Tabla de contenidos para 2025-12-31 en Isolezwe

UMPHATHISWA wezokuThuthukiswa koMphakathi KwaZulu-Natal, osehlule kaningi exoshwa, uNksz Mbali Shinga, uvule izandla kulabo abafuna ukumketula esikhundleni. UNksz Shinga unxuse abaholi beNFP ukuba bayeke ukulwa bodwa, wathi izimpi zangaphakathi zizophazamisa ukusebenza kweqembu. Ukusho lokhu esitatimendeni asikhiphe emva kokubhuntsha komzamo wesibili wokumxosha ekumeleni iNFP esiShayamthetho saKwaZulu-Natal. USomlomo wesiShayamthetho, uNksz Nontembeko Boyce, uchithe isicelo sobuholi beNFP sokuba kukhishwe uNksz Shinga esiShayamthetho. Ubuholi beNFP bebufuna ukuthi uNksz Shinga akhishwe esiShayamthetho ngenxa yokuthi umisiwe eqenjini, wamiswa emva kokuba eshaye indiva umyalelo weqembu wokuba aseke isiphakamiso sokungabethembi ubuholi bukaNdunankulu waKwaZulu-Natal, uMnuz Thami Ntuli, esasifakwe iMKP. UNksz Boyce uthe bekufanele lolu daba baluxazulule ngaphakathi kwiNFP, lungaze lufike esiShayamthetho. "Kungokwesibili manje kuba nomzamo wokungikhipha esiShayamthetho. Indlela abazama ngayo ukungikhipha esiShayamthetho ayikho emthethweni futhi ishiya imibuzo eminingi. IsiShayamthetho lesi silandela uMthethosisekelo kuyo yonke into esiyenzayo. Le nto bekungafanele ize…

MHLELI: INgonyama uDingane kaSenzangakhona, indunduma yaseMgungundlovu yabe izalwa uNdlunkulu uMpikase, intombi kaMlilela yaseMaqungebeni (uMaNgobese). Yaphaka impi ukuyolwa namaQadasi eNcome, ngo-16 kuZibandlela 1838. Akuvamile ukukhulunywa ngale mpi ngamaqhawe alwa, amanye asala khona. Nemigubho yayo njengomkhosi weLembe nowaseSandlwana inqabile. Yinyanga lena okwachitheka ngayo igazi kwaZulu, amaqhawe evikela izwe futhi impi yokuqala eyaliwa yiNgonyama kaZulu ibhekene ngqo namagobamlomo. UMapholoba kaNgomane Mdletshe, iNyosi uPhangwayo kaBhambula Mncwango noNhlangu kaNonkonkela Buthelezi owayezalwa oKaMklaluza waseMaMbatheni eNhlazatshe, bangamanye amaqhawe asala eNcome. USohoyase kaNonkonkela, uMhadu kaMandeku Nxele, uKhangela ibutho, uNgubane kaNgomane uDlangezwa ibutho, uNkundleni kaNgomane uDlambedlu, uDedema kaNgomane, Ihlaba ibutho, ngamanye amaqhawe alwa eMpini yaseNcome abuya. UMhlazana kaNgomane, Ihlaba, noMagwaza weNkosi uSenzangakhona ababuyanga eNcome. Maningi kakhulu amadodana kaNdunankulu uNgomane kaMqomboyi waseZisayini, alwa eNcome asala khona. Ngamaqhawe ezinye izibongo oNdima wakwaXulu uDlambedlu lwasoGegethekeni, noGwayiza kaNdlovu, iMpohlo ibutho kwaMndaba eKubonakayeni, eNdondwane,…

