Tabla de contenidos para 16 May 2024 en Landbouweekblad

VOEDSELSEKERHEID beteken nie bloot om genoeg kos te hê nie. “Lande moet ophou om verslag te doen oor die voedsel-energie wat hulle produseer en hulle meer toespits op die voedingstowwe van belang wat geproduseer word,” sê prof. Hettie Schönfeldt. “Suid-Afrika produseer baie vrugte, waarvan die meeste vitamien C-ryke lemoene uitgevoer word. Maar dan voer ons palmolie in, ’n produk wat vandag in ál ons kitskosse voorkom en nie-aansteeklike siektes bevorder.” Wat is voedsame kos? Vandag weet ons dat proteïene, vitamien A, B6 en B12, yster, sink en jodium die belangrike voedingstowwe is wat ’n mens moet inneem. Die voedingstowwe moet toeganklik wees vir die liggaam om dit te kan absorbeer. Só byvoorbeeld maak ’n klein hoeveelheid diereproteïene plantaardige proteïene se yster en sink meer beskikbaar vir die liggaam om op…

Rubriek Die huidige hoë rentekoerse beperk ekonomiese groei wêreldwyd, maar die IMF meen rentekoerse gaan daal. Sentrale banke, soos die Europese sentrale bank, die Amerika federale reserwebank en die Reserwebank in Suid-Afrika, het rentekoerse volgens beleid verhoog om inflasie teë te werk. Die banke het rentekoerse laat toeneem tot vlakke wat ekonomiese groei beperk het. Dit het daartoe gelei dat die paaiemente op huisverbande toegeneem het en krediet in die algemeen meer skraps is. Besighede kan nie hul skuld herfinansier nie en ál meer korporatiewe besighede staar wêreldwyd bankrotskap in die gesig. Die sake-omgewing is gedemp en die vraag na residensiële eiendom het afgeneem. Dit is ook nie meer so maklik om ’n woonhuis te verkoop nie. Die kommersiële eiendomsektor, waaronder die vraag na kantoorruimte, is veral sterk onder druk,…

Geldbeplanning Jong mense het dikwels die houding dat hulle nie nou gaan sterf nie, hoekom wil jy dus oor die dood en beplanning daarvoor praat? Of: “Om oor dood te praat, is sleg, en ’n mens spreek nie dood oor iemand uit nie.” Dit is asof hulle vir ewig gaan lewe en dat hulle in hierdie “ewigheid” van hulle nooit ongeskik sal raak of ’n gevreesde siekte kry nie. Toe sterf een van hul goeie vriende op 42 jaar aan ’n hartaanval. Hy is jonk. Sy boedel is nie groot nie. Daar is geen of min voorsiening gemaak vir sy gade en twee jong spruite. Die vrou sit met die gebakte pere. Baie vroue aanvaar dat die man voorsiening maak vir bogenoemde risiko’s. “Hy het vir haar die polisdokument gewys,…

Boereplan Die sukses waarmee misdaad in die Laeveld bestry word, is legendaries in Limpopo. Danksy noue samewerking tussen die polisie en die plaaswagte van die sentrale Laeveld is van Suid-Afrikaanse se mees gesoekte misdadigers al hier aangekeer. Lede van ’n gekombineerde span vir landelike veiligheid het Landbouweekblad onlangs in een van die dorpe te woord gestaan op voorwaarde van anonimiteit. Een van die belangrikste pilare waarop die gesamentlike sukses van die plaaswagte en polisie rus, is misdaadintelligensie, iets wat van die plaaswagte se lede deur goeie rekordhouding ontwikkel het. “Ons het aanvanklik misdaadvoorvalle in ons omgewing begin aanteken, sommer op Excel-spreivelle,” vertel Sam*, ’n lid van een van die plaaswagte se intelligensiespan. “Toe ons in 2017 begin het om só rekord te hou van die besonderhede van misdade was hier…

