Tabla de contenidos para 17 April 2025 en Landbouweekblad

Genadewater oor die Kalahari Voor en ná die reën geval het. Die foto regs wys hoe dit nou op die plaas Swartpan naby Askham in die Noord-Kaap lyk waar Nico de Wet en sy vrou, Manda, boer. Begin Februarie het Nico nog aan Landbouweekblad gesê dat hy sy Meatmaster-skape moet voer en dat daar feitlik geen reën aan die westekant van Askham geval het nie. Skaars ’n week later het dit begin reën en goeie buie het Februarie en Maart oor die Kalahari-duineveld uitgesak. Na raming het 98% van die gebied goeie reën gekry. Hoewel daar tans nog net 66% van die gemiddelde jaarlikse reënval op Swartpan voorgekom het, was daar sulke goeie opvolgreën dat die veld mooi herstel het. Die gehalte van die veld is volgens Nico weliswaar nog…

LANDBOUWEEKBLAD en Vox het saamgespan om die eerste streekseisoensvoorspelling – ’n kort maar kragtige video op onder meer Landbou.com – te skep, en alle kykverwagtinge is oortref. “Die sukses van die eerste voorspelling was danksy die feit dat ’n langtermynvoorspelling boere help om ’n beter idee te kry van wat hulle kan verwag. Dit gee hulle die kans om voorbereid te wees. “Die doel was om die inligting eenvoudig oor te dra sodat dit vir almal verstaanbaar is. Daar is baie data, maar die sleutel is om dit verstaanbaar oor te dra.” Hoe dra moderne tegnologie by tot die akkuraatheid van weervoorspelling en mense se toegang tot weerinligting? Moderne tegnologie het die akkuraatheid van weervoorspellings drasties verbeter. Deur satelliete, superrekenaars en gevorderde modelle kan ons baie presieser voorspellings maak. Dit…

NUWE deelnemers word nie op varsproduktemarkte verhinder om tot dié waardeketting toe te tree nie. Dié struikelblokke kom eerder verder terug in die ketting voor. Só het Jaco Oosthuizen, uitvoerende hoof van die RSA Groep, op die internasionale varsproduktevereniging se Fresh Solutions-konferensie op Stellenbosch gesê. Dit was in reaksie op die Mededingingskommissie se verslag waarin 31 aanbevelings vervat is om mededinging in die varsproduktewaardeketting, onder meer op varsproduktemarkte, te verbeter. Volgens Oosthuizen lê die beperkings vir nuwe toetreders eerder by produksie, toegang tot finansiering en die gehalte van die padinfrastruktuur. Hy het sy ontevredenheid uitgespreek oor die voorstelle in die verslag om markagente se kommissie te beperk. Belangrike bevindings Die Mededingingskommissie se verslag van 350 bladsye, ná ’n uitgebreide ondersoek van twee jaar om faktore te identifiseer wat mededinging kan…

Die droom om in die Vrystaat te boer, het die Michau-gesin in 2016 na Reitz gebring. Sedertdien boer Henk en sy seun, Coetzee, van die Vredevind-boerdery met sojabone, mielies, tef en Bovelder-beeste. “Ons het jare lank op die Springbokvlakte in Limpopo geboer, maar ons was bekommerd oor die boorgate en grondwater daar. En ek wou graag in die Vrystaat wees,” sê Henk, wat al 30 jaar lank boer. Hy is trots om die eerste geslag op die plaas Zwartfontein te wees en die boerdery saam met Coetzee op te bou. Om van provinsie, klimaat en grond te verander, stel sy eie eise. “Jy boer 22 jaar op ’n plek en jy dink nie twee keer oor wat op jou plaas aangaan nie. Op die Springbokvlakte het jy hierdie sterk, uitstekende…

