Tabla de contenidos para 2025-12-29 en Isolezwe

ITHONGA Ngo-8.30 ebusuku, kuMzansi Magic UNOKWANDA unezinsolo kodwa uMbongeni akakhombisi lutho ebusweni. Emuva kokuphunyuka ekufeni, uMaKhumalo uthatha isinqumo esinqala. UThemba uthola into engase icekele phansi umndeni wakhe. UMaKhumalo wenza iminyakazo ngeqhinga lakhe lokuqeda ngabakwaNtanzi. Imizamo kaMaMbhele yokuhlenga umshado wakhe imusa endaweni engafanele ngesikhathi esingafanele. Uma kuhlasela uphoyizeni kwaNtanzi, omunye uyaquleka afe. UPablo ududuzwa uMaKhumalo. INIMBA Ngo-9 ebusuku, kuMzansi Magic UKUNGAHAMBISANI kukaThumeka nendlela entsha ethathwa wuLikamva iphazamisa ubudlelwano obekungamele bunyakaziseke. U-Onga kumele akhethe phakathi kothando nokwethembeka. ULikamva umpintshela uThumeka ekhoneni, ufuna izimpendulo. ULinda uthola ukuthi akafanele athembe inyoka engeke ilahlekelwe yilutho. UZoleka ukhetha ukufihlela uQhawe iqiniso ukuze avikele injabulo yakhe. Iqiniso liyavela futhi lishiya abakwaMabandla bethukile. UZoleka uphoqeleka ukubhekana nokujikelwa abengakulindele. ULwandle uthola iqiniso elingamshiya enkingeni. SCANDAL! Ngo-7.30 ebusuku, kwi-e.tv NGESIKHATHI uMthunzi ethwele kanzima ngokubhula umlilo, isitha sakudala siyafika siwubhebhethekise. UVuvu…

EYOKUKHONJWA ukuthi alungise izibiliboco zokubhiyozela ukuhamba kahle kwezingxoxo zelobolo likamnakwabo, kuthiwa yikho okudine uTracy Smith-Hlophe, oyinkosikazi yomsakazi wegagasi FM uFelix Hlophe, yaze yaphimisela amazwi athi: “Sekungaphezu kwamandla”. Lokhu kwenzeke ngoDisemba 15, njengoba kugcine kusabalala ama-video akhombisa uFelix edemelayisa, efuna izingane zakhe nomkakhe babuye ekhaya. Ngokusho kukanina kamngani kaTracy, uNkk Sindi Zuma, umkaFelix wayesebenza e-salon yakhe ethola ucingo lomyeni wakhe, emtshela ukuthi akaye ekhaya ayolungisa izidlo. Uthe uTracy wathinta abangani, efuna indawo yokuhlala isikhashana nezingane zakhe. “Wagcina eya kwami eLa Lucia nezingane zakhe,” kusho uNkk Zuma. Uthe ngesikhathi ehlala phansi noTracy, wagonyuluka kuye washo ukuthi udinwe ukuthi uhambe wayolobola engahlalanga naye phansi, wase ecikwa kakhulu eyokuthi athi akayolungiselela izidlo zombhiyozo zokuhamba kahle kwelobolo. Uveze ukuthi ngoDisemba 20, uFelix ugasele e-salon kaTracy, wamphuca imoto, kwaphoqa ukuthi abuye esehamba ngemoto ekhokhelwe ngebanga…

