Tabla de contenidos para 2025-12-23 en Isolezwe

ULINDELEKE ukuthi uqale ngoJanuwari 11, umsindo othinta isasasa lohlelo iBig Brother Mzansi, njengoba uMzansi Magic usumemezele usuku oluzoqala ukubonakala ngalo. Ingqikithi yalo nyaka ethi Bazozwa, kanti luzoqhubeka nokwethulwa umethuli wezinhlelo uSmash Afrika. Kuzothi uma kuqala uhlelo athule intsha yakuleli engu-22 okuyiyona ebe senhlanhleni yokuthola ithuba lokuthi ibonakala ihleli endlini, ukuze oyedwa kubo azitholele imali engaphezu kuka-R1 million. USmash uveze ukuthi usekubheke ngabomvu ukuthi ethule intsha ezoba yingxenye yohlelo, nokuzothi uma ingena kula bezomemezela khona izinguquko eziza nale sizini entsha. “Kulo nyaka uBig Brother uzobe nemidlalo emisha nezogcina abahleli endlini bephapheme. Kulolu hlelo akekho ongazi ukuthi odla imali usuke eyisebenzele kanzima. Lokhu kuzokwenza nababukeli bagcine behlala bezibuza ukuthi uza nani uBig Brother isonto ngalinye. "Kuzothi njalo ngoLwesine nangoLwesihlanu, kube khona izinhlelo, nala ngizohlala khona nasebephumile ohlelweni sibheke ukuthi yini abayizuzile ngohlelo…

KWENZEKE okungajwayelekile ngeSonto, usoseshini wamatekisi ahambela eVerulam, Ndwedwe, Thekwini, Thongathi naKwaDukuza, uklomelisa abashayeli abawuphatha ngesinono umsebenzi wokuthutha abagibeli. Kulo mcimbi obuseVerulam, kuklonyeliswe abaphumelele ngokuvotelwa abagibeli, ngezindondo, izitifiketi nango-R1 000 umunxa ngamunye, ukuze abaphume phambili bajabule. UNkk Thandeka Luthuli weZamukulungisa Taxi Association uthe le miklomelo baqale ukuyenza nyakenye, ukuzama ukuqinisekisa ukuthi abashayeli bawuphatha kahle umsebenzi, babagqugquzela ukuthi bahlanzeke, bahloniphe abagibeli, bazithande bese beziphatha kahle. “Mihlanu iminxa ebibekiwe. Kuyona kukhona owomshayeli ohlanzekile, imoto ehlanzekile, umshayeli ohloniphayo, imenenja yaserenki ehlanzekile kanjalo nemenenja ewuphatha kahle umsebenzi,” kusho uNkk Luthuli. Uthe njengoba sekuwunyaka wesibili beklomelisa labo abaphume phambili bahlose ukuthi lokhu kugcine kuba yinto enkulu ngokuthi babaklomelise ngezinto ezinkulu, baphinde babacije ngamanye amakhono njengokukhanda izimoto ukuze bathuthuke, wathi abaphume phambili bakhethwe abagibeli njengoba emasontweni amathathu edlule befake ekhasini labo leFacebook ukuthi abavote. “Naserenki besibeke ibhokisi…

KUSENSUKU zatshwala wonke umuntu athi "Happy Christmas!" Kuzodlula isonto siphinde futhi sithi "Unyaka Omusha!" Kukhona konke lokhu kujabula sijabula kukhona lokhu esikuphuzayo, utshwala. Ngikhuluma nje, kunabazali abakhala imihla namalanga, namakhosikazi akhala mihla le ngotshwala. Kushaya izingane ekhaya nobaba imbala. Lihle iqiniso, utshwala buyinkinga kodwa bube bungone lutho. Uma konakele ethongweni noma liqonde ukukushaya, liyakwazi ukubusebenzisa ezinganeni zakho nakuwena imbala. Kuningi okonakele ngenxa yotshwala. Engxoxweni yethu noSolwazi Vika Gabela osathatha umhlalaphansi, owayengumphathi kweminye yeminyango yezemfundo eNyuvesi yaKwaZulu, ungithumelele lo mbhalo ngotshwala engibone kungcono ke siwufunde sonke kule ngosi, njengoba sekusele usuku olulodwa sigubhe usuku lukaKhisimusi. Nansi ngezansi inkulumo yakhe; “Makadunyiswe uJesu Kristo!" Lesi sihloko engibhala ngaso lapha angiqali ukusithinta. Mhlawumbe ngisixoxa ngendlela ethe ukwehluka. Ngibhekene nendaba yotshwala obubalwa nezidakamizwa ezivunyelwe emthethweni. Ngenkathi kwakhiwa utshwala kunobuthi obudalekayo, obubizwa ngokuthi yi-ethanol. Elinye igama…