Bacillus thuringiensis (Bt) is vroeg in die 20ste eeu ontdek en word al dekades lank op kommersiële skaal gebruik as ’n doeltreffende biologiese insekdoder. Bt produseer Cry-proteïene, wat teikenlarwes se ingewande binnedring en tot groot inwendige skade lei. Larwes wat Bt ingeneem het, hou kort ná inname op met vreet. ’n Tekort aan voedingstowwe, beskadigde ingewande en bakteriële sepsis lei tot die vrekte van die larwes. Soos met enige plaagbestrydingstrategie is doeltreffende weerstandsbestuur deurslaggewend in die gebruik van bekampingsmiddels. Weerstand teen insekdoders ontwikkel as gevolg van individue binne die teikeninsekbevolking wat oor weerstandsgene teen die werking van aktiewe bestanddele beskik en dit na die volgende geslagte oordra. Die onverantwoordelike gebruik van insekdoders lei dan daartoe dat die plaagbevolking oor ’n aantal geslagte gevoeligheid vir die aktiewe bestanddele van die bekampingsmiddels…

LIGGING Ladismith, Wes-Kaap Hoekom is Ladismith so ideaal vir ’n droëvrugteprodusent? Ons kry sagte reën tussen September en November, maar daarna het ons lang, warm somersdae. Smiddae steek ’n suideluggie op, wat bitter goed is vir vrugte droog. Die vrugte lê net drie dae in die son, dan pak jy dit toe en dit droog verder met die lug wat daaroor vloei. Waar kom jou vrugte vandaan? Ons het vroeër heelwat daarvan self verbou, maar die droogte van ’n paar jaar gelede het baie van ons boorde uitgewis en ek weet nie of ek kans sien om weer boorde te vestig nie. Ons watersituasie is net té onseker. Wanneer ons wel die jaar water het, plant ons kontantgewasse soos tamaties, wat ons ook droog. Ons koop vrugte oor ’n wye…

BYEENKOMSTE 29-30 APRIL: Transforming Poultry Productivity and Empowering Sustainability in Africakonferensie. The Garden Venue, Johannesburg. Navrae: 073 344 5989, e-pos: tinashe@digitalauthority.co.za 22 MEI: Suid-Afrikaanse wynberaad. Konservatorium van die Universiteit Stellenbosch. Web: diary.wine.co.za. Kaartjies: tixsa.co.za 29 MEI: 65ste jaarlikse Fertasakongres. WNNR- Internasionale Konvensiesentrum, Pretoria. Navrae: 012 349 1450, e-pos: hermien@fertasa.co.za 3-5 JUNIE: AVI Africa-konferensie. Emperors Palace, Gauteng. Registreer op: sapoultry.co.za 14-17 JULIE: Internasionale kommoditeitsberaad. Kaapstadse Internasionale Konvensiesentrum. Inligting en kaartjies: internationalcommoditysummit.com FEESTE, EKSPO’S 18-21 APRIL: Pretoria-fees, Legends Adventure Farm. Navrae: 074 120 0279, e-pos: info@pretoriafees.co.za; web: pretoriafees.co.za 26-27 APRIL: Wild Wine Festival. The Venue, Wildernis. Navrae: 044 873 5641, e-pos: nlr@nlrwines.co.za 24-25 MEI: Heuning-en-byefees. Pioneer-museum, Pretoria. WhatsApp: 082 650 6530. 7 JUNIE: Mampoer-fees. Willem Prinsloo-museum, Pretoria. Navrae: 082 895 7141, e-pos: stalls@mampoerfestival.co.za. Web: mampoerfestival.co.za 7 JUNIE: Wildskosfees. De Oude Kraal Country…

Dit is onrusbarend hoe gewoon die lewe kan wees te midde van groot veranderinge. Soos al die jare wat die digitale revolusie ons bekruip het, en toe, op ’n dag, is daar skielik nie meer koerante nie! Of hoe die soja- en kanolabedryf al oor jare kom, en dan skielik, op ’n dag, besef ons dat volwaardige nuwe bedrywe gevestig is en die wêreld nooit weer dieselfde sal wees nie. Deur dit alles kom die son elke dag op en sak weer, en die lewe gaan sy gang. Mense trou, kry kinders en karwei hulle jare lank rond, voor hulle by die universiteit afgelaai word. Die ouers sterf, die kinders raak oud, en op die pad is daar al die geluk, teleurstellings, hartseer en uiteindelik herinneringe. Daar was die ontnugtering…

