Tabla de contenidos para 2 April 2026 en Huisgenoot

1 KATTEKWAAD? NEE, KLASKATTE Chantelle Pieterse se klas by die Laerskool Hermanstad in Pretoria het ’n tuiste vir drie hawelose katte geword. Haar graadeentjies maak beurte om hulle kos te gee. Hier is sy met Boetiekat Tien uit tien vir jou, Juffrou! Katte is fantastiese ondersteuningsdiere. Elke klas behoort een te hê. Hulle maak die klas rustig en gee kinders wat nie diere tuis het nie geleentheid om dit ook te beleef. Fantastiese idee. RIKA Dis fantasties. So leer ’n mens die kinders om vir diere om te gee en hulle te versorg, en terselfdertyd maak dit die leeromgewing meer ontspanne. Daai katte én die kinders is bevoorreg! Dankie vir jou mooi hart, Juffrou. KARIN Ek het jare lank ’n hond in my gr. 1-klas as kuiergas gehad. Soggens het…

DIE restaurant is vandag toe, dis stil en donker. Binne is daar geen teken van die gesellige kuiers en musiekkonserte wat dikwels hier gebeur nie. Nie vandag nie. Teen die een muur is ’n klomp foto’s opgeplak, almal van dieselfde mooi donkerkopvrou. Dis voor dié muur wat Blackie Swart (64) vassteek op hierdie Sondagmiddag op Klein-Brakrivier. Hy’t gekies om hier te gesels, by die restaurant wat so ’n groot deel van die lewe was wat hy en Mienkie Vorster gedeel het. Hier wil hy nou die sluier lig oor die rou seer waarin hy die afgelope week gedompel is nadat Mienkie (41), sy verloofde, vyf dae tevore haar eie lewe geneem het. Die foto’s het hy hier kom opplak om haar te onthou. Hy staan ’n oomblik stil voor hy…

LIG IN DIE BREI Herfsklere begin by ’n ligte truitjie. Dit haal asem, maar verdryf die koulikheid. Dis knus sonder al die ekstra gewig, en lê mooi oor ’n rok, romp en langbroek. WENK Steek dit in vir ’n netjiese afwerking, of drapeer dit los oor jou skouers op warm dae. Trek dit dan regtig aan wanneer die kwik daal. MIDI IS MEER Die “midi” het ’n nuwe kinkel vir die herfs. Dit sit nog net so gemaklik, maar met ryker kleure en patrone met effens ander vorms. Dis vleiend en maklik om op te kikker. WENK Hoe vloeiender die romp, hoe noupassender die trui. As die midi self baie vorm het, trek ’n sagter toppie aan. DIE BOONSTE LAGIE ’n Baadjie – netjies, kort of parmantig – gee daai…

KRY DIT HIER @HOME BY BASH.COM; HERTEXHAUS.CO.ZA 021-948-4764; MRPHOME.COM 0800-212-535; WEYLANDTS.CO.ZA 021-425-5282; YUPPIECHEF.COM 0861-702-4969, HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAF-FERS NIE VERANTWOORDELIK GEHOU KAN WORD NIE.…

RAM 21 MAART – 19 APRIL Dit voel skielik asof die heelal ’n vinger na jou liefdesverhouding wys. Die Weegskaal-volmaan op die 2de laat skyn die soeklig op die dinge wat jy nie moet ignoreer nie en waaraan jy moet aandag gee. Boonop beland jou liefdesplaneet, Venus, op die 4de in ’n allesofniks-situasie met Pluto. Daar’s ’n ultimatum van die een of ander aard op pad. BUL 20 APR – 20 MEI Die Weegskaal-volmaan op die 2de beteken jy moet ’n balans tussen werk, gesondheid en tyd vir jouself probeer kry. Jou heerser, Venus, het onlangs in jou teken inbeweeg en gee jou ’n voorsprong. Die magshonger Pluto se uitdagende houding op die 4de sal verreikende gevolge hê in jou loopbaan en enige situasie waar jy in ’n vennootskap is. TWEELING 21…

