Tabla de contenidos para March/April 2018 en Idees

Ek is ’n lysiemaker. Eerstens omdat ek van nature ietwat deurmekaar en aandagafleibaar is en my lewe móét orden. En tweedens omdat dit my ongelooflik baie plesier verskaf om afgehandelde take af te tik. Ek is inderwaarheid een van daardie mense wat iets wat die oggend bygekom en ek toe gedoen het, by die lys sal voeg net sodat ek dit ook kan afmerk. Voor my lysies het ek elke gedagte en afspraak neergeskryf op geel plakpapiertjies wat my kantoor vol opgeplak was. Tot ek een Maandagoggend by die werk kom en ontdek my nuwe PA het elke iedere een van hulle afgetrek en weggegooi. Sy wou my verras met ’n silwerskoon, minimalistiese kantoor…Siestog, ek dink nie sy het enigeen ooit weer só probeer verras nie. Maar nou is daar…

(@hanneskoegelenberg) @KONFETTI_LOVE Pretoria As jy hou van ’n partytjie met kleur én geur, moet jy na die partytjieplanmaker en stilis Marissa Vogel se Instagram-blad gaan loer. Haar prettige, stylvolle idees gee jou nóg rede om iets te vier. @TEETEEHEEHEE Singapoer Die tekstielkunstenaar Teresa Lim vertel die mooiste stories – meestal met haar naald en gare. Sy borduur wat sy voel, sien en beleef en wys ook wat sy op haar reise oor die wêreld heen teëkom. @CROCHETCRAZYGIRL Fouriesburg, Oos-Vrystaat Wendy Erasmus hekel haar hart uit op haar Instagram-blad. Op haar foto’s pryk haar geliefde troeteldiere saam met haar kleurryke hekelwerk, soms met pragtige plaastonele in die agtergrond.…

BIBLIOTEEK-SITPLEK (aanwysings op bladsy 36) KOMPAKTE KLEREKAS Maak ’n klein, oop klerekas vir jou gastekamer. Dit sal net so mooi lyk as uitstalkas in die ingangsportaal. MOEILIKHEIDSGRAAD: gemiddeld TYD: halfdag SO MAAK JY Verwyder die boonste rakke van die boekrak en installeer ’n tappen in die boonste helfte om klere aan op te hang. Ons het drie skakerings van Dulux Rose Trellis gebruik om elke deel van die rak in ’n ander kleur te verf en ’n ombree-effek te skep. Skroef nuwe pote aan die basis vas, soos dié bal-en-kloupote van Gelmar, en versier die bo- en onder-rand met onderskeidelik ’n polistireen-plafonroos en -kroonlys. Plak dit vas met polistireengom en kap dit met spykertjies vas. Verf dié versierings dieselfde kleur as die rak waarop dit gebruik word – onthou om…

As jy hou van Hannes se onthaaltafel en Louisa se liplekker roomyse in hierdie uitgawe, waarom nie saam met ons om daardie tafel kom kuier nie? Op 18 April gaan Hannes vir ons dié dekor afstof en ’n fantasiewêreld skep in die sink- Poupaleis by Simondium’s Country Lodge, terwyl die befaamde sjef Mynhardt Joubert die allerheerlikste viergangmaaltyd vir ons gaste gaan optower. Ons skop af met G&T’s en oesters in die tuin, gaan sit dan by ons langtafel aan vir die ete en heerlike Laborie-wyne om by elke gang te pas, en eindig die aand met ’n roomysstasie, koffie en ’n slukkie gefortifiseerde brandewyn. Al wat jy moet doen om jou sitplek te wen, is om voor 18 Maart vir ons te vertel waarom jy reken jy behoort te kom…

