Tabla de contenidos para 2026-01-05 en Isolezwe

U-FAITH unqamula ubudlelwano bakhe emuva kokuthola ukuthi uKhulubuse ushadelwe. UNkosi uyaqhela kuGogo Siya egqugquzelwa uPalesa. Usuku luka-Ona noKD bezikhiphile luyaphenduka uma ethola okushaqisayo. U-Ona akakhululeki ngempilo kaKG futhi ulungiselela ukumbuza emuva kokuthola iqiniso kuNeo. U-Ona uqeda ubudlelwano bakhe noKD kodwa uyahlambalazeka uma eseqhubeka nempilo emphakathini. UFaith ungqubuzana noSbahle ngezinto zakudala zikaKhulubuse. UGogo Siya ushaqisa uNkosi ngomyalezo athi uvela emoyeni kaShoki. UMSHADO kaMaMbhele uvivinywa kakhulu kunakuqala. UMaKhumalo uzama ukuqeda akuqalile. UMaMbhele ubhekene nengcindezi nxa zonke njengoba ukuhlolwa kolibofuzo kungase kucekele phansi konke abakwaDladla abakwakhile. UMaKhumalo ubuyela emphandwini wezingonyama ukuvikela uMaMbhele kodwa uZama usezithendeni zakhe. UPhinda ulungiselela ukugadla. ISIGAMEKO esikhulu sishiya umndeni unongabazane nokwesaba. Owesilisa ubalekela iqiniso angasakwazi ukulicashela. Isikhathi sihamba kancane emndenini olinde izimpendulo ezingafuni ukuvela. Kuyoshaya ekuseni izinto zingasafani. Kufika izindaba okungekho mzali olungele…

UQHAKAMBISE uNkulunkulu ngempumelelo yomcimbi wakhe uMthandeni SK, obehlele indumezulu iMthandeni Summer Experience ngakubo eMdletsheni, ngempelasonto. Lo mcimbi obekungokwesithathu ukhona, ubuseMkhaliphi Stadium ngoMgqibelo. UMthandeni, obuye aziwe ngeGcokama Elisha, ubelokhu ebazise njalo abalandeli bakhe ezinkundleni zokuxhumana kusuka besaqhuba amalungiselelo kuze kuba usuku lomcimbi. Ngosuku olwandulela umcimbi ufake i-video yena nethimba lakhe beguqe ngamadolo bethandaza, kubo. Ngosuku lomcimbi ufake i-video esesiteji ehambisana nombhalo othi “Wadla Jesu”. Izolo, uphinde wabeka phambili uThixo efaka umbhalo othi: “Yey uNkulunkulu uyayihlonipha intandane." Imizamo yokumthola ayiphumelelanga izolo. Kuhluleke kuzanywa nemeNEnja yakhe uSimphiwe Masondo noVezokuhle Nala wenkampani Amathole Funerals ebingabaxhasi futhi eseqhulwini lokugqugquzela. Izinkumbi zabantu zithamele le ndumezulu yomcimbi obubophele inqwaba yabaculi. Phakathi kwabo, kubalwa uZee Nxumalo, DJ Tira, Jumbo, Thinah Zungu, Duncan, nabanye abaningi abanandise kwaze kwasa. Abadlali bezimoto ezingama-4x4 bashaye ujenga ngeziqwalantaba zabo bebheke emcimbini.…

MHLELI: Kuye kuthiwe umuntu ubongwa esefile. Ngeswele amandla ngabe ngenza indumezulu yomcimbi wokubonga abantu abafana noMenzi (Mabizela) ongumculi kamaskandi, Umafikizolo naye ongumculi kamaskandi, iLadysmith Black Mambazo, Xolwa ongumculi we-hip hop kanye noSihle Cindi ongumhleli womcimbi i-150 Maskandi Festival kanye noMnambithi Music Festival. Ngibalula laba bantu abathe bathatha igama noma indawo yaseMnambithi bayibeka ebalazweni, yaduma ngenye indlela ebingaziwa ngayo. Siyazi indawo yaseMnambithi izidumele ngesibhamu kodwa laba engibabalule ngenhla baveze okwehlukile ngendawo yakithi, basinika isithombe abantu ebebengasazi. Kuhle ukubonga umuntu esezwa, esabona futhi esakwazi ukuthi naye abonge engasakhulunyelwa. Ngeswele amandla, laba bantu bekumele behlonishwe ngomsebenzi wabo. UMenzi naye usenomcimbi oletha umnotho endaweni yakithi, okufanayo nokwenziwa uSihle Cindi naye okade ayibamba kule ndima. Ngibonga osomabhizinisi abayixhasile le micimbi ngoba ibasiza kakhulu ekukhuphuleni umnotho. Ngibonga nakomasipala abaxhase ngoba imicimbi iletha izinkumbi zabantu basimamise nomnotho…

