Tabla de contenidos para 2026-01-16 en Isolezwe

UFUNA ukuba zingawakhokhi ama-rates (intela yomhlaba kamasipala) izikole zabaphila nokukhubazeka luMphathiswa woMnyango weMisebenzi yoMphakathi neNgqalasizinda KwaZulu- Natal, uMnuz Martin Meyer. UMeyer wenze lesi siphakamiso izolo ehambele isikole sabaphila nokhubazeka esiseManzimtoti, iDurban School for the Hearing Impaired. Ukhale ngokuthi kumele ngabe kade lwaxoxwa udaba lwama-rates nezikole zabaphila nokukhubazeka. Uthe esikhundleni sokuba lezi zikole zikhokhe ama-rates leyo mali kufanele ngabe ziyisebenzisela ukubhekana noxhaxha lwezinkinga athe zibonakala zigubuzele lezi zikole. Uthembise ukuthi uzoxhumana neSalga kanye noMnyango wokuBusa nokuBambisana neziNdaba zoMdabu KwaZulu-Natal ngenhloso yokubhunga kabanzi ngenqubekela phambili kulolu daba. ''Kuyakhathaza kakhulu ukubona izikole zabaphila nokhubazeka zishoda ngezinto eziningi kangaka kodwa futhi khona lapho kumele zikhokhele ama-rates. Lesi simo asamukelekile nje nhlobo. Ngikholwa wukuthi sesifikile manje isikhathi sokuthi kuhlalwe phansi kubhungwe kabanzi mayelana nokuthi akukho yini okungenziwa ngenhloso yokubhekana ngqo nalolu daba,” usho kanjena.…

LIYAVEVA ikomiti loMnyango weMfundo eyisiSekelo ePhalamende, ngezikhalo zabazali ngezikole ezibaphoqa ukuthi bathenge i-stationery bakhokhe nemali yesikole ekubeni kufundwa mahhala. Ikomiti lithe kwezinye izikole izigungu zezikole zigunyaza ukubanjwa kwemiphumela yabafundi ngoba bengakhokhile. USihlalo wekomiti uNksz Joy Maimela, uthe bathole inqwaba yezikhalo ngezikole ezenza okuphambene nomthetho ekubeni kufundwa mahhala kuzona. "Izikole okufundwa mahhala okungakhokhwa kuzona imali yesikole, ziqale umkhuba omusha wokufuna i-stationery kubazali. Ezinye zifuna nemali ezithi eyomnikelo, okuphoqwa abazali ukuthi bayikhokhe ekubeni kufundwa mahhala. Lokhu kuthunaza ilungelo lengane," usho kanje izolo ekhuluma nabezindaba njengoba kuvulwe izikole kuleli sonto. Uthe uma kuthiwa abazali abakhiphe umnikelo kumele ungabi yimpoqo kodwa usuke enhliziyweni. "Abafundi akumele bapanishwe ngokuthi abazali babo bahluleke wukukhokha umnikelo. Isimo semali kubazali asifani, ngakho akumele baphoqwe. Lezi ngezinye izinto esizozifaka uma sesihlangene nomnyango," usho kanje. Usho lokhu nje ezikoleni eziningi abafundi…