MHLELI: Angisiye umuntu onaka izindaba zabanye abantu nozikhathazayo ngazo. Isizathu salokho yingoba ngiyakholelwa ekutheni kumele nginake ezami. Ngenxa yezinkundla zokuxhumana umuntu ugcina esezilandela izindaba ezisematheni. Empeleni udaba lukaFelix Hlophe, odume ngokusakaza ekuseni kwiGagasi, lungenze ngalulandela ngathola ukuthi abantu abaningi bafaka izikhulu zeGagasi engcindezini ekuthatheni izinqumo ngokushesha ngokungaziphathi kahle kwabasakazi emehlweni omphakathi. Kuyiqiniso elingeke laphikwa ukuthi uFelix Hlophe kumele akubheke ukuhamba kwakhe ngoba useyisisebenzi somphakathi. Okungenze ngaloba kwelakho Mhleli ukuthi liyakhanya idlozi lakwaSibiya ngoba kubukeka izonyela esandleni manje. Mhlawumbe kumele sibashayele ihlombe abaphathi beGagasi ngokulusukumela udaba lwe-GBV (gender based violence) okubukeka uHlophe esolwa ngalo. Angifuni ukungasho ukuthi akekho okumele ahlukumeze omunye kuleli lizwe. Mhlawumbe kumele uSotobe (Linda Sbiya) alijabulele ithuba noma ngabe ulithole kanjani ngoba ukuwa kwenye indlu kungukuvuka kwenye. Mina sengilinde ihora lika-21h00 ngizwe uLinda "Mr Magic" Sibiya esethi iGagasi…

UFUNA izimpendulo umndeni wasoPhongolo, wowesifazane obulawe evakashele isoka lakhe esigamekweni esenzeke ngeSonto. Isolezwe lithole ukuthi umufi, uNksz Nomaswazi Ngidi (35), ufe evakashele isoka lakhe elingeke lidalulwe igama lalo okwamanje. Udadewabo kamufi, uNksz Zothiwe Ngidi, uthe bathole ukuthi umufi ube nokuhilizisana nowesilisa ongumakhelwane walapho abekade evakashele khona. Uthe batshelwe ukuthi lo wesilisa - obekade edle amankwebevu - usole umufi ngokuthi uyena owebe izingubo zakhe ebezikade zinekiwe kulayini. "Kuthiwa baxabane kakhulu lo wesilisa waze wazifikela mathupha kudadewethu, wamgwaza amanxeba amabili emqaleni. Kuthiwa uphelele khona lapho endaweni yesigameko," kusho uNksz Ngidi. Eqhuba uthe udadewabo ubekujwayele vele ukuyovakashela isoka lakhe, kuthi noma lihamba limshiye endlini okuyinto eyenzekile nangosuku lwesigameko, wathi bakhungathekile njengomndeni ngalo mshophi athi ubehle ngaphezulu. Ukhale ngokuthi umenzi wokubi - igama lakhe eligodliwe - usagcwele amathafa. "Kuthiwa umbulale wangabe esaya kubo, wabaleka…

ISITOBHA seBafana Bafana, uSiyabonga Ngezana, sikwamukele ukuthi ububanzi begebe phakathi kwemidlalo yamazwe abayijwayele ne-Africa Cup of Nations (Afcon) bunomthelela ekutheni kubukeke sengathi leli qembu likaHugo Broos belidonsa kanzima ku-Group B yize liqede lilele isibili. UNgezana oyiqale wayiqeda yomithathu imidlalo yamaqoqo, ngomunye wabadlali beBafana abangaphezu kweshumi abadlala i-Afcon okokuqala. Ngokuqeda endaweni yesibili, iBafana isilinde kwi-Last 16 lapho izodlala khona nezwe elizolala isibili ku-Group F emdlalweni ozoba ngeSonto eRabat, eMorocco. Lo mdlali osemabhukwini eFCSB yaseRomania, utshele ithimba labezindaba leSouth African Footbal Association (Safa) emuva komdlalo neZimbabwe ukuthi iningi labo leqiwa yizinga le-Afcon yingakho kungathi akuhlangani kwiBafana. Nakuba iBafana idlale kahle emidlalweni yamaqoqo ibhekene ne-Angola neZimbabwe ngokwahlukana, yaphinde yawuqeda ngamandla owe-Egypt kodwa kusobala ukuthi kunezikhathi lapho leli qembu eliyeka khona ukudlala. NgokukaNgezana akukhona ukuthi bavele bayeke kepha izinga le-Afcon kunezikhathi lapho libaphoqa khona…

