Tabla de contenidos para 21 March 2024 en Landbouweekblad

POSBUS 1802, KAAPSTAD 8000; e-pos: lbw@landbou.com Kaderontplooiing: Só ly die landbou Kaderontplooiing is ’n kanker in Suid-Afrika. Die ANC het dié stelsel genadeloos op alle terreine van die Suid-Afrikaanse samelewing toegepas – nodeloos om te sê met rampspoedige gevolge. Die landbou in Suid-Afrika is nie die gevolge van kaderontplooiing gespaar nie. Trouens, dit staan sentraal tot baie van die landbou se probleme. Energie Boerdery vereis energiesekerheid. Die landbousektor is en word steeds swaar getref deur die tekort aan volhoubare energie. Die landbou se energieprobleme het by kaderontplooiing in Eskom begin. Boere en ander betrokkenes in die waardeketting bestee miljoene rande aan alternatiewe en groen energie ten einde in besigheid te bly. Hawens ’n Tweede aspek wat die landbou ten nouste raak, is die toestand by Suid-Afrika se hawens. Die land…

DIE departement van water en sanitasie wil deur wysigings aan die Nasionale Waterwet (Wet 36 van 1998) ’n verbod plaas op die oordrag van watergebruiksregte na derde persone, asook dat vergoeding daarvoor betaal word. In sy kommentaar op die voorgestelde wysigings sê AgriSA in die bestaande wetgewing is die bedoeling met oordragte die bevordering van doeltreffende watergebruik. Sulke oordragte behels volgens AgriSA nie ’n koopakte nie. Daar is nie ’n voorwerp wat verkoop word nie en dit is ook nie die bestaande lisensie wat verkoop word nie. Die bestaande lisensie word voorwaardelik opgesê om water beskikbaar te stel vir die nuwe lisensiehouer, op voorwaarde dat die minister van water en sanitasie die nuwe lisensie toestaan. Só word daar dus reeds voorsiening gemaak vir die beskerming van die openbare belang. Die…

Enoch Godongwana, minister van finansies, het in Februarie die begrotingsrede gelewer vir die staat se 2024-’25-boekjaar. Die begrote staatsuitgawes vir die jaar is R2,369 biljoen en die geraamde inkomste (belasting) R2 biljoen. Daar is dus ’n tekort van R332 miljard wat weer geleen en by die bestaande staatskuld van sowat R5,5 biljoen gevoeg gaan word. Die delging van die staat se skuld is nou een van die grootste enkele uitgawes (R382 miljard). Daar moet ’n raps meer as R1 miljard per dag hiervoor betaal word. Om staatskuld effens minder te maak, gaan daar sowat R150 miljard van die Reserwebank se gebeurlikheidsreserwes gebruik word. Dié reserwes bestaan basies uit goud en buitelandse valuta waarvan die waarde toegeneem het namate die rand verswak. Dit beloop tans sowat R500 miljard. Die eintlike doel…

Finansiële adviseurs of makelaars gebruik dikwels die begrip boedelbeplanning as die lokaas om vir ’n kliënt ’n testament op te stel. Dan word kontantbehoeftes en uitgawes geïdentifiseer en lewensversekering aan die kliënt bemark. Die kliënt is tevrede, want ’n kundige het met hom of haar gepraat en die tekorte uitgewys. Boedelbeplanning behels egter baie meer as net ’n finansiële ontleding. Dit is noodsaaklik dat ’n holistiese boedelbeplanning gedoen word. Gee genoeg inligting Dit is wel so dat baie kliënte nie alles oor hul sake vir hul finansiële adviseur vertel nie. Dit veroorsaak dat die boedelbeplanning en testament nie altyd korrek is nie. Die beplanner benodig minstens albei gades se bates en laste, polisopsommings, testamente, besighede se finansiële state (om risiko’s te bepaal) en trustaktes en gepaardgaande dokumentasie rakende die trust.…

Brief uit die buiteland Hy laat hom nie afskrik deur ’n paar veesiektes en temperature van tot -40 °C nie. Trouens, ’n mens kry die indruk JJ van der Merwe verkies dit as dinge taai raak. Saam met ’n grondige kennis van veegesondheid en -hantering, en ervaring as vragmotorbestuurder, is dit hierdie ingesteldheid wat JJ ’n aanwins maak vir sy Amerikaanse werkgewer, Jim Aschoff van Aschoff Farms by Plainview, Nebraska. Vertel ons van die boerdery en die omgewing waar jy werk. Aschoff Farms voer sowat 6 000 kalwers – swart en rooi Angusse, of black steers soos hulle hier genoem word. In die winter daal die kwik soms tot -40 ºC. Dit is in hierdie ysige weer dat ek elke oggend opstaan en ál die beeste deurkyk om seker te…