DLULE ngehubo amaqembu abusa ngokubambisana esiShayamthetho saKwaZulu-Natal, ekuphasisweni kwesabelomali esihlelwe kabusha kulandela isinqumo selungu leNFP elihleli ngesinqe esisodwa, uNksz Mbali Shinga, sokungawugqizi qakala umyalelo weqembu wokuba liyeke ukuzimatanisa namaqembu abusa ngokubambisana. UNksz Shinga uvote kanye namaqembu abusa ngokubambisana ngesikhathi kuvotwa esiShayamthetho, nokwenze ukuthi amaqembu abusa ngokubambisana awele kalula. Ubuholi beNFP kuzwelonke busanda kuthatha isinqumo sokuthi iqembu lihoxe kuhulumeni wesifundazwe, laphinde layalela uNksz Shinga ukuthi asule esikhundleni sokuba wuMphathiswa wokuThuthukiswa koMphakathi. Kuze kube manje, uNksz Shinga akasuli esikhundleni futhi ubhekene nesigcawu sokuqondiswa ubugwegwe. Ubuholi beNFP kuzwelonke bathatha isinqumo sokuhoxa kuhulumeni waKwaZulu-Natal, ngeledlule. Kukhona amalungu eqembu asephumele obala, azwakalisa ukungahambisani nesinqumo sobuholi bukazwelonke okukhona kuwo nosihlalo weNFP kuzwelonke, uMnuz Sibusiso Mkhabela. Izolo bekubhekwe ukuthi uNksz Shinga uzovota kanjani njengoba bekungokokuqala ukuba kuvotwe esiShayamthetho kusukela iNFP yathatha isinqumo sokuhoxa kuhulumeni wesifundazwe. UNksz Shinga…

MHLELI: Bakufanele ukunconywa abantu uma benze umsebenzi omuhle ngoba lokho kuyabagqugquzela ukwazi ukuthi kusekhona abantu abakhuthazanayo ekwenzeni kahle. Ngithanda ukubachoma uphaphe lwegwalagwala bonke othisha kanye nabafundi ababhale izivivinyo zikamatikuletsheni ngonyaka ophelile ngokuqwaqwada emakhanda zonke izifundazwe. Siyazi ukuthi bebesebenza ezimweni ezinzima ngenxa yoMnyango wezeMfundo ovele ugweve nemali yokuthenga izinsiza-kufundisa. Uqoka ukubakhangeza imali okumele ngabe ithunyelwa kuma-account ezikole kodwa bakhethe ukubakhangeza njengezingane esakhula kusavutshwa amasi izingane zikhangezwa ezandleni. Ngabe ngenza elikhulu iphutha ukuncoma nezikole ezakhele ubukhosi bakithi kwaNomaqoni nomfo kaNyanda - odume ngokuthi uMdlalose wasematekisini noma kumanje esenamabhasi athi yena - ngeqhaza okuthi njalo alibambe ngokuklomelisa abafundi baka-matric uma sekuzobhalwa izivivinyo kanye nothisha babo abakhempa kusukela kuqalwa ukubhala kuze kuphele. Ngingelibale ongqaphambili bezikole engizikhonzile esezidonse isikhathi eside okuyiBizimali High neVelangaye High, zombili ngezaseNkandla. Ngincoma nesikole esiselokishini uMlaza iMenzi High, esikwelidumayo kwambambeni…

INHLOKO yabaqeqeshi ephinde ibe ngusomaqhinga kwiChicago Fire FC, uGregg Berhalter, iphumele obala ngobekusolwa ngabathandi bakanobhutshuzwayo waseNingizimu Afrika ngesinqumo saleli qembu lase-United States of America (USA) sokwengeza ngoPuso Dithejane kuMbekezeli “TLB” Mbokazi. IChicago edlala kwiMajor Soccer League (MLS) okuyisigaba esikhulu sebhola lase-USA, isayinise uMbokazi obedlala kwi-Orlando Pirates ngoDisemba. Kuleli sonto yengeze ngoDithejane obelihlikihla kwiTS Galaxy. Ekhuluma nethimba lezindaba leChicago ngakulindele kulaba badlali, uBerhalter uqinisekise obekuvele kusolwa ngabathandi bebhola bakuleli okuwukuthi uDithejane ulandelwe ukuzosiza uMbokazi ajwayele e-USA. “Okuseqhukwini wukuthi sisayinise abadlali abancane kodwa abakhombisa izimpawu zokuthi banekusasa eliqhakazile uma bezocijwa ngendlela efanele,” kusho uBerhalter. “Kuliqiniso ukuthi esinye sezizathu zokulanda uDithejane wukuthi uMbokazi ajwayele kalula konke okuzobe kukusha kuyena kwazise uzobe ekude nasekhaya. “Okungeke kushintshe wukuthi sibona abadlali ababili abanekusasa kodwa sasebenzisa nethuba lokuthi bafike kanyekanye ukuze nakho konke okufanele bakujwayele babambisane kukona…

