Tabla de contenidos para 7 March 2024 en Landbouweekblad

NUUS IN ’N BLIK Dit is skeertyd op die Cloetes se plaas, Rondom, tussen Carnarvon en Loxton in die Noord-Kaap. Die man wat die vag so netjies gooi, is Asakhe Rasimeni. Elias Nkololo (links), die klasseerder, staan gereed om te help. Hendrik Cloete, wat saam met sy pa, Henk, met Merino’s vir wol en vleis, asook ’n klein Afrikaner-kudde vir koggelramme boer, sê hul skeersel is gemiddeld 19 mikron, wat mediumfyn is. Hulle wil vanweë hul weiding- en voersituasie, wat wisselvallig kan wees, nie té fyn gaan nie. Wolpryse het in Februarie op soortgelyke vlakke beweeg as aan die begin van die bemarkingsjaar in Augustus. Op die laaste veiling voor druktyd (26 Februarie) was die gemiddelde prys vir gesertifiseerde wol R168,95/kg en vir nie-gesertifiseerde wol R150,02/kg. Die prys het ’n…

MOEILIKE produksietoestande, ’n onvriendelike beleidsomgewing en, meer onlangs, logistieke probleme, stygende insetkoste en beurtkrag, het ’n erge tol geëis op die bekostigbaarheid van voedsel. Kandas Cloete, senior ontleder vir tuinbou by die buro vir voedsel- en landboubeleid (BFAP), meen die invloed van die onsekerheid rondom die inval van Oekraïne in Februarie 2022 op insetbeskikbaarheid en koste kon bygedra het tot konserwatiewer aanplantings. “Daarmee saam moet ’n mens na weerstoestande en beurtkrag kyk om te bepaal watter besluit produsente geneem het en hoeveel die kans gewaag het om te plant met die hoop dat pryse op die mark hulle sal vergoed vir die risiko wat hulle neem. As ek dink aan die produsente wat langtermyn-gewasse én groente verbou, dan was dit ’n baie moeilike besluit. Verskepingskoste was baie hoog, insetkoste (waaronder…

POSBUS 1802, KAAPSTAD 8000; e-pos: lbw@landbou.com ‘Daar’s nie geld nie!’ WENBRIEF Deesdae ervaar elkeen van ons die ontstellend hoë lewenskoste. Menige wenkbroue lig langs die winkelrakke en ’n hoorbare sug klink by die betaaltoonbank op. Ek wil my doof hou vir skoolboodskappe oor geld. Vir foto’s, geskenke en fondsinsamelings. Waar trek ’n mens die streep? Desnieteenstaande al my uitpak en kla, verstaan my kinders steeds nie wat my clichés beteken nie. Ek hoor gereeld: “Mamma gaan seker nou weer sê ons het nie geld!” Of: “Wag tot pappa salaris kry.” Terwyl hulle vir my vies is, is my hart seer. Los hulle eerder tuis, is ’n goeie oplossing. Tog is dit so lekker om hulle saam met my te hê. Dit voel of die aanslae net erger word. Ons het…

HITTEGOLWE só fel dat dit selfs oeste wat onlangs reën gehad het, bedreig het, is vererger deur skrapse of ondergemiddelde reënvooruitsigte tot vroeg in Maart. Boere wat deur droogte geraak is, hoop om darem die koste van hul insette te dek, maar sê daar is nie sprake van groot oeste nie. Die versengende hitte laat gesaaides kwyn. Die hele Vrystaat en Noordwes, en selfs dele van Mpumalanga soek dringend reën, sê dr. Werner Rossouw, direkteur en handelaar van Silostrat. “Die probleem vanjaar is dat daar distrikte is waar aanplantings steeds baie goeie potensiaal het, maar ander wat in dié stadium swaar trek weens ondergemiddelde reënval.” “Dit raak nou baie laat – daar is oeste wat nie meer gered kan word nie, selfs al reën dit nou,” sê Derek Mathews, voorsitter…

