Tabla de contenidos para 7 September 2023 en Landbouweekblad

IN ’N BLIK ’n Steenkoolmyn en mielieland lê sy aan sy op die plaas Vanggatfontein in die distrik Delmas in Mpumalanga. Ná twee steenkoolmyne aanvanklik in die vroeë 2000’s in die omgewing gevestig is, het mynbou ontplof tot 19 operasionele steenkoolmyne in dié omgewing. Boere in die streek boer hoofsaaklik met mielies, sojabone en vee. Lawaai en stof is groot kwessies vir die boere, asook krake in geboue wanneer groot ladings geskiet word. Misdaad, veral graan- en veediefstal, neem toe namate meer myne meer intrekkers lok. Hoewel wetgewing vereis dat mynhuise by sekere omgewingstandaarde moet hou, steur veral kleiner mynmaatskappye hulle nie veel daaraan nie. Mynmaatskappye koop ook ywerig grond met potensiaal teen baie hoë pryse op, wat grondpryse oor die algemeen laat styg het tot op vlakke wat dit…

HOË insetkoste, wat in ’n groot mate vererger is deur die swak rand, het saam met beurtkrag die voedselprysinflasie vinniger as die verbruikersprysindeks laat versnel. “Die waarde wat by elke skakel in die verwerkingsketting byvoeg word, word gebruik om uiteindelik die finale verbruikersprys te bepaal,” sê Heleen Viljoen, ekonoom by Graan SA. “Die afgelope paar maande het energiekoste, tesame met dieselkoste, ’n baie ongunstige impak gehad op elke skakel in die waardeketting, wat uiteindelik beteken het dat addisionele koste by elke skakel bygevoeg is, en dus die koste vir die eindverbruiker verhoog het. “Koring verteenwoordig byvoorbeeld net 20% uit van die totale koste wat ’n verbruiker vir ’n 750 g-brood betaal.” Hoewel die prys van olies en vette aansienlik gedaal het, is dit steeds ontsaglik hoog ná dit tot Maart…

TALLE boere ontvang die afgelope paar maande uit die bloute waterrekeninge vir dienste wat tot 2002 terugdateer. Rente word op agterstallige rekeninge gehef, maar ingevolge ’n spesiale inisiatief sal die departement van water en sanitasie boere wat voor 24 Maart 2024 betaal, kwytskeld van die rente. “Die navrae wat ons daagliks ontvang, is van boere wat nie in staatswaterskemas is nie,” sê Adriaan Groenewald, prokureur en waterregkenner van Humansdorp. “Die uitstuur van rekeninge is lukraak. Wat ek daarmee bedoel, is dat sekere boere glad nie rekeninge ontvang nie (en nog ooit ontvang het nie), ander ongereeld, en ander het rekeninge ontvang wat heffings terugdateer na 2002.” Een van sy kliënte het ’n “uitstaande” rekening van R500 000. Ander rekeninge in dispuut wissel van R300 000 tot heelwat minder. “Ons is…

NCT is ’n houtbemarkingskoöperasie wat in 1994 in KwaZulu-Natal gestig is deur sowat 38 boere om koöperatief hul hout te bemark. Die koöperasie is gestig as die Natal Cooperative Timber Company en het later sy naam verander na NCT Forestry Cooperative Company, kortweg NCT, wat nou sy dienste ook buite KwaZulu-Natal in die Oos-Kaap lewer. Die koöperasie het sowat 1 800 aandeelhouers/lede wat almal onafhanklike houtkwekers is. Sy hoofkantoor is in Pietermaritzburg en dit verteenwoordig sowat 21% van Suid-Afrika se houtplantasies. Dit word met koöperatiewe beginsels bestuur ingevolge die Koöperasiewet (Wet 91 van 1981). Lede deel nie net in die wins nie, maar kom ook in aanmerking vir bonusse (R38 miljoen die afgelope jaar). NCT het bates van R2,7 miljard. Die omset in die jongste boekjaar was R3,3 miljard. Die…