MHLELI: Kuye ngamagama enkehli ngenkathi ingoma kaMafikizolo esihloko sithi Uyoncengwa Unyoko ihlukanisa unyaka oKhozini FM. Bekuqopheka umlando endimeni kamaskandi ngoba nangokwedlule kwaba umaskandi owabashaya emakhanda. Sakubalula emasontweni adlule ukuthi amajongo amaningi alikhuphulile izinga futhi ziningi izingoma zabo ezithakaselwe cishe kuzo zonke izinkundla zokuxhumana. Baningi abathakasele umculo weNkeshemba, Menzi, Feza, Njabulo Langa, Mzukulu, Mahostela, Matolgate, Mjolisi noMdumazi nenoni lakhe elithi Ubambo lwami, okuyingoma esashisa izikhotha yize isinesikhathi yaphuma. Bekungashona ilanga uma ngibaveza bonke futhi-ke izwe lazi lonke ngamagalelo kaMthandeni SK, Khuzani, Somnandi, Jaiva Zimnike, Scebi, Khuthuza nabanye. Enye yezingoma ethakaselwe kakhulu yingoma ethi Abasemzini eculwa uMketule Ft Jikijiki. Ziningi ezinye izingoma ezithakaselwe, okuyishwa ukuthi ngeke sikwazi ukuthi silobe ngazo, yingakho kuyoba yinto enhle ukuthola uxhaso kosomabhizinisi ukugwema ukuthi singabukeki njengabantu abakhetha iphela emasini uma singalobi ngamanye amaciko. Ukwenza isibonelo, kungithathe isikhathi…

MHLELI: Umuntu oqashwe ngumasipala wasoLundi osebenza ngamanzi eMakhosini kanti wayeqashwe ngoba ekwazi ukuthuka abantu uma bezokhalaza ngamanzi yini. Ngisho ngoba sesiyesaba ukucela ukuthi asivulele amanzi ngoba into ohlangana nayo yinhlamba. Umasipala wabeka ithangi lamanzi eduze komuzi wakubo. Leli thangi sekungelakhe. Uma ucela uyenqaba uthi uligcwalisa yedwa. Lo muntu ungusihlalo weqembu Inkatha Freedom Party endaweni kodwa indlela ahlukumeza ngayo abantu iyesabeka, nenhlamba ekuye iyesabeka. Uyathinteka futhi ekuletheni amaphisi ezozingela esiqiwini Ophathe bese kulahleka imfuyo yomphakathi. Usethathe ingulube yomunye ubaba wayoyibulala ehlathini ehlangene nabaseNhlazatshe wathi ubethi yingulube yentaba. Lo muntu uphoxa iqembu le-IFP ngobusela. Abaholi be-IFP oNdini ngicela bavule amehlo ngalo muntu. Isakhamuzi KWANOBAMBA…

KUBOSHWE utolika, othisha, owayengumqaphi wemeya, umshayeli wesitimela nephoyisa eMnambithi ngempelasonto njengoba bebeshayela bephuzile. Ngokwezibalo ezikhishwe nguMnyango wezokuThutha KwaZulu-Natal, bangu-34 abashayeli ababanjwe beshayela bebukhile. Isitatimende somnyango siveze ukuthi laba baboshwe eMnambithi ngoMgqibelo ebusuku. "Kwababoshiwe kubalwa notolika enkantolo, iphoyisa eselathatha umhlalaphansi, othisha abathathu, umshayeli wesitimela, umshayeli wetekisi nomsebenzi kamasipala. Abanye ababoshiwe kubalwa nosebenza ekhemisi kanjalo nowayeqapha imeya eMnambithi." Isitatimende sithe alufakwa eKZN kulabo abashayela bebukhile. UMphathiswa woMnyango, uMnuz Sboniso Duma, uthe ukube ababoshwanga laba bashayeli, imindeni eminingi ngabe ilungiselela imingcwabo. "Ingabe ihlelela imingcwabo isezinhlungwini ngakho sincoma umsebenzi wamaphoyisa omgwaqo. Amaphoyisa asindise inqwaba yabantu emigwaqweni yesifundazwe," kusho uDuma.…