YIZE eguqile kweyandulela owamanqamu e-Africa Cup of Nations (Afcon) amaqembu ezimbangi zikaBrahim Diaz, uVictor Osimhen noMohamed Salah, kodwa kubukeka zisenethuba lokumdlisela ogageni embangweni womklomelo wamagoli kulo mqhudelwano osongwa ngeSonto. Ezika Diaz, iMorocco, zidlulele kowamanqamu ngokuguqisa iNigeria ngo 4-2 sekukhahlelwa amaphenathi kowandulela owamanqamu ngoLwesithathu eTangier Grand Stadium, eMorocco. i-Egypt iguqiswe yiSenegal ngo 1-0 komunye umdlalo owandulela owamanqamu. IMorocco isizodudulana neSenegal kowamanqamu ngeSonto ngo-9 ebusuku ePrince Moulay Abdellah Stadium, eRabat. Ngaphambi kowamanqamu, i-Egypt izobhekana neNigeria ngoMgqibelo ngo-6 ntambama eMohhamed V Stadium, eCasablanca, kubangwa indawo yesithathu nendodo yethusi. UDiaz uzihola phambili ngamagoli kwi-Afcon njengoba eseshaye amahlanu emidlalweni eyisithupha. Ulandelwa ngu-Osimhen waseNigeria noSalah wase-Egypt ngamane umdlali ngamunye. U-Ademola Lookman waseNigeria unamathathu. Nakuba kubukeka uDiaz enethuba lokukhala emuke nomklomelo wamagoli kodwa laba badlali abathathu basenethuba lokuhlohla amanye amagoli kulo mdlalo wangoMgqibelo. Ngokushaya amagoli emidlalweni emihlanu,…

OWESIFAZANE waseDoringkop, eStanger, uNksz Bonisile Hlongwane, akasabuthi quthu ubuthongo ngenxa yokungazi ukuthi indodana yakhe, uSthembiso Hlongwane (18), ukuziphi izinkalo selokhu wathathwa wulwandle lwaseMpangeni, eMpembeni, esigodini saseGubethuka, ngoMgqibelo, wangoJanuwari 3, emini yasekuseni. "USthembiso wayehambe nabafowabo nabangani babo. Ngokuzwa kwami, ayengene nabo ababili baluthola usizo lokuhlengwa ngomunye wabo kodwa lona owami akasizakalanga. Uma ngibuza ukuthi kanjani, bathi abafowabo bangena bathi uma befika kuye bethi bayamubamba wavele waphela emehlweni. Washona phansi," kusho uNksz Hlongwane oyiNazaretha laseBuhleni. UNksz Hlongwane uthe uyise womntwana waze wamfonela ngezithuba zabo-1 emini ngalo iSabatha. "Kubuhlungu kakhulu ngomntwana wami njengoba engakatholakali namanje." Uthe induna yendawo, amakhansela nemeya bazamile kodwa wangatholakala. Unxuse amaphoyisa afike nezinja ukuba azomcingisa indodana yakhe ngisho nasosebeni. "Ngicela nezinhlambi ezizongena lapho angena khona (uSthembiso) bangicingise, mhlawumbe ucindezelekile phansi." Owazibonela kwenzeka lesi sigameko, uSiphiwe Gumede, uthe wabizwa…