STROOM WAT BEGIN AS ’n liefdesverhaal, neem in 56 DAYS ’n dodelike wending toe een van die twee verliefdes 56 dae later dood aangetref word. Oliver (AVAN JOGIA) en Ciara (DOVE CAMERON) raak halsoorkop verlief in hierdie reeks, gegrond op die boek deur Catherine Ryan Howard. In dié rillerreeks word twee tydlyne gevolg. In een begin die polisie ’n ondersoek na die jong geliefdes se verhouding nadat ’n liggaam in ’n bad gevind word. In die ander word gewys hoe die weke van Ciara en Oliver se warrelwindromanse ontvou. Anders as die boek, speel die reeks nie in die pandemie af nie. Dove (30) is waarskynlik die bekendste vir haar rolle in Disney se Descendants-fliekreeks en die sitkom Liv and Maddy. Avan (33) was weer te sien in die Nickelodeon-reeks…

FOTOBLOKRAAI NO 2388 KOMPETISIEVRAAG Watter motoronderdeel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE Hierdie week wen een leser Einde en begin deur Michèle Meyer (Queillerie, R295). Toe Marié vier jaar oud is, verhuis haar ouers van Suid-Afrika na ’n sendingstasie in die destydse Rhodesië, waar haar pa vir die plaaslike drukpers werk. In hierdie oënskynlike paradys beleef Marié die wêreld om haar met verwondering, humor, nuuskierigheid en, namate sy ouer word, met groeiende ontnugtering. Daar is die onderliggende politieke veranderinge en spanninge van die 1970’s waarvan sy net skrams bewus is en veranderinge in die dinamiek van haar eie gesinslewe toe sy uitvind dat haar ma swanger is. Die koms van haar…

JY KOMMUNIKEER elke dag op verskeie maniere, al besef jy dit nie noodwendig nie. Dink net daaraan: Toe jy ’n baba was, het jy begin huil as jy seergekry het – dis al manier hoe jou ouers kon weet jy het pyn. Daardie “huil” was ’n vorm van kommunikasie. WAT IS KOMMUNIKASIE? Wanneer iemand ’n boodskap (inligting – dit kan gedagtes en gevoelens wees) aan ’n ander persoon wil oordra, noem ons dit kommunikasie. Die oordra van die inligting kan op verskillende maniere gebeur, bv. verbaal (gebruik van woorde en klanke/geluide) of nieverbaal (sonder die gebruik van woorde). Kommunikasie beteken ons deel inligting. Ons doen dit deur te praat, te sing of te skryf (verbaal). Ons kan ook kommunikeer sonder woorde – deur te dans of te teken (nieverbaal). KOMMUNIKASIEMODEL…

‘EK’S in Kaapstad gebore en getoë, en is Stellenbosch-univer-siteit toe. In my werkslewe was ek onder meer 17 jaar by Sanlam as regsdien-stehoof en later ver-koopsdirekteur. My vrou, Helénè, het begin met gholfskeidsregterwerk hier in die Wes-Kaap. Sy’s opgelei deur Carol Goldsbury, die destydse doyenne van gholfskeidsregterskap. Helénè het my oortuig om ook betrokke te raak, aanvanklik met die amateurgholf in die Wes-Kaap. Hulle het ’n sterk skeidsregtersvereniging gebou – deel van die WP-Gholfunie. Ek was tien jaar voorsitter van dié vereniging, tot twee jaar gelede. By toernooie is daar ’n toernooi-direkteur, ’n hoofskeidsregter en die skeidsregters wat op die baan uitgaan. Elke oggend maak hulle seker die baan is reg en dat die toernooi kan loop. Ons werk lekker as span saam, ons is in radioverbinding, ons weet presies…