IZINYUNYANA zabasebenzi bezempilo KwaZulu-Natal, zichitha isinqumo soMnyango wezeMpilo esifundazweni, sokumisa uhlelo lokuqeqesha abasafunda abazosebenza emakhemisi nabanye abasebenzi bezempilo ngenxa yezinselelo zemali. Esitatimendini esikhishwe nguMphathiswa walo Mnyango, uNksz Nomagugu Simelane, sithe noma bezimisele ukuqeqesha laba basebenzi kodwa ngenxa yezinkinga zemali baboshwe izandla. "Ngenxa yalokhu sikwazi ukuqeqesha odokotela nabanye abasebenzi. Asikwazi ukusebenzisa imali esingenayo. Sibhekene nezinselelo zemali." Uqinisekise abasafunda ukuthi abalumisile unomphela lolu hlelo ngoba uMnyango usemkhankasweni wokuhlwaya imali. Uveze ukuthi bazobabeka eqhulwini laba basebenzi uma sekuvela imali. Izinyunyana i-National Education, Health and Allied Workers’ Union (Nehawu) nePublic Servants Association of South Africa (PSA) zithe zizoxoxa noMnyango ngalolu daba. UNobhala weNehawu, uMnuz Ayanda Zulu, uthe abahambisani nesinqumo soMnyango. "Sizoxoxa noMnyango mayelana nalaba abasafunda abebezoqeqeshelwa lo msebenzi okumisiwe. Sakwenza kodokotela kanjalo nakubahlengikazi," usho kanje. Uveze umbono wokuthi impi kumele bayibhekise eMnyangweni kaMgcinimafa. "Kuncane…

NJINI yeBafana Bafana ekhulele phesheya kwezilwandle, uSphephelo “Yaya” Sithole, ikulungele ukujoyina izinkunzi zePremier Soccer League (PSL) okuyiKaizer Chiefs, Orlando Pirates neMamelodi Sundowns njengoba isilungele ukushiya ePortugal. Yize uSithole esanda kulula inkontileka yakhe ne-CD Tondela edlala esigabeni esikhulu sasePortugal kuze kube ngu-2027 kodwa utshele abezindaba muva nje esekhempini yeBafana eMarrakech, eMorocco, ukuthi usekulungele ukushintsha umoya. Ngaphambi kokuvuselela kwiTondela ngoDisemba nyakenye, bekunesikhathi uSithole emataniswa neChiefs okuyiqembu angakufihli ukuthi wakhula engumlandeli walo. Nakuba lokhu kugcine kungenzekanga kodwa lo mdlali owaya ePortugal ngo-2018 esuka kwi-KZN Academy, udalule ukuthi akanankinga nokujoyina iChiefs, Pirates noma iSundowns yinqobo nje uma kuqondene konke okufanele kuqondane. Ngesikhathi ebuzwa ngakufisayo uthe, emuva kwe-Africa Cup of Nations (Afcon) eqhubeka eMorocco, ufisa ukushintsha iqembu kungakhathalekile ukuthi uqhubeka e-Europe noma ubuyela ekhaya kwiPremier Soccer League (PSL). “Sengihlale ePortugal iminyaka eyisishiyagalombili nangaphezulu. Ngakho-ke uma…