MHLELI: Sinenkinga endaweni yangakithi, sicela usizo. Kunomgwaqo osuka KwaNobamba (Weenen) uya eMooi River obizwa ngokuthi uMiddlerus Road, uwu-P176. Ungaphansi koMasipala Inkosi Langalibalele ku-Ward 21. Lo mgwaqo uma wenyuka ngawo uya eMngwenya kunamabhuloho awu-81: Kwesentombi 2, Esgxeni 3, Kwabomvu 4, Estolo eMngwenya 5, eMkhomazana 6, Ogongolo 7, KwaTobi 8, KwaMbovu Mkhize. La mabhuloho sekuyiminyaka eqeda abantu selokhu kwasukela ngeminyaka yo-1980, sihlupheka. Ngisho sekuphethe uhulumeni wentando yeningi bayemuka abantu. Kwaze kwafika owayengumphathiswa, uMnuz Willies Mchunu, wathi uzophela unyaka esekhandiwe amabhuloho kepha akwenzekanga lutho, waze waphuma esikhundleni. Kwaphinda futhi kwemuka abanye abantu, kwafika uNkk Peggy Nkonyeni ehambisana nomhlonishwa uSindisiwe Chikunga, nabo bathembisa phambi kukababa u-Ayanda Msweli ukuthi uzophela unyaka esekhandiwe. Kepha dololo ukwakhiwa baze baphuma. Baphinda bemuka futhi abantu, kwafika umhlonishwa uSipho Hlomuka walethula elilodwa leli okuthiwa kuKwesentombi. Waze wethula nosonkontileka ozolakha kepha…

IWUNUKA eduze umkhuba isihlobo zentombazanyana osekuphele inyanga inyamalele ePhezukomkhono, eMbumbulu. UNhlalwenhle Magwaza (7) kuthiwa wanyamalala phakathi kwemizi yomakhelwane, ebuya esitolo sendawo ngoNovemba 23. Ngokusho kwesihlobo, esicele ukungadalulwa, umgilwa waphuma ekhaya eya esitolo. Kuthiwa wahambisana nomalumekazi bakhe ababili, ababeya ezihlotsheni kwesinye isigodi. Kuvela ukuthi bamkhapha, wathenga amaswidi nama-chips, base bemphelezela, bambeka sekuseduze ekhaya. “Cishe wayesezodlula imizi emine, engagqagqene, afike ekhaya kodwa akazange afike,” kusho isihlobo. Sithe lokhu kwabadida ngoba nonina kamgilwa, okuthiwa wazizwa eshiywa yigazi, waphuma ethi uyamhlangabeza kodwa naye wahamba waze wayofika esitolo, wangamthola. “Noma zingeke zisakhumbuleka izikhathi ukuthi zashiyana ngemizuzu emingaki kodwa waphuma ethi uyamhlangabeza kodwa wangahlangana naye, waze wayofika esitolo,” kubeka isihlobo. Sithe esitolo bamtshela ukuthi umgilwa nomalumekazi bakhe banesikhashana behambile. Siveza ukuthi umndeni wabe usubuza komakhelwane ukuthi abambonanga yini umntwana, abanye balandula, abanye babashaya indiva. Sithe emva…

KUBA mnandi uma kuhlangene imindeni, izihlobo nabangani kudliwa izibiliboco, kugeleza neziphuzo. Sikuphathele imicimbi ehlukene exoxwa ngezithombe. Uma ufisa ukuthi izithombe zomcimbi wakho zishicilelwe kuleli khasi, zithumele nge-email ethi: isolezwe@inl.co.za. Bhala kafushane ukuthi bekuwumcimbi kabani, umayelana nani futhi ukuphi. Uma esithombeni kukhona abayisihlanu kuya phansi, sicela nibhale amagama nezibongo zomuntu ngamunye. Izithombe zemicimbi sezishicilelwa njalo ngoLwesibili.…