Staalboer is in 2003 deur Jan-Andries Smith sr. in Pretoria gestig. Vandag, 21 jaar later, word dié maatskappy deur Jan-Andries Smith jr. gelei en het dit gegroei van die oprigting van klein reservoirs in die Pretoria-omgewing tot die oprigting van strukture reg oor Suid-Afrika. Staalboer se produkte staan ook sterk in meer as 13 Afrika-lande. Staalboer het deur die jare meer as 3 700 strukture in verskeie sektore opgerig – van die landbou- tot die mynbou-, brandbestrydings- en boubedryf. Sy staalpaneel-reservoirs en tenkstaanders is die antwoord vir wateropgaarbehoeftes op enige plaas. Dit kan gebruik word vir die opgaar van drinkwater en water vir gewasbesproeiing. Die staalpaneelreservoirs word vervaardig uit sink-aluminium van die hoogste graad en gegalvaniseerde staalpanele, wat dit ideaal maak vir Afrika se uiterste weerstoestande. Staalboer kry sy materiaal…

Jy kan jouself eers as ’n skrywer beskou ná jou tiende boek, meen Sidney Gilroy onlangs tydens die bekendstelling van Bloedsomer op Stellenbosch. “Ek het nou die dag ’n onderhoud gevoer met Chanette Paul, wat 50 boeke geskryf het. Sy het ’n leeftyd gewy aan haar kuns. Ek is nog te nat agter die ore om te sê ék is nou ’n skrywer.” Sedert sy onthutsende debuut in 2019, Klikbek, hou Sidney lesers vasgenael met goed ontwikkelde karakters en spannende storielyne. Nou ryg hy die boeke skynbaar moeiteloos uit, maar hy keer vinnig oor dié opmerking. “Voor ek begin skryf het, was ek besig om te lees. Ek het baie tyd saam met my ouma deurgebring en daar was oral tafeltjies vol boeke in haar huis. Ek is van kleins…

Die R860/kg wat Leon Eybers van Rietbron onlangs vir ’n baal sybokhaar behaal het, is tot dusver die beste prys vanjaar. “Dis ’n seisoenrekord,” sê Pierre van der Vyver, hoofbestuurder van The House of Fibre in Gqeberha. Sias Reynolds van Beaufort-Wes het die tweede hoogste prys van R850/kg op die veiling op 16 April behaal. Martin en Hein Truter van Oudtshoorn het die derde hoogste prys van R838/kg behaal, terwyl sybokhaar van Delport Broers van De Rust R825/kg gehaal het. ’n Baal weeg 80-100 kg. “Die kans is goed dat die pryse op die laaste drie veilings van die seisoen verbeter kan word, want pragtige baaltjies is beskikbaar,” sê Van der Vyver. Van Hasselt Farming van Prins Albert het in 2019 die wêreldrekordprys van R1 256,10/kg vir sybokhaar behaal.…

KONFERENSIES 5-7 JUNIE: Agbiz-kongres. Sun City-konferensiesentrum. E-pos: temba@agbiz.co.za 12-13 JUNIE: Nasionale Wolkwekersvereniging-kongres. Tel. 041 365 5030, web: nwga.co.za 25-27 JUNIE: Africa Agri Techkonferensie. CSIR-konferensiesentrum, Pretoria. Tel. 012 004 0811, web: africa-agri.co.za 22-25 JULIE: Negende wêreldkongres oor bewaringslandbou, aangebied deur John Deere, Landbouweekblad en die Wes-Kaapse departement van landbou. Kaapstadse Internasionale Konferensiesentrum. Talle topsprekers oor hoe bewaringslandbou die landbou se veerkragtigheid kan versterk. E-pos: events@landbou.com; nog inligting by wcca9.org 5-6 AUGUSTUS: Internasionale Varsproduktevereniging (IFPA) se Suider-Afrika-konferensie, Kaapstad. Web: www.freshproduce.com/events/the-southern-africa-conference 7-8 AUGUSTUS: Vrystaat Landbou-kongres, Bloemfontein. E-pos: cynthia@vslandbou.co.za of elana@vslandbou.co.za 9-11 OKTOBER: LRF-veeskool. Aldam, Ventersburg. LRF-kantoor, 081 844 4853, office@lrf.co.za; web: stockmanschool.co.za FEESTE, EKSPO’S 31 MEI-2 JUNIE: OutdoorX-ekspo, Idlewood-landgoed, Gauteng. Tel. 016 013 0192 of e-pos: info@outdoorx.co.za 7-9 JUNIE: Hankook Land Cruiser-fees en Afrika-rekord, Sondela-natuurreservaat-en-spa, Bela-Bela. Tersia Schneider, 072 487 000, e-pos: accounts@ekspo.co.za…