AMINCELE ukuthi bahole namhlanje njengokwesithembiso somkhandlu abasebenzi bakuMasipala waseMpendle ababe noKhisimusi omnyama ngenxa yokungaholi. UMnuz Mzwandile Zuma, wenyunyana yabasebenzi bemikhandlu iSamwu, uthe sebemincele ukuthi okungenani bayithole namhlanje imali yabo ukuze okungenani bezokwazi ukuhlukanisa unyaka njengabo bonke abantu. Abasebenzi bomkhandlu bagileke igoda ngeledlule ngesikhathi baziswa ukuthi imiholo yabo bayoze bayithole emva kukaKhisimusi. Bekungekhona okokuqala umkhandlu wehluleka ukuholela abasebenzi. Lo mkhandlu okhungethwe yizinkinga usuhlale isikhathi eside ungenayo imeya emva kokukhishwa kukaMnuz Buyisani Mlaba, owakhishwa ngevoti lokungabethembi ubuholi bakhe maphakathi nonyaka. UZuma uthe bayoyikhohlwa befile into ebehlele kulo Khisimusi. "UKhisimusi uvele waphenduka waba mnyama. Sivele sangazi ukuthi kumele senze njani ngoba into ebesingayilindele lena. Into ebiqala ukwenzeka lena yokuba singaholi kuwuDisemba." UZuma uthe izinkinga zokungaholi ngesikhathi zenza ukuthi kube nzima kubasebenzi ukuba bahlele izinto zabo. "Sinethemba lokuthi imali bazoyifaka njengoba bebethembisile, sobona sekwenzeka.…

BUYAYIVUMA induku ubuholi beNFP obuhlangabezane nenye imbibizane ngesikhathi buzama ukuxosha uMphathiswa wezokuThuthukiswa koMphakathi KwaZulu-Natal, uNksz Mbali Shinga, ekubeni yilungu lesiShayamthetho sesifundazwe. Ubuholi beNFP buthe busazoke buthi ukubamba amatomu kancane ekuzameni ukuxosha uNksz Shinga esiShayamthetho. Umzamo wakamumva weNFP wokuxosha uNksz Shinga esiShayamthetho uphinde wachithwa uSomlomo, uNksz Nontembeko Boyce, othe incwadi exosha uNksz Shinga iphambene nemigomo yesiShayamthetho. Ukuxoshwa kukaNksz Shinga esiShayamthetho bekuzomlahlekisela nangesikhundla sokuba umphathiswa. Ubuholi beNFP bufuna ukuthi uNksz Shinga axoshwe esiShayamthetho ngenxa yokuthi umisiwe eqenjini. UNksz Shinga wamiswa kuzo zonke izinto ezithinta iqembu emva kokuba eshaye indiva umyalelo wokuba aseke isiphakamiso sokungabethembi ubuholi bukandunankulu waKwaZulu-Natal, uMnuz Thami Ntuli, esasifakwe iMKP. Unobhala weNFP obambile, uMnuz Sunset Xaba, ubhalele uNksz Boyce, emazisa ukuthi bafuna ukuthi uNksz Shinga angaqhubeki nokumela iqembu esiShayamthetho njengoba emiswe kuzo zonke izinto ezithinta iqembu. Kule ncwadi ebonwe yiSolezwe,…

MHLELI: Ngibhala le ncwadi ngoba ngifisa ungidlulisele kwabakhulu mayelana nokungakhokheleki ngendlela. Bengikulolu hlelo lwama-Assistant Phase 5, ngaphansi koMnyango wezeMfundo KwaZulu-Natal. Kunezinyanga uJuni noJulayi esingakaze siziholele kodwa sasayina inkontilaki yezinyanga eziyisithupha. Uma sibuza kwathiwa bazosikhokhela besuka kuzo yize sezadlula kodwa kuze kube namuhla lutho futhi nesivumelwano sethu nabo sesiphelile. Into manje asebesigqugquzela kuyo ukuthi yimiphi imigomo okumele uyilandele ukuze uthole imali ye-UIF, sebekhohliwe ngathi esingakaze sihole. Kubuhlungu ngoba kwaphuma incwadi yokuthi am-educators assistants awafuneki ehhovisi lesiyingi, kumele kuze othishomkhulu uma kunenkinga kodwa lutho namanje ukusizakala. Le Phase isilimazile singabantu, siyacela usibuzele kwabakhulu ukuthi kanti inkinga ikuphi ngoba emsakazweni Ukhozi ngo-Agasti, bathi akekho umuntu ongeke ayithole imali yakhe kodwa sekuze kwashaya uDisemba, lutho. Manje kanti kungani bengabhekisisi emininingwaneni yabo ukuthi ngabe baholela abantu ngendlela bonke? U-R8 000 yimali eningi kabi, engenza omkhulu…

