Tabla de contenidos para 10 August 2023 en Landbouweekblad

IN ’N BLIK Dele van die Wes-Kaap het vanjaar die meeste reën nóg in Junie gemeet, en in die Heidelberg-omgewing in die Suid-Kaap het die kanola reeds einde Julie geil gestaan. Maartin Gildenhuys van die plaas Goedemanskraal, Heidelberg, sê hoewel hy plek-plek versuipkolle in sy lande het, was die waterskade op sy plaas minimaal en lyk die vooruitsigte vir kanola goed. Daar het sedert April reeds 230 mm reën op sy plaas geval. “Verlede jaar was die oes ondergemiddeld, maar as ons na vanjaar se reën kyk, lyk dit of 2023 baie beter gaan wees. Die kanola is al amper verby sy hoogtepunt en het reeds taamlik blomme verloor. Dit is nog vroeg in die seisoen en dit is nog ’n hele ruk voor einde September. Maar as alles…

MODEHUISE se aandrang op etiese wolproduksiepraktyke veroorsaak wêreldwyd woelinge in die wolbedryf. Sheep Central berig die Italiaanse wolhandelaarsvereniging waarsku Australiese produsente van superfynwol dat baie modehuise vanaf 2025 nie meer wol gaan aanvaar van produsente wat Mules se operasie toepas nie. Die handelaars sê hulle waarsku Australië reeds 20 jaar lank daaroor. Sommige Suid-Afrikaanse wolboere bevraagteken egter of bykomende produksiekoste verbonde aan gesertifiseerde wol die pryspremie werd is. Deon Saayman, uitvoerende hoof van Cape Wools, sê tydens afwaartse prysdruk of wisselvallige prysvlakke, soos die afgelope seisoen, sal die premie verklein, maar op die lang duur is dit onmoontlik om te weet of die premie eindelik gaan verdwyn of groei. “Dit gaan oor die vraag en die aanbod. As daar nie genoeg gesertifiseerde wol wêreldwyd is nie, gaan daar ’n premie…

TLU SA: Ope brief aan pres. Ramaphosa Mnr. President, Ons het met ongeloof kennis geneem van die opmerkings wat u gemaak het tydens die slotopmerkings op die 26ste nasionale konferensie van die ANC-jeugliga op 2 Julie 2023, waarin u jong Suid-Afrikaners aangespoor het om militante revolusionêre te word. Dit het ons ’n ruk gekos om op ’n beskaafde reaksie te besluit. Vir ons, ons lede en ondersteuners, en die meeste Suid-Afrikaners, is so ’n verklaring absoluut onverantwoordelik. As die president van ’n land behoort u beter te weet as om geweld aan te moedig vanaf ’n openbare verhoog. Maar aangesien u die opmerkings gemaak het, verstaan u klaarblyklik nie waarom dit as opruiend beskou word nie. TLU SA verteenwoordig kommersiële boere in Suid-Afrika. Ons lede is kwesbaar vir gewelddadige aanvalle…

Nuus Aktueel Misdaad DIT is die tweede keer in vier maande dat hy deurloop onder insetdiewe. Só sê ’n boer van die Coligny-distrik oor die meer as R1 miljoen se chemikalieë wat by hom gesteel is. “In ons geval is 7% van die geldwaarde van ons direkte inset gesteel. Dis skrikwekkend,” sê hy. Dié skade is maar ’n druppel aan die emmer van miljoene rande se skade wat boere ly omdat die polisie nie in staat is, of bereid is, om hulle te help nie. Private ondersoekers wat boere bystaan met misdaadvoorkoming en om die skuldiges op te spoor meen dié diefstalle vorm deel van ’n insetdiefstalsindikaat met sy oorsprong in Bothaville. “Ek werk tans met 25 boere wat die afgelope drie jaar deur die sindikaat beroof is en na…