MPHATHI wezinhlelo zemicimbi onngaconsi phansi, uMsakazi Ongadumile Magwaza, ubonge umculi kamaskandi uKhuzani Mpungose emuva kokuqwaqwada ekhanda abasakazi boKhozi FM kwiTshatha Music Festival eLindizwe Stadium, KwaNongoma, izolo. Ekhuluma kwiBhanyazile TV2, uMsakazi Ongadumile waseShowe, uthe ukwazana noKhuzani yikho okumwelise ngelibanzi kule nselelo abebhekene nayo. Isolezwe lithole ukuthi uSgwebo Sentambo owabaxhumanisa. Lithole nokuthi ubudlelwano balezi zinsizwa buqine ngale ndlela yokuthi izindleko zomngcwabo kanina woMsakazi Ongadumile zathwalwa wuKhuzani. Naye uMsakazi Ongadumile ubuye waphekisa uKhuzani ngamakesi kabhiya angu-10 kade egcagcelwa ngoDisemba 15. Kulo mncintiswano, uMsakazi Ongadumile ukhale wemuka nesamba sika-R80 000 emkhakheni wabaphathi bezinhlelo ebebedlana imilala kwiTshatha Music Festival ebiseLindizwe Stadium KwaNongoma, ngoMsombuluko nayizolo. Lo mphathizinhlelo uhlabane ngamavoti awu-24 644. Isibili kube wumsakazi woKhozi FM uZama Mseleku ohlabane ngo-R50 000 ngamavoti awu-23 819, kwathi isithathu kwaba wuBhutiza Wodumo oklonyeliswe ngo-R30 000 ngamavoti awu-19 970. Laba…

NGOTI bezempilo ababhekele inhlalakahle yezingane nabantu abasha sebekhiphe isexwayiso nezinsolo zokuthi ukwanda kwentsha ekhulelwayo eNingizimu Afrika kungenxa yokuthi ilala nabantu abadala kakhulu kunabo. Lokhu kuyenzeka kuphambane nomthetho wezwe ngenxa yeminyaka yabathintekayo bese kuthathwa ngokuthi usuke umdlwengulile lowo muntu, kungakhathalekile ukuthi bekuvunyelwene yini naye noma cha. Labo ngoti basho njalo bephefumula malungana nezibalo ezisanda kukhishwa ngaboMnyango wezeMpilo ezidalule ukuthi ngoKhisimusi kuphela nje angaphezu kuka-130 amantombazane abelethile. Lokhu kusho ukwenyuka kwesibalo sawo uma uqhathanisa nawu-90 abeletha ngosuku olufanayo lukaKhisimusi ngo-2024. Bathe nakuba lezi zibalo zosuku olulodwa zingasho ukuthi kuhlale kunjalo noma kungenjalo nsuku zonke yini, kodwa ziyakhombisa ukuthi kuningi okudinga ukufakelwa izibuko ngokwanda kwezingane ezizibandakanya ocansini, zize zikhulelwe zincane. Umqondisi wenhlangano engenzinzuzo iSonke Gender Justice, uMnuz Bafana Khumalo, uthe izigameko eziningi zokukhulelwa kwamantombazane amancane zenzeka ngenxa yokuthi asuke elale nabantu abadala kakhulu…

MHLELI: Sibonga asiphezi ngakho konke okuhle esikwenzelwe yiSolezwe kusukela kuqala unyaka uze uyophela. Iphephandaba lethu lenza konke okusemandleni ukuthi lisilethele izindaba ezinohlonze. Besingeke sizithole zonke ukuba iphephandaba lethu Isolezwe belingawuweli umfula ugcwele. Yingakho-ke ngithe angibonge kuMhleli nethimba lakhe ngokusinika ithuba lokuthi sigiye siqephuze engosini yemibono. Sibuye sibonge uthando nobuntu anabo uMhleli ngoba ukube akanabo ubuntu ngabe akukho esikwaziyo ngoMnuz Robert Sipho Mpungose, Phila Mthethwa, Maswidi Mbatha, Mbukeni Zondo, Cebolenkosi Maphumulo, Vusumuzi Ngcobo, Khabzela Mzimela, Yisemkhulu Nzimande, Sbu Mhlanga, Nkululeko Ngcamu nomfo kaChonco, nabanye engingeke ngikwazi ukubasho ngoba baningi kakhulu. Singemshiye ngaphandle uSolwazi 'VVO' Mkhize odeze echathazela isizwe eguleni lakhe. Kuningi esikufundayo ngazo zonke izindaba enisilethela zona. Ngiphethe ngolunye ulwazi engaluthola komunye wababhali owathi uma iqanda liwela etsheni liyalimala, kanjalo futhi uma itshe liwela eqandeni, liyoqhubeka nokulimala iqanda. Noma yiluphi ulwazi…