Charolais is bul van die jaar Die Charolais-bul CB 21-00119, Louwcoe Daniel, is op die Bloemskou as Vleissentraal en SA Stamboek se wenner van die bulgroeitoetsklas aangewys. Die stoetery van Louwrens Viljoen en sy pa, Coenraad, word op die plaas Mountain View by Clocolan in die Vrystaat bedryf. Die bul beskik oor ’n medium raam en dra die poenskopgeen. Sy vaar is Louwcoe Ambrose wat die ras in 2021 in die Elite-bulgroeitoetsklas verteenwoordig het. Llewellyn Angus, een van die beoordelaars, sê die bul beskik oor uitstekende manlikheid, bespiering en loopvermoë. — JOHAN NORVAL Die wenner van die bulgroeitoetsklas, Louwcoe Daniel. Van links is Marinda van der Merwe en Anton Vos (albei Vleissentraal), Elmarie Prinsloo (Bloemskou), dr. Japie van der Westhuizen (SA Stamboek), Coen van Tonder (Bloemskou), Koos Vosloo (SA Stamboek),…

Om Suid-Afrika se beste rugbyskool (en dus heel moontlik die beste rugbyskool ter wêreld) aan te durf, is nooit ’n maklike vooruitsig nie. Die kans om te wen, is uiters skraal, met die blote vermyding van ’n loesing wat gewoonlik ’n meer realistiese uitkoms is! Maar wanneer sewe van jou beste spelers boonop siek word die week voor die groot wedstryd teen Paarl Gimnasium, en jy net een wanfunksionele oefening in die reën kan inpas om die nuwe spelers gewoond te kry aan mekaar, dan soek jy bitter groot moeilikheid. Op pad na die wedstryd die oggend vra ek my laaitie wat sy plan as kaptein is om sy manne lus te hou vir speel, veral as hulle gereeld agter die pale moet gaan kuier? Dit gaan realisties gesproke immers…

DIE eerste geval van bek-enklouseer in die Oos-Kaap is op 30 April op ’n plaas by Humansdorp aangemeld. Luidens ’n verklaring deur die departement van landbou, grondhervorming en landelike ontwikkeling is kliniese tekens van die siekte op die plaas waargeneem. Monsters is geneem en na die laboratorium op Onderstepoort gestuur. Die PCR- en serologieresultate was positief vir bek-enklouseer, maar teen druktyd was die SAT-tipering van die virus nog nie beskikbaar nie. Die plaas, buurplase en plekke wat met die geaffekteerde plaas skakel, is onder kwarantyn geplaas totdat kliniese en serologiese ondersoeke afgehandel is. Intussen sê bedryfsleiers dit gaan nie woluitvoer ontwrig of nadelig beïnvloed nie. Deon Saayman, uitvoerende hoof van Cape Wools, en Dan Kriek, hoofbestuurder van die Nasionale Wolkwekersvereniging, sê toe Suid-Afrika in 2019 sy bek-en-klouseervrye status by die…

“ONS moet die koek gróter maak. Daarom praat Red Meat Industry Services (RMIS) nie van transformasie waar die bestaande koek ál dunner gesny word nie, maar van inklusiewe groei waar daar vir álle rooivleisprodusente – van nuwe toetreders uit alle agtergronde tot groot belanghebbendes – ’n plek is om deel te neem,” het Dewald Olivier, uitvoerende direkteur van RMIS, onlangs op ’n boeredag op Piet Plessis in Noordwes gesê. RMIS het die hulp van die buro vir voedsel- en landboubeleid ingeroep om ’n daadwerklike plan, geskoei op onder meer dieregesondheid, vleisveiligheid, inklusiewe groei en marktoegang, met die samewerking van die primêre produksiewaardeketting te skep. “Daar is ’n plek vir almal in die rooivleisbedryf, of dit vrylopende vee, graangevoerde vee of deel van die nisprodukwaardeketting is. RMIS wil ’n plek vir…

