Tabla de contenidos para July/August 2017 en Idees

Wie sou ooit kon dink ek sou my skryfwerk kon sit en doen met ’n verwarmer net hier langs my, ’n kombersie oor my bene en my dikste sokkies aan my voete? Toe ek ’n tydjie gelede vir ’n groep kollegas vertel het dit raak nou lekker om van die huis af te werk, het een van hulle dadelik gesê: ‘En dis nog nie eens winter nie! Wag maar en sien hoe lekker dít is.’ En hoe reg was sy nie. Nou kan ek van sonkol na sonkol deur die huis trek, of soos vandag lekker knus voor my rekenaar sit met die hondjies wat rustig op hul kombers agter my lê en slaap. Maar dié gevoel van warmte en veiligheid het met meer as net my laag-op-laag-verhitting te doen.…

Kruie Grasuie, kappertjies, laventel, lourierblaar, marjolein, meerjarige basilie, ment, origanum, perdeblom, pietersielie, roket, roosmaryn, salie, sitroengras, tiemie, vinkel. Groente Aartappels, aspersies, beet, blaarkool, blaarslaai, blomkool, boerbone, broccoli, brusselse spruite, ertjies, komkommer, kool, lemoenpampoentjies, pampoen, patat, preie, radyse, rape, sampioene, seldery, soetrissies, spinasiebeet, sprietuie, tamaties, uie, witwortels, wortels. Vrugte Appelliefies, appels, avokado’s, grenadellas, kiwivrug, koejawels, koemkwats, lemmetjies, lemoene, lukwarte, nartjies, papaja, piesangs, pomelo’s, pynappel, suurlemoene. Blomme Affodille, anemone, angeliere, aronskelke, banksias, barbertonse madeliefies, bergbruidjies, blombos, buxifolia, erikas, freesias, gipskruid, goudroede, gousblomme, heide, inkalelies, irisse, kangaroepote, kolkol, krisante, leeubekkies, leucadendron, Oosterse lelies, orgideë, papierblomme, pronkertjies, pronkridderspore, proteas, ranonkels, ridderspore, sintjoseflelies, soetemaling, speldekussings, sterretjies, stokrose, strelitzias, tjienkerientjees, tulpe.…

Jy benodig ♥ 2 bakplate malvalekker (resep hieronder; maak dit die dag voor die tyd) ♥ groot madeliefie- of sonneblomvorm koekiedrukker ♥ minimuffinpan ♥ minimuffin-papierkoppies ♥ suikertermometer MAlvAleKKerblomme ♥ 25 ml gelatienpoeier ♥ 250 g strooisuiker ♥ 15 ml vloeibare glukose ♥ 1 groot eierwit ♥ 2,5 ml vanielje-ekstrak of 5 ml vanieljegeursel ♥ mielieblom, vir oorsif ♥ 300 g witsjokolade 1 Gooi 100 ml water in ’n klein bakkie, sprinkel die gelatienpoeier bo-oor en sit dit eenkant. Gooi die suiker, glukose en 100 ml water in ’n kastrol, roer dit tot die suiker opgelos het en laat dit dan vir 3-5 minute kook tot dit sagtebalstadium bereik (118 ºC op ’n suikertermometer). Smelt die gelatien vir ’n paar sekondes op ’n slag in die mikrogolfoond (moenie dit laat kook…

Lagom kom kort op die hakke van hygge, die Deense leefstylgier wat daaroor gaan dat jy geselligheid en eenvoudige plesiere geniet. En hygge kom op sy beurt kort ná KonMari, die Japannese mindermaak-metode van Marie Kondo, asook James Wallman se Stuffocation, die boek wat ons gehelp het om die verbruikerskultuur vir ervarings en avonture te verruil. So wat steek agter hierdie giere waar almal met minder wil klaarkom? Lagom, hygge, KonMari en Stuffocation moedig almal ’n anti-verbruikersleefstyl aan, maar dan is daar die stapels nuwe boeke wat hulle pad na ons boekrakke moet vind … ’n Mens kan nie anders as om lont te ruik nie – lont met ’n sterk verbruikersgeur. Christopher Reid , tendensvoorspeller-en-skrywer by die International Trends Institute (iti.ac) in Durban, is dit eens dat van hierdie giere…