SOLA uLieutenant General Nhlanhla Mkhwanazi ophethe amaphoyisa KwaZulu-Natal, usomabhizinisi uMnuz Calvin Mathibeli ngokugasela kwamaphoyisa emzini wakhe ngesonto eledlule. UMathibeli uthe kumanje uzibona yena nomndeni wakhe besengozini, ngokufika kwala maphoyisa abephethe incwadi engekho emthethweni yokumbopha. Uthe usola ukuthi impilo yakhe isengcupheni ngenxa yokuthi uMkhwanazi usebenzisana nabanikazi bezinkampani zabaqaphi ezihlukene nosomatekisi ukuqeda ngaye. Usuku lukaKhisimusi uthi akaluchithanga nomndeni wakhe ngemuva kwalesi sigameko nokuyinto eqalayo ukwenzeka empilweni yakhe. “Yinto eqale ngo-2019, lena ngilandelwa amaphoyisa ngenxa yokuthi kukhona abantu abanezinkampani zonogada nosomatekisi abasebenzisana noMkhwanazi, nabafuna ukuqeda ngempilo yami. Ngiphila kabuhlungu manje ngisabela nempilo yami ngenxa yokuthi manje kufike amaphoyisa ngingazi emzini wami ethi azongifuna kodwa ngenhlanhla bengingekho. Bafike bathi bazongibopha uma sekubhekwa incwadi egunyaza lokho akade eyiphethe, kuvela ukuthi ingumbombayi,” kusho uMathibeli. Uthe usekubheke ngabomvu ukuthi aye kwiKhomishini kaMadlanga nekomiti elibhekelele ukusebenza kwamaphoyisa ePhalamende…

PHEZU kokuthibelana phakathi kwe-ANC neSACP ngesinqumo samaKhomanisi sokuzimela okhethweni ngonyaka ozayo, kodwa iSACP ithe izowuhambela umgubho waminyaka yonke kaKhongolose owaziwa ngeJanuwari 8. Lo mgubho weminyaka engu-114 kwabunjwa le nhlangano, uzobanjelwa enkundleni yemidlalo iMoruleng, eNorth West, ngoJanuwari 10, 2026. Ubanjwa minyaka yonke kanti umengameli wale nhlangano usuke enaba ngomhlahlandlela wezinto le nhlangano ezozenza kulowo nyaka. Njengoba ngonyaka ozayo kuzoba nokhetho lohulumeni basekhaya, akungabazeki ukuthi umengameli we-ANC nezwe uMnuz Cyril Ramaphosa, uzogxila kakhulu kwezithinta lolu khetho. I-SACP yanquma ukuzimela okhethweni ikhala ngezinto eziningi ezinye zazo ukungabuyekezwa kweyamadlelandawonye. Sekuhlule ngisho umhlangano wakamuva phakathi kwe-ANC neSACP, wokuzama ukuxazulula ungqingetshe okhona kodwa kwanhlanga zimuka nomoya. Okhulumela iSACP uMnuz Mbulelo Mandlana, utshele Isolezwe ukuthi bazoba yingxenye yalo mgubho. "I-SACP iyingxenye yezinhlelo ezenziwa amadlelandawonye ukuzama ukwakha ubumbano. Ngaleyo ndlela azoba yingxenye yomgubho we-ANC owaziwa ngeJanuwari 8," usho…

IZAKHAMUZI zakuleli ziyabazi ubunzima nosizi ezibhekene nalo, kusukela ebugebengwini, izigulo zomzimba, ukwesweleka kwemisebenzi okuhambisana nendlala, inkohlakalo eyimpehlwa ebolisa izakhiwo zokubhekela umthetho nabaholi bezwe imbala, izingozi zemigwaqo, nokunye okuningi. Lobu bunzima izwe elibhekene nabo - esikhathini esiningi - benza kube lukhuni ukubona izinto ezinhle emiphakathini yethu. Kuthi noma sekukhona ushintsho olufikayo lungabe lusabonakala futhi lungethenjwa ngenxa yokuthi abantu sebalahlekelwa yithemba kokuningi. Kukho konke lokhu, kukhona indawana lapho abantu baseNingizimu Afrika bengasweli ukuzakhela injabulo yabo begadinge kukhomozwa nokwesekwa. Bheka nje ezindaweni eziningi zasemakhaya, bekuthe chithi-saka lonke uhlobo lokuzijabulisa abantu abazenzela ngokwabo. KwaZulu-Natal imicimbi yengoma isiphenduke isibunge kubantu abasuke behlangene ngamaholide kaKhisimusi ngalesi sikhathi. Ezindaweni ezifana naseMsinga nakwezinye ezingxenyeni eziningi zesifundazwe kunemicimbi esinedumela kubantu bendawo lapho kugcakelwa ngemiswenko edle ngemifaniswano. Lapha uthola izinsizwa, izintombi, omama nobaba beviliyela ngokuziqhenya begqoke beconsa ezitaladini zendawo. Le…

