Tabla de contenidos para 25 January 2024 en Landbouweekblad

POSBUS 1802, KAAPSTAD 8000;e-pos: lbw@landbou.com Pak die ‘Rastas’ Die verhaal van Rasta Kenosi se bedrywighede is wyd en syd verkondig en bespreek. Daar is waardevolle lesse te leer, maar ook gevaarligte wat flikker as meer feite oor die saak geopenbaar word. Daarom gee ons graag die volgende inligting. Die misdaadsituasie by Ganyesa is reeds etlike jare lank – baie verder terug as 2022 – onder die aandag van die plaaslike polisie, later die provinsiale polisie en uiteindelik die nasionale polisie gebring. Telkemale is daar met groot fanfare vergaderings gehou, taakspanne gevorm en mooi beloftes gemaak. Ongelukkig was byna elkeen van hierdie pogings net leë beloftes van die polisie en daar is geen blywende of noemenswaardige resultate met ondersoekwerk behaal nie. Ná die duidelike mislukking hiervan het Agri Noordwes, onder die…

DIE enigste sekerheid wat tienduisende suikerboere gekry het ná die aankondiging dat die Vision-konsortium onder leiding van die flambojante sakeman Robert Gumede Tongaat Hulett Bpk. verkry het, is dat die maatskappy nie gelikwideer gaan word nie. Boere en verwerkers moes in die vorige seisoen saam meer as R1 miljard se statutêre heffings inbetaal omdat Tongaat se sakeredders, Metis Strategic Partners, versuim het om dit te betaal. Die sakeredders is van plan om appèl aan te teken teen ’n uitspraak van die Durbanse hooggeregshof dat die heffings ’n wetlike verpligting is. Uit die twee sakereddingsplanne wat aanvanklik op die tafel was, was die Mosambiekse konglomeraat RGS die enigste een wat onderneem het om die agterstallige heffings onmiddellik te betaal. RGS het op die vooraand van die stemming sy bod onttrek en…

Rubriek Ekonomiese groei in Suid-Afrika was negatief in die laaste deel van 2023, een van die aanduidings dat rentekoerse verlaag kan word. In November het inflasie ook tot 5,5% gedaal, wat onder die boonste teikenband van die Reserwebank is en die hoop versterk dat rentekoerse vroeër kan daal. Die doring in die vlees vir ekonomiese ontleders en kommentators is dat voedselinflasie in Suid-Afrika hoog bly en tans rondom 9% vassteek. Internasionaal het voedselpryse begin daal en die internasionale voedselprysindeks van die Verenigde Nasies se voedsel-en-landbouorganisasie was in November 2023 sowat 10,7% laer as in die vorige jaar. Die vraag natuurlik is wat die vooruitsig vir voedselinflasie in Suid-Afrika is en waarom voedselpryse hier nie ook daal soos in die buiteland nie, gegewe dat die prys van die meeste van ons…

BYE-ORGANISASIES in Australië het met ’n omvattende veldtog begin om alle ingevoerde heuning van groot kettingwinkels soos Woolworths Australië te boikot. Dit is uit vrees vir die verspreiding van Varroa-myte wat tot misvormdevlerk-virus onder bye kan lei. Parasitiese Varroa-myte het die afgelope 50 jaar oor die wêreld heen versprei en is verantwoordelik vir die ineenstorting van heuningbykolonies. Die myte is 18 maande gelede die eerste keer in Australië bespeur, maar kom reeds dekades lank voor in ander lande, waaronder Suid-Afrika. Volgens bye-organisasies het Australië verskeie voorvalle van die myt aangeteken, en is daar ’n dringende behoefte om die invoer van heuning stop te sit. “Tans weerstaan Australiese bye die myte goed, maar sodra virusse soos die misvormdevlerk-virus voorkom, sal ons groot ineenstortings van byekolonies ervaar,” skryf die bye-organisasie Save The…