MHLELI: Sekunesikhathi ngiwumlandeli kaFelix Hlophe ongumsakazi weGagasi FM ohlelweni lwasekuseni kulesi steshi, i-The Uprising. Le nsizwa ngayithanda isengusomhlaya nje, ingaqakali nokuhlekisa abantu emisakazweni. Ngangifika kuyo yonke imicimbi lapho ayesuke eqashwe ukuthi ahlekise khona. Angikaze nakancane ngisingabaze isiphiwo sakhe. Indlela aphiwe ngayo uFelix, uthi esavula umlomo nje nehlaya azolenza engakaliqedi ngisuke sengihleka vele. Kwathi lapho ejoyina lo msakazo akuwo, engiwuthatha njengomusha uma uqhathanisa noKhozi FM, ngajabula sengathi ngiyaphupha. Futhi kusukela lapho ngaba umlaleli ongaphuthelwa yilo msakazo, yingakho ngizocela Mhleli ukuba ungangivezi igama lami ngoba mhlawumbe abaningi bazongazi ngokusondelana kwami nabasakazi. Bazothi ngizama ukufunza abaphathi ngezinqumo emisakazweni abayiphethe. Ngenxa yokuba senhliziyweni yami kwale nsizwa engiyazela eMlazi, kube muncu impela uma ngizwa kuthiwa iyamiswa emsebenzini wayo osekuphazamisa into ebese ngizihlelele yona yokuthi ngifuna ukuzwa isigqi sayo idibene nabasakazi abanamakhono nabathandwayo uma iGagasi FM…

BUSAMANGAZWE eyokuhlaselwa kwakhe ngumuntu ongaziwa, ogasele ekhaya maqede wamdubula ngasekupheleni kukaNovemba, umndeni wowesilisa waseLinda Area, KwaNdengezi, oduke ngendlela engaqondakali ekuqaleni kukaDisemba. UMnu Thabani Linda (40) kuthiwa wagcinwa ukubonwa wumndeni wakhe ngoDisemba 1, ephuma ehamba ekhaya samuntu ozobuye abuye. Isihlobo esicele ukungadalulwa, sithe uLinda unyamalala nje, ubesanda kudutshulwa umuntu ongaziwa. "Ulahleka ngoDisemba 1 nje, ubekade edutshulwe ngoNovemba 26, njengoba kwafika umuntu ongaziwa ngabo-7.30 ebusuku, wamdubulela egcekeni," kusho isihlobo. Sithe nhlanhla leyo uLinda akazange ashone kodwa waphuthunyiswa esibhedlela lapho athola khona usizo lwezempilo maqede wadedelwa emva kwezinsuku ezimbili, sathi ngesikhathi ephuma ehamba ekhaya, kwakukhona esinye isihlobo egcekeni. "Sithi waphuma nje wahamba njengenjwayelo njengoba ewumuntu wesilisa. Kwacatshangwa ukuthi uzobuya kodwa kwaze kwalalwa engabuyile, kwasa ngakusasa, lutho," sisho kanje. Sithe ubengasebenzi, ebamba amatoho uma ethuke aqhamuka, sathi ubekhonzile ukuziphuzela. "Ocingweni akatholakali, asazi ukuthi kwenzekani.…