MHLELI: Asibingelele ekhaya kwiSolezwe. Ngibhala egameni lama-general school assistants (GSA), ngaphansi kukaMasipala iJozini. Singama-GSA besicelwe ukuba siyoqeqeshwa, nalapho besithenjiswe khona ukuthi sizothola okuncane njengoba besizigibelela futhi sihamba ukhalo olude. Lolu qeqesho belungaphansi kweSivuno HR, okuyibona abasithembisa ukuthi sizohola njengoba bathatha nemininingwane yethu yasemabhange kanye nama-CV. Sathenjiswa nezitifiketi kodwa kuze kube manje asithintwa futhi sesilahlekelwe yithemba ngoba nomsebenzi wethu usuphelile. Ngakho-ke bengicela ukuthi nisithintele bona bekwazi ukusikhokhela njengoba besithenjisiwe. Sicela sinikwe nezitifiketi zethu yikhona sizokwazi ukungqongqoza ngazo kweminye iminyango. Singajabula uma ningasithintela bona ukuze sikhokheleke siphinde sithole nalezi zitifiketi ngoba senza nezikweletu ngoba nendlela ibiyinde futhi besinethemba lokuthi sizothola okuncane. Okhathazekile EJOZINI…

UKHALELWE amasongo kaSigonyela usomathenda waseGoli, ebanjwa amaphoyisa omgwaqo KwaZulu-Natal, eshayela ebudlonyile. Ngokusho koMphathiswa wezokuThutha esifundazwweni, uMnuz Siboniso Duma, umsolwa ubehamba emzileni ongafanele. "Akagcinanga lapho, uphinde wawashaya indiva amarobhothi amane adlule kuwo ebomvu," kusho uDuma. Uthe mathathu amacala aboshelwe umsolwa, kuwona kukhona elokushayela ephuzile, elokushayela budedengu bese kuba elokubalekela ingalo yomthetho njengoba ebaleke wayocasha komunye umuzi emva kokujomba uthango olude. Uthe bangu-95 sebebonke ababoshwe ezindaweni ezehlukene ngempelasonto, okukhona kuzo iKwaDukuza, Port Shepstone kanjalo neNewcastle. "KwaDukuza bangu-39 ababoshiwwe. Kubona kukhona amaphoyisa amabili noyedwa waseGoli," kusho uDuma, othe kulesi sibalo kukhona abesifazane ababili, bese kuba abesilisa abangu-37. ENewcastle uthe kuboshwe abangu-36, wathi kubona kukhona nesikhulu esisodwa sikamasipala, othisha abathathu nomhlengikazi oyedwa. EPort Shepstone uthe kuboshwe abangu-20, wathi kubona kukhona lo somathenda onezigidigidi zamarandi, wathi kulesi sibalo kukhona abesifazane abayisikhombisa kanjalo nabesilisa abangu-13. Lapha…

