Tabla de contenidos para Somer 2025-26 en Landbou Boerekos

Vroeër vanjaar in die herfs, ’n bietjie meer as ’n week voor Nampo afskop, ry ek Bothaville binne – redelik senuweeagtig. Dit is die tweede jaar van Landbouweekblad en Syngenta se groot Plaaskombuis-restaurantprojek en daar is berge voorbereidingswerk wat voorlê. Ons beplan om tydens die vier dae van Nampo meer as 8 000 etes te berei. Dit is kosmaak op ’n skaal waaraan ek nie gewoond is nie, en die beplanning om die tonne bestanddele en vars produkte wat ons nodig het vir die week se groot kook op die regte tye op die Nampo-terrein te kry, is die soort uitdaging wat ’n mens beslis nie alleen wil aanpak nie. Met die hulp van ons een kosvennoot, Freshmark, kom ek by die Italiaanse Ronga-familie uit wat die (fantastiese) OK-winkel op…

Pasta en Rys TAMATIE-EN-KAAS-MACARONI Mac-en-kaas is ’n staatmaker en gunsteling by oud en jonk. Maak dit ’n bietjie gesonder – en baie geuriger – deur die witsous met ’n heerlike ryk tamatiesous te vervang. ■ 125 g spekvleis, fyn gesnipper■ 500 ml tuisgemaakte tamatiesmoor■ 60 ml suurroom of roomkaas■ 1 pak (500 g) macaroni■ 250 ml kersietamaties, gehalveer■ 2 wiele fetakaas, in klein blokkies gesny■ 250 ml klein blokkies mozzarellakaas■ Sout en varsgemaalde swartpeper na smaak Voorverhit die oond tot 180 ºC. Braai die fyngesnipperde spekvleis in ’n droë pan tot gaar. Voeg die tamatiesmoor by en verhit tot kookpunt. (As die smoor wat jy gebruik taamlik dik is, voeg ’n koppie kookwater by.) Laat goed deurkook, verwyder van die hitte en roer die suurroom (of roomkaas) deur. Verpulp die…

GUNSTELING-KERSKOEK Ek bak elke jaar vir vriende en familie Kerskoeke en het dié resep in groter maat ontwikkel om tyd te bespaar. Jy kry drie hoë vrugtekoeke van 18 cm uit die beslag. Die ander lekker ding van dié resep is dat jy nie die koek hoef ryp te maak nie, danksy al die brandewyn in die beslag. Daarom kan jy die koek net ’n week of twee voor Kersdag bak en dit een keer aanklam – dit sal heerlik smaak. Maar as jy wel die koek lugdig verpak en dit bêre om ryp te word, kan jy dit vir 10-12 maande hou en dit sal steeds klam wees. Die lugdig verpakte koek vries ook baie goed. Wat jy nodig het: ■ 1,5 kg vrugtekoekmengsel (rosyne, sultanas, korente, gevlokte amandels,…

Uittreksel uit: Timeless South African deur Ilse van der Merwe, Penguin Random House, R480 ROOSTERKOEK EN SNOEKPATEE Roosterkoek is waarskynlik die bekendste braaibrood wat in Suid-Afrika gemaak word. Die geheim lê in ’n liggekleurde roosterkoek wat sag en egalig gaar is, en nie te donker of korsig is nie. Hou net in gedagte dat die deeg op die rooster moet klaar rys, aangesien uitgeryste deeg baie sag is, en deur die openinge in die braairooster sal val. Snoekpatee ■ 400 g gerookte of gebraaide snoek■ 250 ml dik suurroom of crème fraîche■ 125 ml dik mayonnaise■ Sap van 1 klein suurlemoen■ Klein hand vol vars dille of pietersielie, fyn gekap■ Sout en peper na smaak Roosterkoek ■ 875 ml koekmeel■ 15 ml (1 sakkie) kitsgis■ 7,5 ml sout■ 375 ml louwarm…

