Tabla de contenidos para Vol. 13 - 14 en Landbou Boerekos

Ek het ’n swakheid vir ’n glas koue melk. Dit kom uit my kinderjare, toe ons nog op die plaas in die Noordoos- Kaap vir die huis en werkers gemelk en daar altyd ’n skottel yskoue melk in die yskas gestaan het. Destyds, nog voor die dae van Eskom, toe ons met ’n wispelturige Lister-kragopwekker, kerse en ’n nukkerige paraffienyskas moes klaarkom, kon daar eenvoudig nie ’n groter lekkerte wees as om swetend op ’n somersdag ’n glas yskoue melk af te sluk nie. Later in dag, koud ná ’n laatmiddagswem in die sementplaasdam agter die skuur, kon jy dieselfde melk op die gasstoof warm maak en met ’n bietjie suiker en kaneel ’n wonderlike melkdrankie maak om die koue te verdryf. Met die jare het ek geleer dat die…

BEET-ENBOTTERSKORSIESLAAI MET DUKKAH EN HALLOUMI Nog nooit was dit so maklik en lekker om aandete te maak nie – Checkers het al die moeite en dinkwerk uit kos koop en kook gehaal met hul splinternuwe Ready to Chef Meal Kits – ’n eerste vir ’n supermarkgroep in Suid- Afrika. Die resepte vir die smullekker etes is deur sjefs ontwikkel, en elke maaltydboks bevat presies die regte hoeveelheid netjies verpakte bestanddele en ’n stap-vir-stap-reseptekaart met ’n QR-kode vir ’n hoe-om-te-maak-video. Daar word selfs op die kaarte aangedui watter kombuisapparaat, soos panne, houtlepels of snyborde, jy gaan nodig hê om jou maaltyd soos ’n regte sjef voor te berei. Daar is ’n totaal van 16 verskillende maaltye, wat weekliks afgewissel word. Elke week is daar vier resepte om uit te kies in…

Die lekkerste vleisbroodjie Vleisbroodjie ■ 125 ml bruinrys■ 1 ui, gerasper■ 400 g beesmaalvleis■ 1 groot wortel, fyn gerasper■ 30 ml soet rissiesous■ 2 wiele fetakaas, fyn gekrummel■ 30 ml tamatiesous■ 15 ml worcestersous■ 1 groot eier, geklits■ 30 ml vars pietersielie, gekap■ 375 ml tuisgemaakte tamatiesmoor■ 125 ml gerasperde parmesaankaas■ Vars basiliekruid of roketblare, om voor te sit Kook die rys tot gaar en hou eenkant. Voorverhit die oond tot 200 °C en smeer ’n broodpan van 10 cm x 18 cm goed. Voer uit met bakpapier en laat die papier oor die kante van die pan hang. Meng die gaar rys, ui, maalvleis, wortel, soet rissiesous, fetakaas, tamatiesous, worcestersous, eier en kruie baie goed saam. Skep in die pan en druk goed vas. Bedek met foelie en bak…

Oondgeroosterde wors-en-aartappels ■ 600 g boerewors, in klein stukkies gesny■ 1 chorizo, in dun skyfies gesny■ 1 kg baba-aartappels, gehalveer en halfgaar gekook■ 60 ml olyfolie■ 5 ml paprika■ 3 knoffelhuisies, geskil en gehalveer■ 2 ml droë brandrissievlokkies■ Sout en vars gemaalde swartpeper na smaak■ Paar takkies vars roosmaryn en tiemie■ 1 suurlemoen Voorverhit die oond tot 200 °C en sit die rou boerewors, stukkies chorizo en halfgaar aartappels in ’n groot oondbak. Meng die olie, paprika, knoffel en brandrissievlokkies, sout en peper goed saam en giet oor die wors en aartappels in die oondbak. Meng deur met jou hande en voeg die roosmaryn- en tiemietakkies by. Oondrooster vir 25-30 minute tot die aartappels heeltemal gaar en bros is. Skud die bak elke 10 minute liggies sodat die pankos egalig…

UNDERBERG, KWAZULU-NATAL Wolf Avni van die plaas Goschen by Underberg voorsien forelprodukte uit elke stap van die produksieketting — van viseiers wat as delikatesse geniet word tot forelfilette, vingerlinge en selfs vis vir die hengelmark. HOE HET JY BY VISBOERDERY BETROKKE GERAAK? Ek het as hengelaar nog altyd belang gestel in die ontspanningswaarde van forel en die spesifieke vallei waarin ons woon. Die boerdery het eers later gekom. HOEVEEL FOREL TEEL EN VERWERK JULLE ELKE JAAR? Sowat 20-22 ton per jaar. JY VOORSIEN NIE NET TAFELVISPRODUKTE NIE. WATTER ANDER MARKTE IS DAAR? Nee, ’n groot deel van ons produksie is hengelvis. Ons vul damme en ander ontspanningsplekke vir vlieghengeldoeleindes. Die tafelvisproduksie het ontstaan as ’n manier om ons oorskot te weg te werk. Mettertyd het ons ook ’n roker gebou…

Kaas-en-ham-strata Strata is ’n vullende gereg van brood, kaas en eier. Dit is byna soos ’n souterige broodpoeding. Dit is die lekkerste ontbyt of ligte aandete en is ryk en romerig, maar kinderspeletjies om te maak. Wanneer ek dit vir ’n groot groep mense maak vir laatontbyt, gebruik en soms croissants pleks van brood – smullekker. ■ 8 ekstragroot eiers■ 750 ml volroommelk■ 3 ml elk sout en swartpeper■ 5 ml aangemaakte mosterd■ 250 g gerookte ham, gesnipper■ 250 ml gerasperde cheddarkaas■ 250 ml gerasperde gruyèrekaas■ 10 dik snye Italiaanse brood, soos ciabatta, in blokkies gesny Klits die eiers, melk, sout, peper en mosterd goed saam. Sit die ham, kaas en broodblokkies in ’n groot verseëlbare plastieksak en giet die eiermengsel oor. Verseël en draai die sak ’n paar keer…

