Tabla de contenidos para 26 March 2026 en Huisgenoot

1 ‘BOETIE’ IS TERUG UIT HOLLYWOOD Arnold Vosloo het die wêreld se rolprentmekka verruil vir Kleinmond en is dolgelukkig saam met sy Afrikaanse meisie, Anika du Toit, al is daar ’n ouderdomsverskil van 32 jaar tussen hulle Ons het net gister oor hom gepraat. Oor hoe trots ons is op alles wat hy vermag het in sy loopbaan as akteur deur al hierdie jare. Ons is bly om hom terug in sy eie land te sien en ook oor hoe goed hy nog lyk! HILDA Hoe ver terug ont hou ek nou! As kelnerin het ek een van sy laaste etes aan hom bedien by die ou Slow Coach in Yeoville, Johannesburg, voor hy Suid-Afrika verlaat het. Hy was altyd so ’n pragtige siel. Ek is bly hy is nou terug. DONNA…

VIR ’n hele week het hy tuis in Pretoria sit en wag vir die dag der dae. Sy Bybel gelees, met AI gesprekke daaroor gehad. Selfs mense oor die foon gedoop sodat hulle nie onvoorbereid betrap sou word nie. Want op 23 en 24 September verlede jaar, het Danie Botha aan sy 62 000 plus aanhangers op sosiale media gesê, sou die “wegraping” gebeur. God se getroue volgelinge sou opgaan na die hemel. Die res van die mensdom sou agterbly in ’n aardse hel van pes en oorlog – die apokolips. Maar hier sit ons nou vandag, 13 Maart 2026, in ’n restaurant in Centurion met die ironiese naam The Fireroom. Die vuur in die kaggel maak die vertrek knus eerder as vreesaanjaend. Die kelners is vriendelik, en buite snor…

SOOS ’n baldadige kleuter trippel Bunny om haar halfboetie rond voor sy speels met haar lyfie teen syne stamp. Pleks van om haar af te jak, druk Bongo sy nek liefdevol teen hare. Dis asof selfs die son, wat maar pas die oggend se halfhartige reënbuie hier in Ruimsig verdryf het, vir hulle glimlag. Dan hardloop Bunny weer ’n draai voor sy styf teen haar boetie kom staan. So onafskeidbaar soos kan kom. En jy dink onwillekeurig aan Chris Blignaut se liedjie: O, die donkie, die donkie is ’n wonderlike ding . . . Tog het dit nie altyd so wonderlik met dié twee langoortjies gegaan nie. Bongo en Bunny het hulle eerste lewenslig in ’n township buite Warmbad in Limpopo aanskou. Hulle was skaars twee weke oud toe hulle…

DIE radio-en TV-persoonlikheid Rian van Heerden is nie noodwendig almal se koppie tee nie. Hy het destyds ’n naam vir homself gemaak op Jacaranda FM as ’n omroeper wat selde ’n wag voor sy mond gesit het en luisteraars kon vermaak en vies maak in dieselfde skof. Deesdae maak hy dokumentêre programme, en natuurlik skram hy steeds nie weg van omstredenheid nie. Trouens, hy gaan snuffel dit uit. Sy produksiehuis se naam is Provoco – Latyn vir om uit te daag. Kyk maar na die reekse wat hy maak – van HOUGAARD: LIEFLING VAN LOFTUS tot TIEK TOK BOEM!, van BELOOFDE LAND tot SEKS IN AFRIKAANS, om nie van DIE REAL HOUSEWIVES VAN PRETORIA te praat nie. Anders as joernalistiekgedrewe reekse soos CARTE BLANCHE, waar die aanbieders juis klem plaas…

