Tabla de contenidos para 14 September 2023 en Kuier

As kind was daar vir my niks lekkerder as om die blokkiesraaisels in te vul in die tydskrifte wat ons huis vol gelê het. Dit het ure se genot verskaf, en só tussen die invullery en gekopkrap en gerondvra vir antwoorde deur, het ek sommer nuwe woorde en talle local celebs se gesigte leer ken. Op Kuier se WhatsApp-lyn het een leser onlangs gevra: “Wanneer bring julle weer ‘n KuierCombo Speletjies uit?” Wel, die gewag is verby! Ons derde KuierCombo Speletjiestydskrif is nou op die rak, en dit sal jou hele gesin vir ure besig hou. Daar is 110 raaisels om van te kies en keur, van mini-, groot-, en fotoblokraaie tot woordsoeke en sudoku's. Vir die jongspan is daar ook allerhande fun speletjies. Maak seker jy gooi jou gesin…

Die geniepsigheid van die wind het gaan lê; die hemelsluise is toe, en die somberheid van die winter het stelselmatig verdwyn. Dis lente in haar volle prag! Nes die seisoene in die natuur verander, só verander dit ook in ons lewens. Prediker 3: 4 lui: “Daar is ’n tyd om te ween en ’n tyd om te lag; ’n tyd om te weeklaag en ’n tyd om van vreugde rond te spring.” Elke mens ervaar sý tyd en lewenseisoene. Psalm 139:16 sê: “U oë het my ongevormde klomp gesien; en in U boek is hulle almal opgeskrywe: dae dat alles bepaal was, toe nog geeneen van hulle daar was nie.” Met die aanvang van lente begin mense spontaan hul huise ophelder. Swaar gordyne maak plek vir vrolike gekleurdes, en winterkomberse…

Soms gee die hartseerste oomblikke in jou lewe geboorte aan ’n splinternuwe ervaring wat jou op ‘n ontdekkingsreis vat waarop jy nooit andersins sou gegaan het nie. Dís wat gebeur het toe die Kaapse tiener Leila Alexander op 13 Januarie 2021 haar ouma Marion Edith Alexander aan die dood afgestaan het. Leila (nou 13) wou iets doen om aan haar ouma se memory lewe te gee. Toe vat sy ’n pen en begin skryf. Die woorde het uit haar gevloei, en só het haar eerste gedig die lig gesien. Daarin bring sy hulde aan haar geliefde ouma. En sedert sy daardie heel eerste gedig geskryf het, het dié tiener nog nie weer haar pen neergesit nie. Leila het in Februarie vanjaar haar eerste boek, Young Mind . . . Unspoken…

BOEREWORS-PIE'TJIES Lewer ongeveer 16 pie'tjies BESTANDDELE 1 × 400 g-rol puff pastry meel (vir strooi) 1 eiergeel, gemeng met 1 eetlepel water 1 rooi- of bruin-ui, geskil en in dun ringetjies gesny 1 eetlepel sesame-saad (opsioneel) 300 g boerewors, in die helfte gesny Vir voorsit dip van jou keuse METODE Voorverhit die oond tot 180°C. Voer ’n groot bakplaat met bakpapier uit. ⏹ Plaas die deeg op ’n meelbestrooide oppervlak. Verf liggies met die eiergeelmengsel. ⏹ Pak die ui op die deeg en sprinkel die sesame-saadjies oor, indien gebruik. Plaas ’n ekstra vel bakpapier bo-op die deeg. Keer die deeg om (bakpapier na onder) en rol liggies uit. ⏹ Sny die deeg in die lengte in die helfte. ⏹ Sit een van die boereworsstukke in ’n reguit lyn in die lengte van een…

