Tabla de contenidos para 1 August 2024 en Kuier

Vrouemaand is hier en die kollig val weer opnuut op vroue en die merk wat hulle maak en hul rol in die samelewing. En in hierdie uitgawe word vroue in al hul glorie gevier! Dié voorblad is ekstra-spesiaal, want dis die eerste keer dat die vier Idols-wenners Karin Kortjé, Jody Williams, Sasha-Lee Davids en Paxton Fielies sáám op 'n voorblad pryk. Toe ek onlangs op social media sien dat hulle vier almal by 'n konsert in die Kaap gaan optree, het ek dadelik geweet: Dié dinamiese vroue móét ons net as voorbladsterre vir ons eerste uitgawe van Vrouemaand vasmaak. Die versoek is ingesit, boodskappe het oor en weer gevlieg, ons het die groenlig gekry, en kyk net die pragtige eindresultaat! Karin, wat in 2005 die sangkompetisiereeks gewen het, maak oop…

Daar is geen boksie waarin Sharifa Ferris (40) pas nie. Sy kyk jou reguit in die oë as sy sê: “Ek ís wie ek is, en ek is geweldig trots daarop.” Vrou, ma, entrepreneur en politikus – dís wie. Maar nie een van dié dinge het enigsins met die klap van haar vingers gekom nie. Inteendeel. Sy is 'n paar taai klappe deur die lewe toegedien. In die swaarkrytye het sy vasgebyt en besluit sy sál 'n goeie legacy nalaat. Sharifa gesels met Kuier vanuit haar huis in Kimberley op 'n bewolkte wintersoggend. Dié ma van drie en grootmaakma van twee laat jou vinnig gemaklik voel in haar hartlike, warm geselskap. Sy is haar hele lewe nog deel van die Kimberley-gemeenskap en voel dít is waar God haar geplant het…

Hulp vir hande Twee lesers, 'n handyman en 'n kantoorwerker, ervaar erge gewrigspyn en gevoelloosheid in hul vingers. Hulle wil by dr. Jolene weet: Wat is carpal tunnel-sindroom en hoe word dit behandel? Antwoord WAT IS DIT? Carpal tunnel- (karpale tonnel)sindroom is een van die algemeenste handtoestande. Dit word veroorsaak deur druk op die mediaansenuwee in die karpale tonnel van die pols. Die karpale tonnel is 'n smal gang omring deur bene en ligamente aan die palmkant van die hand. Wanneer die mediaansenuwee saamgepers word, kan simptome gevoelloosheid, tinteling en swakheid in die duim en vingers insluit. WAT VEROORSAAK DIT? Druk op die mediaansenuwee. Dit loop van die voorarm deur 'n gangetjie (die karpale tonnel) in die pols na die hand en gee sensasie aan die palmkant van die duim…

Party name vir suiker, soos fruktose en glukose, is maklik om te herken. Maar daar's talle ander name wat dit moeilik maak om dit op kosetikette raak te sien. Hier is 56 name vir suiker waarvoor jy jou oë kan oophou. Ons gee die Engelse benamings nes dit op die etikette verskyn. ■ Agave nectar ■ Barbados sugar ■ Barley malt ■ Beet sugar ■ Brown sugar ■ Buttered syrup ■ Cane juice ■ Cane sugar ■ Caramel ■ Carob syrup ■ Castor sugar ■ Confectioners' sugar ■ Corn syrup ■ Corn syrup solids ■ Date sugar ■ Dehydrated cane juice ■ Demerara sugar ■ Dextran ■ Dextrose ■ Diastase ■ Diastatic malt ■ Ethyl maltol ■ Florida crystals ■ Fructose ■ Fruit juice ■ Fruit juice ■ concentrate ■ Galactose…

