Tabla de contenidos para 2026-04-01 en Isolezwe

BAPHUPHUME injabulo abazali basesikoleni uMkhumbane Secondary, eChesterville, kulandela ukuthi iNkantolo eNkulu yaseMgungundlovu, ivune bona ngolwamakhamera afake emakilasini alesi sikole. Lo mbango oqale ngasekupheleni kukaJanuwari nonyaka, ugcine ufinyelela enkantolo ngoMsombuluko, maqede yakhipha isinqumo sokuthi angakhishwa. Kwasuka umsindo kulesi sikole, kwaphazamiseka ukufunda amasonto amathathu ngenyanga edlule, ngesikhathi othisha beSadtu belaxaza ukufundisa, befuna akhishwe amakhamera emakilasini. Ngokusho kukaMnuz Babalo Majola, osesigunwgini esilawula isikole, uthe basizwe yiNatu, ukuqhubezela lolu daba enkantolo. “Udaba saluyisa enkantolo ngosizo lweNatu, kulandela ukuthola incwadi eMnyangweni wezeMfundo, ithi kufanele siwakhiphe ngokukhulu ukushesha amakhamera. Sabe sesithola usuku enkantolo kulandela ukwenza isicelo sokuthi lulalelwe ngokuphuthuma udaba,” kusho uMajola. Uthe kubajabulisile okunqunywe yinkantolo. “Ijaji lishiye elingalazi eMnyangweni ngodaba lwamakhamera, lase linquma ukuthi angakhishwa. Lokhu kusijabulisile ngoba yikho ebesikufuna futhi nabazali bajabule kakhulu ngoba bebevele belwela ukuthi angakhishwa,” usho kanje. Uthe selokhu luqalile ukukhulunywa…

SOLEZWE esontweni esiphuma kulo, libike ngodaba olubuhlungu lomphakathi waseThornville, eMgungundlovu, okhala ngokudilizelwa imizi eseyakhiwe yaphela emuva kokufika kwabenkampani yonogada (AmaRed Ants) bephethe isinqumo sasenkantolo ngezandla esithi akudilizwe ngoba kwakhiwe endaweni ka-Eskom. Ayikho into ebaluleke njengekhaya, umzali nomzali ufuna ingane yakhe ibe nekhaya, umuntu ufuna ukusho kugcwale umlomo ukuthi ikwami la futhi sonke sisebenza kanzima ukuze sikwazi ukwakha imizi. Kuba buhlungu uma sekukhona izigilamkhuba ezihamba ziqola abantu, zibathembisa izulu nomhlaba kanti ziyazi ukuthi zidlala ngabo. Lokhu kukhomba ukuthi kumele sicophelele uma sithinta izinto ezidinga umthetho nemali, siqiniseke ukuthi konke kwenziwe kahle uyini. Konke lokhu sikwenzela ukuvikela isithunzi nezizumbulu zemali ezisuke sezifakiwe ekuthengeni lowo muzi noma leyo ndawo. UMthethosisekelo nomthetho i-Alienation of Land Act: Umthetho unazo izindlela ozibekile ezenzelwe ukuvikela wena, kuphela ukuthi kumele uzilandele futhi uthole ukwelulekwa kahle. Isigaba…

