Tabla de contenidos para 2 October 2025 en Landbouweekblad

BENNIE VAN ZYL, hoofbestuurder van TLU SA, het op die jaarkongres gesê ’n groep van buite het vorendag gekom met ’n model oor hoe om die landbou-omgewing te posisioneer sodat die boer meer in die middel van die waardeketting is. Hy het gesê die koöperatiewe model word oor 22 lande wêreldwyd versprei, wat ook 718 plase in Suid-Afrika sal insluit. Dit sal boere in ’n beter posisie plaas wat insetkoste en die bemarking van hul produkte betref. ’n Span kundiges, internasionaal en plaaslik, het die model ontwikkel. Van Zyl het beklemtoon dat TLU SA bly wat hy is, met sy eie grondwet en sy eie strukture en besluitnemingsbevoegdheid wat nie sal verander nie. “Baie jare se ontwikkelingswerk is aan die model bestee en TLU SA se lede kan dit gebruik.…

AMERIKA het sedert 2000 deur Agoa eensydig tariefvoordele gebied aan kwalifiserende Afrika-lande suid van die Sahara – met Suid-Afrika wat dit die beste benut het. Vrugtesap is een van die bedrywe waarvan die uitvoer die afgelope paar jaar sterk gegroei het danksy die Agoa-voordele. Só is appelsap ter waarde van $27 miljoen (R469 miljoen) en sitrussap van $17 miljoen (R295 miljoen) verlede jaar na Amerika uitgevoer. Die kans dat Agoa nog verleng kon word, was teen druktyd bitter skraal. Omdat dit wetgewing is, moes die Amerikaanse kongres ’n hernuwing goedkeur en pres. Donald Trump moes dit onderteken – alles voor 1 Oktober. Voorts het Trump se nuwe “wederkerige” tarief van 30% op Suid-Afrikaanse goedere sedert 5 Augustus in die meeste gevalle die Agoa-voordele laat verdwyn. Die paar oorblywende Agoa-voordele sou…

DIE verwagte reën oor die ooste en suidooste van Suid-Afrika teen druktyd kan implikasies vir reëntoestande later die seisoen inhou. “Indien dié reën die begin van die werklike somerreënseisoen is, dui dit daarop dat die verwagte La Niña-verskynsel vroeër gaan begin ontwikkel. Dit kan beteken dat dit in die komende somer vroeër ’n spits gaan bereik as in die 2024-’25-seisoen,” sê Johan van den Berg, onafhanklike landbouweerkundige. As in ag geneem word dat daar in byna elke seisoen natter en droër tydperke is, kan dit beteken dat ’n meer tradisionele middelsomerdroogte teen die middel van die 2025-’26-somerseisoen kan voorkom. “Gedurende La Niña-seisoene begin die reënseisoen oor die oostelike dele van die land en brei later weswaarts uit. Indien die La Niña-stelsel vroeg ’n hoogtepunt gaan bereik, is dit moontlik dat…

Die jongste raming van die nasionale oesskattingskomitee (NOK) vir wintergewasse dui op ’n rekord-kanolaoes van 320 043 ton, aangeplant op 174 515 hektaar, wat 10,2% groter as verlede jaar se oes is. Hierteenoor is die koringhektare in die Wes-Kaap vir die seisoen geraam op 363 000 hektaar. ’n Verskuiwing is besig om plaas te vind weg van koring na ander gewasse, soos kanola en gars. Gegewe die dalende winsgewendheid van koring in die Wes- en Suid-Kaap gaan die verskuiwing na verwagting voortduur, veral met nuwe kultivars wat ontwikkel word. Daar sal waarskynlik toenemend beweeg word na ’n kanola-koring-wisselboustelsel, soos in die somerreëngebied, waar die neiging ’n sojaboon-mielie-rotasiestelsel is, soos in Amerika. GRAFIEK 1 toon die samestelling van gewasse wat in die winterreëngebied geplant is. Neigings die afgelope dekade Die verloop…