Jong boere Die afgelope vyf jaar is gekenmerk deur natuuruiterstes en onsekerheid op die markte. Baie nat tot baie droë weer het gedreig om produksie te knou, en produk- en insetpryse het vreemde spronge gemaak sedert die covid-19-inperking en toe Rusland se inval in Oekraïne. Jurie Groenewald (33) van Grunerbe Korino (Edms.) Bpk. by Riviersonderend in die Wes-Kaap meen ’n mens moet bewus wees van hoe die klimaat, markfaktore en arbeidswetgewing verander en bestuur wat jy kan. Hy het ná skool ’n BCom-graad in bestuursrekeningkunde aan die Universiteit Stellenbosch verwerf en drie jaar lank by Moore Stevens, tans bekend as Moore, ’n ouditeursfirma op Stellenbosch, gewerk. Hoewel hy aanvanklik in ’n korporatiewe loopbaan belang gestel het, het Jurie gou besef boerdery is in sy bloed. Hy het in 2016 saam…

Misstrooier uit eie bodem ’n Klein, plaaslike landboubesigheid van Rust de Winter in Limpopo is besig om vir homself ’n naam in die mark vir misstrooiers te vestig. Poel Bros Handel, met André van der Poel as direkteur, verhuur en verkoop misstrooiers van verskillende groottes. Die jongste werktuig is ’n groot misstrooier, die MS20-22, met ’n dravermoë van 20 ton en bakmaat van 22 m3, wat op aanvraag vir BP Greyling van Wakkerstroom gebou is. Andre sê die besigheid bestaan sowat vyf jaar en was eers in die verhuringsmark betrokke, maar namate ál meer boere tevrede was met die misstrooiers en hul eie misstrooiers wou besit, het Poel Bros Handel werktuie begin bou om te verkoop. Die werktuie word gebruik om mis voor die reënseisoen op weidings en landerye voor…

FOKUS NAMPO KAAP Verlede jaar het Nampo Kaap 32 640 besoekers gekry en 500 uitstallers gehad. Vanjaar sal daar nie net nuwe uitstalruimtes wees nie, maar besoekers kan ook uitsien na ’n nuwe eetplek en koffiestalletjie in die Voermolsaal. Die rasuitstallings, wat voorheen in die Voermolsaal plaasgevind het, word vanjaar in ’n vee-tent agter Voermol en BKB se sale gehuisves. Daar is ook tien nuwe standplase vir buite-uitstallers langs die Shell-saal ingeruim en 60 uitstalruimtes in die Voermolsaal. 2023 Merino Ope Die Merino Ope word op 14 en 15 September aangebied deur Streek 9 van Merino SA in die BKB Veesentrum. Dit is oop vir alle Merino-stoeterye, asook kuddetelers. Volgens DeWet Giliomee, een van die organiseerders, gaan dit ’n innoverende spoggeleentheid wees met interessante pryse en toeskouer-deelname. Perdeprogram ’n Hoogtepunt…

Fokus NAMPO KAAP PROMOSIE Die 230-produkreeks is spesiaal deur Stihl ontwerp om die eise en probleme van boerdery in Afrika die hoof te bied. Daarom is die reeks ook bekend as die Farmers’ Range, omdat dit presies bedoel is vir diegene wat hierdie hardwerkende gereedskap moet gebruik. Hierdie betroubare en geharde gereedskap is ongekompliseerd en ekonomies om te gebruik, met brandstofdoeltreffende 40,2 cc-enjins wat 1,55 kW lewer. Hulle is taai en maklik om te bedryf, kragtig en opgewasse vir die taak waarvoor hulle ontwerp is. Die gereedskap is maklik om te onderhou, met onderdele soos filters wat versoenbaar is oor die grootste deel van die reeks vir gerief en buigsaamheid. Selfs in afgeleë en landelike liggings kan dit sonder ophef of moeite deur een persoon gediens word. Die produkreeks verskaf…

Die subtropiese pakket van Barenbrug bied uitstekende en beproefde vlagskipkultivars soos Tiffany en Endura, behandel met Barenbrug se Yellow Jacket Coating vir ruvoer-sekerheid deur die seisoen. Binne dié beplanning skakel Tiffany (Eragrostis-tef, of tefgras) mooi in as vinnig groeiende, gehalte-droëlandhooi wat ook ingekuil en as hoogs smaaklike, sagteblaarsomerweiding vir vee aangewend kan word. Tiffany bied uitstekende voergehalte (TABEL) en hoë smaaklikheid vergeleke met ander C4-grasse. Tiffany is al geruime tyd die gewildste tefgraskultivar vir hooiproduksie in Amerika en is vinnig besig om net so gesog op die Suid-Afrikaanse mark te word. Tiffany is ’n fyn, eenjarige tef en bied ’n eenvormige plant by snyhoogte, met die eerste snit wat binne 45-55 dae ná vestiging gereed is. Met ’n vinnige hergroeitydperk van 28-35 dae tussen die opvolgende snitte lewer Tiffany uitstekende…

