verloor het, wat hy toe maar tot voordeel van die rol gebruik het! ✚ Die rolprent All Dogs Go To Heaven het verskeie fliekharte geroer. Ongelukkig is die tienjarige aktrise Judith Barsi onverwags dood net voordat die rolprent uitgereik is. ✚ Almal onthou Macaulay Culkin se gesig toe hy deur die skurk in Home Alone gebyt is. Sy uitdrukking was werklik, want Joe het hom regtig gebyt! ✚ Steven Spielberg het ET en Poltergeist se storie aanvanklik as een verhaal vir…

So ’n paar jaar gelede het ek alleen op ’n tog na ’n eiland vertrek. Niks het gevoel soos dit eens het nie. Ek het per boot gegaan en dit was nie ’n reis wat ek in die besonder geniet het nie; ek was verlig om in die hawe van die eiland X aan wal te gaan. Gou het ek my in my kamer ingeruim en my voorgeneem om iets van die eilandlewe te ervaar. Dus het ek uit die dorp gestap met die strande en afgronde langs, en ek het in ’n ligte woud en op sandduine tyd verwyl. Soggens en saans het ek by die hotel geëet, alleen by ’n klein tafel reg teen die muur en weg van die uitsig oor die swembadarea. Ná aandete is ek…

Ek en my drie enkellopende vriendinne, Marie, Joyce en Santie, het besluit om by ’n vyftigplussersingles’ klub aan te sluit, terwyl daar nog lewe en ’n paar werkende hormone in ons bloed is. Die besoek aan my bejaarde ouers by die aftreeoord verlede maand het my eers neerslagtig gelaat – en toe geïnspireer om die lewe as ’n “noglank-nie-koud-nie-vyftigplusser” voluit aan te gryp. Ons groepie vriendinne nader ons herfsjare, met al hoe meer liggaamsdele wat afsak of uitval, maar ons is nog ver van kaalgestroopte winterbome wat net sit en wag om vuurhout te word. Ons vier girls het eenparig besluit dat ons behoorlik sou groom voor ons die eerste keer gesig by die singles’ klub se bring-en-braai-aand gaan wys het. Eerste indrukke is blywend, sê die wyses. Ons wou…

‘Ek het deurgaans probeer om die boere sowel as die pasmaats op hul gemak te laat voel. Ek wou hê dat hulle my as vriendin moes sien’ Dis die oggend ná ’n langnaweek en die normaalweg woelige Reandi Grey is behoorlik uitgerus ná ’n wegbreek saam met haar gesin. “Ons was saam met ’n groep vriende en hul kinders op ’n kennis se plaas net buite Brits. Die kinders was só besig. “Dan doen hulle opstote in die stofpad, of speel rugby en vang goggas. Die goggaboks was omtrent volgepak. Ons het huis toe gekom met ’n brandwurm, ’n naaldekoker, drie geitjies, ’n akkedis en vier motte. My kinders is versot op diere, van ’n insek tot ’n kameelperd.” Die plaaslewe lê haar nog altyd na aan die hart, vertel…

Gerald Steyn is pas klaar aan die dag se tonele verfilm. Sommer met die intrapslag, wanneer hy al kouend groet, besef jy dit gaan ’n lekker ontspanne onderhoud wees. “Sorry, bad timing,” grinnik hy, “ek het verby die beskuitblik gestap en een gegryp.” Eers verduidelik hy waarom sy arm in ’n slinger is. “Ek en Reynhardt Hugo het touch-rugby in ’n amateurtoernooi gespeel. Ek het vir ’n losbal geduik en toe hoor ek net ’n klapgeluid: Die sening in my biseps is geskeur. ’n Paar dae later het hulle geopereer.” Die Binnelanders-skryfspan moes vinnig inspring en die storielyn aanpas. “Dis ook nie my eerste rugbybesering nie,” sug die man wat sedert kindsbeen baie sportief is. “Ek het al my hand én my gewrig gebreek. “Ek het lank daarvan gedroom om…

Niks beklemtoon jou pragtige oë soos prentjiemooi wenkbroue nie! Isabella Garcia se Hello Lovely Tinted Brow Perfector (R486, isabellagarcia.co.za) is die geheim tot definisie, balans en moeitelose elegansie. Dit lewer ongeëwenaarde resultate, ongeag jou wenkbrouskakering of velkleur! Die formule bevat Redensyl™, ’n tegnologies gevorderde filmvormer wat aan die haartjies bind — dit definieer, vorm en voed jou wenkbroue, en help om dit oor tyd gesonder en voller te maak. Die unieke, bolvormige borselpunt bied gemaklike beheer vir die invul van wenkbroue waar nodig. Gebruik die kode “WENKBROUE” om R100-afslag te kry op een vir jou!…