Dis heerlike lente, die winter’s verby, weer nooi berg’ en klowe vir jou en vir my, lui die bekende liedjie uit ons kinderdae. Maar net soos lente sy belofte van warm dae bring, kan ons saam met die nuwe seisoen uitsien na luilekker feesdae en die somerson wat net om die hoek vir ons wag. In hierdie uitgawe eet ons feestelik saam met Herman Lensing en Yolani Abrahams terwyl hulle kook en meer vertel van die splinternuwe Kokkedoor Son & See. Ons raak retro met yskasterte wat nou trifle is, en maak reg vir lang kuiers met maklike boudresepte asook bykosse uit die 80’s en nou. Dié seisoen sorg ons dat grenadellas koning kraai, en bederf jou kombuis met bekostigbare weeksdagetes. Dit alles en nog meer! + SPESIALE KERSFEES-SEKSIE met…

WENBRIEF Lynette Strydom van Gqeberha wen ’n handgemaakte leervoorskoot van Beatus Genuine Leather ter waarde van R2 000 met haar brief oor haar ma se onthoukos. Geniet die prys, Lynette! Dankie, Ma, vir altyd net die beste Hoe ouer ons word, hoe meer begin die verlede ’n sagte, amper heilige plek in ons harte inneem. Die ou dae begin saak maak – nie omdat dit altyd makliker of beter was nie, maar omdat dit die fondament gelê het van wie ons is. Dis daardie stil oomblikke, die bekende gesigte, die geure en geluide van ons grootwordjare wat ’n onverklaarbare trekkrag op die hart uitoefen. En hoe verder ons vorentoe leef, hoe meer kyk ons terug – nie net om te onthou nie, maar om sin te maak van alles wat…

WERK SÓ MET GELATIEN Jy kry verskeie soorte kommersiële gelatien. In Suid-Afrika is poeiergelatien en gelatienvelle die maklikste bekombaar. Poeiergelatien kom algemeen in plaaslike resepte voor en word meestal verkoop in boksies met sakkies van10 g gelatien elk. So ’n sakkie met 10 g gelatien is gelykstaande aan 15 ml (1 eetlepel) gelatien. Lees jou resep sorgvuldig sodat jy nie 10 g pleks van 10 ml gelatien gebruik nie. VOOR JY BEGIN Maak seker dat jy vars gelatien gebruik. Kyk na die vervaldatum op die verpakking. As dit reeds verval het, is die kans goed dat dit nie sal stol nie. POEIERGELATIEN Stap 1 Strooi gelatien oor koue water in ’n bakkie en laat staan dit vir ’n paar minute. Jy sal sien dat die gelatien die water absorbeer. Die…

DIE ITALIANER Italiaanse brood met die onverbeterlike geurkombinasie van ’n caprese-slaai is smullekker oor die kole gebraai. Maak jou eie pesto – dit is stukke beter as enigiets wat jy in die winkel koop. As jy nie dennepitte in die hande kan kry nie, gebruik amandels of kasjoeneute. Ek braai die brood vir die eerste ruk in foelie toegedraai en sodra die kaas lekker gesmelt is, haal ek die foelie af en braai dit verder oor die kole tot die buitekant goudbruin en bros is. Basiliekruidpesto ■ 4 knoffelhuisies, grof gekap■ 80 ml dennepitte, rou amandels of kasjoeneute■ 500 ml vars basiliekruidblare, grof geskeur■ 80-125 ml olyfolie■ 80 ml parmesaankaas, fyn gerasper■ 3 ml sout■ 1 groot ciabatta (Italiaanse brood), oopgesny■ 3 tamaties, dun gesny■ Seesoutvlokkies en grofgemaalde swartpeper■ Ongeveer…

SKILPADJIES (LEWER IN NETVET) EN ROOSTERKOEKIES Baie kokke maal die lewer vir skilpadjies en voeg uie en geurmiddels by, maar ander verkies om die lewer in blokkies te sny en net met sout en peper te geur. Dié happies is op hul lekkerste direk van die kole af. Sit dit voor met vars roosterkoek, plaasbotter en ’n doopsousie soos appelkoosblatjang. Vir die fotosessie het ons happiegroot roosterkoekies gemaak sodat gaste klein “burgers” met die roosterkoekies en skilpadjies kan bou, maar standaardgrootteroosterkoeke is minder werk. Roosterkoekies ■ 1 kg witbroodmeel■ 5 ml sout■ 1 pakkie (10 g) kitsgis■ Ongeveer 750 ml louwarm water■ 10 ml suiker Skilpadjies ■ 1 skaaplewer■ Sout en varsgemaalde swartpeper■ Genoeg netvet Roosterkoekies: Meng die meel, sout en gis in ’n groot mengbak. Meng die water en…

