Tabla de contenidos para 2026-01-13 en Isolezwe

LITHE ukwehla kancane izinga lokuphasa ezikoleni ezizimele. Lokhu kuvezwe yibhodi elilawula imiphumela yezikole ezizimele, i-Independent Examination Board (IEB) izolo. Ngokusho kwaleli bhodi, izinga lokuphasa labebebhala izivivinyo zika-matric nyakenye lehlele ku-98.3%, lisuka ku-98.47%. Liveze ukuthi nakuba lithe ukwehla izinga kodwa, u-89.12% wabafundi baphase ngo-Bachelor nokubabeka emathubeni amahle okuthi baqhube izifundo zabo emanyuvesi. Abe-IEB baveze ukuthi yiso ke lesi sibalo sabaphase ngo-Bachelor, esithe ukwehla. Baveze ukuthi abaphase nge-Diploma bona babalelwa ku-8%, kwathi abaphase ngo-Higher Certificate, babe wu-1.3%. Baveze ukuthi bangu-17 400 sebebonke abafundi be-IEB ababhale izivivinyo eNingizimu Afrika yonke. IGauteng yiyo ebe nesibalo esikhulu sababhalile, ngabafundi ebebeqhamuka ezikoleni ezingu-114. Kuthi iKwaZulu-Natal ibe nabafundi ababalelwa ku-3 000, ngesikhathi iNorthern Cape ibe nesibalo esiphansi ukuzidlula zonke izifundazwe njengoba ibinezikole ezintathu kuphela. Abe-IEB bathe bangu-161 abafundi abaphase ngamalengiso, bathi babalwa ku-5% walabo abenze kahle kakhulu…

MHLELI: Ukuvotela uKhongolose kufana nokuthenga into yokwebiwa eseleni. Ima uthenga into yokwebiwa eseleni usuke ubhebhezela ubugebengu ezweni sakhile. Ufana nomuntu okhongozela amanzi ngesitsha ezivuzayo, okusho ukuthi awakakayazi into oyenzayo. Inkohlakalo iyoqedwa nini futhi kanjani uma kusekhona abantu abasavotela uKhongolose? IKhomishini kaMadlanga ephenya inkohlakalo ekhungethe leli zwe emaphoyiseni kuthinteka abaholi bakaKhongolose. Ngisho impumputhe engaboni emehlweni kodwa iyezwa ngezindlebe ukuthi kwenzekani ezweni. Laba bantu abasavotela uKhongolose bangamaqili, benza engathi abezwa futhi ababoni. Okusho ukuthi abantu baleli zwe inkululeko bayikhulumela eziko yemuka. Bona laba baholi bakudala bakaKhongolose babekhala ngobandlululo kuhulumeni wabamhlophe baze badingiswa abanye baboshwa benza engathithi bazwelana nabantu abamnyama. Okusho ukuthi babedukisa abantu abamnyama. Uma-ke sekuphethe bona ezweni uhulumeni usubuswa ngabamnyama, sebecindezela bona abantu abamnyama ngenkohlakalo. Yinto enjani leyo? Lala lulaza bazokwengula abahlakaniphile. Waphelelaphi lowo mzabalazo wokuthanda abantu abamnyama. Inkohlakalo…

QOPHE umlando uMnyango wezeMfundo KwaZulu-Natal, uqwaqwada eminye imiNyango yezeMfundo kuzwelonke emiphumelweni ka-matric yango-2025. Lesi sifundazwe silale endaweni yokuqala, saqopha umlando sithola ngaphezu kuka-90%. Lesi sifundazwe senze kahle kakhulu phezu kwezinselelo esibhekene nazo zemali. Ememezela imiphumela yalo nyaka ka-matric, uNgqongqoshe wezeMfundo eyisiSekelo, uNksz Siviwe Gwarube, emcimbini obuseGauteng, izolo ebusuku, uncome iKZN ngokushaya amakhanda ezinye izifundazwe. Uthe lesi sifundazwe senze kahle phezu kwezinselelo ezikhona. Uveze ukuthi lesi sifundazwe sithole u-90.6%, okusho ukuthi silale endaweni yokuqala, sashaya ezinye izifundazwe. Nyakenye iKZN yalala endaweni yesibili ka-matric ngo-89.5%. I-Free State yiyona eyayilele endaweni yokuqala ngo-91.0%. I-Gauteng yona yayilele endaweni yesithathu. Ukunyuka kwezinga lokuphasa kubuyise ithemba kulesi sifundazwe esibhekene nezinselelo zemali. Kunongabazane ukuthi izikole zizovulwa ngempumelelo eKZN ngenxa yezingqinamba ezibhekene noMnyango wokungayifaki imali yezikole ukuze zikwazi ukuthenga izincwadi zokufunda ne-stationery. Kwalezo zikole ezihanjiselwa nguMnyango i-stationery, asikafiki…