Brief uit die buiteland Hoe het jy op dié pad beland? Dit was ’n lang reis wat tydens my grootwordjare op die plaas begin het. My pa, Pierre (voormalige Stamboek-hoof), boer steeds, maar vroeg op universiteit het ek by sendingwerk betrokke geraak en saam met Shangane in hul nedersettings gebly as deel van ’n uitreikaksie. Dit is waar ek die groot verskil in die werklikhede van ons wêrelde besef het, veral in hoe ons oor boerdery dink. Ná my honneursgraad in natuurlewebestuur aan Tukkies, waar ek vee-en-wildkunde gestudeer het, het ek by die wildbedryf as beroepsjagter betrokke geraak. Ek het wildreservate beplan en bestuur. My MSc-graad het oor grootveevoeding, maar toegepas op wildspesies, gehandel. Ek was een van die eerstes om wildvoeding vir die veevoerbedryf te bestudeer, en dit was…

Die vernuwingsprys op Fruit Logistica in Berlyn is ingepalm deur ’n groentesoort wat van buite soos ’n murgpampoentjie lyk, maar binne meer soos ’n komkommer is. ’n Nuwe prys is vanjaar op dié internasionale vrugte-ekspo vir die beste tegnologiese vernuwing oorhandig. Die wenner van die eerste FLIA Technology-prys vir vooruitgang in masjinerie en tegnologie is Koppert se unieke Mirical-konsep om roofinsekte vry te stel. Vyf finaliste is in elke afdeling aangewys. Die meer as 66 000 Fruit Logistica-besoekers kon twee dae lank vir hul gunsteling stem om die wenner aan te wys. Murgpampoentjie van buite, komkommer van binne Unica Fresh se Zucchiolo het besoekers die meeste beïndruk. Dit is ontwikkel uit ’n murgpampoentjiekultivar wat inheems in Suid-Amerika is. Die werk is gedoen deur die Spaanse instituut vir landbou-en-visserynavorsing en -opleiding…

Met die nuwe T7 HD-reeks trekkers voeg New Holland die eerste Stage V-trekkers tot sy reeks toe. Een van hierdie modelle, die T7.315 HD-trekker, gebruik die ECOBlue™ HI-eSCR 2- (selective catalytic reduction) stelsel om uitlaatgasse te verminder. Dié innoverende nábehandelingstelsel is ’n onderhoudsvrye oplossing wat bedryfskoste laag hou. Auto Command™, ’n deurlopend veranderlike transmissie (CVT), dra by tot die doeltreffende werking. Dit is ook toegerus met PLM Intelligence™, wat die IntelliView™- 12-skerm en SideWinder™ Ultra insluit. Die ontwerp is dus soortgelyk aan die T8- en T9-trekkerreeks, wat die operateur se werk vergemaklik omdat dit eenvormig is. Telematika is standaard saam met die outomatiese stuurstelsel, met die RTX-satellietsein-opsie. Daar is baie ander standaardvoordele, soos kajuit- en voorsuspensie, LED-ligte, hoë hidrouliese vloei, hoë hyserkapasiteit en die verf- en ontwerppakket Blue Power. Die…

Die S700-stroperreeks van John Deere neem landboutegnologie na nuwe hoogtes en bied ’n omvattende reeks kenmerke, voordele en besparings wat dié stropers van hul mededingers onderskei. Gevorderde werkverrigting Dors-en-skeistelsel. Die S770 is toegerus met ’n vernuwende koniese ontwerp wat ’n gevorderde dors-en-skeistelsel het. Dié stelsel laat die materiaal uitsif terwyl dit deur die skeiermodule beweeg, wat kragvereistes verminder. Die trek-en-los-aksie maak die vasgevalde graan los, wat aansienlike graanbesparings tot gevolg het. Rotoropsies. Die rotoropsies bied pasgemaakte oplossings vir die beste werkverrigting in verskillende oestoestande. Die TriStreamTM-rotor is die beste geskik vir growwe korrels, met ’n effens afgeplatte ontwerp in die dorsgedeelte om maksimum graangehalte te verseker, terwyl die skuuraksie aansienlik minder is. Aan die ander kant is die Variable Stream-rotor ideaal vir die hantering van hoëopbrengsgewasse, taai strooi of nat,…