UMASIPALA waseThekwini uhlongoza ukunyusa amanzi, ugesi, nemali yokuqoqwa kukadoti. Umasipala uhlongoza ukuthi ugesi unyuke ngo-10.5%, amanzi kuhlongozwa ukuthi anyuke ngo-16% kosomabhizinisi, bese kuthi emakhaya anyuke ngo-15%. Lesi siphakamiso siqukethwe esabelwenimali somkhandlu esihlongozwayo. Isabelomali somkhandlu esihlongozwayo sethulwe iMeya uMnuz Cyril Xaba, emhlanganweni womkhandlu, obuyizolo. Sisonke isabelomali esihlongozwayo singu-R74.7 billion. UXaba uthe ingxenye enkulu yale mali kuzolungiswa ngayo ingqalasizinda. Echaza ngesiphakamiso sokunyusa ugesi, uXaba uthe banqume ukuphakamisa ukuthi ugesi unyuke ngo-10.5%, ngenxa yokuthi inhlangano ehlinzeka ngogesi, i-Eskom, ihlongoza ukunyusa ugesi ngo-9%. UXaba uthe babeke eceleni u-R746 million ozolungisa ingqalasizinda kagesi kuphinde kwakhiwe iziteshi zikagesi ezintsha. Uthe inkampani ehlinzeka ngamanzi, uMngeni-uThukela Water, izonyusa amanzi ngo-13%. Uveze ukuthi imali abazothenga ngayo amanzi kunyaka wezimali ozayo, u-R11.1 billion. "Lapho sibala no-R2.1 billion ozothenga amanzi esizowahlinzeka mahhala." UXaba uthe baphakamisa ukuthi imali yokuqoqwa kukadoti inyuke ngo-13%…

SINZIMA isimo esimi phambi komdlali ophethe umklomelo wokuba yi-PSL Footballer of the Season, uLucas Ribeiro, njengoba ebhekene nokugencwa yizembe eqenjini lakhe laseSpain elidlala esigabeni esiphakela esikhulu. URibeiro (27) namanje okusakhalwa ngenxa yalokhu ashiya ekwenze ebholeni elikhulu laseNingizimu Afrika ngesikhathi esemabhukwini eMamelodi Sundowns, angase azithole edlala esigabeni sesithathu uma iqembu lakhe iCultural Deportiva Leonessa lingashintshi ukuqalaza kule midlalo yeligi esele. Lo mdlali okufanele ngabe usiza iSundowns ivikele isicoco seBetway Premiership aphinde afake isandla ukulungisa iphutha langesizini edlule kwiCaf Champions League, umelwe wukusiza iLeonessa isuke emsileni kwi-log yeSpanis La Liga 2. URibeiro waseBrazil wafika kwi-PSL ngo-2023 kwacaca ukuthi akekho ofika ezingeni lakhe njengoba ngesizini yakhe yokugcina kuleli qembu laseChloorkop uyidle yonke imiklomelo emikhulu ye-PSL. Esikhundleni sokuthi ibhola lakhe likhuphuke ujoyine leli qembu laseSpain kwaba sengathi izinto ziqala kahle kodwa zaphinde zajika. Ngezinyanga…

BAMDUDUZE ngezindlela ezihlukene uSipho "Sgqemeza" Mbatha, abalandeli bakhe enkundleni yokuxhumana iFacebook, eveza izindaba zokugcina kwakhe emsakazweni Ukhozi FM. Iningi labantu liveze ukuthi uNkulunkulu ngeke aze amlahle njengoba evelelwe yilezi zindaba. Abanye bathe kukhona amanye amathuba azovuleka, njengoba eselahlekelwe yileli abenalo. UMbongeni Mthwane uthe "Awu madoda Mthiya baningi obakhile ngomsakazo". UNokulunga OkaDlodlo Mabuza:uthe "Okuhle kodwa Shandu uma uNkulunkulu evala umnyango uvula omunye, akayivali iminyango engezukuvula eminye". UNtokozo Page Mbatha:uthe "Eeesh Mthiya ncese wakithi, amagalelo akho siyawazi, bayimoshe ngokuxokiza nathi sazi ukuthi usuyogxila ekubeni umfundisi". UManie Paque uthe:"Siyabonga Mthiya okuhle kodwa kukhona amathuba asazovuleka, ngiyakholelwa ekutheni kukhona indawo ebalulekile ekumele". UThami Mthabela uthe:"Sgqemeza mfethu, ungalokhu uzichaza. Isosha elilimele lizikhotha amanxeba ekusithekeni, phola bese uvuka futhi usunamandla". Abanye abantu bakhale kakhulu ngokuhamba kuka-Ayanda Msweli, naye oveze ukuthi usezokwenza ezemigwaqo bukhona ekhasini lakhe kwiFacebook.…