APHUME enxapha amalungu omphakathi aseMbumbulu, ngesikhathi ededelwa ngebheyili owesilisa ohamba ngesihlalo esinamasondo abakholwa ukuthi sekuphele isikhathi eside kakhulu ebahlalise lubhojozi kule ndawo. Kuthiwa uMnuz Skhumbuzo Dube okhalelwe ngamasongo kaSigonyela ngosuku olwandulela uKhisimusi, ngecala lokubulawa kowesilisa waseMlaza, owadutshulwa ngonyaka owedlule. UDube usolwa ngamalungu omphakathi aseMbumbulu, ngokuthi ubekade emdibimunye nenkabi ebisatshiswa okwenyoka kule ndawo egcine ibulawa ngamaphoyisa kuwona lo nyaka, uQha Dlamini. UDlamini kwagasela amaphoyisa ekwakhe ezombopha, kwathiwa yena wavele wavulela ngenhlamvu ewadubula nge-AK47. Lwagoba uphondo kuyena ngesikhathi amaphoyisa esedubula nawo ebhekise kuyena. Ukubulawa kukaDlamini kwadala inhlokomo enkulu kule ndawo, abantu bejabulela ukubulawa kwakhe. Iningi labo lalikholwa ukuthi kuzoke kube nokuthula, kume nokufa kwabantu kule ndawo. Iningi labantu lalikholwa ukuthi ubaqedile abantu eMbumbulu esebenzisana noDube lo odedelwe ngebheyili. Abakhulume neSolezwe bathe uDube bambona esehamba ngesihlalo esinamasondo nje, kwathiwa ulimele ngokudutshulwa kodwa kabazi…

AKUBA iBafana Bafana idlulile ku-Group B we-Africa Cup of Nations (Afcon) kodwa umqeqeshi wayo, uHugo Broos, usale ebalisa ngesikhali saleli qembu lesizwe esesiphenduke isitha salo. UBroos obekungathi kusuke umthwalo kuyena ngesikhathi ekhuluma nabezindaba emuva kokunqoba kunzima kwiZimbabwe, ubalise ngesithunzi esesibalahlekele kalula abasithole ngokuvimba izitha ukuthi zingawatholi amagoli akubona njengesisekelo sokubuya kwabo nendondo yethusi e-Ivory Coast ngo-2023. Lo mqeqeshi waseBelgium akazange akufihle ukuthi ayehli kahle kuyena indaba yokuthi kusukela kuqale i-Afcon iBafana ayikaze ingangenelwa yigoli. Ngokusho kwakhe, iBafana kuzofanele ikhohlwe ngokudlula kwi-Ivory Coast noma kwiCameroon uma ingaphaphami ebuthongweni. Njengoba iBafana ilale isibili ku-Group B, izobhekana nezwe elizolala isibili ku-Group F phakathi kwe-Ivory Coast, Cameroon neMozambique. Umdlalo weBafana we-Last 16 nelilodwa lala mazwe uzoba ngeSonto, e-Al Medina Stadium, eRabat. “Kuningi engingeneme ngakho kusukela kuqale umqhudelwano kodwa ngoba sidlulile eqoqweni, uphawini wokulungisa ukhona,”…

KHOLWA wukuthi sekusondele ukuthi baphinde banqobe isicoco seCaf Champions League umdlali wasemuva weMamelodi Sundowns, uMothobi Mvala. AmaBrazilian agcina ukuphakamisa le ndebe ngo-2016, esaqeqeshwa nguPitso Mosimane. Kusukela lapho asezame kaningi ukuphinde abe ngompetha bezwekazi kodwa ahluleke esefike kowandulela owamanqamu. Ngesizini edlule afinyelele kowamanqamu, anqotshwa yiqembu lase-Egypt, iPyramids FC. “Kungasho lukhulu ukuphinde sinqobe iChampions League ngoba iyona ndebe esihlale siyilwela. Sesike sahamba ibanga elide kulo mqhudelwano kodwa sihluleke ngasekugcineni. Ngibona sengathi siyasondela. Kungasho lukhulu kimina naseqenjini ukunqoba lesi sicoco,” kusho uMvala ekhuluma ekhasini leMamelodi Sundowns kuYouTube. “Ngiyethemba ukuthi kule sizini sizobajabulisa abalandeli bethu ngoba sebehlukumezeke kakhulu kulo mqhudelwano. Bayaseseka kodwa asikabaniki injabulo yokubuya nendebe. Ngikholwa wukuthi siyeza leso sikhathi. “Kwesinye isikhathi udinga ukuwujwayela umqhudelwano, nawo ukujwayele. Ngikholwa wukuthi indebe yeCaf iyasazi manje futhi sekuzoba yithuba lethu lokuyiphakamisa.” ISundowns iqhwakele kuGroup C kwiChampions…