ONS skrik ons boeglam as ons een in die hoek van die slaapkamer sien – en berigte oor dié met ’n giftige byt laat ons sidder of gryp na die naaste skoen. Onlangs is daar berig oor twee sterftes wat moontlik met ’n spinnekopbyt verbind kan word. André du Preez, ’n bekende slangvanger van Worcester, is oorlede nadat hy deur vermoedelik ’n knopiespinnekop by sy oor gebyt is. Hy’t op sosiale media vertel van “iets soos waterblase agter my oor” en is daarna met gordelroos gediagnoseer. Hy is toe binne ’n week en ’n half dood weens ’n virus. Kort daarna is Marietjie van Dyk, ’n bobaasbakster van Klerksdorp, oorlede elf dae nadat sy vermoedelik deur ’n vioolspinnekop gebyt is. Dit sou later blyk haar dood kon nie aan ’n…

KYK, jy moet ’n dik vel hê as jy dit in Hollywood wil waag. Vra maar vir Demi Moore, wat pas weer deurgeloop het ná haar verskyning by die Oscars. Daai vere laat haar soos ’n pou lyk, het die giftonge oor haar Gucci-rok gesê. Kan sy vlieg? Is sy ’n potplant? En oe, kyk net haar lyf, het hulle gegons. Sy lyk soos ’n geraamte! Wat gaan aan met daai maer arms? Dalk ’n bietjie te veel Ozempic? “Ek wil nie Demi Moore se lyf kritiseer nie, ek belowe,” skryf iemand op sosiale media, “maar ek’s bekommerd.” Maar as jy al meer as vier dekades in dié bedryf is, is al dié dinge soos water op ’n eend se rug. In reaksie op al die kritiek het Demi ’n…

AS LUITENANT Sulu, die dapper stuurman van die sterskip Enterprise, het hy geveg om alle aardbewoners te beskerm teen ruimtewesens wat hulle wou vernietig. Maar in die werklike lewe weet George Takei bitter goed hoe dit voel om in jou eie land “die vyand” te wees. George, gebore in Los Angeles, was net vyf toe soldate hom en sy ouers uit hulle huis gesleep en in ’n Amerikaanse interneringskamp gesmyt het. “Ek onthou hoe hulle gewere in die Kaliforniese son geblink het,” het hy al vertel. Sowat 120 000 Amerikaanse burgers van Japannese herkoms is tydens die Tweede Wêreldoorlog agter doringdraad ingehok – “net omdat ons gelyk het soos die mense wat Pearl Harbor gebombardeer het, maar ons was gewone, patriotiese Amerikaners, lojaal aan ons land,” sê George oor dié…

Wanneer en waar was jy op jou gelukkigste? Toe my verloofde my gevra het om met hom te trou. Wat sou jy anders doen as jy jou lewe kon oorhê? Niks. Ek sou nie wees wie, wat en waar ek vandag is as dit nie was vir alles wat ek ervaar het nie. Wat is die ding wat jy die meeste in mense bewonder? Hulle vermoë om nee te sê. Dis iets waarmee ek sukkel. Wie sou jy die graagste vir ete wou nooi, en wat sou jy maak? My hele familie, en ek sou kerrie maak. Ons familie-etes is epic! Wat kan jy nie verduur nie? Mense wat jok. Wat is jou diepste put van ellende? Om te weet ons almal gaan eendag ophou bestaan en dat, tensy jy…

STRELENDE STRUKTUUR Trui + Midiromp + Plat skoene GLIP IN DIE NUWE SEISOEN IN Bikerbaadjie + Midirok + Enkelstewels NETJIESE LYNE WAT ’N STELLING MAAK Baadjie + Gebreide top + Midibroek + Tekkies MODERNE SNITTE SONDER NUKKE Kraaghemp + Onderbaadjie + Langbroek + Insteektekkies VERFYN EN VERFRIS Baadjie + Rok + Balletstyl tekkies SONDERSUKKELSJIEK Top + Hempbaadjie + Denimbroek + Balletstyl skoene KRY DIT HIER ACKERMANS.CO.ZA; ADIDAS.CO.ZA; FOSCHINI, JET by BASH.COM; MR PRICE MRP.COM; OLDKHAKI.CO.ZA; PEPSTORES.COM; H&M by SUPERBALIST.COM; TRUWORTHS.CO.ZA; WOOLWORTHS.CO.ZA; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE INSLUIP WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