SKINKBORD MOEILIKHEIDSGRAAD: gemiddeld TYD: 2 uur Blaai deur boeke of snuffel op die internet vir ’n vintage-illustrasie van ’n bord of skinkbord – daar is heelwat webwerwe wat sulke foto’s verkoop. Laat die prent by jou plaaslike drukker vergroot en uitdruk. Maak seker die resolusie van die prent is minstens 300 dpi, anders gaan dit blokkierig en uit fokus raak as jy dit vergroot. (Die drukker sal jou kan help om te bepaal of die prent groot genoeg is.) Laat ’n dun stuk mediumdigte veselbord (MDF) sny volgens die mates van die prent wat jy laat druk het. Verf ’n laag modge podge oor die veselbord en laat dit droog word. Verf ’n laag modge podge oor die agterkant van die prent en plaas dit versigtig in posisie op die…

HEKELRAND MOEILIKHEIDSGRAAD: maklik TYD: verskil na gelang van die lengte JY BENODIG ♥ geborduurde tafeldoek ♥ Elle Crochet No 5-hekelgare in Off White 105 (50 g is genoeg vir ’n omranding van sowat 2 meter) ♥ 2 mm-hekelpen ♥ bypassende masjiengare ♥ algemene naaldwerkbenodigdhede AFKORTINGS dsl dubbelslagsteek gls glipsteek hlb halwe langbeen kb kortbeen ks kettingsteek lb langbeen r ry sp spasie vlg volgende (…) herhaal aanwysings tussen hakies soos aangegee SO MAAK JY Begin met ’n basis-ry van 27 ks. R1: dsl in 11e ks van pen, 3 ks, (slaan 3 ks oor, dsl in 4e ks, 3 ks) drie keer, dsl in laaste ks, draai. R2: 7 ks, dsl bo in 2e laaste dsl van vorige r, 3 ks, dsl in vlg dsl, 3 dsl in sp tussen…

TE LEKKER! Bederf die kleinspan met ’n hasie-mandjie vol paaslekkernye. MOEILIKHEIDSGRAAD: maklik TYD: 1 uur JY BENODIG ♥ 2 wit papierborde ♥ wit en grys karton ♥ breidraad in die kleur van jou keuse ♥ borduurnaald ♥ gomgeweer ♥ pons ♥ handwerkmes en snymat ♥ staalliniaal ♥ ruwe tou ♥ papiersnippers ♥ sjokolade-paaseiers HANG UIT! Dié oulike hasie-planthanger is perfek om enige vaal hoekie in jou huis op te kikker. MOEILIKHEIDSGRAAD: maklik TYD: 1 uur JY BENODIG ♥ leë tweeliter-plastiekkoeldrankbottel ♥ handwerkverf in die kleur van jou keuse ♥ handwerkkwas ♥ merkpen ♥ pons ♥ skerp skêr ♥ ruwe tou ♥ klein potplantjie PAPIERPRET Papier-mâché is altyd ’n maklike, bekostigbare manier om iets unieks te maak vir enige geleentheid. MOEILIKHEIDSGRAAD: maklik TYD: 2-3 uur, plus droogtyd JY BENODIG ♥ polistireenskuimeier…

MOEILIKHEIDSGRAAD: nogal harde werk, maar nie te moeilik nie TYD: naweek, droogtyd ingesluit Ons het sement eerder as gips vir die reliëfomhulsel gebruik omdat dit sterker is. Jy het twee houtkubusse vir die omhulsel nodig: een effe kleiner as die ander een sodat jy die sement tussenin kan giet. Jy kan die mates aanpas volgens die grootte van jou plafonteëls, solank jy minstens 4 cm tussen al die kante toelaat sodat die omhulsel sterk genoeg is. Laat die hout vooraf saag sodat jy die stukke net aan mekaar kan skroef. JY BENODIG ♥ 5 x polistireenplafonteëls (ons s’n is 50 x 50 cm) ♥ 3 x 50 kg-sakke sementmengsel (die soort met klippies en sand by) ♥ 18 mm-laaghout vir die twee kubusse: GROOT KUBUS: ♥ een 53 x 53…