Die nuwe T-REX712-Tracksteer van Revaro, ’n bedryfsleier in landboutoerusting, word ten toon gestel op Nampo Kaap van 13-16 September by Bredasdorp. Boere sal die kans kry om hierdie werktuig, met sy Mulcher-aanhegsel en bak, te besigtig. Die T-REX712 (1.2T) is een van drie nuwe swaardienswerktuie in die Revaro-stal. Die ander is die T-REX710-Tracksteer (1T) en die teleskopiese T-REX925T-laaigraaf (2.5T). Die landskap in die Wes-Kaap sluit wingerde, boorde en weivelde in, elk met sy spesifieke plantegroei en onderhoudsvereistes. Die Tracksteer, toegerus met ’n Mulcher, stel boere in staat om oorgroeide plantegroei, struike en selfs klein bome doeltreffend skoon te maak. Só word gesonde groei van gewasse bevorder. Dit is veral belangrik in streke wat geneig is tot veldbrande, aangesien die behoorlike bekamping van oorgroeide plantegroei kan help om brandrisiko’s te voorkom.…

Vlakte Bonsmara se studiegroep hou 17de veiling Die Vlakte Bonsmara-studiegroep het sy 17de produksieveiling op die plaas Doornpan by Roedtan gehou. Verkopers het diere van puik gehalte aangebied wat deur kopers uit alle dele van Suid-Afrika opgeraap is. Charl van Rooyen was daar. Jaarvergadering van WFO in SA aangebied Die wêreldboere-organisasie (WFO) se jaarvergadering is vroeër vanjaar by Sun City in Noordwes gehou. Die jaarvergadering oor vier dae, wat deur meer as 320 afgevaardigdes uit sowat 70 lande bygewoon is, is vir die eerste keer in Suid-Afrika aangebied. Nico van Burick was daar. Landbouskrywers besoek Boer van die Jaar Die ALS-boerdery, Boer van die Jaar vir 2022, is deur lede van Landbouskrywers SA op die hoofplaas by Newcastle besoek. Die boerdery bestaan uit Cas Joubert en verskeie familielede en vennote.…

THEUNISSEN / BONSMARA / R120 000 Twee bulle is vir R120 000 op die Leeuwbult-veiling verkoop, die gemiddelde bulprys was meer as R71 000, en met 100% verkope het Leeuwbult Bonsmara se vyfde produksieveiling op die plaas Whitfield buite Theunissen alles op die lys vir ’n suksesvolle veiling afgemerk. “Ons is baie tevrede met die pryse wat ons gekry het vir ons bulle te midde van die speenkalfprys was af is,” het Izak Cronjé, wat dié stoetery bedryf, aan Landbouweekblad gesê. Die bul IC 19-439 op die foto is een van die twee wat vir R120 000 verkoop is. Landbouweekblad onder meer het die veiling bemark. Die veiling is deur OVK aangebied en die afslaer was Gareth Hughes. MOLTENO / DOHNE-MERINO / R36 000 Goeie teelmateriaal was beskikbaar op Dries…

Manie Noudat die stof ’n bietjie gaan lê het oor die Brics-beraad wat in Suid-Afrika aangebied is, het die tyd seker aangebreek om nugter oor die toekoms en gevolge daarvan te kyk. Daar is immers nie verniet die gesegde “ ’n Mens word aan jou vriende geken” nie. Manie kan maar net hoop dat die regering nie beoog om té diep in die bed saam met al die Brics-bondgenote te klim ten koste van verhoudinge met ander lande wat vir ons bitter belangrik is nie. Die ses nuwe Brics-lande wat uit 20 gekies is, sluit in Egipte, Ethiopië, Argentinië, Saoedi-Arabië, die Verenigde Arabiese Emirate en Iran. Manie kan nie sê hoekom hierdie ses die uitverkorenes is nie, maar hulle word begin volgende jaar deel van die sogenoemde Brics Plus. Soos…