Aambei-eina Vraag HOE NOU MET AAMBEIE? Ek dink ek het aambeie. Ek loop al moeilik. Is daar enige raad of huisrate daarvoor? ANONIEM Antwoord BESTE ANONIEM Aambeie is spatare van die “fondament”, of die anale area, en glad nie kwaadaardig soos baie mense vrees nie. Dit ontwikkel as gevolg van verhoogde druk in die anusgebied oor ’n lang tydperk. Die are ontsteek en begin swel, en hardlywigheid is die algemeenste oorsaak. Ander faktore soos swangerskap, vetsug, onaktiwiteit, swaar voorwerpe dra, anale omgang en langdurige diarree (maagwerk) verhoog die risiko om aambeie te ontwikkel. HOE WEET EK DIS AAMBEIE? Dié diagnose kan slegs deur ’n gesondheidswerker (opgeleide suster of dokter) gemaak word. Aambeie kan binne (interne) of buite (eksterne) die anus wees. Indien die aambeie baie erg is, kan lank sit…

1. Vriend eerder as vyand Ons het almal innerlike dialoog wat ons gedagtes en optrede lei, maar jy kan jou innerlike stemmetjie as ’n vriend pleks van ’n vyand beskou. “Praat met jouself nes jy met ’n vriend sal praat,” sê Belinda. “Aanvaar nuttige gedagtes en gooi die res weg.” Die deursneemens het elke dag sowat 60 000 gedagtes, sê Rosa. “Jy het dus 60 000 kanse om jou selfbeeld op te bou of af te breek.” 2. Leer jou innerlike critic ken Wees bewus van wanneer daai stemmetjie hul verskyning maak, sê Belinda. Identifiseer die plek, tye en gebeure of mense wat dit veroorsaak. “Dít sal jou help om daarop voor te berei en maniere te vind om negatiewe gedragspatrone te verander.” 3. Fokus jou aandag op iets anders…

Vir jou vensters Meng water, witasyn en skottelgoedseep in ’n bottel om aan te spuit en mee te was. Vir jou oond Verhit die oond tot 180ºC. Meng water en witasyn in ’n oondvaste bak en laat die bak vir 30 minute in die oond staan. Vee dan die kondensasie af met kombuispapier. Vir dreinreuke Gooi koeksoda en witasyn in die drein af en spoel dit met warm water af. Vir vlekke op jou mat Maak die vlek nat met sodawater; die borrels daarin sal help dat die vlek boontoe kom. Gooi dan tafelsout bo-oor en los om droog te word. Gebruik jou stofsuier om dit verder skoon te maak.…

1. OUTORITÊR Dis die onbuigsame styl waar alles daaroor gaan om struktuur af te dwing en kinders te beheer. Wanneer kinders ouers vra om reëls te verduidelik, antwoord dié ouers met “sommer” of “omdat ék so sê”. Ouers wat dié benadering volg, sukkel soms om hul kinders te laat voel dat hulle gehoor en verstaan word. 2. PERMISSIEF Sulke ouers luister na alles wat hul kinders sê, maar het omtrent geen struktuur of beheer nie. Daar is geen grense of reëls in die huis nie, en die kinders veroorsaak chaos oral waar hulle gaan. 3. SAG Dié benadering probeer ’n middeweg tussen die boonste twee vind. Daar is struktuur en beheer (die ouers het die laaste sê), maar kinders weet hulle word gehoor en dat hul gevoelens in ag geneem…

NR. 296 WEN R350 KONTANT! VRAAG: Wie draf tans vir die “groen-en-goud” uit in die nr. 10-trui? SKRYF SÓ IN: Vul die Blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 4 Oktober 2023. SMS/R1,50. Die oplossing verskyn in die uitgawe van 26 Oktober 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BLOKRAAI EN HUL BESONDERHEDE VERSKAF. DIE SLUITINSDATUM IS 4 OKTOBER 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

SIELSKOS MET Frnusta As daar een ding is wat die afgelope jaar my geleer het, is dit dat die seisoene in ons lewens netso veranderlik is soos die seisoene in die weer wat ons beleef. Ek dink in tye wanneer ons soms antwoorde soek vir die storms óf reënboë in ons lewe, vergeet ons om ’n bietjie dieper te kyk in die simboliek agter die seisoene wat ons dalk net as weerveranderinge ervaar. Die natuur is elke dag vol lesse; ons moet net leer om stil te word, te reflekteer en vas te stel wat elke seisoen, goed of sleg, vir ons wil leer. Die helder somerson herinner my altyd daaraan dat ek lewendig is en dat elke dag blink en helder voor my uitstrek; die oorskakeling na herfs herinner…

