Tabla de contenidos para 3 October 2024 en Landbouweekblad

Die ander sê ‘Bill Gates speel God en sit die pot mis’ AFRIKA het ’n reuse-probleem om sy vinnig groeiende bevolking, wat teen 2050 2,4 miljard sal bereik, te voed. Tans ervaar 10% van die vasteland erge voedselonsekerheid. Die African Food Systemsforum in Kigali probeer om dit aan te pak met ’n tienjaarplan om die landbou te transformeer, met ’n klem op die vasteland se 33 miljoen kleinboere wat 70% van Afrika se voedsel produseer, maar lae opbrengste het. Bill Gates, die wêreld se sewende rykste mens en Amerika se grootste grondeienaar, glo moderne industriële landboupraktyke kan wêreldhonger oplos. Boerdery in Amerika lyk egter baie anders as boerdery in Afrika. Die deursnee-grootte van ’n plaas in Amerika is 100 keer groter as sy Afrika-ekwivalent. Amerikaanse boere verbou ook ’n enkele…

BIOSEKERHEID is ’n kwessie wat John Steenhuisen se aandag ván dag een van sy termyn as minister van landbou geniet, aangesien die bedryf tans midde-in ’n bek-en-klouseer-uitbreking is wat talle probleme veroorsaak. Hy het tydens Nampo Kaap in ’n eksklusiewe onderhoud gesê sy mikpunt is dat Suid-Afrika sinoniem met goeie biosekerheid moet word. “Ons het ’n sterk biosekerheidskultuur nodig, en daarvoor moet ons openbare bewusmaking skep. Mense moet weet dat hulle byvoorbeeld nie ’n vrug van ’n ander land af in Suid-Afrika mag inbring nie.” Nog ’n voorrangsaak is om die die rooisone-stelsel vir bek-enklouseer weer in te stel omdat dit voorheen met siektebekamping gehelp het. Boere in die rooi sones moet ook bygestaan word deur slagpale te sertifiseer wat hul diere kan slag sodat hulle steeds vir hul diere…

Landbouwins in Australië is die afgelope jaar onder erge druk ná die goeie pryse in die covid-19-tydperk en die oorlog tussen Rusland en Oekraïne wat in 2021-’22 uitgebreek het. In 2023-’24 het Australiese boere gemiddeld ’n verlies van sowat A$570 000 (R6,8 miljoen) gely. Dit is op ’n gemiddelde kapitaalbelegging van nagenoeg A$6-7 miljoen. Teen ’n wisselkoers van sowat R12/A$ gee dit ’n gemiddelde boerderybatewaarde van meer as R80 miljoen. Plase in Australië is baie groot. Terloops, die meeste Australiese boerderye het ’n eiekapitaal-verhouding van meer as 90%, wat hul vermoë om skokke te absorbeer aansienlik versterk. In Suid-Afrika is die kapitaalverhouding sowat 67%. Dit stel die plaaslike landbou bloot aan skokke, maar veral aan die hoë rentekoerse van die afgelope twee jaar. Die Reserwebank se beleid word nie verniet…

MIN dinge is so vreesaanjaend soos ’n brandende silo – dit gaan dikwels gepaard met lewensverlies, omgewingskade, voedselverlies en verminderde voedselsekerheid. Anene Basil Oguaka, ’n Nigeriese ingenieur, akademikus en konsultant, wys in sy doktorale studie oor die brandeienskappe van grane daarop dat die aantal geriewe waar groot hoeveelhede graan opgeberg, vervoer en verwerk word, saam met bevolkingsgroei net groter en meer gaan word. Oguaka het sy doktorsgraad aan die Universiteit Stellenbosch se fakulteit ingenieurswese behaal, binne die navorsingseenheid vir brand-ingenieurswese (FireSUN), onder leiding van prof. Richard Walls. “Daar is ’n gebrek aan kennis oor die brandeienskappe, soos ontbrandingstemperature en hittevrystellingskoerse van voedselgrane. Dié gebrek aan data impliseer daar is ’n tekort aan fundamentele inligting wat aan ingenieurs leiding kan gee om sulke geriewe optimaal te ontwerp en veilig te bedryf,”…