VOORBEREIDINGS om te sorg dat die Bothaville-vleismark genoeg vleis en ander produkte beskikbaar het vir Nampo-gangers begin elke jaar reeds in Maart in aller yl. “My grootste klante tydens die Nampo-week is die restaurante in die Fanie Ferreirasaal. Ons lewer voor die tyd ook baie produkte aan gastehuise en restaurante, en dan moet ons natuurlik sorg dat ons genoeg biltong en braaipakke vir die besoekers het. Om by Nampo te kan braai, is tog die één ding waarvan die meeste besoekers praat,” sê Sonja Steenkamp, eienaar van die slaghuis. Die produkte wat die gewild-ste is tydens dié week sluit biltong, patties, wors en braaipakke in. “Daar is besoekers wat sommer voor hulle na die park gaan, biltong vir die dag koop. Ons ure tydens Nampo is 07:15 tot 19:00, en…

Die departement van landbou, grondhervorming en landelike ontwikkeling publiseer jaarliks ’n Kortbegrip van Landboustatistiek met heelwat syfers oor die landbou. Dit gee ook sekere produksie- en finansiële syfers van die landbou – in dié geval bygewerk tot einde 2023. Die syfers sedert 2015 wat ek hier gebruik, gee ’n goeie aanduiding van die breë neigings binne die landbou se geldsake. Produksiewaarde en inkomste GRAFIEK 1 toon die verloop van inkomste en insette van 2015-’16 tot 2022-’23. Die inligting vir 2023-’24 is my eie raming. Die landbou se bruto produksiewaarde (omset) het in 2022-’23 met sowat 20% toegeneem tot R448 miljard. Ek verwag die nuwe jaar se toename sal kleiner wees. In die tydperk van agt jaar het die bruto produksiewaarde met 132% gegroei. Insette aangekoop het in die jaar 2022-’23…

Dit is asof die wêreld nou eers besef hoe belangrik boere se waarnemings van die natuur vir die hele aarde se biodiversiteitbalans is, en wetenskaplikes druk skaamteloos op die landbousektor se knoppie vir hulp. Die nasionale verslag oor die status en bestuur van biologiese indringers in Suid-Afrika wat vroeër vanjaar bekend gestel is, laat val die kollig op ’n gebrek aan studies wat die verskillende indringerspesies formeel dokumenteer, asook ewe min inligting oor die presiese finansiële impak van hierdie spesies op Suid-Afrika. Die verslag is gesamentlik opgestel deur die Suid-Afrikaanse Biodiversiteitsinstituut (Sanbi) en die departement van wetenskap en innovasie se sentrum vir uitnemendheid in indringerbiologie. Deur aktief aan die proses van data-insameling deel te neem, kan boere in Suid-Afrika danksy ’n gratis en eenvoudige selfoontoepassing help om beter boek te…

Landelike insig Met spanname soos die Skou Pêrre, Kanaalbabers, Sluistrekkers, Neutkrakers, Buite Pêrre, Malkoppas en Skuinsklappers was daar duidelik groot pret op die landboumaatskappy Obaro se interboere-uniesaamtrek op Brits, met hier en daar ’n paar nerfaf knieë en ’n gekneusde ego of twee. Nic Bronkhorst, uitvoerende hoof van Obaro, sê met die sterk terugkeer van jong mense na boerderye wou hy ’n alternatief vir ’n formele konferensie skep. “Van die jong boere het eers boerderyondervinding oorsee gaan opdoen en dan na die familieplaas teruggekeer.” Hierdie stroom terug plaas toe het mettertyd sterker begin vloei namate skoonseuns en ander jong mense ook ’n goeie toekoms in boerdery begin sien het. “Nie almal woon kongresse by nie. Die doel van die interboere-uniesaamtrek is dus om daardie boere bymekaar te bring om deel…

Komposmaker verwerk 800 kg organiese afval ’n Stygende vraag na beter oplossings vir die verwerking van kos- en organiese afval het daartoe gelei dat BiobiN Suid-Afrika ’n nuwe, kleiner, mobiele afvalverwerkingseenheid ontwerp het. Sy nuwe mini-BiobiN is ’n eenheid met ’n afmeting van 1m3 wat tot 800 kg organiese afval kan verwerk. Dit is ontwerp vir gebruik deur ondernemings of organisasies wat met kos werk of kosprodukte verkoop, maar nie baie ruimte op die perseel beskikbaar het om ’n groot afvalverwerkingseenheid te huisves nie. Moontlike gebruikers van die toestel sluit in restaurante, supermarkte, deli’s, hotelle, skole of enige onderneming wat sy organiese afval self wil verwerk pleks van om dit na ’n stortingsterrein te vervoer. Die mini-BiobiN kan boonop maklik rondgeskuif word, wat dit ’n uiters veelsydige opsie maak, sê…