IKOMITI lixwayise ngokuthi ungase ugcine ungasasebenzi kahle uMnyango wezeMfundo KwaZulu-Natal, uma kuqhubeka ukunqanyulwa kwesabelomali sawo. Lokhu kuvezwe ngusihlalo wekomiti lezeMfundo nezeMpilo kwi-ANC esifundazweni, uDkt Sibongiseni Dhlomo. UDhlomo ukhale ngokunqanyulwa kwesabelomali salo Mnyango, okugcina sekushaya ukuhanjiswa kwezidingo ezikoleni. "UMnyango wenze kahle kwanyuka izinga lokuphasa ka-matric, ushaya zonke ezinye izifundazwe phansi kwezingqinamba eziningi. Uthenge i-stationery sezingane ngokwenza isivumelwano nenkampani esisabalalisayo, ekweletwa u-R496 million. Yingakho kunokubambezeleka ekuhanjisweni kwe-stationery ezikoleni," usho kanje izolo, esithangamini sabezindaba ngezinselelo ezibhekene noMnyango. Uthe sekunesikhathi isabelomali silokhu sinqanyulwa, hhayi ngoba kukhona lapho imali eye khona. "Imali ayidliwanga noma inyamalele yaya kwezinye izindawo. Ukunqanyulwa kwesabelo kuwushaye kakhulu uMnyango. Lo Mnyango usunqanyulelwe isabelomali ngo-R26 billion eminyakeni edlule, okuyimali enkulu kakhulu." UMphathiswa uMnuz Sipho Hlomuka uhlabe ikhwelo lokuthi singanqanyulwa isabelo soMnyango. "Sihlaba ikhwelo lokuthi isabelomali singanqanyulwa . Kudingeka kushintshwe nendlela okuxhaswa ngayo…

ZIQUTSHINI zoteku lapha endlini eMaMbatheni, uMesisi wekhaya uvame ukungithi chokolozi ngokumkitazayo okusasici kimi. Ukuchukuluza kwakhe isikhathi esiningi ukucaphuna ezimweni engike ngimxoxele zona zasekukhuleni kwami. Iningi lazo akazikholwa, uzithatha njengembude yamancoko. Uma sengehlule, uye athi kuyacaca ukuthi lezi zimo - angazijwayele yena ngoba wakhula kwezehlukile - zaba nomthelela ongemuhle kimi. Kusuke kutekula izithandani-ke nokho, kuqhephuka uhleko. Nami-ke ngiyazithola izikhala kokwakhe ngichambuse kwengikubona kuwubuthaka ebuncaneni bakhe. Nokho uma sengibukisisa, kulokhu kugconana ngezivuvaba nesimo umuntu akhule kuso kuba khona inhlesana yobuqiniso. Ukukhula komuntu kuyabudiya ubuchopho nokuziphatha kwakhe bese kuziveza noma esemdala ezimeni nangezikhathi ezingasafanele. Uma ngingenza isibonelo nje, ubumnandi bempilo ebufaneni kimi kwakuyikho ukungqengqa oqaqeni nasemadwaleni, ngigudle emahlathini nasemihosheni ngifuna yonke inhlobo yezithelo zasendle. Cabanga, umuntu eyosukela obabangibone bezinkwaca? Eminye yale mikhuba eyayimidlalo sengiyibona njengengozi namuhla ngoba ukucabanga kwami sekubunjwa yisimo engikuso. Ngeke…

MHLELI: Ababhekelele ukungena ngokungemthetho eNingizimu Afrika ngokungemthetho akusiyona into esiyithukayo njengoba kumanje sekushushumbiswa nezingane ezincane kepha yinto yeminyaka esiphila ngaphansi kwayo. Emadolobheni, emigwaqeni naphambi kwezitolo lapho kuhamba khona abathengi kugcwele lonke uhlobo lwezingane zakwamanye amazwe, ikakhulukazi eziliqhamukisa eMozambique, ezithengisa lonke uhlobo lwezimpahla ezibizwa ngama-fong kong namapheshana ezinyanga-mbumbulu zangaphandle abaze bacishe bakuvimbe uzihambela befuna uwathathe. Abagcini ngalokho, uma uke washiya imoto ipakile uwafica esehlonywe kuma-windscreens. Ngikufanisa nokuvala amanzi empophoma ngezandla njengoba kumanje belindele uphiko lwe-BMA olulawula imingcele ukunqanda le nhlekelele. Izinyathelo asebezama ukuzithatha ngizifanisa nokuzama ukucisha umlilo wendlu eshayo nokuthi isibhodlokile kufike izicishamlilo zizozama ukuyiphephisa. Ezinkingeni zonke esibhekene nazo ezweni lethu ziwumphumela weqembu likaKhongolose eliphathe yonke iminyaka engamashumi amathathu bagcina beliqumbe phansi kukho konke okungumnotho walo kanye nengqalazizinda. Singasayibali eyemali ebeliyehlisa ngemilenze ngokusebenzisa amathenda kuzona zonke izinto ezingabe zenziwa yiminyango kahulumeni…