WORCESTER, WES-KAAP Alfalfa, buite Worcester, is in 1967 deur pa-en-seunspan Alvi en Bertie van der Merwe begin, wat dit een van die oudste onafhanklike melkerye in die Wes-Kaap maak. Deesdae staan Bertie se seuns, Johan en Alvi, aan die stuur van sake van dié besigheid wat ’n reeks suiwelprodukte, soos jogurt, botter en kaas, vervaardig. Johan vertel meer. HOE GROOT IS JUL KUDDE? Ons melk 1 600 koeie drie keer per dag. Die helfte van die kudde is Holsteins, wie se melk vir die vars mark gebruik word. Die ander helfte is Jerseys. Van hul melk maak ons kaas. Ons koop sowat 25 000 liter melk per dag in — oor ’n radius van 120 km — en gebruik daagliks sowat 70 000 liter melk in ons kaasfabriek. HOE SIEN…

Sagte vyeroomys ■ 12 ryp vye van jou keuse, gewas en goed droog gevryf■ Sap van 1 suurlemoen■ 160 ml strooisuiker■ 250 ml room■ 5 ml vanielje-ekstrak of saadjies van ’n halwe vanieljepeul Kap die vye grof en sit dit in ’n voedselverwerker saam met die suurlemoensap en strooisuiker. Verwerk tot dit ’n fyn pulp is. Klits die room en vanielje-ekstrak (of -saadjies) saam styf en vou dit by die vyepulp in. Giet die mengsel in ’n geskikte bak, bedek en vries tot benodig. Lewer sowat 700 ml roomys. Gerookte hoenderslaai met vye en moskonfytvinaigrette Slaai ■ 1 blik (420 g) kekerertjies, gedreineer, afgespoel en droog gedruk■ 45 ml olyfolie■ 7 ml fyn komyn■ Halwe blok halloumi (ongeveer 180 g), in blokkies gesny■ Ekstra olyfolie, vir braai■ 4 groot hande…

WITRIVIER, MPUMALANGA Op Gradely Farm in die Witrivieromgewing is Rob Kay by die bosboubedryf betrokke, maar hy boer ook met grenadellas, avokado’s en makadamianeute. Grenadellas is ’n nisproduk. Daarom soek die meeste boere hul heil op die oorsese markte. HOEKOM HET JY MET GRENADELLAS BEGIN BOER? Ons het sowat 13 jaar gelede begin grenadellas plant. Ons is al die afgelope 40 jaar by avokado-uitvoer betrokke, en een van ons kliënte in Europa het belangstelling getoon in grenadellas. Ons het deur die jare verhoudings opgebou en nog klante bygekry. WAAROM VAAR GRENADELLAS GOED BY WITRIVIER? Grenadellas word op groot skaal in onder meer Colombië en Kenia verbou, wat eintlik meer tropies is as hier by ons. Ons is darem sowat 3 000 voet bo seevlak geleë, wat gunstig is. Die belangrikste…

Snoek-en-appelkoosslaai Dis opsioneel, maar ek hou van ’n titseltjie peperwortelroom by die slaaisous – net ’n mespunt daarvan. ■ 200 g vars aspersies■ 1 groot stuk gerookte snoek■ 10 ryp appelkose, gehalveer en ontpit■ 2 groot hande vol vars roketblare Slaaisous ■ 50 ml olyfolie■ 100 ml suurlemoensap■ 15 ml mayonnaise■ 3-5 ml peperwortelroom (opsioneel)■ 60 ml Bulgaarse jogurt■ 20 ml gekapte, vars basiliekruid■ Sout en vars gemaalde swartpeper na smaak Verhit ’n pot soutwater tot kookpunt en blansjeer die aspersies vinnig daarin. Skep in ’n bak met yswater vir ’n paar sekondes, en dreineer. Hou eenkant. Vlok die snoek en meng dit met die aspersies, appelkose en roketblare. Meng die bestanddele vir die slaaisous saam en skep oor die slaai net voor jy dit voorsit. Sit voor met vars…

Maklike kersieroomys Hierdie roomys is so maklik en vinnig om te maak – net reg vir ons warm somervakansiedae. Dit is net so lekker as jy dit met sjokoladesous voorsit. ■ 500 ml ontpitte kersies■ 250 ml volroommelk■ 500 ml room■ 160 ml strooisuiker■ Knippie sout■ 10 ml vars suurlemoensap■ 10 ml vanieljegeursel Verhit die kersies, melk, 250 ml van die room, strooisuiker en sout stadig oor lae hitte tot die suiker opgelos is, maar sonder dat die mengel kookpunt bereik. Verwyder van die hitte en laat staan vir 20 minute om effens af te koel. Verpulp die mengsel tot glad en roer die suurlemoensap, vanieljegeursel en orige 250 ml room by. Bedek en verkoel die mengsel tot yskoud. Giet in ’n roomysmaker en karring tot dit reg is om…

Skilpadjies Goed gegeurde lewer in ’n brosgebraaide netvetlagie is na my mening een van die lekkerste braaihappies. Pleks daarvan om die lewer te maal, verkies ek om dit in blokkies te sny. Dis nie net makliker nie, maar die skilpadjies hou ook hulle vorm beter en jy het nie so baie netvet nodig om alles toe en binne te hou nie. Maak só: Sny ’n goed skoongemaakte lams- of wildslewer in klein blokkies en geur dit met worcestersous, bruinasyn, sout, peper en ’n bietjie geskroeide koljander. Draai elke blokkie lewer in ’n lappie netvet toe en steek vas met ’n peuselstokkie. Braai oor warm kole tot die lewer gaar en die netvet bros en goudbruin is. Skaapstertjies ’n Skaapstertjie is ’n groot lekkerte, maar dan moet dit sag en sappig…

Kerriehoendersosaties ■ 3-4 hoenderborsies, sonder vel of been■ 4 sagte droë-appelkose■ 4 ontpitte pruimedante Kerriesous ■ 15 ml olie■ 12 heel, klein uitjies, geskil■ 15 ml elk matige kerriepoeier, gladde appelkooskonfyt en witasyn■ 125 ml droë witwyn■ Sout na smaak Die vorige dag: Verhit die olie en soteer die uitjies daarin tot sag. Voeg die kerriepoeier by en braai. Voeg die appelkooskonfyt, asyn en wyn by en prut tot stroperig. Giet in ’n nie-metaalbak. Sny die hoender in stukkies en geur met sout. Sny die appelkose en pruimedante middeldeur. Voeg die hoender en droëvrugte by die kerriesous en roer deur. Bedek met kleefplastiek en verkoel oornag. Op die dag: Week 4 sosatiestokkies van hout in water. Hou 8 van die gesoteerde uitjies heel en sny die ander in stukkies. Begin…