Skrywers word gewaarsku dat mooi skryf nie meer by uitgewers byval vind nie. Maar ek vra: hoe beitel jy die taal, kerf dit weg, stroop wat met hartestof te doen het? My terugkeer na Suid-Afrika is so iets. Ná 10 jaar in ’n ander land, keer ek na eie bodem terug. Net om dít te sê, vat aan my. Maar selfs dít is nog nie naby die dieper gevoelens nie. My terugkoms is nie eenvoudig nie. My tyd in Frankryk was die gevolg van ’n verhouding. Interessant dat ek en Claudie (’n Franse burger) op die internet ontmoet het, vir nege maande e-pos, telefoonoproepe en uiteindelik Skype gehad het om mekaar te leer ken. En, ja, daar is altyd gevare in so ’n verhouding, maar vir ons het dinge pragtig…

“Bloubaadjies is hul roeping, ” 31 Augustus 2023 Mag God julle behoed, bewaar en beskerm [Francois Visser, Nicole Visser, Nolan Fisher en Aiden Januarie]. DENISE FOURIE Congrats, julle! Mag goedheid en guns julle volg al die jare in julle roeping. En mag God julle behoed en bewaar. Amen. HILARY HILES “Adriaan druk deur,” 31 Augustus 2023 Welgedaan [Adriaan Wildschutt]. Ons SuidAfrikaners is baie trots op jou. Hou aan met die goeie werk. DIANA FORTUNE Geluk, jongman. Op God se tyd sal Hy deurkom vir dié wat nederig is en glo. Jou ma is sekerlik trots op jou. CHRISTELL SEPTEMBER “’n 2-in-1 vir Sherlin,” 31 Augustus 2023 Jy lyk pragtig [Sherlin Barends]. Wat ’n dubbele verrassing! SUSAN VAN ZYL Baie geluk, Sherlin. Dit is ’n seën uit die hand van God.…

Ons het haar leer ken as die borrelende brunet en DJ van Good Hope FM en 5FM, aanbieder van die reality show Big Brother SA en leefstylreeks Top Billing, en die eerste wenner van Strictly Come Dancing SA. Nou, ná ses jaar, is Zuraida Jardine (48) weer terug op TV! “Zee” – soos sy alombekend is – en haar gesin het onlangs na Groenpunt in Kaapstad verhuis en nou kuier dié stylvolle ma van twee Dinsdae om sesuur saans in ons sitkamers op die geselsprogram Afternoon Express op SABC3. Zuraida het in haar tyd weg van die kollig oorsee gegaan, ma geword én haar lyf student gehou terwyl sy gefokus het op haar studies in sielkunde en wellness. As voltydse student het sy sommer ook onder meer ’n honneurs- én…

Peer LESLEY-ANN BRANDT Dié lyfvorm het groter heupe, met ’n smal middel, kleiner borste en smal skouers. Maksirokke soos dié wat die Lucifer-aktrise Lesley-Ann hier op ’n aand uit in Los Angeles dra, pas perfek by dié lyfvorm. DÍT WERK BESTE • Trek die aandag weg van jou heupe met hemprokke of embellished neklyne. • Beklemtoon jou middel, rug of neklyn met prettige topvorms wat byvoorbeeld ’n oop rug, groot moue en ’n belt het. • A-lyn- en maksirokke is veral vleiend, veral dié met soomlyne wat onder die knie val. Appel OPRAH WINFREY n Appelvormige lyf het geen gedefinieerde middel nie en kleiner heupe. Die borste is gewoonlik middelslag tot groot. Die kletskoningin Oprah dra ’n V-nekhemp en satynbroek met ’n hoë middel om haar lyf te frame en…