Samewerking is van groot waarde in enige organisasie en dit geld ook Syngenta se saadafdeling. In enige organisasie is dit belangrik dat navorsing en ontwikkeling in ’n gees van samewerking geskied, maar in die saadbedryf, en veral by teling, is dit van onskatbare waarde. Samewerking binne die hele bedryf is nodig sodat boere se behoeftes vasgestel en aangepak kan word. Hierdie kennis is nodig om te bepaal in watter rigting die navorsing moet beweeg in die soeke na werkbare oplossings om boere se struikelblokke die hoof te bied. In die soeke na en ook die evaluasie van nuwe kiemplasma bring die gesprekvoering tussen die onderskeie afdelings binne die maatskappy verskeie, en dikwels uiteenlopende, uitgangspunte na die tafel. “Besoeke aan proefpersele oor al die produksiegebiede gee ons personeel die geleentheid om…

Geurige beesvleissosaties ■ 1 kg beeskruisskyf, in hapgrootte blokkies gesny■ 1 ui, in wiggies gesny en lagies van mekaar getrek■ Sout en swartpeper■ Olyfolie, vir braai Rooiwyn-rissiesous ■ 30 ml olyfolie■ 2 uie, in ringe gesny■ 4 knoffelhuisies, fyngekap■ 7 ml sterk kerriepoeier■ 30 ml peri-peri-sous■ 30 ml worcestersous■ 80 ml soet rissiesous■ 180 ml rooiwyn■ 80 ml water■ Sout, peper en bruinsuiker■ Sap van 1 suurlemoen Kry ’n groot, diep swaarboompan gereed waarin ’n paar sosatiestokkies gemaklik sal pas. Ryg die blokkies beesvleis, afgewissel met stukkies ui, aan sosatiestokkies en geur goed met sout en peper. Verhit ’n klein bietjie olyfolie in die pan en braai die sosaties aan alle kante tot goed bruin. Haal uit en hou eenkant. Sous: Giet die olyfolie in dieselfde pan en braai die…

Die Paastyd is al ’n paar weke agter die rug, en ek het nog altyd ondervind dat Paasfees ’n goeie tyd is om terug te kyk. As ons kyk van waar ons gekom het en waarheen ons op pad is, dink ek aan ’n teks waarvoor ek baie lief is. Dit is Rom. 8:11: “Omdat die Gees van Hom deur wie Jesus uit die dood opgewek is, in julle woon, sal Hy deur wie Christus uit die dood opgewek is, ook julle sterflike liggame lewend maak deur sy Gees wat in julle woon.” Met ander woorde, dit gee jou en my ’n nuwe lewe. Terwyl ek hierdie rubriek geskryf het, het ons met ’n nuwe maand, ’n nuwe seisoen en nuwe geleenthede begin. 'Ons as boere wandel in geloof en…

GAUTENG Carletonville LUIPAARDSVLEI (246), 26 ha, aan die Republiek van Suid-Afrika, van Bosasa Prop (Edms.) Bpk., R69 000 000. VORSTERSKRAAL (669) , 656 ha, aan JJ van Niekerk-trust, van Tygerfontein Boerdery (Edms.) Bpk., R12 775 000. HONINGKLIP (178), 21 ha, aan Multi Digit Trading 1 (Edms.) Bpk., van F. Ferreira, R2 100 000. ROOIPAN (96), 557 ha, aan Winston Trust, van B.K. Bothner, R500 000. NIGEL HOUTPOORT (392), 19 ha, aan J.H. Barnard, van D.C. Jansen van Vuuren, R1 800 000. WITKOPPIE (373), 97 ha, aan C.L. Kriek, van C. Kriek, R2075000. PRETORIA WATERVAL (273), 11 ha, aan Zatosec (Edms.) Bpk., van B.J. de Bruin en P.J.H. de Bruin, R1780000. WATERVAL (273), 11 ha, aan Edzi Farms (Edms.) Bpk., van Zatosec (Edms.) Bpk., R2800000. ZWARTKOPPIES (364), 30 ha, aan Hollenbach…

