Tabla de contenidos para 2026-04-08 en Isolezwe

SAZIWAYO ongaconsi phansi ebantwini abakhonze isintu, uNkosikhona Ndabandaba owaziwa ngelikaPhakel’umthakathi, usedalule ukuthi ukwenze ngabomu ukuthukusa izindaba zecala avulelwe lona. UPhakel’umthakathi usho kanje ekhuluma neSolezwe ngombhalo awunameke ekhasini lakhe likaFacebook izolo, lapho eveze khona ukuthi namhlanje uzovela eNkantolo yaKwaNongoma ngecala alivulelwe wumuntu wokufika, lokuthi angasondeli eduze kwakhe. Uthe sekuphele amasonto amathathu manje azi ngalolu daba njengoba waziswa ngalo maphakathi nenyanga edlule, ngesikhathi kufika abakwasidlodlo kuyena bezomazisa ukuthi kunomuntu othile ongowokufika kuleli zwe, omvulele leli cala elinamhlanje. “Nokho okwangidida kakhulu wukuthi kungani amaphoyisa engafikanga qathatha nalowo muntu kimina ukuze ngimbone ukuthi ungubani, kwase kungidida nokuthi kungani bala baphetha ukungichazela ukuthi wubani lowo muntu ngoba phela ecaleni elinjena, kuvame ukuthi kube kanjalo,” usho kanje. Uthe nokho uzonikela enkantolo ukuyozizwela mathupha ukuthi cala lini abekwe lona, nokuthi wubani omvulele lona. “Kodwa futhi ngiyakuqinisekisa ukuthi…

KUBHEKWE amarekhodi amasha emjahweni wanonyaka we-Totalsports Two Oceans Ultra Marathon onemiklomelo econsisa amathe. Lo mjaho waminyaka yonke ohlanganisa ibanga lika-56km nelika-21.1km, nonyaka uxhaswe yinkampani eyakha izimoto ezihamba ngogesi ehlonishwayo, i-BYD, nokuyiyona ezobanika izinyawo ezilula abayingxenye yalo mjaho kusukela kubagijimi kuya kubaqeqeshi nezikhulu. Owebanga lika-56km, nokuyiwona obhekwe kakhulu, uzogijinywa ngoMgqibelo kusukela ngo-5.15 ekuseni, kuthi u-21.1km uqale ngo-6.15 ekuseni ngeSonto Owanonyaka umjaho uxhaswe ngesizumbulu sika-R2.6 million, ohlanganisa imiklomelo yawo womabili amabanga. Ku-56km, ozophuma phambili kwabesilisa nabesifazane uzokhala emuke no-R380 000, isibili kube u-R220 000, isithathu kube u-R100 000. Imali yompetha inyuke ngo-R130 000 uma kuqhathaniswa nonyaka odlule. Ku-21.1km ozodla umhlanganiso uzohlabana ngo-R50 000, isibili kube u-R30 000, isithathu kube u-R18 000. Nyakenye, uKhoarahlane Seutloali waseLesotho, ogijimela iHollywood Athletics Club, udle umhlanganiso kwabesilisa ku-56km ngesikhathi esingu-3:10:47. Isibili kwaba uSiboniso Sikhakhane we-Entsika Athletics Club…

AMNCOMILE ngesinqumo sokuqeda ngomshado wakhe noJabulani Xaba, odume ngelikaVJ, uSwazi Simelane, obengomunye wabebevela ohlelweni i-Being A Xaba, obelukhonjiswa njalo ngeSonto ngo-7 ebusuku, kuMzansi Magic. Kulolu hlelo olufinyelele emaphethelweni ngeSonto, unkosikazi kaVJ, uSwazi, ubhale enkundleni iTikTok ukuthi ukuba kulolu hlelo kube uhambo alujabulele, futhi wabonga ababukeli balo ngokubamukela emindenini yabo. "Siyabonga kakhulu bantu bakithi ngokusibukela, kube uhambo obelwehla lwenyukela kodwa siyabonga mina nezingane zami," kubhala uSwazi. Omunye wabalandeli bakhe, ube esemncoma ngokwenzeke esiqeshini sokugcina lapho abekhuluma khona nomyeni ethi akalalele izingane zakhe uma zikhuluma naye. Kodwa kuleyo nkulumo uSwazi uveze izindaba ezishaqisayo zokuthi useshiyile ekubeni umakoti kulo mndeni. "Ngiyabonga kakhulu sithandwa sami, angiseyona ingxenye yaKwaXaba uhambo lwami noNonkosi selufike ekugcineni," kusho uSwazi. Abanye bamncomile uSwazi besho ukuthi ngesinqumo asithathile uzibeke yena phambili. ULondiwe Shangase uthe:"Kodwa ngabe ngingumuntu omubi ngokungamjabuleli ngesinqumo…