Graanboer van die Jaar Danksy ’n gelukkige sameloop van omstandighede kon 2023 se Graanboer van die Jaar op die regte voet met graanboerdery begin. Toe Pieter de Jager in 2003 by Albertinia begin boer het, was bewaringsboerdery nie meer ’n vreemde konsep in die Wes-Kaap nie. As hy wou gaan raad vra, was leierboere soos CD du Toit en wyle Fanie Joubert boonop nie ver van hom af nie. In die beginjare van bewaringsboerdery was dit nogal ’n gesukkel om geskikte planters te kry, maar teen die tyd dat Pieter begin boer het, het Rinus Willemse van Xfarm op Albertinia reeds begin om die legendariese Ausplow-planters van Australië in te voer. Die De Jagers was nie altyd saaiboere nie. Toe Pieter en sy broer, André, kinders was, het hulle min…

Hoe meer die wettige tabakbedryf in Suid-Afrika probeer om volhoubaarder te word en verantwoordeliker op maatskaplike en omgewingsgebied te wees, hoe meer vasbeslote is die regering om dié pogings in die wiele te ry. Dit laat nie net die onwettige tabakhandel toenemend floreer nie, maar kos die land ook tienduisende werkgeleenthede en miljarde rande, en dít in ’n ekonomie wat reeds in die waakeenheid is. Zacharia Motsumi, woordvoerder van die Suid-Afrikaanse tabaktransformasiealliansie (Satta), is nie optimisties wat betref die wettige bedryf se onlangse, huidige en toekomstige vooruitsigte soos omstandighede tans daar uitsien nie. “2023 was ’n baie moeilike jaar – waarskynlik die ergste in die tabakbedryf se 120-jarige bestaan. Tot 2022 was die groot bedreiging die ongebreidelde toename in die onwettige sektor, met sy verkope wat tans na raming tot…

STROGANOFF-PASTA Met dié lekker aandete gee jy ’n hele gesin met een steak kos. ■ 1 pak (500 g) lintnoedels■ 250 g portabellini-sampioene■ 250 g knopiesampioene■ 60 g botter■ 80 ml sjerrie■ 250 ml room■ Sout en varsgemaalde swartpeper na smaak■ 400 g riboog- of kruissteak■ 30 ml olyfolie■ ’n Skeut vars suurlemoensap Kook die pasta in ’n kastrol met vinnig kokende soutwater tot gaar, maar steeds ferm. Terwyl die pasta kook, snipper die sampioene en braai dit in ’n groot pan in die botter tot gaar en goudbruin. Voeg die sjerrie by, laat vinnig opkook en kook tot die sjerrie amper alles afgekook is. Voeg die room by, laat opkook en geur met sout en peper. Verwyder van die hitte en hou eenkant. Geur die steak met sout en…

Jou storie Die reisagent maan ons het net twee uur vandat die vlug in Athene land totdat ons vlug Santorini toe vertrek. “Dis meer as genoeg tyd, maar hou die horlosie dop, julle moenie die vlug verpas nie,” is die laaste woorde. Die vlug Athene toe is voorspoedig, en ons land tien minute vroeg. Die lewe is ’n lied. Hoed en sonskerm is gereed. Ons is vrolik soos kinders op ’n avontuurkamp. Totdat ons by die doeanesaal kom. Dis paspoortbeheer soos jy nog nooit in Afrika gesien het nie. Duisende, ja duisende, mense in rye wat soos slange op en af, heen en weer krul. En net twee beheerpunte is oop. Almal gil en skree. Op mekaar of sommer net omdat hulle kan. Dit lyk soos oproer in Johannesburg se…

Die volgende ontleding van grondverkope in Suid-Afrika is van transaksies vir grond groter as 10 ha in Mpumalanga, die Noord-Kaap en Noordwes van Desember 2022 tot November verlede jaar. Daar was 332 transaksies in ses distrikte in Mpumalanga. Dit het 78 676 ha teen ’n totale waarde van R2,346 miljard behels. In 16% van die distrikte is gunstige prysneigings opgemerk. Pryse het skerp gedaal by Komatipoort (-21,5%) en Acornhoek (-17,1%). In die Noord-Kaap is 222 transaksies in 20 distrikte gesluit. Dit het 537 040 ha teen R1,441 miljard behels. In 50% van die distrikte word gunstige prysneigings waargeneem. By Namakwaland en Colesberg het pryse met meer as 15% gestyg, terwyl dit met 14% by Gordonia gedaal het. Altesame 736 transaksies is in 12 distrikte in Noordwes gesluit. In die proses…