Vertel meer van jou keramiekreeks wat van alledaagse produkte kunswerke maak. ’n Mens kan seker sê ek is ’n argitek wat kuns skep. Ek konsentreer op pasgemaakte keramiekwerk wat ek in opdrag van kopers skep, of dit nou ’n paar borde of ’n volle stel is. Ek het onlangs ook koppies en pierings gemaak, asook ontbytbakkies. Ek maak ook geteëlde muurpanele wat met die hand geverf word. Buiten die Willows-reeks, waarvan ek voorraad hou om te verkoop, is die res opdragwerk. Dit het alles begin by jou Travelling Willows-reeks. Ek het gevind my werk as argitek vereis baie digitale vaardighede. Daarom het ek steeds deeltyds geteken om my te inspireer en my vaardighede te slyp. Nadat ek en Johan getroud is en ek op die Jordaan-familieplaas by De Doorns kom…

Jersey 1 Senior en grootkampioen, Puttergill XF1 Justine 18417. Eienaar: Brett Puttergill (middel, 083 320 6153), Puttergill Jerseys, Thornhill. Links is Francois Pieterse (hanteerder) en regs Brian Carscadden (beoordelaar). 2 Junior kampioen, reserwe junior uierkampioen en reserwe-grootkampioen, Milagro Mina J20127. Eienaar en hanteerder: Andrew Masterson (082 321 1462) van Milagro Jerseys, Humansdorp. 3 Kampioenvers, Koppie Prix Lobelia 21016. Eienaar: Hanro Uys (072 226 7024) van Koppie Jerseys, Bredasdorp. Van links is Johannes Uys, Brian Carscadden (beoordelaar) en Lombard Walters (Semex). 4 Reserwe-kampioenvers, Milagro Mantra J21097. Eienaar: Andrew Masterson. Van links is Anele Baneti (hanteerder), Brian Carscadden (beoordelaar) en Natasha Labuschagne (Ecolab). 5 Kampioenjongkoei, jongkoei-uierkampioen, Milagro Bella J1913. Eienaar: Andrew Masterson. Van links is Tertius en Andrew Masterson. 6 Reserwe-kampioenjongkoei, Doornvlei Gran Broc 19310. Eienaar en hanteerder: Pieter van Deventer (082…

Manie Dnamiet kom in klein pakkies. En wat die pas afgelope Oplossings vir die Platteland-konferensie op Nampopark met sy meer as 70 sprekers oor twee dae bewys het, is dat geen individu sy of haar impak moet onderskat nie. Op een verhoog, met net tien minute waarin elk hul storie kon vertel, kon ’n klomp impakspelers sonder ego, politieke agenda of grootpraat vertel hoe organisasies met beperkte hulpbronne ’n groot impak op die brose platteland maak. Inspirerende verhale van mense wat paaie bou, klinieke staanmaak, veilige hawens skep met kinderhuise en ouetehuise, plaasskole selfversorgend maak, werk skep (en skep, en nogmaals skep), skole bou wat geleenthede verbreed, sonplase oprig en water suiwer, die vrede bewaar en onrus blus, ’n gesogte toerismemekka in die lewe roep en misdaad deur netwerke en…

DIE enigste instelling in Suid-Afrika wat die kewer teel wat wettig gebruik kan word om waterslaai te bekamp, kan weens ’n gebrek aan staatsfinansiering nie in die vraag voorsien nie. “Daar is ’n reuse-vraag na die kewers wat waterslaai en waterhiasinte bekamp, en ons kan weens ons finansieringsbeperkings nie voorbly nie,” sê prof. Julie Coetzee, adjunkdirekteur van die sentrum vir biologiese bekamping aan die Rhodes-universiteit, wat die kewer teel. “In die verlede is die grootskaalse teling van insekte vir die biobekamping van akwatiese onkruid goed deur die departement van bosbou, visserye en die omgewing gefinansier,” sê sy. “Tans ontvang ons weens tenderkwessies geen finansiering nie en teel hierdie kewers met baie beperkte hulpbronne.” Insekte vir biobekamping mag ingevolge die internasionale Nagoya-protokol oor toegang tot genetiese hulpbronne nie verkoop word nie.…