Luukse vrugtebroodjie Dié broodjie bestaan basies net uit vrugte en neute met ’n bietjie beslag om alles te bind. Jy kan rondspeel met die verskeidenheid vrugte wat jy wil gebruik. Versuikerde vrugte lyk ook mooi en smaak lekker. Maak net seker dat jy hou by 500 g vrugte en 300 g neute. ■ 300 g gemengde neute■ 200 g dadels, gekap■ 100 g gesnipperde groenvyekonfyt■ 200 g rooi glanskersies■ Gerasperde skil van 1 suurlemoen■ 150 ml koekmeelblom■ 3 ml bakpoeier■ 3 ml sout■ 150 ml suiker■ 2 eiers■ 5 ml vanieljegeursel■ 60 ml brandewyn Voorverhit die oond tot 150 °C en smeer ’n losboomkoekpan van 20 cm met botter. Voer uit met ’n dubbele laag bakpapier (ook teen die kante) en smeer weer. Meng die neute, dadels, gesnipperde groenvye, kersies…

Sjokolade-en-grondboontjiebotter-hawermoutkoekies Dié koekies is verslawend en dit is moeilik om net een of twee te eet. Die resep maak ’n koekblik vol – ideaal vir die vakansie wanneer kinders altyd op soek is na iets soets en lekkers om aan te knaag. ■ 500 ml suiker■ 125 ml melk■ 125 g botter■ 60 ml kakao■ 2 ml sout■ 10 ml vanieljegeursel■ 125 ml grondboontjiebotter■ 125 ml klapper■ 750 ml hawermout Voer ’n paar bakplate met bakpapier of waspapier uit en spuit met kleefwerende kossproei. Verhit die suiker, melk, botter, kakao en sout stadig oor lae hitte, terwyl geroer word, tot die suiker gesmelt is. Verhit verder tot kookpunt en laat kook vir 1 minuut. Haal die kastrol van die hitte af en roer die vanieljegeursel en grondboontjiebotter by. Sodra die…

DIE PROEPANEEL Varkribbetjies met tuisgemaakte braaisous Die lekker sous waarin braairibbetjies gemarineer word, is dikwels propvol suiker. Maak jou eie sous en beperk die suikerinhoud só. Sit ook groente waarvan jou kinders hou, pleks van tjips, met die braairibbetjies voor en verhoog só die voedingswaarde van die ete. Marinade ■ 2 ml elk paprika en komyn■ 1 fyngekapte knoffelhuisie■ 10 ml heuning■ 30 ml warm water■ 10 ml tamatiesous■ Sap van 1 suurlemoen■ 30 ml sojasous■ 45 ml olyfolie■ Sout en peper na smaak■ 1,2 kg varkribbetjies Meng ál die bestanddele vir die marinade saam, giet oor die ribbetjies in ’n nie-metaalbak en laat marineer oornag. Braai die ribbetjies stadig oor matige kole of bak in die oond teen 180 °C tot gaar. Sit voor met groente van jou keuse. Lewer…

Gemmerlim ’n Verfrissende somerdrankie met ’n vars sitrus-skop. Gebruik yskoue Dry Lemon of tonikumwater hiervoor. ■ Sap en fyngerasperde skil van 1 groot suurlemoen■ 5 ml geraspersde, vars gemmer■ 50 ml kommersiële gin■ Dry Lemon of tonikumwater■ Dun gesnyde suurlemoen Meng die suurlemoensap en vars gemmer goed saam. Syg dit deur ’n fyn teesiffie en verdeel die sap tussen twee glase. Giet 25 ml gin in elke glas en vul die glas met yskoue Dry Lemon of tonikum. Rond af met dun gesnyde suurlemoen, roer liggies en sit dadelik voor. Lewer 2 drankies. Herbivoor Om kruie te gebruik om ’n mengeldrankie met gin op te kikker, is ’n logiese keuse omdat gin ’n natuurlike kruiegeur het. Roosmaryn pas besonder goed by gin. Doop die kruietakkie eers in ’n beker kookwater…

GEDAGTES WORD BROOD Lanklaas het ek ’n tydskrif so geniet soos Landbou Boerekos (Winter 2018). Dit was heerlik om soveel bekendes in een tydskrif raak te loop en die pragfoto’s van ons omgewing te geniet. Elke bladsy getuig van smaak en styl. Ek kon met my oë smul aan al die lekkernye en die keurige aanbieding geniet. Ek merk toe watter belangrike rol meel in al die resepte speel. By die artikel oor Eureka-meel het my gedagtes brood geword. My eerste onthou van meel is my ouer sussie wat brood knie, en die deeg trek sulke taai stroke saam met haar vuisies. Die ouer boeties sê dit lyk soos ’n hoender wat in iets pik. My pa se koring het glo heuningdou gekry en die hele sak meel het sulke…

Ta-da! deur Johané Neilson. Uitgewer: Jonathan Ball en Sunbird. Prys: R297. Die tydskrif Tuis se kosredakteur, Johané Neilson, sit spogkos met slim kortpaaie in haar nuwe kookboek voor. As jy jou gaste wil beïndruk, maar nie ure voor die stoof wil deurbring nie, sal jy van hierdie boek hou. Bakgeheime deur Martjie Malan. Uitgewer: Quivertree. Prys: R450. Hierdie buitengewone bakboek is die bekende Koekedoor-bakker Martjie Malan se eerste boek. In Bakgeheime wys sy haar passie vir bak, resepte en skryf Die versameling resepte wat in die boek vervat word, bied iets vir elke geleentheid en smaak. Die resepte word pragtig geïllustreer deur Claudia Liebenberg. Gramadoelakos deur Rita van Dyk. Uitgewer: Penguin Random House. Prys: R250. Jy hoef beslis nie afskeepkos te eet as jy kampeer nie, wys Rita van Dyk in Gramadoelakos.…