Die nuwe jaar het soos verwag met ’n sywaartse beweging van rooivleispryse begin. Hoewel verlede jaar se pryse boere moedeloos gehad het, blyk dit uit onderhoude wat Landbouweekblad met verskillende afslaers gevoer het, dat die vraag na speenkalwers en stoorlammers styg. “Dit lyk asof kopers weer krale met lammers volmaak,” sê Willie Meyer, streekbestuurder van BKB. Die vraag kom veral uit die sentrale deel van die land, wat die Suid-Vrystaat, dele van die Oos-Kaap en die Sentraal-Karoo insluit. Meyer het middel Januarie met lammertransaksies in dié gebied begin en sê voorlopige resultate lyk goed. “Dit is alles mooi lammers van drie tot vier en ’n half maande oud. Daar is ’n redelike goeie vraag. Ons sien dus ’n opwaartse kurwe, wat ’n goeie begin beloof, veral ná verlede jaar,” sê…

BELEGGERS spits hulle al meer toe op die ontwikkeling van Afrika se hawesektor, veral te midde van groeiende internasionale belangstelling in die kontinent se reusepotensiaal as uitvoerder van metale vir batterye, asook Afrika se potensiaal as ’n netto-uitvoerder van voedsel. Saam met sulke hawebeleggings moet logistieke infrastruktuur op land egter ook beduidend verbeter word om die koste van vragvervoer na internasionale markte te verlaag, skryf Ed Stumpf, beleggingsdirekteur by African Infrastructure Investment Managers (AIIM), ’n afdeling van Old Mutual Alternative Investments. Beleggers in Afrika-hawens behoort dus ’n geïntegreerde beleggingsbenadering te volg wat hulle ’n mate van beheer en invloed gee oor logistieke korridors vir uitvoer in die streek. Terselfdertyd beteken die gefragmenteerde aard van logistiek op land dat beleggers moet bepaal of die voorsieningskettings wat na die hawens lei die…

HENNIE het ’n MBA aan die Universiteit van Kaapstad se sakeskool behaal en onder meer vyf jaar vir Maersk in Kaapstad gewerk. Hy neem oor by Pieter du Toit sr., wat 40 jaar lank by die onderneming betrokke was. Watter waardes is inherent tot die familie? Daar moet ’n sterk element wees van rentmeesterskap – om iets beter agter te laat as wat jy dit gekry het. Daar moet ook entrepreneurskap en waagmoed wees, want jy moet risiko’s kan neem om te groei. Ons familie glo ons kan nie ons familiewaardes ontkoppel van ons sakewaardes nie. Ons vat dit saam in die woord “blom” – betroubaarheid, lojaliteit, ordelikheid en menswaardigheid. Dit word op alle vlakke van die groep bevorder. Is daar enige probleme wat jy moet of wil takel? Die…

DIT het ’n landwye opskudding veroorsaak en die Molopo-gebied in ’n kruitvat omskep toe 33 koeie en 11 kalwers einde November op die plaas van Ockie Goosen (25) vergiftig is. Verteenwoordigers van landbou-organisasies sê dit sou nooit tot op dié punt gekom het as die polisie en vervolgingsgesag destyds hul werk gedoen het nie. “Ons het jare gelede al dossiere aan die polisie beskikbaar gestel en gevra vir ondersoeke wat net nooit gebeur het nie,” sê Naudé Pienaar, adjunkhoofbestuurder van Agri Noordwes oor die sindikate wat boere meen agter grootskeepse veediefstal in die provinsie sit. Daarna is berig dat Goosen en ander boere in die omgewing glo al lank weet wie vir die veediefstalle en vergiftiging verantwoordelik is. Hulle sê die polisie het niks gedoen aan die hoof van die…