SUV vir ’n boervrou 4 Dit is geen geheim dat Suid-Afrikaanse boervroue entrepreneurs en planmakers van formaat is. Waar ’n boer altyd ’n plan maak, maak ’n boervrou ’n plan B, C en sommer D ook. ’n Mens hoor gereeld stories van boervroue wat die plaas se boeke tydens maer jare laat klop met konfytverkope of beskuit bak. Lanklaas was dit so duidelik hoe die ratte in ’n boervrou se kop draai as sy probeer uitwerk hoeveel vetkoeke sy sal moet verkoop om die nuwe Mercedes-Benz GLC 300D te kan bekostig, soos toe Esri Meintjès uit dié sportnuts-blits klim ná ’n spoedlopie op die teerpad. (Net tussen ons, dit sal regtig-egtig báie vetkoeke moet wees.) “Sjoe! Ek dink ek is verlief op hierdie kar,” sê Esri met blink oë. “Hy…

FOKUSMEGANISASIE ‘Oom Piet was ’n reus in ons gemeenskap en het op sy dag in 22 verskillende instellings in die Balfour- en breër landbougemeenskappe gedien. Ná sy afsterwe, vyf dae voor vanjaar se hooidag, was dit vanselfsprekend dat ons hierdie legende in ons gemeenskap só onthou,” het Dawie Brits, voorsitter van die boerevereniging, gesê. Jacob de Villiers, bedryfshoof van AFGRI, hoofborg van die hooidag, het die Balfour-boerevereniging bedank vir die rol wat hy in die gemeenskap speel. “Dit is organisasies soos die Balfour-boerevereniging en ander boereverenigings wat aktief betrokke is by die gemeenskap wat seker maak dat daar geleenthede is waar die gemeenskap kan floreer.” De Villiers het besoekers aangemoedig om by hul gemeenskappe betrokke te raak. Vanjaar se hooidag het weer die jongste tegnologie in die hooimaak-en-weidingsbedryf ten toon…

Die Connected Support-sentrum is nog ’n dinamiese inisiatief van AFGRI Equipment. Dit is daarop gemik om die landbou-ervaring vir die eienaars van John Deere-toerusting radikaal te verbeter en hulle deel te maak van die voordele wat AFGRI Equipment bied. AFGRI Equipment besef dat sukses in die landbou nie net oor die aankoop van toerusting gaan nie, maar oor ’n volgehoue verhouding met die boer. Dit is dus nie beperk tot die produk nie, maar strek tot by voortdurende ondersteuning en samewerking. Vir boere en landbouverskaffers is produktiwiteit een van hul grootste probleme. Die Connected Support-sentrum is daar om boere by te staan sodat hul produktiwiteit, diensbenadering en gebruiksduur van hul toerusting kan verbeter. Voordele van Connected Support Die Connected Support-sentrum het twee onderafdelings: die interne-kennis-en-bystandsentrum en die toerustingmoniteringspesialiste. Hierdie twee…

FOKUSWIELE Die volgende hoofstuk in die verhaal van die gerespekteerde Toyota Land Cruiser 70-reeks begin met die koms van ’n nuwe aandrywingsopsie vir dié 4x4-ikoon, asook nuwe stilering, opgegradeerde tegnologie en beter toerusting. Onder sy metaaldop Tot nou toe was die Land Cruiser 70 beskikbaar met ’n petrolaangedrewe sessilinderenjin (enkel- en dubbelkajuitbakkies) van 4 liter, ’n turbolose 4,2 liter-dieselenjin en ’n 4,5 liter-turbodieselenjin (V8). Al hierdie kragbronne was aan ’n handratkas gekoppel. Die opgegradeerde Land Cruiser 70-reeks sluit vir die eerste keer die 1GD-viersilinder-turbodieselenjin van 2,8 liter, gekoppel aan ’n sesgang- outomatiese ratkas, in. Alle bakontwerpe is met dié nuwe viersilinderenjin beskikbaar. Die enjin het deur die jare sy staal in ’n reeks 4x4-modelle van Toyota (waaronder die Hilux, Fortuner en Prado) gewys en lewer ’n stewige 150 kW teen…