VIR die eerste keer ooit het ’n skoenlapper in die ruimte gefladder. Die Universiteit van Chongqing in China het die nuus bekendgemaak en foto’s van die unieke gebeurtenis gedeel. Die papie is in Desember verlede jaar ruimte toe gevat aan boord van die Kuaizhou-11-Y8-vuurpyl, binne ’n module wat ontwerp is om die ekologiese siklus op aarde na te boots. Op die foto’s wat gedeel is, kan ’n mens sien hoe die skoenlapper op blare rus en in die kapsule rondbeweeg. Die aksies wys dat dit aangepas het in ’n omgewing wat gewoonlik nie baie vriendelik is teenoor sulke aardlewe nie. Die wetenskaplikes sê dit verskaf belangrike inligting oor hoe om in die wrede toestande in die ruimte te oorleef. Die eksperiment wou meer toets as bloot of die insek die…

VIR lank wonder wetenskaplikes al hoe presies perde daardie unieke runnikgeluid maak. Dit klink soos iets tussen ’n steun en ’n gil. ’n Stil? ’n Geun? Hulle het wel geweet die lae deel van die geluid kom van hoe lug oor die weefselbande in die perd se stembande beweeg. Dit was die hoë deel van die klank wat hulle laat kopkrap het. Diere het gewoonlik groter vokale stelsels as die mens en maak dus laer geluide, so hoe kry perde dit reg om so ’n hoë klank te maak? Die studie se antwoord is dat hulle eintlik besig is om te fluit. Hulle het ’n klein kamera in die perd se neus opgestuur om op te neem wat daar binne gebeur. Die runnik is ’n soort fluit wat in die…

1 Watter maatskappy maak die iPhone? 2 Watter kleur is Sonic the Hedgehog? 3 Watter gas maak die grootste deel van die aarde se atmosfeer uit? 4 Van watter land is Lego oorspronklik? 5 Deur watter drie lande vloei die Amasone-rivier? Antwoorde 1 Apple  2 Blou  3 Stikstof 4 Denemarke 5 Peru, Colombië, Brasilië BRONNE BBC.CO.UK, BBC.COM, NETWERK24.COM, THEGUARDIAN.COM, INDEPENDENT.CO.UK, APNEWS.COM, DOGONEWS.COM, HISTORY.COM, EN.WIKIPEDIA.ORG, NYTIMES.COM, ENGLISH.CCTV.COM, ENGLISH.CQU.EDU.CN, POPSCI.COM, CARBONBRIEF.ORG…

VANJAAR gaan Suid-Afrikaners weer stembus toe om vir hul plaaslike regering te stem. Dié vlak van regering is verantwoordelik vir baie van die noodsaaklike dienste wat ons elke dag gebruik – soos lopende water in ons huise, werkende verkeersligte en veilige paaie. Hierdie verkiesings staan bekend as munisipale verkiesings. Dit gee gemeenskappe die kans om die leiers te kies wat besluite oor die belangrike dienste neem. Anders as nasionale verkiesings, wat bepaal wie die land regeer, of provinsiale verkiesings wat leiers vir elke provinsie kies, gaan munisipale verkiesings oor wie ons dorpe en stede bestuur. WAT IS ’N MUNISIPALITEIT? Suid-Afrika is in verskillende soorte munisipaliteite verdeel: ■ Metropolitaanse munisipaliteite – groot stede soos Johannesburg of Kaapstad ■ Plaaslike munisipaliteite – kleiner dorpe en omliggende gebiede ■ Distriksmunisipaliteite – wat dienste…

IN 1978 in Belhar op die Kaapse Vlakte was ons huis altyd vol mense. Wonderlike mense soos Dullah Omar, Franklin Sonn, Essa Moosa, Jakes Gerwel, Richard van der Ross en natuurlik my pa. Vrydagaande in die 1980’s was debataande by ons huis, met hierdie leiers wat ek nie geweet het wie hulle eintlik was nie. Dan bespreek hulle die politiek. En moontlike beleide wat geïmplementeer moes word as Suid-Afrika ’n demokratiese land sou word. Ek was vyf jaar oud terwyl die gesprekke aangegaan het in ons sitkamer. Ek was daar, maar met my speelgoed op die vloer. Ek’t nie geweet wat hulle impak op my en die res van Suid-Afrika sou wees nie. Ons was geïnspireer deur die wonderlike groep mense wat ons toegelaat het om die onmoontlike te doen:…