GEHEKELDE SJAAL MoEiLiKHEiDsGRaaD: gemiddeld TYD: 10-12 uur GROOTTE Slegs een grootte – 40 cm wyd en 170 cm lank. JY BENODIG ♥ 2 x 100 g Cowgirlblues Merino Sock in veelkleurig (kleur A; ons het Marsala/ Sable/Cocoa/Denim gebruik) ♥ 3 x 50 g Cowgirlblues Merino Sock in twee teenstellende kleure (ons het 2 x Coffee Bean as kleur B en 1 x Olive as kleur C gebruik) ♥ 4 mm-hekelpen AFKORTINGS her – herhaal ks – kettingsteek lb – langbeen: Slaan breidraad om hekelpen, steek pen in steek en trek ’n lus op (3 lusse op pen), draad oor, trek deur 2 lusse, draad oor, trek deur 2 lusse st(e) – steek(steke) vlg – volgende WENK: Op die Dream A Little Biggerwebwerf word die larksfoot-st stap vir stap gewys: dreamalittlebigger.com/post/larksfoot-crochet-stitch-tutorial.html. SPANNING…

Dit is weer tyd vir ’n hekelkuier! Van Vrydagmiddag 15 September tot Sondagmiddag 17 September is ons terug by JanHarmsgat se Agterplaas op Cullinan vir ’n naweek van pret en kreatiwiteit. Aan die einde van die naweek sal jy jou eie snoesige sjaal, duimhandskoene en ’n mus in Nurturing Fibres se lieflike wol hê om mee te spog. Ons medewerker Elizabeth Fester is ook daar om jou met jou hekelwerk te help. Die projekte is nie moeilik nie, maar jy moet reeds basiese hekelvaardighede onder die knie hê of saam met iemand kom wat jou touwys kan maak soos ons vorder. Ons het net vir 35 vroue plek, so spring gou om te bespreek! Wees deel van die kreatiewe naweek vir R3 000 per persoon wat ’n kamer deel of…

Ons gee drie eksemplare van dié wonderlike hekelboek deur Cornel Strydom, Elsbeth Eksteen en Anisa Fielding weg. Hallo, hekel (R310) word deur Human & Rousseau uitgegee en is propvol ongewone, vars en kreatiewe patrone wat ontwerp is deur die drie vriendinne wat dit saamgestel het. Dit is by alle toonaangewende boekwinkels beskikbaar. Om ’n eksemplaar te wen van Hallo, hekel, sê net vir ons in ’n kort paragraaf van watter deel van Idees jy die meeste hou en waarom. Stuur die paragraaf in ’n e-pos na info@ideasfactory.co.za en tik Hallo, hekel in die onderwerpveld. Gee ook jou foonnommer in die e-pos.…

1 Kleur lap of papier met tee vir ’n verweerde, ‘vergeelde’ voorkoms. Gooi ’n sterk teebrousel in ’n bakplaat en laat die lap of papier daarin lê, of klad dit sommer met ’n nat teesakkie totdat jy die gewenste effek het. Jy kan rou hout ook so kleur. 2 ’n Sprinkel teeblare op jou matte help om dit vars te hou – laat dit so 10 minute intrek voordat jy dit stofsuig. 3 Raak ontslae van ’n visreuk op jou hande deur dit met tee af te spoel. 4 Laat jou kar lekker ruik deur ’n sakkie met laventel- of ’n ander geurige soort tee onder die sitplek te hou. 5 Nat teesakkies kan sonbrand, ander ligte brandwonde en moeë oë streel. 6 Laat week jou voete so 20 minute elke…

LIFE DE MET DIE 1STE, 2DE ÉN 3DE OOGOPSLAG Almie Louis, ook bekend as die blogger The Grand Recycler, is ’n ou bekende in die handwerkgemeenskap en ook ’n meester op die gebied van herwinning. Sy is die skrywer van die boek Van saai tot fraai (Struik, R230) en tans ook ’n beoordelaar op die kykNET-program Kunsvlyt. Almie het haar blog begin in Engeland, waar sy 15 jaar gewoon het, maar is nou terug op Stellenbosch en reg om haar slim herwinningsidees met ons te deel. Loer na haar madeliefiestoel wat nuwe lewe kry op bladsy 66. OUWÊRELDSE ONTWERPE Bridget Henderson van Cowgirlblues IS ’N OU VRIENDIN VAN IDEES EN KAN DEESDAE NIE GENOEG KRY VAN OUTLANDER NIE.SY WAS DUS BAIE GRETIG OM VIR ONS ’N SJAAL (SIEN BLADSY 68) TE…