Ons is trots om namens die SA Beefmaster Genootskap vir jou ‘n kykie te gee in dit wat ons bied. WAT GEMEET WORD, WORD BEREIK! Om te meet, is om te weet, daarom is die akkurate hou van rekords deur Stamboek so belangrik vir die SA bees industrie. Ons is dankbaar en trots om hierdie ongelooflike diere te kan teel, omdat hulle hoogs ekonomies is om mee te boer en ook omdat hulle aanhou presteer. Hulle is vrugbaar, winsgewend en geskik vir alle areas van Suider Afrika. ‘n Bewys hiervan is die feit dat ons genootskap steeds groei, nou met 161 geregistreerde telers wat met uitgebreide kuddes boer. Die aantal geregistreerde diere staan tans op 68929 met ‘n gemiddelde tussenkalf-periode van 405 dae en ‘n gemiddelde speengewig van 232 kg.…

Die jaar 2024 gaan soos elke ander jaar vol uitdagings wees. Dit is egter belangrik om te konsentreer op die positiewe dinge wat ‘n invloed op ons daaglikse boerdery bedrywighede het. Die veranderde weerpatrone sedert middel Desember het landswyd groot verligting gebring. Gesaaides oor groot gebiede lyk belowend en weiveld begin herstel. Die groter uitvoer geleenthede vir rooivleis na die Midde-Ooste en ander lande is ’n hupstoot vir ons bedryf. Vir my is die grootste pluspunt die verhoogde aanvraag na kwaliteit stoet- en kommersiële Beefmaster beeste. Dit is ons plig as telers om te alle tye kwaliteit beeste op ons veilings aan te bied. Dit is die beste advertensie vir ons ras. Daar is baie hoogtepunte in die komende jaar om na uit te sien. Die Royal skou, ons Nasionale…

AARDVERWARMING is besig om werklike, voelbare afmetings aan te neem. Hoewel ’n El Niño-stelsel die afgelope somer voorgekom het en hierdie verskynsel bekend is om hoër temperature, speel aardverwarming vanjaar ’n bykomende rol. Johan van den Berg, onafhanklike landbouweerkundige, meen dit kan gesien word as die temperature van twee soortgelyke El Niño-seisoene in 2015-’16 en 2023-’24 vergelyk word. Só was die gemiddelde maksimum temperatuur van Kakamas van 1 November 2023 tot 31 Maart vanjaar 36,6 °C, en van 1 Februarie 2024 tot 31 Maart 2024 was dit 36,84 °C. “Om dit in perspektief te stel: Tydens die sterk El Niño van die 2015-’16-seisoen, wat as een van die warmste jare gereken is, was die gemiddelde maksimum temperatuur van Kakamas van 1 November 2015 tot 31 Januarie 2016 35,2 °C, en…

DIE hofaansoek van die Noord-Kaapse departement van landbou wat ’n sakereddingspraktisyn wou laat vervang om ’n sukkelende staatsrooibosteefabriek van ondergang te red, is met koste van die hand gewys. Regter Cecile Williams se lang verwagte uitspraak op 15 April kom ’n jaar nadat betoë in die hooggeregshof in Kimberley aangehoor is. Toe betoë op 13 April 2023 aangehoor is, was die sakereddingsproses en gepaardgaande likwidasie-hofgeding reeds twee jaar aan die gang. Die departement het steeds geld in die fabriek gepomp. Daar was in 2009 groot opgewondenheid oor die opening van die Nieuwoudtville-rooibosteefabriek, waarin miljoene rande belê is. Kommersiële en opkomende boere sou daarby baat vind deur hul tee te verkoop aan die verwerkingsaanleg, wat nader aan die boere is as die aanlegte in die Wes-Kaap. Wyle Tina Joemat-Pettersson, destyds die…

DIT volg op ’n moeilike tydperk waarin hy twee van sy verliesmakende ondernemings, Desert Raisins en AlphaAlfa Lusern, moes sluit. Sy vesel- en lewendehawe-afdelings het swaargetrek weens logistieke uitvoerprobleme wat toegang tot sy uitvoermarkte ontwrig het, en die uitbreking van bek-en-klouseer. Die genoteerde groep se inkomste het intussen met 12,9% in die tydperk tot 31 Desember 2023 gegroei danksy verhoogde verkope van brandstof, saad en kunsmis. As die ondernemings wat gesluit is, buite rekening gelaat word, was die wins 18% hoër op R3,07 miljard, luidens BKB se jongste tussentydse verslag. Stewiger vertoning Handelsomstandighede is steeds uiters onseker, waarsku die verslag, en wys daarop dat veselpryse nog nie ten volle van die uitwerking van die covid-19-pandemie herstel het nie. Desondanks het die groep se vesel-afdeling ’n bedryfsverlies van R2,4 miljoen in…