Baie van ons het daardie een vriendin, familielid of vertroueling wat maar alte gou troos as ons liefdesake net nie wil regsê nie. En as dinge moeilik raak, gee daai een sommer gou raad. Dit klink dalk na wyse raad – en dit laat jou selfs beter voel –maar dit kan jou soms op ’n dwaalspoor neem. Want partykeer veroorsaak dié paaiwoorde dat jy die gesonde oordeel van jou eie binnestemmetjie ignoreer. En dikwels is die wenke wat jou naastes uitdeel eintlik goedbedoelde witleuens om jou te vertroos, eerder as goeie raad. Verhoudingskenners sê jy moet dié witleuens maar met ’n knippie sout vat. WITLEUEN 1: ‘Liefde is genoeg’ Hoekom is dit misleidend? Dalk het jy dít al gehoor: “Solank julle mekaar regtig liefhet, sal julle dinge kan laat werk.”…

Sagte ouerskap vereis dat jy kalm moet bly, selfs al doen jou kinders goed wat jou die horries gee en wil laat gil van frustrasie. Jy moet leer om terug te staan wanneer jou kind stout is, ’n woedeuitbarsting het of dikmond is. Haal asem en onthou dat jy ’n volwassene is – so, tree logies en bedagsaam op. Soms gaan jy mooi moet nadink en goed moet luister om te verstaan watter emosies jou kind in die oomblik beleef. Jy gaan moet reageer op ’n manier wat nie deur jou eie emosies (soos woede of ongeduld) bepaal word nie, maar eerder jou beter insigte oor wat vir jou kind die beste sal wees.…

NR. 217 VRAAG: Wie speel die hoofkarakter in Heart of Stone? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 4 Oktober 2023. SMS/R1,50. Die oplossing verskyn in die uitgawe 26 Oktober 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 4 OKTOBER 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1000…

Hier is hope flieks om van te kies en keur DIE GROOT DAG Dis Wêreldbekerrugby-tyd! Op 28 Oktober ding die laaste twee spanne in die Stade de France in Frankryk teen mekaar mee om die gesogte Webb Ellis-trofee. Maar wat maak jy as jou skoonsus op die eindstryddag trou? Dís die dilemma van die rugbymal swaers Jimmy en Riaan wanneer hul vroue se jonger suster op dié dag trou. “Ek is ’n baie groot sportliefhebber, en my grootste vrees is om ’n belangrike wedstryd mis te loop,” sê die fliek se vervaardiger, Danie Bester. “Ek bestudeer lank voor die tyd die sportkalender om seker te maak niks bots nie.” Bekendes in die rolverdeling sluit in Francois Jacobs en Johan Joubert as die twee swaers, en die drie susters word gespeel…

D aar is ’n effense frons tussen Brent se wenkbroue toe hy opkyk. “Dis Ma-Mart! Waar kry jy hierdie foto, Sons?” “Pappa het dit vir my gegee kort voor hy oorlede is,” antwoord Sonja. “Die dag toe hulle my aangeneem het, het hy dit tussen die klere wat ek aangehad het, gekry.” Die frons op haar verloofde se aantreklike gesig verdiep. “Wát?” Dis ’n rukkie stil voor Sonja weer praat. “Pappa het vermoed my biologiese ma kon dit op die een of ander manier regkry om die foto tussen die babaklere aan my lyf te versteek. Toe ek vroeër vir Antie Mart gaan nagsê het, het ek ’n vergrote weergawe van dieselfde foto teen haar kamermuur gesien.” Brent se oë vernou. “Ma-Mart was 18 toe die foto geneem is. Met…

Die lente bring nuwe lewe. Alles blom; dis ’n tyd vir vernuwing. En nes met elke seisoen, bring die lewe ook nuwe hoofstukke – met die soet én die suur. En soms verg dit dat jy in jouself moet invest om ’n beter mens te raak vir jóú seisoen. Maar g'n mens kan ook uit ‘n leë beker skink nie. Dít weet die aktrise Lauren Joseph, bes bekend as die vurige en ambisieuse Zoë du Plooy in die gewilde sepie Suidooster, alte goed. Ons ontmoet die borrelende Lauren kort voor haar verjaardag op ’n sonnige amper-lentedag by ’n restaurant in die Kaapse middestad. Die gesprek skop sommer dadelik af met wat veranderende seisoene en groei vir haar beteken. “Ek is ’n lentebaba, maar eintlik ook ’n all seasons-mens,” vertel Lauren,…