Mooi verpakking is vir my nét so ’n vreugde as die inhoud van die pakkie en toe ons stilis Hannes Koegelenberg so twee jaar gelede my verjaardaggeskenk in sy eie figuurskets toedraai, het my beker oorgeloop. Dis toe dat ek begin agterkom het elke keer as hy kom inloer en besónder energiek is (en hy is altyd energiek), was dit in sy klasweek. As iemand wat nie ’n stokmannetjie kan teken nie, was ek totaal gefassineer deur die idee van ’n groep mense wat bymekaarkom en dan elkeen, sonder gesels, fokus op hulle skets – gewoonlik van ’n naak model wat vir ure lank stilsit. Om nie te praat van watter indruk die wonderlike uitwerking van die klas op mý gelaat het nie. Ek moes net meer uitvind. Waar beter…

VOORSKOOT WIL SY DRA Troukoek, verjaardagkoek, mooi soetkoekies – vra en sy kan dit maak! Tani Kirsten van Bake Me Happy loop al ’n lang pad saam met Idees, en danksy haar koekversierreeks weet ons almal nou al hoe om met fondant te werk. Vanjaar is dit botterversiersel waarmee ons ons gaste kan beïndruk. Probeer dié maand se dahlias op bladsy 62. Kontak Tani by 084 588 8184 of info@bakemehappy.co.za as jou spesiale geleentheid ’n mooi koek benodig. Kunspresente Vir hierdie eerste verjaardaguitgawe wou ons vir almal ietsie present gee. ’n Mooi kunswerk om te raam, in te skandeer en te vergroot of verklein vir kaartjies, boekomslae, plekmatjies of oordruk op lap vir kussings… julle verras ons elke keer met waarvoor júlle ons kreatiewe blaaie gebruik. Dankie dus aan Sammy…

Groente Aartappels, avokado, beet, blaarslaai, blomkool, broccoli, eiervrug, groenboontjies, jerusalemartisjokke, knoffel, komkommer, kool, mielies, murgpampoentjies, pampoen, patats, preie, radyse, rape, sampioene, seldery, skorsies, soetrissies, spinasie, tamaties, uie, witwortels, wortels. Vrugte Appels, druiwe, granate, kwepers, mango’s, pere, perskes, piesangs, pruime, pynappel, spanspek, suurlemoene, vye, waatlemoen, winterspanspek. Kruie Basilie, dille, grasuie, lourierblaar, marjolein, ment, origanum, pietersielie, roosmaryn, salie, tiemie. Blomme Angeliere, anthuriums, asters, barbertonse madeliefies, dahlias, floksies, gipskruid, goudroede, hanekamme, inkalelies, jakobregops, kangaroepote, kreefkloue, krisante, krismisrose, laventel, lisianthus, nerinas, Oosterse lelies, papierblomme, perdesterte, rose, sintjanskruid, sintjosefslelie, soetemalings, sonneblomme, strelitzias, veronicas, rooi vleirosies, tuberose, veronicas.…

Skep ’n beeldskone prentjie Ons het ’n paar van ons geliefkoosde tafeldek-idees gaan afstof en ’n bietjie opgetof vir ons swierige tafel. Kombineer tipiese barokelemente met moderne beligting en handgemaakte tafelversierings om die gevoel van ’n spoggerige ‘disko-bal’ te skep. Ons het donkergroen as basiskleur gebruik en dit met spatsels van al die kleure in die blomskildery op bladsy 49 opgehelder. Dek ’n lang tafel met jou mooiste eetgerei en glase, met papier in elke vorm en gedaante om jou eie stempel daarop te druk. MES-EN-VURKHOUERS Kopieer die eetgereikoevertpatroon op bladsy 46 in die verlangde grootte op wit papier. Sny dit uit en vou dit in sy vorm. Plak die flappies toe met ’n gomstiffie en sit ’n stel eetgerei daarin. SOUT- EN PEPERKOEVERTJIES Sit een van elkeen by elke…

