Tabla de contenidos para 5 March 2026 en Landbouweekblad

Katoenboere Met die 2025-’26-seisoen volstoom aan die gang, dui die eerste skatting van die katoenoes op ’n toename van 19% in aanplantings teenoor ’n jaar gelede en ’n toename van 33% in die verwagte oes. Volgens Katoen SA se eerste markverslag vir die jaar word die kommersiële oes op 83 140 bale vesel (200 kg-bale) geraam teenoor die vorige seisoen se 62 320 bale. Die totale oppervlakte onder katoen is tans 15 570 ha teenoor die vorige seisoen se 13 081 ha. Dr. Annette Bennett, uitvoerende hoof van Katoen SA, sê daar is ’n kans op ’n goeie oes, al was daar bogemiddelde reënval in sommige gebiede en haelskade in ander. “Die reën was baie welkom vir droëlandproduksie en ’n bogemiddelde opbrengs word verwag.”…

Prof. Stephen Hawking, een van die briljantste teoretiese fisici en kosmoloë wat nóg geleef het, het gesê: “Die grootste vyand van kennis is nie onkunde nie, dit is die illusie van kennis.” Dit is mooi opsomming van ’n yslike probleem wat Suid-Afrika teister. In dié land is die illusie van kennis onder mense wat belangrike besluite namens ons almal moet neem, iets wat die land herhaaldelik groot skade berokken. Die huidige bek-en-klouseerkrisis is juis grootliks te wyte aan ’n klomp mense, onder meer staatsamptenare verantwoordelik vir nasionale biosekerheid, wat ondanks herhaaldelike waarskuwings net nooit die moeite gedoen het om hulself goed te verwittig van die volle omvang van die land se biosekerheidsbedreigings nie. Daaronder tel waarskuwings oor reeds bestaande biosekerheidskrisisse, soos die brucellose-epidemie, wat bewys het hoe ver die land…

LANDBOU-ORGANISASIES, soos die Melkprodusenteorganisasie (MPO), die Rooivleisprodusente-organisasie (RPO) en die Voerkraalvereniging, sal die dosisse van die entstof kan koop, het John Steenhuisen, minister van landbou, in ’n onderhoud aan Landbouweekblad gesê. Entstof sal nie gratis aan boere gegee kan word wat hul diere wil inent voordat die regering se inentingsprogram hulle bereik nie. Volgens hom sal die gemiddelde prys per dosis ‒ na gelang van die tipe entstof ‒ tussen R45 en R80 wees. ‘Laagste prys moontlik’ “Ons het dit ook baie duidelik gestel aan Onderstepoort Biologiese Produkte (OBP), wat met Biogénesis Bágo (van Argentinië) sake doen, dat ons in ’n krisis is. “Dit is nie nou die geleentheid om ’n wins te maak nie. Ons moet die entstowwe die land inbring en teen die laagste prys moontlik hou sodat…

DESIGN BIOLOGIX, wie se eksklusiewe agentskap vir die invoer en verspreiding van die Argentynse entstof teen beken-klouseer (BKS), Bioaftogen, herroep is nadat die regering daarop aangedring het om direk ’n ooreenkoms met die vervaardiger Biogénesis Bagó te sluit, het sy stilte verbreek. Volgens Design Biologix dui verskeie stukke korrespondensie daarop dat Onderstepoort Biologiese Produkte (OBP) en senior amptenare in die departement van landbou reeds van die begin af daaraan gewerk het om die entstof-ooreenkoms tussen hom en Biogénesis Bagó te verydel. Volgens Design Biologix was die laaste strooi waarskynlik toe John Steenhuisen, minister van landbou, op 9 Februarie in ’n onderhoud op die DA se provinsiale kongres in Potchefstroom, Noordwes, geïmpliseer het dat dit Design Biologix self was wat sy aansoek om die entstof in te voer en te versprei,…