I-SOUTH African Depression and Anxiety Group (Sadag) inxuse abebenza u-matric abanokhwantalala ngoba bekhale ngaphansi noma bethuswe yimiphumela yabo ukuthi bangalilahli ithemba ngoba lukhona usizo. Le nhlangano ithe lesi yisikhathi ngesinzima sonyaka kubafundi abehlukene. UNkk Roshni Parbhoo-Seetha wale nhlangano uthe abebenza u-matric basuke bebhekwe abangani, umndeni, izihlobo kanjalo nabanye ozakwabo ngakho baba nengcindezi. "Isikhathi esinzima kwabaka-matric ngoba basuke bebhekwe umhlaba wonke ukuthi benzenjani. Yingakho sinohlelo lokusiza labo abathukile nabanengcindezi ngalesi sikhathi." Uthe ngalesi sikhathi minyaka yonke bathola inqwaba yezingcingo ezivela kubazali abangakwazi ukumelana nemiphumela ka-matric. "Sinabeluleki abasiza amahora angu-24, kwabafuna usizo kanjalo nangohlelo lweWhatsApp, lokuxoxa nabadinga lolu sizo. Sisiza nangolwazi abangalusebenzisa uma bengenzanga kahle." Unxuse abazali ukuthi baseke izingane zabo ngalesi sikhathi, bazikhumbuze ngaso sonke isikhathi ukuthi ukungenzi kahle akusho ukuphela komhlaba. Abadinga usizo bangashayela ku:0800 567 567 (ubusuku nemini), WhatsApp…

IKHALA ngokwanda kwezikhalazo zabazali iKhomishini yezokuNcintisana abakhononda ngokuthengwa endaweni eyodwa komfaniswano wezikole, okunqinda ukuncintisana okuhle. Ikhomishini isiqhamuke nemigomo ukulwa nale nkinga okuneminyaka ikhona. UNksz Mpho Moate wekhomishini ukhale ngokuthi izikole zisakhethela abazali lapho okumele bathenge khona umfaniswano waleso sikole. Uthe kumele ngabe kulandelwa imigomo yezokuncintisana ngokuthi kwande izitolo ezidayisa umfaniswano. "Izigungu ezilawula izikole kumele ziqoke izitolo ezihlukene ezizohlinzeka umfaniswano kubazali. “Kumele zikugweme ukusayina izinkontileka ezinde nabezitolo ezizodwa," usho kanje. Uthe kusuka ngo-2020 kuya ku-2025, bathole izikhalazo ezibalelwa ngaphezu kuka-450 zabazali abakhalayo ngokuthi umfaniswano udayiswa endaweni eyodwa. Uyalele abazali ukuthi babike izikole eziqhubeka nalo mkhuba wokuthi umfaniswano udayiswe esitolo esisodwa. "Uma kudayiswa esitolo esisodwa, osomabhizinisi abancane basala ngaphandle. Yingakho sesisebenzisana noMnyango weMfundo eyisiSekelo ukuze kuqashwe izikole eziqhubeka nalo mkhuba." Uthe bazobheka nokubiza kakhulu komfaniswano wabafundi. "Sifuna izikole zilandele uhlelo oluvulelekile uma…