V Ek is al bykans nege jaar ’n weduwee. Ek het ’n wonderlike vriend, ons verskil vyf jaar en is albei in ons sewentigs. Hy is betroubaar en goed van inbors. Ons kuier oral saam, en wanneer ons met vakansie gaan, slaap ons in aparte beddens. Hy bly ook in sy eie huis en ek in myne. Hy aanvaar nie nee as hy iewers heen wil gaan nie en betrek my by sy toekomsplanne. Hy is goed vir my, wanneer ons uiteet betaal hy die volle rekening, maar vir alles anders is dit 50/50. My probleem is ek het baie lief geword vir hom, maar voel hy voel ’n veer vir my. Hy sal my nie eens ’n drukkie gee of aan my raak nie, tensy ons regstaan vir foto’s…

1 EK’S REEDS SWANGER – KAN EK AANSLUIT? Ja, maar ’n toestandspesifieke wagtydperk van 12 maande sal geld. In hierdie tyd betaal die fonds nie uit vir enigiets rakende jou swangerskap of die geboorte nie. Slegs noodsituasies word onder die voorgeskrewe minimum voordele gedek, byvoorbeeld ernstige preeklampsie, bloeding, lewensbedreigende infeksies of ’n noodkeisersnee. 2 WANNEER MOET EK VIR DIE KRAAM VOORDELE REGISTREER? Sodra jou swangerskap deur ’n patologietoets (bloed of urine) of ’n ultraklankskandering bevestig word. Jou fonds kan die resultate as swangerskapbewys vra. By registrasie kry jy voordele soos skanderings, toetse en konsultasies. Die voordele word dikwels uit jou plan se risikovoordeel betaal. Die skema sal dus binne perke daarvoor betaal. Dit word nie van jou spaarfonds afgetrek nie. 3 SÊ NOU EK REGISTREER LAAT IN DIE SWANGERSKAP? Jou…

NATUURLIK eet mens nie aandete voor die televisie nie. Dit weet almal. Dis beter vir ’n gesin om saans eerder by ’n gedekte tafel mekaar in die oë te kyk, sonder enige onderbrekings of afleidings. Tog sal die meeste ma’s weet dat daar tye is wat ’n ete aan tafel die heel laaste ding is wat ’n gesin nou nodig het. Waar almal net-net die dag oorleef het, die posttraumatiese stres nog skaars vatplek gekry het, en ’n mens “Asseblíéf tog, Máaa!” net nie nog daaroor wil praat ook nie. Ek beveel aan: Kry vir elkeen ’n lekker stewige skinkbord met ’n hoë-koolhidraat-gereg soos pasta met roomsous en spek, of boerewors en mash, skink ’n glas wyn (vir jou) of ’n glas Oros (vir die res), en kyk DIE KANTOOR.…

’NREUSE-LUISLANG (Malayopython reticulatus) wat in die tropiese reënwoude van Sulawesi in Indonesië gevind is, is deur Guinness World Records aangewys as die langste slang wat ooit gemeet is. Die slang is 7,22 m lank van sy kop tot die punt van sy stert. Die titel is in Januarie vanjaar amptelik toegeken, en die nuus is onlangs gedeel. Die vorige rekord het behoort aan ’n 6,95 m lange slang wat in Maleisië gekry is. Die plaaslike gemeenskap het die slang Ibu Baron, of Die Barones, gedoop. Hulle het haar vroeg in 2025 vir die eerste keer gewaar. Sulke slange is ’n gereelde verskynsel in die gebied, maar die inwoners het geweet hierdie is ’n verstommende een wat hulle gesien het. Nadat die gerugte versprei het, het die slanghanteerder Diaz Nugraha en…