UMQEQESHI weSenegal engelinye lamazwe abalwa kwazobanga isicoco se-Africa Cup of Nations (Afcon), uPape Thiaw, ukhuza iphutha lokushiya ngaphandle iBafana Bafana kwangase akhale amuke nenkomishi eMorocco. Umqhudelwano uze waqala ngeSonto, lingaveli nakancane igama leBafana uma kukhulunywa ezinhlakeni ezahlukene ngamazwe anamathuba okudla umhlanganiso ekupheleni kwawo. Osokhaya, iMorocco, yibona abaseqhulwini kwabaningi kwazise baqale umqhudelwano kuyibona futhi abakleliswe phambili ngokwe-Fifa e-Afrika. Nakuba bekhona abakhuluma nge-Egypt kwangase adle umhlanganiso, liyavela negama leNigeria yize ihlulwe wukuzibekisela indawo kwiNdebe yoMhlaba yangonyaka ozayo eMecixo, Canada nase-united States of America (USA). UThiaw opheka iSenegal nayo ethishwe ngabaningi ngesicoco, ubona iqembu likaBroos njengelinye layingozi yokugoduka nalo mqhudelwano ngoba akekho olinakile ekubeni konke ngalo kukhomba ukuthi kufanele liqashelwe. Ngesikhathi ekhuluma ne-cafonline.com kulandela ukufika kweSenegal eMorocco, uThiaw uthe akunganakwa kakhulu iSenegal kepha kugadwe iBafana. “Kuyangixaka ukuthi bahlaziya liphi ibhola lase-Afrika laba abashiyelana…

ASEKUVUTHONDABA amalungiselelo omcimbi i-Asingene Siphila Jazz & Gospel Music Picnic ozodonsa izinsuku ezimbili eVryheid, kusuka ngoDisemba 31. Lo mcimbi wokuhlukanisa unyaka uzoba seBlack Horse. Izethameli zizohlukanisa unyaka ngomkhuleko nomculo wokholo njengoba kuzobe kukhona abaculi nabefundisi. Umcimbi kulindeleke ukuthi udonse ubusuku bonke njengoba uzoqala ngo-6 ntambama kuze kube u-6 ekuseni Kuboshelwe uMxolisi Mbethe, Thobekile, Siyabonga Nxumalo, Mfundisi Vusi Gama, MC Kwenzeka Thabede, Thoko Ndlangamandla nabanye. Ngakusasa endaweni efanayo, kuzoba ne-picnic ye-jazz. Abaculi be-jazz abasohlwini yiPhongola Jazz Band, Imacsoul, Thami Mdluli, Ubuhle BeMondlo, Busi Mhlongo Jazz Club nabanye. Uhlelo luzobe luphethwe uMakitaza noMandla Mdletshe. Amasango azovulwa ngo-12 emini. I-Asingene Siphila Jazz & Gospel Music Picnic ingaphezu kokuba umcimbi, njengoba ihlanganisa umculo nosiko futhi yamukela u-2026 ngenhloso nendumiso. Amathikithi aqala ku-R150 kuthi awezinsuku zombili abe u-R250 eWebtickets. Khonamanjalo: Baqinisekisiwe abaculi abazinandisa kwiDurban Jazz…

KUVUMBUKE ukuxokozela ngezinguquko ezimenyezelwe uMengameli we-Confederation of African Football (CAF), uPatrice Motsepe. Abanye bayalweseka ushintsho kanti kunabanye abangamuzwa kahle, bekhala ngokuthi akwenzayo kwanelisa intando yezinhlangano zebhola e-Europe ezingafani nezinhloso zalo mdlalo e-Afrika. Ngempelasonto, ngaphambi kokuqala kwemidlalo ye-Afcon, uMotsepe umemezele ukuthi lo mqhudelwano usuzoshintha udlalwe kanye ngemuva kweminyaka emine, kuyekwe ukuba ube njalo ngemuva kweminyaka emibili. Uphinde wathi imidlalo ye-African Nations Championships (CHAN) izoyekwa, kuqale umqhudelwano omusha we-African Nations League ngo-2027. Lezi zinyathelo zisho ukuthi imiqhudelwano yamazwe e-Afrika izofana nse nokwenzeka e-Europe. Ngokusho kukaMotsepe, lezi zindlela zizothuthukisa ukukhanga kwebhola e-Afrika ngasohlangothini lokwesekeka ezimalini nokuthi libonakale emehlweni omhlaba. Kukhona ukuvungama kwamanye amashoshozela athi kungani kuhlale kukotshelwa okwenziwa amazwe aseNtshonalanga? Kodwa uma kukhulunywa iqiniso, ibhola likanobhutshuzwayo lingelomhlaba ngempela, okungenzeka ukuthi ukufaniselana namanye amazwe aphambili kulo mdlalo kunganciphisa izinkinga eziningi njengokubangwa kwabadlali phakathi kwamakilabhu…