Waar hy staan in sy ideale visie van die Kalahari-landskap – duineveld gevul met klimaksgrasspesies en bestrooi met kameel- en witgatbome – verteenwoordig Stephan Becker ’n nuwe geslag boere wat klimaatsverandering nie as ’n onoorkomelike probleem beskou nie, maar as ’n oproep om slimmer te boer, nie harder nie. Vanjaar verteenwoordig dié vernuwer van die plaas Smaldeel naby Upington Agri Noord-Kaap in die Jongboer van die Jaar-kompetisie. Maar vir Stephan is die werklike prys nie erkenning nie – dit is om te bewys dat klimaatslim boerdery die naaste wat ons aan wen kan kom, is wanneer ons die grond aan die volgende geslag in ’n beter toestand kan oorhandig as wat ons dit gekry het,” bepeins Stephan sy filosofie, wat uit beide wetenskaplike navorsing en ’n diep respek vir die…

Wanneer ervaring ontbreek, is daar meestal onsekerheid oor die toekoms. Dit kan lei tot vrees, en jy kan jou in ’n mate voorberei deur op “hoorsê” te handel. Hoewel dít ook erg misleidend kan wees omdat die egtheid daarvan nie bepaal kan word nie. Van Abraham het ons gehoor dat hy wel nie gesien het nie, maar uit die verte die vervulling van God se belofte ervaar en daaroor gejuig het (Hebr. 11: 13). Waaroor juig ons? Wat en hoe sien ons uit die verte? Hier kom geloof ter sprake – geloof in God en sy beloftes. Met betrekking tot die hemel en die heerlikheid wat daaraan verbind word, lees ons heelwat in die Woord van God, maar niemand het nog uit die hemel teruggekeer om die ervaring met ons…

DIE wynbedryf het nóg ’n reus verloor. Die 80-jarige stigter van die Groote Post-wynlandgoed en die vader van dié wyn landgoed se gewilde Old Man’s Blend, is onlangs ná ’n kort siekbed oorlede. Peter Pentz sr., ’n bekende in die wynbedryf en Angus-kringe, was tot onlangs toe nog by dié bekende wynlandgoed betrokke. Sy kleinseun, Peter Pentz jr., kommunikasiebestuurder van dié wynlandgoed naby Darling, vertel sy oupa is op 14 September kort ná middernag oorlede. Hy sou in November vanjaar 81 geword het. Groote Post het ’n ryke geskiedenis in die landbou van meer as 200 jaar. Die plaas is aanvanklik in 1808 as strategiese wagpos gestig om toesig oor beeste in die weiveld te hou. In 1815 het Wiliam Duckitt besit daarvan geneem en die plaas het ’n belangrike…

Die TABEL van grondtransaksies in drie noordelike provinsies skets ’n gemengde prentjie, met gunstige én ongunstige prysneigings wat waargeneem is in die 12 maande tot Julie 2025. In Mpumalanga is 439 transaksies oor 6 distrikte aangeteken, en altesaam 129 031 ha is teen R3,523 miljard verhandel. Gunstige prysneigings is veral waargeneem by Amsterdam (14,9%) en Nelspruit (11,6%), terwyl pryse veral by Komatipoort (-12,8%) gedaal het. In Noordwes is 654 transaksies oor 13 distrikte aangeteken, en altesaam 224 817 ha is teen R3,368 miljard verhandel. Prysverbeterings is veral by Wolmaransstad (10,2%) en Bray (7,1%) opgemerk, met prysdalings by onder meer Reivilo (-6,7%), Marikana (-5,9%) en Derdepoort (-5,4%). In die Noord-Kaap, met 254 transaksies oor 20 distrikte, is altesaam 717 068 ha teen R2,346 miljard verhandel. Hanover (13,8%) was die uitskieter, terwyl…

As Suid-Afrika ’n rugbywedstryd was, en ’n mens die legendariese Springbok en rugbyafrigter Boy Louw se raad van “looks at the scoreboard” moes volg, dan is ons bitter lelik in die moeilikheid. Basies die rugby-ekwivalent van ’n 57-0-loesing teen die (ou) All Blacks, met nog 20 minute speeltyd oor! Op byna elke terneerdrukkende maatstaf – van misdaad tot werkloosheid – is ons die wêreld ver voor. Só sleg gaan dit, dit voel asof dit veel slegter behoort te gaan. Kyk na die Arabiese Lente as ’n voorbeeld. Daardie gewelddadige oproerigheid wat in 2010 in Tunisië begin het toe gewone mense net só gatvol was vir swaarkry dat hulle in opstand gekom het. Soos ’n veldbrand het dit na Libië, Egipte, Jemen, Sirië en Bahrein versprei. Die kern van Tunisië se…