BAMBA lomqeqeshi weHollywoodbets Sharks, uJP Pietersen, likholwa wukuthi bebenenqwaba yamathuba okunqoba umdlalo ngaphambi kokuthi baqunjwe phansi yiLions emdlalweni we-Unted Rugby Championship eThekwini, ngoMgqibelo ntambama. ISharks ingene kulo mdlalo ihlose ukunqoba umdlalo wesithathu kulandelana okokuqala kule sizini kodwa kubhede ngomzuzu wokugcina ngesikhathi uHashim Pead eshayela iqembu laseGoli i-try elinqobe ngayo umdlalo. Ukuqala umdlalo ngomfutho ophansi kuholele ekutheni iLions ihambe phambili ngo 15-0 kodwa iSharks yavuka emaqandeni. Kuyiwe ekhefini iLions isihamba phambili ngo 18-17. Kuthe sekusele imizuzu embalwa kuphele umdlalo uphele, iSharks yathola i-try eshaywe ngu-Edwill van der Merwe eyibeke phambili ngo 22-18. Leli qembu liphinde lathola amaphenathi elandelana ebelingawakhahlelela ipali ukuze linwebe igebe kodwa ladlalela ukuthola enye i-try, nokugcine kungenzekanga, iLions yawuntshontsha ekugcineni umdlalo. Kulo mdlalo i-flyhalf yeSharks, uJordan Hendrikse, ihlulekile ukuwabeka phakathi ama-conversion amathathu ngemuva kwama-try abawatholile kodwa uPietersen uthe…

UXEGISWE imithetho yentandokazi yohlelo iBig Brother Mzansi, ngokuthi kuvunyelwe abake babonakala kuyo ukuthi baphinde bangene endlini ngesizini entsha ezoqala ngeSonto. Imithetho yokungenela iBig Brother ikubeka kucace ukuthi kufuneka abantu abasha ngakho abake babonakala phambilini kabavumelekile. Nokho zijikile izinto njengoba ababukeli benikwe ithuba lokuthi bavotele abafuna ukubabuyisa ukuthi bangeke endlini kaBig Brother. Kukhishwe uhla lwabayisikhombisa okuzokhethwa kubo abane abazongena endlini uma sekuqala isizini yesithupha ngeSonto, kuMzansi Magic. Laba ngoDube, Mmeli, Fahima, Sipha Lee, Bravo B, Lerato noLiema. ULiema osengumculi, wayekwisizini yesine yeBig Brother. Wakhetha ukwamukela u-R250 000 ukuze aphume endlini. UBravo B owayengesizini efanayo noLiema, wahlala isonto elilodwa endlini kaBig Brother ngaphambi kokukhonjwa indlela. Le nsizwa yaKwaNongoma, yaxoshwa emuva kokubhunga ngetulo lokuthi balale nabanye besifazane abasendlini uma sebedakiwe. Omunye owayekwisizini yesine eyayibizwa ngeS’yamosha osethubeni lokubuya nguFahima. Yena wafakwa endlini ezophazamisa futhi…

UKUFOHLA kweMelika, ingena ngehheshe eVenezuela ezinsukwini, ize ibabale iyothumba inhloko yezwe uMengameli Nicolas Maduro, kwenekele umhlaba ngobungozi bokuba ubhongoza kweMelika isebenzisa ukwesatshwa kwayo ngamandla ezikhali zempi enazo. IMelika iphambili ekushumayeleni ivangeli lentando yabantu kodwa kungukubonda ukwephula lo mthetho ngokuyabula ngesidlozana umholi welinye izwe ezihlalele esigodlweni. Kusobala ukuthi ukuphepha esicabanga ukuthi sinakho emhlabeni kuyinganekwane exoxwa ngokuhlwa ngoba ukuyizeka emini kuzosimilisa izimpondo. Nxashana uthi uyalandelisisa indaba, uMaduro uboshwe wabekwa amacala angaqondakali ngoba noMengameli weMelika, uMnuz Donald Trump, uphenduka ixhegu elithefuyayo uma ecacisa ngokwenziwa yile ndoda. Naye uMaduro akumelekeleli ukuthi vele akanalo ugazi olufikephi kubantu ebaholayo. Okungafihleki encazelweni kaTrump ukuba ngaphandle kwenhliziyo yakhe ngomnotho kawoyela otholakala eVenezuela. Ukuthi kungani iMelika ikwenze kwaba lula kangaka ukunqamula imingcele yelinye izwe ize iyophoseka phakathi ekomkhulu, akuqondakali. IMelika ibisishilo ukuthi oyoyisiza ukubamba lo mholi uyoceba impilo yakhe…