n Huis met soveel kleur kan net nie misgekyk word nie en dís hoe ons Annemarie se huis in Groningen op Instagram ontdek het. Volg jy @thuisinstyling sien jy hoe sy, foto ná foto, haar huis mooimaak – altyd óf deur ’n selfdoenprojek óf met klein, bekostigbare veranderinge. ‘My styl is om ou, dikwels weggegooide items te kombineer met nuwe goed. Dit bly vir my ’n uitdaging om te wys ou stukke verdien ’n tweede lewe, soms deur dit op te knap en ander kere bloot deur dit anders in jou huis te stileer,’ sê sy op haar blog, Thuisinstyling. En juis omdat haar gebruik van kleur so welkom is in ons huidige wintervaalheid, besluit ons om haar te kontak. ’n Bietjie kleur is net wat ons almal nodig het.…

MOEILIKHEIDSGRAAD: maklik TYD: halfdag (saam met die droogtyd) JY BENODIG ♥ baksteen (die soort met drie gate in vir plantplek) ♥ wit PVA- of handwerkverf ♥ bladgoud ♥ bladgoudgom (size) ♥ handwerkkwaste ♥ polistireenskuim (omtrent 1 cm dik) ♥ 3 klein vetplante (die wortels moet in die baksteengate kan pas) ♥ klein tuinklippies ♥ plantgrond ♥ handwerkmes SO MAAK JY 1 Gebruik ’n droë kwas om die baksteen mee skoon te vee, en verf dit dan met die wit PVA- of handwerkverf. Laat die verf droog word voordat jy nog ’n laag aanwend. 2 Wanneer die verf heeltemal droog is, kan jy met die verguldingswerk begin. Verf bladgoudgom oor die een kant van die baksteen aan – net so bolangs, want jy wil nie die hele baksteen verguld nie. Neem dan…

Een gelukkige leser gaan die Cowgirlblues-breidraad wen om dié sjaal te hekel en nog iemand kan die breidraad wen vir die gebreide skouerjakkie. Stuur net vir ons ’n e-pos na info@ideasfactory.co.za, tik Cowgirlblues in die onderwerpveld en sê vir ons watter soort brei- en hekelprojekte jy graag in Idees wil sien. Sluit asseblief ’n foonnommer by jou e-pos in. Ons hou duim vas!…

FLENNIENAGROK MoEiLiKHEiDsGRaaD: redelik moeilik TYD: 1 dag GROOTTE Die nagrok pas vir borsmaat 89 cm en heupmaat 95 cm. JY BENODIG ♥ patroon op bladsy 88 ♥ 2,5 m wit flenniemateriaal (150 cm breed) ♥ bypassende masjiengare ♥ 50 cm aanstryktussenvoering ♥ twee 12 mm-knope ♥ plooihegstuk (ruffler attachment) ♥ papier, potlood en liniaal SO MAAK JY LET WEL: Alle naattoelatings is 1,5 cm, behalwe die naat onder die bors, wat 2 cm is. 1 Teken die patroondele op ’n stuk papier oor op volle grootte. Daar is nie patroondele vir die romp en mouboordjies nie, aangesien dit as reghoekige panele geknip word. 2 Knip die twee romppanele, wat elk 104 cm lank en 84 cm wyd is, aan een rand van die materiaal. Gebruik die papierpatrone om die oorblywende dele…

T-HEMP-DRAAD Dis kinderspeletjies om jou eie T-hemp-wol vir brei- of weefprojekte te maak. Al wat jy nodig het, is ou T-hemde en ’n skerp skêr. MOEILIKHEIDSGRAAD: maklik TYD: ’n uur of wat (na gelang van hoeveel draad jy benodig) Sit die T-hemp op ’n gelyk oppervlak en knip die deel onder die moue af. Vou die een kant van die oorblywende T-hempsilinder oor na die ander kant sodat 2 cm van die onderste deel oorsteek. Knip repe van die verlangde wydte (gewoonlik 1,5-2,5 cm) tot oor die naat van die boonste laag, maar moenie tot in die 2 cm van die onderste laag knip nie. Maak die T-hemp oop – dit sal amper soos ’n ribbekas lyk – en lê die ongeknipte naat op ’n gelyk oppervlak neer. Knip nou…