NuusAktueel: Mynbou “MY gevoel is dat die myne ons deur middel van litigasie tot bankrotskap wil dwing en ons probeer dryf tot ’n punt wat ons moet tou opgooi.” Só sê Christiaan Winckler, eiendomswaardeerder van Ermelo, wat sy skoonpa, Corneels Greyling, met regsoptrede bystaan in ’n stryd teen Kangra Coal, ’n mynmaatskappy in Turkse besit wat ’n ondergrondse steenkoolmyn sowat 45 km van eMkhondo (Piet Retief) bedryf. Greyling se Corneels Greyling-trust, die Mooibank-boerdery en TR Mabuza, wie se boerdery verlede jaar as die suksesvolste opkomende boerdery in Mpumalanga bekroon is, het by die watertribunaal appèl aangeteken teen ’n watergebruikslisensie wat in 2021 aan Kangra toegestaan is. Die maatskappy het in 2017 die mynreg bekom. Mabuza, wat by Donkerhoek naby Wakkerstroom boer, sê daar word reeds onder sy plaas gemyn sonder…

Die droom van ’n groot aantal nuwe grondboonkultivars met hoë opbrengste is besig om bewaarheid te word. Een so ’n kultivar kan boonop met minder water klaarkom. Saad van vyf nuwe kultivars is die afgelope somer kommersieel vermeerder, hoewel slegs klein hoeveelhede vir groter saadvermeerdering beskikbaar is. Nóg 44 kultivars word tans in Suid-Afrika op droëland en onder besproeiing beproef. Die groot suksesverhaal is Schubert, ’n kort groeier met ’n baie hoë opbrengs, sê Alfons Visser, eienaar van SA Peanut wat op die Vaalharts-besproeiingskema boer. Hy is op groot skaal betrokke by waardetoevoeging en die uitvoer van grondbone, pekanneute, katoen en lusern. Luther Olivier, verkryger van SA Peanut, sê hulle evalueer nie net kultivars wat ideaal vir besproeiing is nie, maar wil ook mettertyd droëlandkultivars bekend stel wat goed in…

Herlewing van die platteland Dit wat die private diensverskaffer Rural Maintenance (RM) op die klein Vrystaatse boeredorpe (Frankfort, Villiers, Tweeling en Cornelia) van die Mafube-distrik reggekry het, is ’n uitsonderlike prestasie, veral met kragvoorsiening, die onderhoud van die kragnetwerk en die invordering van geld vir dié dienste wat in Suid-Afrika op die beste van tye gebrekkig is. In 2011 het RM die Mafube-munisipaliteit genader om die kragverspreiding oor te neem en te administreer. Dié diensverskaffer het 30 jaar ondervinding in die private sektor en staan ondernemings by met netwerkbestuur, hernubare kragoplossings, strategieë vir kostebesparing en die doeltreffende gebruik van kragbronne. Hy bied ook sy dienste aan munisipaliteite. Dit sluit in die belegging in die opknapping en onderhoud van kragnetwerke, kragverspreiding, skuldinvordering en die hantering van navrae en klagtes. Dit het…

Die Bam-boerdery van Marthinus Bam by Ermelo in Mpumalanga plant al vir 13 jaar net Pannar-saad. “Buiten mielies, sojabone, suikerbone en hawer versprei ons die risiko met stoetbulle en ’n kommersiële koeikudde,” sê Marthinus. Die Beefmaster-, Simbraen Brahman-bulle word vir kruisteelt gebruik. Omdat die koeie gemeng is, is hulle goed aangepas. Marthinus is ’n vierdegeslag-boer op die plaas Dorpsplaats en het heeltyds oorgeneem ná sy pa se afsterwe in 2010. Sy susterskind, GJ Kleynhans, is die vyfde geslag. “GJ het net ná sy matriek verlede jaar ingeval en wou van kleins af niks anders doen nie.” Die afgelope seisoen het sy kwota probleme ingehou. Aanvanklik was dit só nat dat hulle nie klaar kon plant nie. “Op sekere lande het ons niks geplant nie. Aan die ander kant het ons…

LANDBOU-ONDERWYS in Suid-Afrika was nog nooit op so ’n goeie plek soos tans nie. Willem du Buisson, skoolhoof van die Hoër Landbouskool Oakdale, sê baie skole faseer nou landbouvakke in hul kurrikulum in. “Dit is in aanvraag omdat die land se bevolking meer kos en landboukundigheid benodig. “Met al Oakdale se hulpbronne kan ons ’n leidende rol speel in die opleiding van suksesvolle landbouwerkers.” Met sy 95ste bestaansjaarviering is Oakdale gereed om met ’n lojale en toegewyde verbintenis en ondersteuning van instellings die volgende vlak in landbou-opleiding te betree. “Dit is vir Oakdale ’n groot eer en voorreg om steeds deel te wees van die vormingsgeleenthede van jong boere oor die jare heen. Ons is baie trots op die groot aantal oudskoliere wat sleutelrolle in die landbousektor van Suid-Afrika en…