Boereplan Draadwerk kan jou teen die skuurmuur uitdryf, maar Attie du Toit (28) van die plaas Nooitgedacht buite Bredasdorp het die bul by die (yster)horings gepak en twee patente geprakseer waarmee hy nou tyd het vir ander plaaswerk – en nou ook videowerk. Attie, een van Landbouweekblad se finaliste in ’n onlangse kompetisie vir smaakmakers (die Afrikaanse nuutskepping vir ’n influencer), het al ’n groot groep volgelinge op TikTok wat in allerlei plaastake “opgelei” word. En van sukkel met hoekpale in ou kampe kan jy Attie in elk geval niks vertel nie. Hoek- en stutpale in kampe is redelik diep – meer as 60 cm – in die grond geplant. As kampdrade dikwels dekades later verander moet word, is pik- en graafwerk dikwels jou voorland. “Dit kos soms ’n dag…

Plant meer en kry ’n hoër opbrengs. Dié stelling is ontbloot van waarheid, meen Nico Barnard, landboukundige by Pannar. Dieselfde geld die stelling dat omgewingsfaktore in normale seisoene die deurslag gee met opbrengs. “Dit is uiteindelik die korrekte plantestand, ’n gunstige seisoen én die regte bestuursbesluite wat tot opbrengs lei. Stand as sodanig gee nie opbrengs nie en om net ’n hoër stand te plant, gaan nie noodwendig jou opbrengs verbeter nie. Dieselfde geld omgewingsfaktore, wat alleen nie opbrengs gaan bepaal nie. “Dit is bestuursbesluite en die saambind van al die faktore wat daarmee gepaardgaan, wat opbrengs bepaal,” het Nico gesê. Bepaal só korrekte mielieplantestand Wat die korrekte mielieplantestand betref, is daar drie faktore wat dit beïnvloed. “Dit is die opbrengspotensiaal, die boer se aptyt vir risiko, en die keuse…

Lamskenkels met muskadel en knoffel Druk die sagte, geroosterde knoffelpuree uit die bolle en roer dit by die sous waarin die vleis gaargemaak is voordat julle wegval. ■ 1 kg lamskenkels, in skywe gesaag■ 4 knoffelhuisies, fyngedruk■ 30 ml olyfolie■ 2 heel knoffelbolle, middeldeur gesny■ ’n Hand vol vars tiemie■ 375 ml witwyn■ 375 ml muskadel of soet sjerrie■ 45 ml botter, in klein stukkies gesny Voorverhit die oond tot 160 °C. Vryf die skenkelskywe goed in met die fyngedrukte knoffel. Verhit die olyfolie in ’n swaarboomkastrol en braai die skenkels in sarsies bruin. Skep uit in ’n kasserolbak. Druk die knoffelbolle en tiemietakkies tussenin en giet die witwyn en muskadel of sjerrie oor. Bedek met ’n dubbele laag foelie en bak vir 2 uur tot die skenkels lekker sag…

Nie so lank gelede nie was dit my voorreg om te luister na ’n preek waar die prediker se onderwerp was: Leef in waarheid. Dit was ’n goeie preek en goed voorgedra. Tog het iets belangriks ontbreek. Hy het in gebreke gebly om te sê wat waarheid is, en wat die waarmerk daarvan is. Dit is interessant om te verneem dat Pilatus reeds eeue gelede gevra het: “Wat is die waarheid?” (Joh. 18:38). Wanneer iemand oor die waarheid wil praat sonder dat hy die bron van die waarheid nagespeur het, beland hy maklik op ’n dwaalspoor wat verskillende vorms kan aanneem, soos ’n versteekte waarheid wat in jou gedagtes afspeel; of ’n halwe waarheid wat soms erger is as ’n leuen; of ’n geopenbaarde waarheid. Met betrekking tot die laaste…