MHLELI: Sekuyacaca ukuthi uhulumeni wezwe ungcoliswa wuhlobo oluthile lwabaholi bamaqembu akuhulumeni obusayo. Abantu uma bevota basuke bevotela uhulumeni ozobenzela konke abakudingayo, ozoshintsha impilo yabo. Amaqembu angenele ukhetho athembisa abantu izithembiso eziconsisa amathe kanti ababheca ngodaka emehlweni, ebaphandisa iqanda lenjelwane wena owabona umdlalo wabafana ekwaluseni. UMthethosisekelo wakuleli zwe ukubeka kucace ukuthi ngabaneminyaka eyishumi nesishiyagalombili nangaphezulu ubudala abanelungelo lokuvota kuleli. Uphinde futhi ukubeke kucace ukuthi umuntu ogulayo ngekhanda akanalo ilungelo lokuvota kuleli zwe. Okuxakayo ezweni lethu ukuthi uma sekukhethiwe, uhulumeni uvele uphenduke sengathithi ubuvotelwa yizingane noma ngabantu abagula ngamakhanda, uzwe sebekhala ngohulumeni ovotelwe yibo bethi awenzi kahle. Okuxakayo futhi wukuthi laba bantu abavotayo abakwazi yini ukufunda ngamaphutha abo ekuvoteni kwabo? Kufanele ukuthi ngabe sebeyawazi amaqembu analolu hlobo lwabaholi olungcolisa uhulumeni wabo ngenkohlakalo. Njalo nje bona bayohlala beshaywa ngemfe iphindiwe, beshaywa…

UMFELANDAWONYE wezinhlangano zabangcwabi sezixwayise abantu ukuthi baqikelele ukufundisisa imigomo nemibandela uma bejoyina omasingcwabisane ukuze bazi ukuthi umuntu ukhokhelwa uma kunjani. USihlalo walo mfelandawonye i-Unification Task Team, uMnuz Muzi Hlengwa, uthe abantu bakushaya indiva ukufundisisa yonke imigomo bese bekhala uma sebethola ukuthi ezinye izinto azikhaviwe ngaphansi komasingcwabisane. UHlengwa usho lokhu kulandela ukugxekwa kwenkampani kamasingcwabisane, Icebolethu Group, okuthiwa inqabe ukukhokhela isicelo sokungcwatshelwa umufi okuthiwa ufe ezibandakanya ebugebengwini. NgokweCebolethu, umufi ufe ngesikhathi kukhona ukudubulana phakathi kwabantu ebebesemotweni abehamba ngayo namaphoyisa. Le nkampami idalule nokuthi kuleyo moto bekukhona umuntu obethunjiwe, elayishwe ebhuthini, yathi ngokombiko wamaphoyisa, nomufi obephakathi emotweni, ubeyingxenye yalobu bugebengu. Ecacisa lokhu uHlengwa, uthe akukho okungafanele okwenziwe yiCebolethu. Uthe izinkampani zomasingcwabisane njengoba zisuke zamukela amalungu ngaphansi kwazo, zingena esivumelwaneni sokuthi zizokhokha noma zizongcwaba uma umuntu eseshonile, nazo zisuke zijoyine ezinkampanini zemishwalense. “Lezo zinkampani…

IMINWE iphinde yabheka kwimenenja yeBafana Bafana, uVincent Tseka, ngemuva kokuthi inhlangano eyengamele ibhola e-Afrika, iConfederation of African Football (Caf) iphendula inkulumo yomqeqeshi, uHugo Broos, obeyigxeka ngokungahleleki kwezinto kwi-Africa Cup of Nations (Afcon) eqhubekayo eMorocco. UBroos ubekhononda ngokuthi ihhotela leNingizimu Afrika nenkundla yayo yokuziqeqesha kuhlukaniswe yibanga elithatha imizuzu engu-45 ukulihamba. Ngesikhathi ekhuluma nabezindaba ngaphambi komdlalo weBafana neCameroon obuyizolo ebusuku, uBroos ugxeke i-Caf ngokungahleleki, ekhononda ngokuthi ibanga phakathi kwehhotela leBafana nenkundla yokuziqeqesha livuleke ngendlela engajwayelekile. “Angazi ukuthi ngesikhathi i-Caf ihlela umqhudelwano yabona kanjani kungcono ukuthi ihhotela lethu nenkundla yokuziqeqesha kugqagqane ngale ndlela,” kukhononda uBroos. “Uma benganikwa ithuba lokuchaza bangaphendula bathini uma bebuzwa ukuthi bakwenze kanjani ukuthi inkundla yokuziqeqesha yeBafana ibe kwisakhiwo esisodwa neqembu lesizwe laseMorocco? “IMorocco yiqembu lesizwe esingase sibhekane nalo uma sivunwa wumphumela kwiCameroon." Emuva kwale nkulumo, i-Caf ikhipha isitatimende iziphendulela…