JY BENODIG ♥ botterroomversiersel (resep hieronder) ♥ middelslag-blomstok ♥ spuitsakke met koppelstuk (veral as jy veelkleurige blomblare wil maak) ♥ Wilton- of PEM-nr. 81-spuitstuk ♥ klein ronde en blaar-spuitstukke (opsioneel) ♥ waspapiervierkante GESTABILISEERDE BOTTERROOMVERSIERSEL ♥ 450 g sagte botter ♥ 50 ml langleweroom met stabiliseerder (ons het Woolworths s’n gebruik) ♥ 50 ml mielieblom, gesif ♥ 10 ml vanieljegeursel ♥ 1 kg versiersuiker, gesif Room die botter tot dit net-net romerig is. Voeg die room, mielieblom en vanieljegeursel by en roer dit tot dit net-net gemeng is. Voeg die versiersuiker in drie sarsies by – klits dit elke keer stadig tot dit net-net gemeng is en onthou om ná elke byvoeging die kante van die bak skoon te skraap. Moenie die versiersel te veel klits nie – jy wil so min…

BEURSIE MET HUISIES MOEILIKHEIDSGRAAD: redelik maklik TYD: halfdag JY BENODIG ♥ sakkiepatrone op bladsy 77 ♥ borduurpatroon op bladsy 76 ♥ 20 cm roomkleurige linnemateriaal ♥ 20 cm dun watteersel ♥ ’n oorskietstukkie blokkiesmateriaal ♥ 20 cm dun lint ♥ 20 cm kantstrook ♥ swart borduurgare ♥ borduurnaald ♥ vierkantige beursieknip (omtrent 10,5 cm in deursnee) ♥ algemene naaldwerkbenodigdhede SO MAAK JY 1 Knip volgens die patroon op bladsy 77 vier sakkiepante uit die roomkleurige linne en twee uit die watteersel. 2 Knip ook volgens die patroon ’n strook blokkiesmateriaal uit om die onderste gedeelte van die voorkant van die sakkie te versier. Stik die strook op die linne vas. 3 Stik die strokies kant en lint bo-op die blokkiesmateriaal vas. 4 Borduur die huisies aan die bokant van die…

LET WEL Vou die materiaal altyd met die regte kante teen mekaar, sodat patroonmerke op die verkeerde kant van die materiaal gemaak kan word. Maak seker die draadrigting op al die pante word parallel met die selfkant uitgelê. Gebruik ’n parslap wanneer jy stryk. AFKORTINGS MA – middelagter MV – middelvoor NT – naattoelating SL – steeklengte SN – synaat SP – skouerpunt BASIESE TOP MOEILIKHEIDSGRAAD: gemiddeld TYD: omtrent 1 dag JY BENODIG ♥ patrone op bladsye 84-85 ♥ omtrent 1 m materiaal vir die top en 0,5-1m vir die moue ♥ aanstryktussenvoering ♥ bypassende masjiengare ♥ ritssluiter ♥ kleremakerspen SO KNIP JY Knip volgens die patrone op bladsye 84-85 een voorpant op die vou en twee agterpante – 1,5 cm-naattoelatings is ingesluit. Knip die voorpantbelegsel en tussenvoering op die…

KASRAAM Houtkratte in alle groottes is ideaal om in kasrame met uitstalplek te omskep. ‘Raam’ dit met vloerlys, met of sonder ’n prent, los die hout rou of verf dit, en voeg ’n gestensilde reliëfontwerp by as jy wil – elkeen is mooi op sy eie manier. MOEILIKHEIDSGRAAD: uitdagend TYD: 3 uur JY BENODIG ♥ houtkoeldrankkrat ♥ vloerlys (meet die sykante van die krat vir die benodigde lengte) ♥ verstekkas ♥ krytverf in die kleur van jou keuse (ons het Tjhoko in Pebble Blue gebruik) ♥ verfkwas ♥ gips ♥ paletmes ♥ stensil van jou keuse ♥ stensilgom (of spuitgom of maskeerband) ♥ antiekglasuur ♥ houtlym ♥ spykers (twee keer die dikte van die vloerlys) ♥ skuurpapier ♥ gereedskap (hamer, saag, kramgeweer, klampe, ens.)…