’N VERSKAFFER van besproeiingstelsels het onlangs ’n gratis platform bekend gestel. Rivulis dra só saam met sy sustersmaatskappye dekades se kennis en tegniese inligting oor drupbesproeiingstelsels aan boere en landboubesighede oor. Die maatskappy sê met toenemende druk op marges en klimaatsverandering wat die landbou-omgewing nóg ingewikkelder maak, word dit vir boere ál moeiliker om kommersieel lewensvatbaar te bly. Met die ontwikkeling van sy Knowledge Hub wil Rivulis saam met Plastro, T-Systems, Roberts, Eurodrip en Naan-DanJain die noodsaaklike inligting wat boere vir optimale drupbesproeiing nodig het, in ’n duidelike, maklik verstaanbare formaat beskikbaar stel, sê Matt Clift, Rivulis se direkteur van internasionale produkbestuur en bemarking. Water en plantvoeding kan deur drupstelsels direk aan die plantwortel gelewer word, met verminderde gebruik van water en bemestingstowwe. Die besproeiingsdrupgids wat in die Rivulis Knowledge…

Rubriek KAMEELDORINGGESPREKKE Dit is ’n nuwe jaar en die meeste mense begin dit met ’n paar nuwejaarsvoornemens en ’n doenlys. Die afgelope jaar was vir die meeste mense ’n baie moeilike een, en ’n jaar wat my met meer vrae as antwoorde gelaat het. Ek weet as ek ander resultate in 2024 wil hê as in 2023, sal ek ander stappe moet doen, anders is ek mos laf om ander resultate te verwag, of hoe? Om ander stappe te doen, moet ek ander besluite neem, en om dít reg te kry, moet ek anders begin dink. Hoe begin ons as boere anders dink sodat ons ander uitkomste kan kry in die nuwe jaar? Die meeste ouens wil graag ander resultate hê, maar sal eers verander as die pyn om dieselfde…

MOENIE dat nuwe bande jou bankbalans laat steier nie. Volg die opwindende nuwe reeks SUV vir ’n boervrou en jy kan in aanmerking kom om een van die drie wenners te wees wat R50 000 se geskenkbewyse van Tubestone Precision Tyre Brands wen. In SUV vir ’n boervrou kry vyf ervare boervroue die geleentheid om Suid-Afrika se gewildste sportnutsvoertuie op elke denkbare oppervlak te beproef. Lees meer hier: rb.gy/54clsg Maak seker dat jy inskakel vir elk van die sewe episodes. Beantwoord sewe maklike vrae en jy kan een van die drie gelukkige wenners wees. Die pryse is soos volg: ■ Eerste prys: R30 000-geskenkbewys. ■ Tweede prys: R15 000-geskenkbewys. ■ Derde prys: R5 000-geskenkbewys. Jy hoef ook nie bekommerd te wees as jy nie ’n boffin is as dit by…

Die suikerrietbedryf se 2022-’23-seisoen wat amptelik op 31 Maart eindig, was die beste die afgelope paar jaar, al was dit vanaf ’n grondslag van meestal uiters ongunstige toestande. Die huidige gunstige toestande is grootliks wispelturig en kan vinnig verander. Dit raak dus ál belangriker dat die suikerrietbedryf voortgaan met sy gesamentlike pogings om homself bestendig te maak vir die toekoms. Trix Trikam, uitvoerende direkteur van die Suid-Afrikaanse Suikervereniging (SASV), sê die eerste deel van die “allerbelangrike” meesterplan vir die suikerrietwaardeketting tot 2030 is verwesenlik. Dit is naamlik om die mark in die Suider-Afrikaanse Doeane-unie vir Suid-Afrikaanse suiker te optimaliseer. Dié deel van die meesterplan het ook minstens tien geleenthede geïdentifiseer om Suid-Afrikaanse suikerriet in produkte te verwerk wat groter vraag- en prysstabiliteit bied. “Nuwe geleenthede wat vir diversifikasie ondersoek word,…