Suid-Afrika is uiters afhanklik van die landboubedryf vir verskaffingsekerheid om in die steeds toenemende vraag na voedsel te voorsien. ’n Vennootskap met boere beteken daar is kollektiewe verantwoordelikheid tussen verskaffers en produsente om in hierdie vraag te voorsien. Terselfdertyd is dit belangrik om die impak van smeermiddels op die omgewing te verminder. Shell help boere struikelblokke oorkom Dit is geen geheim nie dat Suid-Afrika se boere voortdurend op baie fronte met probleme te doen kry in hul strewe om hul produkte konsekwent en volhoubaar te lewer. Werkverrigting, brandstofkoste, verminderde emissies en winsgewendheid is van die grootste kwessies waarmee boere daagliks te doen kry. Om dit aan te pak, bied Shell se reeks ghriese en ratkas-, enjin- en hidrouliese olies verlengde dreineringsintervalle, verbeterde energieen brandstofdoeltreffendheid en groter betroubaarheid van toerusting. Shell…

Met boere se verwagtinge in gedagte, het Syngenta baie belê in die demonstrasieperseel by Nampo Kaap, sê Hendrik van Staden, eenheidshoof van Syngenta se saadafdeling in Afrika. “Die Sensako-demonstrasieperseel op Nampo Kaap bied die ideale geleentheid om jouself toe te rus met inligting vir hierdie besluite. Die demonstrasieperseel is interaktief en besoekers kan saam met Syngenta se kenners deur die perseel beweeg en na hartelus vrae vra. Benewens die feit dat ons ons produkte gaan demonstreer, glo ons ook dat Nampo Kaap ons vanjaar die geleentheid bied om na ons klante te luister sodat ons hul behoeftes beter kan verstaan en saam kan besluit oor die beste opsies om hul behoeftes aan te pak,” sê Hendrik. Die kern van die voedselprodusent se sukses om mededingend te bly produseer, berus op…

Nampo Kaap, ’n hoogtepunt op die landboukalender, is ’n toonvenster vir die jongste vooruitgang in die landboubedryf. Een van dié skou se prominente uitstallers is Husqvarna, ’n wêreldleier in buitelug-kragprodukte. Husqvarna word erken vir sy toewyding tot uitnemendheid, en is bekend om die verskaffing van hoëgehalte-buitelugkragtoerusting wat ontwerp is om verskeie landboutake te vereenvoudig en te verbeter. Omvattende reeks Op Nampo Kaap 2023 bied ’n besoek aan die Husqvarnastalletjie mense die kans om ’n verskeidenheid toerusting te besigtig wat aangepas is om in die spesifieke behoeftes van boere te voorsien. Husqvarna bied ’n omvattende reeks toerusting wat almal gebruikersvriendelike kenmerke insluit en gebruiksgemak vooropstel: van duursame kettingsae en doeltreffende snoeiers, tot betroubare grassnyers en sterk trekkers. Met ’n ryk erfenis wat oor drie eeue strek, het Husqvarna ’n goeie naam…

Gates, ’n toonaangewende, wêreldwye verskaffer van vloeistofkrag- en kragoordragoplossings vir spesifieke toepassings het sy PRO™-reeks hidrouliese pype verder uitgebrei met die bekendstelling van die nuwe ProV™-produklyn. Gates se PRO-reeks hidrouliese pype van nywerheidsgraad bied werkverrigting wat spesifiek aangepas is vir gebruik in verskeie sektore, soos die landbou, boubedryf, mynbou, spuitgietwerk, algemene nywerheidsvervaardigingstoerusting en vele ander. Gates se diepgaande kennis van die bedryf, gepaste materiaal en prosesingenieurswese lei tot ’n volledige reeks betroubare en buigsame PRO-produkte wat voldoen aan alle eise van moderne hidrouliese stelsels. Die nuwe ProV-pype brei Gates se bestaande PRO-pypreeks uit, wat ingenieurs in staat stel om beter stelsels te ontwerp en optimale oplossings vir elke toepassing te verseker. “Gates se oplossings vir hidrouliese pype en koppelstukke is ’n mengsel van puik werkverrigting, duursaamheid en bekostigbaarheid,” sê Tom…