MHLELI: Kwelakho elihamba lisabalale izinkalo zonke. Ngifisa ukuzwakalisa uvo lwami ngodaba oluhlongozwayo lokuthi uhulumeni aphasise umthetho ozolawula amabandla, emva kwezithangami lapho abamele amabandla kulindeleke ukuba bezokwenza izethulo phambi kweKhomishini emele amaLungelo ezeNkolo, amaSiko neziLimi (CRL Commission of SA). Indaba yami iqondene nokuqwashisa ikhomishini ukuthi lolu daba iluphathe ngesinono sekati ngoba ibandla lamaNazaretha ebeliqeda iminyaka ewu-116, lasungulwa uMprofethi Isaiah Shembe ngo-1910, ngokulandela umyalelo kaNkulunkulu, wamnika imithetho yonke yenkolo. Waze wamfundisa ukwakha umphongolo wesivumelwano entabeni iNhlangakazi. Ngamanye amazwi, leli bandla lakhiwa uMdali wezulu nomhlaba ngezandla zakhe. Selakhiwe, wahlupheka kakhulu uShembe ngaphansi koMbuso wamaNgisi, kwalandela owamaBhunu, bemenqabela ukushumayela ngoba ivangeli lakhe lalikhuluma ngenkululeko yomuntu omnyama enyameni nasemphefumulweni ngesikhathi lapho le mibuso yayisemikhankasweni wokushumayela ivangeli lobuKrestu njengenkolo engcono, kunezinye emhlabeni wonke. Abefundisi bezimishini bakhanda izikole belekelelwa yimibuso yaseYurophu, ukuthi abomdabu bafunde kulezi zikole, bafundiswe…

ISICHITHE nezindleko iNkantolo eNkulu yaseThekwini, izolo, isicelo sikasomabhizini osematheni, uMnuz Calvin Mathibeli, sokudlulisela phambili icala. Ngokusho kokhulumela amaphoyisa KwaZulu-Natal, uColonel Robert Netshiunda, uMathibeli ubefake isicelo sokuphikisa isinqumo esakhishwa yinkantolo ngoFebhuwari 26 nonyaka. Ngalelo langa, inkantolo yayimyalele ukuthi asuse zonke izinkulumo zakhe ayeziphanyeke ezinkundleni zokuxhumana, ezazidicilela phansi igama likaKhomishana wamaPhoyisa KwaZulu-Natal, uLieutenant General Nhlanhla Mkhwanazi. “Inkantolo yayimnike amahora angu-24 ukuba enze lokho. Yayithe kufanele azikhiphe nakuma-website kanjalo nabakwezindaba ezi-online,” kusho uNetshiunda. Wabe eseyalelwa nokuthi angaphinde asole uMkhwanazi ngezinsolo ezingamampunge, wase eyalelwa ukuthi akhokhele zonke izindleko zabameli. UNetshiunda uthe izinsolo ezehlisa isithunzi ezenziwe uMathibeli, bezingasingcolisa isithunzi sikaMkhwanazi kanjalo nombutho wamaphoyisa KwaZulu-Natal. Uthe uMkhwanazi uyasamukela isinqumo sakamumva senkantolo, wathi siyisifundo esibalulekile kulabo abavele badicilele phansi isithunzi sabantu ngaphandle kobufakazi. “Lokhu kunqoba okwezakhamuzi zaseNingizimu Afrika eziwugcinayo umthetho, ezingayingeni eyobugebengu futhi eziphupha ngezwe elingenabugebengu. Nanoma…