HLABE wahlikiza okwenzeka KwaMaphumulo, lapho okunesizwe esizibiza ngaBafundi bakaJesu asebedele konke ezweni baze balaxaza nokudla imishanguzo yengculazi uSihlalo weKhomishini yaamaLungelo ezeNkolo, uNkk Thoko Mkhwanazi-Xaluva. Luyindaba egudwini udaba lwalesi sizwe njengoba sisanda kuphumela obala ngohlobo lwempilo esiyiphilayo. Umholi waso, uMfundisi Vusumuzi Sibiya, uveze ukuthi abantu abakhona sebeshiye amaphilisi ngoba bethemba uNkulunkulu ukuthi uyena ozobelapha. Usanda kuveza nokuthi abalubhadi ezibhedlela kunalokho umuntu bamkhulekela aze awuphonse umbalane. Okunye akuveza wukuthi kunabantu asebelaxaze imisebenzi, amabhizinisi bashiya nemindeni yabo. UNkk Mkhwanazi-Xaluva, uthe kungakuhle uma uMnyango wokuThuthukiswa koMphakathi KwaZulu-Natal, ungase ulusukumele lolu daba ngokushesha. Uthe okubuhlungu kakhulu wukuthi kulesi simo konaka;a nekusasa lezingane ezincane. Uveze ukuthi kuyamangaza ukuthi kuyekiswe nabafundi isikole. Ulimise ngesihloko elokuthi lena akusiyona inkolo eyamukelekile kuleli ngoba ilimaza abantu abathile kodwa abangaboni ukuthi bayalinyazwa. ''Sizimisele ngokuthi kube khona okwenziwayo mayelana nesimo salaphaya. Leya…

AYEDE Hlangalomhlabathi, iNdlulamithi yamakhosi, abaNtwana baseNdlunkulu nabadidiyeli beMpi yeSilo namabutho, nina beSilo! Ngiyafisa ukuba "ngiphinde izinsipho" ngodaba esake salushicilela njengePhelela Nsizwa Foundation lapho saseluleka ngokuthi isizwe singafunda okuthile ezinhlakeni zoMdabu. Ngikusho lokhu ngokutusa umsebenzi owenziwe abadidiyeli beMpi yeSilo bonke beholwa uMdidiyeli uMhlongo. Kuyisibonelo esihle ukubona abadidiyeli besungula umkhosi wabo njengabakhuzi beMpi yeSilo iNdlulamithi yamakhosi nosekuwumkhosi oyosingathwa minyaka yonke ngaphansi kweKhalenda leMikhosi yaseNdlunkulu. INgonyama iNdlulamithi yamakhosi ngesikhathi yethula inkulumo, phakathi kokunye, yamemezela ukuthi lo mkhosi ungene ezinhlelweni zaminyaka yonke zaseNdlunkulu. NjengePhelela Nsizwa Foundation siyathobeka koNgangezwe lakhe ukuba abusise umsebenzi wabadidiyeli beMpi Yakhe. Kuyisikompilo labantu bakwaZulu ukuyokotha uNomthebe wesizwe ngakho abadidiyeli bayisibonelo esihle kuzona zonke izinhlaka zokuphathwa kwabantu. Kwaba yinjabulo enkulu ukubona iSilo nomkaNkosi bethamele lo mkhosi owawusesigodlweni eMashobeni. ISilo satusa kakhulu ubuhlakani nokubambisana kubadidiyeli bazo zonke izifunda zaKwaZulu kanjalo nasezifundazweni ezinjengeMpumalanga…