Volwassenes met ADHD het algemene ervarings wat die volgende insluit, sê die Amerikaanse psigiater en ADHD-kenner dr. Edward Hallowell: Verhoudingsuitdagings: Dis maklik dat ADHD-simptome verkeerd geïnterpreteer kan word as onbeskoftheid, of 'n gebrek aan respek. Geliefdes mag dink die persoon luister nie na hulle nie en dat hulle nie beloftes nakom nie. Dié met ADHD kan gekritiseer en vasgevang voel deur ander se verwagtinge. Moeilikheid by die werk: Swak uitvoerende funksionering kan probleme met prestasie veroorsaak. Volwassenes met ongediagnoseerde of onbestuurde ADHD vind dit dikwels moeilik om werk te behou en kan ook sukkel om genot in hul werk te vind. Behandeling, hetsy met medikasie, terapie of afrigting, kan baie help, asook om 'n loopbaan te vind wat by die persoon se sterkpunte en uitdagings pas. Lae selfvertroue en self-tyd:…

Tuinmaak hou jou jonk en laat jou langer lewe, glo Constance Stuurman (53), tuin- en blomkunstenaar by die spogplaas Babylonstoren in Franschhoek. Haar groen vingers het sy by haar ouma en oumagrootjie geërf, wat elk langer as 'n eeu geleef het! En dié joppie voel allermins soos werk, sê sy self, want so passievol oor tuinmaak soos sy is, is elke dag daar vir dié gebore natuurkind 'n, uhm, walk in the park. Toe sy op 17 met skool klaarmaak, het Constance 'n gap-jaar gevat. “Die geleentheid was daar om te gaan swot, en eintlik moes ek 'n ingenieur geword het,” vertel sy. “Al het ek verskeie kantoorwerke gedoen, was tuinmaak maar in my bloed. Ons test drive mos als om te kyk waar ons inpas. Sou ek dieselfde liefde…

Dit was 'n Saterdagmiddag toe ek my pa vra vir 'n bicycle. Ek was ses. Ons was dié dag voor in ons jaart toe ek die wens uiter – my pa besig om gras nat te spuit en ek by die tuinhek aan't kyk hoe 'n paar kinders op fietse in die pad op en af ry. “Jou ogies is te swak, my kind. Jy gaan teen die karre vasry. Waar gaan ons dan weer 'n Wilmarie kry?” antwoord my pa. “Issie, Dedda,” mompel ek hartseer, pleitend. Maar my pa vryf troostend oor my kousvlegsels. Hy spat speels 'n paar druppels op my tot ek eindelik lag. Hy probeer hard om my te laat vergeet van bicycle ry . . . en seerkry. Daai dag by die hek identifiseer ek…

“Te bang om te ry”, 18 Julie Dis my grootste vrees om in 'n kar te klim. Dan lyk dit my hart kan uit my borskas spring! CELESTE PIETERSE Vandat ek 'n paar jaar terug in 'n motorongeluk was, het ek 'n vrees vir die pad. Ek kry skoon stilstuipe. Ek haat daai gevoel. QUINTILLA BADENHORST Ek het my vrees vir ry ná 10 jaar oorkom en dis die lekkerste gevoel ooit om nou weer die afgelope twee jaar te bestuur en nie meer te wag vir my man nie. CHANTEL ROUSSEAU Haai shame, dit moet darem erg wees. The devil is 'n liar. Overcome that fear. Hier moet ek net keer, want ek wil net weg wees. MATRICIA MOSES “Die stille gevaar in jou huis”, 18 Julie Sjoe! Die…

Verbeel jou 'n onderwysminister wat nes die land se leerders hou van die musiek van rappers soos Jay-Z . . . “No jokes?” sal die kinders mekaar dalk beïndruk vra. Ja, want haar naam is Siviwe Gwarube – en sy het onlangs geskiedenis gemaak as die jongste kabinetsminister tot nog toe in die demokratiese Suid-Afrika. Haar inhuldiging as minister was 11 dae voor haar 35ste verjaardag (op 14 Julie). Sy is een van ses DA-ministers in die regering van nasionale eenheid. “As jy my verlede jaar gevra het of ek dink ek sou in 2024 'n kabinetsminister wees, sou ek waarskynlik nee gesê het,” sê sy. “Ek is ongelooflik opgewonde!” Aan kritiek dat sy te jonk en onervare is om oor te neem by Angie Motshekga - wat 15 jaar…