GROOT bydraers tot die Agri-Seta suig aan die agterspeen wanneer dié Seta diskresionêre toelaes toewys, meen landbou-opleidingsinstellings. Hulle waarsku dit kan werkersopleiding by van Suid-Afrika se grootste boerderye tot stilstand dwing. Ingevolge die Wet op Vaardigheidsontwikkeling (Wet 97 van 1998) en die Wet op Vaardigheidsontwikkelingsheffings (Wet 9 van 1999) moet alle werkgewers met ’n jaarlikse betaalstaat van R500 000 of meer ’n vaardigheidsheffing gelykstaande aan 1% van hul jaarlikse betaalstaat aan die AgriSeta betaal. Die AgriSeta betaal verpligte toewysings wat 20% van die 1% verteenwoordig aan boerderye of maatskappye wat aan die Seta se administratiewe voorwaardes voldoen. Die Seta kan 10% hiervan vir administratiewe doeleindes gebruik. Die oorblywende 70% van die vaardigheidsontwikkelingsheffing word aan werkgewers toegeken volgens die diskresie van die Seta. Werkgewers moet aansoek doen om hierdie toelae. Dit…

O verberg Agri het deel geword van die Acorn Agri and Food-groep (AFF) en die verloop van die besigheid se geskiedenis toon hoe die besigheid eers deur boerekoöperasies tot stand gekom het en nou deel vorm van ’n breër landbou-en-voedselgroep. Overberg Agri (Edms.) Bpk. se hoofkantoor is op Caledon in die Wes-Kaap. Hy doen sake in die Wes-, Noord- en Oos-Kaap en Limpopo. Overberg Agri het ontstaan uit twee landboukoöperasies in die Wes-Kaap: die Caledon Boerenkoöperasie (1918) en Bredasdorp Boeren Koöperatiewe Vereniging (1926). Hulle het in die 1990’s na maatskappye omgeskakel, onderskeidelik Caledon-Riviersonderend-maatskappy (CRK) in 1998 en Bredasdorp-Napierlandbougroep (BNK) in 1997. In 2005 het die besighede saamgesmelt om die maatskappy Overberg Agri te vorm. Die proses is verder gevoer in Mei 2018 toe Overberg Agri en Acorn Agri saamgesmelt het…

Platteland Die moord op ’n jong man het die gemeenskap van Senekal tot die rand van rasse-oorlog gebring, maar leiers uit verskillende oorde op die dorp het na vore getree en het dit reggekry om ’n totale ommekeer teweeg te bring. Vandag is Senekal ’n voorbeeld van wat vermag kan word wanneer gewone burgers oorgaan tot aksie. Senekal is geleë in die Oos-Vrystaat op die N5-roete tussen Winburg en Bethlehem. Dié dorp langs die Sandrivier is naas Ficksburg die grootste in die Setsotodistriksmunisipaliteit. Die landbou is die grootste bedryf in die omgewing en die verbouing van mielies, koring en sonneblom, asook die bees- en melkboerderye in die omgewing lewer ’n groot bydrae tot die provinsie en Suid-Afrika se ekonomie. Die moord in 2020 op Brendin Horner het egter plaasveiligheid in…

Die landbou is die lewensbloed van die landelike ekonomie en verskaf voedselsekerheid aan die 70% van die bevolking wat in stede woon. Boonop is dit die belangrikste werkskepper op die platteland. Volgens Jack Armour, bedryfsbestuurder van Vrystaat Landbou, bestaan ’n nasionale vastelynnetwerk en dienste van Telkom glad nie meer in landelike gebiede nie, bloot omdat dit nie finansieel lonend was vir Telkom om in dié yl bevolkte landelike gebiede ’n diens te lewer nie – en selfoonmaatskappye volg nou dieselfde roete. “Ons voel daar moet ’n mate van gedwonge kruissubsidiëring toegepas word om die selfoonmaatskappye, wat met groot winste spog, te kry om meer in landelike gebiede te belê.” Wanneer datategnologie verbeter word, soos die huidige skuif na 5G-tegnologie, word die plek wat bereik word, elke keer kleiner. “Daar is…