-AFRICA Cup of Nations (Afcon) yehlandla lika-35 emlandweni idlalwe kwaze kwafika esigabeni sokuwashisana ijezi ngaphandle komphumela obe yimbedumehlwana. Lokhu kuzitolika ngokuthi kunenqwaba yabadlali abasemabhukwini amaqembu agijima kwi-English Premier League (EPL) abakulo mqhudelwano abasazohlala eMorocco. Kubadlali abangu-32 be-EPL abaqale lo mqhudelwano ngoDisemba, siye koshicilela kusenguTawanda Chirewa weWolves neZimbabwe kuphela obesebuyele eqenjini lakhe kulandela ukuphuma kwezwe lakhe kwi-Afcon. Bekubhekwe oyedwa phakathi kukaLyle Foster weBurnley neBafana Bafana noBrian Mbeumo weManchester United neCameroon, abadlale izolo ebusuku, ukuthi ajoyine uChirewa. Amazwe aqede phezulu emaqoqweni: Morocco, Egypt, Nigeria, Senegal (esikuma-quarterfinal), Algeria ne-Ivory Coast. Amazwe alale isibili kumaqoqo: Mali (esikuma-quarterfinal), Bafana Bafana, Tunisia (esiphumile), DR Congo, Burkina Faso neCameroon. Amazwe angene ngokulala isithathu emaqoqweni: Mozambique, Benin, Sudan (esiphumile) neTanzania. Amazwe aphume ekuseni kwi-Afcon: Angola, Comoros, Zambia, Zimbabwe, Uganda, Botswana, Equatorial Guinea neGabon. Njengoba imidlalo ye-Last 16 iqhubeka…

MHLELI: Sekuyazwela ukuba ugqa-mcishi kukagesi eMbumbulu, ku-Ward 96, ngaphansi kobuholi bukaMhlonishwa uKhansela Lihle Makhanya. Sekuyaziwa ukuthi kunezinsuku lapho uhamba khona amahora amathathu kuya kwamahlanu. Kulokhu sigqemeke udume lwengozi uhamba izinsuku ezine (26 – 29 Disemba 2025), konakala ukudla okuningi obekugcinwe eziqandisini. Siyacela singumphakathi ukuthi isukunyelwe le ndaba kungaze kube yilesi simo esigcina singesihle sokuzwakalisa ilaka ngokugcwala izitaladi kuqhinqwe emigwaqweni ngenxa yesimo esaziwa abaphethe nabangakwazi ukusilungisa. Uma kunenkinga ekhona endaweni eyaziwayo, siyacela obhekele i-Eskom eMbumbulu ayisukumele le nzukayinkeyi, umkhizo usuzwele manje ejazini. OkwaseMbumbulu (Ward 96) akufani nakwezinye izindawo esakhelene nazo. Lokhu kuhamba kukagesi kuyinsakavukela noma uhulumeni asakumisa ezweni. Isakhamuzi esikhathazekile EMBUMBULU…

MHLELI: Kungaba yiphutha elikhulu ukuba singabhaleli kwelakho elifinyelela nalapho khona amazwi ethu angafinyeleli khona ngenxa yokukhula kwalo, sibhale sibongele insizwa yakithi eMnambithi Umafikizolo. Le nsizwa idle umhlanganiso ngengoma ehlukanise unyaka singena onyakeni omusha emsakazweni Ukhozi FM. Ngithanda ukuyibongela insizwa kubo bonke abathe bajikijela amavoti abo bayiphakamisa yanqoba izinsizwa nezintombi. Akwethusi kakhulu okwenzekile ngale nsizwa. Siyazi ihlezi isebenza ngokuzimisela. Nakulokhu bekubona nengane encane ukuthi Umafikizolo siyongena ngaye onyakeni omusha. Siyabonga kakhulu. Siyakubongela ndoda yamadoda, sikufisela okuhle kuya phambili, uqhubeke nokwenzela abantu okuhle. Mpha Omnyama EMNAMBITHI…