Wen Een leser kan ’n SKIN Willem Botha Beautygeskenkpak ter waarde van R2 700 wen. Dit sluit die volgende in: ✚ Ultimate Cleanser ✚ Advanced Serum ✚ Active Moisturiser ✚ Renewing Exfoliator ✚ Daily Protection Besoek www.rooirose.co.za en klik op die WEN-blokkie voor of op 21 Augustus 2025 om vir die prys in aanmerking te kom. *Slegs een inskrywing per persoon Hoe het die eerste helfte van 2025 so vinnig gevlieg? Die laaste paar maande het ek van die lekkerste Masterclasses nog gehad. Van Pretoria en George tot Bultfontein, Modimolle en Gobabis, Namibië. Mense vra my soms of ek dit steeds ná al die jare geniet en ek kan eerlikwaar sê ek geniet dit nou soveel meer. Ek dink dit kom met selfvertroue en gemaklikheid met die wete dat…

rooi rose se kosredakteur! Welkom aan Marlo Carstens, rooi rose se nuwe kosredakteur wat lesers met haar innoverende idees gaan bystaan om elke maaltyd in ’n feesmaal te omskep. Lees meer oor Marlo op www.rooirose.co.za Avokadowafels ✚ 4 porsies WAFELS 500 ml (2 k) koekmeel 15 ml (1 e) mielieblom 5 ml (1 t) koeksoda 2,5 ml (½ t) sout 30 ml (2 e) suiker 250 ml (1 k) avokadopulp 15 ml (1 e) olie 2 eiers 250 g (1 bakkie) roommaaskaas 187 ml (¾ k) melk OM VOOR TE SIT heuning of gouestroop geposjeerde eiers WAFELS Sif koekmeel, mielieblom, koeksoda, sout en suiker saam. Meng avokado, olie en eiers tot goed gemeng; roer dan maaskaas en melk by. Wanneer mengsel goed gemeng en glad is, voeg dit by droë mengsel en roer tot ’n deeg. Spuit wafelpan met kossproei…

Vier kos en wyn ✚ 1-3 Augustus | Good Life Show, Kyalami-konvensiesentrum, Johannesburg, www.quicket.co.za ✚ 2-3 Augustus | Stellenbosch-wynfees, Stellenbosch, www.winetown.wineroute.co.za ✚ 1-10 Augustus | Hermanus-kalfiefees, Hermanus, www.kalfiefees-hermanus.co.za Delish! Delish Sisters is ’n Suid-Afrikaanse handelsmerk wat deur twee talentvolle susters begin is. Rebecca en Kate Lund is gek na kosmaak en het selfs ’n resepteboek op die rakke, genaamd Delish Sisters – Tasty Food Made With Love. Hul produkte is onder meer by YuppieChef beskikbaar en sluit heerlike happies soos Delish Sisters Pecan & Seed Rusks teen R149, Delish Sisters Almond Florentines teen R129 en Delish Sisters Pecan Nut Shortbread vir R99 in. Meer inligting by Delish Sisters op sosiale media en produkte by www.yuppiechef.com Sewe kleure vir Sondae Jy het nog net tyd tot einde Augustus om die Marble-restaurant in die…

Die gemiddelde volwassene neem daagliks ongeveer 35 000 besluite. Van eenvoudige keuses soos wat om te eet, tot komplekse besluite wat jou toekoms beïnvloed. Dikwels kom jy nie eens agter jy neem ’n besluit nie – dit gebeur outomaties. Maar al hierdie besluite – groot en klein – kan jou lewe kompliseer en jou uitput en uiteindelik ook uitbrand. Kenners sê die goeie nuus is dat jy dit kan verhelp deur stappe te neem om jou besluite te verminder en jou lewe te vereenvoudig. Besluitnemingsmoegheid onder ’n vergrootglas Wanneer jou brein oorweldig is en jy moeiliker goed deurdagte besluite kan neem, is jy waarskynlik besluitnemingsvoos – ’n toestand wat nie net ’n impak op jou produktiwiteit en doeltreffendheid het nie, maar ook ’n beduidende invloed op jou geestesgesondheid, stresvlakke en…