Krummelhoenderburger met avokado en parmaham Krummelhoender ■ 4 hoenderborsies, oopgevlek en effens platter gekap■ Gegeurde meel■ 2 eiers, geklits■ 180 ml vars broodkrummels■ 80 ml fyngerasperde parmesaankaas■ Olie, vir braai Burgers ■ 4 groot broodrolletjies■ Ongeveer 90 ml aioli (sien “Kombuiswenk” regs)■ Groot hand vol gemengde slaaiblare■ 40 ml soet rissiesous■ 2 ryp avokado’s, in skyfies gesny■ Sout, peper en vars suurlemoensap■ 4-8 stukkies parmaham Krummelhoender: Bestuif die hoenderfilette liggies met gegeurde meel en skud die oortollige meel af. Doop elke filet in geklitste eier en maak seker dat die hele filet met ’n lagie eier bedek is. Meng die broodkrummels en parmesaankaas goed en rol elke porsie hoendervleis daarin sodat die hele filet met ’n egalige lagie krummels bedek is. Sit die gekrummelde filet op ’n bord, bedek liggies…

MOORREESBURG, WES-KAAP Jaco Smit van Moorreesburg se klein Black Mamba-stoetery lewer kampioendiere op. Self het hy al diep spore in die Angusbedryf getrap: Hy beoordeel graag op skoue, dien in die SA Angusbeestelersgenootskap se raad en is in 2015 as die nasionale Jong Angusteler van die Jaar aangewys. JY IS EINTLIK ’N NAWEEKBOER. WAAR HET JOU BELANGSTELLING IN BEESBOERDERY ONTSTAAN? Ek het in Engeland rugby gespeel en soms op ’n plaas uitgehelp waar daar ook Angusse was, maar toe het hulle my nie so gefassineer nie. Dit was die Angus-boer Paul Kotzé van De Panne se passie en persoonlikheid wat my aangespoor het. Ek en sy seun, Jannie, is groot vriende en wanneer ek daar gaan kuier, het Paul altyd vertel hoe lekker die steak is en watter passie hy…

FOCHVILLE, GAUTENG CP en Gerda Kriek van die Taaiboschvarkboerdery is albei ingenieurs wat sowat vyf jaar gelede varkboere geraak het. In 2016 is CP as Gauteng se Jongboer van die Jaar aangewys. WAT MAAK JOU OPGEWONDE OOR DIE VARKBEDRYF? Varkvleis is ’n proteïenbron wat nog onderontwikkel is in Suid-Afrika, maar dit groei. Wêreldwyd is varkvleis van die gewildste vleissoorte, maar in Suid-Afrika is dit nog onderontwikkel as proteïenbron. Die bedryf groei darem! Verder is dit lekker om met slim en skoon diere te werk. HOE VERGELYK VARKVLEIS MET ANDER VLEISSOORTE WAT BETREF DIE PRYS EN GEHALTE? Varkvleis is tans heelwat goedkoper as bees- en skaapvleis, maar dit ding goed mee met hoendervleis. Ek glo natuurlik varkvleis is ’n baie lekkerde braaiproduk as hoender! Varkvleis kan baie maer wees vanweë die…

Lintnoedels met frikkadelle in tamatiesous en basiliepesto Die somer is die ideale tyd om vars kruie in jou kos te gebruik. Sagte, sappige basiliekruidblare maak heerlike pesto en gee die lekkerste vars geurinspuiting aan hierdie pastagereg. Eksperimenteer ook met ander kruie vir pesto. Roket, koljander en selfs pietersielie werk goed. Basiliepesto (sien metode hieronder) Frikkadelle ■ 500 g beesmaalvleis■ 1 ui, gerasper■ 2 knoffelhuisies, fyn gekap■ 7 ml fyngerasperde suurlemoenskil■ 10 ml fyngekapte pietersielie■ 3 ml elk sout, swartpeper, komyn en gemaalde koljander Tamatiesous ■ 1 ui, gekap■ 2 knoffelhuisies, fyn gekap■ 15 ml olie■ 15 ml tamatiepasta■ 1 blik (410 g) gekapte tamaties■ 125 ml water■ Sout, swartpeper en suiker na smaak■ 500 g lintnoedels■ Parmesaanskaafsels en roketblare, om af te rond Pesto: Blansjeer 500 ml vars basiliekruidblare vinnig…

DIE ROSSOUW-FAMILIE DELMAS, MPUMALANGA Rossgro se pluimveebedrywighede strek wyd — van eiers tot lêhenne en braaikuikens. Hulle het ook hul eie voermeule en dierevoedingsvertakking. Dr. Naudé Rossouw, derde geslag op die plaas, vertel hoe dié familie saamwerk om ’n sukses te maak van hul boerdery in drie provinsies — Mpumalanga, Limpopo en Gauteng. HOEVEEL EIERS LEWER JULLE PER JAAR? Ons lewer sowat 20 miljoen dosyn eiers per jaar aan kettingwinkelgroepe, soos Spar, Checkers, Shoprite en Makro, in Gauteng, Mpumalanga en Limpopo. Ons beskik oor twee pakhuise en ’n vloot van 35 vragmotors om die eiers te versprei. Die eiers wat hul vervaldatum nader, pasteuriseur ons om vloeibare eiers — ons noem dit eierpulp — aan bakkerye te voorsien. Ons probeer regtig om niks weg te gooi nie. TEEL JULLE JUL…

Warm botterskorsie-enspekslaai met bokmelkkaas en bloubessies Lekker en vullend genoeg om as ’n volledige ete sy man te staan, maar sonder die spekvleis ook ’n perfekte bygereg by geroosterde lams- of beesvleis. Vir ekstra lekkerte kan jy ook ’n paar grof gekapte, geroosterde okkerneute oorsprinkel. Slaai ■ 1 middelslag-botterskorsie, met skil en al in dun wiggies gesny en pitte uitgehaal■ 60 ml olyfolie■ Vars gemaalde seesout en swartpeper■ 15 ml komyn■ Halwe pak (125 g) repiespek■ 1 pak slaaiblare of roket■ 1 rolletjie (100 g) sagte bokmelkkaas■ Hand vol vars bloubessies Slaaisous ■ 500 ml vars bloubessies■ 45 ml olyfolie■ 100 ml rooiwynasyn■ 45 ml soet rissiesous■ Paar druppels heuning■ Sout en vars gemaalde swartpeper na smaak Voorverhit die oond tot 200 °C. Pak die botterskorsiewiggies in ’n oondbak, besprinkel…