BEK-EN-KLOUSEER (BKS) kom selde alleen voor, en is ’n siekte wat veeartse dikwels verkeerd bewys. “Ek is nie ’n kenner nie, maar ondervinding het my geleer,” het dr. Jacqui Marais, ’n veearts van KwaZulu-Natal, op die onlangse BKS-slypskool van Agri Mpumalanga op Ermelo gesê. Marais, ’n grootdiereveearts met praktyke op Dundee, Newcastle en Vryheid, werk al byna ’n jaar lank in ’n siektebeheergebied waar BKS endemies geword het. “Dit is ’n ervaring wat ek nóóit weer wil hê nie.” Volgens haar het die kliniese simptome van die siekte oor die afgelope maande verander. “In Junie en Julie verlede jaar het ons hoofsaaklik bekletsels gesien – speeksel, blase, die voering van die tong wat letterlik in jou hand afkom. Die pote het eers twee weke later simptome begin wys.” Nou, in…

’N BOER van Jansenville in die Oos-Kaap het 130 Angorabokke, tien Boerbokke en verskeie kilometers se draadheinings verloor toe 110 mm reën binne ’n uur op sy plaas uitgesak het. Sakkie Taljaard van die plaas Olyvenfontein, wat ook die jagonderneming Noorsveld Safaris bedryf, sê ’n week ná die wolkbreuk op 9 Februarie kon hy nog nie in die veld kom om te kyk wat die omvang van die skade is nie. Hy kon selfs nóg meer diere verloor het. Dit was baie droog voor die reën en hy voer die bokke al van speentyd in November af. Hy sê water van omtrent ’n meter hoog het deur die kamp geloop waarin die diere was en dit is platgevee. “Dit was hoër as die sif van die drade. Die bokke het…

Terwyl die ekonomiese krisis verdiep, baie beesboere nie hul vee kan bemark nie en stoet- en produksieveilings afgestel word – alles met ernstige implikasies vir kontantvloei – is daar steeds ’n geveg met die minister van landbou, John Steenhuisen, en sy amptenare wat vasskop om die private sektor volledig by oplossings en die toediening van grootskaalse inentings teen bek-enklouseer (BKS) te betrek. As die landbou nie nou die sentrale beheer (en onbeholpenheid) van die staat kan afwater nie, is die beesbedryf én die landbou vir die afsienbare toekoms in groot moeilikheid. Die feit dat pres. Cyril Ramaphosa die BKS-uitbreking in sy staatsrede in Februarie tot nasionale ramp verklaar het, sal hopelik tot daadwerklike optrede lei ná die staat se gesloer. Dit is beslis nie ’n geval van gogga maak vir…

MENSE dink dikwels wol kan net vir klere en matte gebruik word, maar die internasionale wol-en-tekstielorganisasie (IWTO) sê wol se natuurlike, hoëtegnologieeienskappe maak dit geskik vir die strafste toestande. Bemanningslede van Nasa en die internasionale ruimtestasie verkies klere van superfyn Merino-wol omdat dit vlamweerstandig tot 600 °C is, antistaties is en reuke uitstekend in nulswaartekrag-omgewings in toom hou. As gevolg van wol se lae ontbrandingsdrumpel en natuurlike vermoë om “asem te haal”, word dit al hoe meer aan die binnekant van elektriese voertuie gebruik. Lanolien, vir jare ’n bekende bestanddeel van vogroom, is ’n neweproduk van die wolwasproses en steeds ’n voorste mediesegraad-bevogtiger om menslike velle teen die son en wind te beskerm. Die ingewikkelde mikroskopiese struktuur van wol maak dit ’n nuttige materiaal in professionele klankopname-ateljees om klank te…

Boere maak altyd ’n plan, en met drie ingenieurs in ’n familieboerdery van ses lede word die planne vermenigvuldig en elke plaastaak met presisie benader. Hul agtergrond as ingenieurs kom die familiehoof, Kiewiet Ferreira, en twee van sy seuns goed te pas, terwyl die derde seun se handelsgraad ’n ander dimensie tot die gemengde boerdery van die Ferrero-groep van Harrismith toevoeg. Kiewiet, die uitvoerende hoof, het hom as siviele ingenieur bekwaam, Theo (46) en Nelius (44) is elektroniese ingenieurs en die laatlam Johan (34), het ’n BCom-graad in agribesigheidsbestuur verwerf – almal aan die Universiteit van Pretoria. “Ek het hulle aangemoedig om ’n ander kwalifikasie te hê en nie bloot te gaan leer hoe om te boer nie,” sê Kiewiet. Al drie seuns het direk ná hul studies begin boer.…