Só sê ’n TAFELDRUIFBOER JAN RABIE ROBERTSON, WES-KAAP Verbou julle enige uitsonderlike tafeldruifkultivars? Autumn Crisp is een van die mees gesogte pitlose witdruifkultivars in die wêreld. Die korrels is mooi groot en gee ’n fantastiese kraak in jou mond – ’n baie goeie eetervaring. Robertson was nie altyd bekend as tafeldruifstreek nie. Wat het julle laat besef dis ’n geskikte gebied om tafeldruiwe te verbou? Met ’n gemiddelde reënval van 120 tot 160 mm per jaar, hoofsaaklik in die winter, en ’n relatief droë somer, is die klimaat baie geskik om gesonde tafeldruiwe te produseer. Die koel suidoostewind steek die meeste middae op, en dit help om goeie kleur by rooi en swart kultivars te verseker. Produseer julle in ’n gunstige tydgleuf? Beslis. Ons oes gewoonlik middel Desember tot einde…

Uittreksel uit: Herman se Tafel, Penguin Random House, R420 KRUIEMOSSELS MET ROOSTERBROOD ’n Eenvoudige voorgereg wat bekostigbaar en besonder geurig is. Mossels sonder hulle skulpe is ’n bederf – kyk by jou naaste supermark vir sakke bevrore mosselvleis. Dit eet makliker en word beter gaar. ■ 30 ml olyfolie■ 1 ui, fyngekap■ 2 knoffelhuisies, fyngekap■ 2 cm-stuk vars gemmer, geskil en gerasper■ 125 ml witwyn■ 1 houer (130 g) basiliekruidpesto■ 350 ml room■ 600 g mosselvleis, ontdooi in jou yskas■ 250 ml bevrore ertjies■ Sout en varsgemaalde swartpeper■ 1 ciabatta, in snye gesny■ 115 g sagte botter Verhit die olyfolie in ’n middelslag-pot oor hoë hitte. Voeg die ui, knoffel en gemmer by en roerbraai 1 minuut. Voeg die wyn by en laat die helfte wegkook. Voeg die pesto en…

Brescia se wapenbedryf is duisende jare oud. Party reken dit het begin toe ystererts vir die eerste keer daar deur die vroeë Romeine gemyn is. Die moderne bedryf het eers in die 15de eeu regtig vlamgevat, ná die eerste elegante Brescia Spadona-swaarde daar vervaardig is en die magtige buurstaat Venesië besluit om die stad oor te neem om só sy eie weermag van wapens te voorsien. Die befaamde Beretta-wapenmaatskapy is so in 1526 gestig – een van die wêreld se oudste industriële maatskappye. Later sou Beretta ook Napoleon se seëvierende Grande Armée met wapens uitrus, en uiteindelik, 500 jaar later, ook wêreldleiers in militêre, polisie-en sportwapens word. Maar dit is haelgewere waarvoor Brescia regtig bekend is. Fabarm, Perazzi en Benelli se fyn presisievakmanskap wat geweerentoesiaste die wêreld oor laat swymel.…

SJOKOLADESPLINTER- PANKOEKIES Wie hou nie van ’n sjokoladesplinterkoekie nie? Hierdie weergawe, wat binne minute reg is om oond toe te gaan, is propvol sjokolade en jy slaan dit blitsvinnig aanmekaar. ■ 560 ml koekmeel■ 2 ml seesoutvlokkies■ 2 ml koeksoda■ 180 g baie sagte botter■ 280 ml ligbruinsuiker■ 2 ekstragroot eiers■ 10 ml vanieljegeursel■ 310 ml donkersjokoladesplinters Voorverhit die oond tot 160 ºC en spuit ’n bakplaat van standaardgrootte met kleefwerende kossproei. Voer uit met ’n reep bakpapier en spuit weer. Meng die meel, sout en koeksoda in ’n groot bak. Verroom die botter en suiker in ’n ander bak, klits die eiers en vanieljegeursel by en meng goed. Voeg die droë bestanddele by die bottermengsel saam met die sjokoladesplinters en meng baie goed. Skep in die voorbereide pan en…