MHLELI: Anginasisoka engingakwazi ukukucela ngaso ukuba ungiphenyele indawo bese ungishutheka nami ngedlulise izincomo zami ngoMenzi Mabizela. Ngiyacela ungibhekele nje bese uyangifaka ukuze nalo myalezo uzofika kuyo yonke iNingizimu Afrika ngelakho elingakhethi nelingachemile. Ngithanda ukwethulela uMenzi Mabizela isigqoko, ongumculi kamaskandi okuthe ngonyaka ofile wakhipha icwecwe elenze kahle kakhulu ezinkundleni zomculo nakubantu nje. Icwecwe lalithi "Size Siguge". Kuke kube nzima-ke kumculi ukuba uma enze kahle aphinde enze okufanayo ecwecwe elilandelayo, hhayi ngoba engakwazi ukucula kepha yingoba usuke esebhekwe ngabomvu ngabantu ukuthi le nto obenzele yona iseyiyona yini. UMenzi umculo ulubizo kuyena. Indlela enza ngayo ungafunga ukuthi kulula ukucula nokubhala izingoma. Izingoma zikaMenzi zihlezi zizingenela kubantu engicabanga ukuthi naye uma enza izingoma kuba khona azibhekayo ukuthi zizongena masinyane kubantu kepha uthole ukuthi abantu bavuka nezabo ngoba usuke eculela bona nomyalezo usuke uye kubona…

QHUDE manikiniki empini yoMphathiswa wezokuThuthukiswa koMphakathi KwaZulu-Natal, uNksz Mbali Shinga, neqembu lakhe elimxoshayo, iNFP. UNksz Shinga unqumele ubuholi beNFP ugwayi katiki ukuba buhoxise incwadi emisa ubulungu bakhe eqenjini. Isigungu esiphezulu kwiNFP sithathe isinqumo sokumisa uNksz Shinga ngenxa yokuthi ushaye indiva umyalelo weqembu wokuba aseke isiphakamiso sokungabethembi ubuholi bukaNdunankulu waKwaZulu-Natal, uMnuz Thami Ntuli, ebesifakwe yiMKP esiShayamthetho sesifundazwe. UNksz Shinga waphikisana nesiphakamiso seMKP yize umholi weqembu, uMnuz Ivan Barnes, ayekade ethe bazoseseka isiphakamiso seMKP. Ngokwencwadi ebhalwe nguNobhala Jikelele weNFP obambile, uMnuz Sunshine Xaba, uNksz Shinga uzomiswa eqenjini kuze kube kuphothulwa uhlelo lokuqondiswa ubugwegwe. UXaba uthe uNksz Shinga wanikezwa ithuba lokuba aziphendulele kodwa wakhetha ukushaya indiva incwadi ayeyibhalelwe ubuholi beqembu. Encwadini yabameli evutha bhe, uNksz Shinga uthe ubuholi beqembu bushelelile ngokuthatha isinqumo sokumumisa, wathi isigaba 3.1.5.2 semigomo yeNFP asisiniki isigungu esiphezulu amandla okumisa…

QWEQWE lomqeqeshi waseNingizimu Afrika, uPitso “Jingles” Mosimane, lukulungele ukuthatha umsebenzi wokucija iBafana Bafana emuva kweNdebe yoMhlaba yaseMexico, Canada nase-United States of America (USA) njengoba uHugo Broos azothatha umhlalaphansi emuva kwayo. Nakuba kunjalo kodwa lo mqeqeshi owaziwa ngokuzikhulumela akagudluki ekutheni kunezinto inhlangano eyengamele ibhola eMzansi, iSouth African Football Association (Safa), okufanele imthembise zona ngaphambi kokusayina inkontileka. UMosimane okusenguyena yedwa kubaqeqeshi baseNingizimu Afrika owine indebe yeCaf Champions League amahlandla amathathu, ukusho lokhu ngesikhathi ekhuluma kwiMarawa Sports Worldwide (MSW) muva nje. UBroos sewakumemezela ukuthi uzothatha "impesheni" ekuqeqeshi emuva kweNdebe yoMhlaba yangonyaka ozayo. Akakufihlanga ukuthi iphini lakhe, uHelman Mkhalele, yilona abona lifanele wukuqhubeka nomsebenzi, Nakuba kunjalo kodwa igama likaMosimane akwenzeki lingaveli uma kubalwa abangase bathathe lo msebenzi wokuqeqesha iBafana. UMosimane owadla izicoco zeligi ezinhlanu neMamelodi Sundowns ahlala kuyona iminyaka eyisishiyagalombili ngaphambi kokudlulela kwi-Al Ahly…