Jag In 1949 is die boek Nineteen Eighty Four (of 1984) van George Orwell bekend gestel. Sy ander baie bekende boek, Animal Farm, is reeds in 1945 uitgegee. Laasgenoemde is ’n briljante blik op kommunisme, en in 1984 waarsku hy oor hoe ’n wêreld onder beheer van ’n totalitêre staat, met Big Brother in beheer, kan lyk. Ek het onlangs weer die boek gelees en skielik besef dat ons in 2024 ver gevorder is na ’n scenario van Grootbroer wat elke beweging van ons bespied. In ons geval is Grootbroer dalk nie meer die staat nie, maar eerder die maatskappye wat die internet beheer en meer van jou doen en late weet as jyself. Hulle is deesdae ook in beheer van die openbare mening. Vreemde figure genoemd “beinvloeders” verdien miljoene…

Ja, jy kan kies wat jy wil hê, maar onthou net dat jy nie altyd gaan kry wat jy wil hê nie. Dit is ook moontlik dat jy kry wat jy so graag wou hê en dan later uitvind dat dit ’n groot fout was. Wat moet ons hieruit aflei? Persoonlik meen ek dat jy die belangrikheid van ’n keuse-moontlikheid moet besef. Dink voor jy jou keuse maak. Maar om te dink, is nie genoeg nie. Dan het jy nog net op jou eie rede staatgemaak, en laasgenoemde het al menige mens in die steek gelaat. Wat meer is dan nog nodig? Dink, ondersoek, raadpleeg en dan die belangrikste van alles: Vra na die wil van God, en vir sover dit moontlik is, wag geduldig op sy leiding. Onthou die…

GAUTENG PRETORIA BOEKENHOUTSKLOOFDRIFT (286), 21 ha, aan Forcedynamics (Edms.) Bpk., van S.J. Gouws, R3 210 000. TWEEFONTEIN (541), 146 ha, aan Tweefontein-trust, van E.M. Fouché, R1 870 000. KWAZULU-NATAL BALLITO HOPEWELL (1369), 290 ha, aan die Lincoln-familietrust, van die Hopewell-trust, R14 000 000. HARDING LILYDALE B (16681), 355 ha, aan Glendy Land-trust, van Peter Hayter-trust, R10 000 000. LADYSMITH WILDE PERDE VLEI (1004), 58 ha, aan BBN Farming & Consulting (Edms.) Bpk., van F. de Agostini, R4 660 000. PORT SHEPSTONE EEDESWOLD (5120), 62 ha, en MELBOURNE NO 2 (8159), 41 ha, aan die Ormond Smithfamilietrust, van P&K Farming (Edms.) Bpk., R8 500 000. LIMPOPO DENDRON NEBO (273), 166 ha, aan Dimbanyika Management (Edms.) Bpk., van Land & Landbou-ontwikkelingsbank van Suid-Afrika, R2500000. GROBLERSDAL BLAAUWBOSCHKUIL (20), 27 ha, en KALKFONTEIN (42),…

Met Suid-Afrika se wêreldklasvoerkrale is dit net ’n kwessie van tyd voor die land die uitvoermark op groot skaal sal betree. Só meen Chris Derksen, voormalige eienaar van ’n afslaersonderneming wat die weeklikse slagveepryse vir die Noord-Vrystaat aan Landbouweekblad en Landbou.com verskaf. Derksen het in die 1980’s ’n afslaersonderneming in Kroonstad besit. “Ek het baie meegevoel met boere gehad wat nie die vaagste benul van veepryse gehad het nie. Om een keer perjaar op ’n veiling te kom en dan onderwerp te word aan wat kopers bereid was om te betaal, was nie ideaal nie.” Hy het besluit om raad van Russell Loubser, voormalige hoofbeampte van die JSE, toe te pas. Loubser het aan hom gesê daar is net drie dinge nodig vir ’n aandelebeurs om suksesvol te wees, naamlik…