Hoe het jy in die afslaersbedryf beland en hoe lank is jy al ’n afslaer? Voordat ek ’n afslaer geword het, was ek in die wildbedryf en daar het ek baie blootstelling aan veilings gekry. Dit het my belangstelling in en liefde vir veilings geprikkel en ek het een aand as ’n grap ’n item by ’n gholfklub se veiling opgeveil. Iemand het ’n video daarvan geneem en dit het by my huidige bestuurder by BKB uitgekom! Ek het ’n jaar later by BKB begin werk en is nou al agt jaar by BKB as afslaer betrokke. In watter streek en hoedanigheid werk jy tans? Ek werk tans vir BKB se lewendehawe-en-afslaersdienste waar ek die Standerton- en Ermelo-takke se veilings behartig. Wie was jou mentor en wat is die beste…

DAWID LE ROUX is op ’n onlangse funksie by Champagne Sports Resort in die Drakensberge as Pannar Saad se Verkoopspersoon van die Jaar vir 2023 aangewys. Dawid verteenwoordig Pannar in die Winterton- en omliggende gebiede. “Dawid het hierdie eerbewys behaal deur die toepassing van sy verkoopservaring, tegniese kennis, passie vir Pannar en vermoë om die maatskappy se wye reeks gewasse en kultivars te bemark om sy klante van ’n professionele diens te voorsien. Pannar is trots daarop om verteenwoordigers van hierdie kaliber te hê wat ons gewaardeerde boere bystaan,” het Phillip Hollenbach, Dawid se bestuurder, gesê. Phillip Nel, verkoopsverteenwoordiger op Koster, was die algehele naaswenner. Hier is die streekwenners: ■ KwaZulu-Natal en Kaap: Dawid le Roux (wenner), Willem Janse van Rensburg (naaswenner). ■ Gauteng, Suid-Mpumalanga en Oos-Vrystaat: Francois Hamman (wenner),…

Ryp kan graanseisoen verder versuur Die eerste ligte ryp het al op 16 Februarie en 17 Februarie in dele van die Suid-Vrystaat voorgekom. Hoewel dit nie gewasskade veroorsaak het nie, was dit besonder vroeg. Daarmee saam wys Johan van den Berg, onafhanklike landbouweerkundige, daarop dat die minimum temperatuur op Prieska op 16 Februarie 2,5 °C was – die laagste minimum in Februarie sedert minstens 1960, en selfs kouer as die laagste minimum in Maart sedert 1960. Mielielande kry oral swaar, soos dié mielieland by Balfour. In vorige El Niño-jare het rypskade al einde Maart voorgekom. Bedryf hou asem op oor mieliegradering-regulasies Graan SA hoop dat nuwe en deursigtiger regulasies vir mieliegradering afgekondig sal word vóór die begin van die nuwe bemarkingsjaar in Mei. Dié regulasies moes in 2021 teruggetrek word…

NuusWater “ONS skaf verhandeling af,” sê adv. Sipho Skosana, hoofdirekteur vir die bestuur van watergebruikslisensies by die departement van water en sanitasie. Die afskaffing van die verhandeling van watergebruiksregte is deel van die voorgestelde wysigings aan die Nasionale Waterwet (Wet 36 van 1998). Skosana het ná ’n openbare raadplegingsessie oor die wysigings in Boksburg aan Landbou.com gesê wanneer mense waterregte hou, maar nie gebruik nie, betaal hulle steeds die volle heffing. Met die voorgestelde wysiging sal hulle nie meer voordeel kan trek deur verhandeling van die reg nie. Vroeër die dag het Greg Smith, bedryfshoof van die Suid-Afrikaanse vereniging van watergebruikersverenigings (SAAFWUA), in die raadplegingsessie gevra watter ervaring daartoe gelei het dat die departement die tydelike oordrag van waterregte na derde partye wil verbied. Skosana het geantwoord dat “baie watergebruikersverenigings…