AAN DE DOORNS, WES-KAAP Die Hugo’s van die plaas Osdrift op Aan de Doorns naby Worcester werk almal saam om die plaas se soet vye te bemark. In seisoentyd staan mense tou vir soet, vars vye, maar danksy gesonde gedroogde vye kan die lekker langer hou. HOE HET JULLE IN DIE VYEBEDRYF BELAND? Ons het altyd met wyndruiwe en melkbeeste geboer, maar ’n waagstuk met bloubessies (wat nie uitgewerk het nie), het ons na vye gelei. Ek hou van nuwe goed en uitdagings en het dadelik gesê “maar dis waarmee ek wil boer” toe ek van die vyebedryf hoor. In 2006 het ons ons eerste 3 ha vyebome aangeplant en die volgende jaar nog 4 ha. Nou het ons sowat 38 ha vye, spesifiek die kultivar Evita. BYKANS JOU HELE…

Onderstebo pynappeltert met rumkaramel Hierdie dekadente nagereg word ’n tarte tatin genoem. Ons ken dit met appels of pere, maar pynappel werk ook uitstekend, veral as jy vrugte gebruik wat nog effens suur is. Dit balanseer die soet karamel. ■ 1 groot pynappel, geskil, skoongemaak en gehalveer■ 180 ml suiker■ 45 ml water■ 80 g botter■ Skeut donker rum■ 300 g reg-om-te-gebruik-blaardeeg■ Mascarpone of vanieljeroomys, om voor te sit■ Vars kruisementblare, om af te rond Voorverhit die oond tot 190 °C. Sny die gehalveerde pynappel in ewe dik skywe. Gebruik ’n koekiedrukker of poedinglepel met ’n skerp rand om die stronk mooi uit elke pynappelwiggie te sny. Sit die suiker en water in ’n swaarboompan met ’n oondvaste handvatsel. Verhit oor lae hitte tot die suiker heeltemal opgelos is. Verhit…

BONNIEVALE, WES-KAAP Febbie van der Merwe en sy seun, Hein, boer met appelkose, perskes, pruime en wyndruiwe naby Bonnievale. Die appelkose en perskes word aan inmaakfabrieke gelewer, terwyl die pruime as vars vrugte verkoop word. BREI DIE APPELKOOSBEDRYF NOG UIT? Sowat twee tot drie jaar gelede het die appelkoosmark heeltemal platgeval, maar daar het weer ’n oplewing op die oorsese mark gekom. Tans is die mark taamlik stabiel. Ek dink die bedryf is beperk, met min vooruitsigte vir volumegroei. Die mark is taamlik vol en die buitelandse vraag na appelkose bly bestendig. WATTER OORSESE MARKTE VOER SUID-AFRIKAANSE APPELKOSE IN? Die Europese Unie, by name Duitsland, is ’n groot mark. Daar word ook ’n klompie vrugte in die Ooste bemark. WAAROM IS APPELKOSE ’N GOEIE KEUSE VIR JUL OMGEWING? Appelkose aard…

RUSTENBURG, NOORDWES Gert Eastes bestuur Cherry Ridge, ’n kersieplaas in die Buffelspoortdamomgewing, waar hulle elke jaar in Oktober die heel eerste kersies in die Suidelike Halfrond oes. HOE HET CHERRY RIDGE ONTSTAAN? Kersies is ’n taamlik nuwe gewas in ons omgewing. Die De Wet-familie boer met perskes, maar het in 2007 hul eerste kersie-proefblok geplant. In 2010 het nog ’n blok gevolg. Toe die bome van 2012 tot 2014 begin dra het en hulle die kersies uitvoer, het J.O. Sims (die maatskappy waarvoor ek werk) agtergekom daar is kersies in Europa in ’n ongewone tydgleuf. J.O. Sims is ’n Britse maatskappy wat hom beywer daarvoor om twaalf maande van die jaar kersies aan die Europese mark te voorsien. Om dit reg te kry, boer ons met kersies in ses lande…

Krummelpap Die geheim van krummelpap is geduld. Jy moet die deksel opsit en lank wag, dan eers roer, toemaak en weer wag terwyl die pap stoom. Maak só: Gooi 500 ml water en 7 ml sout in ’n driepootpot of in ’n kastrol. Sit die deksel op en laat die water kook. Gooi 750 ml mieliemeel alles op een slag in die middel van die kokende pot water, maar moenie roer nie. Sit die deksel op en laat staan die pot net so oor ligte kole of oor lae hitte op die stoof vir 15 minute tot ál die water geabsorbeer is. Nou roer jy die pap goed. (Jy kan nog ’n bietjie water byvoeg as dit te droog is.) Sit weer die deksel op en laat stoom vir nog…

INKOPIELYS SUIWEL EN EIERS □ 6 ekstragroot eiers□ 1 klein stukkie cheddarkaas□ 1 klein bakkie fetakaas□ 1 bakkie (180 ml) natuurlike volroomjogurt□ 1 houer (200 g) roomkaas□ 1 houer (230 g) geroomde maaskaas□ 250 ml room□ 250 ml suurroom□ 250 g botter VRUGTE, GROENTE EN KRUIE □ 4 ryp avokado’s□ 4 groot aartappels□ 4 suurlemoene□ 1 knoffelbol□ 1 duimgrootte stuk vars gemmer□ 100 g jong slaaiblare of sagte, jong kruie van jou keuse□ 1 pakkie (30 g) pietersielie□ 1 pakkie (30 g) vars tiemie□ 1 pakkie (30 g) roosmaryn□ 1 kg baba-aartappels□ 1 bossie grasuie□ 2 elk rooi uie en bruin uie□ 600 g jong groenbone□ 500 g ryp aarbeie VLEIS EN VIS □ 500 g afgedopte garnale□ 1 groot, heel hoender□ 1 ontbeende, gerookte soutvarkboud (gammon) van ongeveer 1,8…