DIE proses is onderweg om ’n bekendstellingsprojek by Karan Beef van stapel te stuur waarvolgens ’n stelsel oorweeg word waar gesonde diere wat gekoop word, ingeënt word, 28 dae lank in die hou-stasie deurbring en gevoer word, waarna gesonde diere in die voerkraalstelsel kan inbeweeg. Só sê Dewald Olivier, uitvoerende hoof van die rooivleisbedryfsliggaam (RMIS). Terwyl hierdie diere in die hou-stasie aangehou word, sal bloedmonsters deurlopend geneem moet word om te bepaal of dié diere gesond is en aan al die regulasies voldoen. Volgens Olivier sal hierdie projek deel wees van die proses waarvolgens Karan Beef kan oorweeg om weer beeste te begin inkoop, aangesien die voerkraal dit vroeër die jaar duidelik gemaak het dat hy slegs voortaan diere sal inkoop wat aan naspeurbaarheid voldoen. Hy sê van die protokolle…

LUIDENS die verslag is Amerika se nuwe 30%-invoertarief op Suid-Afrikaanse produkte die vernaamste bron van kommer vir die winsgewendheid en mededingendheid van dié bedrywe, wat sitrus (lemoene, sagte sitrus en suurlemoene), bloubessies en tafeldruiwe insluit. “Die nuwe tarief wek kommer oor die waardeketting, onder meer moontlike winsmarges, die verlies aan markaandeel en die las van bykomende koste wat op plaasvlak geabsorbeer moet word,” lui die verslag. Vanjaar se globale lemoenproduksie sal na verwagting met 45,2 miljoen ton afneem, hoofsaaklik weens laer opbrengste in Egipte en Turkye. Amerika se opbrengs sal na raming met 10% krimp weens sitrusvergroening en ongunstige weerstoestande. Brasilië se opbrengs het danksy gunstige weer en nuwe aanplantings herstel. Aangesien dié land die wêreld se grootste produsent van lemoene vir versapping is, het sy herstel tot ’n groter…

Rainbow Chicken het op 26 Junie 2024 as ’n aparte maatskappy op die JSE genoteer nadat dit deel van die RCL-voedselgroep was. Die maatskappy streef daarna om ’n markleier te wees in die produksie van laekoste-hoendervleis. Die groep se omset was die afgelope finansiële jaar 9% hoër as die vorige jaar op R15,8 miljard. Die wins voor belasting en rente was 66,2% hoër op R1,06 miljard, met ’n opbrengs op kapitaalbelegging van 16,3% – ook aansienlik beter as 6,5% die vorige jaar. Die aandeelprys het van sowat R4 met notering gestyg tot sowat R4,60 met die jaareinde, en ’n dividend van 16 sent per aandeel is betaal. Die Rainbow Chicken-besigheid, as ’n braaihoenderprodusent, het reeds in 1960 in Natal ontstaan en het sedertdien uitgebrei tot ’n sogenoemde geïntegreerde braaihoenderprodusent wat…

WEENS die uitwerking wat hoër tariewe op die uitvoer van klein vrugtebedrywe na Amerika het, besef die Suid-Afrikaanse lietsjiebedryf die noodsaaklikheid om nuwe markte, soos Indië en die Verre Ooste, te ontwikkel. Hoewel die verbouing van lietsjies – met aanplantings van net sowat 1 389 ha en weinig uitbreiding sedert 2023 – ’n klein bedryf is, is Suid-Afrikaanse vrugte baie gewild. Europese groothandelaars meen Suid-Afrika se lietsjies is van ’n hoër gehalte as dié van ander lande in die Suidelike Halfrond, en sowat 60% van die oes word uitgevoer. Hiervan gaan 58% na die Europese Unie (EU), gevolg deur Amerika (21%), Brittanje (16%) en kleiner volumes na Rusland, Kanada en die Midde-Ooste. ’n Groot probleem is dat die algemeenste kultivar, Mauritius (wat 74% van alle aanplantings uitmaak), in die middel…

Dit is belangriker om te weet wat presies met gewasse in ’n landery aangaan as om te probeer om die beste chemiese produk teen plantsiektes toe te dien. Dit is die mening van beide Kevin Kalb, gesiene saaiboer van Dubois, Indiana, in Amerika, en Danie Bester van Balfour in Mpumalanga, wat by die bekendstelling van BASF se nuwe swamdoder, Revytek, (sien ook bl. 62) gepraat het. “Jy bestee ’n fortuin aan saad, bemesting en gewasbeskerming. En dis net sinvol om te weet wat die plant regtig opneem,” sê Kevin. Die neem van blaarmonsters, veral as dit deurlopend gedurende die seisoen gedoen word, gee boere deurentyd insig in hul plante se gesondheid. Kevin en Danie het albei die waarde van ’n weeklikse monsterroetine – op ’n vasgestelde tyd vir akkuraatheid –…

