Tabla de contenidos para 2025-10-28 en Isolezwe

IZIHLABANI zaKwaZulu-Natal ziyingxenye yamaciko akuleli aqokwe emqhudelwaneni wezindondo waphesheya kwezilwandle, i-African Entertainment Awards, USA (AEUSA). Kulo mncintiswano ozobanjelwa eNew York, eMelika ngoDisemba 20 kuboshelwe umrepha waseLovu, uNsikayesizwe "Nasty C" Ngcobo, umlingisi waseMgungundlovu uThuso Mbedu, usaziwayo waKwaNdengezi uPearl Thusi, usaziwayo waseDannhauser uNtombezinhle "DJ Zinhle" Jiyane, umculi wamapiano waseThekwini uNolwazi "Nkosazana Daughter" Nzama, usaziwayo uKhanyi Mbau oyindodakazi kasomatekisi ongasekho uMenzi Mchunu waseNkandla noZandile "Doja Cat" Dlamini oyindodakazi kaDumisani "Chester" Dlamini wodumo kwiSarafina nakwiYizo Yizo 2 odabuka eMlaza. UNasty C uqokwe emunxeni weBest Hip Hop/Rap Artist lapho edlana khona imilala noNtokozo "KO" Mdluli waseMpumalanga noSenzo "Kwesta" Vilakazi nabanye omrepha bakwamanye amazwe. UPearl Thusi utholene phezulu noBonang Matheba nabanye kwiMedia Personality of the Year. UThuso uqhathwe noCharlize Theron noConnie Ferguson. UKhanyi usemunxeni weReality TV Star of the Year. UNkosazana Daughter uqokwe kwi-Album of the…

UNENTO enkulu esiyikhohlwayo empilweni yethu okuyinhlambuluko. Ayikho into egeza umzimba, ingqondo nomphefumulo wakho noma kamakhelwane wakho kumbe womdeni nesizwe sonkana njengenhlambuluko. Ukuhlambuluka yinto eyayaziswa kakhulu KwaZulu, cishe nakwezinye izizwe ezikhona kwelase-Afrika. Ngingasho ngithi inhlambuluko iyinkaba nomgogodla wokuphila. Uma kufanele lelo thuba lisebenziseke kufanele lenzeke ukuze isizukulwane esiyolandela singazitholi sibhukuda kwithombonkala losizi olwashiywa ngabazali nokhokho babo ababalekela lesi senzo. Nakuba ezinye izizwe ezingebona abamnyama zinokwazo ngalokhu kodwa ngazi kahle kamhlophe ukuthi abantu abakhuliswe nabaphiliswa yinhlambuluko yithina abamnyama. Kuyadabukisa ukuthola iningi namhlanje lizivikela lona kunesizwe okutshengiswa ukwantuleka kobuntu nobuholi. Umnumzane ekhaya enomndeni kanjalo nomama abantu okufanele izinhliziyo zabo zihlale zivulelekile. Kunjalo kuyedlulela uma umuntu eseze wafika esimweni sokuba ngumholi wesizwe noma wesizinda esithize okulindeleke ukuba enze okuhle esizweni. Kulezi zinsuku izwe silibona lisemanzini, wonke umuntu usho akushoyo ngokungathekisa, ukuthi kazi iyozala nkomoni…

KUBA mnandi uma kuhlangene imindeni, izihlobo nabangani kudliwa izibiliboco, kugeleza neziphuzo. Sikuphathele imicimbi ehlukene exoxwa ngezithombe. Uma ufisa ukuthi izithombe zomcimbi wakho zishicilelwe kuleli khasi, zithumele nge-email ethi: isolezwe@inl.co.za. Bhala kafushane ukuthi bekuwumcimbi kabani? Umayelana nani? Ukuphi? Uma esithombeni kukhona abayisihlanu kuya phansi, sicela nibhale amagama nezibongo zomuntu ngamunye. Izithombe zemicimbi sezishicilelwa njalo ngoLwesibili.…