Promosie Toe Jan en Marius Eksteen van Hatari-Dormers buite Bloemfontein einde 2021 ’n rekordprys vir die ram Oorlog op die nasionale Dormer-veiling betaal het, het dié twee boere en sakemanne al vir sewe jaar van Suid-Afrika se topteelmateriaal in hul eie stoetery begin saamsnoer. Bloedlyne van die land se bekendste stoeterye in die Hatari-stoetery sluit onder meer in: Tjaart en Steyn Steenekamp se Twee Broers van Barkly-Oos, Nova Barletta van Lodie en Chriselle van Reenen van Clocolan, Dirkie van Zyl van Droerivier by Richmond, en Erika Hannekom van die Wes-Kaap. Die Eksteens het Suid-Afrika se beste Dormers op die nasionale veilings gaan uitsoek, want Marius glo dis die toonvenster van die ras. In 2022 het hulle op die nasionale veiling ’n Suid-Afrikaanse rekordprys van R80 000 vir ’n Dormer-ooi betaal.…

NuusAktueel: Wol ENIGE wolboer wat wonder of sertifisering en naspeurbaarheid ’n doel dien, moet kennis neem van wat in die Australiese wolbedryf, die wêreld se grootste, aan die gebeur is. Josh Lamb, voorsitter van die Australiese raad vir woluitvoerders en -verwerkers, het onlangs teenoor Sheep Central sy kommer uitgespreek daaroor dat Australië, wat homself beskou as die voorste verskaffer van kleedwol, nou maar derde in die ry staan – agter Suid-Afrika en Nieu-Seeland – wat gesertifiseerde wol betref. Dit plaas dié twee kleiner wolproduserende lande op ’n meer gelyke voet met Australië wat produksie betref. Hy het gewaarsku dat Australië sy sokkies sal moet optrek om steeds marktoegang vir sy wol te behou (sien bit.ly/3KVWl3u). Volgens Lamb is daar ’n toenemende vraag na gesertifiseerde wol reg oor die wêreld –…

Kortliks TEELMATERIAAL word ingespan om koeie te teel wat hul kant vir die omgewing gaan bring deur minder metaangas vry te stel. Melkboere ondervind reeds in verskeie lande ál meer druk van aktiviste om omgewingsvriendeliker te boer. Die Nieu-Seelandse regering beoog om reeds teen 2025 melkboere te belas vir die metaangasvrystelling deur hul koeie. Een Kanadese boer het daarom ’n aantal verse en koeie met bulsemen met die genetiese eienskap vir lae metaangasproduksie geïnsemineer. Luidens Reuters sien Ben Loewith baie uit na die kalwers wat in die Kanadese lente gebore gaan word. “Doelgerigte teling wat laer metaangasvrystelling deur beeste sal beteken, lyk vir my na ’n wensituasie, solank ander produksie-eienskappe nie prysgegee word nie,” sê Loewith in ’n onderhoud. Die nuwe Semex-produk is gegrond op navorsing van sewe jaar deur…

Neute MAKADAMIAS Met ’n verwagte oes vanjaar van 77 659 ton het makadamiaproduksie in Suid-Afrika oor die afgelope tien jaar meer as verdubbel (GRAFIEK 1). Suid-Afrika bly nog voor Australië in die titelstryd om die wêreld se grootste makadamiaprodusent. Teen 2020-pryse sou kwekers vanjaar breed glimlag, maar die afgelope jaar kou die makadamiabedryf wêreldwyd harde bene. Teen plaashekpryse vir gedroogde, ongedopte makadamianeute wat tans wissel van R25-R40/kg na gelang van die gehalte, kan boere wat minder as 2 t/ha oes, sukkel om gelyk te speel, veral as die gehalte nie na wens is nie, sê Miles Osborn, handelsdirekteur van Makadamia SA (Samac). Juan Winter van Source BI, ’n landboudatamaatskappy wat ’n landwye normestudie vir makadamiaproduksie byhou, sê die huidige oesgemiddelde vir makadamiaboorde met bome van ouer as nege jaar is…