Op sowat 9 000 hektaar is die Baynesfield-landgoed by Thornville vandag ’n diverse en suksesvolle boerdery-onderneming. Daar is onder meer sowat 2 200 teelsôe wat weekliks sowat 1 300 spekvarke produseer, 1 500 ha saailande (84% droëland en 16% besproeiing), ’n kommersiële vleisbeeskudde van sowat 1 000 Beefmaster-koeie en ’n voermeule wat net aan die varkboerdery lewer. Myles van Deventer is die besturende direkteur van Baynesfield en Darrin Manser die akkerbou-en-vleisbeesbestuurder. Een van hul sleutelraadgewers wat help om maksimum opbrengste en gehalte met geelmielieproduksie te behaal, is Gavin Thompson, Pannar Saad se verkoopsverteenwoordiger vir sentraal-KwaZulu-Natal. “Ons gebruik al meer as 20 jaar lank Pannar se saad,” sê Myles. “Ons verbou nou al geruime tyd net geelmielies sodat ons heeltemal selfvoorsienend is wat mielies vir die varkboerdery betref. Dit maak sowat…

Danie Steytler (72) het waarskynlik nie veel meer as twee hande nodig om te tel hoeveel jare uit die afgelope sewe dekades hy nié die grond op Kaapzicht, teen Stellenbosch se Bottelary-heuwels, bewerk het of wyn gemaak het nie. “My pa (George) het my nie sakgeld gegee nie, maar hy het my ’n hektaar grond, daar anderkant die plataanbome, gegee en gesê dit is mý grond. Ek het as elfjarige op die ou Vaaljapie-trekker geklim en geploeg, en dan het ek ’n werker gekry en ons het gesaai. Só het ek groente gekweek om te verkoop.” Parstye het die Steytlers en die Morkels van Bellevue, oorkant die pad, mekaar gehelp wyn maak tot hul hande pikswart gevlek was van die rooiwyn. “Ons moes van 02:00 af werk – óf by…

Onlangs merk ’n vriend van my op dat ons verleer het om vir onsself te dink. Jy moet oplet wat om jou aangaan om by die waarheid uit te kom. Kenners verkondig dat mense wêreldwyd nie voldoende finansiële voorsiening maak vir “eendag” nie. Statistieke dui daarop dat minder as 6% van Suid-Afrikaners gemaklik sal kan aftree. Ek is nie seker hoe hierdie syfers bepaal word nie. Wat ek wel weet, is dat ons moeite moet doen om by die waarheid uit te kom. Dit vorm die hoeksteen om goeie, ingeligte besluite te neem om te verseker dat ons en ons kinders nie deel van hierdie statistieke word nie. My vriend het ’n punt beet. Kom ons toets die stelling dat ons deur ’n pensioenkrisis in die gesig gestaar word deur…

Hierdie veelsydige voertuie bied ’n kombinasie van praktiese aspekte, duursaamheid en kostedoeltreffendheid wat hulle die perfekte werkesel in die landboubedryf maak. Gebou vir die plaas Enkelkajuitbakkies is ontwerp met die boer se behoeftes in gedagte. Of jy nou vee aankeer of vervoer, gereedskap rondry of ’n wa of swaar toerusting sleep, ’n enkelkajuitbakkie bied die ideale kombinasie van krag en kapasiteit. Die ruim vragbak bied oorgenoeg spasie vir gereedskap, voorraad, voer of die dag se oes. Met ’n hoë grondvryhoogte kan dit enige terrein – van grondpaaie tot modderige landerye – maklik baasraak. Wat enjinlewering betref, stel die enkelkajuit nie teleur nie. Die meeste bakkies het kragtige dieselenjins met hoë wringkrag wat swaar sleepvragte na kinderspeletjies laat lyk. Sommige bakkies kan tot 3 500 kg sleep – oorgenoeg om die…