GEE ASSEBLIEF RAAD OOR BEMESTING HIERDIE TYD VAN DIE JAAR. EN HOEKOM NOU? Hier is ’n paar wenke oor bemesting vir Julie en Augustus: 1 | Grondontleding Begin met ’n grondontleding om die voedingsbehoeftes van jou grond te bepaal. Dit help om te weet watter voedingstowwe kortkom en wat jy moet byvoeg. 2 | Stikstof (N) Stikstof is noodsaaklik vir plantegroei. In die wintermaande kan jy stikstof toedien om die grond vir die lenteplantseisoen voor te berei. 3 | Fosfor (P) Fosfor bevorder wortelontwikkeling en blomvorming. Dit is belangrik om fosfor vroeg in die seisoen toe te dien sodat dit beskikbaar is wanneer die plante begin groei. 4 | Kalium (K) Kalium help met die algehele gesondheid van die plant en verhoog weerstand teen siektes. Dit is ’n goeie idee…

Ek kon dalk met ’n skemerkelkie op die dek van ’n skip gesit het, maar toe ek die kans kry om in ’n deel van ons land, wat nog werklik wild is, die berge in te vaar, het ek vinnig van plan verander. Die plesiervaart moes maar eers wag, want die Baviaanskloof se camino het geroep. Dit is ’n meganatuurreservaat in die suidwestelike kant van die Oos-Kaap, en is ’n bewaarde gebied wat oor bykans 500 000 ha strek en waar daar ’n verskeidenheid van planten dierlewe voorkom. Daar is slegs twee ingangspunte, een naby Patensie en die ander naby Willowmore. Danksy die feit dat dit óf in privaat besit óf streng deur die Oos-Kaapse Parke- en Toerisme-agentskap (ECPTA) gereguleer word, is dit omtrent net vierwiel-entoesiaste, voëlkykers en buiteluggeesdriftiges wat…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 BLOKRAAI 6 LEIDRADE DWARS 1. Botterbroodjie (4) 4. Pees (6) 7. Aanhoudend babbel (6) 8. Versierde houer (4) 9. Voerbak (4) 11. Vuil maak (6) 12. Komies (6) 13. Nakomelinge (4) 14. Spyskaart (4) 15. Merke (6) 17. Remme (6) 18. Rookafval (4) AF 2. Beskuldigend staan teenoor iemand (11) 3. Vogtig (3) 4. Tart (3) 5. Platslaan (7) 6. Opmerksame (11) 10. Houtsneewerk (7) 11. Woud (3) 15. Gesluit (3) 16. Motor (3) LEIDRADE DWARS 7. Siekes (7) 8. Spaanse kreet (3) 9. Oproer maak (4) 10. Gewrigte (5) 12. Elegansie (5) 13. Die hele spul (5) 14. Skerp (5) 15. Vrug se bedekking (4) 18. Suurdeeg (3) 19. Op die gemoed afdruk (7) AF 1. Spook (4) 2. Hekeldigters (11) 3. Skamerig (3) 4. Sierstruike (7) 5. Gevestig raak (11) 6. Gesond maak (6) 11. Van geen nut nie (7) 12. Adders (6) 16. Braai-afdak (4) 17. Trilpopulier (3)…

VEEARTS BEANTWOORD VRAE MA SE KATTEKIND Ek het nog nooit ’n kat gehad nie, en wil graag een aanneem. Wat moet ek oor hul algemene gesondheidstoestande weet? Katte is fantastiese troeteldiere wat maklik by die meeste huishoudelike omgewings aanpas. Bekyk dié kontrolelys: › Katte onder een jaar oud moet twee inentings (teen hondsdolheid en teen katvirusse) ’n maand uitmekaar uit ontvang. Hulle moet jaarliks ’n opvolginenting teen hondsdolheid kry. › ’n Breëspektrum-ontwurmingsmiddel kan minstens elke derde maand toegedien word. › Bosluis- en vlooibeheer moet gereeld toegedien word. Selfs al word jou kat streng binnenshuis gehou, kan parasiete steeds in die huis beland. › Katimmuniteitsgebreksvirus en katleukemie is siektes wat die immuunstelsel aftakel. Dit kan wel met ’n vinnige en bekostigbare toets gediagnoseer word. › Ouer katte…