Direk uit isiXhosa vertaal, beteken siza kuyenza (sowenza) umsebenzi “ons sal die werk doen”. Die man agter die suksesvolle skeerdiens Sowenza Umsebenzi Sheep Shearing Services is Isaac Ndlongwane – ’n ware entrepreneur en iemand wat verstaan hoe om ’n besigheid van die grond af op te bou. Hy was net 15 jaar oud toe hy sy skoolloopbaan en familie vaarwel toegeroep en saam met sy pa, Simon, op die plaas Seville by Wepener beland het. Dáár het die eertydse eienaar, Willem Swanepoel, gou die potensiaal in dié jong man raakgesien. “Isaac was ’n ywerige werker en altyd bereid om te leer. Hy is waar hy vandag is omdat hy ’n eerbare en nederige mens is wat bereid is om die ekstra myl te loop. Hy het respek vir sy beroep…

Skaapboerdery In die harde suide van Namibië verg dit vindingrykheid, nie net om te oorleef nie, maar ook om vooruit te gaan. Dek, lam en speen op die beste tyd in die veld en bemark slaglammers wanneer die prys in die boer se guns is, is ’n suksesvolle vleisskaapbeleid wat vir Wallace Theron van Uhlenhorst werk. Hy was in 2023 derde in die Kleinveeprodusent van die Jaar-kompetisie wat die Namibiese Lewendehaweprodusenteorganisasie (LPO) aanbied. Die Theron-familie boer sedert 1930 op die plase Ponjola en Kentani nadat hulle van Sutherland in die Noord-Kaap na Namibië verhuis het. Uhlenhorst is nagenoeg 200 km suidoos van Windhoek, ’n landskap met rooi Kalahari-duine, kameelbome en driedoringbosse. Wallace is vanaf 2014 deel van die familieboerdery saam met sy pa, Francois, en het in 2016 alleen op…

Suid-Afrika kan nie oorbenutting óf onderbenutting van biologiese hulpbronne bekostig nie. Vergeleke met sy grootste handelsvennote is Suid-Afrika arm aan biologiese hulpbronne. Groot dele van die land is te droog vir grondbewerking en kan slegs ekstensief deur vee benut word. Dele wat bewerk word, word gekenmerk deur onbetroubare reënval en grond met ’n lae organiese inhoud. Bosbou is in klein, gespesialiseerde gebiede moontlik en is grootliks afhanklik van uitheemse bome van vogtiger wêrelddele. Dit verhoog die sektor se klimaatrisiko. Selfs die betreklik ryk seebronne se produktiwiteit neem af weens oorbenutting. Die VF Plus glo omgewingswetgewing en -regulasies moet die volhoubare benutting van hulpbronne moontlik maak. Die omgewing en natuurlike hulpbronne moet benut word om armoede te verlig en werk te skep, terwyl die omgewing vir toekomstige geslagte bewaar word. Dit…

Laat ek sommer heel aan die begin bely dat ek geen groot gebruiker van sosiale media is nie. Facebook, Twitter (deesdae X), LinkedIn en wat ook nog mag bestaan, het my nog nooit gesien nie. Die tyd wat ek daaraan sou afstaan, kan ek liewer in my herlaaikamer deurbring of een van my geweerboeke lees. Tog vind ek WhatsApp baie nuttig. Danksy die verskillende groepe waaraan ek behoort, is ek op die hoogte van ons plaaslike buurtwag, ek sien die pragtige foto’s van my medelede van die clivia-klub, en ek kry inligting oor die Kwaggatak van SA Jagters waarvan ek ’n lid is. Maar nog nooit was ek lid van só ’n aktiewe groep soos die een wat Die Kooperasie se vuurwapenafdeling (by die tak in Gqeberha) so ’n paar…

Sluitingsdatum: 6 Junie 2024 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Wintergereg. Lees op bl. 90 hoe dit werk. WEN BOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 6 Junie 2024. Geen posstukke word…