Dis seweuur op ’n Saterdagaand en ek sit steeds by my lessenaar. Om my is ’n bontspul van washi-lint, penne en selfs my alfabetstempels wat ek bitter lanklaas onder oë gehad het. Die projek wat my so besig hou dat ek nie eens dink aan ’n glas wyn en iets om aan te peusel nie, is my nuwe joernaal – my eerste koljoernaal. Dis immers al middein Januarie en ek wil die jaar reg begin. Ek is weliswaar reeds omtrent twee jaar agter die res van die wêreld met dié nuwe manier om jou aftiklysies, jou dagboek, verjaardagkalender en joernaal alles op een plek bymekaar te hou, maar eerder laat as nooit. Die gedagte aan ’n jaar waarin ek beheer neem van my tyd en aktiwiteite is net só aanloklik.…

Vandat Ernst Greyling ’n jong seun was, maak en ontwerp hy goed. ‘Ek het op laerskool batikwerk gedoen en verkoop en beskou dit as my eerste probeerslag om ’n entrepreneur te wees,’ vertel hy, maar dit was eers ná sy studies en ’n draai in die korporatiewe wêreld dat hy sy stokperdjie sy droomwerk gemaak het. ‘Afleggings het my ook ingehaal, en in 2014 was ek verplig om my stokperdjie in ’n besigheid te ontwikkel. My fondament is om goed te ontwerp en te verkoop wat nie oral beskikbaar is nie, wat uniek is en waarvan ek persoonlik hou. ‘As ’n volslae frankofiel het my besigheid ’n besliste Franse invloed, sonder om klakkeloos Franse goed na te maak. Dit is dus nie honderd persent eurosentries nie, maar het ’n plaaslike…

Wenbrief WEER HEEL Verby is die heerlike vakansie van sonskyn, wind en weer, see, familie-weersiens. Terug by die huis, weer onderwyseres, stukkend, moedverloor-sevlakte. Ek koop die Idees van Januarie/ Februarie 2018 en stadigaan begin ek weer heel. Daar is talle projekte waarna ek kan uitsien: muurlêers, penne-houer… maar ‘Kintsugi: Las met goud’ word my motto vir die jaar. There is a crack in everything. That’s how the light gets in (Leonard Cohen)… So waar. Dit beklemtoon juis die skoonheid van dit wat eens stukkend was. My leuse, my motto, my inspirasie vir my leerders van 2018. Ons is nié aanmekaargelas nie, ons is heel (Rachel Wolchin). Dis okei om soms te breek en soms te twyfel in jouself, maar ons kan net sterker raak op daardie gebreekte plekke. Elke merk…

Lys van handelaars en gratis patrone op nurturingfibres.com NURTURING FIBRES THE ART OF WELL-DYED YARNS katoen | bamboes merinowol | angora ♥ ’n halwe hand vol vars aarbeie ♥ Barker and Quin Hibiscus Tonic Water ♥ komkommerlinte ♥ vars dilletakkies, vir garnering Stamp ’n paar aarbeie liggies in ’n jenewerglas tot dit oopbars en die geur vrystel. Voeg lekker baie ys by. Vul die glas met Barker and Quin Hibiscus Tonic Water. Garneer dit met komkommerlinte, vars dille en nog ’n paar aarbeie.…