DONALD MACKAY, direkteur van XA Global Trade Advisors, sê Suid-Afrika moet versigtig wees om nie oorhaastig te reageer op die tarief wat nou blyk die landbou die hardste kan tref nie. Sekere minerale en ander produkte is van die verhoging kwytgeskeld. “Ons moenie net toegee aan Amerika nie, maar ons moet kalm raak en versigtig dink, ook op langer termyn, eerder as om met woede te reageer. Ander streke beweeg nader aan mekaar namate Amerika homself isoleer.” Een van die eerste stappe wat Suid-Afrika moet doen, is om sonder versuim ’n ambassadeur in Amerika aan te stel. “Ons moet ons ambassadeur versigtig kies. Ons kan nie nóg ’n maand sonder ’n ambassadeur daar wees nie, maar ons kan ook nie nóg ’n mislukte politikus stuur nie. Ons het ’n sterk…

DIE wynbedryf is “diep bekommerd” oor die invloed wat pres. Donald Trump van Amerika se sogenoemde “Bevrydingsdag”-tariewe van tot 31% op Suid-Afrikaanse produkte op dié bedryf kan hê. “Hoewel ons nog nie al die besonderhede oor die tariefverhogings het nie, is ons aktief en op die hoogste vlak in kontak met al die relevante partye om die volle invloed te bepaal,” het Wines of South Africa (Wosa), die wynbedryf se generiese internasionale bemarkingsliggaam, en South Africa Wine op hul sosialemedia-kanale gesê. Amerika is ’n belangrike teikenmark vir die Suid-Afrikaanse wynbedryf en wat waarde betref, beklee die land die vierde plek op die ranglys. “Dit is ’n belangrike mark waarsonder ons nie in hierdie stadium kan klaarkom nie,” sê Maryna Calow, Wosa se kommunikasiebestuurder. Ook Frans Smit, besturende direkteur van Spier,…

PIET GOUWS, wat die afgelope 11 jaar droogte gehad en 13 jaar lank minder as sy langtermyngemiddelde reënval gekry het, sê hy is baie dankbaar dat die droogte by hom vir die eerste keer in dertien jaar “volledig gebreek is”. Dié voormalige voorsitter van die Namibiese Landbou-unie (NLU) boer by Outjo in die verre noorde en het hierdie seisoen al byna 400 mm reën ontvang. “Die veld is ontsettend mooi. Dit kan nóg beter wees wat spesiesamestelling en meerjarigheid betref, maar dit kan nouliks mooier lyk. Dit is prentjiemooi.” Evert Burger, wat teenaan die Etosha Nasionale Park by Outjo boer, het ook ná 11 jaar se droogte baie goeie reën gehad. Sy reënmeter het reeds sowat 500 mm gewys. Die weiding by hom is baie mooi. Roelie Venter, uitvoerende hoof…

KORTOM ■ Syfers en geldsake was van kleins af Debbie Bester se grootste belangstelling en sy het ná skool heeltyds gaan werk en deeltyds gestudeer om haar as geoktrooieerde rekenmeester te bekwaam. ■ In haar rol by Senwes het sy die afgelope drie jaar meer op bedryfsvlak in die maatskappy gewerk en sy was betrokke by die ontwerp en die uitvoer van die maatskappy se strategie. ■ Sy glo die suksesvolle uitvoering van dié doelgerigte strategie is waar die werklike impak plaasvind en sê die bou van ’n hoëprestasiekultuur met sterk leierskap, samewerking en innovasie is die sleutel. Debbie Bester (39) het op 1 April die landbougroep Senwes se nuwe uitvoerende hoof geword. Sy is ’n geoktrooieerde rekenmeester wat haar loopbaan by PwC begin het, maar haar ware passie in…

Inligting Ligging: Burgersdorp, Oos-Kaap Naam: Sewefontein Vertakkings: Dohne-Merino-stoetery en kommersiële kudde, Tuli- en kommersiële Beefmaster-koeie, lusern Veldtipe: Bossieveld, gemengde gras Reënval: 420-600 mm per jaar KORTOM ■ Wees daarop ingestel om die geleenthede in die droogtes én in die goeie tye te benut. ■ Die beste belegging wat ’n skaapboer kan maak, is om die bruto wins van sy kleinvee-eenhede te verhoog, en die tweede beste is om ’n ekstra vertakking by die skaapboerdery te voeg, byvoorbeeld beeste of lusern. ■ Andries Marx gebruik die DSS-stelsel om die beste 6% van die jong ooie uit sy kommersiële kudde tot stoetdiere op te gradeer. Andries Marx (45) se horisonne is so wyd soos die Bo-Karoo, waar hy met Dohne-Merino’s boer. Dit is moeilik om hom tot ’n kort antwoord vas te…