Rugbywêreldbeker 2023 Om elkeen 70 (en meer) Springboktoetse aan te durf – waaronder in drie Wêreldbeker-rugbytoernooie – sit net in ’n plaasjapie se broek. Boonop was daar was net een inkomtydreël op Jannie en Bismarck du Plessis se grootwordplaas naby Bethlehem in die Vrystaat – enige tyd solank hulle die volgende dag die melkery kan oopsluit en ’n voldag kan werk. Jannie (40), ’n dokter, sê dit is ál voorwaarde wat sy oorlede pa, Francois, vir hom, Bismarck (39) en hul jonger broer, Tabbie (Francois jr., 30), gehad het. “Dit is ’n les wat my bygebly het. Dit maak nie saak wat ons gedoen het nie, ek het seker gemaak dat ek hard kan oefen en dat my werk op datum is.” Jannie en Bismarck tel onder die min spelers…

Bakkie vir ’n boer Toe Nissan sy jongste Navara in 2016 bekend gestel het, was een van die sterkste verkoopspunte dat dit kronkelvere het in die plek van bladvere. Nissan se oogmerk met die verstelling was edel – hy wou ’n bakkie met ’n sagte rit vir sy klante bou. Maar dié pakmuil moes ook omtrent ’n ton kan vat. Ongelukkig het dié voornemens nie vrug gedra nie – die Navara het padlangs rondgespring soos ’n skaaplam wat in ’n springbokkamp grootword. Die Japanners is terug na die werkswinkel, en sowat twee jaar gelede is ’n beter Navara mark toe gebring. Die onderstel en agteras is versterk en die ou kronkelvere is met nuwe dubbelslag-kronkelvere (dual-rate springs) vervang. Laasgenoemde is noukeurig ingestel en so ook die bakkie se stuur. Verbeterde…

FOKUS WIELE Twee XLT-weergawes, die goedkoopste in die reeks, is belangrike toevoegings tot die Everest-reeks wat Ford se sewesitplek-sportnutsvoertuig vir meer kopers toeganklik maak. Die Everest XLT word aangedryf deur Ford se 2 liter-dubbelturbo-dieselenjin wat 154 kW krag en 500 Nm wringkrag ontwikkel. Dit is gekoppel aan Ford se outomatiese tiengang-ratkas. Die XLT-reeks is beskikbaar met tweewiel- of vierwielaandrywing. Die XLT 4x4 het dieselfde ritmodusse as die Everest Platinum. Dit kos R913 400 en die 4x2 kos R848 300. Die XLT’s het ses lugsakke en verskeie gevorderde elektroniese veiligheidshulpmiddels. Daar is gedeeltelike leersitplekafwerking en kragverstelling vir die voorste sitplekke. Die XLT’s het digitale instrumente en die duurder Everests se groot raakskerm vir die Sync 4A- inligtingvermaakstelsel. Koordlose Android- en Applekoppeling, asook die koordlose laai-oppervlak is standaardtoebehore. Verder is daar…

Fokus NAMPO KAAP PROMOSIE New Holland Landbou se TH7.32- teleskopiese hanteerder, ’n nuwe toevoeging tot sy reeks, sal vanjaar op Nampo Kaap vertoon word. Dit kan tot 7 m lig en het ’n vermoë van 3,2 ton. Ander kenmerke is die 4x3-kragskakelratkas en hidrouliese vloei van 140 liter per min. Die kragtige 98 kW-enjin met 549 Nm wringkrag teen 1 500 r/min. hanteer elke taak gemaklik. Kom sit in die ruim kajuit en ervaar 360 grade-uitsig. TS6-trekkers is nie nuut nie, maar jy gaan voortaan baie meer van hulle sien. New Holland se klem is op die TS6.120 met kajuit. Dit het ’n enjin van 4,5 liter wat 88 kW drywing en 515 Nm wringkrag teen ’n lae omwenteling van 1 250 r/min. lewer, asook hoë hidrouliese vloei- en hyserkapasiteit.…

In die wêreld van die moderne landbou word dit ál belangriker om doeltreffender te boer, soos die gebruik van tegnologie en satelliete om makliker en noukeuriger te plant. In sy ontwerpe en ontwikkelings hou John Deere altyd die boer se sukses in gedagte. Die 1725C-planter het daarom kenmerke wat die doeltreffendheid en uiteindelike opbrengs van die gewas kan verbeter. Akkurate en konsekwente saadplasing Saadplasing is die proses waardeur saadkorrels op die regte tyd, in die regte hoeveelheid en teen die regte diepte in die grond geplaas word. Foute met saadplasing kan lei tot ’n 10%-verlies in opbrengs. Daarom blink die John Deere 1725C-planter uit in die lewering van presiese en konsekwente saadplasing wat ook optimale saad-tot-grondkontak verseker. Toegerus met ExactEmerge™- of MaxEmerge™-5e-tegnologie, spog die 1725C-planter met ’n toonaangewende stelsel wat…