Hoekom het julle besluit om die waardeketting te betree met jul meul en bakkery? Ons het besef ons verloor beheer oor die gehalte van die koring sodra dit ons plaas verlaat. Deur self te maal, kan ons die natuurlike voedingswaarde en smaaklikheid van koring behou en seker maak niks word onnodig bygevoeg of verwyder nie. Ons het ’n produk geskep wat ons familiewaardes en die streek waar ons boer, weerspieël. Ons familie is betrokke by die oprigting van voer- en meelmeulens oor Afrika heen, en het besef watter voordele koring van goeie gehalte inhou. Het die grond en klimaat van die sentrale Drakensberggebied ’n invloed op die gehalte van jul koring? Die skoon berglug, koel nagte en betroubare somerreën skep die ideale groeitoestande. Ons grond is van nature vrugbaar, met…

Belange en beginsels is twee woorde wat meestal lynreg teenoor mekaar staan. Belange – en hier word spesifiek aan eiebelang gedink – wortel in die verdorwe aard van die menslike natuur; dit groei in die ego (die eie-ek) wat gedurig daarop ingestel is om eie voordeel te soek. Dit vra: Hoe kan ek myself groter maak, al is dit ten koste van ander? As ek trapklippe moet gebruik om my medemens voor te spring, huiwer ek nie om dit te doen nie, selfs al moet ek my medemens self as trapklip gebruik. Eiebelang laat ’n mens dink aan indringerplante wat groei waar dit nie hoort nie. Dit steel die habitat van goeie plante; die wortelstelsel is meestal aggressief en versprei vinnig. Dit is soos eiebelang werk. In feitlik al die…

Die TABEL toon ’n opsomming van grondtransaksies groter as 10 ha in die Oos-Kaap vir die 12 maande tot November 2025. Oor dié tydperk is 348 ooreenkomste in 35 distrikte gesluit. In die proses is 226 895 ha teen altesaam R2,680 miljard verhandel. ’n Vergelyking per kategorie teenoor die vorige 12 maande toon die volgende: Grondverhandeling kleiner as 50 ha was 19% (19%), 50 ha tot 150 ha 17% (14%), 150 ha tot 300 ha 13% (12%), 300 ha tot 450 ha 10% (12%), 450 ha tot 600 ha 7% (7%), en groter as 600 ha 33% (26%). Die kategorieë 50 ha tot 150 ha, 150 ha tot 300 ha en groter as 600 ha toon toenames in verhandeling. Altesaam 62% van die distrikte toon ’n gunstige prysneiging, onder meer…

BYEENKOMSTE 10-12 MAART: African Wild Dogs United 2026. Virtuele internasionale konferensie oor die bewaring van wildehonde. Web: wilddogs.org 11-13 MAART: Graintech Africa. Gallagher-konferensiesentrum, Johannesburg. Registreer op: sa.graintechafrica.com 11-13 MAART: Iplex Africa. Internasionale pluimvee- en veeuitstalling. Gallagher-konferensiesentrum, Johannesburg. Registreer op: iplexafrica.com 12-13 MAART: 90ste jaarvergadering en kongres van die Meulenaarskamer. Pezula Nature Retreat, Knysna. Meer inligting op: grainmilling.org.za 17 MAART: Landbouweekblad se herlewingslandboukonferensie op Moorreesburg. E-pos: events@landbou.com. Kaartjies op: quicket.co.za 24 MAART: P3NC se kleinvarkiekonferensie. Serengeti-landgoed, Kempton Park. Navrae: 073 874 9349. Web: p3nc.co.za 24-25 MAART: Simposium van die Graanhanteringsorganisasie van SA. Diaz-hotel, Mosselbaai. Web: grainorgsa.co.za 25-26 MAART: Undercover Farming-konferensie. WNNR-internasionale konvensiesentrum, Pretoria. Navrae: Suzanne Oosthuizen, 082 832 1604, e-pos: expo@undercoverfarmingexpo.com. 26-27 MAART: African Farming- imbizo. Pretoria. Navrae: Apollo Bomvana, 067 217 0190, e-pos: Apollo.Bomvana@media24.com 15-16 APRIL: A-Z-pekankonferensie. Dendron-boerdery, Orania. Navrae: 087 092…