MQEQESHI weHollywoodbets Sharks, uJP Pietersen, unethemba lokuthi angakwazi ukubuya emdlalweni we-United Rugby Championship wokuvula unyaka umdlali waphambili omqoka waleli qembu, u-Ox Nche. UNche, odlala kwi-loosehead prop, ulimale eqakaleni nasedolweni edlalela iqembu lesizwe, amaBhokobhoko, ngesikhathi libhekene neJapan phesheya ngenyanga edlule. Nokho, ngokusho kukaPietersen useqalile ukuzilolonga futhi kungenzeka abe yingxenye yeqembu uma selidlala olandelayo we-URC ne-Emirates Lions eKings Park ngoJanuwari 3. Izinto seziqala ukukhanya kwiSharks edlule ebumnyameni, isibhaxu sikhala nxazonke. Leli qembu selinqobe imidlalo emibili ilandelana selokhu uPietersen enikwe izintambo kulandela ukushenxa kukaJohn Plumtree. Liqale ngokuguqisa iSaracens yase-England ngo 28-23 kowe-European Champions Cup ngaphambi kokunqoba iVodacom Bulls ngo 21-12 kowe-URC eThekwini ngoMgqibelo. “U-Ox useqalile ukujima. Siyethemba ukuthi angabuya emdlalweni olandelayo neLions,” usho kanje uPietersen. “IBulls ibisicindezela kuma-scrum kodwa ayizange ikwazi ukuthola i-try. Kufanele ngimncome uJoey Mongalo (iphini lomqeqeshi eligxile ekumakeni) ngoba izinhlelo…

ISINQUMO seGagasi FM sokufaka ingwazi uLinda “Mr Magic” Sibiya ohlelweni lokuhlukanisa unyaka ngoDisemba 31, senze kwavela igama likaMandla "Radio Encane” Malakoane njengozobangisana naye abalaleli baKwaZulu-Natal ngesikhathi esifanayo kuKhozi FM. ULinda uzosakaza noFelix Hlophe noSelbeyonce Mkhize ngo-9 ebusuku kuya ku-12 phakathi kwamabili. Isimemezelo seGagasi sisuse igidigidi ezinkundleni zokuxhumana kangangokuba sekuzungeza isithombe sabasakazi okuthiwa yibona abazohlukanisa kuKhozi. Esithombeni kufakwe uMroza Buthelezi, Tshatha Ngobe nenkakha uMandla. Nokho kuzokwehla izihlathi kubathandi balaba basakazi njengoba emakhasini oKhozi singekho. Ekhuluma neSolezwe, uMandla osewathi khumu kwezokusakaza, ukuphikile ukuthi uzobe ebambe umbhobho ngoDisemba 31. “Ngabe ngidlala ngabo abaphathi bomsakazo uma ngingathi kukhona oke wangithinta kubona,” usho kanje. Ebuzwa ukuthi ingabe uma engabizwa engasabela yini, ushaye ngamafuphi wathi: “Ngoba sengishilo ukuthi ubuqiniso balokhu abukho ngicela siyibambe lapho.” Kwenzeka lokhu nje, kuyaqhubeka ukuvotela ingoma ezodlala phakathi kwamabili oKhozini. Emncintiswaneni woKhozi…