1 Wat is die grootste eiland in die wêreld? 2 Watter kleur is heel bo in ’n reënboog? 3 Watter Europese land het hierdie vlag? 4 Wie verskaf die stem van die god Maui in Moana? 5 In watter Disney-fliek kan die prinses net wakker gemaak word deur ’n soen van haar ware liefde? ANTWOORDE: 1 Groenland 2 Rooi 3 België 4 Dwayne“TheRock” Johnson 5 Sleeping Beauty BRONNE: DOGONEWS.COM, CHRON.COM, NATIONALGEOGRAPHIC.COM, PEOPLE.COM, GUINNESSWORLDRECORDS.COM, STUFF.CO.NZ, THERUGBYMAGAZINE.COM, BBC.COM, EN.WIKIPEDIA.ORG, EDITION.CNN.COM…

HY WOU die gordyn ’n bietjie ooptrek en vir ouers die waarheid wys oor die verdraaide aanlyn wêreld wat jong seuns teiken en hulle menings vorm. Louis Theroux het nie verwag sy nuwe dokumentêr gaan só diep tref nie. Die Britse filmmaker se Netflix-fliek Inside the Manosphere het groot opspraak veroorsaak. Dit het 6,3 miljoen kykers gelok, oorheers geselsprogramme, podcasts en nuuswebtuistes, en plaas die kwessie van “toksiese manlikheid” weer in die kollig. Die 55-jarige vervaardiger van dokkies het maande lank onderhoude gevoer met omstrede aanlyn inhoudskeppers soos Harrison Sullivan, bekend as “HS-TikkyTokky”, Amrou Fudl en Nicolas Kenn De Balinthazy (“Sneako”) om te wys hoe hulle idees verdraai om kwesbare tieners te manipuleer. Louis sê hy is gedryf om die onderwerp aan te pak ná toenemende gesprekke oor hoe om…

Waar kry die kameelperd sy naam? Het iemand na dié dier met sy 17 meter lange nek gekyk en gedink hy lyk soos ’n kruising tussen ’n kameel en ’n perd? Nee. Hulle het na hom gekyk en gedink hy lyk soos ’n kruising tussen ’n kameel en ’n luiperd. “Camelopardus” was hy in Middellatyn. “Camel” is kameel, natuurlik. “Leopardus” was luiperd. Leo + pardus. Nou het ’n luiperd vir hulle soos ’n perd gelyk? Weer nee. Die pardus-gedeelte beteken eintlik “kolle”. Leopardus was ’n leeu met kolle. Dit beteken die “perd” in kameelperd verwys na sy kolle en nie na perde nie. Hoekom kyk mense na ’n kameelperd en ignoreer die olifant in die kamer? Hoekom is hy nie ’n “langnekkameel” nie? Selfs die Engelse “giraffe” kom van die…

ANTON GOOSEN se vrou vleg sy lang, grys hare soms vir spesiale geleenthede, maar dit hang vandag, soos op sy 80ste verjaarsdagpartytjie net ’n paar dae tevore, los oor sy skouers. Nou druk sy een van die lokke agter sy oor in en skuif sy pet en sonbril reg. “ ’n Bietjie grooming,” merk Estie, die vrou van sy hart, op. Sy’s op 41 die helfte so oud soos haar man, maar van ware liefde kan niemand hulle iets vertel nie. Dis ’n spesiale fotosessie dié, want daar’s vir die eerste keer drie Goosens saam voor Huisgenoot se kamera, die enetjie weliswaar nog knus agter sy ma se ribbekas. “Dis ’n seun,” sê Anton ingenome met sy hand beskermend op Estie se magie. Alles is vandag in rep en roer…