Ná die begrafnis, wanneer almal huis toe is, begin die probleme en die werk. Afgesien van die emosionele toestand waarin ’n mens is en die alleenheid en moegheid wat jou tref, is daar vele dinge om aan te dink. Daaronder tel: 1. Onmiddellike kontant word benodig om met die alledaagse lewe aan te gaan. Sulke kontant kan onder meer verkry word uit beleggings of spaargeld van die oorlewende (as daar is) of uit die opbrengs van ’n begrafnispolis of lewenspolis (as die oorlewende begunstig is). Daar behoort altyd ’n noodfonds te wees wat sowat ses maande se inkomste kan voorsien, en sorg dat daar in die algemeen ook genoeg kontant in die boedel is. 2. Die opsporing van die testament is uiters belangrik. 3. Bekom die oorspronklike doodsertifikaat (die begrafnisondernemer…

Daar is verskeie idiome om katte te beskryf, en die meeste sal op die Cat® 426- veeldoelige laaigraaf (TLB) van toepassing wees. ’n Katjie wat jy nie sonder handskoene moet aanpak nie? Gegewe die kajuitgemak van die 426 kan die handskoene maar gerus by die huis bly. Moenie ’n kat in die sak koop nie? Met Cat se deeglike ondersteuningsplan en die robuuste werkwyse van generasies grondverskuiwingstoerusting uit dié vervaardiger se stal is gemoedsrus die boer se wagwoord. En die Cat 426 het gewys dat die boer wat hierdie werktuig kies, beslis nie die kat aan die stert beet het nie. Elke kat kry sy piering melk Die reekse TLB’s en grondverskuiwingstoerusting wat deur Caterpillar vervaardig word, en waarvan Cat die vlagskip-handelsnaam is, is omvattend en geskik vir enige toepassing.…

Ons het ’n tydjie gelede gesels oor die Heilige Gees en hoe sy werking sigbare gestalte in ons alledaagse lewe op grondvlak moet kry. Vandag wil ons let op iets waaroor ons nie graag praat nie. In Johannes sê Jesus dat die Heilige Gees na ons sal kom en Hy sal ons van ons sonde oortuig (Joh. 16:7-8). Hy sal ons laat sien soos ons in werklikheid is, sonder masker en kostuum. Glo my, niemand hou daarvan om só ontbloot te word nie. Wat jy kan wegsteek, sal jy wegsteek, al moet jy in die proses ’n paar leuens vertel. Maar hoe gemaak as die sondelas te swaar word en jou krag te min is om dit enduit te dra? Een van die elemente van bekering is juis dat jy…

Die TABEL gee ’n oorsig van grondtransaksies groter as 10 ha in die Wes-Kaap vir die 12 maande tot Januarie 2025. Gedurende hierdie tydperk is 588 transaksies gesluit, en is 301 366 ha met ’n totale waarde van R6,039 miljard verhandel. ’n Vergelyking met die vorige jaar toon die volgende: Transaksies kleiner as 50 ha het tot 32% afgeneem (35% in die vorige jaar), terwyl transaksies van 50 ha tot 150 ha 22% (24%) beloop het. Transaksies van 150 ha tot 300 ha het 12% (11%) beloop, en dié van 300 ha tot 450 ha 8% (7%). Transaksies van 450 ha tot 600 ha het tot 4% (5%) afgeneem, terwyl dié groter as 600 ha tot 22% (18%) toegeneem het. Prysstygings is waargeneem in die verhandeling van grond van 150…

PIET SMIT, bemarkingsdirekteur van Favourite Fresh Export (FFE), sê dit is vir die maatskappy ’n teleurstelling dat hy dalk nie sy verpligtinge ten opsigte van lewering aan al die kleinhandelaars, diensverskaffers en verbruikers van sy sitrus gedurende Amerika se somer sal kan nakom nie. “Dit is verhoudinge wat Suid-Afrika se sitrusboere, wat ek as van die beste in die wêreld beskou, oor jare opgebou het. “Ons verskaffing aan Amerika was nog altyd aanvullend tot die Amerikaanse sitrusproduksie. Wanneer hul seisoen eindig, tree ons in. Ons wíl en kán nie teen plaaslike Amerikaanse produksie meeding nie. “Ons produk verskaf werk aan diensverskaffers (daar), soos pakhuise, hawegeriewe, skeepsrederye en kleinhandelaars soos Walmart, Kroger, Costco en Wegmans, om net ’n paar te noem. Ons produkte is op die rakke van die meeste van…