MHLELI: Angiqale ngibonge uMvelingqangi osigcine kwaze kwaba sificwa yilesi sikhathi. Thina ababhala lapha sesinithathisa okomndeni owodwa nazo zonke izisebenzi zeSolezwe. Sibonga ukunikwa ingosi lapho sigiya khona nezinsizwa nezintokazi ukuveza abambalwa; Phila Mthethwa, Sibahle Ngobese, Mnikaziwempuphu Chonco, Khabzela Mzimela, Z Ntombela wase-Durban North, umfo waKwaManyosi eSanguye, nabanye abaningi engingeke ngibaqede bonke. Ukufika kwesikhathi sikaKhisimusi njalo kungenza ngisinge lapha siphuma khona emuva, okwakuyaye kuthi njalo ebusuku bokwehlukana konyaka sasicupha ngezihlonti zotshani esasizishisa kanye namathini namadilamu. Ngingelilibale neqhaza elalibanjwa uMfana waseNkwezela, uJoshua Mlaba (ongasekho woKhozi FM). Yayimnandi leyo minyaka, kungafani nangesikhathi samanje lapho sekuchithwa khona izinkulungwane zamarandi kuthengwa iziqhumane okugcina nabanezibhamu ezingekho emthethweni bethola ithuba lokuziqhumisa. Okwakusenza sijabule ukuthi sabe sazi ukuthi sizokudla izitshulu nama-rice, amaswidi ehlwayelwa egcekekeni okomgqakazo wezinkukhu, kube mnandi siphangelana ngawo. Isizukulwane sakule mihla azibubonanga ubuhle esikhuliswe ngabo, senziwa amadoda…

GOKOMTHETHOSISEKELO isigaba 23 (1), wonke umuntu unelungelo kokuphathwa ngobulungiswa emsebenzini. Uhulumeni uphoqeleke ukuba ashaye umthetho wokuhlinzeka nokuqinisekisa ukuthi leli lungelo loMthethosisekelo liyafezeka. UMthetho wemiBandela eyisiSekelo yokuQasha (uNombolo 75 ka-1997) ochitshiyelwe ngoMashi 28, 2025, okuthiwa yiBasic Conditions of Employment Act, usafezekisa lona ilungelo elikuMthethosisekelo. INkantolo yezoMthethosisekelo inqume ukuthi nabesilisa banelungelo lokuthatha ikhefu elilinganayo nelabesifazane ukuyonakekela abesifazane uma beyobeletha. Masikhumbule ukuthi ngokoMthetho wemiBandela eyisiSekelo yokuQasha, abesifazane banelungelo lokuthatha ikhefu lokuyoteta eliyizinyanga ezine. Leli khefu abesifazane balithatha kusasele amaviki amane ngaphambi kosuku lokuyobeletha. Futhi ngokwaleli lungelo, umuntu akavumelekile ukuqala emsebenzini engakadluli amaviki ayisithupha emva kokuba ethole ingane. Leli khefu–ke liyakhokhelwa ngaphansi koMthetho wemiHlomulo yokuDilizwa Emsebenzini uNombolo 63 ka-2001, okuthiwa yi-Unemployment Insurance Fund Act, noma yi-UIF ngamafuphi. Abesilisa bona banelingelo lekhefu eliyizinsuku ezingu-10 lokuyonakekela ingane ezelwe noma ingane ethekeliwe yasiselwa owesifazane ngokomthetho. Umthetho kawunambandela…

UMQEQESHI weqembu lesizwe lekhilikithi labesilisa, uShukri Conrad, ukholwa wukuthi uchungechunge lwemidlalo ye-T20 abasanda kuludlala ne-India lubakhombisile izimo abazobhekana nazo eNdebeni yoMhlaba ye-T20 ezodlalelwa e-India nase-Sri Lanka, kusukela ngoFebhuwari 7. AmaProteas ahlulwe ngo 3-1 emidlalweni emine edlaliwe njengoba owodwa ubhuntshiswe ukungcola komoya. UConrad uthe nakuba bebengathanda ukuthi balunqobe uchungechunge noma okungenani balinganise, okubalulekile kakhulu ulwazi abalutholile. "Uhambo lube wusizo kakhulu, ikakhulukazi njengoba sizodlala imidlalo embalwa e-Ahmedabad. Sesiziqonda kangcono izimo esizodlalela kuzona. Uma sekuqala iNdebe yoMhlaba," kusho uConrad. Uhambo lwase-India luqale kahle ngesikhathi amaProteas enqoba uchungechunge lwe-Test ngo 2-0, anqotshwa ngo 2-1 kolwama-One Day International (ODI), njengoba akhala ngaphansi kolwe-T20. "Sekukonke, ngicabanga ukuthi kube wuhambo oluyimpumelelo kakhulu futhi ngijabule kakhulu ngemiphumela. Siqale kahle ochungechungeni lwe-Test, sahlulwa ekugcineni kolwe-ODI, njengoba kwale kancane ukuthi silinganise kolwe-T20,” uqhube kanje uConrad. "Kusobala ukuthi sifuna ukuyinqoba yonke…