Sy probeer meestal positief bly, want dís hoe haar bekende kosskrywer-sus wil hê hulle vorentoe moet beur. Maar Gadija Sydow-Noordien (49) erken ruimhartig: sy hét haar oomblikke. Dan “ugly cry” sy uit haar keel uit oor haar tweelingsus, Fatima Sydow, se fase 4-kankerstryd. “Ek huil so hard dat selfs my man (Yaseen) skrik, maar as ek klaar is, voel ek beter. Ons moet sterk staan saam met Fatima. “Maar ek sal lieg as ek sê dat ek nie soms crumble en lekker uitrafel nie,” vertel sy vanuit haar huis in Mitchells Plain op die Kaapse Vlakte. Soms hoor jy darem nog van die kwinkslae deurskemer waarvoor dié gewilde Kaap, Kerrie en Koesisters-duo so geliefd was op TV. Laas jaar het Gadija ook haar eie gesondheidstryd beleef ná ’n ernstige beroerte-aanval.…

Wêreldbeker-rugbykoors loop hoog! En hoewel die meeste mense in ons land se bloed groen in hul are vloei, is die steun vir die All Blacks in Suid-Afrika – en veral in die Wes-Kaap – g'n grap nie. Met die onlangse opwarmwedstryd waarin die Bokke die “Swart Gevaar” hul grootste pak nóg gegee het (35-7), was die skreeusnaakse videoboodskappe tussen supporters soos ds. Farren Cloete van Lambertsbaai (’n vurige All Black) en die bekende TikTokker Schaney van Wyngaard van Oudtshoorn (’n groot Bok), amper meer vermaaklik as die aksie op die veld. Ons het gaan inloer by lesers waar een helfte van die familie stoere Bokke en die ander helfte die haka met húl span uitkap. “Ek is ’n Bok vandat ek ’n laaitie is en hulle sien speel het. Hulle…

VERBRUIKER Dis genoeg om ’n mens te laat huil wanneer jy kyk van die strokie in jou hand na die winkelsakkie op die toonbank, en weer terug. Ons betaal ál meer vir ál minder, en jissie, mens weet nie aldag hoe jy nóg meer die sente kan omdraai nie. Maar daar ís ’n paar sondebokke op jou inkopielysie wat jou shopping budget vinnig die hoogte laat inskiet: Al daardie skoonmaakprodukte wat jou kas so vol staan – ’n bottel vir elke hoekie van jou huis. Met ’n bietjie meer beplanning en ’n paar slim wenke om jou produkte langer te laat hou, kan jy só geld spaar sonder om met ’n vuil huis te sit. EEN PRODUK, BAIE FUNKSIES Pleks van om ’n skoonmaakmiddel vir elke hoekie in jou huis…

NR. 269 WEN R350 KONTANT! VOLTOOI: Babilon was 'n belangrike stad in antieke—. SKRYF SÓ IN: Vul die Bybel-blokraai in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, assok Bybel-blokraainommer na 42508 voor 4 Oktober 2023. SMS/R1,50. Die oplosing verskyn in die uitgawe van 26 Oktober 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF.DIE SLUITINGSDATUM IS 4 OKTOBER 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Toe hy ná skool sukkel om by plekke aanvaar te word om verder te gaan swot, én boonop moes toekyk hoe sy oudklasmaats die een ná die ander universiteit toe gaan, het Angelo Johnson (21) met homself begin worstel oor of hy dan nie goed genoeg is nie. Dis uit dié gevoelens wat sy gospel-song “U is my Alles” gebore is, want in die Here het hy sy toevlug gevind. Sy ma, Marilyn (41), kon ook nie net toekyk hoe haar kind se drome verdwyn nie. Sy't ’n agent vir hom gekry in die hoop dat hy sy voet in die deur van die vermaakbedryf kan kry. En nou, drie jaar later, begin die een deur ná die ander vir dié klong van Malmesbury oopgaan… Angelo woeker omtrént deesdae met…