ANGAQOPHA umlando amaqembu adlala kwiMotsepe Foundation Championship, iCasric Stars neMilford FC, uma womabili enganqoba imidlalo yawo eyandulela owamanqamu kwiNedbank Cup ngempelasonto. Lo mqhudelwano udlalwa ngamaqembu ezigabeni ezahlukene zebhola lakuleli kusukela kwesiphezulu, iBetway Premiership, kuze kufinyelele kwesesine, iSafa Regional League. Nakuba sekwenzeka amahlandla ambalwa ukuthi amaqembu aqhamuka ezigabeni eziphansi afinyelele kowamanqamu, akukaze kwenzeke ukuthi lingabi khona elidlala esigabeni esiphezulu. Ngo-2008, okwakungunyaka wokuqala waziwa njengeNedbank Cup, iMpumalanga Black Aces yaba yiqembu lokuqala elingekho esigabeni esiphezulu ukufinyelela kowamanqamu kodwa yahlulwa yiMamelodi Sundowns ngo 1-0. Ngonyaka olandelayo, i-University of Pretoria yafinyelela kowamanqamu isuka esigabeni sesibili, nayo yanqotshwa yiqembu elalidlala esigabeni esiphezulu, iMoroka Swallows, ngo 1-0. IBlack Leopards yawamela amaqembu adlala esigabeni sesibili ifinyelela kowamanqamu ngo-2011, yaqunjwa phansi yi-Orlando Pirates ngo 3-1. Umlando waqopheka ngo-2019, ngesikhathi iTS galaxy iba yiqembu lokuqala elidlala esigabeni sesibili ukuphakamisa…

SIPHO Mbatha, obenza uhlelo lwasekuseni phakathi nezinsuku emsakazweni Ukhozi FM, useveze ukuthi inkontileka yakhe ayivuselelwanga kulo nyaka, hhayi ukuthi uzicelele ukushiya. USgqemeza ukusho lokhu esitatimendeni asikhiphe izolo emini ngemuva kokwenza uhlelo lwakhe lokugcina kulo msakazo. Uthe kummangazile ukubona kwabezindaba ukuthi ubefuna ukushintsha uhlelo alwenzayo ngenxa yomsebenzi wobufundisi. Kodwa uthe abaphathi abayingenanga eyokuvuselela inkontileka yakhe. "Ngize ngaxhumana nezikhulu eziphezulu ngendlela udaba lwenkontileka yami olusingathwe ngayo. Okungimangazayo ukubona kwabezindaba kuthiwa ngizicelele ukuhamba okungalona iqiniso. Ngingasho nje ukuthi ukungavuselelwa kwenkontileka yami, kukhona okungahambanga kahle kukhona njengoba kwenzeka izinto engingaziqondi. “Okwaholela ekutheni kuthathwe lesi sinqumo yikhona engikhala ngakho, yingakho ngaze ngatshela abaphathi e-SABC ngakho. Ngiyasihlonipha isinqumo abasithatha kodwa indlela okuhanjiswe ngayo iyona engingajabule ngayo," kusho uSipho. Uthe akazimisele ukuveza ukuthi kwenzakaleni njengoba ewuhlonipha umsakazo Ukhozi kanjalo ne-SABC. "Kuyihlazo elikhulu abakwenzile ukuthi baze bafike…

IMBI indaba yokukhokhelwa kwezipoki ezingu-822 okuvele ukuthi zibhubhudla imali esikhwameni esixhasa izitshudeni, i-National Students' Financial Aid Scheme (NSFAS), ekubeni kuvela ukuthi sezafa. Ijulile le ndaba yezipoki, sithemba ukuthi uNgqongqoshe weMfundo ePhakeme, uMnuz Buti Manamela, uzoyifakela amehlo abanzi ukuze kubanjwe izigilamkhuba. Isidale nothuthuva olungadingeki ezikhungweni eziphezulu zasemanyuvesi, kwamosheka nesikhathi eside kungafundwa. Ngenxa yokuthi izingane eziphilayo ezifanele uxhaso lweNSFAS azilutholi kodwa uxhaso lukhokhela abantu abasebendela koyisemkhulu. Lolu xhaso lwenzelwe ukuthi lusize izingane zethu zithole imfundo eyifa langunaphakade kodwa kube khona abantu abazodlala ngekusasa lezingane. Le nto eyenzekayo ibulala ikusasa lentsha eNingizimu afrika. Ezweni sibhekene nesihlava sezingane ezidla izidakamizwa, zijika nelanga kodwa uma sekukhona izinsiza eziletha ushintsho ezimpilweni zabantu bese kubakhona okileva noma ogalakajane ababulala isizwe. U-NSFAS kuzomele uyisukumele le nkinga ngoba kucacile into isuka ngaphakathi. Imindeni edla imbuya ngothi iyasizakala…