FOKUS Moenie alle hibriede voertuie oor een kam skeer nie . . . In teenstelling met ’n gewone hibried, soos die Corolla Cross Hybrid of RAV4 Hybrid (wat reeds hier te koop is), het die inprop-RAV4 ’n veel groter aandrywingsbattery. Hy kan 18,1 kWh opberg, teenoor die gewone RAV4 Hybrid se 1,6 kWh. Daar is nog ’n belangrike verskil tussen die twee batterye: Waar die gewone hibried van die enjin en momentum afhanklik is om sy battery te laai, kan die inprop-hibried by ’n kragpunt ingeprop word. Die nadeel van ’n gewone hibried is dat sy elektriese motor(s) hom vir minder as ’n kilometer op ’n slag kan aandryf voordat die petrolenjin moet aanskakel om te help. Daarteenoor kan die inprop-hibried byna 80 km ry terwyl die enjin slaap. Hoe…

New Holland ontwikkel toerusting nie net vir gemak nie, maar ook vir doeltreffendheid in alle aspekte. Dit geld ook sy T6.180-metaangastrekker, wat die wêreld se eerste 100% metaangas-aangedrewe produksietrekker is. Dit is die sleutel tot CO2-vermindering sonder om werkverrigting in te boet. Sedert die konsepeenheid in 2013 ontwikkel is, is daar al baie toetse uitgevoer en veranderinge aangebring. Boere kan landbou- of diereafval, asook spesifiek gekweekte energiegewasse gebruik om biometaan op te wek. Dit sal die trekker aandryf, wat op sy beurt help om weer daardie einste gewasse te verbou. Spesifikasies Die T6.180 beskik oor ’n splinternuwe NEF-6.7 liter-enjin wat spesifiek vir landboutoepassings ontwikkel is deur FPT Industrial, ’n leier in aardgas-aandrywingstegnologie met meer as 20 jaar ondervinding en 70 000 aardgasenjins wat tot dusver vervaardig is. Met dieselfde kraglewering…

Fokus LANDBOUMAATSKAPPYEPROMOSIE Jacto, ’n Brasiliaanse multinasionale maatskappy wat landbouwerktuie, -oplossings en -dienste bied, het die antwoord vir die groeiende vereistes om selfs meer hektare per dag te bespuit. Die Jacto Uniport 4530 het ’n chemiese tenk wat 4 500 liter hou en ’n spuitbalk van 42 m waarmee hy uitstekende werkverrigting behaal. Saam met die toptegnologie van dié selfloopspuit troon hy uit bo ander spuite. Groot beteken egter nie vermorsing nie. Die spuit se hoë werkvermoë word gekombineer met ’n laeverdigtingstempo wat verliese per hektaar verminder. Met die 4530 se spuitkop-tot-spuitkopbeheer, tesame met die presisieboerderystelsel Omni, bespaar die boer ook op insetkoste. Omni stel die spuit in staat om outonomies te stuur en te beweeg, en die bestuurder hoef net die werking te monitor. Die Uniport 4530 bevat Jacto se…

Die aand toe Annemarié van Niekerk hoor van die moord op haar vriend Ruben Gouws en sy ma, Hermien, van die plaas Pinevale naby Ida in die Oos-Kaap, het sy besef sy moet terugkom Suid-Afrika toe. “Dit was nie net om by die begrafnis en familie te wees nie, maar ek wou uitvind waar kom die geweld in Suid-Afrika vandaan. Dis só verskriklik erg en beheer almal se lewe,” sê Annemarié, wie se memoir Onder ’n bloedrooi hemel onlangs by Tafelberg verskyn het. In dié belangrike boek, wat aanvanklik eers in Nederland verskyn het as Om het hart terug te brengen en met die gesogte Henriëtte Roland Holstprys vir “Betrokken Letterkunde” bekroon is, ondersoek sy die geweldsituasie in Suid-Afrika, maar kyk ook na haar eie belewing van geweld. Annemarié, wat…