Nuwe aanplantings wat in produksie gekom het, tesame met wat kenners as ’n aanjaar beskryf het, het hoofsaaklik bygedra tot rekordopbrengste vir pekanneutboere in 2022. In die geval van ’n aanjaar is opbrengste hoër as in ’n afjaar, maar die neutgehalte is beter in ’n afjaar. Aanvanklik is die plaaslike produksie vir die 2022-seisoen op sowat 27 000 ton beraam, maar ná afloop van die oes is ’n produksiesyfer van 31 846 ton bekend gemaak. Dit is ongeveer 12 500 ton meer as die produksie van 2021, en 10 500 ton meer as die vorige produksierekord van 2020. Geskiedkundig is meer as 90% van alle Suid-Afrikaanse pekanneute in die dop aan China verhandel, maar as gevolg van die hoë opbrengste en minder uitvoerbare neute is slegs 85% van 2022 se…

In die dinamiese wêreld van die moderne landbou is ’n bakkie wat naatloos by ’n verskeidenheid take aanpas, nie net ’n gerief nie, dit is ’n noodsaaklikheid. Die nuwe Ranger XL-enkelkajuit voldoen nie net aan hierdie vereiste nie; dit floreer daarin. As jou onwrikbare vennoot in die veld, lewer dit werkverrigting en ’n reeks kenmerke wat jou boerdery-ervaring na ’n heel nuwe vlak sal neem. Sterk genoeg vir ’n boer Die boerderylewe is onvoorspelbaar, maar die nuwe Ranger XL-enkelkajuit is ontwerp om in sulke toestande te presteer. Elke faset van sy ontwerp, van die robuuste raam tot die duursame laaibak, is gemaak om die toestande van enige landbou-omgewing te weerstaan. Hetsy jy ruwe terrein aanpak, ongelyke veld navigeer of ongunstige weer die hoof moet bied, die nuwe Ranger XL-enkelkajuit is…

Jou storie Deur die geskiedenis heen verdien plaasvroue hul eie geldjie. Sien, Manlief sorg vir werktuie, die plant van mielies en sojabone, nuwe bulle en die werkers se lone. Maar plaasvroue betaal vir Sussie se leerstewels, die blommetjies in die voortuin en ’n lekker seevakansie op Amanzimtoti. Dertig jaar gelede het plaasvroue kubusmelk op die kombuistafel gekweek en toiletoortreksels met valletjies gehekel. Later het hulle trourokke gemaak, hoendereiers verkoop en perskes ingelê. Vandag kweek hulle blomme of groente in plastiektonnels, boer met wild en bedryf gastehuise in plaashuise wat leeg staan. Die dapperes (wat Engels kan praat) gee selfs aanlyn klas vir Chinese kinders. En dan is daar diegene wat ouma Bettie se erfgeldjies en jare se verkope van nastergalkonfyt gebruik as deposito om ’n eiendom op die dorp te…

Hertzogville se kampioenbeeste Verskeie beesraskampioene is aangewys op die Hertzogville-skou wat op 17 en 18 Maart gehou is. Ses beesrasse en altesaam 85 beeste het deelgeneem. Die interras-afdeling is beoordeel deur Llewellyn Angus. Wes-Vrystaatse rooi Angus-kampioene 1 Senior en grootkampioenbul, Roechama Elevation RCM 19 88. Eienaars: Gert (082 807 9216), RC en André Malherbe, Roechamastoetery, Hertzogville. Hanteerder: Ishmail Mogorosi. Die bul was ook die opperste kampioendier op die skou. Die stoetery het ook die kampioenbulkalf, Roechama Maverick RCM 21 159, vertoon. 2 Senior en grootkampioenkoei, Hide-A-Way’s Serenade PHD 15 28. Eienaars: Piet (082 550 7847) en Hendrik (082 222 4269) Delport, Hide-A-Way’s-stoetery, Schweizer-Reneke. Hanteerder: Jeffrey Mojakgolo. Die koei was ook die opperste kampioenkoei op die skou. 3 Senior reserwe- en reserwegrootkampioenkoei, Red Rubie Rubilicious RR 16 05. Eienaar: Ruben Redelinghuys…