KARASBURG, NAMIBIË ZZ2 is dalk sinoniem met tamaties en avokado’s, maar op die plaas Haakiesdoorn, sowat 120 km van Karasburg af in die suide van Namibië, boer dié onderneming met heerlike Medjool-dadels wat hy onder die Karashandelsmerk versprei. Aangesien dit ’n arbeidsintensiewe gewas is, skep die projek broodnodige werk in die omgewing. WAAROM HET ZZ2 BY DIE DADELBEDRYF BETROKKE GERAAK? Dadels se toekoms lyk uiters rooskleurig. Dit word gesien as ’n superkos, wat beteken dis baie gesond. Tans is die wêreldwye vraag na dadels groter as die aanbod. In Suider-Afrika oes ons boonop wanneer Kalifornië, Marokko, Israel, Jordanië en Spanje nie dadels aan die mark verskaf nie. Karas Dates is in 2009 gestig en ons eerste bome is in Augustus van daardie jaar geplant. WAAR KAN DADELS ORAL VERBOU WORD?…

Karamel-vrieskaskaaskoek Een van die maklikste en lekkerste vrieskaskoekresepte wat ek ken. Versier die bevrore kaaskoek met vars vrugte van jou keuse (karamel en piesang is ’n wenkombinasie) of met sjokoladekrulle. ■ 2 houers (200 g elk) ongegeurde roomkaas■ 1 blik (360 g) karamelkondensmelk (of ongeveer 280 ml gekookte kondensmelk)■ 250 ml room■ 100 ml goeie koffie of espresso■ 1 pakkie (200 g) karamelkoekies (ek het Nuttikrust-koekies gebruik■ Karamelsous en vars vrugte, om te versier Spuit ’n standaardgrootte broodpan met kleefwerende kossproei en voer dit met kleefplastiek uit. Spuit die plastiek weer liggies. Klits die roomkaas tot glad en voeg die karamelkondensmelk (of tuisgemaakte, gekookte kondensmelk) daarby. Klits goed tot glad. In ’n ander bak, klits die room styf. Vou die geklopte room by die karamel-roomkaasmengsel in. Skep ’n lagie van…

Waar gin altyd die uitsoekdrankie van die “tweedbaadjie-met-leerinsetsels”- brigade was, is dit deesdae onder álmal gewild. Van hipsters met ontwerpersbaarde tot jou stywelipskoonma sluk graag ’n G&T weg. En die gin-revolusie in Suid-Afrika is op Wellington aan die brand geskop deur niemand anders nie as Roger Jorgensen. “Ek het die eerste kontemporêre boetiekgin op die mark in 2008 gemaak (Jorgensen’s). Twee jaar lank het die mark net aan myself behoort, tot Inverroche (van Stilbaai) op die toneel verskyn het. En, raai, vandag is daar meer as 90 plaaslike gins net in Kaapstad. In ’n klomp van hulle het ek ’n hand gehad,” vertel hy terwyl hy wys waar hy sy nuwe botaniese gin-tuin op die Hymettus-plaas in die Idasvallei by Stellenbosch gaan uitlê. Fynbos-gin was sy idee, en sedertdien woeker…

Ons Boerekos-span is pas terug uit Namibië waar ons gaan stories en resepte versamel het vir die volgende winteruitgawe van Boerekos. (Maak sommer nou al iewers ’n knoop om nie ons Namibië-uitgawe, wat in Mei volgende jaar verskyn, mis te loop nie. Dit gaan ’n fantastiese uitgawe met smullekker resepte wees!) Dis ál asof die seisoen gedraai het in die tydjie toe ons weg was. Oral waar jy kyk, is nuwe, groen blaartjies en bye werk fluks tussen die laventelbosse in my tuin. Die vrugteboorde op ons familieplaas lyk soos ’n pienk-en-wit lappieskombers as jy op die voorstoep staan en oor die plaas uitkyk. Al die tekens is daar dat die somer op pad is. Die draai van die seisoen, die langer dae en warmer aande laat ons lus voel…

In die somer kuier ons aande om in die buitelug, ons dek mooi tafels en vier fees. Die ideale drankie vir die feestyd is ’n goeie Suid-Afrikaanse vonkelwyn, wat lankal nie meer net tydens ’n spesiale geleentheid gedrink word nie. Bedien dit saam met enigiets van aptytwekkers tot soetgoed. Goeie waarde VILLIERA TRADITION BRUT Die Britse wynghoeroe Tim Atkin het vanjaar Villiera Tradition Brut NV aangwys as die Suid-Afrikaanse vonkelwyn wat die beste waarde bied. Dis gemaak van wit (Chardonnay) én rooi (Pinot Noir en Pinotage) druiwe en ingevolge die MCC-tradisie 18 maande lank op gis verouder. Wanneer jy die kurk skiet, kan jy ’n vol en gebalanseerde wyn verwag, maar dis lekker vars danksy goeie suur en vrugkarakter. Prys: R160. Hiep, hiep hoera! VAN LOVEREN FOUR COUSINS SPARKLING BLUSH…

GORDONSBAAI, WES-KAAP Die Laker-familie boer al sedert 1985 op hul plaas by Gordonsbaai. Vandag is Lazena Free Range Poultry ’n familiebesigheid wat in bykans alle fasette van hoendervleisproduksie, -verwerking en –verspreiding voorsien. Hanno Laker, plaasbestuurder, sê hulle glo in omgewingsvriendelike produksiemetodes. HOE HET JY BY VRYLOPENDE HOENDERPRODUKSIE BETROKKE GERAAK? Ek het grootgeword op ’n hoenderplaas. My pa, Johann, is ’n direkteur by Lazena Boerdery en het my van kleintyd af geleer van vrylopende hoenders. Oor die jare het my liefde vir hoenderboerdery gegroei. Alles wat ek geleer het, word nou nog toegepas. WAT IS DIE BELANGRIKSTE BEGINSELS VAN VRYLOPENDE PRODUKSIE? Volgens my gaan dit oor die vryheid wat die hoenders binne en om die hokke geniet. As hoenders meer spasie het, eet en drink hulle baie gemakliker. HOE LYK JUL…

Lesli Pentz se Groote Post-bobotie ■ Olyfolie, vir braai■ 2 uie, fyn gekap■ 2 knoffelhuisies, fyn gekap■ 10 ml fyn gemmer■ 20 ml matige kerriepoeier■ 20 ml borrie■ 30 ml gladde appelkooskonfyt■ Hand vol pitlose rosyne■ 2 Granny Smith-appels, ontkern, geskil en grof gerasper■ 15 ml fyngerasperde suurlemoenskil■ 2 ryp tamaties, geskil en in blokkies gesny■ 3 wortels, geskraap en gerasper■ 1 kg Angusbeesmaalvleis■ Sout en vars gemaalde swartpeper na smaak Bolaag (sien metode) Voorverhit die oond tot 180 °C. Verhit die olie in ’n kastrol en braai die uie, knoffel, gemmer en kerriepoeier daarin tot die uie sag is. Voeg die borrie en appelkooskonfyt by en braai vir ’n paar sekondes. Voeg nou die rosyntjies, appels, suurlemoenskil, tamaties, wortels en maalvleis by en braai alles saam tot die vleis…