USENZIMA ukwamukela isimo emndenini wowesifazane waseSakhamkhanya, eDoringkop, KwaDukuza, okuthiwa ugwazwe wabulawa yisoka lakhe eqeda kubuya ePhasikeni ngeSonto. Kulesi sigameko kufe ngesihluku uNksz Happy Mthethwa (35), okuthiwa ubulawe umsolwa, ethi uyolanda izimpahla zakhe emzini abehlala kuwo, ukumkhombisa ukuthi akadlali uma ethi ucu alusahlangani. Ngokusho kukadadewabo kamufi, uNksz Kholeka Mthethwa, isigameko senzeke besanda kubuya enkonzweni yePhasika ababeye kuyo ngoLwesihlanu. “Sithe sibuya wahlala cishe imizuzu engu-30, wase ethi usaya kulo muzi umsolwa abehlala kuwo ngoba ewugada khona endaweni. Ngisale ngalala, ngamangala ukuthi akakabuyi ngesikhathi ngivuka kodwa ngangazitshela ukuthi kukhona osekumehlele,” kusho uNksz Mthethwa. Uthe bekuyizithuba zasemini ngesikhathi kufika umyalezo wokuthi abaphuthume kwamakhelwane walo muzi ngoba umufi ulimele. “Ngithukile ukuthi ingabe uselinyazwa yini. Ngithe uma ngifika khona, besekugcwele nabantu, ngambona edindilizile kuveranda walo makhelwane othumele umyalezo. Bekukhombisa ukuthi akasekho kodwa ngendlela ebengiphanjanelwe ngayo yikhanda,…

UYASHUBA udaba lombango wesihlalo sobukhosi baseMathulini, eMgababa, njengoba kuvela ukuthi kunamagama amabili asephakanyisiwe, esekuholele ekutheni kubhekwane ngeziqu zamehlo. Lokhu kwenzeka emuva kokuba emasontweni edlule, kukhothame inkosi yakule ndawo, uMnuz Phathisizwe Luthuli. Isolezwe lithole ngomthombo walo ukuthi kukhona abaphakamise igama lowengamele imali yaseMathulini futhi ongumfowabo wenkosi ekhotheme, uMnuz Busani Luthuli. Ngakolunye uhlangothi, kuvela ukuthi kunenye indlu ephakamise igama lendodana yenkosi, uMnuz Mazwi Luthuli. Umthombo uthe igama le ndodana bese livele liphakanyisiwe ngaphambi kokuba inkosi itshalwe. ''Konakele kakhulu, akucaci ukuthi kwenzekani mayelana nesihlalo sobukhosi njengoba kusanda kukhothama inkosi nje. Okubi kakhulu wukuthi kubonakala sengathi uma lolu daba lungaphathwa ngendlela efanele, luzogcina seluphuma lokhu okwangampela nje esandleni,'' kuchaza umthombo. Uqhuba uthe umphakathi usuhlalele ovalweni lokuthi kungezeka kuchitheke negazi uma kuba wukuthi lolu daba alusingathwa ngendlela efanele. ''Asazi ukuthi kuzogcina kwenzekeni kodwa izinto zibonakala…

MFELANDAWONYE wezinyunyana zamaciko KwaZulu-Natal, iCultural and Creative Industries Federation of South Africa (Ccifsa), usuphakamise ukuthi ihlonishwe ngomngcwabo osezingeni lesifundazwe, ingwazi yeLadysmith Black Mambazo, u-Albert Mazibuko, edlule emhlabeni ngeSonto emuva kokugula. UMazibuko (77), ushonele esibhedlela esiseThekwini emuva kokuxinwa wukugula. Ushona nje, bese kunguyena yedwa obeneminyaka eqenjini njengoba ajoyina ngo-1969. USihlalo weCcifsa eKZN, uThokozani "T'zozo" Zulu, uthe ukudlula emhlabeni kukaMazibuko kubalimazile njengoba bebefunda lukhulu kuye njengamaciko. "Ukuba khona kweMambazo kuthathe iKZN neNingizimu Afrika kwayigqamisa emhlabeni jikelele. Kuzokhumbuleka ukuthi obaba uMazibuko bayizingqalabutho ezawina amaGrammy hhayi kanye, hhayi kabili, hhayi kathathu kodwa kahlanu. Silahlekelwe kakhulu njengamaciko. Abafowethu beMambazo abalahlekelwe bodwa kodwa silahlekelwe sonke ngoba besibukela kakhulu kubaba nozakwabo," kusho uT'zozo. Uthe ngenxa yamagalelo akhe bebebona kufanele ukuthi ahlonishwe ngomngcwabo kahulumeni. "Siyafisa ukuthi uNdunankulu waseKZN, akuhloniphe ukufihlwa kwakhe kube nesithunzi abekwe ngokusezingeni lesifundazwe," kubeka uT'zozo.…