DIE vrees vir Dag Zero was byna ’n dekade gelede, maar dit lê steeds vlak in die geheue van menige Wes-Kapenaar. Met dít in gedagte waarsku Johan van den Berg, onafhanklike landbouweerkundige, dat die risiko vir ondergemiddelde reënval dié winter groot is. Dit kan tot toekomstige lae damvlakke in die winterreëngebied bydra. Damme in dié gebied word meestal van Junie tot September aangevul. Die grootste dam in die gebied, die Theewaterskloofdam, was vanjaar teen die derde week van Maart sowat 65% vol. Dié dam was teen Maart 2024 ook op dié vlak. Die watervlak van die Clanwilliamdam is net bokant 40%. Dié dam is ’n baie belangrike waterbron vir veral hoëwaardegewasse wat in die omgewing verbou word. Die meeste ander damme in die Wes-Kaap is steeds meer as 50% vol.…

IN World without cows kyk twee filmmakers, wat ook bekroonde joernaliste is, uit ’n wetenskaplike oogpunt na die kulturele, ekonomiese, voedingswaarde- en omgewingsbelang van beeste. Die internasionale première van die 85 minuut lange rolprent was in September verlede jaar op ’n filmfees in Amerika. Dit is onlangs ook in die Centurion-teater aan ’n uitgenooide Suid-Afrikaanse gehoor, onder wie staatsamptenare, akademici, bedryfsverteenwoordigers uit die landbou, asook joernaliste vertoon. Dit het Michelle Michael en Brandon Whitworth drie jaar geneem om op 40 plekke in die wêreld onderhoude met ’n uiteenlopende groep wetenskaplikes, akademici, boere en ander kenners te voer. Die onderliggende vraag in al hul onderhoude was: Wat sou die gevolge wees indien daar nie meer beeste in die wêreld is nie? Hulle het tot die slotsom gekom dat die kwessie nie sÓ…

Die nasionale oesskattingskomitee het einde Maart die tweede someroesskatting vir die 2025-’26-seisoen bekend gemaak. Die skattings is deurgaans hoër as met die eerste skatting in Februarie. As die weer aanhou saamspeel, is die verwagting dat daar selfs ’n verdere styging met die derde oesskatting kan wees danksy goeie opbrengste. Die geskatte somgergewasoes vir 2025-’26 is sowat 16% groter as verlede jaar se oes, en word tans op 18 miljoen ton geraam. Nogtans gaan Suid-Afrika in die nuwe bemarkingsjaar weer geelmielies aan die kus invoer weens die relatief klein geelmielie-oes. Terselfdertyd gaan geelmielies na verwagting na buurlande uitgevoer word. Nog ’n verskuiwing in die komende jaar vergeleke met verlede jaar is dat daar na verwagting meer witmielies in veevoer gebruik gaan word weens die heelwat laer prys teenoor 2024. Plaaslike witmielieverbruik…

BETER skattings van brandverwante koolstofvrystellings en ’n beter begrip van die uitwerking van vuur op voedingstofsiklusse kan verkry word as die mis van groot herbivore in die voorraad van brandende materiaal in berekening gebring word. Vuur en herbivore is noodsaaklik vir die funksionering van savanne-ekostelsels. Hulle benut plante en herwin of sirkuleer voedingstowwe. Vuur laat sommige elemente vervlugtig en maak ander geredelik beskikbaar in die as van verbrande materiaal, terwyl herbivore voedingstowwe deur hul mis versprei. ’n Groep wetenskaplikes wat eksperimente met smeulende verbranding van die mis van buffels, olifante, kameelperde, wildebeeste en sebras, asook vlamverbranding van gras in die Krugerwildtuin gedoen het, skryf in die International Journal of Wildland Fire dat smeulende verbranding van mis baie koolstof in die atmosfeer vrygestel het.: Van die 41% koolstof in die ongebrande…