FokusDIS MY PRODUK NEW HOLLAND In die landboubedryf verander meganisasie en tegnologie deurlopend om werktuie en prosesse doeltreffender en volhoubaarder te maak. New Holland benut 40 navorsing-en-ontwikkelingsentrums oor die wêreld heen om boere by te staan en voortdurend nuwe tegnologie te ontwikkel. Die maatskappy is sedert 1895 verbind tot die verbetering van boerderydoeltreffendheid en produktiwiteit deur die gebruik van toeganklike tegnologie. In Suid-Afrika is New Holland amptelik al 25 jaar lank aktief. Voor dit is die Fiat- en Fordhandelsmerk deur Vetsak en Samcor versprei. Die samesmelting van Ford en Fiat het in 1991 plaasgevind, maar die handelsmerke is steeds afsonderlik bemark. Suid-Afrika was die tweede laaste land waar die samesmelting in werking getree het. Dié verandering het ’n groter deel van die mark vir die New Holland-handelsmerk oopgemaak, wat die…

Om te sorg dat sy werktuie in ’n goeie toestand is, is ’n groot deel van ’n boer se voorseisoenbeplanning en-voorbereiding. Kritieke komponente van masjiene moet gediens word en onderdele behoort voor die begin van die seisoen aangekoop te word om te verseker dit word betyds ontvang. Boere weet ’n werktuig wat tydens plant- of strooptyd staan, kos hulle baie meer as net die herstelwerk. CNH gee boere vanjaar ’n groot hupstoot met dié taak danksy ’n opwindende trekkerkompetisie. Boere wat van 1 Oktober tot 15 Januarie 2025 egte Case IH- of New Holland-onderdele koop, het ’n kans om een van twee trekkers in die 45 perdekrag- (33,6 kW) kategorie te wen – ’n Case IH JX45T of ’n New Holland TT45. Hierdie flinke werkesels is ideaal vir enige plaas…

Een van die nuttigste werktuie wat ’n boer op sy plaas kan hê, is ’n veeldoelige laaigraaf (TLB) danksy sy veelsydigheid, doeltreffendheid en vermoë om verskeie take te verrig. Hierdie yster kombineer die funksies van drie werktuie – ’n voorlaaier, ’n laaigraaf en ’n trekker – wat dit nuttig maak vir verskeie landbou-aktiwiteite, soos die grawe van slote, bou van damme en lê van waterpype. Dit help boere om koste te bespaar omdat hulle nie in afsonderlike toerusting vir verskillende take hoef te belê nie. Die laaigraaf se vermoë om dieper te grawe as baie ander landbouwerktuie maak dit ’n noodsaaklike hulpmiddel vir die installering van besproeiing of die bou van drinkplekke vir vee. Dit kan ook bykomende take verrig, soos om swaar voorwerpe op die plaas te lig en…

AS ’N VEILING só lekker is dat die besoekers wat dit bywoon, sommer die hele naweek oorbly – en naderhand sê hulle moet nou régtig huis toe gaan, want hul mae is seer gelag en geëet, dan weet jy dit is ’n groot sukses. ’n Produksieveiling van stoetduiwe wat op 14 September by Egbert O’Kelly van Out of Africa Lofts op Parys gehou is, het vir dié vrolikheid én goeie pryse gesorg. Dít was juis sy oogmerk: Om ’n duiweveiling te hou soos dit voor die covid-19-pandemie die norm was. Een waar mense die duiwe wat hulle wou koop, in hul hande kon vashou, vertel Egbert. “Duiweboerdery was nog altyd ’n gesellige samesyn van gesinne en dit het vir my in die jongste tyd bietjie agterweë gebly.” Voor die pandemie…

’n Nuwe rekordprys is behaal en sommige ooie is teen verse se pryse verkoop op die Overvaal Ile de France-klubveiling. BKB het die veiling op Saterdag 3 Augustus op Bona Bona tussen Klerksdorp en Wolmaransstad aangebied. BS 21017, ’n ooi van Hageland Ile de France by Klerksdorp, en haar drieling, is vir ’n nuwe rekordprys van R90 000 aan Chiboo’s Ile de France by Randburg verkoop. GW 230088, die ram wat die hoogste prys op die veiling behaal het, is van Gert van der Linde van die Van der Linde Ile de Francestoetery by Mareetsane. Dit is teen R37 500 aan drie stoeterye, die RCH-, Harlin- en Gatsak-stoetery by Ermelo, verkoop. Daar is onderskeidelik 45 en 80 stoetramme en -ooie op die veiling te koop aangebied, asook 180 kommersiële ooie.…