DIE BREIN IS ’N KOMPLEKSE ORGAAN EN HET, NES JOU SPIERE, RUS NODIG. Navorsing deur die Universiteit van Kalifornië in Los Angeles het gewys jy kan inligting beter verwerk indien jy gereeld ‘afskakel’ en in stilte sit om jou kop te laat rus. Net 10 minute per dag maak reeds ’n verskil. STILTE VERLIG STRES EN SPANNING. Reeds twee eeue gelede het Florence Nightingale geskryf ‘onnodige geraas is die wreedste gebrek aan sorg vir siek sowel as gesonde mense’. Sy het opgemerk geraas lei tot ’n gevoel van paniek, rusteloosheid en slegte slaap onder pasiënte. Navorsing wys geraas verhoog stres deur die afskeiding van die streshormoon kortisol te stimuleer. Een studie in 2006 het gewys twee minute se stilte laat ons meer ontspan as om na strelende musiek te luister.…

ImPressiemAtte Die fondant word uitgerol op ’n impressiemat wat ’n tekstuur of patroon op die fondant afdruk. Dit is in ’n groot verskeidenheid patrone te kry. FONDANT-rolstoK Die grotes word gebruik om fondant dun mee uit te rol om ’n koek te bedek. Met die kleineres rol jy kleiner hoeveelhede fondant uit vir versierings. Klein PAletmessie Hiermee kan jy klein en delikate vorms oplig wat uit gompasta of fondant gesny is. SnymAt Dié kleefvrye matte word gebruik om fondant op uit te rol. Dis dikwels vooraf gemerk met sirkels en gidslyne om die uitrol- en snywerk te vergemaklik. In Engels praat hulle van self-healing matte – dit beteken jy kan daarop sny sonder om dit te beskadig. GomPAstAdruKKers Jy kan gewone koekiedrukkers gebruik om vorms uit gompasta te sny, maar daar…

JULIE WES-KAAP Julie en Augustus LAAT DIE WINTERKOUE WYK MET DELHEIM SE JAZZ & CHEESE FONDUES-GELEENTHEDE. BESPREKINGS IS NOODSAAKLIK. STUUR ’N E-POS NA RESTAURANT@ DELHEIM.COM  OF BEL 021 888 4607. 7-16 Julie DIE PICK N PAY KNYSNA-OESTERFEES IS DIÉ PLEK VIR SPORTLIEFHEBBERS, GESINNE EN PARTYTJIEDIERE. MEER INLIGTING: OYSTERFESTIVAL.CO.ZA . 10 Julie-6 Augustus LAG ’N SLAG BY DIE JIVE CAPE TOWN FUNNY FESTIVAL WAT BY DIE BAXTER-TEATER GEHOU WORD. MEER INLIGTING: BAXTER.CO.ZA . 15-16 Julie FRANSE FLAIR WAG BY FRANSCHHOEK SE BASTILLEFEES. MEER INLIGTING: FRANSCHHOEKBASTILLE.CO.ZA . 18 Julie Nelson Mandeladag 21-22 Julie GENIET WYN, SOP, ’N BOEREMARK EN PLAASLIKE KUNS BY DIE SOETESEN-SOPFEES IN DIE RAWSONVILLE-DISTRIK. BEL 023 349 1791 VIR MEER INLIGTING, OF STUUR ’N E-POS…

sarahshermansamuel.com Sarah se blog, Stories, voorheen bekend as Smitten Studio, is ’n eenstopontwerp-en-leefstylbestemming waar sy stories deel oor hoe om ontwerp in die alledaagse lewe te inkorporeer. Die temas sluit in dekor, onthaal, persoonlike styl en reis. Sarah het in 2012 begin blog om die restourasieproses van haar houthuis in Michigan op te teken, maar die blog het gou ontwikkel tot ’n gemeenskap vir ontwerpers, stylkenners en mense wat die fyner estetiese dinge in die lewe geniet. sprinklebakes.com Heather Baird het in 2009 begin blog as ’n selfgeleerde bakker en nageregentoesias. Deesdae is sy ’n opgeleide fyngebaksjef, kosskrywer en resepontwikkelaar. Haar missie is om alles menslik moontlik oor bak en fyngebak te leer en dit deur middel van handleidings en stap-vir-stap-aanwysings met haar lesers te deel. Heather was ’n opkomende…