UTSHELE iNkantolo yeMantshi yaseMgungundlovu, izolo, ukuthi ubhecwa ngobende inyama engayidlanga umsunguli weNjoms Security oboshelwe icala lokubulala. UMnuz Bruce "Njoms" Mhlongo uvele kule nkantolo ukufaka isicelo sebheyili njengoba eboshelwe icala lokufa kukathisha waKwaPata, eMgungundlovu, ngoFebhuwari 2022, uMnuz Thabani Zondi. Kuvele ukuthi uZondi wayebuye abe yiphini likasihlalo kusoseshini waKwaPata. Kubuye kwahlaluka ukuthi ngaphezu kwaleli cala, uMhlongo uphinde wengezelwa amanye amacala amabili okubulala ngesikhathi evela ngoLwesine olwedlule, nokuvele ukuthi uzofaka isicelo sebheyili ngawo ngoLwesine. Ephendula iminye yemibuzo yomshushisi woMbuso, uMnuz Ricky van Wyk, esebhokisini lofakazi, uMhlongo uthe ngokomthetho uMnuz Mnyandu, owayengusihlalo kasoseshini wamatekisi KwaPata, okufanele ingabe umi la emi khona- ebhokisini lofakazi. “Nginobufakazi bezinkulumo eziqoshiwe ezivezayo ukuthi uyena uMnyandu owahlanganisa ukubulawa kukaZondi,” kusho uMhlongo. Uthe phakathi kobunye balobu bufakazi akhuluma ngabo izinkulumo eziqoshiwe lapho uMnyandu nendodana yakhe nabanye, bebopha khona itulo. Ubuye…

MNDENI wephoyisa okuthiwa langqoklozwa elinye ngenhlamvu lafa, ukhala ngokudluliselwa kwedokodo laleli cala ophikweni eliphenya izenzo zamaphoyisa i-Independent Police Investigative Directorate (Ipid). Lokhu kushiwo udadewabo kamufi, uNksz Nombuso Ngidi, obekade ekhuluma ngemuva kokuba cala lihlehliselwe uNovemba 10, izolo, eNkantolo yeMantshi yasePinetown. Esigamekweni esenzeke ngo-Okthoba 10, uConstable Andile Philani Zulu (40) usolwa ngokudubula ephindelela uConstable Sbonelo Ngidi (29) komunye yemigwaqo yaseMariannhill, ePinetown. Enkantolo kuvele ukuthi leli cala alisaphenywa oKlebe kodwa selidluliselwe kwi-Ipid. "Asigculisekile ngokuthi icala selidluliselwe kwi-Ipid. Sikholwa ukuthi bekulunge liphenywa oKlebe," kusho lo womndeni. Enkantolo kuvele ukuthi mane amacala umsolwa abhekene nawo. Kuwona kukhona elokubulala umufi, elokuzama ukubulala owesilisa owayehamba nomufi, elokushayela budedengu nelokuphatha isibhamu edle amanzi amponjwana. Kuthiwa umsolwa obesebenza esiteshini samaphoyisa esiseduze kwesiteshi sikaloliwe i-Escombe, eScottburgh, wapaka imoto yakhe i-VW Polo emhlophe, phakathi nomgwaqo, wehla wachama. Kuvela ukuthi…

MDLALI wasesiswini we-Orlando Pirates uKabelo Dlamini uvulele abalandeli baleli qembu isifuba ngendlela abazigqaja ngayo bengabadlali ngokudlalela uhlobo lwabantu olukholelwa kubona ngisho sekubukeka sengathi kuphelile ngabo. UDlamini ukusho lokhu ngesikhathi ekhuluma nethimba lePirates labezindaba kulandela ukuphuma kwayo esigabeni sokugcina sokuzibekisela indawo emidlalweni yamaqoqo kwiCaf Champions League. Namuhla iPirates ibuyela enkundleni ngokwamukela iMagesi FC emdlalweni we-quarterfinal yeCarling Knockout ngo-7 ebusuku e-Orlando Stadium, eSoweto. Akubuzwa ukuthi eZimnyama zizofuna ukubhodlela kulona leli qembu laseLimpopo eliyikhiphe kulo mqhudelwano ngesizini edlule. Ngaphezu kwalokho, iPirates ewine iMTN8 ezinyangeni ezedlule, isenalo ithuba lokujabulisa abalandeli ngokuqukula iCarling Knockout, Nedbank Cup neligi yeBetway Premiership. Nakuba iPirates inqobe ngo 3-0 wamagoli kaMasindi Nemtajela, Yanela Mbuthuma no-Oswin Appollis kodwa iSaint Eloi Lupopo yaseDemocratic Republic of Congo (DRC) iyona edlulele esigabeni esilandelayo ngemuva kokuwina ngo 5-4 kumaphenathi ngoMgqibelo ntambama, kule nkundla yaseSoweto. Okuchaza…