Visburgers Viskoekies ■ 400 g gaar stokvis, gevlok en alle grate verwyder■ 10 ml Dijonmosterd■ 1 sny brood, fyn gekrummel■ 2 eiers, geklits■ 5 ml fyngerasperde suurlemoenskil■ 5 ml suurlemoensap■ 30 ml fyngekapte pietersielie■ Sout en vars gemaalde swartpeper■ 2 eiers, geklits (ekstra)■ 375 ml vars broodkrummels■ Olie, vir panbraai Burgers ■ 6 broodrolletjies, oopgesny en gerooster■ Botter, vir smeer■ 250 ml fyngekerfde blaarkool■ Ongeveer 90 ml aioli (sien resep op bl. 13)■ Knippie strooisuiker■ 4 groot agurkies, in lang, dun repe gesny■ Vars suurlemoen, om voor te sit Viskoekies: Meng die bestanddele, behalwe die olie, ekstra eiers en broodkrummels, goed saam. Verkoel vir 20 minute en verdeel die mengsel in 6 gelyke dele. Vorm 6 viskoekies, doop versigtig in geklitste eier en rol dan in broodkrummels. Pak die gekrummelde…

SWELLENDAM, WES-KAAP Tussen Ashton en Swellendam, teen die pragtige Langeberge, boer die Verderfamilie met meer as 50 000 olyfbome op 43 ha van hul plaas, Mardouw. Chris van Niekerk, landgoedbestuurder, vertel hoe hulle dit regkry om sulke uitstekende olyfprodukte te produseer. WATTER KLIMAATSVOORDELE GENIET JULLE? Die gebied is bekend vir warm somers en koue winters met matige reënval. Die inheemse wilde-olyfboom (Olea Europaea Africana) kom natuurlik op die plaas voor. Dit spreek dus vanself dat olyfbome hier sal aard en goed sal dra. Die Langeberge is ook ons voedingsaar vir besproeiingswater wat ons in opgaardamme opberg. WATTER KULTIVARS VERBOU JULLE? Ons maak hoofsaaklik olie van FS17, Frantoio, Leccino en Coratina. Kalamata, Mission en Nocellarra del Belice word gebruik vir ingemaakte tafelolywe. Laasgenoemde twee kan ook vir olyfolie gebruik word as…

Somerslaai met gebraaide halloumi en warm tamatiesous Warm tamatiesous ■ 15 ml olyfolie■ 5 ml elk mosterdsaadjies en komynsaad■ 3 droë kerrieblare■ 5 ml elk fyn gerasperde gemmer, fyn gerasperde knoffel en gemaalde koljander■ 30 ml gekapte, vars koljanderblare■ 2 ml garam masala■ 1 groen brandrissie, met pitjies en al fyn gekap■ 1 blik (410 g elk) tamatiepuree■ 25 ml tamatiesous■ Water, indien nodig■ Sout en suiker na smaak Slaai ■ 1 blok (ongeveer 320 g) halloumikaas, in skywe gesny■ Olyfolie, vir braai■ 300 g gemengde slaaiblare■ 1 komkommer, in dun skyfies gesny■ 100 g ontpitte, groen olywe■ 10 ml kappertjiesaad, gedreineer■ 2 avokado’s, geskil en in wiggies gesny Tamatiesous: Verhit die olie in ’n pan en voeg die mosterd- en komynsaad by. Braai tot die mosterdsaadjies begin skiet. Voeg…

GROBLERSDAL, LIMPOPO Die Roslé-boerdery naby Groblersdal het in 2016 met bloubessies begin boer en is die enigste bloubessieprodusent in die Loskopvallei. Danksy kultivars met ’n lae kouebehoefte, geskikte grond en netbeskerming aard die gewas uitstekend op die plaas. P.P. Roets, Roslé se bloubessiebestuurder, vertel meer. HOEKOM HET DIE BLOUBESSIEBEDRYF SO STERK GEGROEI DIE AFGELOPE PAAR JAAR? Wel, die prys is sekerlik die eerste oorweging vir boere om bloubessies te plant. Ons boer deur en deur vir die uitvoermark. Die afgelope twee, drie jaar is daar heelwat hektare OZblukultivars in Suid-Afrika gevestig. HOEKOM HET JULLE DIT GEWAAG OM MET BLOUBESSIES IN DIE LOSKOPVALLEI TE BOER? Ons is in ’n somerreënstreek geleë, wat dit moelik maak om tafeldruiwe te verbou. Ons moes dus ’n alternatief soek. Bloubessies en sitrus (ons hoofbedryf) vul…

Grenadellasorbet Dié sorbet laat my dink aan daardie ronde grenadella-ysies wat roomysverkopers in my kinderjare op die strand verkoop het. Jy kan dit op verskeie maniere gebruik. ’n Maklike idee is om ’n lepel of twee sorbet in sjampanjeglase te skep en met droë vonkelwyn op te vul. Rond die drankie met ’n wiggie vars grenadella of ’n skeppie grenadellapulp af. ■ 310 ml strooisuiker■ 310 ml water■ 500 ml grenadellasap■ 250 ml vars grenadellapulp (ongeveer 10 grenadellas), verkoel tot yskoud Verhit die suiker en water in ’n kastrol oor matige hitte tot die suiker opgelos is. Verhit tot kookpunt en kook vinnig vir presies 1 minuut. Laat tot kamertemperatuur afkoel en roer die grenadellasap by. Sit die grenadellapulp in ’n voedselverwerker en pols vir ’n paar sekondes. Meng die…