NGIKUTHANDILE okubhalwe uSmiso Cele waseZinqoleni kulona leli phephandaba ngoLwesine olwedlule ngaphansi kwesihloko esithi “Akaxolise owaqamba isiko lokulobolela okhokho.” Empeleni akulona nesiko lokhu, kuyidunga-lisiko nesintu. Yinto eyayingekho futhi engekho ngisho esintwini nasemasikweni ethu thina maZulu. Yinto lena eqhamuke nabantu ikakhulukazi abangabelaphi nabathandazi abangasazi isintu nesiko. Sikhumbule ukuthi baningi namhlanje abazibiza ngabelaphi, abanye bathwase kodwa okusalayo bathwasela phezu kwesife sensimu engenalwazi lwasintu namasiko. Baningi namhlanje abathandazi nabelaphi abangazi lutho ngesiko nabangakhulelanga kulona kodwa bayelapha. Izinto eziningi ezisihluphayo namhlanje azidingi umuthi kodwa zidinga kwelulekwe abantu ngokonakala esintwini nasesikweni elilahlekile. Ngikhulele emakhaya phaqa ngakhuliswa ngaso isintu, ngasiphila phakathi kwezalukazi namakhehla aye siqonda ngqo. Ngiphinde ngacwaninga kabanzi ngaso ngilihamba lonke elakwaZulu nanamhlanje ngisacwaninga. Ngabhala izincwadi eziyimiqingo kodwa angikaze ngihlangane nalokhu osekudume kangaka kokuthi lobolela uyihlo, zihlawule ekugcineni shadisa noma gcagcisa okhokho noma ogogo nomkhulu…

MHLELI: Amalungu emiphakathi yaseNgedlaneni naseMkholokotho, eMpangisweni, aphuma eshaya amakhala emhlanganweni owawuseNkantolo eNkulu eMgungundlovu ngoNovemba odlule. Lo mhlangano wawubizwe wuMphathi. Okwashayisa amakhala yindlela uMphathi ayenzelela ngayo maqondana nombango womhlaba namahlathi kule miphakathi. Umbango ususwa yinkosi evele ithi umhlaba namahlathi okwayo, inganaki ukuthi amapulazi aphumayo kuhulumeni akhishelwa umphakathi. Ubukhosi abungeni lapho bengamele amakomiti emiphakathi yala mapulazi. Empeleni la mapulazi aqondene nabanikazi bamanxiwa, amathuna nokunye lapho kwasuswa khona okhokho babo. Inkosi uma iyingxenye yalabo okwahlukunyezwa okhokho bayo, kufanele imelwe owomndeni, hhayi yona siqu sayo, ukugwema umoya wokuqonela ngesikhundla sayo kuhlukumezeke ilungelo lomphakathi. UMphathi ukhombise ukuchema nenkosi kakhulu, uma amalungu aseNgedlaneni naseMkholokotho eveza lezi zikhalo nenkinga yawo, uMphathi ubevele amvale okhulumayo. Nayo inkosi ivele imbophise noma imdingise ophikisana nayo ngala mahlathi. Umfo kaMadide obekhona kulo mhlangano, imehlele le nkinga waboshwa wadingiswa nasendaweni. Uvalwe isamuku…

VUKE wayovala umgwaqo oya ehholo nasemathuneni endawo ngamathayi avuthayo umphakathi waseSankontshe, eHammarsdale, obuvutha ungabaselwe, udinwa yinkinga yamanzi engapheli. Lo mphakathi ukhala ngokuthi kusukela ngonyaka odlule awunamanzi okwenze ukuthi ubhikishe ngeSonto. Omunye wababhikishi, uMnuz Siyanda Mhlophe, uthe sebekhathele ukuba yibhola losomathenda abashintshisana ngalo ukuzicebisa. "Kusukela ngoJuni nyakenye, sinenkinga yamanzi. Awaphumi. Silethelwa wona ngamaloli njalo ngoLwesine nangeSonto. Uma sibuza ukuthi kungani amanzi angabuyi kompompi, sitshelwa ukuthi kukhona ipayipi eliqhumile," kusho uMhlophe. Uthe abantu ababenzela phansi yilabo abacekela phansi ingqalasizinda yamanzi ukuze bezothola amathenda okuhlinzeka umphakathi ngamaloli amanzi, wathi sebekhathele ukuphila impilo yokukhipha imigqomo njalo ngalezi zinsuku, bayokhongozela amanzi anganeli, elolini. Uthe idamu elibaphakela amanzi lisendaweni futhi lihlale ligcwele. "Ngeke bathi awekho amanzi ngoba idamu liphambi kwethu, siyalibuka. Njengoba kulokhu kuna imvula, ligcwele," usho kanje. Uthe bazizwa bedelelekile ngoba uma beke batelek,…