BIEF-smash-BURGER GENOEG VIR 1 / BEREIDING: 20 MIN. ◗ 2 x mini-panko-wafels (sien resep langsaan)◗ 100 g beesmaalvleis◗ 5 g botter◗ seesout of growwe sout, na smaak◗ 2 snye (40 g) cheddarkaas 1 Maak die wafels. 2 Verdeel die beesmaalvleis in 2 ewe groot balletjies. Moenie dit te styf saamdruk nie. 3 Verhit ’n swaarboompan of plat riffelpan oor hoë hitte tot baie warm – belangrik vir ’n bros kors. Voeg dan die botter by. 4 Plaas die twee vleisballetjies versigtig in die warm pan, met spasie tussenin. Gebruik nou ’n stewige spaan om elke balletjie dadelik plat te druk tot ’n dun pattie van 0,5-1 cm dik. ’n Stukkie waspapier tussen die vleis en spaan sal help dat die vleis nie aan die spaan vasklou nie. 5 Sodra die…

MAT KLEUR is nie al wat belangrik is wanneer dit by lippe kom nie. Die afwerking kan heeltemal verander hoe jou lippe lyk en voel. Die tekstuur van jou lipstiffie speel ’n groot rol in jou algehele voorkoms. Hier is ’n maklike gids vir die perfekte lippe om by jou lipvorm, velkleur en leefstyl te pas. Mat is die beste afwerking om ’n stelling te maak. Ryk, fluweelsagte kleur sonder enige glans gee dadelik ’n netjiese voorkoms wat by alles pas, van vergaderings soggens tot laatnag se drankies. Moderne mat formules is ligter, romeriger en makliker om te dra as voorheen, en gee kleur wat lank hou sonder om swaar of droog te voel. BESTE VIR Lang dae, dapper voorkomste, aande uit WAT DIT DOEN Dun lippe kan voller lyk…

Vir vroue wat die eerste keer ma word, kan die fisieke en hormonale veranderinge van swangerskap oorweldigend wees. As jy egter weet wat algemeen is, kan dit baie gerusstelling bring. “Swangerskap kan ’n angstige tyd wees, veral vir ’n nuwe ma. Indien sy egter bewus is van die algemene kwellings wat deel is van die swangerskapsreis, kan dit haar help om rustiger te voel,” sê die verpleegkundige Inamarie Greyson van die ma-en-baba-kliniek by die Netcare Olivedale-hospitaal in Randburg. “Luister na jou liggaam en beskerm jouself en jou baba. As jy weet wat normaal is en wat nie, kan jy risiko’s betyds herken en hulp kry.” Inamarie gee die volgende raad: ◗ Sooibrand is algemeen. Jou hormone verslap die maagklep en die groeiende baba druk die maag opwaarts, wat suur in…

DOODGEWOON MEVROU SMIT DEUR ELIZABETH WASSERMAN Penguin, R279* 1 Dis die vierde boek in jou mevrou Smit-reeks. Wie is jou gunsteling-newekarakter? Ek’s erg oor tannie Annatjie. Sy verkies om haarself in spreekwoorde en geykte stellings uit te druk, maar sy’s nie iemand om op haar baadjie te takseer nie. Mevrou Smit is ’n lammetjie in vergelyking met hierdie klaarblyklik skadelose ou tantetjie. 2 In verband met mevrou Smit se begeerte om net gewoon te wees: Is dit hoegenaamd moontlik vir iemand met so ’n “sondige” verlede? Ja, die idee van “doodgewoon” wees vereenselwig ons nie maklik met haar nie. En ek twyfel of ek al ooit paaie gekruis het met ’n enkele doodgewone mens. Ons almal het mos ons kinkels. Maar mevrou Smit het ’n begeerte om weg te kom van…

REEKSE ANIMAL KINGDOM Dit kos moed om ’n morele kern te behou in ’n omgewing waar jy voortdurend aan korrupsie en misdaad blootgestel word, veral wanneer jy nie daarmee grootgeword het nie. Die 17-jarige Joshua “J” Cody (Finn Cole) is die middelpunt van die reeks se storielyn. Sy ma, Julia, sterf aan ’n oordosis heroïen. Joshua bel sy vervreemde ouma, Janine “Smurf” Cody (Ellen Barkin), wat hom kom haal om by haar te bly. Maar wat ’n kultuurskok! Smurf het heel duidelik nie ’n tekort aan geld nie, maar haar moederlike vermoëns is erg onder verdenking. Sy is die grootbaas van haar eie bende misdadigers wat bestaan uit haar drie seuns, die uiters gevaarlike Pope (Shawn Hatosy) wat pas uit die tronk gekom het, die onverskrokke Craig (Ben Robson) wat…

