Tabla de contenidos para 24 October 2024 en Kuier

Soms sien jy ‘n celeb en volg hulle op social media en dink hul lewe lyk so perfek. Maar ‘n mens vergeet so maklik bekendes is ook maar net mens, nes ons, en het hul fair share van ups en downs. Daar's nie iets soos ‘n volmaakte lewe nie, sê die Suidooster-ster Jawaahier Petersen. Sy self is al deur diep waters en baie traumas in haar lewe. Maar as die lewe jou slaan, besluit jy wat jy gaan doen: Gaan jy lê, of opstaan en fight? In hierdie uitgawe deel ons die tweede aflewering van Jawaahier se merkwaardige lewensverhaal vanaf bladsy 67. In dié aflewering maak sy hart oop oor onder meer ‘n verpletterende motorongeluk wat so byna haar lewe geëis het toe sy net 11 jaar oud was, en…

MY LEWE Ja, die vere maak nie die voël nie. Maar wanneer jy onverwags jou hare verloor weens ‘n mediese toestand soos die outoïmmuunsiekte alopecia, besef jy hoe baie waarde jy eintlik aan jou kroon heg. ‘n Vrou kom nooit oor die verlies van haar hare nie. Dit is ‘n voortdurende rouproses waarvan die seer met elke herinnering of ou foto oopgekrap word. Só vertel die Kuier-joernalis en RSGaanbieder Haidee Muller-Isaacs (51), want sy dra eerstehandse kennis hiervan. Die eerste keer toe sy haar hare begin verloor het, was in 2003. Dit het mettertyd weer teruggegroei, maar slegs twee jaar later het sy wéér alles verloor. Dié keer was die koeël deur die kerk – sy is gediagnoseer met alopecia en sy't net een van twee keuses gehad: Aanvaar dié…

ROSEMARY-ENSAMPIOEN-‘SIGARE’ Lewer 6 sigare BESTANDDELE Vulsel 2 eetlepels olyfolie 1 eetlepel botter 4 takkies rosemary 500 g gemengde sampioene, grofgekap 2 knoffelhuisies, fyngekap sout en varsgemaalde peper fyngerasperde skil van 1 suurlemoen ‘n skeut suurlemoensap ¼ koppie pietersielie, gekap 1 koppie mozzarella (gerasper) Sigare 6 velle filodeeg 100 g botter, gesmelt 1 eetlepel gemaalde pienk - of swartpeper METODE Voorverhit die oond tot 200°C. Voer ‘n groot bakplaat met bakpapier uit. Vulsel ■ Verhit die olie en botter in ‘n groot pan en voeg die rosemary-takkies by. Stir fry vir 1 minuut oor matige hitte of tot geurig. Voeg die sampioene by en stir fry vir 10-15 minute, of tot die sampioene gaar is. ■ Voeg die knoffel by en stir fry nog ‘n minuut lank. Geur die mengsel met die sout, peper, suurlemoenskil en -sap en roer deur.…

Verneuker wil nie trek Vraag EKS KLOU Antie Val, ek het iemand online ontmoet en dinge het so goed gegaan dat sy by my ingetrek het. Maar ek het paar maande terug ontdek sy chat nog met ander mans en ons het opgebreek. Die probleem is, sy wil nie uit my huis trek nie en het gesê sy ken haar regte. Wat moet ek doen? Sal dit dalk help as ek haar besittings oppak en na haar familie toe stuur? ANONIEM Antwoord BESTE ANONIEM Ek dink nie sy het veel “regte” in jou blyplek as julle nie ‘n ooreenkoms geteken het nie. Sy klink taamlik dikvellig. Dis nou ongelukkig ‘n duur les vir jou. Dis nie nodig dat die mense wat jy aanlyn ontmoet, by jou moet intrek ná ‘n…

VERHOUDINGS Trou is nie perdekoop nie, lui die gesegde. So, ‘n tweede keer trou is dan seker dubbel dié risiko, of hoe? Dís hoe Georgia* (52) van Worcester gevoel het toe sy amper 12 jaar ná haar egskeiding iemand ontmoet en daar weer van trou gepraat is. “Maar ons het begin as vriende en ek dink dit het die volgende stap, trou, makliker gemaak. Dit was nie so ‘n halsoorkop-besigheid nie, maar dit was ook sy eerste huwelik en ons wou dit nie afjaag nie,“ vertel sy. Dis nou al drie jaar later en hulle is baie gelukkig getroud. “Geen huwelik is perfek nie. Ek dink die feit dat ek nie actively loop soek het vir ‘n tweede man nie, het die pressure van ons albei afgehaal. Toe dit eventually…