KOS ROMERIGE HOENDERPASTEI Genoeg vir 6-8 mense BESTANDDELE Vulsel ½ koppie sago, geweek in 1 koppie water 1 eetlepel olie 1 eetlepel botter 400 g gemengde sampioene, in skywe gesny 2 leeks, in ringetjies gesny 2 knoffelhuisies, gekap 1 koppie hoender-stock 1 koppie rooibostee ¼ teelepel fyn naeltjies ¼ teelepel fyn nutmeg 4-6 hoenderborsfilette 1 eetlepel meel in 1 eetlepel water gemeng ½ koppie suurroom sout en peper Deeg 1 koppie koekmeel 'n knippie sout 125 g koue botter, in blokkies gesny 1 eiergeel Afronding 1 eiergeel gemeng met 1 eetlepel water METODE Voer die bodem van 'n 23 cm-losboomkoekpan met bakpapier uit. Bespuit goed met kossproei. Vulsel ■ Dreineer die sago, spoel goed af en hou eenkant. ■ Verhit die olie en botter in 'n diep pan en braai die sampioene tot sag. Voeg die leeks en knoffel by en stir fry tot geurig. ■ Giet die stock,…

Hoe begin mens oor? Vraag STUKKEND NÁ EGSKEIDING Antie Val, ek is skaars 30 en klaar geskei en 'n enkelma. Die pa van my kind het net eendag besluit hy wil nie meer getroud wees nie. Ek sukkel om die stukke op te tel en wil 'n goeie ma wees vir ons kind, maar ek het partydae nie eens die krag om myself te uplift nie. Hoe begin mens oor? ANONIEM Antwoord BESTE ANONIEM Om oor te begin is 'n groot, scary taak. Om alles wat jy vir lank geken het, te verloor, is bitter moeilik. En om net aan te gaan is ewe moeilik. Maar dis nie nodig om oor te begin nie. Dis net nodig om aan te hou. Op dae wat jy nie eens krag vir jouself…

Hou op verwerkte voedsel koop Maak seker dat jou bord meestal bestaan uit kosse wat so na as moontlik aan hul natuurlike toestand is. Dít beteken meer groente en vrugte, vleis, pluimvee en vis, gewone neute en sade, en peulgewasse soos droëbone, chickpeas en lensies. Drink koffie en tee sonder suiker As jy nie die gedagte kan verdra om dadelik jou warm drinkgoed sonder suiker te drink nie, begin deur een teelepel minder te gebruik, dan 'n halwe en later heeltemal niks. Doen 'n bietjie sommetjies as ekstra motivering oor hoekom dit 'n goeie stap is: As jy drie koppies koffie en tee per dag drink met drie teelepels suiker, het jy reeds nege teelepels suiker in jou lyf – en dis behalwe al die ander versteekte suikers in die…

NR. 173 aankondig aframmel afrig breyani brok bybring cholera depressie droog einde elite etensuur fakkel formeel galop garing gebeure histories hooikoors infiltreer inname jokkie joviaal kardoef kameel koor korf lokval luister medium monopolie nanag netjies neus onder oorsaak paddastoel parfuum passie rofstoei ruit rustig sekelmaan skarlaken teenspoed trommel troue uitwyk vorm wikkel OPLOSSING VERSKYN IN DIE UITGAWE VAN 15 AUGUSTUS 2024. SOEK VIR DIE SPELETJIENOMMER.…