BELILALA lihlome liphelele iphoyisa elisolwa enkohlakalweni, uSergeant Fannie Nkosi, njengoba litholwe nezibhamu ezimbili embhedeni ngesikhathi liboshwa. UNkosi utholwe ethukuse isibhamu ngaphansi kombhede esinye sikumatrasi ngesikhathi eboshwa amaphoyisa ngeledlule. Ezinye izibhamu ezine ubezigcine esisefweni, esinye sitholakale emotweni. Uvele kafushane eNkantolo yeMantshi ePitoli, izolo. Ubhekene necala lokuphula imigomo elawula ukugcinwa kwezibhamu nezinhlamvu kanye nelokuphazamisa ukusebenza kwengalo yomthetho. Icala likaNkosi lihlehliselwe uMsombuluko ozayo, lapho ezofaka khona isicelo sebheyili. Okhulumela amaphoyisa, uBrigadier Athlenda Mathe, uthe uNkosi utholwe namadokodo amacala okubamba inkunzi kuhlonyiwe kanye nawokudunwa kwezimoto. Amadokodo amahlanu awangempela, elilodwa yikhophi. UBrigadier Mathe uthe la madokodo atholwe endlini ewumkhukhu emzini kaNkosi. "Wonke lawa macala avalwa ngenxa yokuthi akukho obekutholakala. Uphenyo luzobheka ukuthi ngabe umsolwa akazange yini abe nesandla ekuvalweni kwamacala. La madokodo bekufanele engabe agcinwe eziteshini zamaphoyisa. Amaphoyisa azophenya ukuthi afika kanjani kuyena." UBrigadier…

KUNTENGA komnotho eNingizimu Afrika kube nomthelela oshiye kukhalwa embonini yokushicilelwa kwamaphephandaba eNingizimu Afrika, okuholele ekutheni amanye agcine esevalwa. Ukubhimba kohlelo emnothweni waseMzansi akugcinanga ekushabalaleliseni amaphephandaba abesedonse isikhathi eside kodwa kuphinde kwanyomfa nakwabamaphephabhuku. Lesi simo sisichaphazele nathi kodwa ukusithwala kwenu siyiphephandaba Isolezwe kusenze sangaliphosa ithawula futhi sangalibuka ngeso eliluvindi ikusasa. Ukudunguza kulobu mnyama kusiqinise idolo maqede kwasilola ukuthi njalo siyiSolezwe eliwela umfula ugcwele silambele ukuniphakela izaqheqhe zezindaba. UMhleli nethimba lezintatheli nabahluzi bayabonga bayanconcoza kubafundi bethu abawe bevuka nathi kusukela lisungulwa ngo-Ephreli 8, 2002. Sikholwa wukuthi nisazoqhubeka nokuseseka kulo mbhidlango wokuniphakela izindaba ezinohlonze. Emaphutheni esiwenzile kuyo yonke leminyaka sithi yobe, ayidle izishiyele, alikho isoka elingenasici. Okufanele umphakathi ukwazi ukuthi iphephandaba alisungulelwanga ukuzobhidliza imindeni noma ukulwa izimpi zabantu abathile kodwa ukuzophakamisa nokulwela umphakathi wakithi osasibekelwe wubuphofu. Sizimisele ukuthi sishintshe ukwenza kukho konke esikwenzayo,…