Nuus Aktueel Elektrisiteit BOERE in die Noord-Kaap tussen De Aar en Victoria-Wes weet selfs ná twee inligtingvergaderings met Eskom nie hoe die slimkragmeters wat op hul plase geïnstalleer word, hul boerderye gaan raak nie. “Die meeste van ons meen hulle moet ons liewer beurtkrag gee as hierdie lasvermindering,” sê Hannes de Wet, ’n boer van Hopetown en voorsitter van Agri Noord-Kaap se komitees vir ekonomie, handel en waterwese. Hy het ’n onlangse inligtingsvergadering op Britstown bygewoon waar Eskom verduidelik het dat slimmeters wat in hierdie deel van die Noord-Kaap geïnstalleer word, ’n toetsprojek van dié staatsinstelling se nuwe ladingbestuurstrategie in die landbousektor is. Dié strategie van R16 miljard behels dat daar oor die volgende vier jaar by elke huishouding in Suid-Afrika ’n slimmeter geïnstalleer word. Die idee is dat die…

Libstar is in 2005 gestig en lê veral klem op verpakte verbruikersprodukte. Die maatskappy is in 2018 op die JSE genoteer. Die benadering wat gevolg is, was om strategiese aandeelhouding te bekom in bestaande maatskappye met ’n bewese entrepreneuriese benadering en bestuur, en wat goeie groeivooruitsigte het. Die maatskappy se omset het sedertdien sterk gegroei en hy is nou ’n belangrike deelnemer in die groter voedsel- en verbruikersmark met ’n omset wat tans meer as R10 miljard per jaar is. Sowat 94% van die groep se omset kom van waardetoegevoegde produkte, soos suiwel, geriefsvoedsel, gebakte produkte en ander kruideniersware. Die maatskappy het ’n wye reeks handelsmerkprodukte, waaronder bekende name soos die suiwelmaatskappy Lancewood, Finar (wat verwerkte vleisprodukte vervaardig), Denny (sampioene) en Millenium Foods (babakos en geriefsvoedselprodukte). Ander produkreekse sluit in…

Kortliks NAVORSING in 40 lande, waaronder Suid-Afrika, toon dat grondwater in baie van dié lande besig is om op te droog. Prof. Scott Jasechko van die Universiteit van Kalifornië in Amerika en sy medenavorsers het bevind dat die grondwatervlakke in ’n derde van die wêreld se streekwaterdraers die afgelope 40 jaar vinniger gedaal het. Die navorsers het watergebruik uit 170 000 moniteringsboorgate en 1 693 waterdraerstelsels ontleed in dié lande waar sowat 75% van die wêreld se grondwateronttrekking plaasvind. Hul navorsing toon dat ’n daling in grondwatervlakke van meer as 0,5 m per jaar algemeen is in die 21ste eeu, veral in droë gebiede, soos Kalifornië, Spanje, Iran en Australië. Dit is gebiede en lande waar daar op groot skaal met gewasse onder besproeiing geboer word. Hoewel die meeste van…

Elektrisiteitsuitgawes vir ’n gemiddelde huishouding in Suid-Afrika kan maklik R3 000 per maand beloop. Dit sluit nie eens al die ekstra koste van alternatiewe kragopsies, soos kragopwekkers tydens beurtkrag, in nie. Daarteenoor sal die finansiering van ’n sonkragstelsel van R200 000 oor 72 maande teen die huidige prima rentekoers (11,75%) ongeveer R3 900 per maand kos. As jy dit oorweeg om ’n sonkragstelsel te koop, is dit belangrik om die langtermynvoordele en voortdurend stygende elektrisiteitstariewe in gedagte te hou. Met geskikte finansiering vir sonkrag kan jou maandelikse terugbetaling dieselfde of effens meer as jou huidige kragrekening wees, maar binne slegs ses jaar sal jy betroubare kragvoorsiening sonder die las van ekstra koste hê. Sonkragstelsels wat ten volle onafhanklik van die netwerk funksioneer, kan duur wees, maar Suid-Afrikaners behoort dit beslis…

Kleinskaalse boerdery speel ’n ál groter rol om in die wêreld se toenemende voedselsekerheidsbehoeftes te voorsien. Om kleinskaalse boere te ondersteun, word tegnologiese vooruitgang voortdurend gemaak om doeltreffende, klimaatbestande praktyke te lewer wat tot hul wins kan bydra. Pieter Smuts, besturende direkteur van Husqvarna Suid-Afrika, sê hierdie stap om kleinboere te ondersteun, het gelei tot die ontwikkeling van toerusting vir dié bedryf. “Kleinboere wend hulle toenemend tot tegnologie om opbrengste te verhoog, gehalte te verbeter en koste te verminder. Dit beïnvloed elke deel van hul produksieproses, waaronder die toerusting wat hulle gebruik,” sê Pieter. Kleinboere het dikwels nie die kontantvloei om groot trekkers en ander toerusting te koop nie. Pieter gee ’n paar voorbeelde van die kleiner toerusting wat deur Husqvarna ontwerp is en wat lewensveranderend vir Afrika se kleinboere…