AMUHLA kunamuhla kubathandi bobumnandi baKwaZulu-Natal, njengoba kunoxhaxha lwemicimbi emadolobheni akulesi sifundazwe. Ngakho abanye abathandi bobumnandi abazi bawabhekise kuphi amabombo. Ngaphandle kwemicimbi, izindlebe zizobe zilindele impi ephakathi koKhozi FM neGagasi FM. Ukuqiniswa kwesikimu seGagasi FM ngoLinda "Mr Magic" Sibiya noLungisani "Selbeyonce" Mkhize kwenza abanye bazitshele ukuthi Ukhozi FM lungase ludlele ogageni. Yize kungakacaci ukuthi Ukhozi luzobe luhlasela ngabaphi abasakazi kodwa abantu abaningi bazobe befuna ukuzwa ukuthi ngubani ozogcina edle umhlanganiso phakathi kukaMawhoo noMafikizolo njengoba kuyibo ababukeka besethubeni lokuthatha ubhedu. Nakuba Umafikizolo egcine ezihola phambili ngengoma kamaskandi ethi Uyoncengwa Unyoko kodwa noMawhoo ubengazibekile phansi ngamavoti ngengoma yakhe yamapiano ethi Bengicela. Nowayengumsakazi woKhozi FM, uNgizwe "Zulu Charmer" Mchunu, uthe uzobe esakaza bukhoma kwiNgizwe Online nentokazi ayethula nayo iRoots kwiSABC1 uTebogo Mahlaela. Ngakho akwaziwa ukuthi izogcina izale nkomoni. Uhlu oluphelele lwemicimbi yanamuhla lumi…

UMNYANGO wezeMphilo KwaZulu-Natal unxuse intsha ukuba ingalenzi iphutha ishalazele iLena, ezokuba wusizo empilweni. Lokhu kushiwo uMphathiswa walo mnyango, uNksz Nomagugu Simelane izolo ngesikhathi esemphakathini waseLister Farm, eNewcastle, eyokwethula iLena. I-Lena yigama elinqanyuliwe likaLinacapavir, okuwumjovo, ojovwa kabili ngonyaka ukugwema ukusuleleka ngeHIV. UNksz Simelane uthe kuyiqiniso elingephikiswe ukuthi iHIV ne-AIDS kuseyinkinga eNingizimu Afrika, wathi namanje izinkumbi zabantu zisasuleleka ngegciwane unyaka nonyaka. "I-Lena wumjovo wabantu abangakasuleleki ngegciwane futhi abafuna ukuzigcina benjalo," kusho uNksz Simelane. Uthe lo mjovo awuzile ukungena endaweni yephilisi lokuvika lesi sifo ebelivele likhona. "Uyindlela eyengeziwe, ezosiza labo abehlulekayo ukuphuza iphilisi zonke izinsuku. Abanye bayakhohlwa ukuliphuza, abanye basaba ukucwaswa, kuthi abanye bagcina bekhathala ukuwaphuza zonke izinsuku. I-Lena inika labo bantu endlela yesibili elula," usho kanje. Uthe ukwethulwa kwalo mjovo kusho ukwandiswa kwezindlela zokuzivikela, nokusho ukuncipha kwesibalo sabantu abasha abazosuleleka ngegciwane. Uthe…