UPHELA amaphupho emacikweni adlana imilala kwiTshatha Music Festival eseLindizwe Stadium, KwaNongoma namhlanje. Abaculi babanga isiteki sika-R175 000. Kuvalwe ukuvezwa kwemiphumela kusahamba phambili umculi uMthembeni Samuel Zulu kodwa exinwe ezithendeni wuMfo kaMsezane. Umgqugquzeli walo mcimbi, uKhathide "Tshatha" Ngobe uthe umculi ozodla umhlanganiso uzoklonyeliswa ngo-R100 000, ozolala isibili awine u-R50 000 bese ophume endaweni yesithathu athole u-R25 000. Abanye abaculi abadlana kuCategory 1; ngoNtencane, Stabilithi, Mdumazi, Jaiva, AmaNND, Maganga, Mayoghurt, Khandalenja, Mbeje, Swidi, Mjolisi, Ijongelihle, Cmbero, Masampula, Magoqa, Kasi Shandisi, Mlabalaba, Njabulo Langa, Mashelela, Nqola, Mashwabana noSokolisa. KwiCategory B kuqhudelana abalawuli bezinhlelo futhi babanga isiteki sika-R160 000. Kulesi sigaba kuvalwe ukuvezwa kwemiphumela kuqengqeleza phambili uBhutiza Wodumo kanti isibili bekunguZama Mseleku. Umphathi wohlelo ozophuma phambili uzokhala amuke nesamba sika-R80 000, isibili sihambe no-R50 000 bese isithathu sihlabana ngo-R30 000. Abanye abaqhudelana kulo munxa…

OWAYENGUMDLALI we-Orlando Pirates eminyakeni edlule, u-Innocent “Inno” Mncwango, ubona leli qembu laseSoweto linethuba elingcono lokugxila ngokuphelele embangweni wesicoco seligi yeBetway Premiership kunezimbangi zalo iMamelodi Sundowns. UMncwango owayeseqenjini lePirates elanqoba isicoco seCaf Champions League ngo-1995, usho kanjena nje, kuyiwe ekhefini le-Africa Cup of Nations (Afcon) iPirates kuyiyona esaqhwakele kwi-log yePremiership. IPirates ihlezi phezulu ngamaphuzu angu-28 emildlaweni engu-12. Ihlukaniswe ngamabili neSundowns esendaweni yesibili ngawu-26. EZimnyama zisele ngomdlalo kwiSundonwns. Ngaphandle kokuhlala esicongweni se-log yePremiership, eZimnyama sezinqobe izindebe ezimbili zomkhumulajezi - i-MTN8 neCarling Knockout - okuyizona ezisadlaleliwe kule sizini. “Lona luselude ukhalo kodwa indlela iPirates eyiqale ngayo isizini iyazikhombisa izinhloso enazo ngesicoco seligi. Uma ubheka, sekuze kwaba kathathu amasizini elandelana iPirates ilala isibili kwi-log, ihlulwa yiSundowns embangweni weligi okuyinto engehli kahle neze kubalandeli bayo. "Ngakho ukuqala kwayo isizini ngale ndlela eyiqale ngayo ngaphansi komqeqeshi,…

JENGOBA sekusele izinsukwana ngaphambi kokuthi kuvulwe iwindi lokuhwebelana ngabadlali kwiPremier Soccer League (PSL), kunabadlali abangenamaqembu nasebezophelelwa yizinkontileka abazofuna amadlelo aluhlaza. Ngaphandle kwalokho, isigamu sesibili sesizini yilapho amaqembu asuke esedinga ukuqinisa izikwati zawo ukuze aqhubeke nombango wesicoco, alwele ukuqeda kwiTop 8 noma ukuzihlenga ezembeni. Nalu uhlu lwabadlali abangase baqale kabusha kwamanye amaqembu. Tshegofatso Mabasa – Orlando Pirates. Ngesikhathi kuqala isizini uMabasa (29) ubenezinhloso ezinkulu. Ubefuna ukunqoba isicoco sakhe sokuqala seligi, aphule irekhodi lokushayela iPirates amagoli amaningi eliphethwe nguBenedict ‘Tso’ Vilakazi. UVilakazi washayela eZimnyama amagoli angu-58 kanti uMabasa usendaweni yesibili ngamagoli angu-50. Nakuba iPirates isethubeni lokunqoba isicoco seBetway Premiership njengoba kuyiwe ekhefini iqhwakele, libukeka limfimfa ikusasa likaMabasa kuleli qembu lase-Orlando. Umqeqeshi, u-Abdeslam Ouaddou, uthembela kakhulu kuYanela Mbuthuma no-Evidence Makgopa. Nakuba uMabasa enekhono lokubamba ibhola phambili futhi eyingozi uma esebhokisini kodwa kukhona okuthile…