Die volgende ontleding van grondverkope in Suid-Afrika is van transaksies vir grond groter as 10 ha in Gauteng, KwaZulu-Natal en Limpopo van Februarie 2023 tot Januarie 2024. Daar was 518 transaksies in Gauteng en 87 727 ha is vir R3,622 miljard verhandel. By Pretoria het pryse met bykans 16% gedaal. In die betrokke tyd is 317 transaksies in 13 distrikte in KwaZulu-Natal gesluit. Daar is 83 320 ha teen R2,695 miljard verhandel. By 69% van die distrikte is negatiewe prysneigings waargeneem. By Utrecht het pryse met 12,5% gestyg, terwyl dit gedaal het by Kokstad (-17,3%), Ulundi (-15,6%), Jozini (-16,3%), Helpmekaar (-15,3%) en St. Lucia (-10,1%). In Limpopo is 523 ooreenkomste in 12 distrikte gesluit. In die proses is 220 690 ha teen R3,408 miljard verhandel. By 41% van die distrikte…

Die strawwe mark vir lewende hawe eis sy tol op die jongste veilings. Dieter Schutte, bestuurder van BKB op Cradock, sê pryse neig laag en die ongunstige ekonomie en hoë rentekoers is buite die produsent se beheer. “Ongunstige produksietoestande in verskeie gebiede dra ook by tot ’n stram verkopersmark en ’n swak vraag na vroulike diere.” Op die 47ste produksieveiling van Heuningkrans-Merino’s van Eddie en Eduard Prinsloo (Smithfield) is die aanbod van 90 ramme vir gemiddeld R8 760 verkoop. Dit is vir die Prinsloos ’n aanvaarbare prys in dié tyd. Volgens Schutte word wel uitskieterpryse behaal, soos op die veiling van 2 Neefs-Dohne’s van Burgersdorp. Jaco Wessels van Kroonstad het R100 000 vir ’n ram betaal, wat die ramme se gemiddelde prys op R14 795 te staan gebring het. Op…

TERWYL boere reg oor Europa betoog, polisieversperrings verontagsaam en mis stort, paai Europese politici hulle deur strenger handelversperrings teen voedsel- en landbou-invoer uit Afrika te belowe. Maar hoekom het die uitsluiting van Suid-Afrikaanse wyn en lemoene, Keniaanse tuinbouprodukte en Tanzaniese neute só ’n brandende kwessie geword vir Afrika se grootste landbouhandelsvennoot? Toe die Europese Unie in 2019 met sy Green Deal-plan begin het om die vrystellings te verminder wat klimaatsverandering aandryf, het dit die uitfasering van plaagdoders ingesluit. Dit het soos ’n slim politieke skuif gelyk ná talle verdraaide veldtogte van omgewingsaktiviste. Feite was ’n bysaak, die klem was vreesaanjaende opskrifte. Een voorbeeld was bewerings dat een van die wêreld se nuutste insekdoders bye uitwis, wat beelde geskep het van ’n wêreld sonder vrugte. Dit het nie gerealiseer nie, maar…

Hoe sal jy die 2023-’24-seisoen tot dusver beskryf? Dié somerseisoen is gekenmerk deur goeie reën vanaf middel Desember tot ongeveer 10 Januarie. Daarna het ’n baie droë tydperk gevolg wat ook saamgeval het met hittegolwe oor die aanplantingsgebiede. Sterk ondergemiddelde reën, met sommige distrikte wat reeds vir agt weke geen neerslae ontvang het nie, laat die mielie-oes tans steier. Die nasionale oesskattingskomitee (NOK) het met die eerste produksieskatting einde Februarie bekend gemaak dat die mielie-oes op 14,359 miljoen ton geskat word. Dit is sowat 2,07 miljoen ton minder as die 2023-oes, met die landwye opbrengs wat op 5,44 t/ha geskat word (teenoor 6,35 t/ha in 2023). Die afgelope twee maande se moeilike toestande, saam met die vooruitskouing van verdere hitte en ondergemiddelde reën die volgende tien dae (vanaf 11 Maart,…

Rubriek GRAAN Met groot ywer en opgewondenheid het ek in September 1983 by my pa op die plaas aangesluit. Dieselfde jaar koop my pa sy suster se grond en ons begin ’n nuwe hoofstuk in Silverton se geskiedenis. Die ekonomie was toe nog baie omgeklits en die rentekoers bo 20%. Dit het, in der waarheid, in ’n stadium by 25% gedraai. Saam bewerk ons sowat 900 ha – hoofsaaklik mielies en ’n bietjie sonneblomme. Dit was nog die dae van oesspanne en dorsmasjiene. Die trekkers was oud, maar darem nog heel. Ons het nog met skottelploeë geploeg, dan geëg, die saadbedding gemaak en geplant. Die reën kom betyds in November en ons plant voor Geloftedag klaar. Alles lyk belowend vir ’n mooi oes. Dis mos hoe ’n mens moet boer,…