Suikerrietbedryf Tensy belanghebbendes saamwerk om Suid-Afrika se 178 jaar oue suikerrietwaardeketting van ondergang te red, sal die lewensbestaan van duisende suikerrietkwekers daarmee heen wees. Droogtes, vloede, onrus, stygende produksiekoste, dalende inkomste, “suikerbelasting” en gestorte suiker veroorsaak groot probleme, en onlangs is gevra dat Tongaat Hulett onder voorlopige likwidasie geplaas moet word. Die waardeketting bestaan uit 29 459 klein en 1 153 groot suikerrietkwekers wat oor sowat 350 000 ha in KwaZulu-Natal en Mpumalanga versprei is. Hulle produseer altesaam byna 17 miljoen ton suikerriet per jaar wat vir verwerking aan 12 suikermeulens, besit deur ses verskillende maatskappye, gelewer word.…

POSBUS 1802, KAAPSTAD 8000; e-pos: lbw@landbou.com Staatsmislukking bedreig boere en voedselveiligheid Suid-Afrika se bek-en-klouseerkrisis is nie ’n natuurramp nie. Dit is die voorspelbare gevolg van jare se regeringsversuim, bestuursverval en ’n hardnekkige geloof in sentralisasie en burokratiese beheer ten koste van reaksievermoë, kapasiteit en samewerking. Vandag betaal boere, plaaswerkers en die breër landboubedryf die prys vir ’n staat wat nie meer sy mees basiese pligte kan uitvoer nie. Bek-en-klouseer het nie gister uitgebreek nie. Die siekte is reeds sedert 2021 wydverspreid in die land, en tog het die regering eers onlangs begin praat van ’n “oorlog” teen bek-en-klouseer. Oorloë word egter nie gewen met toesprake en beloftes nie, maar met beplanning, kapasiteit en, bowenal, ammunisie – in hierdie geval entstowwe. Die wagters het die hek oopgelos Die bitter ironie van…

DIE proses om private veeartse se aansoeke te oorweeg in die stryd teen BKS het momentum gekry nadat dr. Reinhardt Venter kort voor druktyd deur die departement van landbou gemagtig is om aan die inentingsproses deel te neem. Volgens dr. Dave Midgley, uitvoerende hoof van die herkouerveterinêre vereniging van Suid-Afrika (Ruvasa), stem die proses ooreen met die aansoek van veeartse van buurlande om plaaslik te werk. Aansoekers moet ’n BLNS-magtigingsvorm invul. BLNS staan vir Botswana, Lesotho, Namibië en Swaziland (nou Eswatini). “Dit is ’n vorm van vier bladsye wat ingevul moet word, en daarmee saam moet die betrokke veearts ’n sakeplan inhandig. Dit was een van die wonderlikste dae in my loopbaan as veearts toe die regering uitgereik het om te vra hoe private veeartse kon help.” Volgens Midgley het…

ONDANKS administratiewe knelpunte bly Dunevax, die alleenagent vir die Turkse maatskappy Dollvet Biotechnology se dieregesondheidsprodukte in Suider-Afrika, daartoe verbind om die departement van landbou, die minister en boere te ondersteun in die hantering van die bek-en-klouseer- (BKS) krisis. Dr. David Gerber, die maatskappy se uitvoerende hoof, het gereageer op navrae oor die lang tydsverloop tussen Dunevax se aansoek om ’n artikel 21-permit in November verlede jaar en nou, terwyl ander invoerders se artikel 21-permitte oënskynlik baie vinniger uitgereik is. Gerber sê Dunevax se eerste aansoek is op 5 November ingedien en die permit is eers op 6 Januarie uitgereik nadat aanvullende inligting versoek en verskaf is. Die proses is toe verder vertraag weens ’n administratiewe fout met die uitreiking van die permit. Gerber beskryf dit as ’n administratiewe misverstand wat…

’N BOERDERYGEBIED van 2,2 miljoen ha in die noorde van Limpopo, waar die digste buffelbevolking in Suid-Afrika voorkom, is pas in ’n biosekerheidsone omskep om bek-en-klouseer (BKS) uit te hou. Daar is ’n groot aantal beesboere in die gebied, asook 663 wildplase met meer as 50 000 buffels. Die ontstaan van die Matlabas-sekerheidsone gee nuwe stukrag aan ’n reusepoging om boere te beskerm. Dit is ’n jagmekka en daar is ook talle veeboere wat asem ophou oor die vinnige verspreiding van die siekte elders in Suid-Afrika. BKS kom ook in die aanliggende Botswana voor. Op ’n boerevergadering in Februarie het dr. Johan Cronjé, veearts van Thabazimbi, vertel wat alles gedoen word om BKS uit te hou, en dat nuwe stappe beoog word om die veldtog te verskerp. Hy het aan…