HEEL GEBRAAIDE GEELSTERT Baie mense verkies om geelstert oop te braai, sodat die vleiskant ook direkte hitte van die kole kry. Ek glo die vis se delikate geur kom die beste tot sy reg as jy dit toe braai. Suurlemoen, seesout en vars dille is volgens my die beste geurkombinasie vir vars witvis – dit beklemtoom die smaak daarvan, eerder as om dit te oorheers. (As jy nie dille in die hande kan kry nie, gebruik ’n mengsel van platblaarpietersielie, vinkel en ’n paar selderyblare.) ■ 1 heel, vars geelstert, skoongemaak en oopgevlek■ Seesoutvlokkies en varsgemaalde swartpeper na smaak■ 2 groot suurlemoene, dun gesny■ 60 g vars dille, grof gekap■ Olyfolie, vir smeer Smeer ’n groot toeklaprooster goed met olie (of spuit goed met kleefwerende kossproei). Geur die vis se…

“Obella!” roep Mafalda Ronga uit terwyl sy vir Gemma Ronga (24) styf teen haar vasdruk in die kombuis waar die geur van vars basiliekruid en tamatiesous die lug vul. ’n Vrolike gelag en goedige geterg klink op saam met die gerinkel van potte en die ritmiese reëlmaat waarmee ’n zia (tante) knoffel en uie kap. Was dit nie vir die Vaalrivier wat vlak voor die huis verbyvloei nie, kon jy jou maklik verbeel jy bevind jou in ’n toneel uit Cinema Paradiso. Dis nou sewe dekades sedert Genaro Ronga (toe 23) as krygsgevangene in Suid-Afrika voet aan wal gesit het; ’n paar jaar later het hy ook sy broer, Guglielmo, laat kom na wat hy as die land van melk en heuning beskou het. Hoewel hul nageslag nou meer boer…

Uittreksel uit Maklik met Marinda deur Marinda Engelbrecht, Human & Rousseau, R295 Makliker kry jy nie! As jou styl van kook min moeite en geen fieterjasies maar heerlik is, is Marinda Engelbrecht se resepte vir jou. In haar nuutste boek, Maklik met Marinda, wys sy hoe om eenvoudige staatmakers met basiese bestanddele ekstra lekker te maak. MA SE VISVORM ■ 30 ml gelatien■ ’n bietjie koue water■ 250 ml room■ 3 blikkies (170 g elk) gedreineerde en gevlokte tuna■ 65 ml gerasperde ui■ 325 ml mayonnaise■ 125 ml tamatiesous■ 90 ml fyngekapte pietersielie■ 10 ml (of meer na smaak) Tabasco (of jy kan uitlos) Sit die gelatien in ’n bakkie en bedek met koue water. Roer en los dit eenkant om te spons. Verhit die room en roer die gelatien…

“Ons is die openingskolwers vir die Suid-Afrikaanse tafeldruifseisoen,” sê Gert Pieterse met ’n glimlag. “En dis ’n groot verantwoordelikheid – ons druiwe baan die weg vir die res van die land se tafeldruiwe.” Want hoewel die Wes-Kaap onwillekeurig in mens se gedagtes opkom wanneer jy aan tafeldruifboerdery dink, het die noordelike produksiestreke ’n wonderlike voorreg dat hulle die seisoen open en gunstige markgleuwe vang. Die Pieterse-familie se boerderystorie het in 1989 begin toe Gert se pa, Hendri, die plaas gekoop het. Destyds was tabak, koring en mielies die hoofinkomste, maar die wêreld van akkerbou verander vinnig en Hendri het besef permanente gewasse bied meer stabiliteit. Hulle het een hektaar tafeldruiwe geplant – ’n waagstuk in ’n streek wat min met druiwe geassosieer is – maar een hektaar het gou twee…