Nuwe SA skeerrekord suiwer spanwerk As twee topskeerders ’n nasionale skeerrekord opstel, verg dit ’n reuse-spanpoging van helpers, borge, boere en les bes … skape. “Ek en Marius was maar net die twee ouens wat staan en sweet het. Die eintlike werk is deur al die ander mense gedoen. Ons het net gekramp en water gedrink,” het Tienie du Plessis gespot nadat hy en Marius Klopper (foto) ’n nuwe SA rekord op Middelburg in die Oos-Kaap opgestel het vir die meeste Merino-lammers wat binne agt uur deur twee mense geskeer is – 1 011 lammers. Ná die rekordpoging het Tienie gesê dit is ’n droom wat werklikheid geword het. “Wat ons deels met hierdie rekord probeer bewys het, is om vir die wêreld te wys wat bereik kan word as…

NÁ onlangse berigte oor ’n ernstige tekort aan entstof teen Afrika-perdesiekte is daar versigtige optimisme oor die bewerings dat 190 000 ampules beskikbaar is. Willie Aucamp, DA-LP en nasionale woordvoerder van dié party, sê die parlementêre portefeuljekomitee vir landbou het op 17 September vergader waartydens die Landbounavorsingsraad (LNR) en Onderstepoort Biologiese Produkte (OBP) verslag gedoen het. “Hulle het toe aan ons bevestig dat produksie verhoog is en dat 190 000 ampules entstof teen Afrika-perdesiekte nou beskikbaar is. Dit is onduidelik of dit albei inspuitings dek (perde moet twee inspuitings kry, sowat 21 dae uit mekaar).” Volgens Aucamp het hy intussen self met ’n paar veeartse gepraat, en heelparty het bevestig dat hulle steeds op entstof wag. Twee veeartse het by navraag bevestig dat hulle “gehoor het van die ekstra entstof…

Bewaringslandbou Vanjaar is weer ’n mooi graanjaar op die Heidelbergvlakte. Op die landerye staan koring, gars, hawer en kanola hoog en eenvormig, en as alles reg loop, begin oestyd in Oktober. Die jare voor 2020 was baie droog en 2020 het ook droog begin, maar hulle is die afgelope paar jaar geseënd, sê Andries Duminy van Somona Boerdery. Hy is een van die vroeë aanvaarders van bewaringsboerdery wat nog elke jaar ’n oes gemaak het, of die reënval ondergemiddeld was of nie. Omdat hy die waarde van ’n weidingsfase vir die bekamping van veral grasonkruid besef, boer hy ook met volstruise. Hy gebruik ’n lang rotasie met vyf jaar lusern en vier jaar graan en kanola op sy swakker grond. Op sy grond wat ’n hoër potensiaal het, duur die…

Opvolgbeplanning Familiebesighede wat doelstellings oor generasie heen het, is dikwels suksesvoller as gewone ondernemings wat nie dieselfde langtermynoogmerke vir hul voortbestaan het nie. Theo Vorster, uitvoerende hoof van Galileo Capital, was ’n genooide spreker op die twee dag lange Agri Noord-Kaap-jaarkongres in Kimberley. Theo, dryfveer van Landbouweekblad se gewilde Familieboerdery-meesterklasse en konsultant vir talle familiebesighede, het van die lesse wat hy by elke unieke familiebesigheid geleer het, met kongresgangers gedeel. Hy het gewaarsku die oorgang van familiewelvaart kan nie aan die toeval oorgelaat word nie, en verg deeglike beplanning. Wêreldwyd toon navorsing dat tot 70% van ekonomiese aktiwiteite deur familiebesighede genereer word. Ford en Toyota is goeie voorbeelde van suksesvolle familie-ondernemings en in Japan is een wat al 1 000 jaar oud is. Suid-Afrika het landboufamiliebesighede wat oor agt of…

Reeks komberse bied gemoedsrus teen brande SafeQuip het onlangs ’n reeks multifunksionele brandkomberse bekend gestel. Die komberse is spesifiek ontwerp om brande wat ontstaan in toestelle wat litiumioonbatterye gebruik, in bedwang te bring. Dit is ontwikkel deur AVD Fire en kan uiters hoë temperature vir lang tydperke in ’n suurstofryke atmosfeer weerstaan. Die komberse is ook ontwerp om beskerming te bied teen puin en skrapnel wat moontlik tydens ’n batterybrand kan uitskiet. Volgens SafeQuip word die reeks AVD Fire-komberse vervaardig uit brandbestande materiale, waaronder silikaglasvesels, wat bestand is teen die hoogste temperature. Die komberse is duursaam en met ogies toegerus sodat dit maklik vasgemaak of opgehang kan word. Wat temperatuurweerstand betref, skeur dié komberse nie ná verskeie ure van blootstelling aan ’n temperatuur van 1 000 °C nie. Die materiaal…

