Landbouweekblad 20 April 2023

Hart van Bathurst. Dié Bonsmara-koei en haar kalf van Frontier Bonsmaras, ’n groep Bonsmara-telers van Alexandria en Makhanda, was onder die honderde stuks vee wat van 31 Maart tot 2 April te sien was op die Bathurstskou. Hoewel die skou nie so oud is soos byvoorbeeld Cradock se landbouskou nie, is dit die grootste veeskou in die Oos-Kaap en een van die oudste in die provinsie. Dit is vanjaar vir die 113de keer aangebied. Die skou lok besoekers en vee-uitstallers van reg oor die provinsie. Dit is so ’n belangrike gebeurtenis op die Oos-Kaapse landboukalender dat Brent McNamara, uitvoerende hoof van Agri Oos-Kaap, dit beskryf as een van die redes hoekom ’n mens in die Oos-Kaap moet boer. Neil Scott, skouvoorsitter, sê vanjaar se besoekersgetalle het hulle heeltemal verras. Op…

Russiese flater Die regering se volgehoue toenadering tot Rusland — wat ’n beplande staatsbesoek deur pres. Wladimir Poetin insluit ondanks ’n internasionale lasbrief vir sy inhegtenisname oor oorlogsmisdade in Oekraïne — kan rampspoedige gevolge vir Suid-Afrika se uitvoer inhou. Stuart Theobald van Intellidex wys in Business Day daarop dat Suid-Afrika se uitvoer na Amerika 50 maal meer werd is as dié na Rusland, en dié na Europa en Brittanje 150 maal meer. Dít alles is in die weegskaal weens dié staatsbesoek. Diplomatieke steun aan Rusland het Suid-Afrika reeds teen Westerse belange geposisioneer. Deurslaggewend vir die ANC is egter die nagenoeg R848 miljoen se Russiese skenkings via ’n Russiese oligarg, Wiktor Wekselberg. Tariefnagmerrie Die ondeursigtige en tydrowende prosesse wat die staat volg om aansoeke om invoertariewe af te handel, kos die…

Dubbel Die getal siklone wat in Afrika voorkom, het verdubbel sedert die 1970’s. Gemiddeld drie siklone tref die vasteland vanuit die Indiese Oseaan van November tot April, maar in 2021-’22 was daar ses siklone. Freddy, die langslewende sikloon nóg, het verlede maand meer as 700 lewens oor Suider-Afrika geëis. Idai, wat Mosambiek in 2019 getref het, was die dodelikste, en Kenneth, ook in 2019, was die sterkste nóg. – Afrikasentrum vir sekerheidstudies 270 dae Die tydperk totdat Koeberg se eerste reaktor weer in diens gestel word ná die vervanging van ’n stoomgenerator, sal nou na verwagting 270 dae duur pleks van die 180 dae wat aanvanklik belowe is — op 13 September pleks van 8 Junie. Dié eenheid se afwesigheid alleen verteenwoordig ’n volle fase beurtkrag. Daarna moet ’n soortgelyke…

Diep in die rooi. Landbouskuld het einde 2022 op ’n geraamde R221,2 miljard gestaan, volgens ramings van FNB Landbou. Die sektor se skuldvlakke is reeds vir jare op kommerwekkend hoë vlakke. Die laaste amptelike skuldsyfer is vir einde 2021, toe dit volgens die departement van landbou, grondhervorming en landelike ontwikkeling op R204,8 miljard gestaan het. Dawie Maree, hoof van inligting en bemarking by FNB Landbou, sê hoewel rentekoersverhogings ’n rol gespeel het, het die landbou, veral graanboere, ’n goeie seisoen beleef wat tot ’n effense konsolidasie gelei het. Maree sê skuldvlakke is nog nie op gevaarlike vlakke nie. “Veertig persent (van die algehele sektorwaarde) word geag as gesond; en ons is tans so net oor 35%. Uiteraard verskil skuldvlakke redelik tussen verskillende bedrywe en van plaas tot plaas; lewende hawe…

SACOTA sê dit is reeds geruime tyd duidelik dat met produksie wat vinniger styg as binnelandse vraag, die huidige uitvoerkapasiteit in Durban en Oos-Londen onvoldoende is. Volgens Van der Vyver kan Durban ongeveer 3 miljoen ton uitvoer en Oos-Londen sowat 320 000 ton uitvoer onder ideale omstandighede hanteer. André, daar was groot kommer op Graan SA se kongres oor beskikbare uitvoergleuwe vir sojabone, veral tussen nou en Augustus, wanneer die wêreldprys waarskynlik sal daal. Is daar uitweë? Die bekommernis is gegrond. In Durban is daar drie of vier sojaboon-skepe bespreek vir April en Mei, maar daarna is dit vol bespreek met geelmielies tot einde Oktober 2023. Daar is wel weer moontlikhede vir uitvoer in November en Desember, of selfs daarna. Daar is nog uitvoergleuwe beskikbaar in Oos-Londen. Ons moet ook…

Die bekende swaargewigbokser Lennox Lewis het gesê: “ ’n Kortpad gaan jou baie vinniger kry by die plek waar jy nié wil wees nie as by die plek waar jy wil wees.” En hy sal weet. Hy was immers drie keer die wêreldswaargewigkampioen, en geen kortpad gaan jou daar kry nie. Dit is iets wat ons in Suid-Afrika nog nie lekker snap nie. Net onlangs het die tesourie Eskom kwytgeskeld van deurslaggewende bepalings van die Wet op Openbare Finansiële Bestuur (Wet 1 van 1999), soos die noodsaaklikheid om verslag te doen oor onreëlmatige, verkwistende of vrugtelose besteding. Dié kwytskelding is intussen teruggetrek, maar dit is asof iemand iewers dink ons gaan deur die kortpad van wetgewing aanpas, die onaangename werklikheid van reusekorrupsie by Eskom op die een of ander manier…