UMQEQESHI we-Orbit College, uPogiso Makhoye, ukuchaza njengonyomfe izinhlelo zabo "ukwephucwa" uMonnapule Saleng osesayine kwiMamelodi Sundowns. USaleng ubebolekiswe yi-Orlando Pirates kuleli qembu laseNorth West, kuze kuphele le sizini ka-2025/26. Nokho ekuqaleni kwesonto kwethuke abaningi ethulwa njengomdlali omusha weSundowns. USaleng (27) udlale imidlalo engu-11 kwi-Orbit, wayishayela amagoli amabili, waba nesandla kwamathathu kuyo yonke imiqhudelwano. Lokhu bekumenza abe ngomunye wabadlali abamqoka leli qembu elingomakoti kwiPremniership njengoba lilwela ukuvika izembe. Ubenikwa nebhande likakaputeni kweminye imidlalo. “Eqinisweni besingakulindele ukuhamba kukaMonnapule ngalesi sikhathi sesizini ngoba ngokwesivumelwano sethu nePirates bekungukuthi uzoba nathi kuze kuphele le sizini. Ngakho ukuhamba kwakhe kuziphazamisile izinhlelo zethu kodwa-ke akukho esingakwenza, yimpilo yasebholeni leyo, umdlali ulala namuhla engumdlali waleli qembu kuvukwe esengowelinye,” kusho uMakhoye, osedonse isikhathi eside naleli qembu laseRustenburg, kusukela lisadlala esigabeni se-ABC Motsepe League. Ebuzwa ukuthi ukuhamba kwalo mdlali kuzoba namuphi…

UMQEQESHI weqembu lesizwe lekhilikithi labesilisa lika-Under 19, uMalibongwe Maketa, ulibona liyilungele inselelo yokudlala eNdebeni yoMhlaba ezobanjelwa eNamibia naseZimbabwe. AmaJunior Proteas azoqala lo mqhudelwano kuGroup D lapho eqhathwe khona ne-Afghanistan, Tanzania ne-West Indies. Imidlalo yamaqoqo izodlalelwa eWindhoek, eNamibia, bese imidlalo yomkhumulajezi yalo mqhudelwano udlulele eZimbabwe kweyokuhlungela. "Leli qembu lama-Junior Proteas belilungiselela lesi sikhathi iminyaka emibili edlule. Bathole ngezinhlaka zokuthuthukisa abadlali be-CSA futhi bathuthukiswa ngamakhempu amaningi ne-series yentsha," kusho uMaketa. "Njengoba sisebenze nalaba badlali isikhathi eside, sikwazile ukubaqapha emakhempini futhi sahlola indlela abadlale ngayo emiqhudelwaneni iKhaya Majola neCubs Week. “Yingakho sikholwa wukuthi sikhethe abadlali abakulungele ukubhekana nengcindezi yokudlala eNdebeni yoMhlaba.” INingizimu Afrika izovula ne-Afghanistan emdlalweni ozoqala ngo-9.30 namuhla ekuseni, eHP Oval eWindhoek, ngaphambi kokubhekana neTanzania kuyona le nkundla ngoMsombuluko, ilandelise ngeWest Indies ngoLwesine. Amaqembu amabili azoqeda phezulu azodlulela esigabeni somkhumulajezi eZimbabwe. Iqembu…