ONGUMPHATHI nomqeqeshi we-Ethekwini Coastal, uLindani “Mantaye” Shezi, uveza ukuthi yize kumfaka ugqozi okwenziwe yiMidlands Wanderers ngesizini edlule ikhushulelwa esigabeni seMotsepe Foundation Championship kodwa iqembu lakhe alikabi sezinhlelweni zokulwela ukunqoba isicoco seligi kwiSafa KwaZulu-Natal ABC Motsepe League. Ngesizini edlule, iCoastal ibivika izembe kwiKZN ABC Motsepe League ngenxa yokuthi beyakha kabusha iqembu ngabadlali abasebancane. Nokho le sizini ka-2025/26 yeKZN Motsepe League - leli qembu laseManzimtoti eliyisikhungo sokucija abadlali abasebancane - lisayiqale ngendlela ethembisayo. NgoMgqibelo, libuye namaphuzu amathathu liguqisa iKwaMashu Durban Knights ngo 2-0 emdlalweni kaStream B eJohn Dube Ground, KwaMashu. Emidlalweni emihlanu esadlaliwe kuStream B, iCoastal isanqobe emithathu yahlulwa kwemibili. Isendaweni yesithathu kwi-log ngamaphuzu ayisishiyagalolunye lapho ihlukaniswe khona ngamaphuzu amabili noMsinga United oqhwakele ngawu-11 emidlalweni elinganayo. “Akukho esikushintshile nakule sizini, sisaqhubeka nokudlalisa bona abafana abancane ebesiqale ukudlala ngabo ngesizini edlule ngemuva kokuhamba…

SAZIWAYO uSomizi Mhlongo usejoyine abathandi bomcimbi kaMiss South Africa abakhala ngokwehlelwa kwawo yizinga nonyaka. Umcimbi wanonyaka ubungoMgqibelo ePitoli, kanti sebebaningi abakhala ngendlela izinga lawo ebelehle ngalo kusuka ekuhlelweni, abethuli ngisho nabanye abaculi abebenandisa khona. USomizi utinyele ithimba labagqugquzeli ngabaculi nangokungazwakali kahle komsindo, wathi bawenzele phansi umcimbi. “Ngizoqala nje ngokuthi ngiveze ukuthi umcimbi walolu hlobo kumele uhehe zisuka nje, izintokazi zisangena esiteji. Umculo kumele kube ngovusa uhlevane, kube umculo we-Orchestra ogcwele izinsimbi bese kungena izintokazi okokuqala. Ngeke ngisho ukuthi le nkinga iqale manje, kodwa isinesikhathi njengoba eminyakeni edlule bekwenzeka lokhu engikushoyo kodwa manje akusekho. Ngeke ngigxeke uCiza okunguye ovule umcimbi, kodwa bekungamele kube nguyena osethulela izintokazi. Ingoma yakhe eyokuvula kweminye imicimbi yozime yasemalokishini hhayi kuMiss SA," kusho uSomizi. Uthe ngisho izingubo ebezigqokwe yizintokazi ezingu-9 bezingahehi ngendlela okwakwenzeka ngayo kulo mcimbi kudala.…