Brandstof-logistiek is een van die belangrikste oorwegings vir ’n boer wat ’n vliegtuig wil koop. Die meeste boere sal ’n vliegtuig met ’n suierenjin (eerder as ’n straalenjin) koop, wat beteken dat hy Avgas (lugvaartbrandstof) nodig sal hê. Tot nog sowat tien jaar gelede was dit ’n seldsame verskynsel dat ’n produsent Avgas op sy plaas kon opberg. Daar was bloot nie private maatskappye wat dit op ’n plaas kon afewer nie. Dit het dus beteken dat die vliegtuig op ’n vliegveld, lughawe of by ’n groothandelaar volgemaak moes word. Hierdie verskaffers het ook nie toegelaat dat ’n mens met houers of ’n tenkwa brandstof op hul perseel koop nie – die enigste manier was om met jou vliegtuig by die verskaffer te gaan land en vol te maak. Kan…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Land Lees op bl. 86 hoe dit werk. WEN Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 87 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 16 Oktober 2025. Geen posstukke word meer as inskrywing aanvaar nie.…

RUGBYLEGENDE. Gebore boer. Weskusklong. ’n Man van min woorde. Maar bowenal, “a son of the soil”. Só is Jan Boland Coetzee (80) ná sy dood op 12 September in sy huis op Stellenbosch ná ’n kort siekbed beskryf. “Ek het hom onlangs gesien, en hy was nie meer ‘Ysterarms’ Coetzee nie, maar sy innerlike krag was nog daar,” sê sy goeie vriend Beyers Truter, wat hom destyds by Kanonkop as wynmaker opgevolg het. Schalk Burger, wynboer en oudrugbyspeler, sê Jan Boland het die basiese dinge wat hy in rugby geleer het as wynboer en wynmaker toegepas. “Hy was ’n man van min woorde, maar vir hom het dit oor die basiese dinge in die lewe gegaan. Die Engelse het ’n mooi gesegde: ‘A son of the soil’ Hy was die…

GAUTENG CARLETONVILLE KLIPDRIFT (422) 24 ha, aan B.H. du Plessis en N. du Plessis, van A. van Niekerk en H. van Niekerk, R2 750 000. MALONY’S EYE (169) 145 ha, en STEENEKOPPIE (153) 12 ha, aan K J A Energy Leasing (Edms.) Bpk., van M.M. Milani, R8895000. PAARDEPLAATS (177) 49 ha, aan Sinode Hoëveld Prop (Edms.) Bpk., van G.K.S.H.N., R6500000. KWAZULU-NATAL HELPMEKAAR ELSINOR (5135) 207 ha, HOPE (5088) 245 ha, KLIPROTS (5114) 142 ha, KLIPROTS (15625) 320 ha, LOWLEVEL (5089) 81 ha, MANDHLENI (5248) 162 ha, NORA (5488) 44 ha, OTHELLO (14846) 249 ha, en SOFIERO (4577) 61 ha, aan Khula Milling (Edms.) Bpk., van E.M. de Wet en H.J. de Wet, R11 000 000. LADYSMITH EENDVOGEL VLEY (1264) 20 ha, aan S. Schreuder Prentis, van B.I. Schreuder, R1 460…

Ek het my kinderjare in Windhoek deurgebring, in ’n huis waar Engels die spreektaal was. My pa was ’n prokureur van die soort wat Engeland bo alles verhef het. Hy was vas oortuig dat Arsenal die toonbeeld van sokker in die ganse wêreld was, en dat Churchill die grootste leier ooit was. My ma, daarenteen, het van Stellenbosch gekom. Staan jy vandag op die hoek van Dorpen Birdstraat, op die noordoostelike hoek waar daar nou, glo ek, ’n kunsgalery is, by die gebou met “H. Spiro” op die gewel – dit was my oupa se winkel. Oupa het aan die boere alles verkoop wat hulle nodig gehad het: van grawe tot werkstewels, van saad tot Sondagklere – alles op skuld, natuurlik. Een maal per maand – my ma was skaars…