BOERE kan vanaf 1 April sowat 25% meer uit die dieselrabatstelsel kry. Dit is danksy die regering se besluit om dit voortaan 100% deel van die kwalifiserende dieselverbruik van dié stelsel te maak. Boere kan tans 80% van hul kwalifiserende verbruik as ’n deel van die brandstofbelasting op diesel terugeis. Die tesourie het al in verlede jaar se begroting aangekondig dat die 80%-kwalifisering van 1 April vanjaar af deur ’n 100%-kwalifisering vervang sal word. Dit is deur ’n onlangse brief van die Suid-Afrikaanse Inkomstediens (SAID) bevestig. Op dieselverbruik van 1 000 liter wat vir die rabat kwalifiseer, beteken dit ’n boer kan van 1 April R3 720, teenoor die huidige R2 976, op grond van die huidige pryse en heffings op diesel terugeis. Dit is bereken volgens die 40% wat…

DIT is noodsaaklik dat navorsing in alle dele van die Karoo gedoen word omdat dit so moeilik is om enige grondgebruik in dié gebied volhoubaar te maak. Só het dr. Sue Milton-Dean, eienaar van Renu-Karoo en die Wolwekraal-natuurreservaat by Prins Albert, gesê in ’n werksessie oor die navorsingsprioriteite vir droë gebiede. Dit is buite Stellenbosch aangebied deur die Landbounavorsingsraad (LNR) se sentrum vir uitnemendheid van geïntegreerde veldstelsels, asook die Universiteit Stellenbosch se leerstoel vir die sosiologie van grond, die omgewing en volhoubare ontwikkeling. Milton-Dean het gesê die droë gebiede in Suid-Afrika word in vier kategorieë ingedeel: grasveld, halfdor, dor en uiters dor. Grasveld is gebiede waar die verdamping 1,5 keer die reënval is, soos in die droër savanna-gebiede. In halfdor gebiede, soos die oostelike Karoo, is die verdamping 2 tot…

In Januarie vanjaar, tydens die 54ste kongres van die Suider-Afrikaanse plantpatologie-vereniging (SASPP), was biosekerheid by plantsiektes hoog op die agenda en verskeie genooide sprekers, plaaslik en internasionaal, het gevallestudies uitgelig. Die tema was biosekerheid – van planne op papier tot werklike probleme. Al die vraagstukke het gewentel om wat werk, wat nie werk nie, watter onvoorsiene uitdagings daar was, en hoe ons dit anders kan doen. Die antwoord was ’n duidelike boodskap: Ons kan hoeveel werkwinkels hou en biosekerheidsplatforms stig, maar ons kan nie biosekerheidsoorloë op papier wen nie. Dit speel af in die werklike lewe, die produsente voel dit, ons moet ons planne daarvolgens aanpas – en tyd is ’n luukse. Alles begin wel op papier met ’n plan. Die departement van landbou het onlangs met ’n stap in…

New Holland is ’n gevestigde en gerespekteerde belanghebbende in die plaaslike landboubedryf en het ’n reputasie as een van die landbougemeenskap se mees lojale en betroubaarste vennote opgebou. In 2025 het New Holland die 50ste bestaansjaar van sy baanbreker- CR Twin-Rotor™-tegnologie gevier – ’n stelsel wat wêreldwyd die standaard vir oesprestasie bepaal. Die nuwe CR10-stroper is ook amptelik op Nampo Kaap 2025 in Suid-Afrika bekend gestel. Hierdie model bied meer krag, groter graankapasiteit, beter skoonmaakstelsels en ’n hoër deurset aan grootskaalse graanprodusente. New Holland vier ook die 50-jarige mylpaal van sy Braud-druiwe-oesmasjiene, wat ’n groot impak op die Suid-Afrikaanse wynbedryf het. Die nuutste Braud 8.50L-model, wat verlede jaar bekend gestel is, bied gevorderde tegnologie vir beter druiwebestuur, groter doeltreffendheid en beter volhoubaarheid. Presisieboerdery en slimtegnologie Die samewerking tussen New Holland…