IKHATHAZEKILE ikomiti lasePhalamende ngezitshudeni okuthiwa zisebenzisa imali yeNational Student Financial Aid Scheme (NSFAS), ukugembula. Kuthiwa lezi zitshudeni zize zibolekane imali ngoba zisalinde iNSFAS ukuthi ifake imali ukuze zizame inhlanhla yokuthi zenze imali ethe xaxa yokuphila. Usihlalo wekomiti lezeMfundo ePhakeme ePhalamende, uMnuz Tebogo Letsie, uthe bakhathazekile ngokuthi lezi zitshudeni zigembula ezinkundleni ezifana neBetway, Sportsbet neHollywoodbets. Uthe bayazi ukuthi imali yeNSFAS izitshudeni azigcini ngokuthi zikhokhela ngayo izidingo kodwa zibuye zenze ezinye izinto ngayo. "Siyazi ukuthi izitshudeni ezixhaswa yiNSFAS zisebenzisa imali ukondla imindeni. Ezinye ziyayigembula. Kodwa kumele kugxekwe neNSFAS ngokuphuza ukufaka imali yezidingo. Uma imali ingafakwa ngesikhathi, ezinye izitshudeni zize ziboleke imali ukuze zizame inhlanhla ngokugembula, ukuze zithi uma ziwina ziyibuyise," usho kanje. Ukusho lokhu ekhuluma nezintatheli ePhalamende izolo, esithangamini sabezindaba ebesihlanganisa osihlalo bamakomiti ahlukene. Uthe le nkinga yokugembula kwezitshudeni ayidlangile kuphela kuleli…

KUFANELE ngabe iziphathimandla zezwe, kuzo zonke izigaba, ziyazihlupha ngokuthi kuneminyango ebhekele ukulandeleka kwemigomo emikhakheni eyahlukene kodwa kuyaqhubeka ukonalakala. Kwesinye sezigameko zakamuva kuvele ukuthi kunabafundi okumele ngabe babhala izivivinyo zika-matric njengoba sekuqalile ukubhala kodwa bathole ngezinsuku zokugcina ukuthi empeleni isikole abebefunda kuso asibhalisile njengesikhungo esifundisa leli banga. Okungacaci ngokuphelele wukuthi lesi sikhungo esiseThekwini sisemthethweni yini. Lesi simo bese sikhombisa ukuba ngcubangconywana kuneminyaka edlule kodwa kusobala ukuthi kusekhona okungahambi kahle ekwalusweni kwezikhungo zemfundo, okubalwa kuzo ezemfundo ephakeme okutholakala ukuthi zizimele kodwa azibhaliswe ndawo. Iyezwakala incazelo yoMnyango ngokuthi abazali nabafundi baxwayiswa njalo ngokuthi babheke ukuma kwezikole ezizimele abazikhethayo ukuthi zisemthethweni yini. Leli yiqiniso futhi ngokufundisa abantu ukuba bangahambi belalela wonke umuntu, ikakhulu lapho kudingeka khona ukuthi kukhokhwe imali. Kodwa elinye iqiniso lithi uhulumeni unesibopho sokwelusa izikhungo ezisebenza ngabantu ngoba abantu aboMbuso. Imfundo yonke…

MHLELI: Ngibona sengathi ukuphathwa kwezwe wuhulumeni obizwa ngowe-GNU kusilethele incithakalo enkulu emalini yentela esiklinywa ngayo entanyeni wuphiko lwezentela. Ngisho ngoba phela kwagcina sekuqokwa amaphini ongqongqoshe kweminye iminyango, esikhuluma nje bahola imali. Umonakalo omkhulu owadaleka ukuthi namaqembu ayelima indima enkulu angaphikisayo angena ePhalamende maqede asisawezwa ephikisa isinqumo. Asefana ncamashi nomuntu obekhuluma kakhulu kwathi bengafaka ukudla kwagcwala umlomo maqedene ayihlaba inhlali.Ngikhuluma lapha ngeqembu elinjenge-DA ebelilwa nendaba yobukhulu beKhabhinethi futhi okuthe bengathola izikhundla kwaphenduka amabele, zawadla bekhona ePhalamende. Sasiyala nesihlava esangenela iqembu le-EFF, lahlutshukwa ngo(Mnuz Floyd) Shivambu no(Dkt Mbuyiseni) Ndlozi ngoba lalikubanga ukushisa ePhalamende.Okungenza ngifinyelele kule nkulumo ukubuza ukuthi uMengameli Cyril Ramaphosa njengoba umnyango ophethe emaphoyiseni kunasiphi isidingo sokuhlinzekwa ngongqongqoshe endaweni yalo onikwe umhlabakhefu uMnuz Senzo Mchunu? Manje sekukhona obambile namaphini amabili okukhomba ukuthi imali yethu yentela ifana nokuthi imuka nomfula. Okuxakayo ukubona…