Slanggids propvol inligting Johan Marais se nuttige veldgids oor slange, ’n Volledige gids tot die slange van Suider-Afrika, is bygewerk, hersien en uitgebrei, en nou beskikbaar. Hierdie derde uitgawe is propvol nuwe inligting gegrond op wetenskaplike navorsing met betrekking tot die gedrag, identifikasie, voortplanting en gif van slange wat by die spesiebeskrywings ingesluit is. Die handleiding is ’n onmisbare hulpmiddel vir elke plaaswerf, en dek alle noodsaaklike aspekte van slangbiologie en -gedrag. Spesiebeskrywings word aangevul deur volkleurfoto’s en verspreidingskaarte, terwyl die leser noodsaaklike inligting in ’n oogopslag kan sien danksy eenvoudige simbole. ’n Afsonderlike “sleutelkenmerke”-kassie help om spesies vinnig in die veld te identifiseer. Benewens hoofstukke oor klassifikasie en identifikasie is daar ook inligting oor die aanhou van slange en die behandeling van slangbyte. Hierdie omvattende gids sal ’n waardevolle…

Jurie Muller het nog altyd ’n liefde vir branderplankry gehad. Tesame met sy voorliefde vir handwerk het hy begin om sy eie branderplanke te maak, “want dan het jy meer beheer oor die proses en ek kan my branderplankryery verbeter”. Jurie maak handgemaakte branderplanke onder die Gonzo-handelsmerk. Hy is ’n big wave-branderplankryer en omdat die groot golwe maklik borde breek, kan hy geld bespaar deurdat hy die borde teen ’n laer prys kan maak. Hy hoef boonop nie so lank te wag vir ’n bord nie. Jurie en sy pa, Johann, boer met Merino-skape op die plaas Ouland by Vleesbaai in die Suid-Kaap en lewer fynwol van 18-19 mikron. Hulle maak ook kalwers groot as ’n bykomende vertakking. In die halfdroë klimaat by Mosselbaai word die skape op kweek aangehou,…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Leidraad: ’n Vrug. Lees op bl. 90 hoe dit werk. WEN BOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 11 April2024. Geen posstukke word meer as inskrywing aanvaar…

Anderkant die reënboog Dis sleg. Die droogte. En die erge hitte maak alles net erger. Ons is besig om ons herlewingslandboukonferensie op Reitz in die Vrystaat te reël. Landbouweekblad bied dit saam met die manne van die Riemland-studiegroep aan, maar die reën bly weg. Baie van die mielies wat veronderstel was om ten minste nog twee weke langer as hul base te hou, het nou binne dae reën nodig. Elders gaan dit ook sleg, soos Derek Mathews op bl. 34 skryf. Die probleem, reken hy, is dat dit deesdae net soveel langer duur om van skokke soos droogteskade te herstel, want insette is eenvoudig te duur. Op plekke loop dit nou ongemaklik naby aan grondwaardes. ’n Paar weke gelede staan ek en Derek tydens Landbouweekblad se Oplossings vir die Platteland-konferensie…

SOOS met alle toestande, is voorkoming die beste genesing as dit kom by verkluiming en verhongering. Goeie voeding tydens dragtigheid, ’n goeie omgewing waar die ooie kan geboorte skenk, ’n bewustheid van die weer, waarneming van die ooi en lam tydens die geboorteproses en bystand waar nodig sal baie help om lamverliese vanweë verkluiming te voorkom. Hipotermie: Herkenning en behandeling Die beste manier om verkluiming te identifiseer, is deur die lam se rektale temperatuur te neem en sy optrede waar te neem. Die normale temperatuur van ’n lam is 39-40 °C. Dit is belangrik om die rektale temperatuur van enige lammer na te gaan wat lusteloos en swak is, en onwillig of onmagtig is om te suig. Hoe gouer daar opgetree word, hoe beter is die lam se kans op…