KONFERENSIES 20-21 FEBRUARIE: Oplossings vir Suid-Afrika se platteland, aangebied deur Senwes en Landbouweekblad. Nampo Park, Bothaville. Meer as 60 gevallestudies wat reeds ’n verskil aan die platteland maak.E-pos: events@landbou.com; kaartjies by Quicket: qkt.io/Platteland (meer op bl. 60). SKOUE 2 FEBRUARIE: Murraysburg-landbouskou. Veldmerino’s: Carel van der Merwe, 076 840 2931. Angoras: Theronnie van der Merwe, 076 949 7707. Navrae: Christa van Heerden, 072 798 3218. 7-10 FEBRUARIE: Heidelberg. Vic Brand, 063 995 3294; Sarah Koch, 082 725 4091; e-pos: sarah.val@gmail.com 9-10 FEBRUARIE: Victoria-Wes. Jaco Olivier, 083 410 5603; Adri Gerber, 082 940 8231; e-pos: vicweslandbou@gmail.com 14-18 FEBRUARIE: Riversdal. Pieter van Wyk, 082 494 0631; Ansie du Buisson, 072 651 7148; e-pos: riversdalskou@gmail.com 22-24 FEBRUARIE: Williston. Keith Coetzee, 082 825 3889; Klara Steenkamp, 060 580 7480; e-pos: willistonskou3@gmail.com 29 FEBRUARIE-2 MAART: Swellendam.…

Anderkant die reënboog Met die Europese boere wat tans so moles maak, het ’n interessante vraag in een van ons nuusvergaderings opgeduik. Sal dit enigsins ’n verskil maak as ons vrugteboere in die Wes-Kaap hulle pêlle in die noorde vra om met hul groot trekkers op te ruk Uniegebou toe om kapsie te maak oor al die skandes by die Kaapstadhawe (bl. 16)? Duitse boere versper immers al wat ’n hoofweg is oor die inkorting van hul dieselsubsidies deur die staat. Spaanse boere maak groot kapsie oor taai waterbesparingsmaatreëls in ’n land wat elke jaar droër word, en Franse boere is in die algemeen kwaad oor die Europese handelsbeleid en spuit al wat ’n staatsgebou is met beesmis. Maar dit was Nederlandse boere wat Europa se politici behoorlik laat regop…

MEER as 14 000 km se transmissielyne moet van nou tot 2032 opgerig word, volgens die IRP2023. Tog is daar in die nege jaar van 2013 tot 2022 slegs 4 000 km se transmissielyne opgerig. Die uitbreiding daarvan kry daarom heelwat aandag in die plan. Theo Boshoff, uitvoerende hoof van Agbiz, sê die klem wat op die uitbreiding van die transmissienetwerk geplaas word, veral in gebiede in die Noord-, Wes- en Oos-Kaap, is welkome nuus. “Die huidige transmissienetwerk kan nie bykomende energie vanaf hierdie gebiede hanteer nie. En dít beperk die potensiaal vir opwekking deur die private sektor, veral vanaf geïntegreerde landboubesighede in hierdie gebiede. “Daar is heelwat entiteite in die landbousektor in hierdie gebiede wat in hernubare energie-opwekking wil belê, maar die uitbreiding van die transmissienetwerk is nodig om…

Besproeiing Die suide van Namibië word meestal gekenmerk deur ’n dorre landskap en skrapse reën. Hoe verder ’n mens weswaarts ry, hoe droër word dit, totdat jy op die plaas Nuwerus wes van Maltahöhe beland, kwalik 30 km van die Namibwoestyn se rand. Daar aangekom saam met Johnny Hanekom begroet lande lusern en lanings vrugtebome jou. Dit is ’n kontras ná die rit van 90 km van sy hoofplaas, Sandrucken, oos van Maltahöhe. En dit is net die begin. Hy boer op 25 000 ha grond met 3 000 Meatmaster-ooie, terwyl hy ook Dorperkruisrasooie het. Die boerdery is gerig op produksieveilings en die verkoop van speenlammers. Benewens Sandrucken en Nuwerus boer Johnny ook op ander plase. ’n Boerdery op dié skaal, wat ook dadels en granate insluit, klink op die…