As eerstejaarstudent het ek gedoen wat die meeste studente doen. 'n Heel nuwe wêreld het vir my as plattelandse meisie oopgegaan, en toe ek in my derde jaar so ernstig begin raak oor my studies en my nuwe reis, was dit vir baie mense naby aan my moeilik om hierdie ommeswaai van tipiese-student-Farren na amper-dominee-Farren te verwerk. Ek het baie van my vriende verloor. Dink ek nou daaraan terug, besef ek dit móés gebeur – ek moes plek maak vir nuwe mense in my lewe wat op dieselfde reis as ek was. Ek het geleer ek moes my omring met mense wat my vorentoe sou vat in die lewe. Mense wat positiewe dinge tot my lewe sou bydra. Mense wat my in my roeping sou ondersteun. Mense wat sou kies…

INSPIRASIE Toe sy as kind in Woodstock haar ouer susters se grimering gegaps en op haar eie gesig begin oefen het, sou sy nooit kon droom dat sy eendag op internasionale verhoë bekroon sou word vir haar werk as haarstilis en grimeerkunstenaar nie. Of dat tot oudpresident Nelson Mandela in haar grimeerstoel sou beland nie! Gale Shepherd kan toor met haar grimeerkwas – en nou kan dié Kapenaar ook 'n Emmy-toekenning by haar CV voeg. Dié 64-jarige ma van drie het onlangs 'n gesogte Daytime Emmy-toekenning vir haarstilering en grimering gewen vir die Netflix-dokkiereeks African Queens: Njinga, wat op 'n Angolese vegter-koningin gegrond, en vervaardig en narrate is deur die Hollywood-ster Jada Pinkett Smith. Nou, ná byna 30 jaar in die bedryf, brand haar vlam nog hoog vir haar werk.…

BOSS-BAADJIES Jy kan nooit verkeerd gaan met modieuse baadjies nie. Dis 'n staatmaker wat jy onder jasse in wintermaande kan dra en ook breezy genoeg om oor rokke en tops in lente te dra. Jy kan dit formeel hou met broeke, of informeler met jeans. Die aktrise TIA MOWRY (46) wys wie's baas in haar grys pak by die onlangse Essence Black Women in Hollywood-toekennings in Los Angeles. Ons is mal oor haar wyepypbroek en oorgrootbaadjie. Dit gee haar 'n funky edge. 1. MET SPEELSE PATROONBROEKE Vat inspirasie by die aktrise CRYSTAL DONNA-ROBERTS (39) en wees gewaagd – rock 'n baadjie by 'n deurskynende patroonbellbottom. Rond dit dan af met gemaklike wit tekkies. NÓG 3 MANIERE OM DIE BAADJIE TE DRA 2. MET SKIRTS Die Wednesday-aktrise JENNA ORTEGA (21) dra…

SMS OM IN TE SKRYF! VOLTOOI: Sy is Gamora in die Guardians of the Galaxy-flieks. SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 21 Augustus 2024. SMS/R1,50. Die oplossing verskyn in die uitgawe van 12 September 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 21 AUGUSTUS 2024. GEEN WHATSAPP-BOODSKAPPE WORD MEER AS INSKRYWING AANVAAR NIE.…

SIELSKOS MET Ernusta Ek het as skoolkind allerhande plakboeke gemaak met knipsels uit tydskrifte en koerante. Dit was alles goed wat my gemotiveer of laat goed voel het, maar wat ook as 'n kreatiewe uitlaatklep gedien het waarop ek myself op papier kon uitdruk; om uit te figure wie ek nou regtig is, en die tipe vrou na wie ek streef om te wees. Ek het byvoorbeeld songbooks gehad waarin ek al die gewildste songs at the time se lirieke neergeskryf het; of dié wat ek in die Rapport kon kry, het ek sorgvuldig versamel, uitgeknip en in my songbook geplak. My sussie herinner my steeds aan die dae toe ek voor ons musiektoestel sou sit en radio luister en wag vir my songs om te speel sodat ek dit…