Vanweë sy hoë proteïeninhoud en unieke vermoë om atmosferiese stikstof natuurlik te bind, is lusern een van Suid-Afrika se waardevolste veevoergewasse. Dié stikstofbinding, wat deur ’n simbiotiese verhouding tussen die plantwortels en die Rhizobium-bakterie plaasvind, verlaag produksiekoste, verbeter grondvrugbaarheid en lewer ’n groot bydrae tot volhoubare boerdery. Lusern en Rhizobium: puik vennootskap Hoewel Rhizobium natuurlik in baie grondtipes voorkom, is dit selde die regte stam of voldoende hoeveelheid vir optimale stikstofbinding by lusern. Daarom is dit noodsaaklik om lusernsaad met die korrekte Rhizobium-stam te inokuleer. Sodra die saad ontkiem, vorm die bakterieë nodules (sien die GRAFIKA) op die wortels, waar stikstofbinding plaasvind. Dit is ’n proses wat die plant se groei en opbrengspotensiaal merkbaar verbeter. Die aantal nodules word deur die plant se spesifieke behoeftes bepaal. Nodulering word beïnvloed deur…

Sluitingsdatum: 19 Maart 2026 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: SA lekkerny Lees op bl. 90 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 5 Maart 2026. Geen posstukke…

GAUTENG CARLETONVILLE KLIPPLAATDRIFT (601) 14 ha, aan Cranberry Red Holdings (Edms.) Bpk., van E. Johnsen, R12 000 000. LEEUWPAN (58) 214 ha, aan Grainvest Farming (Edms.) Bpk., van Michau Trust, R3220000. MODDERFONTEIN (445) 22 ha, aan C W D Bou Konstruksie BK, van T.D. de Bruin, R1600000. VLAKDRIFT (163) 21 ha, aan Mondew Farms (Edms.) Bpk., van Dunkot (Edms.) Bpk., R3000000. NIGEL NOOITGEDACHT (390) 43 ha, aan NEP Consulting Engineers (Edms.) Bpk., van Ellis Trust, R2750000. PRETORIA DOORNKRAAL (420) 23 ha, aan New Family Farm (Edms.) Bpk., van D. Bodenstein, R1650000. KAMEELDRIFT (298) 1 007 ha, aan Mannaprop (Edms.) Bpk., van A. le Roux en G.P. le Roux, R1350000. NOOITGEDACHT (333) 21 ha, aan Kgomotso Power Supplies Trading (Edms.) Bpk., van J. Lombard en L.C. Lombard, R2800000. KWAZULU-NATAL BALLITO ADDINGTON…

DIE departement van landbou het bekend gemaak dat die Vrystaat en KwaZulu-Natal elk 200 000 dosisse van Biogénesis Bágo se entstof sal ontvang. Die Oos-Kaap kry 150 000 dosisse, Limpopo, Mpumalanga en Noordwes elk 100 000, Gauteng 70 000, die Noord-Kaap 50 000 en die Wes-Kaap 30 000. John Steenhuisen, minister van landbou, het met die ontvangs van die besending gesê die meeste van die entstowwe sal in die Vrystaat, Noordwes en KwaZulu-Natal gebruik word, aangesien dit tans die episentra van die uitbrekings is. Nóg 1,5 miljoen dosisse sal binnekort van Biogénesis Bágo ontvang word, asook nog ’n miljoen vroeg in Maart en later die maand nog vyf miljoen. Dit is benewens die Landbounavorsingsraad (LNR) se belofte om 20 000 dosisse van sy eie entstof per week te vervaardig. Teen…

SY verwydering uit die ministeriële taakspan oor beheerde siektes verander niks aan die kernprobleem nie, sê dr. Danie Odendaal, direkteur van Veeartsnetwerk. Volgens hom werk die taakspan nie soos dit in ’n landwye krisis behoort te doen nie. Odendaal het in Februarie aan Landbouweekblad gesê die taakspan het die afgelope vyf maande dokumente en aanbevelings opgestel sonder dat daar duidelike terugvoering, besluitneming of enige toepassings daarvan deur die staat was. “Die taakspan stel dokumente op. Dit word deurgestuur. Ons weet nie wáár dit eindig nie. Ons weet nie óf dit toegepas word nie. Ons weet nie of dit eens oorweeg word nie. Ons werk in die donker.” Sy lidmaatskap van die taakspan is per brief beëindig nadat hy volgens die minister van landbou, John Steenhuisen, nie ’n vereiste verklaring van…