FOKUSDIS MY PRODUK Die landbou se belangrikheid word wel nie behoorlik weerspieël in sy bydrae tot die bruto binnelandse produk (BBP) nie, tog bly dit een van die voorste bedrywe wat volhoubare groei in die ekonomie aan die gang kan sit. Landboubesighede het ’n belangrike rol in dié verband. “Sonder doeltreffendheid in die ingewikkelde netwerk van landboubesighede in die hele waardeketting, wat 11-13% van die BBP uitmaak, en hul oorlewing, sal die landbousektor nie vooruitgaan nie. Daar sal ook nie transformasie in die sektor wees nie,” het Sean Walsh, uitvoerende hoof van die KAL-groep en voorsitter van Agbiz, in September tydens ’n Landbou in gespreksessie op Nampo Kaap op Bredasdorp gesê. In Suid-Afrika strek landboubesighede se verantwoordelikhede dikwels veel verder as om net goedere en dienste aan kliënte te verskaf.…

Fokus DIS MY PRODUK Planters speel ’n deurslaggewende rol in boerdery deur te verseker dat sade in optimale toestande geplant word. Hulle handhaaf behoorlike spasiëring, diepte en grondkontak, wat ’n direkte impak op gewasopbrengs het. Die doeltreffendheid van ’n planter is uiters belangrik vir boere wat probeer om produktiwiteit te verhoog. Daarom bied John Deere gevorderde, betroubare planttoerusting waarop boere kan staatmaak. Kenmerke van John Deere-planters ■ Presisie-planttegnologie. Die maatskappy se planters is toegerus met gevorderde presisie-planttegnologie wat akkurate saadplasing en spasiëring verseker. Dit verminder saadvermorsing en maksimaliseer ontkiemingsyfers, wat tot gesonder, eenvormiger gewasse lei. ■ Aanpasbare ryspasiëring. John Deere-modelle bied verstelbare ryspasiëring, wat boere in staat stel om plantkonfigurasies aan te pas volgens gewassoort en veldtoestande. Dit lei tot beter hulpbronbenutting en verhoogde opbrengspotensiaal. ■ Gevorderde moniteringstelsels. Hierdie planters…

Veilings Die jaarlikse veiling van die KwaZulu-Natalse Bonsmaraklub, wat op 25 Julie deur Baszohn Cattle Co. op die plaas Amberwood, Mooirivier, gehou is, was ’n feestelike geleentheid. Hoewel daar nie wegholpryse was nie, het die gehalte van diere gesorg vir beter gemiddelde pryse as verlede jaar. Met twee bulle wat vanjaar elk die hoogste prys van R90 000 behaal het, is die gemiddelde prys hoog gehou omdat daar nie een goedkoop bul te koop was nie. Dié bulle is gekoop deur Inverness Rearers van Mooirivier en Suthile Animal Feeds van Nottingham Road. Dragtige koeie se gemiddeld prys was R16 938, dié van dragtige verse R19 370 en dié van oop verse net meer as R9 800. Wessel Ebersohn, mede-eienaar van Baszohn Cattle Co., skryf die laer prys van dragtige verse…

’n Drakensberger-bul is vir die baie goeie prys van R200 000 verkoop op die 17de produksieveiling wat die Hymgerd-stoetery van die broers Rodney en Leonard Neuman op 1 Augustus op hul plaas by Vrede gehou het. Klaas Venter van Grootvlei het dié bul (HN 20-140 Frelon) aangeskaf. Al 49 bulle is van die hand gesit. Die hoogste prys vir ’n vroulike dier was R19 000 vir ’n dragtige vers, gekoop deur Johan van Zyl van Excelsior. Die broers het ook Merino’s uit hul Cork Merino-stoetery aangebied. Die duurste ram is vir R70 000 aan Kojo Boerdery van Koos van Niekerk van Amersfoort verkoop. Die 70 ramme op die veiling se gemiddelde prys was R13 042. OVK het die veiling behartig en die afslaer was Andrew Miller.…