INTSHA yeqembu elingababeki benkosi kuhulumeni wokubambisana ophethe KwaZulu-Natal, i-NFP, ayihambisani neyokuthi iqembu lihoxe kuhulumeni wesifundazwe oholwa yi-IFP. I-NFP Youth Movement ithe ayivumelani nesimemezelo somholi we-NFP, uMnuz Ivan Barnes, sokuba iqembu liphume kuhulumeni waKwaZulu-Natal. Ikusho lokhu emva kokuba uBarnes ememezele ukuthi iqembu alisabuthembi ubuholi bukaNdunankulu uThami Ntuli. UBarnes uveze ukuthi ufisa ukuthi uhulumeni wesifundazwe uholwe yi-MK. I-NFP inesihlalo esisodwa esiShayamthetho KwaZulu-Natal, ibambisene ne-IFP, ANC ne-DA. La maqembu anezihlalo ezingu-41 kwezingu-80 esiShayamthetho, nokusho ukuthi ivoti elilodwa lingawuwisa phansi uhulumeni wokubambisana. Osebuholini be-NFP Youth Movement, uMnuz Athini Ndubelele, uthe uBarnes akazange abonisane nobuholi be-NFP KwaZulu-Natal ngaphambi kokuthi akhiphe isitatimende esithi iqembu alihoxe kuhulumeni wesifundazwe. "Isigaba 6.5.1.7 somthethosisekelo weqembu sithi kufanele kube nezingxoxo ngaphambi kokuba ubuholi besifundazwe benze noma yini obuyiyalelwa wubuholi bukazwelonke. UBarnes akakaze ayikhulume nobuholi be-NFP KwaZulu-Natal le nto ayishoyo. "KwaZulu-Natal sinobuholi…

ELINYE lamabamba abaqeqeshi kwiKaizer Chiefs, uCedric Kaze, likhombise izimpawu zokukitazeka ngesikhathi libala amagama amaqembu ahlonishwayo ebholeni lase-Afrika abazongena nawo esigqokweni uma sekuqhathwa azogadulisana esigabeni samaqoqo kwiCaf Confederation Cup. IChiefs idlulele esigabeni samaqoqo kwiConfederation Cup ngokukhipha i-AS Simba yaseDemocratic Republic of Congo (DRC) ngo 3-0 sekuhlangene yomibili imilenze. Kowokuqala ezikaKaze zibambane neSimba ngo 0-0 eLubumbashi ngaphambi kokuqedela umsebenzi ekhaya ngoMgqibelo eDobsonville Stadium, eSoweto. Amakhosi anqobe ngamagoli ka-Etiosa Ighodaro, Glody Lilepo noZitha Kwinika. Amaqembu angu-16 azohlukaniswa amaqoqo amane azodlala esigabeni samaqoqo, azoqhathwa ngoNovemba 3 eGoli. Amaqembu asezibekisele indawo esigabeni samaqoqo neChiefs yiWydad AC, Zamalek, CR Belouizdad, USM Alger, ZESCO United, Maniema Union, Azam FC, Singida Big Stars, San Pedro, OC Safi, Al Masry, Djoliba FC, ES Sahel, AC Otoho neStellenbosch FC yaseMzansi. “Amagama amaqembu asezibekisele indawo emidlalweni yamaqoqo asenza sizizwe sivuselelekile siyiChiefs…