Manie Manie bespeur ’n klomp moedswilligheid by die nasionale Dierebeskermingsvereniging (DBV) se strydlustige benadering jeens die uitvoer van lewende vee. Dit is nie net teenproduktief vir wat hy wil bereik nie, maar ook skadelik vir die diere wat hy na bewering probeer beskerm. Dít is onlangs bewys toe dié organisasie in Oos-Londen op allerlei maniere die vertrek van die vragskip Al Mesillah vertraag het. Die skip sou aanvanklik op 20 Julie vertrek het. Dit het uiteindelik eers op 28 Julie gebeur. Ná die organisasie se dringende hofbevel op 19 Julie van die hand gewys is, het hy glo op kwaadwillige wyse aangehou om die vertrek te stuit. Hy het die bestuurder van die voerkraal waar die skape in kwarantyn gehou is, in hegtenis laat neem. Die bestuurder is volgens Agri…

Nuus Aktueel Klimaat MET ’n 80%-kans is 2023 sterk op pad om die warmste jaar nóg te word, volgens Berkley Earth wat al sedert Oktober 2019 elke maand die wêreldwye temperature ontleed en vooruitskattings maak. Die ware toedrag van sake sal eers in Januarie 2024 bekend wees. Hoekom gebeur dit? Klimaatsiklusse het nog altyd bestaan. Wanneer mense dus redeneer “die klimaat verander altyd”, is hulle nie verkeerd nie, sê dr. Peter Johnston, navorser by die aksiegroep vir klimaatstelsels aan die Universiteit van Kaapstad. “Maar wat ons moet onthou, is dat die intensiteit van siklusse toeneem, en aardverwarming is grootliks die rede daarvoor.” Natuurlike klimaatveranderlikheid beteken die aarde beleef op lang termyn natuurlike siklusse wat wissel tussen warm en koud, asook natter en droër tydperke. “Dit was nog altyd die geval,…

Soos by mense en diere is die verband tussen ’n plant se voedingstatus en die voorkoms van siektes en plae algemeen bekend. ’n Onlangse proef het groter lig gewerp op dié verhouding by makadamiabome. Blaaspootjie is ’n algemene insekplaag in Suid-Afrikaanse boorde en by ander gewasse. Soos rooispinnekop kom dit dikwels in die somer voor, waar dit veral nuwe groei beskadig. ’n Debat is aan die gang of blaaspootjie makadamiabome se blomme beskadig, maar die hoë voorkoms van die insek beskadig wel makadamianeute se doppe, hoewel nie die kern nie. Heelwat melding word in die literatuur gemaak oor die invloed van mangaan, stikstof en kalium wat betref die voorkoms van insekte en ’n plant se vatbaarheid vir siektes. Die inligting is egter vaag, en daar word min verwys na die…

Rugbywêreldbeker 2023 Suid-Afrika se trotse rugbyspan het ongelooflike ervaring en talent onder die voor- en agterspelers – en ’n bomb squad wat die bestes op aarde kan ore aansit. Die legenariese oud-Springboksenter Joggie Jansen (75), wat deesdae in Bloemfontein woon, het volle vertroue in ’n goeie pak voorspelers, terwyl die bomb squad dikwels eintlik beter as die beginspan is. “Daar is dus min verskil tussen die voorkeurspelers en die manne op die reserwebank, en dit kan ons help om die ander spanne te klop.” Joggie meen daar is net soveel diepte onder die agterspelers. “Kyk maar na die vleuels. Losskakel is die enigste posisie wat my ’n bietjie bekommer as Handré Pollard nie kan speel nie. Manie Libbok speel nietemin tans goeie rugby en skop nou skitterend pale toe.” Pollard…