KUKHALA isicathulo sabokufika engxenyeni yedolobha eMgungundlovu, abantu asebeyiqambe ngokuthi kuseSomalia njengoba u-80% wamabhizinisi akule ngxenye yenhlokodolobha yaKwaZulu-Natal, uphethwe abantu bokufika. Ingxenye okugcwele kuyo abantu bokufika isengxenyeni esenhla nedolobha uMgungundlovu, emgwaqweni uPietertmaritz, phakathi kukaPine Street noWest Street. Lokhu kuvezwe yiPhini leMeya, uMnuz Mxolisi Mkhize, ngesikhathi kubhungwa ngokungcola kwedolobha. UMkhize uveze ukuthi u-80% wabantu abahlala kule ngxenye yedolobha bangabokufika. "Kunzima ukwamukela lokho. Angisho ukuthi kukhona okubi ngalokho kodwa ngithi angikucacise khona sonke sizokwazi ukuthi kwenzakalani." UMkhize uthe iningi lamabhizinisi asezindaweni ezingagunyaziwe ukuba zibe amabhizinisi. "Ufica abantu bokufika beqhuba amabhizinisi ezindaweni okugunyazwe ukuthi kube ezokuhlala abantu, azigunyaziwe ukuthi kuqhutshwe amabhizinisi kuzo." UMkhize uthe isimo esenzeka kule ngxenye yedolobha senza ukuthi abantu bacasukele izikhulu zomkhandlu. "Abantu bakholelwa ukuthi asinendaba, siyekela abantu bokufika bezenzele umathanda." Owenze ucwaningo ngokungcola kwedolobha eMgungundlovu, uNksz Nokwethemba Khumalo, uthe…

IZOBHEKANA nenye inhlobo yengcindezi iHollywoodbets Sharks njengoba izodlala owomkhumulajezi ekuhambeni kwi-EPCR Challenge Cup kule mpelasonto. ISharks izobhekana neConnacht yase-Ireland ekuhambeni emdlalweni weLast 16 ozoba seDexcom Stadium, edolobheni iGalway, ngoLwesihlanu ngo-9 ebusuku. Leli qembu laKwaZulu-Natal libuyise ithemba lokungena kweyomkhumulajezi komunye umqhudelwano, i-United Rugby Championship, linqoba imidlalo emibili yamaqoqo ilandelana. Lixebule iMunster ngo 45-0 laphinde laguqisa iCardiff City ngo 21-15, kodwa yomibili le midlalo beliyidlalela ekhaya eKings Park Stadium. Lizohlangana nelinye iqembu elizobe libheke ukuqhubeka nomgqigqo omuhle elisawubambile kwi-URC. IConnacht iyinqobile yomithathu imidlalo eyidlalile ngoMashi kwi-URC, iguqisa iScarlets, Ulster ne-Ospreys. “Sidlale kahle emidlalweni emibili edlule. Into emqoka uma ukade unqobe umdlalo onzima ukuthi uqhubeke nokubamba izinga eliphezulu nasemdlalweni olandelayo. Ngiyababonga abadlali ngoba bakwazile ukukwenza lokho emdlalweni wakamuva,” kusho umqeqeshi weSharks, uJP Pietersen. “Sizophinde sihlaziye umdlalo wethu, sibheke ukuthi singathuthuka kuphi, sibheke nokuthi…