SIHLALO we-TS Galaxy, uTim Sukazi, ulinde iKaizer Chiefs ukuthi imqonde, hhayi ukuhamba ngasese uma izimisele ngokubuyisa uPuso Dithejane owayengumdlali wayo eyamxosha eminyakeni edlule. UDithejane owakhuliswa yiChiefs, ngomunye wabadlali abavutha amalangabi kusukela kuqale isizini ka-2025/2026 yeBetway Premiership. Lo mdlali wakhonjwa indlela kwiChiefs kanye no-Omega Mdaka osekwiStellenbosch FC ibasola ngokunqaba ukuba ngama-ball boy emdlalweni weCarling Knockout kumasizini adlule besadlala kwiDStv Diski Challenge. Ngesikhathi uSukazi ekhuluma kwiKwekwezi FM ngempelasonto, uveze ukuthi iChiefs iyameshela lo mdlali kodwa ayihambi ngemigudu efanele. Nakuba uSukazi ekhuluma ngale ndlela kodwa kunamahlebezi asabalele amkhomba kwiSundowns uDithejane. “Kade nginaye muva nje uDithejane wangikhombisa ukuthi izikhulu zeChiefs uKaizer (Motaung Jnr) noTera (Maliwa) zimfonela mihla namalanga kodwa angalubambi ucingo,” kusho uSukazi. “Sengike ngathola ngisho ucingo oluvela kubaba womdlali engazisa ukuthi naye iChiefs imfonela cishe nsukuzonke izama ukuthi ayincengele lo mdlali. “Okusobala wukuthi…

KUHWEBELANA ngabadlali kwe-Orlando Pirates neMamelodi Sundowns kuyivelakancane ngenxa yobumbangi bala maqembu osebukhule kakhulu eminyakeni edlule. Yilokho okuholele ekutheni iningi labalandeli libambe ongezansi ngoLwesihlanu, ngesikhathi amaBrazilians ememezela ukuthi asesayinise lo mdlali obesemabhukwini eZimnyama kodwa ebolekiswe kwi-Orbit College FC kusukela ekuqaleni kwale sizini. Uma kwenzekile amaqembu ayizimbangi adayiselana abadlali kuyaye kuqubuke impikiswano ngokwethembeka kwabo kodwa umlando ukhombisa ukuthi ngezikhathi ezithile bakhona abadlali abathatha leli gxathu elingajwayelekile. Eminyakeni edlule bakhona abadlali asebehambe uhambo oluthi alufane nolukaSaleng, bashiya iqembu lase-Orlando bayojoyina elaseMamelodi. Gift ‘Vum Vum” Leremi ULeremi wayengomunye wabadlali abangaconsi phansi eNingizimu Afrika jikelele ngeminyaka yawo-2000. Lo mdlali owazalelwa ePimville, eSoweto, waqala kwinkulisa yePirates, wadlulela eqenjini elikhulu ngesizini ka-2002/2003. Wayeyingxenye yeqembu elanqoba isicoco seligi ngaleyo sizini futhi wagqama ngenxa yesivinini sakhe, umjiko, ukuphasa nekhono lokukhahlela ngazo zombili izinyawo. Wadlalela amaqembu esizwe amancane waze wakhushulelwa…

LISEKHONA ithemba lokuthi iDurban's Super Giants isengangena kweyomkhumulajezi emqhudelwaneni wakuleli wekhilikithi we-T20, iBetway SA20, kulandela ukunqoba iSunrisers Eastern Cape, ngeSonto. ISuper Giants eyayigcine ukunqoba emdlalweni wokuvula ibhekene nompetha bangonyaka odlule, iMI Cape Town, iphinde yathola amaphuzu amqoka ngesikhathi iqumba phansi iSunrisers ngamawikhethi amabili eSt George’s Park, eGqeberha, ngeSonto. Lo mphumela uyishiye isengaphandle kweTop 4, edinga ukuba kuyona ukuze idlulele esigabeni somkhumulajezi, ngamaphuzu angu-14 emidlalweni eyisishiyagalombili. Kodwa-ke isengakwazi ukukhuphuka kwi-log igcine ibalwe namaqembu amane azodlulela phambili uma ingayinqoba imidlalo emibili esele lapho izobhekana khona nePaarl Royals ekuhambeni nasekhaya. Owokuqala neRoyals uzodlalelwa eBoland Park, ePaarl, namuhla ngo-5.30 ntambama, kuthi owesibili udlalelwe eKingsmead Stadium ngoMggibelo ngo-1 emini. Umdlali weSuper Giants, uMarques Ackerman, uncome ozakwabo ngokunqoba lo mdlalo obufana nowafawafa kubona futhi ukholwa wukuthi uma beqhubeka ngaleli giya emidlalweni ezayo bazowathola amaphuzu abawadingayo. “Siyajabula…