Inligting Ligging: Koës, Namibië Naam: Terra Rouge Eienaarskap: Privaat Vertakkings: Meatmaster-stoetery, kommersiële Meatmaster-kudde, kruisrasbeeste (Angus, Simbra en Bonsmara), kontrak-ontbossing vir ander boere, gasteverblyf Grondtipe: Kalahari-sandgrond in die duinegebied van die Kalahari-woestyn Veldtipe: Kalahari-savanna met bosse en bome Gemiddelde reënval: 200 mm per jaar KORTOM ■ Chemiese ontbossing, wisselweiding en versigtige veldbelading het die drakrag op Pieter Möller se plaas drasties verbeter. ■ Voldoende veldrus is noodsaaklik om te verseker dat die grasse se wortelstelsel kans kry om te groei. ■ Aanpassing by die veranderende klimaat is noodsaaklik om te verseker dat die vee selfs in die volgende droë tye genoeg kos het. Stel jou hierdie situasie voor: Jy het pas begin boer, skuld die volle koopsom van jou plaas van 9 000 ha, die rentekoers beloop 24% en jou plaas…

Ligging: Eschede, Duitsland Dit sit nie in enigeen se broek om in ’n wildvreemde taal plaaswerk te doen én te studeer nie, maar dis presies wat die gebore stadsjapie Adao van Niekerk doen. Adao (20) is in Johannesburg gebore, maar het op die Vrystaatse dorpie Oranjeville grootgeword. Hy was op skool in die Hoërskool Wilgerivier op Frankfort, waar hy ook in die koshuis was. Sy ouers besit nie ’n plaas nie, maar vandat die gesin na ’n klein plaasdorp getrek het, het hy meer in boerdery begin belangstel. As kind het veral die groot werktuie op landerye Adao se aandag getrek. “Hoe ouer ek geword het, hoe meer wou ek van boerdery weet en het ek begin agterkom dat groot trekkers net die oortjies van die seekoei is. Ek het…

Snoeiskêr ideaal vir professionele snoeiwerk Pellenc se jongste snoeiskêr, die C3X, is perfek vir professionele snoeiwerk in onder meer wingerde en boorde. Die geïntegreerde litiumioon-battery verseker ’n lang werksduur, selfs tydens intensiewe gebruik, en ’n duidelike LCD-skerm verskaf inligting oor die battery se stand, snitstatistieke en ander noodsaaklike data. Die toestel is toegerus met Pellenc se kenmerkende Activ’Security-tegnologie, wat daarop gemik is om beserings te voorkom. Integrasie met die Pellenc-toepassing maak dit moontlik om toestelinstellings maklik te monitor, wat tot verhoogde produktiwiteit en doeltreffende werkprosesse bydra. Die intuïtiewe skakelaars, tesame met ’n half-opening-modus, laat gebruikers toe om vinnig en akkuraat te werk. Die C3X kombineer tradisionele vakmanskap met gevorderde tegnologie, wat dit ’n waardevolle hulpmiddel vir snoeiwerkers maak. PRYS: Op aanvraag. NAVRAE: E-pos: info@pellenc.com, web: www.pellenc.com Vierwielmotorfiets kry meer woema…

Data, nie emosie nie, is die rigtinggewer wanneer aanbevelings oor kultivars en basters gemaak word. Boere behoort dieselfde roete te volg wanneer hulle besluit wat om te plant. Dít was die raad van Nico Barnard, landboukundige van Pannar, wat op dié saadmaatskappy se onlangse Val Extravaganza met boere gepraat het oor nuwe en bestaande basters. Hierdie boeredag op Val, Mpumalanga, is een van talle wat in Februarie en Maart in Mpumalanga, KwaZulu-Natal, die Vrystaat, Noordwes en die Noord-Kaap aangebied is. “Wanneer ons na produkte kyk, kyk ons nie met ons hart nie, maar na data wat oor ’n tydperk ingesamel is. Só bepaal ons wat waar inpas,” het Nico aan boere gesê tydens sy voorlegging oor produkte wat geskik is vir die oostelike Hoëveld-streek. Boere kon op die Val-terrein mielie-,…