Toenemende kommer heers oor die maklike beskikbaarheid van geregistreerde gevaarhoudende middels vir beroking en die ongeoorloofde verhandeling daarvan. Daarby is die opleiding van berokers en hul assistente deur nuwe diensverskaffers swak. Laasgenoemde verontagsaam die bedryf se hoë opleidingstandaarde. Die Wet op Misstowwe, Veevoere, Landboumiddels en Veemiddels (Wet 36 van 1947) bepaal dat enige persoon wat vergoed word om die beroking van graan en oliesade uit te voer, as ’n plaagbekampingsoperateur geregistreer moet wees. Dié vereiste geld vir enige persoon wat in die loop van sy besigheid, nywerheid of handel ’n plaagbekampingsmiddel gebruik om plaagbekamping te doen. Produsente wat graan en oliesade vir kommersiële doeleindes in hul eie geriewe opberg, moet hulle ook vergewis van die wetlike vereistes wat met beroking verband hou. Indien die wetlike vereistes nie nagekom word nie…

DIE genadelose verspreiding van die stompkopkewer in Australië se inheemse woude dwing dié land se regering nou om honderde bome af te kap om die plaag uit te roei. Volgens wetenskaplikes is dit tevergeefs en sal dit veel meer verg om die stompkopkewer heeltemal uit te roei. Bruce Webber, wetenskaplike aan die Universiteit van Australië, sê die stompkopkewer is ’n plaag wat die voortbestaan van die land se bosbou bedreig. Intussen saai dié kewer ook verwoesting onder Suid-Afrikaanse eikebome. Kenners aan die Universiteit Stellenbosch ondersoek moontlikhede om die kewer heeltemal uit te roei. Volgens ’n navorsingsartikel wat onlangs in die South African Journal of Botany verskyn het, is die voortbestaan van eikebome in die weegskaal vanweë die piepklein stompkopkewer wat stamme binnedring en verder versprei. Die stompkopkewer, oorspronklik vanaf Suidoos-Asië,…

Elke bokser weet dat die vermoë om ’n harde linkerhaak te gooi, alleen nie die boksgeveg gaan wen nie. Die geheim van ’n goeie bokser lê in die vermoë om te systap, te koes, saam met die harde houe te beweeg en op die regte tyd die uitklophou te plant. Dieselfde veerkragtigheid, deursettingsvermoë en tydsberekening is deurslaggewend vir enige onderneming om tersaaklik te bly, veral in ’n dinamiese omgewing soos die landbou. CNH, wat onder meer produkte van die handelsmerke Case IH en New Holland bemark, is nou die voorste verkoper van trekkers en stropers op die vasteland met 247 stropers en 3 054 trekkers wat in 2023 vastrapplek op plase reg oor Suid-Afrika gekry het. (Sien TABELLE 1 en 2.) Jacques Taylor, besturende direkteur van CNH Suider-Afrika, meen daar…

Videosukses bly Bredasdorp-boer verbaas Hy maak sommer video’s vir die lekkerte, vertel Attie du Toit. En hul gewildheid verbaas hom steeds. Attie het aanvanklik aftrek gekry met ’n grappige video oor ’n windpomp wat hy op Instagram geplaas het. Dié video is meer as 500 000 keer gekyk. Sy vrou, Lise-Marie (@lifebyme.sa), ’n streeksbestuurder by die Melkprodusente-organisasie, asook ’n inhoudsvervaardiger, het hom aangemoedig om nog video’s te maak. “Ek is deur die dag maar alleen op die plaas en dan maak ek sommer video’s vir die lekkerte. Ek probeer om dit taamlik kort en so oorspronklik moontlik te hou.” Attie, wat op TikTok en Instagram as @boerja_official bekend staan, boer by Bredasdorp en het onlangs saam met sy pa begin om kunsmis te verkoop. Dit is veral vir hom interessant…

Onkruiddoderweerstandigheid is die inherente vermoë van ’n plant om normaal te oorleef en voort te plant ná blootstelling aan ’n dosis onkruiddoder wat voorheen dodelik vir die spesifieke spesie sou wees. Dit ontstaan wanneer ’n skaars genetiese mutasie in ’n plant voorkom, gekoppel aan die herhaaldelike gebruik van onkruiddoders met dieselfde werking, of verkeerde spuitpraktyke, het Gerhard gesê. “Faktore wat ’n rol kan speel, sluit in plantjies wat deur die onkruiddoder gemis is, laat opkoms of onkruid wat reeds ’n mate van volwassenheid bereik het. Die onkruiddoder het dus min impak op hierdie plante. “Waar weerstandigheid geklassifiseer word, word aanvaar ’n onkruid is weerstandig wanneer meer as 30% van die plante oorleef nadat die korrekte spuitpraktyke gevolg is.” Hy het gesê die groep B- aktiewe middels, oftewel die ALS-inhibeerders, is…