Beeskarkaspryse het in die tweede kwartaal vanjaar begin herstel, is in Absa se jongste verslag oor markneigings bevind. Dit blyk ook dat die pryse nie binnekort tot 2024 se vlakke gaan terugsak nie. DIE herstel in beeskarkaspryse aan boere vanjaar is ondersteun deur verbeterde huishoudelike inkomste in Suid-Afrika, wat deels te danke is aan verlagings in brandstofpryse en ’n daling van 125 basispunte in rentekoerse sedert die tweede helfte van verlede jaar. “Die herstel is versnel deur die vinnige verspreiding van bek-en-klouseer, wat die aanbod beperk en ’n skerp prysstyging veroorsaak het,” sê Nkhensani Mashimbyi, landbou-ekonoom van Absa Agri. Sy het onlangs Absa se jongste verslag oor markneigings op Nampo Kaap bekend gestel. “Na verwagting sal hierdie momentum voortduur en versterk word deur die seisoenale opswaai in vraag, wat gewoonlik…

ORGANISASIES soos Sakeliga gaan die hof nader om die wetlike afdwinging van sektor-spesifieke teikens teen te staan, terwyl die burgerregtegroep Free SA ’n landwye veldtog bekend gestel het en mense aanmoedig om versoekskrifte teen die regulasies te onderteken. Die georganiseerde landbou, nywerheidsinstellings en regskenners het hul kommer uitgespreek dat die nuwe vereistes nie net onrealisties is nie, maar die volhoubaarheid van ondernemings en werkskepping ernstig in gevaar stel. Die nuwe vereistes ingevolge die Wysigingswet op Gelyke Indiensneming (Wet 4 van 2022) bepaal dat aangewese werkgewers hul planne vir gelyke indiensneming aanpas by sektor-spesifieke teikens wat in April deur die minister van indiensneming en arbeid, Nomakhosazana Meth, gepubliseer is. Volgens die vereistes wat nou van krag is, word alle werkgewers met 50 of meer werknemers as “aangewese werkgewers” beskou, ongeag hul…

Dit is soms onverstaanbaar hoe onverskillig en onbesorg mense oor hul testament is. ’n Testament bepaal die toekoms van jou afhanklikes en geliefdes. Sommige mense dink hul testament van 20 jaar gelede is nog voldoende, terwyl ander geen idee het waar daardie testament is nie. As iemand sterf, moet die oorspronklik getekende testament aan die meester besorg word. ’n Afskrif van ’n testament is nie geldig nie. Die boedel van ’n afgestorwene moet binne 14 dae deur die naasbestaandes aangemeld word by die naaste meester in die jurisdiksiegebied waar die oorledene gewoon het (daar is 16 kantore). As dit nie aangemeld word nie, is dit ’n oortreding en kan naasbestaandes en die eksekuteur aangevat word ingevolge die Boedelwet (Wet 66 van 1965). Die aanmelding van ’n boedel gaan gepaard met…

Framboosroomkoek Sponskoek 4 ekstragroot eiers 400 ml suiker 10 ml vanieljegeursel 125 ml melk 125 ml water 100 ml olie 500 ml koekmeel 10 ml bakpoeier Knippie sout Framboosvulsel 500 g (4 x 250 ml) vars of bevrore frambose 180 ml suiker Sap van 1 suurlemoen 100 ml water 45 ml mielieblom Versiersel 500 ml vanieljebotterversiersel 250 ml vars room 15 ml versiersuiker 10 ml vanieljegeursel Ekstra vars frambose, om af te rond (opsioneel) Sponskoek: Voorverhit die oond tot 180 °C en bespuit twee panne van 20 cm met kleefwerende kossproei. Voer die panne met bakpapier uit en bespuit weer. Breek die eiers in ’n groot mengbak en klits dit goed. Terwyl jy klits, voeg die suiker lepel vir lepel by en klits goed nadat elke lepel suiker bygevoeg is.…