SPELTEMPO Die Blou Bulle loop agter en Kallie kou sy naels stomp af. “Kalmeer, dis nog net die eerste helfte,” sê ou Mike. “Ek weet,” sê Kallie, “maar my bloeddruk is reeds diep in die tweede helfte.” Johanna Rademeyer SY BEURT Oom Piet is dodelik siek. “Vrou, as ek dit nie deur die nag maak nie, trou asseblief met Jaap,” fluister hy. “Jaap? Maar hy’s mos jou aartsvyand,” antwoord sy stomverbaas. “Dis juis hoekom, ek wil hê hy moet ook swaarkry!” Hanlie Pieters SO IS DIE LEWE Wanneer jy ’n kind is, beteken naweke pret. Wanneer jy ’n volwassene is, beteken naweke wasgoed was en gras sny. Johanna Rademeyer HOFTYD BETAAL Beskuldigde doodernstig aan die landdros: “Ek’t gedink ek is skuldig, U Edele, maar my regsverteenwoordiger het my daarvan oortuig…

SY WAS ’n lewende bewys dat die bose oorwin kan word. Nadat sy uit haar ontvoerder se kelder ontsnap het, waar sy agt verskriklike jare deurgebring het, het sy ’n boek geskryf, haar skrywersinkomste vir liefdadigheid geskenk en haar daaraan toegewy om ander slagoffers van seksuele aanranding te help. Maar byna twee dekades nadat sy uit die hel ontsnap het, begin die demone weer terugsluip. Natascha Kampusch was net tien jaar oud toe Wolfgang Priklopil haar op 2 Maart 1998 in Wenen van die straat af geruk het toe sy op pad was skool toe. Vir die volgende 3 096 dae het hy haar in ’n kelder sonder vensters onder sy huis gevange gehou en aan ondenkbare mishandeling onderwerp. In Augustus 2006 het sy waaghalsig ontsnap. In die jare daarna…

AS DAAR ’n handleiding was oor hoe om ’n egskeiding suksesvol te hanteer, sou NICOLE KIDMAN ’n hoofstuk of twee kon skryf. Nicole (58) en die countrysanger Keith Urban (58) het hulle egskeiding in Januarie afgehandel nadat hulle verlede September aangekondig het hulle huwelik van 19 jaar is op die rotse. Sedertdien laat draai sy die koppe. Haar vel straal en sy dra weer haar hare in haar natuurlike krulle. Op glansgeleenthede deins sy nie terug van die kollig nie, en dis weer duidelik hoekom sy een van die gunstelinge op die rooi tapyt is. Toe sy onlangs in ’n onderhoud met Variety oor haar egskeiding praat, het sy vertel haar verhouding met haar dogters, Sunday Rose (17) en Faith Margaret (15), het haar gehelp. “Ek’s dankbaar vir my familie…

DIE veranderinge is so subtiel dat jy nie heeltemal jou vinger daarop kan sit nie. Maar jy weet iets lyk anders. Is dit haar oë? Haar grimering? ’n Paar strategiese inspuitings? Dis die soort fynkamkyke waaraan die aktrise EMMA STONE die afgelope paar maande aanlyn blootgestel is. Emma (37) het onlangs Meryl Streep se rekord oortref as die jongste persoon wat vir sewe Oscars benoem is. Toe sy egter die toekennings bywoon, is daar meer gegons oor haar gesig en slanker lyf as oor haar benoeming vir haar rol in Bugo nia. Hoewel ouderdom, grimering en gewigstoename of -verlies alles ’n rol speel in hoe ’n gesig verander, het kenners hulle mening gelug oor watter prosedures sy moontlik laat doen het. “Haar gesig lyk meer gedefinieerd en gelig, haar wenkbroue…