GAUTENG CARLETONVILLE RIETKUIL (554), 31 ha, aan Usizo Thuso Prop (Edms.) Bpk., van Boumanwes-boerdery BK, R3775000. NIGEL ROOIKRAAL (156), 223 ha, aan Kiron Projects (Edms.) Bpk., van Eggbert Eggs (Edms.) Bpk., R5750000. KWAZULU-NATAL HELPMEKAAR BURNSIDE (3287), 2 030 ha, en DAVELS BERG (3286), 390 ha, aan JHDV Farming (Edms.) Bpk., van Burnside Country Estate (Edms.) Bpk., R24 631 088. LADYSMITH GS (18109), 131 ha, aan Vusisizwe-gemeenskapseiendomsvereniging, van M.J. Honiball, R1 605 000. LIMPOPO ALLDAYS VERNON (183), 826 ha, aan Van Zyl Eiendomstrust, van J.S. Roos, R4 900 000. DENDRON KAREEBOSCH (618), 93 ha, aan Cherry Holdco (Edms.) Bpk., van R.J. Minnaar, R3191416. MARKEN ALKANTRANT (519), 2 084 ha, aan Alkantrant Prop (Edms.) Bpk., van Herberg-boerdery (Edms.) Bpk., R17 000 000. MODIMOLLE HARTBEESTFONTEIN (394), 526 ha, aan Arianozone (Edms.) Bpk., van…

Hoe het jy in die afslaersbedryf beland? My pa, Johan, was in die veilingsbedryf. Hoewel hy op die plaas Greylingsrust by Makwassie in Noordwes met onder meer beeste en mielies geboer het, het hy ook veilings vir Karoo-Ochse aangebied. Ek het dus van skooldae af daar in die krale rondgewoeker en gekyk hoe beeste opgeveil word. Ek het gesit en pannekoeke eet by die tannies wat pannekoek en jafels verkoop. Veilingsdag was altyd ’n lekker uitstappie. As ek reg onthou, het ek in 1989 as bemarker vir Karoo-Ochse begin werk en later self veilings begin hanteer. Vir wie werk jy tans as afslaer, in watter streek en watter tipe veilings behartig jy? Ek is by Vleissentraal Bosveld in Limpopo. Ons kantoor is in Potgietersrus (Mokopane). Van die veilingspunte waar ek…

KONFERENSIES 17 APRIL: Landbouweekblad se Herlewingslandboukonferensie op Ottosdal. Ottosdal-skouterrein. R800 (vroeëkaartjieprys); R950 (normale prys). Kaartjies: Quicket. E-pos: events@landbou.com; 22-25 JULIE: Negende Wêreldkongres oor bewaringslandbou, aangebied deur John Deere, Landbouweekblad en die Wes-Kaapse departement van landbou. Kaapstadse Internasionale Konvensiesentrum. Talle topsprekers oor hoe bewaringslandbou die landbou se veerkragtigheid kan versterk. E-pos: events@landbou.com; nog inligting by wcca9.org SKOUE 10-13 APRIL: Clanwilliam. Heinie Nieuwoudt, 073 969 2272; Ann-Marie van der Merwe, 072 353 1170; e-pos: heinie.nieuwoudt@sfpadvice.co.za 25 APRIL-4 MEI: Bloemskou. Elmarie Prinsloo, 051 448 9894; e-pos: info@bloemskou.co.za; web: www.bloemskou.co.za 14-17 MEI: Nampo, Bothaville. Wim Venter, wim@grainsa.co.za 26-27 JUNIE: Sugarfest, ‘n handelskou vir die Suid-Afrikaanse suiker- en makadamiabedryf, Mtunzini. Boere, vervaardigers en ander belanghebbendes kan die nuutste in boerderytoerusting bekyk. Tel. 060 452 7525 of e-pos: admin@sugarfest.co.za 9-10 AUGUSTUS: Wes-Kaapse Landbouveterane, Villiersdorp. Johannes Uys, 082…