(diana@ideasfactory.co.za) Handwerk Verftegnieke – Winnie Saayman (Metz Press, R225) Of dit ou meubels is wat ’n nuwe baadjie kort, of ’n moderne stuk wat smag na ’n sagter voorkoms, dié boek wys jou hoe om alles van ’n houtklavier, staalkabinet, sementvloer, tafels en stoele tot ’n ingeboude kas, baksteenmuur, trappe en selfs ’n hele badkamer met verf te omtower. Stap-vir-stapfoto’s en -aanwysings wys hoe jy tegnieke soos kleurwas, laagwerk, verwering, ombreeskakering, vergulding, stensilwerk en nog vele meer op enige oppervlak in jou huis kan toepas. Meer as 40 inspirerende projekte help om nuwe lewe in jou huis te blaas. Sewing happiness – Sanae Ishida (Sasquatch, R298) Sanae Ishida het gedog haar lewe is verby toe sy met ’n chroniese siekte gediagnoseer is en haar werk in die korporatiewe wêreld verloor.…

Vrugtige roomyslaagkoek (resep op bladsy 52) TUISGEMAAKTE ROOMYS Maak jou eie roomys met interessante geure en kleure waarmee jy jou gaste aan die einde van ’n spesiale ete kan bederf. Gebruik ons basiese resep om met jou eie geurmiddels en gunsteling-bestanddele te eksperimenteer. Maak: omtrent 1 liter Bereidingstyd: omtrent 45 minute, plus vriestyd Gaarmaaktyd: 5 minute ♥ 250 ml melk ♥ 500 ml room ♥ 4 groot eiergele ♥ 100 g (120 ml) suiker ♥ geurmiddels van jou keuse (sien ons voorstelle wat volg) 1 Gooi die melk en room in ’n swaarboomkastrol en verhit dit oor matige hitte. Verwyder die kastrol van die hitte sodra die mengsel begin prut. 2 Klits die eiergele en suiker saam in ’n bak. Gooi ’n bietjie van die warm melkmengsel by die eiermengsel…

Net soos jy jou velsorgroetine gereeld moet aanpas, moet jy soms jou haarsorgroetine in heroënskou neem en ook dink aan ’n nuwe styl en kleur om jou voorkoms in pas met die jongste tendense te bring. STYL Volgens David Gillson van Carlton Hair is een van die gewildste nuwe style die sogenaamde shlob – ’n langerige bob met sagte golwe en ’n lang kuif. ‘Dis moeitevry, nonchalant en veelsydig. Jy kan dit ook reguit dra en dis ewe geskik vir krulhare.’ Volgens hom bly weelderige blink hare ’n wenner en haarbande is dié bykomstigheid om nou te gebruik. Shelene Shaer van Tanaz Hair, Body & Nails is pas terug van Seville, Spanje, waar sy die L’Oréal Professionnel-sakeforum en -meesterklasse bygewoon het. Sy sê een van die grootste trends is dat…

MOEILIKHEIDSGRAAD: redelik maklik TYD: 1 dag JY BENODIG ♥ MoYa-100%-katoendraad DK (50 g-bolle): – 3 bolle in White – 1 bol elk in Lagoon, Mint, Cherry, Dusty Pink, Fern, Kiwi, Purple en Geisha ♥ 3,5 mm-hekelpen ♥ 50 cm linnemateriaal vir die voering ♥ ’n stukkie aanstryktussenvoering (Vilene) ♥ ’n klein bietjie poliësterstopsel ♥ algemene naaldwerkbenodigdhede HEKELAFKORTINGS EN STEEKVERDUIDELIKINGS beg – begin dies – dieselfde dr – draai dsl – dubbelslagsteek gs – glipsteek h/af – heg af her – herhaal hlb – halflangbeen kb – kortbeen ks – kettingsteek lb – langbeen rdte – rondte RK – regte kant sp – spasie st – steek tes – tesame vlg – volgende DUBBELSLAGSTEEK 1 Slaan die draad twee maal oor die pen. 2 Steek die pen in die volgende steek.…