NR. 245 VRAAG: Dié broers het 30 jaar gelede hul ouers vermoor. ‘n Dokkie oor hul lewe het onlangs verskyn. Wat is hul van? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 13 November 2024. SMS/R1,50. Die oplossing verskyn in die uitgawe van 5 Desember 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 13 NOVEMBER 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 179 Soek al 50 woorde op die lys langsaan in die tabel hieronder. Hulle lê horisontaal, vertikaal en diagonaal. aasvoël albatros blouvalk elsie fisant flamink hadida hamerkop hoephoep janfiskaal janpierewiet kanarie kersogie kiewiet koekoek koester kokkewiet korhaan kormorant kraai kwartel laksman lammergier lewerik loerie lyster malmok meeu mossie muisvoël nellie ooruil papegaai patrys pikkewyn renostervoël riethaan sakaboela spekvreter spreeu strandlopertjie suikerbekkie swaeltjie tobie tortelduif troupant versamelvoël vink volstruis witkruisarend OPLOSSING VERSKYN IN DIE UITGAWE VAN 7 NOVEMBER 2024. SOEK VIR DIE SPELETJIENOMMER.…

Terwyl ek op ‘n koue Saterdagnamiddag my hare in my badkamer sny, kom ek tot dié besef (waarvoor ek so dankbaar is): Bevryding is helend! Om ontslae te raak van enige bagasie wat te swaar word en bowendien onnodig is om agter jou aan te sleep! Want soms moet ‘n mens neersit en laat staan. Met elke gesplete punt en sliert waarvan ek van ontslae raak, voel ek ligter en gelukkiger! Ouer word en selfontdekking is wonderlik; fenomenaal! Ek het nie meer tyd of energie om voor te gee, aan te sit of te suffer for beauty nie. Ek het absoluut geen punt om te bewys of rede om ongemaklik te voel nie. Warmgloede is ‘n ander ding! (Oe, dis ‘n vreeslike ervaring wat ek met soveel gemak as moontlik…

“Dié clan is happy!“, 10 Oktober Baie geluk met die nuwe toevoeging tot julle gesin, liewe Jawaahier Petersen en familie. Julle is seker baie opgewonde. Alles van die beste vir die maande wat kom! MARIE SWARTZ Baie mooi artikel, Haidee Muller-Isaacs. Kuier, julle is die beste! CHRISTAL HERMANS Die eerste deel van Jawaahier se lewensverhaal is aangrypend. Ek gaan definitief nie uitmis op die ander uitgawes nie! FRANCIS “Geen antwoorde ná lieflingkind se marteldood”, 26 September Dis hartseer dat onskuldige kinders so wreed hul lewe verloor. Ek het ‘n soortgelyke episode in my lewe gehad waar my enigste seun ook deur bendelede geteister was om by hulle aan te sluit. Toe hy weier, is sy lewe ook op ‘n wrede manier weggeneem. Ek kan my indink wat hierdie familie moes…

P-P-PREPPY Die preppy look gaan nooit uit die mode nie en lyk veral vars en sjiek wanneer jy kortbroeke hiervoor inspan. Maak soos MEGHAN MARKLE (43) en hou jou kortbroek en ‘n knooptrui in dieselfde kleur en rond dit af met ‘n swart hemp. Dié kleur-combo is stylvol verby en pumps daarby maak dit ‘n wenkombinasie! WENK Om die preppyvoorkoms in jou klerekas in te bring, kry hemde, truitjies, skirts en items met knope. NOG OPSIES Hierdie kortbroeke is ook nog goeie opsies om by die ander items te dra. GEMAKLIK SJIEK Jy kan nooit verkeerd gaan met ‘n swart kortbroek nie. Voeg daarby ‘n bloedrooi trui en jy is reg vir die strate. Vir ekstra stylpunte, trek die rooi deur na jou makeup toe. Die aktrise GWYNETH PALTROW (52)…