Manie Enige politikus wat grootmoedig genoeg is om te erken dat hy dalk ’n fout gemaak het en onderneem om dit reg te stel, verdien gewis ’n pluimpie, want hulle soort is dun gesaai – veral in Suid-Afrika. Manie verwys nou na landbouminister John Steenhuisen, wat erken het dat die aanstelling van die omstrede Roman Cabanac as sy personeelhoof ’n fout was. Hy sê die situasie met Cabanac se aanstelling het onhoudbaar geraak. Hy het die storie geword terwyl hy eintlik ’n administrateur moes word. Steenhuisen het druk vanuit alle oorde, waaronder sy eie party, hieroor gekry. Cabanac se omstrede uitlatings het onder skoot gekom en is opgediep, en al sê Steenhuisen hy het nog nooit ’n fout met ’n aanstelling gemaak nie, moes Manie hom waarsku dat daar altyd…

NÁ ’n herskikkingsproses kon BKB die afgelope boekjaar sy netto rentedraende skuld bykans halveer tot sowat R561 miljoen, wat sy balansstaat in ’n posisie plaas waar die bestuur groeiplanne kan oorweeg, soos om aan sy wolbesigheid ’n meer internasionale kleur te gee, het Johan Stumpf, besturende direkteur van BKB, gesê nadat die maatskappy onlangs sy jaarverslag bekend gemaak het. “Daar is nog nie transaksies wat oorweeg word nie, maar ons sal in die volgende boekjaar op groeigeleenthede konsentreer. Ons kyk na groei in ons huidige besighede, maar om die besigheid se veerkragtigheid te verseker, sal ons ook beleggingsmoontlikhede buite Suid-Afrika oorweeg en ondersoek geleenthede in Amerika en Australië.” Jannie van Niekerk, finansiële direkteur, sê Pinnacle Fibres het die afgelope jaar aansienlik gegroei tot ’n groot belanghebber in die Suid-Afrikaanse wolmark.…

Graanboerdery Graanboere loop hulle toenemend vas in ’n finansiële knyptang vanweë stygende produksiekoste en verminderde grondproduktiwiteit. Dit is ’n knyptang wat vererger word deur versnelde grondagteruitgang, klimaatvariasies en boere se posisie as prysnemers. Die boer se vermoë om hom- of haarself teen finansiële nood te verskans, word dus toenemend beperk. Dit verhoog die risikoprofiel van die sektor. Vanuit ’n voedselsekerheidsperspektief, en vir die voortbestaan van die landelike en landbou-ekonomie van Suid-Afrika, is dit uiters belangrik om die produktiefste, winsgewendste en volhoubaarste gewasproduksiestelsel te bepaal en dit toe te pas. Dit is veral belangrik omdat skuld, en dus finansiële risiko, in die landbousektor buite beheer raak (sien GRAFIEK 1A). Lopende uitgawes, oftewel die produksiekoste om ’n plaas te bedryf, as persentasie van die totale plaasskuld het van 1985 tot 2020 met…

Enkelkajuit vir ’n boer 1 As Aspoestertjie op ’n plaas gewerk het, was sy waarskynlik ’n enkelkajuitbakkie. Terwyl die dubbelkajuitbakkie Pappa se bors laat swel en die sportnutsvoertuig Mamma se oë laat blink, moet die enkelkajuitbakkie elke dag by die huis bly en werk. Die kans is ook goed dat almal met hom ry – van die baas van die plaas tot dié se tienerseun en die voorman. Dus is die bakkie wat die boer vir dié doel koop, nie ’n maklike besluit nie. Om die besluit makliker te maak, gee Landbouweekblad met sy Enkelkajuit vir ’n boerreeks lesers en kykers die kans om te sien wat boere van bakkies van die vyf voorste fabrikate in Suid-Afrika dink. Die deelnemers ry bakkies van Volkswagen, Toyota, Isuzu, Ford en Foton, en deel…

