Landbouweekblad 15 June 2023

Waai, windjie, waai. Sterk wind wat koue fronte in die binneland vooraf gaan, versier heinings langs die pad tussen Dealesville en Boshof. Johan van den Berg, onafhanklike weerkenner, sê dié winde waai eers noordwes en draai dan suidwes. Hy verwag dat koue fronte tot ná Augustus sal voortduur. Die nat en bewolkte weer wek die indruk by binnelanders dat die winter strawwer as gewoonlik is, maar teen druktyd het uitermate lae temperature nog nie voorgekom nie. Eenjarige steekgras soos dié kom voor waar die veldtoestand 50% en laer is. Gys Olivier, boer van Hertzogville, sê steekgras kom voor in kolle waar die veld vroeër verniel of oorbewei is, maar tans is weidingstoestande in die omgewing goed. “Ons het nog laat Mei reën gehad en die grondvog en weidings lyk baie…

’n Verleentheid Suid-Afrika is die enigste Afrikaland wat nie ’n naspeurbaarheidstelsel vir sy lewende hawe het nie. “Tot Zimbabwe het ’n naspeurbaarheidstelsel,” het Willie Clack, medevoorsitter van Livestock Identification and Traceability System (Lits-SA), onlangs op die Rooivleisprodusente-organisasie se Noordwes-kongres op Lichtenburg gesê. Dit beïnvloed volgens hom die pryse wat boere vir die uitvoer van hul vleis kry. “Namibië kry tans byvoorbeeld baie beter pryse as Suid-Afrika, want dié land het ’n naspeurbaarheidstelsel. Suid-Afrika se pryse sal ook verbeter as ons só ’n stelsel in werking gestel kry.” Volgens Clack is toetse vir Lits-SA wat die afgelope ses jaar met die samewerking van die departement van landbou, grondhervorming en landelike ontwikkeling ontwikkel is, nou afgehandel en die stelsel is gereed vir toepassing by kommersiële boere. Daar is egter vertragings aan die…

Regering besef nie erns van Rusland-sage DIE regering se verwarrende houding jeens Rusland hou nie net die risiko in om Westerse handelsvennote iewers in die toekoms te vervreem nie; dit het reeds uiters kommerwekkende en nadelige uitkomste. Die Reserwebank se verslag oor finansiële stabiliteit waarsku indien sekondêre sanksies teen Suid-Afrika ingestel word, sal dit “onmoontlik wees om enige handel- of beleggingsvloei te finansier, of om enige betalings te maak of te ontvang van korrespondentebanke in Amerikaanse dollar. Daar is ook die risiko dat sulke sanksies uitgebrei kan word om betalings in euro en die Britse pond in te sluit. Dit sal katastrofies wees vir die ekonomie en het die onvermydelike potensiaal om ’n finansiële krisis te skep…” Suid-Afrika se insluiting op die internasionale finansiële aksietaakmag se gryslys het reeds buitelandse…

14,3% Voedselprysinflasie was in April 14,3%, feitlik onveranderd van Maart se 14,4%. Groenteprysstygings het verhoog van 20,5% in Maart tot 23,1% in April; dit was in albei maande die hoogste van al die voedselkategorieë. Brood en grane het die tweede grootste stygings getoon, van 20,3% in Maart tot 20,8% in April. Alle voedselprysstygings was hoër as die verbruikersprysindeks van 6,8%, buiten vrugte, waarvan die inflasiekoers 3,6% was. — Statistieke SA 75% Konsepregulasies wat swart bemagtiging van 25%-75% vereis by die uitreik van watergebruikslisensies kan die kredietwaardigheid van die kommersiële landbou vernietig en daarmee saam voedselsekerheid, waarsku Agri SA. Dit kan ook strydig wees met ’n 2012-hofuitspraak wat vereis dat breër kriteria oorweeg word, onder meer die openbare belang en maatskaplik-ekonomiese impak. — Business Day 30 jaar Dit gaan ongeveer 30…

SA bedryf verloor veld. Dié grafiek wys hoe die invoer van hoendervleis skerp gestyg nadat teenstortingstariewe vir produkte uit vyf lande in Augustus verlede jaar vir 12 of meer maande uitgestel is. Die kommissie vir internasionale handelsadministrasie (Itac) het bevind storting vind plaas uit Brasilië, Ierland, Spanje, Pole en Denemarke. Ebrahim Patel, minister van handel, nywerheid en mededinging, was egter bekommerd dat die tariewe hoendervleispryse kan laat styg. Izaak Breitenbach, hoofbestuurder van die braaihoenderorganisasie van die Suid-Afrikaanse Pluimveevereniging (SAPV), het op die opening van ’n Quantum Foods-broeiery gesê maandelikse invoer het van 17 000 ton in Oktober verlede jaar tot 46 000 ton in Maart vanjaar gestyg. Dit druis in teen die mikpunt van die pluimveemeesterplan om ingevoerde hoendervleis met plaaslike produksie te vervang. Die plaaslike bedryf het sedert 2017…

DAAR was ’n wolk van omstredenheid oor die vertrek van Boyce Lloyd, die KWV se voormalige uitvoerende hoof, ná sy vrou, Anita, se verskyning op ’n omstrede televisieprogram. Loomes wil hom egter nie uitlaat oor gerugte dat Lloyd vroeër sy vertrek geneem het weens sy vrou se streke nie. “My fokus is nou om KWV te lei en sy groei en toekomstige sukses te stuur." Wat is jou vooruitsigte vir die maatskappy? Ek glo die KWV sal betekenisvol bly en groei in die wyn- en spiritualieëbedryf, hier en op die internasionale verhoog. Ons wil bestaande en nuwe besigheid gebruik as ’n grondslag van waar ons kan uitbrei. Dit sal nuwe wêrelddele, kanale en produkte insluit, met ons eie en moontlik ook agentskapshandelsmerke. Maar dit sal voortydig wees om meer besonderhede…