MCULI kamaskandi obalwa nabahamba phambili kulezi zinsuku, uKhetha "Maganga Thishela" Mlotshwa, uhambela phezulu kulezi zinsuku emuva kokuthi isifundo sakhe siphaswe ngo-100%. UMaganga Thishela (31) waKwaCeza, wodumo lwengoma ethi Sigubha Umtshwarelo, ufundisa iGeography esikoleni saseJozini iNobiya High. Uthe bekungekhona okokuqala isifundo sakhe siphaswa ngamalengiso. UMaganga Thishela ugubhe le mpumelelo ngokusika unyanyavu lweveni. "Lo 100% engiphinde ngawuthola, ngicela ukuwugubha nganawa amandla abathandi bomculo wami. “Lokhu kungabo. Ngiyabonga kakhulu ningadinwa wukuseseka. Nathi sizibona singcono kunayizolo." UMaganga Thishela uthe nesikole afundisa kuso siphumelele ngamaphesenti awu-100. Le mpumelelo kaMaganga Thishela ayisizanga yena nesikole sakhe kuphela kodwa yenze isifunda saseMkhanyakude saziqwaqwada zonke KwaZulu-Natal futhi salala isibili kuzwelonke. Lo maskanda ungomunye wothisha nabafundi abenze iKwaZulu-Natal yaqopha umlando kulo nyaka ngokuba yisifundazwe esizidlele amahlanga sishaya ezinye. Isolezwe lithole ukuthi selokhu uMaganga Thishela aqala ukufundisa iGeography neTourism kusukela ngo-2017,…

UBUHOLI be-IFP bufuna kucoshwe ngokushesha umlisa osongele ngokufa uNdunankulu waKwaZulu-Natal, uMnuz Thami Ntuli. Usihlalo we-IFP kuzwelonke ophinde abe uSotswebhu omkhulu esiShayamthetho saKwaZulu-Natal, uMnuz Blessed Gwala, unxuse ukuba uNtuli avikelwe njengoba kukhona abasabisa ngokumenzakalisa ezinkundleni zokuxhumana. UGwala usho kanje emva kokuba kusabalale ezinkundleni umbhalo othi kufanele kusocongwe uNtuli. Kulo mbhalo, umlisa igama lakhe eligodliwe uthe kumele uNtuli abulawe ukuze isifundazwe sizophathwa iMKP. "Ukuze iKZN ibuyele kwiMK Party kuzofanele adutshulwe lo muntu (Thami Ntuli) ngoba uyazithanda izikhundla." I-MKP isanda kufaka isiphakamiso sokungabethembi ubuholi bukaNtuli, kepha isiphakamiso sayo sachithwa. UGwala uthe lezi zinsongo kufanele ziphenywe ngokushesha. "Lezi zinsongo eziwubudedengu zigqugquzela udlame futhi azihambisani nentando yeningi. Awukwazi ukwenza izinsongo ezinjengalezi ngoba uthembe ukuthi uzocasha ngokuthi ububeka umbono wakho. Kuyicala elibomvu ukwenza izinsongo ezinjengalezi. Lezi zinsongo zibeka impilo kaNtuli engcupheni. Ingakho sinxusa ukuba kube nophenyo…

ZINAMBITHEKANGA izithombe zamadoda emizi yawo egagazisana, omunye esho ukudla amfele omunye ngesikhathi abaholi beqembu i-National Freedom Party (NFP) beyongena emhlanganweni wabo. Kusuke esinamathambo abaholi bebanjwa yilabo abebeseduze nabo, kuphuma nezilumelayo izinhlamba emilonyeni yabo. Kukholakala ukuthi lo mbango umayelana neqhaza laleli qembu kuhulumeni wokubambisana wesifundazwe KwaZul-Natal. Kulo hulumeni ohlanganiswe yi-IFP, DA, ANC ne-NFP kusanda kwehluleka isiphakamiso sokukhipha uNdunankulu, uMnuz Thami Ntuli, esihlalweni. Lesi siphakamiso sasenziwe abeqembu eliphikisayo i-MKP, besekwa yi-EFF emabhentshini aphikisayo. Ekufakeni lesi siphakamiso i-MKP ne-EFF babebeke ithemba labo evotini elilodwa le-NFP ngemuva kokubonisana bazwana nobuholi baleli qembu kuzwelonke. Kodwa kwacaca ukuthi omele i-NFP esiShayamthetho, uNksz Mbali Shinga, akahambisani nesinqumo, yize iqembu lakhe labe selimyalele ukuba eseke isiphakamiso. Kwaba wukuhluleka kwesiphakamiso kanjalo. I-NFP, ebukeka izimisele ngokujezisa uNkz Shinga, igcine ingene kolunye ubishi njengoba ubuholi bayo sebuklayeke izingcezu zambili mayelana nokwakheka…