AgriSA 120 Kort ná sy aanstelling as minister van landbou het John Steenhuisen aan Landbouweekblad gesê hy is gelukkig dat die landboubedryf so georganiseerd is en dat soveel kennis en vaardigheid in georganiseerde strukture beskikbaar is. Hy het op Nampo Kaap weer bevestig dat die kennis, leierskap en vaardighede wat binne die bedryf en georganiseerde landbou is, reeds sy werk as minister vergemaklik het. Hoe het AgriSA tot stand gekom? Tydens ’n konferensie wat boere in 1896 in die destydse Natal gehou het, het hulle die behoefte uitgespreek aan ’n eie federale struktuur wat aan hul vereistes sal voldoen en hul belange sal beskerm. Op ’n daaropvolgende vergadering in Desember 1903 in Bloemfontein het landbouprodusente groter eenheid binne die boeregemeenskap bepleit. Die Suid-Afrikaanse Landbou-unie (of Inter-koloniale Landbou-unie van Suid-Afrika, soos…

Die mededinging was straf in vanjaar se Plaas Media Toyota Jong Afslaer-kompetisie toe die vyf finaliste op Nampo Kaap by Bredasdorp, Wes-Kaap, dit uitbaklei het vir die eerste plek op die rostrum. Die topvyf moes in die eindronde twee skape opveil met bieërs in die skare wat die pryse opgejaag het. Die beoordelaars was die gesiene afslaers Carl Malherbe en Allen Sinclair. “Al vyf hierdie afslaers was uitstekend en sal ’n loopbaan in die bedryf kan maak,” het Carl ná afloop van die kompetisie gesê. Die beoordelaars het veral gekyk na die jong afslaer se teenwoordigheid op die rostrum, of hy stil staan of baie beweeg, en die intonasie van sy chant. Allan sê dit was lekker om na die jong manne te luister. Sy raad aan hulle was om…

’n Koei het met ’n skitterprys van R400 000 die kalklig gesteel op die nasionale Brahman-veiling wat op 7 September in die Afridome op Parys gehou is. Dié dragtige wit koei, HLT 20-216, is deur Hans en Lize-Marie Terblanche van die Brahman-stoetery De Blanque by Onderstepoort buite Pretoria aan Lourens en Irma du Plessis van Louma Boerdery buite Thabazimbi verkoop. Hulle bedryf die Brahman-stoetery Nedibest. Die koei het reeds aan agt skoue deelgeneem. Die duurste bul, Brandwater Mr Hot 20-100, is deur Linde du Plessis, eienaar van Brandwater Boerdery by Fouriesburg, vir R250 000 aan Triple Tee Brahmans van Nyabira buite Harare in Zimbabwe verkoop. Die duurste koei-met-kalf, BOS 19-64, is vir R100 000 deur Burnie Staal van die Bos Blanco-stoetery by Kroonstad aan H.T. Martin van Ottosdal verkoop. Die…

Teelmateriaal uit Suid-Afrika se voorste Bonsmara-kuddes en sterk mededinging het gesorg vir hoë pryse op die agtste produksieveiling van Boeram Venter se Disco Bonsmaras by Kirkwood in die Oos-Kaap. Die duurste bul, VJN 210044, is vir R390 000 aan Nick Serfontein van Sernick by Edenville via die aanlyn platform Meerkat verkoop. Die aanbod van 19 bulle het gemiddeld R90 526 behaal. Dragtige koeie is teen gemiddeld R17 725 verkoop en kommersiële koeie teen gemiddeld R20 750. Die veiling is op 26 Julie deur Vleissentraal Port Elizabeth aangebied met Johan van der Nest as afslaer.…

Veilings Die Dormer-stoetery Avoca van Geoff Orpen het spogdiere aangebied op sy jaarlikse produksieveiling. Dié stoetery is by Barkly-Oos geleë. Die duurste ram is vir R10 000 aan Nizibone Nkwelo van Stanford Impi Farming by Maclear verkoop. Altesame 30 ramme en 15 dragtige SP-ooie is aangebied. Ramme is vir ’n gemiddelde prys van R6 095 verkoop en ooie vir R3 420. OVK het die veiling op 24 Julie aangebied by die Dewetsdorpgholfklub. Jakkie Nel was die afslaer. * Lees die volledige berigte op Landbou.com .…