Raam die kunsblaaie, ontwerpe en aanhalings uit hierdie tydskrif en versier ’n fokusmuur daarmee.Kunsafdrukke (vrou en blomme) afgelaai van die Rijksmuseum se Rijksstudio (rijksmuseum.nl/rijksstudio). SKEP DIE PRENTJIE ONS HET DIE KUNSPRENTE EN ONTWERPE UIT DIÉ TYDSKRIF AS INSPIRASIE VIR ONS MODERNE WINTERTAFEL INGESPAN. GEBRUIK SWART, WIT EN ROOM AS HOOFKLEURE MET TIKKIES BLOSPIENK EN KOPER VIR KONTRAS. KOPIEER DIE AANHALINGS OP WIT PAPIER EN GEBRUIK DIT NET SO VIR PLEKMATJIES. VIR SERVETRINGE KAN JY DELE VAN DIE AANHALINGS UITKNIP EN OM JOU SERVETTE DRAAI. VERSIER DIE BORDE EN DRUPMATJIES MET VAN DIE ANDER ONTWERPE, EN VOILÀ, DIE TAFEL IS GEDEK VIR ’N FEES! AARTAPPEL-ENPATATTJIPS MET ’N KERRIEDOOPSOUS Maak dié heerlike happie om saam met drankies voor te sit wanneer vriende kom kuier, of sit dit voor as bykos saam met geroosterde…

Sê nou maar net ons gejaag na dinge wat veronderstel is om ons gelukkig te maak, bedreig juis dit wat ons reeds gelukkig maak?’ Matt Kallenberg vra dié vraag op die agterblad van Lagom, sy kinderboek wat misleidend eenvoudig lyk. Die ietwat onverstaanbare titel met ’n seemeeu op die voorblad is in 2015 in Engels gepubliseer. Aanlynsoektogte maak jou niks wyser nie – daar is nie ’n enkele resensie of onderhoud met die skrywer nie. Dis egter ’n belangrike vraag, en twee jaar later haal lagom – nie Kallenberg se boek nie, maar die Sweedse konsep van ‘nie te veel nie, nie te min nie’ – opskrifte in publikasies soos Vogue, The Guardian, die nuus-en-leefstyltydskrif Slate en internasionale dekortydskrifte. In ’n neutedop is lagom ’n Sweedse filosofie wat vertaal kan…

 MoEiLiKHEiDsGRaaD: maklik as jy reeds tapisseriehekelwerk kan doen, andersins redelik moeilik tot moeilik NOU KAN JY OOK LER OM TAPISSERIEHEKELWERK TE DOEN – EN MET JOU EIE PRAGTIGE KLEIN ORLASAKKIE SPOG. TYD: 1 dag LET WEL: Dié gehekelde sakkie, geïnspireer deur Orla Kiely se prettige blomontwerpe, is ideaal om jou aan tapisseriehekelwerk bekend te stel. Sit daardie oumablokkies waarmee jy besig is, eers eenkant en probeer iets nuuts! Die tapisseriehekeltegniek is maklik wanneer jy dit eers onder die knie het. Wees dus maar geduldig as dit jou eerste probeerslag is. GROOTTE Hierdie oulike sakkie is 20 x 20 cm wanneer dit voltooi is. JY BENODIG ♥ blomdiagram op bladsy 76 ♥ 50 g-bol Vinnis Nikkim-katoendraad in swart ♥ 100 g-bol Raeesah-katoendraad in kleur 41 ♥ 3-3,5 mm-hekelpen ♥ tapisserienaald ♥ 20-25…