Fokus PROMOSIE Vier enkelkajuitmodelle is bekend gestel om voorsiening te maak vir werkesel-toepassings, aangevul deur ses superkajuitmodelle, asook die eerste superkajuitmodel nóg in Wildtrak 4x4-spesifikasie. Vragbestuur is ’n gebied waarop die Next-Gen Ranger uitblink, met ’n breër laaibak propvol kenmerke om die ruimte in ’n nuttige vragbestuurruimte te omskep. Die Ranger is 50 mm breër, wat beteken die laaibak kan ’n 1 224 mm-palet tussen die wielboë huisves. Die 2 305 mm-laaibaklengte van die enkelkajuitmodelle verseker maksimum laaivolume. Die loonvragvermoë is 964 kg tot 1 186 kg, na gelang van die model. Die laaibak is ook só ontwerp sodat klante hul eie selfdoenorganiserings- en opbergingsoplossings kan skep. Op die Wildtrak-superkajuit, wat standaard toegerus is met ’n invoegsel-bakvoering, is gapings in die laaibak se sywande gegiet wat eienaars in staat stel…

Met kwessies soos swak veerkragtigheid van weidings en verhoogde bedryfskoste, tesame met wisselvallige weerstoestande, is dit nou belangriker as ooit dat die regte gewasse binne die boer se weidingsprogram benut word. Barenbrug se Commandersigorei en Captain-plantaan is in dié opsig uiters geskik en hou vele voordele in. “Voerkruie het weidingstelsels in die Suid-Kaap fundamenteel verander met verhoogde buigsaamheid, gehalte en robuustheid,” sê dr. Sigrun Ammann van die Outeniqua-navorsingsplaas by George. Hoewel Commander-sigorei en Captain-plantaan suksesvol as monokultuur aangeplant kan word, sien Barenbrug dat dit dikwels benut word in meerjarige weidings- en dekgewasmengsels danksy die uitstekende opbrengspotensiaal en gehardheid. Dit is uiters geskik vir melk-, bees- en skaapstelsels. Binne die melkbedryf is daar veral ’n groot skuif van monokultuurstelsels met oorheersende grassoorte (raaigras en kikoejoe) na gemengde weidingspraktyke wat peulgewasse (lusern…

Om ’n suksesvolle plantseisoen te hê, is dit belangrik dat boere hul grond reg voorberei én dat hulle die regte toerusting en tegnologie het. Case IH se Early-Riser-planterreeks tesame met Case IH se reeks grondbewerkingtoerusting is ontwerp om plantdoeltreffendheid te optimaliseer en die opbrengspotensiaal van gewasse te maksimaliseer. Regte voorbereiding Case IH se omvattende reeks vertikale bewerkingswerktuie met hul opsie vir wisselende dieptebeheer is die doeltreffendste manier om meer hektare te bewerk, oesreste te bestuur en ’n gladde en gelyke saadbedding te skep. Deur die saadbedding behoorlik voor te berei, skep die boer ’n ideale omgewing vir vinnige saadontkieming en wortelontwikkeling. Presisietegnologie AFS Soil Command-tegnologie, wat gepaard gaan met Case IH se grondbewerkingswerktuie, maak gebruik van gevorderde sensors en bestuursalgoritmes om intydse grondinligting te versamel en te ontleed. Deur doeltreffende…

Wat het jy as kind gedroom om te word en hoe het jy in die afslaersbedryf beland? Al wat ek wou doen, was om met diere te boer. Ek is na Cedara-landboukollege in Pietermaritzburg en het daarna werk by ’n vee-koöperasie gekry waar ek vir die eerste keer as afslaer gewerk het. Hoe lank is jy al ’n afslaer? Al sedert 1988. Wat is die vreemdste ding wat al op een van jou veilings gebeur? Dit was sowat agt jaar gelede op ’n buffelveiling op Bela-Bela. Ons was in ’n tent met baie mense en groot televisieskerms binne. Die volgende oomblik het ’n sterk warrelwind die hele tent uitmekaar geruk. Pale het oral gevlieg en die televisieskerms het gebreek. Gelukkig het niemand seergekry nie, maar dit is iets wat my…