SAZIWAYO bahalalisele abaphase u-matric baphinde bakhuthaza abangaphumelelanga ngokuvuka bazithathe. Ingwazi yomculi eyaphothula u-matric ina-60 ngo-2012, uSipho "Hotstix" Mabuse ithe imfundo ayikhulelwa ngakho ukungaphumeleli bese ukhetha ukushiya isikole ngoba ubona ngathi iminyaka isihambile akusizi. "Imfundo ibaluleke kakhulu. Kubo bonke abaphumelele ngiyabahalalisela. Kwabangaphumelelanga akusho ukuphela kwempilo kodwa kumele bazame kakhulu. Uma uwile uyakwazi ukuvuka uzithathe, bengakhathazeki," kusho uHotstix. Uthe abaphasile kumele bakhethe izifundo ezizokwazi ukubenza bathole noma badale amathuba omsebenzi. Uqhube wathi bengazimpintshela emanyuvesi bonke kodwa bayofundela namakhono. "Sikhuluma indaba ye-Artificial Intelligence manje, uyaboona ukuthi izifundo zekhompyutha zibalulekile." Umlingisi woZalo, uNothando Ngcobo, odlala indawo kaHlelo, uthe ukuqeda u-matric akuyona into encane. "Kuyisiqalo sempilo. Kumele baziphathe kahle ngoba umhlaba yindawo enobungozi. Kumele bathandaze futhi bathembe uNkulunkulu ngokuthi uzobabeka lapho befisa ukuba khona," kusho uNothando. Lo mlingisi oneziqu zeStrategic Marketing Communications azithola e-University of…

AZOTHOLA ithuba lokubuka amaphepha abawabhalile noma bamakelwe kabusha abangeneme ngemiphumela yabo ka-matric. NgokoMnyango wezeMfundo eyisiSekelo, abangazibonanga emaphephandabeni abaye ezikhungweni abebebhalela kuzona izivivinyo ukuze bathole izitatimende zemiphumela. Imiphumela yabo bazokwazi nokuyithola kwi-website yoMnyango kusuka ngo-6 ekuseni namhlanje. UNgqongqoshe woMnyango weMfundo eyisiSekelo, uNksz Siviwe Gwarube, umemezele izinga lokuphasa lika-matric lango-2025, emcimbini obuyizolo ebusuku. Kwabangaphumelelanga, uke wakuveza ukuthi kuzobe kungekhona ukuphela komhlaba njengoba benezinhlelo zokubasiza. "Abanezikhalazo ngemiphumela yabo bangacela ukuthi kwenziwe uphenyo, lokhu kumele bakwenze zingakapheli izinsuku ezingu-13 kukhishwe imiphumela. “Sinxusa abathole izitatimende zabo ukuthi baqikelele ukuthi amagama nenombolo kamazisi kuyikhona ukuze bafake isicelo sokuthi balungiselwe uma kube nephutha. Bangakwenza lokhu ungakashayi uFebhuwari 20, 2026," kusho uMnyango. UMnyango uveze ukuthi ngemuva kwesitatimende, kunemininingwane enalo lonke ulwazi kulabo abafuna ukuphinde bamakelwe kabusha. "Abafuna ukuphinde bamakelwe bafaka isicelo esikhungweni ababhalele kusona noma emahhovisi ezifunda zoMnyango.…