Graanboere in die noorde van Suid-Afrika maak reeds dekades lank staat op Geringhoff se strooptafels in oestyd. Nou het BHBW, wat Geringhoff se produkte in Suid-Afrika versprei en intensief ondersteun, ook daarin belê om die voordele van dié Duitse tegnologie aan boere in die Swartland en omgewing bekend te stel. Die terugvoer was oorweldigend, sê George Cockrell, heelgoederebemarker by Hennies Trekkers, die Geringhoff-handelaar op Malmesbury: “Die TruFlex-tafel het nie sy gelyke as dit kom by die volg van kontoere en ongelyke landerye, en die vloei en hantering van materiaal nie.” Twee TruFlex-tafels is gedemonstreer: die Flex van 30 vt. (9,1 m), ’n vasteraamtafel wat in die middel teen 6 grade (150 mm) kan kantel, en die Razor Air van 35 vt. (10,6 m), ’n tafel wat uit drie seksies bestaan…

Die Case IH 5150-stroper is kompak en liggewig. Waar boere meestal uitgelewer is aan elemente buite hul beheer, is ’n stroper nodig wat ondanks ongunstige toestande die werk gedoen kan kry. Waar groter en swaarder werktuie dikwels geneig is om vas te sit in nat landerye – veral in turfgrond – kom die 5-reeks maklik in dié landerye. Volgens Tiaan Espach van Brits is die gewig van ’n stroper baie belangrik. “Wanneer jy vinniger in ’n land kan inkom en sodoende die oes vinniger kan afhaal, kry jy meestal beter grade vir jou oes.” Dit maak winsgewendheid uit die aard van die saak dan baie beter. Doeltreffend in moeilike toestande “Die vorige seisoen se strooptyd was moeilik vanweë die baie reën wat geval het ’n week voordat ons wou begin…

Wegbreek Pieter du Toit (51) was nog nooit ’n man wat kon stilsit en hom net met sy boerdery bemoei nie. Hy is bekend om sy boereplanne waarmee hy gereeld vorendag kom, maar hy is ook ’n avonturier in murg en been. Valskermspringer, langafstandatleet, skubaduiker en vlieërplankryer, om net enkeles te noem. Hy is ook een van die bestuurslede van die bekende Voet van Afrika-marathon waaraan duisende atlete van oor die hele Suid-Afrika jaarliks deelneem. Daarom is dit nie juis ’n verrassing dat hy en ’n jare lange vriend (wat anoniem wil bly) einde 2022 summier hul vlieërplanke ingepak en vir drie weke langs die noordoostelike kus van Brasilië gaan vlieërplank ry (kite surf) het nie. Hy het die boerdery in sy broer en vennoot, Niel, en sy vrou, Marilize,…

Veilings Die omset van drie veilings wat gewentel het om die honderdste produksieveiling van Konsortium Merino, was R4,62 miljoen. Matt Philps van Hofmeyr het die hoogste prys van R40 000 vir ’n ram betaal. Altesaam 472 ramme van die telers Dombietersfontein-boerdery en Roamfree-boerdery, Hannes Esterhuizen, Mikneiahboerdery, Jaco de Bruyn, Hennie van Heerden, Izak van Heerden en Gerrie Naudé is op gewone en stil veilings verkoop. Van die ramme is 272 op ’n stil veiling verkoop. Ramme van ander Konsortium-telers sal op ander veilings deur die loop van die jaar verkoop word. Gawie van Heerden, bemarkingsbestuurder van Konsortium Merino, het op die veiling gesê hulle mik nie na hoë pryse nie, maar eerder dat boere bekostigbare ramme kan koop. “Die hoë pryse is nie volhoubaar nie.” Volgens hom is die groot…