Watter werkesel? ’n Bakkie moet ’n boer se regterhand wees — ’n werker waarop hy volkome kan vertrou. Om vas te stel watter bakkie so reg in boere se kraal is, het Landbouweekblad vier boere en ses bakkies op die Sandwani-wildplaas naby Pretoria byeengebring. Hulle het ’n dag lank die ses dubbelkajuitbakkies getoets onder die wakende oog van die TV-aanbieder André de Villiers. Landbouweekblad publiseer vanaf 24 Augustus in elke uitgawe ’n dubbelblad-artikel oor elke bakkie en wat die boere van hom gedink het. Lesers kan ook op Landbou.com kyk wat gebeur as vier boere in ses bakkies losgelaat word. (Ja, van hulle wou heeldag versnelrenne hou en by tye het die stof gestaan.) Die bakkies ter sprake is die Toyota Hilux 2.4 GD-6 en 2.8 GD-6, die Nissan Navara…

NIE net moet boere ál versigtiger weens vir dieselverskaffers wat hul produk met paraffien meng nie, maar nie eens ’n laboratoriumtoets gaan jou noodwendig beskerm teen die onsuiwer konkoksies wat deur beginsellose vermengers verkoop word nie. Werktuig-agentskappe meld ál meer gevalle aan waar onsuiwer diesel met hoë paraffienvlakke die brandstofinspuiters in trekker-, stroper- en hoogloopspuitenjins beskadig. “Een brandstofinspuiter kos rondom R19 000 om te vervang, en met ’n ses-silindertrekker is daar ’n stel van ses wat vervang moet word. Dit beteken dat die boer meer as R100 000 op een trekker sal moet bestee,” sê Johan Harlaar van FPS Dieselverspreiding naby Sundra in Mpumalanga. Gebruik jy daardie vermengde diesel in jou hele vloot, sal dit nie net een trekker wees wat só beskadig word nie. Roofhandelaars wat diesel vermeng met…

“ONS boer op die kant van die somersaaigebied en aan ons westekant is dit net weiding. Ons gebied is dus wat klimaat betref, marginaal en baie kwesbaar,” sê Jozeph du Plessis, lid van Graan SA se uitvoerende komitee en direkteur van die bedryfsliggaam Katoen SA. “Uit ons eie data is dit moeilik om af te lei of die klimaat noemenswaardig verander het, want dit bly steeds siklies van aard, maar wat wel afgelei kan word, is dat siklusse al hoe meer ekstreem begin raak het. Die droër en warmer seisoene het al hoe droër en warmer begin raak, en as dit koue en nat seisoene is, het ons dít ook meer intens gehad.” Hy vertel sy oupa se oupa het aanvanklik met skape geboer toe die familie hulle hier gevestig…

NAVORSING toon hoe waardevol mos is en beklemtoon dat dit beskerm moet word om gesonde grondfunksies te ondersteun. Mosse bevorder gesonde grond, huisves mikrobes en beveg patogene organismes. Dié laaggroeiende groen plante is van die oudste plante op aarde en kom oral voor, van tropiese reënwoude tot woestyne, en selfs op Antarktika. Prof. David John Eldridge van die Universiteit van Nieu-Suid-Wallis in Australië en dr. Manuel Delgado-Baquerizo van die nasionale navorsingsraad van Spanje, twee van die navorsers wat by ’n onlangse wêreldwye opname oor mosse betrokke was, skryf op die webwerf The Conversation dat die grond onder mosse meer stikstof, fosfor en magnesium bevat. Daar is ook meer ensiem-aktiwiteit in daardie grond vergeleke met grond sonder plante. “Mosse beïnvloed alle belangrike funksies in die grond, soos om koolstofneerlegging te verhoog,…