NAMUHLA uMnyango weMfundo eyisiSekelo ukhipha imiphumela ka-Grade 12. Leli banga limqoka ngoba yilona elisuke selicijela abafundi ukuthi bangene ezingeni lokulungiselela ukuqala ukusebenza. Eminye imiphumela ka-matric ikhishwe izolo, obekuyizikole ezingaphansi kwe-Independent Examinations Board (IEB). Nakhona lapho kusuke kwenziwa umsebenzi ofanayo njengoba imiphumela yonke iphasiswa yinhlangano ebizwa ngoMalusi. Ukuphuma kwemiphumela ka-matric akasagcini-ke ngokuthi kube yisikhathi esibhekwe abafundi abebebhala, nabazali babo. Izwe lonke, kuhlanganisa nabaholi kuhulumeni, lisuke libhekile ukuthi u-matric walowo nyaka uzokwenza njani. Kusukela izolo ekuseni nakusihlwa uMnyango kuzwelonke ubunemicimbi kwethulwa le miphumela. Nanamuhla izifundazwe zizobe zithe chithi-saka zenza imicimbi yokwethula imiphumela nokubongela abavelele. Nomasipala imbala bayazibandakanya ngokuhamba kwesikhathi, bebongela izikole nabafundi ezisezindaweni zabo. Ngenxa yokungena shi kwabaphathi bezwe, lesi futhi yisikhathi lapho ubupigogo bosopolitiki buma ngezinyawo. Babodwa abagxekayo, abanye baqhoshela abanye, kunabakhala ngokungenzi kahle kwalabo abaphethe. Kusho ukuthi imiphumela ka-matric isiwumgidi…

UKUBEKEZELA nokusebenza kanzima yikhona okusize ongqeqe abamele iKwaZulu-Natal kuzwelonke, baphasa u-matric ngamalengiso. Labo ngqeqe bahlonishwe nguNgqongqoshe weMfundo eyisiSekelo, uNksz Siviwe Gwarube izolo ebusuku emcimbini wokumemezela imiphumela ka-matric 2025, eGoli. Bagile izimanga emikhakheni ehlukene kanti babonge ukwesekwa yimindeni yabo kanjalo nothisha ngendlela abaphase ngayo. U-Asanda Ndlela (17) waseMasibumbane High, oLundi, uthe ukubekezela yikhona okumsebenzele kakhulu njengoba enze kahle. Uthe udabuka eMondlo kanti waya kofunda kulesi sikole ngenxa yokuthi senza kahle kakhulu ku-matric. "Umndeni wami ubungigqugquzela ukuthi ngenze kahle ku-matric. Ngifuna ukwenza iziqu zobunjiniyela ngoba ngibukela kubabekazi wami obengigqugquzela," usho kanje. Phakathi kwezifundo abezenza kukhona iTechnical Maths neScience, EGD, Mechanical Technology, isiZulu, Life Orientation nezinye. Uthe ufuna ukwenza iziqu zeMechanical Engineering enyuvesi i-UJ. U-Olwethu Dladla (18) waseTugela Secondary, eMandeni okwabahlonishwe nguNksz Gwarube, uthe ufuna ukusiza umphakathi aqhamuka kuwona KwaHlomendlini, uma esephothule iziqu…

KAIZER Chiefs izokwazi ngoLwesine ukuthi yiliphi iqembu elizoba ngelokuqala ukuma endleleni yayo ebheke ekuvikeleni isicoco seNedbank Cup esidle kwi-Orlando Pirates ngesizini edlule. Lesi sicoco seChiefs sibe mqoka kwazise besiqeda indlala yezinkomishi ebisijuqe Amakhosi iminyaka engu-10. Izolo, iPremier Soccer League (PSL) iqinisekise usuku nesikhathi sokuqhathwa kwamaqembu azogadulisana kwi-Last 32 yalo mqhudelano emcimbini ozoba kusasa ngo-6.30 ntambama, eSandton, eGoli. Ngokohla lwemidlalo ye-PSL kwisizini ka-2025/2026, iKe Yona izoqala ngoFebhuwari 4 lapho amaqembu angu-16 eBetway Premiership ezoqhathwa khona nayisishiyagalombili eMotsepe Foundation Championship namanye ayisibalo esifanayo avela kuma-amesha. Njengoba iBafana Bafana ingaseyona ingxenye ye-Africa Cup of Nations (Afcon) kulandela ukuphuma kwayo kwi-Last 32 emasontweni adlule, abathandi bebhola laseMzansi abasakwazi ukulinda ukuthi kubuye lokhu abakujwayele. Ngaphambi kweNedbank Cup, kuzoqala imidlalo yeligi ngoJanuwari 20. Nakuba iChiefs ingawuvalanga kahle unyaka kodwa kayikho kude ne-Orlando Pirates okusongwe unyaka iqhwakele.…