’N BESLUIT om met die bek-enklouseer- (BKS) inentingsprogram rondom buffelplase in Mpumalanga te begin, se doel is nie om die buffelboere te bevoordeel nie, maar eerder om groot landbougebiede teen ’n permanente virusbron te beskerm, het dr. Ben du Plessis van die Mpumalanga-direktoraat veeartsenydienste op die BKS-slypskool van Agri Mpumalanga op Ermelo gesê. Volgens Du Plessis is daar 116 buffelplase in Mpumalanga, waarvan ongeveer 80 siektevrye buffels het. Nog ’n kleiner aantal plase is wel BKS-vry, maar ander risiko’s, soos korridorsiekte, is daar ter sprake. Met entstofvoorraad wat beperk is, het die provinsie onlangs vasgestel wat voorkeur moet geniet wanneer hulle hul verwagte BKS-entstof ontvang. Hulle werk met vier kategorieë van risiko, en volgens hom sal beeste (en ander vatbare diere) rondom skoon buffelplase beslis voorkeur geniet. “Dit gaan oor…

Ek is reeds meer as veertig jaar met kliënte se boedelontleding en-beplanning besig, en dit is asof baie hulle nie aan die waarskuwings steur nie. Party mense dink hulle gaan vir ewig leef, want hulle is nog jonk en gesond, daar is nog baie dinge wat hulle wil doen en projekte waarmee hulle besig is, hul kinders is nog so klein, hul familie word baie oud . . . Maar soos die dominee gesê het: “Die statistieke het bewys dat een uit elke een mens sal sterf.” Baie redeneer dat hulle “gelukkig nie die boedelgemors sal beleef nie” en van hulle is regtig ernstig as hulle dit kwytraak. Testament ís belangrik Mense is laks oor hul testament. Sommiges se testamente is twintig jaar gelede opgestel by die bank of ’n…

Min mense kan sê hulle is ’n derdegeslag-dekrietboer. Piet Lotz het só die voortbestaan van sy plaas Blombosfontein verseker, hier in die duineveld tussen Stilbaai, Vermaaklikheid en Riversdal in die Suid-Kaap waar saai- of skaapboerdery buite die kwessie is weens die arm sandgrond. Sedert hy in 2012 op die familieplaas begin boer het, kon hy die dekrietboerdery uitbrei en besit nou al ’n groot hap van die waardeketting. Die plaas bestaan uit die twee duinebiome, naamlik die agterduine met grasveld en melkhoutbome, en die voorduine teen die see wat fynbosagtig is. Blombosfontein is een van die min oorblywende kommersiële boerderye in die Blombos-gebied, en word omring deur plase wat vir leefstyldoeleindes gebruik word. Die boerdery se hoofvertakking is die dekriet wat natuurlik in die duineveld voorkom, en Bonsmara-beeste wat op…

Die voertuigbespuitingstelsel wat Dirk Uys, eienaar van Wildebeespan Safaris by Steenbokpan, en Tienie Bamberger, eienaar van Warthog Safaris by Lephalale, op die D175-oos-pad opgerig het, hoef nie beman te word nie omdat die beweging van ’n voertuig die spuit aktiveer. Dit is ook nie afhanklik van Eskom-krag wat in dié omgewing gereeld ’n probleem is nie, want dit is ten volle sonkragaangedrewe. Albei boere se plase grens aan dié pad. “Ons wou wys dat bek-en-klouseer net so ’n groot bekommernis vir wildboere as vir veeboere is. Daar is sowat 10 000 buffels in die nabye omgewing van die stelsel. Die stelsel dien as ’n bykomende biosekerheidsmaatreël vir die baie wildboere hier, maar ook vir die paar beesboere in ons omgewing,” sê Dirk. Die héél belangrikste resultaat waarop hulle hoop, is…