ontwerp en gebrei vir Idees met NURTURING FIBRES MOEILIKHEIDSGRAAD: gemiddeld TYD: 3-4 dae PATROONGROOTTES Klein, medium en groot. VOLTOOIDE MATES Borsmaat: Pas grootte 32, 34, 36. Lengte tot by skouer: 53 cm (alle groottes). JY BENODIG ♥ 5 (5, 6) 125 m/50 g-bolle Nurturing Fibres Eco-Fusion in die kleur Cobblestone ♥ 5 (5, 6) 125 m/50 g-bolle Nurturing Fibres Eco-Bamboo in die kleur Mist ♥ 5 mm-breipenne ♥ tapisserienaald SPANNING 18 ste x 28 rye = 10 x 10 cm op 5 mmpenne in patroon soos gegee. AFKORTINGS aw – aweregs ggr – glip, glip, regs her – herhaal pat – patroon r – regs r2tes – regs twee steke tesame RK – regte kant st/e – steek/steke VK – verkeerde kant SO BREI JY AGTERPANT Met 1 draad Eco-Bamboo…

NOG IDEES VIR MOOI KASRAME • Raam die krat met dekoratiewe polistireenvloerlys wat jy met polistireenkleefmiddel vaslym. • Verf die binnekant van die krat met swartbordverf en gebruik dit as skryfbord in die huis. • Vir ’n meer grafiese, netjies omlynde voorkoms kan jy die buitekant van die krat swart verf. 💮 Krytverf, antiekglasuur, gips en stensil alles van Tjhoko (tjhokopaint.co.za). 💮 Houtkratte van Builders, Gelmar, Super Floral en MPH.…

MOEILIKHEIDSGRAAD: maklik TYD: halfuur JY BENODIG ♥ kalligrafiepen ♥ papier ♥ potlood en liniaal om skryfreëls te trek…

💮 OLÉ, DIS TYD VIR ROSÉ Begin deur ons poskaarte met ’n rosé-tema uit te druk en die detail van jou partytjie in te vul: die datum, tyd en plek en, die belangrikste, vra ook jou gaste om ’n bottel van hulle gunsteling-roséwyn saam te bring. 💮 PIENK PRENTJIES Skep die regte atmosfeer met ons prente met ’n rosétema. Ons het ’n klompie uitgedruk, dit met washikleeflint teen die muur geplak en só die perfekte agtergrond geskep. 💮 ROSE OP DIE TAFEL Gebruik pragtige pienk rose vir die rangskikkings op die tafel: Los rose uit jou tuin net so in hulle potte, gebruik leë wynbottels as vase vir langsteelrose, rangskik mooi, oop rose in vintage-glase, of gebruik die blomblare van rose wat begin verlep om oor die tafel te strooi.…

Maak seker jy loop nie ’n enkele uitgawe van Idees mis nie! * TEKEN OP DIE DIGITALE TYDSKRIF IN VIR SLEGS R45 PER UITGAWE. * VIR NAVRAE OOR DIGITALE INTEKENINGE, BEL 087 741 3177 OF STUUR ’N E-POS AAN SUPPORT@MYSUBS.CO.ZA. * VIR ’N JAA RLIKSE INTEKENING VAN R408 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* * TEKEN SÓ IN OP DIE GEDRUKTE TYDSKRIF: • SKAKEL 087 740 1025 VIR IDEES (MAANDAE TOT VRYDAE, 8 VM. TOT 4.30 NM.), ÓF • SKAKEL 087 740 1027 VIR IDEAS. • STUUR JOU NAAM & KONTAKBESONDERHEDE PER E-POS AAN SUBS@IDEASFACTORY.CO.ZA.** • SMS ‘INTEKEN IDEES’ NA 33153. SMS ’E KOS R1 ELK.** TEKEN SÓ DIGITAAL IN 1 Gaan na www.mysubs.co.za en sluit aan OF meld aan. 2 Gaan na die…