DOKTER Hand-voet-en-mondsiekte Dokter, my baba is ouer as ‘n jaar. Baie maatjies by die dagsorg het op die oomblik hand-voet-en-mond-siekte. Hoe aansteeklik is dit, wát is dit, en hoe kan ek voorkom dat my baba dit kry? ANONIEM Antwoord BESTE ANONIEM Hand-voet-en-mondsiekte (HVMS) is ‘n aansteeklike virusinfeksie wat algemeen by jong kinders voorkom, meestal by dié jonger as vyf jaar. Simptome sluit in sere in die mond en ‘n uitslag op die hande en voete, en sere kan ook op die boude en geslagsdele verskyn (luier-uitslag). Dié siekte word meestal deur die coxsackievirus A-tipe 16 (CV-A16) veroorsaak. Die tydperk vanaf aanvanklike infeksie tot simptome verskyn (inkubasie-tydperk) is drie tot ses dae. Kinders kan koors en ‘n seer keel hê. Hulle verloor soms hul eetlus en voel sleg. ‘n Dag of…

REGRUK OP ‘N BUDGET Maak skoon met produkte uit die kombuiskas as jy sente moet afknyp. OPWASMIDDEL Opwasmiddel is veelsydig en kan ook jou stortvloer skoonskrop. Jy kort net ‘n bietjie daarvan op ‘n skropborsel met water en dan kan jy laat waai. ASYN Asyn kan met water verdun word om ruite en stortdeure te laat blink. Jy kan ook ‘n plastieksakkie vul met witasyn en jou stortkop daarmee bedek. Laat staan oornag en vryf blink. Asyn speel ook klaar met mufkolle – los dit vir ‘n uur voor jy begin wegskrop. VERWYDER TAAIHEID MET OLIE Smeer ‘n bietjie olyfolie aan ‘n sagte lap en vryf liggies oor ‘n taai kol – of dit nou die oorblyfsels van ‘n etiket op ‘n glasbottel of ‘n pleister op jou vel is.…

Hier is van die huistake volgens ouderdomsgroep. Dit kan verskil van kind tot kind en is net ‘n riglyn. Die belangrikste is om konsekwent te wees. Moenie een week iets van jou kind verwag en dan die volgende week ‘n hele ander lys vereistes hê nie. 2-3 jaar ■ Speelgoed wegpak. ■ Vee op as jy gemors het. ■ Gooi klere in wasgoedmandjie. ■ Vat jou bord wasbak toe ná ete. ■ Afstof. ■ Boeke/tydskrifte netjies pak. 4-5 jaar ■ Help om wasgoed op te vou en weg te pak – begin met sokkies. ■ Kies eie klere en trek self aan. ■ Borsel hare. ■ Help om bed op te maak. ■ Help om diere kos en water te gee. ■ Help om ligte inkopiesakke te dra. ■ Gee…

NR. 297 WEN R350 KONTANT! ? VRAAG: Aan wie het God verskyn en opdrag gegee om die Midianiete te verslaan? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 13 November 2024. SMS/R1,50. Die oplossing verskyn in die uitgawe van 5 Desember 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 13 NOVEMBER 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Jawaahier MY LEWENSVERHAAL SOOS VERTEL AAN Kuier DEEL 2 Teen 1995 was haar ouers, Taliep en Madeegha, se huwelik oor en verby. Die eens goue paartjie van die vermaakbedryf se ster het verskiet. Die jaar daarna het Madeegha uit die gesinshuis getrek en is haar ma, Valerie Theron, ook skielik uit haar lewe geruk. Vir Madeegha het die eens gekoesterde wêreld wat sy geken het, aan skerwe gelê. Nie net het sy die liefde van haar lewe verloor nie, maar ook haar geliefde ma met wie sy haar diepste smart kon deel. Boonop moes sy hulpeloos toekyk hoe haar vier onskuldige bloedjies met die nuwe, vreemde omstandighede wat met ‘n egskeiding saamkom, probeer cope het. Haar oudste dogter, Jawaahier (toe 9) sou later haar ma se vertroueling word, selfs al…