MUNWE liwukhombe enyangeni yasendaweni ithwasa elibanjwe oqotsheni leba amaphenti kulayini eMnhlonhlweni, eNanda, ngoLwesithathu emini. Leli thwasa Isolezwe elinalo igama lalo, kuvela ukuthi ngoLwesithathu, bese lizifikele qathatha komunye umuzi lizokweba amaphenti kulayini kanti ngeshwa lalo lizobhadanywa ngabesifazane bakuloyo muzi. Kuthiwa kuthe uma belibhadama base bebiza umphakathi, olithembise ukuthi uma lingawakhombi amanye amaphenti ukuthi akuphi - njengoba bese kunesikhathi elahleka - lizowukhomba umuzi onotshwala. Kuthiwa abesilisa bendawo bebevutha bengabaselwe, bewafuna amaphenti abantu babo. Kuthiwa ithwasa alichithanga sikhathi, libe selicela ukuba umphakathi ulilandele laze layofika komunye umuzi okukholakala ukuthi ngowenyanga eyaziwayo kodwa ebingekho. Isibongo senyanga Isolezwe linaso, kuthiwa isatshiswa okwenyoka kule ndawo. Kuthe uma lifika emagcekeni ithwasa langena ngaphakathi endlini, lase liphuma noplastiki abakhulu abathathu abamnyama okuyilapho ebelitatulula khona inqwaba yamaphenti kubuka bonke abantu besifazane. Abeyizinhlobo ezehlukene. Kwi-video ethunyelelwe Isolezwe ngesigameko, kunabesifazane ebebememeza…

IKAIZER Chiefs izowuqala ngokuqhuthana neStellenbosch FC umkhankaso wokuvikela isicoco seNedbank Cup kulandela ukuqhathwa naleli qembu laseKapa emcimbini wokwethulwa ngokusemthethweni kwemidlalo ye-Last 32 yeKe Yona izolo ebusuku ekomkhulu lakwaNedbank, eSandton, eGoli. IChiefs eqede indlala yezinkomishi yeminyaka ngokwehlula i-Orlando Pirates kowamanqamu eMoses Mabhida Stadium, eThekwini, ngesizini edlule izoqala ekuhambeni ngokubhekana nezikaGavin Hunt ongumqeqeshi omusha weStellies owake wayiqeqesha. Lona wumdlalo oyimpinda we-quarterfinal yangesizini edlule lapho Amakhosi evulele khona isibhaxu sika 3-1 kwiStellies eNelson Mandela Bay, eGqeberha. Nokho abasekho bobabili abaqeqeshi abebesemabhentshini kulo mdlalo. UNasreddine Nabi obepheka iChiefs ukhonjwe indlela ngaphambi kokuphela kuka-2025, kanti uSteve Barker obehola iStellies useqeqesha iSimba SC yaseTanzania. IPirates, esifinyelele kowamanqamu weNedbank amasizini amathathu elandelana, izoqala ekuhambeni ngokubhekana neqembu eliyibamba kwiSafa ABC Motsepe League iTshakhuma Tsha Madzivhandila kwi-Last 32. Kawekho amaqembu abekhethwe ukuba angatomulani kulo mzuliswano weNedbank Cup ezobe…