Vogbewaring deur ’n deklaag materiaal op die grond is een van die belangrikste voordele van bewaringsboerdery. Hoe langer boere in die stelsel is, hoe dikker raak die lae en hoe moeiliker werk tandplanters deur die materiaal. Skyf- of skottelplanters is die beste oplossings daarvoor, maar daar is ’n paar lesse te leer. Boere in die Swartland en Suid-Kaap werk die afgelope paar jaar saam met plaaslike plantervervaardigers om die planters so doeltreffend moontlik vir die plaaslike omstandighede te maak en leer baie deur dit in hul boerderye te toets. Vir Sakkie du Toit, wat saam met sy seuns by Koringberg boer, is die grootste voordeel van sy Vaderstad-skyfplanter die feit dat dit deur materiaal kan werk. Op ’n skyfplanterdag wat Cobus en Frehan Bester van Moorreesburg in Februarie op Swartriet…

Anysbeskuit 1 blik (385 g) kondensmelk 250 ml kookwater 125 g botter of margarien, gesnipper 2 ekstragroot eiers 250 ml koue water 2 pakkies kitsgis 1,25 kg (10 k) koekmeel 10 ml sout 15-25 ml anyssaad Meng die kondensmelk, kookwater en botter of margarien tot die botter gesmelt is. Klits die eiers en meng dit met die koue water. Voeg dit by die kondensmelkmengsel en sprinkel die gis oor. Roer liggies deur. Sprinkel 250 g (500 ml) van die meel oor en meng deeglik. Bedek die bak losweg en laat staan op ’n warm plek vir ongeveer 1 uur tot die mengsel bo-op vol borreltjies is. Voeg die res van die meel, sout en anyssaad by en maak aan tot ’n deeg vorm. Knie die deeg op ’n meelbestrooide oppervlak…

Internasionale navorsers van verskillende universiteite het vanjaar vir ’n tweede keer na die Karoo gekom om hul roofvoëlnavorsing met die samewerking van die trust vir bedreigde natuurlewe (EWT) voort te sit. Die lede van die navorsingspan is Diego Rubolini, Michelangelo Morganti, Andrea Romano en Maurizio Sara van Italië, Javier Bustamante van Spanje, Chris en Rina Pretorius van Suid-Afrika, en Ronelle Visagie, EWT-veldbeampte vir roofvoëls. Volgens Ronelle was daar vanjaar 1 000 tot 2 000 van die kleinrooivalke op De Aar. Verlede jaar was daar net soveel van die voëls op Richmond en Hanover, waar toe navorsing gedoen is. Kleinrooivalke is bedags in die veld waar hulle insekte soos sprinkane, krieke en kewers vang en as natuurlike plaagbekamping dien, maar slaap om onverklaarbare redes in hul duisende in bome op Karoodorpe.…

DIE daling in Australië se wolskeersel die afgelope twee jaar, wat gelykstaande is aan Suid-Afrika se hele skeersel, is danksy beter wolpryse tot dusver tot plaaslike boere se voordeel. Volgens die Australian Wool Innovation- (AWI) markverslag, wat op 13 Februarie uitgereik is, is een van die skokkendste syfers oor die Australiese skeersel dat daar in Januarie op ’n jaargrondslag 21% minder wol getoets is. “Om die verlies aan Australiese wolproduksie in perspektief te stel: Die volume wol in Australië het die afgelope twee jaar gedaal met die omvang van die hele Suid-Afrikaanse woloes – ons naaste produsent volumegewys ter wêreld en Merino-wol-mededinger,” lui die verslag. Wolpryse het die afgelope ses maande aansienlik herstel, en luidens die verslag is die daling in die Australiese aanbod een van die grootste dryfvere van…

PRODUKSIEVEILING Prestige-groep se veiling gaan van krag tot krag BKB Cradock het ’n baie suksesvolle Merino-ramveiling namens die Barkly-Oos Prestige-groep se telers by dié dorp se gholfklub aangebied. Kopers kon goeie teelmateriaal teen billike pryse aanskaf. Die duurste ram was lot 7 van Cobus Botha van Benvale Merino’s, Barkly-Oos, wat vir R52 000 aan Kosie en Vossie Pretorius, ook van Barkly-Oos, verkoop is. Die gemiddelde pryse op dié veiling was aansienlik hoër as verlede jaar. Die ramme se gemiddelde prys was R14 567 (teenoor R8 314 in 2025) en dié van die ooie R2 130 (teenoor R1 562 in 2025). Die afslaer was Jovaan Cloete. — GAVIN ISTED Meer as R10 miljoen op Kaapse wynveiling ingesamel DIE gesogte Kaapse wynveiling het vanjaar vir ’n omset van R10,6 miljoen gesorg, wat…