Soet Paasbrood ■ 1 blik (385 g) kondensmelk ■ 250 ml kookwater ■ 125 g botter of margarien, in blokkies gesny ■ 2 ekstragroot eiers ■ 250 ml koue water ■ 2 pakkies kitsgis ■ 1,25 kg koekmeel ■ 10 ml sout Smeermengsel ■ 30 ml Paasspeserymengsel (sien “Kombuiswenk”) ■ 60 ml versiersuiker ■ 80 g sagte botter Meng die kondensmelk, kookwater en botter of margarien tot die botter gesmelt is. Klits die eiers en meng dit met die koue water. Voeg dit by die kondensmelkmengsel en sprinkel die gis oor. Roer liggies deur. Sprinkel 250 g (500 ml) van die meel oor en meng deeglik. Bedek die bak losweg en laat staan op ’n warm plek vir ongeveer 1 uur tot die mengsel bo-op vol borreltjies is. Voeg die…

Enigiemand wat al ’n wynproe van Beyers Truter bygewoon het, weet die stories vloei net so lekker soos die wyn. Dit was juis op só ’n dag toe Beyers van sy rugbystories vertel het, dat Riaan Gerber besef het daar moet ’n boek oor hom geskryf word. Dié boek, Stofpaaie in ’n wynglas, wat onlangs op Beyerskloof bekend gestel is, bevat vertellinge oor die man wat vir die grootste hoogtepunte in Pinotage se honderdjarige bestaan gesorg het. Die boek vertel hoe Beyers, as wynmaker op Kanonkop, daarvan gedroom het om op sy eie grond wyn te maak en hoe hy Beyerskloof uiteindelik met min geld, maar baie geloof, gekoop het. In dié tyd het hy bedags op Kanonkop as wynmaker gewerk en ná 17:00 op Beyerskloof gaan wyn maak. Die…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Dorp in die Vrystaat Lees op bl. 92 hoe dit werk. WEN BOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 93 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 1 Mei 2025. Geen posstukke word meer…

GAUTENG CARLETONVILLE VYFHOEK (428) 13 ha, aan Dominus Debit (Edms.) Bpk., van Hadeda-Landgoedtrust, R7000000. NIGEL NOOITGEDACHT (294) 167 ha, aan H.N.D.C. Bothma, van E. Klopper en J.M. Klopper, R2677382. RIETFONTEIN (364) 17 ha, aan Alleyroads Meyerton Development Co (Edms.) Bpk., van Meyerton Heights (Edms.) Bpk., R12 000 000. STRYFONTEIN (477) 16 ha, aan Amandla Lubricants (Edms.) Bpk., van Full Sail 1012 BK, R2480000. UITVLUGT (434) 384 ha, aan provinsiale regering van Gauteng, van Esor Uitvlugt (Edms.) Bpk., R153 000 000. VLAKFONTEIN (69) 36 ha, aan Mews Villa Prop (Edms.) Bpk., van Fishprop (Edms.) Bpk., R3000000. KWAZULU-NATAL PIETERMARITZBURG WILGEFONTEIN (869) 29 ha, aan Msunduzi -munisipaliteit, van P. Kuzwayo, R1 968 000. PORT SHEPSTONE LOT M P (5895) 57 ha, en NORTHDALE (16356) 50 ha, aan Jenkins Holdings (Edms.) Bpk., van Kwa-Ndwalane…

PRODUKSIEVEILING Dogter van topdier behaal beste prys op Vredesig-veiling Gert Malherbe en sy skoondogter, Leslé, vooraanstaande Suffolktelers van die Gersuréstoetery, Hertzogville, het topteelmateriaal aangeskaf op die veiling van Vredesig en Vriende wat op 7 Februarie by die Be Human-kompleks noord van Bloemfontein gehou is. Hulle het die hoogste prys vir ’n ooi (R42 500) en ’n ram (R35 000) van Johnny Forbes van Vredesig Dormers by Darling in die Wes-Kaap betaal. Die ooi, wat ook die duurste Suffolk op die veiling was, is die dogter van die raskampioenram op 2023 en 2024 se Royal-skou. BKB Kroonstad het die veiling aangebied en Jan Mostert was die afslaer. — JOHAN NORVAL Gesamentlike Boran-veiling beïndruk weer HURWITZ FARMING en Hotspot Cattle se tweede jaarlikse gesamentlike veiling is op 1 Februarie in die Bull…