Die volgende ontleding van grondverkope in Suid-Afrika is van transaksies vir grond van meer as 10 ha in die Oos-Kaap van Januarie 2023 tot Februarie vanjaar. By Joubertina (23,6%), Cathcart (17,7%), Oos-Londen (14,5%) en Stutterheim (12,3%) is noemenswaardige stygings aangeteken. Daar was 362 transaksies in 34 distrikte. Dit het 178 707 ha van R2 291 miljard behels. In 15 (44%) van die distrikte word stygende prysneigings waargeneem. In 5% van die distrikte, vergeleke met 12% in die vorige jaar, het geen grondverhandeling plaasgevind nie. Onder distrikte wat nog deur ongunstige grondprysdruk geraak word, tel veral Willowmore, Gqeberha (Port Elizabeth) en Tsolo. ’n Vergelyking per kategorie teenoor die vorige jaar (in hakies) toon transaksieverhandeling van minder as 50 ha is 24% (28%), 50-150 ha is 14% (14%), 150-300 ha is 13%…

Abraham Kruger (88) van Toverberg Simmentalers se algehele uitverkoping is op 13 Maart vanjaar op die plaas Rietfonteinpoort by Colesberg gehou. Hy het langer as 60 jaar geboer, en het sy eerste diere in 1965 ingevoer. Die genepoel wat Kruger behou het nadat ’n ooreenkoms tussen hom en Ron Nolan van Bar 5 Ranch in Kanada tot ’n einde gekom het, is as van die beste ter wêreld beskou. Talle Simmentaler-telers het die veiling bygewoon en ál die diere wat aangebied is, is verkoop. Lot 51, die bul Toverberg AK23710, is vir die hoogste prys van R85 000 aan Martiens de Jager van Gulland Simmentalers by Rustenburg verkoop. Lot 4, BW2034, was die duurste koei op die veiling en is vir R60 000 aan Johan Theron van Lerhone Boerdery by…

DR HENDRIK MEYER President: Uitvoerende dagbestuur, Kataloguste, Screening & Rasverbetering GUY RENSBURG Visie President: Uitvoerende dagbestuur, Nasionale Advertensies NICO PRETORIUS Finansies JAN SCHOEMAN Lede aangeleenthede & kursusse & Streeksverteenwoordiger: Noord Kaap GERRIE JANSEN VAN RENSBURG Uitvoerende dagbestuur & Nasionale Veiling MARK FORD SA Stamboek & Streeksverteenwoordiger: Oos Kaap RIANA DE BEER Uitvoerende dagbestuur & Rasbevordering & Streeksverteenwoordiger: Vrystaat DIRCO SWART Facebook & Webblad STEPHAN DU PLESSIS Nasionale Borge DEWALD SCHOLTZ NAMPO & ALFA FRANS ODENDAAL Keurings & Inspeksies; Genomika & Buitelandse Projekte HARDUS STEENKAMP K I bulle/Embrio skenkers & Teelwaardes CAS JOUBERT Bemarking DANIE BOSHOFF Streeksverteenwoordiger: Limpopo DAWIE DU PLESSIS Inligtingsdae; Skoue & Skole & Streeksverteenwoordiger: Kwazulu Natal JOHAN PRETORIUS Streeksverteenwoordiger: Mpumalanga & Gauteng HANS COETZEE Streeksverteenwoordiger: Noord Wes MAGDA BOUKES Kantoor…

Daar is ‘n gesegde: “Goeie voeding steek slegte teling weg”, wat baie waar is. Jy kan nie deur net na ‘n dier te kyk, weet wat sy genetika is nie. As hy goed gevoer word, lyk hy goed, maar hy kan geneties minderwardig wees. Dit impliseer dat hy - en sy nageslag - ‘n groot hoeveelheid goeie voeding en uitstekende sorg nodig gaan hê om goed te lyk. Daarom maak dit meer sin om ‘n dier te koop wat geneties superieur is omdat dit meer winsgewend sal wees. Sy superioriteit sal dan ook oorgedra word na sy nageslag. Die algemene idee is om diere te teel wat geskik is vir jou omgewing, eerder as om heeltyd die omgewing te verander om die dier te pas, aangesien dit nogal ‘n duur…