Geldbeplanning Almal in die huishouding behoort te weet wat gaan gebeur as Pa, Ma of ’n kind sou sterf. Die dood is deel van ons lewe. As ’n geliefde tuis gesterf het, in die hospitaal of in byvoorbeeld ’n motorbotsing, moet ’n mens weet waarheen die lyk geneem is. By ’n onnatuurlike afsterwe word daar eers ’n lykskouing gedoen, wat lank kan neem om af te handel. Kry so gou moontlik die sterftesertifikaat en klou daaraan vas, want daar is slegs een oorspronklike eksemplaar wat deur die departement van binnelandse sake uitgereik word. Gewoonlik help die begrafnisondernemer die familie daarmee. Koop vooraf ’n begrafnispolis by ’n betroubare begrafnisondernemer. Dan weet jy waar om aan te klop, want hulle het reeds jou geld vir die seremonie. Enige mens kan enige tyd…

Midde-in die flou vooruitsig van groei in die verbruikersvraag na melkprodukte vestig die Melkprodusente-organisasie (MPO) sy hoop eerder op die ontginning van buitelandse markte. “Suid-Afrika is in ’n gunstige posisie om uitvoermarkte te betree. Die MPO verwag ’n groter klem op dié markte. Die binnelandse mark bied nie veel potensiaal nie en dit gaan nie gou verander nie,” sê Bertus van Heerden, hoofekonoom by die MPO. Volgens Alwyn Kraamwinkel, uitvoerende hoof van die Suid-Afrikaanse Melkprosesseerdersorganisasie (Sampro), is die prestasie van die Suid-Afrikaanse melkbedryf, soos dié van talle ander bedrywe, baie afhanklik van die prestasie van die plaaslike ekonomie. “Die gebrek aan betekenisvolle ekonomiese groei in Suid-Afrika die afgelope paar jaar, tesame met inflasie, het die verkope van produkte, en daarmee saam die vraag na onverwerkte melk, benadeel.” Groei nie gestimuleer…

Met die planttyd wat vir graanboere verby is, is dit nou die regte tyd om die ou balers en laaigrawe met nuwes van John Deere te vervang. 451M-rondebaler met BaleDoc™ Hierdie nuwegeslag-rondebaler baal vinnig en doeltreffend, terwyl belangrike data oor elke baal vasgelê word. Deur John Deere se innoverende Bale-Doc™-tegnologie word elke baal se gewig, vogpersentasie en ligging akkuraat bepaal en dan in John Deere se Operations Centre™/Mobile™ gebêre vir die nagaan en ontleding van elke stuk veld of land waar gebaal is. Dit vergemaklik die boer se beplanning ten opsigte van die logistiek vir die laai van die bale, en verseker ingeligte besluitneming en beplanning van besproeiing en bemesting vir die volgende seisoen. Die 451M is ’n bandbaler wat beskik oor ’n verstelbare digtheidsfunksie vir die baal van digter…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Dorp in Mpumalanga. Lees op bl. 92 hoe dit werk. WENBOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 92 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 15 Februarie 2024. Geen posstukke word meer as inskrywing aanvaar…

Hoe het jy in die afslaersbedryf beland? Ek het in 2014 by Karoo-Ochse Vryburg begin werk. My pa, Atha sr., besit die maatskappy en hy het vir my gesê ek moet alles van die onderneming weet, dus het ek heel onder begin. Ek het eers buite by die veilingskrale gewerk waar ek agente gehelp het om die beeste te klasseer en in die krale te sit. Daarna het my werk binnenshuis verskuif en het ek die veilings se boeke gedoen. Toe my pa wou weet wat my toekomsplanne is, was ek steeds onseker presies wat ek wou doen. Ek is in my hart ’n plaasseun en hou meer daarvan om buite as in ’n kantoor te werk. Toe het my passie vir afslaerswerk regtig begin. Ek kon buite werk en…