UMFOWABO kaSenzo Meyiwa ongasekho, uMnuz Sfiso Meyiwa, usole uLongwe Twala ngokuqhuba intwala ngewisa, kulandela ukuvumbuka kweheheba le ncwadi okuthiwa ulibhalele unina kamufi. Kule ncwadi - uLongwe oziqhelelanisayo necala - unxusa unina kaMeyiwa, uNkk Ntombifuthi Meyiwa, ukuthi acele ukulaleliswa inkulumo eqoshiwe, okuthiwa ummangalelwa wesibili, uBongani Ntanzi, wagonyuluka kuyo ngokubulala umufi. Kuyona, uLongwe unxusa uNkk Meyiwa ukuthi angavumi ukuthi ayilalele yedwa inkulumo kodwa akobiza abantu abathenjiwe njengoLieutenant-General Nhlanhla Mkhwanazi kanjalo neJaji uMbuyiseli Madlanga. UMeyiwa ekhuluma neSolezwe izolo, uthe kuwukubenza iziphukuphuku ukwenza sengathi uyazwelana nabo ngokufa kukaSenzo. “Ekubeni yonke le nto yasuka ngaye, edinwe ukuthi intombi yakhe wayengayitholi, efika nesibhamu,” kusho uSfiso uMeyiwa. Uthe into eyayicika uLongwe ukuthi intombi yakhe yayihambe noMthoko, kuwo-two-by-two, wazitshela ukuthi kulalwe nayo. “Yasuka lapho le nto. Lo mbhedo abawukhulumayo awukho,” usho kanje. Uthe okubuhlungu ukuthi uNtanzi washaywa, washiswa…

BEVILE ku-500 ngosuku abantu abangeniswa ezibhedlela ezizimele kuleli abakhokhelwa yiGovernment Employees Medical Scheme (GEMS). Lokhu kuvezwe nguNgqongqoshe weziSebenzi zikaHulumeni nokuPhatha, Inkosi uMzamo Buthelezi, ephendula imibuzo yelungu le-EFF ePhalamende. UButhelezi uthe ngosuku i-GEMS yamukela amalungu amasha angu-112. Uthe ikhokha cishe u-R182 milllion kanti ongoti bodokotela bakhokhelwa ngosuku u-R27 milion. "Ngosuku i-GEMS ikhokhela izibhedlela ezizimele ngezingane ezingu-60, ezizalwa ngosuku. Zizalwa abantu abasuke behlinziwe, abanye basuke bezibelethele. Bangu-593 abangeniswa ezibhedlela nsuku zonke," kusho uButhelezi. Ubechaza ngezinselelo ezibhekene ne-GEMS enyuse imali ngenxa yokunyuka kwezindleko. Sisuse umsindo isenzo se-GEMS sokunyusa imali ekuqaleni konyaka, okwenze izinyunyana zabasebenzi zamashela ukwehliswa kwemali. Okwamanje kusaqhubeka izingxoxo zokuzama ukufinyelela esivumelwaneni njengoba i-GEMS ikhale ngokunyuka kwezindleko okuyimbangela yokunyuswa kwemali ekhokhwa amalungu. Okunye i-GEMS ekhale ngakho yinkohlakalo edla lubi, njengoba amanye amalungu elalisa izihlobo zawo ezingeyona ingxenye ye-GEMS, bese kudingeka lesi sikhwama…

UMQEQESHI weCasric Stars, uJoseph “Bucs” Mthombeni, ufuna iqembu lakhe lisinqobe isicoco seligi yeMotsepe Foundation Championship ukuze lingabuyeli ekudlaleni amaPSL Promotion Playoffs ekupheleni kwesizini. ICasric, ekhishwe yiDurban City ngo 1-0 kweyandulela owamanqamu eNedbank Cup ngoMgqibelo, isizogxila ngokuphelele emidlalweni yeligi kwazise iphakathi kwamaqembu amahlanu asembangweni wesicoco seligi yeMotsepe Championship. Izodlala neMilford FC namuhla ngo-3 ntambama, eMhlathuze Sports Complex, eRichards Bay, emdlalweni obhekwe ngabomvu kwazise womabili la maqembu asembangweni weligi. Leli qembu laKwaMhlanga, eMpumalanga, elathenga isitifiketi seFree State Stars ngo-2022, selidlale amahlandla amabili kumaPSL Promotion Play-Offs, lahluleka ukukhushulelwa esigabeni seBetway Premiership. Ngesizini ka-2022/23, okwakuyisizini yalo yokuqala kwiChampionship, lakhala ngaphansi libanga neMaritzburg United (esiyiDurban City) neCape Town Spurs, kwagcina kuphumelele iSpurs. Ngesizini edlule ka-2024/25 leli qembu liphinde labhekwa yisambane libanga neCape Town City ne-Orbit College, kwagcina kuphumelele i-Orbit, enyukele kwiPremiership nompetha beChampionship, iDurban City.…