NGIDLA umzila nje, ngisenkundleni engingavamile ukuba kuyo. Ngivunywa yisimo-ke, nakhu kuthe cwaka ngemibono yabafundi abavame ukugiya lapha uma kusombuluka isonto. Kudliwa uKhisimusi nje ngideze ngibindeka ezibilibocweni, kokunye ngizwe nenhliziyo isiba mnyama. Yini na? Ukuhlasela kweMelika eNigeria, endaweni okuthiwa yiseSokoto esenyakatho ntshonalanga yaleliya zwe. Lokhu kuhlasela kwenzeka ngosuku lukaKhisimusi okuthe nxa sekwenzekile, uMengameli Donald Trump wazishaya isifuba ngakho. IsiZulu sithi-ke ukusuza komnumzane kuyazitshwa, yingakho kungangethusanga ukuthi amazwe ase-Afrika awakhuzanga ibhadi ngazwi linye iMelika igila imikhuba engadala imbedumehlwana yeminyaka kuleliya zwe elivele likhungethwe wutwayi lokungabi nazinzo lweminyakanyaka. Umbuzo ungathi lesi sikhwele esingaka seMelika ngokwenzeka eNigeria sigoqozwa hlobo luni lwesilungulela ngoba isizathu esivezwa njengesokuhlasela kakuyona into yamanje? Angiphume-ke lapho ngoba olwami ukhakhayi kaluvuthiwe ngokwanele ukuba ngihlaziye ukujula kwale ndaba. Ngifisa nokho ukubalula nje ukuthi ngike ngabhekisisa ukuqheluka kwe-Washington (ikomkhulu leMelika) ne-Abuja okuyisihlalo sikaMengameli…

MHLELI: Laphaya ezweni lamaqili nezwe labantu abanyanya iqiniso KwaMbila, eMbazwana, isizwe sisinde ngokulambisa abanye bethimba leMandleni Trust nabanye bamalungu eMbila Tribal Authority befuna kusayinelwe imali yabasuswa. Inkinga iqala la: Sebake bazama ukusayinisa ngomgunyathi amalungu eMandleni Community Trust besebenzisa ama-signature angombombayi. Lokho kungubugebengu nje kukodwa. Kodwa-ke amanye amalungu eTrust akubamba lokho. Ngikhuluma nje, bekunenguyazana yomhlangano mhla ka-23 Disemba 2025, lapho bekukhona nommeli okuthiwa oweTrust engingazi njengesakhamuzi noma inzalo yomsuswa ukuthi lowo mmeli ngamqasha nini, negama nesibongo angisazi, nesikhala ukuthi savuleka nini noma thina sasho nini ukuthi sidinga ummeli. Kulungile-ke kodwa uyoziphendulela yena mhla salithola ithuba lakhe. Kuyangimangaza-ke ukuthi le mali okuthiwa ayisayinelwe iyaphi ngoba eyabasuswa baze bancengwa abathile ukuthi abasayine ukuze kuphume le mali ummeli esesebenzile. Umbuzo wathi ummeli usebenze nje, ubekade eqashwe ngubani ngoba asimazi njengamalungu eTrust? Elinye ilungu leTrust…

ZIKHAHLAMEZE nezikhungo zezempilo izikhukhula ezigadle kwezwakala ezindaweni ezehlukene KwaZulu-Natal, ngempelasonto. Ngokusho kukaMphathiswa wezeMpilo esifundazweni, uNksz Nomagugu Simelane, izikhungo ezithintekile yisibhedlela iMadadeni kanjalo nesibhedlela iNiemeyer Memorial. Uthe esibhedlela saseMadadeni kuthikamezeke indawo yama-ambulensi njengoba kuvele kwawa isihlahla, sacindezela ihhovisi elingumahamba-nendlwana kanjalo nocingo lokubiya obeluseduze. ENiemeyer uthe uphahla lwegumbi lokwamukela, elokulindela nelokuphuma kweziguli luphephukile, kwagcwala amanzi kulezi zindawo. "Amathimba ethu abhekelela izakhiwo zethu kanjalo nengqalasizinda asazowuhlola umonakalo, ukuze kuvele ukuthi mukhulu kangakanani," kusho uNksz Simelane. Uthe uma bebheka umonakalo odalekile, kuzoba khona ukuthikamezeka kokusebenza okwejwayelekile kwalezi zindawo ezithintekile. Uthe emva kokuhlolwa kobungako bomonakalo, bazoqhamuka necebo lokuthi yini engenziwa okwesikhashana ukuze kuqhubeke ukusebenza kwalezi zindawo. Khonamanjalo: UMnyango wezokuBusa ngokuBambisana neziNdaba zoMdabu esifundazweni uthe le mvula ikhahlameze oMasipala beziFunda, owaseMajuba nowaseMzinyathi. UMphathiswa walo mnyango, uMfu Thulasizwe Buthelezi, uthe kulezi zindawo imvula enamandla ebehambisana nomoya nesichotho…