UKUPHUMELELA kweNingizimu Afrika ingene esigabeni se-Last 16 emqhudelwaneni we-Africa Cup of Nations kube ukuhlabana okwenyusa ukuzethemba kuleli qembu elake laba ngoshampeni ngo-1996. Kuthe ngqoklo imibono eyahlukene ezinkundleni zokuxhumana nakubahlaziyi kumabonakude nakweminye imithombo yezindaba. Nokho umuzwa othanda ukugijima phambili othi isikimu seBafana Bafana asikho endaweni lapho abalandeli bekhululekile ngalo. Lo mbono uphinde wagcizelelwa nawumqeqeshi uHugo Broos okhale ngokuthi kuneziwombe lapho abadlali bakhe bake bafana nabantu abozelayo beshuduliswa yiZimbabwe abagcine beyinqobe ngo 3-2 emdlalweni wakuthangi. Wakhala ngesimo esifanayo uBroos emadlalweni wokuvula lapho elakuleli lalibhekene ne-Angola, nakhona lacosha amaphuzu agcwele. Abanye baphinde bakhononda ngokwehluleka ukusebenzisa ithuba lokukhishwa ngekhadi elibomvu komdlali we-Egypt emdlalweni wesibili lapho elaseGibhithe lagcina liwine ngo 1-0 kulandela ukuthola iphenathi. Kodwa-ke esikuqondayo ukuthi ibhola liwumdlalo wemibono, lapho ubani nobani engungoti. Okwenzeka enkundleni kwehlukile nokho, akufani nokukhuluma. Isiminya sithi uma iqembu elibhekene…

MHLELI: Ngibhala egameni labasebenzi benkampani esebenza ngaphansi kwemboni yakwaToyota eSiphingo lapho sicindezelekile kakhulu esandleni somqashi wethu. Indlela umqashi asiphethe ngayo icacisa ukuthi amalungelo ethu awahlonishwa, umthetho wabaphathi yiwona osilawulayo ngendlela yawo. Sihola imali yomsebenzi esingawenzi, lona esiwenzayo asiholelwa wona ngenxa yokuthi safakwa ku-Bargaining Council ekungeyona eyomsebenzi esiwenzayo. Umqashi usiholela imali ethandwa nguye, siphinde sihole sekudlule isikhathi sekungomhla ka-1 ekubeni i-payroll yethu ivala mhla ka-15 enyangeni. Naleyo mali siyihola ingaphelele. Uma sesifaka isikhalazo sokungapheleli kwemali sigcine ngokungayitholi. Abasebenzi asebefike eminyakeni engu-60 uyabaphoqa ukuthi baye empeshenini bese ethi umthetho kahulumeni ekubeni i-Bargaining Council asifaka kuyona ithi umsebenzi uya empeshenini eseno-65 weminyaka. Lokhu kusho ukuthi umqashi akabe esabakhokhela imali yale minyaka emihlanu esele. Uma simfaka icala eminyangweni ebhekelele ezabasebenzi kuyacaca ukuth unobhululu bakhe ngaphakathi ngoba uma kufanele aye ecaleni akayi. Akwenzeki lutho emva…

UKUZIZWA unomuzwa wokujabha noma wokucasuka ngesikhathi samaholidi okuphela konyaka yisimo sokuhlukumezeka emqondweni esihlupha abantu abaningi. Kwesinye isikhathi siyaye sidalwe yizinto eziningi ezilindelwa ngabantu nomndeni wakho kuwena, kanjalo nezinkinga zezezimali ziyenza ukuthi umuntu agqilazeke emqondeni. ENingizimu Afrika akufani nakwamanye amazwe asenyakatho yebalazwe, lapho lesi simo siphatha khona abantu ebusika, njengoba lana uma kuwuDisemba kujwayele ukushisa ilanga kakhulu, kanti ukushisa nje kukodwa kuyasibhebhethekisa lesi simo. Lokhu kuvezwe wucwaningo olwenziwe ngabenhlangano yezempilo emhlabeni, iWorld Health Organization (WHO), obelubheka ukwanda kwezigameko zabantu abaphathwa yizifo eziyamene nokuthikamezeka kokusebenza komqondo nokunye okusondelene nazo. I-WHO idalule ukuthi ukushisa ngokweqile kuphazamisa indlela umuntu ajwayele ukulala ngayo, kudale ukuthi acasuke kalula nangobala futhi kwenza kube lula ukuthi asheshe ukukhathala. Umthelela wokuzijabulisa ngotshwala: Inyanga uDisemba enye yezinyanga zonyaka lapho kuthengwa kakhulu khona utshwala, okusho ukuthi abantu abaphuza ijiki basuke bephuza…