BATHURST, OOS-KAAP Paul Beyleveld van Bathurst is deel van Trikwakwa, ’n groep van drie boere wat elke jaar gesamentlik 100 ha pynappels plant. Sy pa het die pynappelplaas C’est la Vie in 1984 gekoop, en sedertdien boer die familie slegs met dié gewas. Paul is ook die voorsitter van die pynappelkwekersvereniging. HOE HET PYNAPPELPRODUKSIE IN DIE OOS-KAAP DIE AFGELOPE JARE VERANDER? HOEKOM? Die produksievlakke het dieselfde gebly. Hier en daar pas ons beter praktyke toe, maar die grootste verandering het gekom toe ons in die 2000’s die inmaakbedryf gestaak het. Dit het net te duur geraak om in te maak, veral weens die prys van arbeid en tin (vir die blikke). Dis egter nie net die pynappelbedryf wat daardeur geraak is nie. Die meeste inmaakbedrywe voel die druk. Sowat 90%…

NOU TE KOOP Die gewildste resepte van Landbouweekblad se treffer-kostydskrif, Landbou Boerekos, is nou in boekvorm te koop! Die wye verskeidenheid resepte in die kookboek is in afdelings ingedeel volgens plaasprodukte, en word met alledaagse bestanddele voorberei. Kry alles van gebraaide skaapribbetjie, varklies en hoenderkebabs tot die lekkerste koeke en terte, kleinkoekies, beskuit en tuisgemaakte roomys. Landbou Boerekos — van die plaas na die tafel word deur Human & Rousseau uitgegee. Dit is by alle goeie boekwinkels beskikbaar en kos R320. Bestel ook ’n eksemplaar deur ’n e-pos aan johan.terblanche@media24.com te stuur.…

HAPPIES Dit is altyd lekker om voor die groot ete ’n paar happies te braai om aan te peusel. Spek-en-blatjangworsies ’n Kaasworsie is ekstralekker as dit met die rokerige geur van ’n vleisbraaivuur kennis maak. Maar ’n spekkombers om die worsie verhef dit tot ’n heel nuwe vlak! ■ Ongeveer 12 gerookte kaasworsies■ 1½ pak (375 g) repiespek■ Ongeveer 80 ml gladde blatjang■ Klein bietjie kookwater■ Sout en vars gemaalde swartpeper na smaak Steek ’n sosatiesokke in die lengte reguit deur elke kaasworsie. Pak die repies spek op ’n kapplank. Meng die blatjang met net genoeg water sodat dit maklik geverf kan word. Verf elke spekrepie met die blatjangmengsel en draai die spek styf om die worsies. Pak in ’n toeklaprooster. Geur met sout en peper en braai oor matige…

Gebraaide pynappel Maak só: Sny 2 ferm, ryp pynappels met skil en al in wiggies. Meng 45 ml elk heuning en gesmelte botter met ’n bietjie fyn kaneel. Braai die pynappelwiggies oor matige kole en bedruip gereeld met die heuningsous. Draai die wiggies gereeld om. Braai tot sag en goudbruin. Sny die gebraaide pynappel los van die skil en sit voor met vanieljeroomys. Lewer 6-8 porsies. Warm sjokolade-enmalvalekkerkoekies Eet hierdie koekies ná ete saam met moerkoffie. Jy kry nie lekkerder nie. Maak só: Pak 20 sjokoladesplinter- of grondboontjiekoekies op ’n kapplank of skinkbord. Smeer almal se gladde kant met ’n leksel Nutella-sjokolade-haselneutsmeer. Braai 10 malvalekkers en sit ’n sagte, warm malvalekker op die helfte van die koekies. Plak die ander koekies (met die Nutellakant na onder) daarop vas. Eet dadelik.…

Heel geroosterde Angus-lendestuk met swartpeper-bottersous ■ Hand vol vars tiemie en roosmaryn■ 1 Angus-lendestuk van ongeveer 2 kg, teen kamertemperatuur■ Olyfolie, seesout en vars gemaalde swartpeper na smaak Swartpeper-bottersous ■ 60 ml Anthonij Rupert Terra de Capo Pinot Grigio■ 40 ml witwynasyn■ 30 ml gekapte ui■ 1 takkie tiemie en ’n paar roosmarynblaartjies■ 80 ml room■ Sout na smaak■ 5 ml vars gemaalde swartpeper■ 200 g botter, in blokkies gesny Hou ’n takkie roosmaryn en 2 takkies tiemie eenkant en pak die res op ’n bakplaat. Vryf die vleis goed in met olyfolie en geur met sout en swartpeper. Kap die roosmaryn- en tiemieblaartjies van die takkies kruie wat jy eenkant gehou het baie fyn en vryf dit egalig oor die vleis. Sit die vleis, met die vetkant na bo,…

Pekanneut-meringue-torte ■ 3 ekstragroot eierwitte, teen kamertemperatuur■ 250 ml strooisuiker■ 1 pakkie (200 g) Tennisbeskuitjies, grof gekrummel■ 80 ml Amarula-likeur■ 100 g pekanneute, fyn gekap Voorverhit die oond tot 180 °C en spuit ’n tertbord van 30 cm goed met kleefwerende kossproei. Klits die eierwitte tot stywe punte vorm. Voeg die strooisuiker lepel vir lepel by en hou aan klits tot die mengsel blinkwit en styf is. Voeg die gekrummelde beskuitjies, Amarula-likeur en pekanneute by en vou dit by die meringue in. Skep in die oondbak en bak vir 20 minute. Haal uit die oond en laat afkoel tot kamertemperatuur. Sit voor met geklopte room of roomys. Lewer 12 porsies. Meellose sjokoladekoek ’n Heerlike sjokoladekoek wat mense wat gluten wil vermy, ook kan eet. ■ 200 g donker sjokolade van…

Saam met die opkoms van gin het ’n klompie nuwe gesigte ook op die tonikumwater-rak hul buiging gemaak. “Hoewel ons ons bes doen om sipping gins te maak, weet ons in ons warm klimaat maak tonic daarvan ’n verfrissende drankie. Saam met ’n kommersiële gin werk die sitroensuur, suiker en gasborrels van gewone tonic water heel goed.” Maar die baie suiker in gewone tonikumwater “vermoor” kontemporêre gins, glo Roger. “Ons wil nie daardie vlak sitroensuur en soetigheid hê nie. Die bitterheid van die kinien is wel heerlik saam met gin omdat dit aptytwekkend is en jou palet skoonmaak.” Sy raad dus? Kies ’n tonikumwater wat laag is in suiker, maar steeds ’n goeie dosis kinien bevat.…