“EK EN DENVER IS VERSKILLEND – EK IS DIE STILLER EEN, MAAR MENSE WAT MY GOED KEN, SAL VIR JOU KAN SÊ EK IS OUTGOING.” INGRID Dis asof sy steeds in ‘n mate die onttrekkingsimptome van die groot skuif uit Gauteng aanvoel. Asof sy haarself nou in die Kaap bevind met Jo'burg se beat wat nog in haar binneste klop. En, dit voel nog inderdaad asof sy en haar gesin se lewe in die lug hang, sê Ingrid Paulus (47). Nadat 7de Laan sy deure gesluit het, het sy verlede Desember sak en pak Kaap toe verhuis. Manlief Denver Vraagom (52) en hul oudste, Skye-Bella (20), was toe al reeds in die Kaap. Maar selfs al sit sy nou al byna ‘n jaar lank in die regisseurstoel van die gewilde…

In hulle huis vra die een seker nooit die ander om ‘n te stywe deksel of kraan oop te draai nie. Of om iets op te tel nie. Want aan spiere is daar in dié huwelik ‘n oorvloed, en aan krag geen gebrek nie. Dit was juis liggaamsbou wat dié twee eers bymekaargebring het, en Alyssa Ramdass (30) en Kiran Singh (38) verstaan mekaar se ysere dissipline en toewyding aan die sport maar alte goed. Want hulle oefen nie net ure lank elke week nie, hulle volg ook vir 37 weke van die jaar ‘n streng eetplan om topfiks te bly. Maar dis als die opoffering werd, glo hulle, want albei het Protea-kleure in liggaamsbou en het al topprestasies hier en oorsee behaal. Kiran, ‘n brandweerman by die Msunduzibrandweerstasie in…

Eyeliner wat aandag trek is hoogmode net waar jy kyk! Of jy nou ‘n daring nuwe voorkoms soek, of net lus is vir bietjie rondspeel, grafies-omlynde oë is ‘n goeie manier om jou kykers te beklemtoon en te laat ‘pop’. Van helder lyne tot vorms en patrone – daar is iets vir elke smaak. Ons wys jou vyf maklike maniere om ook jóú oë die praatwerk te laat doen. LYN BOKANT DIE OOGVOU Die floating crease is een van die maklikste style. Met dié een word die lyn nie naby jou wimperlyn getrek nie, maar enige plek bo dit – meestal net bo die oogvou. Anders as die tradisionele manier waar lyne inge-blend word, is dié styl juis grafies – dit word duidelik getrek. Die look is dramaties genoeg dat…

Haar komvandaan is nederig, maar haar reis merkwaardig. Want waar Sheena Paulus (41) eens als kosbaar in haar lewe verloor het – haar besigheid, haar man en haar huis – het dié feniks in ware entrepreneursgees uit die as herrys en haar visie vir haar hartsprojek bewaarheid. Waar sy eens haar en haar lewensmaat, Regan (44), se logistics-besigheid moes laat likwideer, floreer Sheena nou vroualleen deur haar Tri Toad Nursery. Dié groothandelkwekery in Philippi in die Kaap het ooreenkomste om van die land se vernaamste kwekery van groente-, kruie- en blomsaailinge te voorsien. En sy't nooit eens haarself in landbou gesien nie. En nou het haar uithouvermoë boonop verdere vrugte afgewerp toe sy onlangs aangewys is as die medewenner van die spesiale ministeriële toekenning in die 2024 WesKaapse Vroue-entrepreneurstoekennings. En…

NR. 323 WEN R350 KONTANT! ? VRAAG: Watter aktrise en sangeres deel haar lewensverhaal met Kuier (naam)? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 13 November 2024. SMS/R1,50. Die oplossing verskyn in die uitgawe van 5 Desember 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 13 NOVEMBER 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Dis tyd dat ons as ‘n gemeenskap ‘n familievergadering hou, want dit kan nog nooit in 2024 gebeur dat sommige mense steeds dink om vir iemand te sê, “jy is darem dik” of “vet” is ‘n conversation starter óf ‘n kompliment nie. Wag, gaan soontoe! “Halie-ha”, soos Suidooster se Mymoena Samsodien altyd sê. Dis net nie reg nie. Nou kyk, hierdie “jy's darem vet”opmerking hoor ek al my hele lewe lank. Vandat ek ‘n klein meisietjie was. Ek het dit sommer op sewe- en agtjarige ouderdom al gehoor toe ek nog blote kind was (en nog bitter ver van my size 2XL-lyf van vandag). En die meeste van die tyd was dit ouer anties wat die meeste te sê gehad het oor ‘n ander antie se kind se figuur. Dis…