Landbouweekblad 9 January 2025

Vasvat en fynvat, met deernis Jors Makou is ’n bekende skaapskeerder van Loeriesfontein. Chrismari van der Westhuizen-Batt van die plaas Uitspankolk in dieselfde omgewing het ’n oomblik vasgevang waar hy sy ambag beoefen. Met dié foto het sy die Nasionale Wolkwekersvereniging (NWKV) en Santam se 2024-fotografiekompetisie gewen. Die tema van die kompetisie was volhoubare skaap- en wolproduksie. “Ek het baie foto’s in die droogte geneem om mense bewus te maak van hoe ’n droogte lyk. Maar ek wou ook wys hoe die lewe op ’n plaas, veral op ’n Karooplaas, lyk,” sê Chrismari. Vir haar gaan die foto’s ook oor die bewusmaking van dierewelstand in die boerdery. “Daar is baie meer aan skaapboerdery as slag en skeer.” Fotografie is haar stokperdjie. Dan Kriek, hoofbestuurder van die NWKV, meen die wenfoto…

Karoo-kampioen wen met ‘sappige’ Suffolk-lam Chrisna Vermeulen, van die plaas Eindelik by Middelburg in die Oos-Kaap, se Suffolk-lam het aan haar die eerste prys besorg by die Lamb Champs wat op 14 Desember op Graaff-Reinet gehou is. Sy het R25 000 en ’n brons trofee deur die beeldhouer Nic van Rensburg ter waarde van R50 000 ontvang. “Suffolk is soos die Wagyu van skaapvleis en is sag en sappig. Die prys beteken nie net baie vir die Suffolk-ras nie, maar veral vir ons as ’n familie. Ons het ’n passie vir ons diere en versorg hulle met liefde, en hierdie prys gee erkenning daarvoor.” In die tweede plek was Chrisna Venter met ’n Wit Dorper-lam en derde Lukas Steenkamp met ’n Dorper-lam. Dit was die eerste keer dat Lamb Champs…

SUID-AFRIKA moet sy pogings verskerp om landbou-produkte na Brics-lande te kan uitvoer, sê Wandile Sihlobo, hoofekonoom van Agbiz. Die GRAFIEK toon aan die linkerkant die waarde van die landbou-produkte wat Suid-Afrika vanaf 2011 na Brics-lande uitgevoer het en aan die regterkant die relatief klein persentasie wat dit van Suid-Afrika se totale landbou-uitvoer verteenwoordig het – rondom 8%. Sihlobo sê dit is weens hoë tariewe en fitosanitêre versperrings. Pres. Donald Trump wil in sy tweede termyn as Amerikaanse president nuwe invoertariewe instel. Sihlobo sê dit kan Suid-Afrika se landbou-uitvoer raak wanneer groot invoer- en uitvoerlande soos China met hul eie invoertariewe kan terugslaan. Dít kan daartoe lei dat Amerika van sy landbouuitvoerprodukte wat vir China bestem was, na ander lande sal herlei, waar dit vir Suid-Afrikaanse produkte nuwe mededinging sal skep.…

KENNERS sê daar was darem ook goeie dinge, soos dat elektrisiteitsvoorsiening verbeter het, landbou-uitvoer wat hoër as in 2023 was, en die regering van nasionale eenheid (RNE) wat nuwe hoop bied. Wandile Sihlobo, hoofekonoom van Agbiz, sê 2023-’24 se produksieseisoen het op ’n goeie noot begin met goeie reën en boere het meer as in die vorige seisoen aangeplant. Teen Februarie en Maart het die reën egter weggebly en die gewasse het groot skade opgedoen – in só ’n mate dat die oeste vir graan en oliesade, ondanks die groter aanplantings, 23% laer as in die vorige seisoen was. Dit het laer voorraad en hoër kommoditeitspryse tot gevolg gehad. Teen 6 Desember het witmielies al teen R6 388/t verhandel, wat 50% hoër was as in die ooreenstemmende tyd in 2023,…

Dis roerend — die video op Landbou.com van boere en plaaswerkers van Arlington, Kaallaagte en Paul Roux in die Vrystaat wat een keer per week in die veld bymekaarkom om te bid vir reën. In Afrikaans en Sotho weet hulle waar hul uiteindelike verlossing vandaan sal kom. Op die agtergrond korhane wat na mekaar roep en die veld wat daardie onrusbarende wit skynsel begin aanneem. Soos ek hier skryf, is dit nog voor Kersfees. Vanoggend kom daar stuk-stuk boodskappe op WhatsApp deur oor reën wat hier en daar geval het. Maar meestal is dit nog nie genoeg nie. Dit is die wisselvalligheid van die weer wat ’n mens vang. Asof alles net meer ekstreem geraak het. Die laat koue. Nou die erge hitte. Temperatuurrekords wat spat. In Bloemfontein is ’n…

‘Boere staan voor grootste krisis met oorlewing nóg’ Boere staan voor die grootste oorlewingskrisis nóg. Ongeag wat ekonome en ander geleerdes wil voorgee, is boere in die moeilikheid – finansieel, emosioneel en geestelik. Boere is prysnemers aan die inset- en die uitsetkant, en betaal nog die vervoer weerskante toe. Dit is tyd dat ons kyk wat die werklike faktore is wat gelei het tot die krisis waarin boere hulle nou bevind. Die droogte speel wel ’n rol, maar ons het goeie reënjare gehad. Waarom maak boere nie meer ’n wins om die swak jare te verlig nie? Faktore wat ’n rol speel Die insetkoste het mettertyd net bly styg, en boere is gemanipuleer om dit as ’n gegewe te aanvaar. Die probleem is dat insetverskaffers internasionaal ál verder wegbeweeg van…