UNCONYWE ngendlela abezinikela ngayo enhlanganweni i-ANC nakuhulumeni owayeyiphini likangqongqoshe eMnyangweni wezokuThutha, uNksz Dikeledi Magadzi, okuvele izindaba zokudlula kwakhe emhlabeni izolo. Lezi zindaba zivezwe yi-ANC, ethe ushone izolo ekuseni. Okhulumela le nhlangano, uNksz Mahlengi Bhengu, uthe badumele ngokudlula emhlabeni kukaNksz Magadzi, owayengumholi ozinikelayo entweni ayeyenza. Uthe wabamba izikhundla ezehlukene kuhulumeni okubalwa nokuba ilungu lesigungu esiphezulu se-ANC. "Ubezithobile, ezinikela kuyona yonke into abeyenza, kumbe kuhulumeni noma enhlanganweni. Ubenamava kwezokuhola njengoba ake waba nguMphathiswa wezemiSebenzi yoMphakathi, ezoLimo, ezeMpilo nokuphepha eLimpopo," usho kanje. Ezingeni likazwelonke, uthe waba ngusihlalo wekomiti lezokuThutha ePhalamende. "Uke waba nayiphini likangqongqoshe eMnyangweni wezokuThutha, naseMnyangweni wezaManzi nokuHanjiswa kweNdle."Uveze ukuthi uke wahola uphiko lwabesifazane ngaphansi komfelandawonye iFederation of Transvaal Women, waba ngumholi kwi-United Democratic Front, Nehawu, ANC Women’s League. "Waba yingxenye yokusungulwa kwenhlangano yabaholi bomdabu, i-Congress of Traditional Leadership of South Africa…

SIKHUNDLENI sokudikibaliswa wumphumela womdlalo odlule ne-Egypt ku-Group B we-Africa Cup of Nations (Afcon), iBafana Bafana ikhuthazwa yithuba lokubuyisela inqola yayo kujantshi ngeZimbabwe ezodlala nayo namuhla ngo-6 ntambama, eMarrakech Stadium, eMorocco. Nakuba umqeqeshi weBafana, uHugo Broos, evuma ukuthi sincane kakhulu isikhathi ababenaso sokuhlelela iZimbabwe kodwa akangabazi ukuthi iqembu lakhe linawo amava okuqoqa amaphuzu amathathu namuhla eMarrakech. UBroos obekhuluma nabezindaba ekhempini yeBafana eMarrakech, uthe akalingabazi iqembu lakhe yingakho eya emdlalweni weZimbabwe ebheke ukudlulela esigabeni esilandelayo ngewini, hhayi ingcacamezela. IBafana idinga ukuwina kwiZimbabwe ngenxa yokuthi ikhale ngaphansi ngo 1-0 kwi-Egypt emdlalweni wesibili wesigaba samaqoqo ngoLwesihlanu e-Agadir. Indlela iBafana eshaywe ngayo kulo mdlalo ibahlukanise phakathi abalandela unobhutshuzwayo womhlaba kwazise ezinye izingxenye ziyayihlaba indlela awuphathe ngayo umdlalo unompempe uPacifique Ndabihaweninama waseBurundi. Iphenathi ye-Egypt iyakhalisa kwazise uNdabihawenimana uyibeke emuva kokubheka i-Video Assistant Referee (VAR). Ngasekupheleni…