The Story of South African Sauvignon Blanc, ’n koffietafelboek van 248 bladsye vol pragfoto’s, wynmakerprofiele, historiese inligting en die volle spektrum style wat plaaslike Sauvignon blanc so gesog maak, is onlangs op die CapeWine-handelskou in Kaapstad bekend gestel. Hoewel die eerste Sauvignon blanc in Suid-Afrika reeds in die 1880’s op Groot Constantia gegroei het, was dit eers sowat ’n eeu later, in 1977, dat die eerste kommersiële hoeveelhede van dié wyn in Suid-Afrika gemaak is. Volgens Danie de Wet, eienaar van die De Wetshof-wynlandgoed by Robertson, het prof. Abraham Izak Perold van 1912 tot 1916 altesaam 177 druifkultivars oorsee versamel en na Suid-Afrika gebring. Hieronder was Barlinkatafeldruiwe, Sauvignon blanc en Chardonnay. Dit is op Welgevallen by Stellenbosch geplant en later op die Landbounavorsingsraad se proefplaas Nietvoorbij herplant. “Hulle het Sauvignon…

NÓG ’n groot gees in die Suid-Afrikaanse wynbedryf – die vyfde binne die bestek van ’n maand – het gesterf. Wilhelm Coetzee, rooiwynmaker van Durbanville Hills, het op Vrydag 12 September tydens ’n operasie aan lewerverwante komplikasies gesterf. Sy dood volg op dié van Francois Naudé (79), ’n gevierde wynmaker, op 13 Augustus; Anthony van Schalkwyk (49), bekende wynbemarker van Spier, op 1 September; Jan Boland Coetzee (80), gevierde wynmaker en bekende oudrugbyspeler, op 12 September; en Peter Pentz sr. (80) van die Groote Post-wynkelder, op 14 September. Wilhelm, wat sedert 2008 as rooiwynmaker by Durbanville Hills gewerk het, se “stil briljantheid, passie en presisie het nie net ons wyne nie, maar ook die hart van ons kelder gevorm”, het hierdie wynlandgoed in ’n plasing op sosiale media gesê. Wilhelm…

SA BRAFORD Groter belangstelling gee nasionale SA Braford-veiling ’n hupstoot Toenemende belangstelling in die Braford-beesras het pryse op die elfde nasionale veiling van SA Brafords ’n hupstoot gegee en ’n omset van meer as R3,2 miljoen opgelewer. Johan de Jager, die genootskap se voorsitter, sê hy ondervind ’n al hoe groter belangstelling in die ras, en pryse was hoër as die vorige jaar. ’n Bul van Carl Thiele se Thiele Holdings van die plaas Schikhoek by Paulpietersburg in KwaZulu-Natal was teen R185 000 die duurste bul. Dragtige verse se gemiddelde prys was R25 435, drie-in-een-koeie se prys R35 000 en ’n koei met ’n kalf is vir R37 500 verkoop. Vleissentraal Ermelo het die veiling by die Afridome in Parys aangebied, met PM Swart as afslaer. — JOHAN NORVAL Boran-bul…

BYEENKOMSTE 8-10 OKTOBER: LRF-veeskool. Aldam-oord. Navrae: Mario Beffa, 081 844 4853, e-pos: mario@lrf.co.za; Izaan du Plooy, 076 217 7819, e-pos: office@lrf.co.za 16 OKTOBER: Landbouweekblad se vee-akademie. Nampo-park, Bothaville. Kaartjies op quicket (soek “Landbouweekblad”). E-pos: events@landbou.com 21-23 OKTOBER: Windaba 2025-konferensie, aangebied deur Sawea. Kaapstadse Internasionale Konvensiesentrum. Navrae: 010 006 7088, e-pos: admin@sawea.co.za. Web: sawea.org.za 29-30 OKTOBER: Undercover Farming-konferensie. Allée Bleue, Groot-Drakenstein, Franschhoek. Navrae: Suzanne Oosthuizen, 082 832 1604, e-pos: suzanne@undercoverfarmingexpo.com 29-31 OKTOBER: WineX. Sandton-konvensiesentrum. Navrae: 011 482 5934, e-pos: monica@outsorceress.co.za. Web: winex.co.za 30-31 OKTOBER: Agri 5-ekspo. The Breeze Inn, Pietermaritzburg. Navrae: admin@agri5expo.co.za. Web: www.agri5expo.co.za 5 NOVEMBER: Subtrop-bemarkingsimposium. Anew-oord, Witrivier. Lizette de Wet, 015 307 3676, epos: lizette@subtrop.co.za 7 NOVEMBER: Sappa-inligtingsdag en jaarvergadering. Tema: Die pekanneutboer van die toekoms. The Venue, Hartswater. Navrae: Leilani le Roux, 021 250 1692, e-pos: admin@sappa.za.org 20-21 NOVEMBER:…