MOEILIKHEIDSGRAAD: redelik maklik (vra iemand om te help as jy nog nie metaalboorwerk gedoen het nie) TYD: 15 minute per spieël plus droogtyd as jy eers al die benodigdhede gereed het JY BENODIG ♥ ’n versameling metaalitems wat jy as rame kan gebruik (sien wenk hieronder) ♥ spieël vir elke raam (ons het ons s’n omtrent 10 mm kleiner reg rondom laat sny) ♥ brons- en/of staalkettings – watter afwerking ook al die beste by jou rame pas (ons het omtrent 50 cm per raam gebruik) ♥ sleutelringe ♥ spieëlhake ♥ spuitverf (ons het mat swart gebruik) ♥ klinknaelgeweer met 3,2 mmplofklinknaels (pop rivets) ♥ 1,8 mm- en 4 mm-metaalboorpunt ♥ alkant-skuimplakband ♥ merkpen ♥ veiligheidsbril WENK: Vir die rame kan jy enige metaalvoorwerp met ’n dun rand gebruik solank dit…

Hoe op aarde gaan jy vir 10 dae stilbly? Ek kan aan niks ergers dink nie.’ Dit was die woorde wat ek seker die heel meeste gehoor het ná my besluit om ’n 10 dae lange stilte-retreat by te woon. Maar vir my het dié idee soos hemel op aarde geklink. Ná een van die besigste, stresvolste jare in my lewe was die vooruitsig van 10 dae sonder my foon, sonder versoeke, sonder vergaderings, sonder verpligtinge, sonder stemme – myne en ander s’n – iets waarna ek liggaam en siel gesmag het. By die werk was ons besig om begrotings voor te berei – nie die beste tyd om totaal kontak te verbreek nie, maar die eerste beskikbare week in maande, en dus oorweeg ek elke moontlike scenario, werk die syfers…

V: Watter gom is die belangrikste om in my handwerkkamer te hê? A: Dit hang af van jou stokperdjies of DIY-vereistes. Ons gunstelinge is: Spuitgom ♥ Ideaal om lap behoorlik aan plastiek te laat klou as jy byvoorbeeld hangers oortrek. ♥ Om prente netjies en sonder kreukels te monteer. ♥ Om jou eie etikette op bottels of flesse te plak. Gomgeweer ♥ Gebruik dit om ’n lasplek behoorlik te seël. ♥ Om elektriese drade en strookligte teen kaste of mure te heg. ♥ Om hout vinnig te heg en in posisie te hou sodat jy presies kan boor. Vir liggewig-hout of ligter ornamente is dit al wat jy nodig het. Epoksigom ♥ Dié deursigtige mengsel van hars en ’n verharder is ideaal om gate in hout of selfs metaal mee…

skryf vir ons & WEN! Hilda Rudd, die skrywer van die wenbrief in hierdie uitgawe, ontvang ’n TASontwerpershandsak van egte leer ter waarde van R2 200. TAS-handsakke word met die hand gemaak van topgehalteleer wat spesiaal uitgesoek is. Vir die voering word suiwer katoen-shweshwemateriaal in helder kleure en moderne patrone gebruik. Skakel 076 902 6466 of besoek tasdesign.co.za vir meer inligting. Wenbrief TUISKOMS Toe ek en my man verlede jaar ná ons koshuislewe aftree en see toe verhuis, was dit ’n groot kopseer oor wat moet saam en wat moet bly. Boonop trek ons toe in my man se oorlede ouers se huis in wat ook volledig gemeubileer is. Ek wou dinge minimalisties hou, maar dit was helaas nie moontlik nie. Ons is al twee sentimenteel en wou nie onnodig…

* Teken op die digitAle tydsKrif in vir slegs R45 per uitgawe. • Vir navrae oor digitAle inteKeninge , bel 0861 697 827 of stuur ’n e-pos aan support@mysubs.co.za. * Vir ’n jAArliKse inteKening van R408 ontvang jy al om die ander maand jou gedruKte eksemplaar van Idees. * * Teken sÓ in op die gedrukte tydskrif: • Skakel 087 740 1025 vir Idees (Maandae tot Vrydae 8 vm. tot 5 nm.) óf • Skakel 087 740 1027 vir IdeAs . • Stuur jou nAAm & KontAKbesonderHede per e-pos AAN subs@ideasfactory.co.za. ** • SMS ‘inteKen idees’ na 33153 . SMS’e kos R1 elk. ** Teken só digitaal in 1 Gaan na www.mysubs.co.za en sluit aan OF meld aan. 2 Gaan na die blad van die item wat jy wil koop en kies dit.…