Jong boere Vandat Johan Hanekom saam met sy pa begin boer het, is vele kostedoeltreffende veranderinge in hul skaap-en-graanboerdery by Moorreesburg aangebring. Die wisselboustelsel is verander van ’n eenvoudige koringmedicsstelsel na ’n stelsel met drie kontantgewasse en ’n groter verskeidenheid weidingen voergewasse vir die Merino-kudde. Die trekkers en werktuie is minder, maar groter. Almal is toegerus met gesofistikeerde GPS- en presisie-uitmeettegnologie om net die regte hoeveelheid insette op die regte plek toe te dien en kan deur een mens bestuur word. Só word minder landbouchemiese middels gebruik en inset- en arbeidskoste bespaar. Moet egter nie dink dit was net vir nuwe trekkers en werktuie koop nie. Johan (nou 30) moes eers navorsing doen om sy pa, Dirkie, te oortuig van die waarde wat die werktuie sou toevoeg en watter besparings…

Hidrouliese sleepskraper vir die onderhoud van paaie Jan-Abraham Strauss van Agri Shalom, ’n onderneming wat hom toespits op die ontwikkeling en vervaardiging van landbouwerktuie, het pas die jongste weergawe van sy reeks swaardiens- hidrouliese sleepskrapers (3,6 m) vir padskraap en die maak van kontoere en brandpaaie bekend gestel. Die skraper het ’n vrye rotasielem wat vanuit die kajuit van die trekker beheer word en dit verg slegs een operateur om die skraper te gebruik. “Dit bespaar dus tyd en arbeid om paaie te onderhou en alles kom terug na doeltreffendheid om boere se winsgewendheid te bevorder,” sê Strauss. Hy sê hulle stuur hierdie skrapers reg oor Suid-Afrika en lewer op die boer se plaas af, waar hy ook al is. Dit is ’n beproefde produk en is doeltreffend om boere…

FOKUS LANDBOUMAATSKAPPYE Die Val-boeredagterrein was vanjaar stampvol uitstallers wat reggestaan het om hul werktuie aan die besoekers te demonstreer. Brett Gordon, voorsitter van die Val-boerevereniging, sê die besoekersgetalle het die sukses van die dag onderstreep met sowat 1 000 méér mense as vorige jare wat dit bygewoon het. “Dit is vir ons ’n riem onder die hart om te dink dat ’n boeredag wat 26 jaar gelede met ses of sewe boere begin het, gegroei het tot ’n dag waar ons soveel boere en besoekers kon onthaal.” Terugvoer van besoekers en uitstallers was baie gunstig, met sommige uitstallers wat reeds aangedui het dat hulle die volgende boeredag ook sal wil ondersteun. “Ons is baie tevrede met die landbouwerktuigvervaardigers se uitstekende demonstrasies, want dit bly Val-boeredag se groot klem en die…

Omar Bowers. Shameem Arend.…

’n Totale omset van R2 533 900 is op vanjaar se Angus Pionierveiling van Seymour Currie op sy plaas Blaauwberg Farm naby Melkbos behaal. Die hoogste prys van R115 000 is vir ’n swart Angus-bul, Kamikaze, deur Pieter van der Spuy van van die Oliphantskop-boerdery, Philadelphia, betaal. Die duurste rooi Angus-bul, Moon Right, is vir R70 000 aan Pierre en Phillip Grobler van die Onverwacht-trust, Tulbagh, verkoop. Alesame 98 manlike en vroulike diere is aangebied, waarvan 97 verkoop is. Twee dragtige koeie, een swart en een rooi Angus, is vir R20 000 stuk verkoop, wat die hoogste pryse vir vroulike diere was. ’n Vers is vir R18 000 verkoop, wat die hoogste in die kategorie was. Tien swart Angus-bulle is verkoop vir gemiddeld R63 800, en sewe rooi Angus-bulle vir…