SATHUTHUMELA umndeni waseBangibizo, eMthwalume, ngowesilisa obuye wazobulala abomndeni ababili, kulandela ingxabano eyenzeke emgwaqweni ngoMgqibelo. Kuthiwa uMnuz Siboniso Mteshane (31) nomzala wakhe uMnuz Kwanele Gumede (33), badutshulelwe ekhaya, bashona ngumsolwa owaziwayo nosezinikele emaphoyiseni. Owomndeni, ocele ukungavezwa ngoba umsolwa engowasendaweni, uthe umsolwa udubula laba nje, ubekade esuse umsindo ngokuthambama kwelanga, eshayisa ngesibuko semoto umshana woyedwa wababulewe emgwaqweni. “Bebeqeda ukwehliswa amatekisi abebahambise ePort Shepstone, embondweni welungu lomndeni, sebehamba ngezinyawo, bebuya beza ekhaya,” kusho owomndeni. Uthe uKwanele umbuzile lona wesilisa - okuthiwa ubehamba ngeveni athutha ngalo izingane zesikole - ukuthi uyabona yini ukuthi useshayise umshana wakhe, waveza nokuthi lona wesilisa esikhundleni sokuthi alibone iphutha lakhe, uvele wachapha uKwanele ngenkulu inhlamba. “Ube esemsongela ethi uzobuya azomdubula,” kusho yena. Uthe uKwanele akazange azinake lezi zinsongo kanti umsolwa uzobuya ngempela azomdubula. Uveze ukuthi umndeni uvuswe yizigi zomuntu…

BAQALE uhambo oluyingcwele lwaminyaka yonke abezinhlangothi ezehlukene ebandleni iNazareth Baptist Church, elidume ngoShembe. Uhlangothi lwaseBuhleni oluholwa yiNkosi Mduduzi Shembe, uNyazilwezulu, luqale uhambo izolo olubheke eKhenana. Ngakolunye uhlangothi, abaseKuphakameni abaholwa yiNkosi Vukile Shembe, iNcoyincoyi, bavele sebesentabeni iNhlangakazi.…

ICAPE Town City isikhombise ukungasinisi mahleza ngezinhloso zayo zokulwela ukubuyela esigabeni seBetway Premiership ngokusayinisa umgadli obukhali, uDzenan Zajmovic. UZajmovic (31) ujoyina iCity nje usanda kwehlukana neqembu lase-Iran, iZoba Ahan, abelijoyine ngaphambi kokuqala kwale sizini esuka kwi-TS Galaxy. Lo mgadli odabuka eBosnia osayine kwiGalaxy ngesizini edlule, ufike kwezwakala kwiPremiership. Uhlohle amagoli angu-11, wakha amabili emidlalweni engu-28. Ngesikhathi ebhakuzisa inethi kwiGalaxy, kusabalale amahlebezi okuthi ugaqelwe yizinkunzi zePremiership okuyiKaizer Chiefs, Orlando Pirates neMamelodi Sundowns. Nokho, kube nebohlololo ngenkathi esevumbuka eqenjini lase-Iran njengoba esekhuza ibuya eMzansi ejoyina iCity ekwiMotsepe Foundation Championship kulandela ukugawulwa kwayo yizembe ngesizini edlule. Ngemuva kokugawulwa yizembe kwiPremiership, leli qembu laseKapa eliphethwe nguJohn Comitis, liqashe uJan Vreman waseNetherlands kwesokuqeqesha. Ukulahlekelwa yinqwaba yabadlali okubalwa kubona uDarren Keet, Thabo Nodada, Haashim Domingo noThamsanqa Mkhize kuphoqe ukuba lingene emakethe. Liqinise sikwati ngabanye abanamava okudlala…