Wat is geluk vir jou? Liefde, familie, musiek en God. Wanneer en waar was jy op jou gelukkigste? Die eerste keer wat ek my kinders in my arms vasgehou het. Waarmee hou jy jou die graagste besig? Ek hou daarvan om ’n fliek te kyk, om te sing en om podcasts te luister. Wat verveel jou? ’n Langdradige fliek. Waaroor is jy spyt? Ek was al hartseer en teleurgesteld, maar dit is deel van die lewe. Ek is spyt oor niks. Wat sou jy anders doen as jy jou lewe kon oorhê? Alles gebeur met ’n rede. Hoe sal die mense wat jou goed ken jou beskryf? Iemand wat strewe daarna om ander te help. Wie of wat kan jy nie verduur nie? Ek hou nie daarvan om kaalvoet te…

IN ’N koffiekroeg in Woodstock rinkel die ys teen Kyla Philander se koppie. Sy skeur die papier van haar strooitjie af en rol dit tussen haar vingers op. Met die strooitjie stoot sy die ysblokkies in haar glas rond. Dan lig sy die glas op, maar sit hom weer neer. Die koffie bly onaangeraak. “Is dit oukei as ons hier binne sit? Ek wil nie buite wees nie.” Niemand wil buite wees nie. Karre rits verby. Binne gesels mense oor werk, naweekplanne en die hittegolf wat die Wes-Kaap wurg. Kyla sit met haar elmboog op die houttafel, hand onder die ken. Sy’s klein op die groot leerrusbank. Sy’t sommer tot hier gestap, sê sy. Haar huis is om die draai. Maar daar wou sy nie vandag praat nie. “Die familie…

GRENADELLA-KARRINGMELK-KOEKBROODJIE LEWER 1 MIDDELSLAGKOEKBROODJIE / BEREIDING: 30 MIN. / VERKOEL: 1 UUR / BAK: 50-60 MIN. ’n Koekbroodjie bly ’n wenner. Die min-moeite-weergawe word met grenadellapulp gegeur en afgerond met roomkaasversiersel en grenadella-stroop. Jy kan dit ook afrond net met warm stroop en dit voorsit as stroopkoek. ◗ 500 ml (2 k) koekmeel◗ 10 ml (2 t) bakpoeier◗ 5 ml (1 t) koeksoda◗ 2,5 ml (½ t) sout◗ 150 g botter of margarien, teen kamertemperatuur◗ 250 ml (1 k) suiker◗ 2 eiers◗ 250 ml (1 k) karringmelk fyngerasperde skil van 1 suurlemoen (opsioneel)◗ 60 ml (¼ k) vars of geblikte grenadellapulp GRENADELLA-STROOP ◗ 60 ml (¼ k) vars of geblikte grenadellapulp◗ 60 ml (¼ k) suiker◗ sap van 1 suurlemoen VERSIERSEL ◗ 50 g botter of margarien, teen kamertemperatuur◗ 125…

BELANGRIK Tensy die aanbevole breidraad gebruik word, kan Saprotex nie verantwoordelikheid vir die eindproduk aanvaar nie. LET WEL Die aanwysings word vir die kleinste grootte gegee, met die groter groottes tussen hakies; waar net een getal gegee word, verwys dit na al die groottes. BENODIGDHEDE Elle-dubbeldraad van eie keuse (50 g-bolle): Rokkie 3 bolle kleur A 1 bol elk kleure B, C en D Oorskiet vir blomkern 3 mm-, 3,25 mm-en 4 mm-breipenne Een breispeld Kopband Oorskiet wat by rokkie pas Een stel knoplose breipenne van 3,5 mm 3 mm-breipenne GROOTTE Pas ouderdomme: 3-6(6-9) maande Werklike rondommaat van rokkie: Borsmaat: 40(45) cm Lengte tot by skouer: 33(37) cm SPANNING 22 ste en 28 rye = 10 cm oor koussteek met 4 mm-penne. Vir die beste resultaat is dit noodsaaklik om…

Dit is byna onmoontlik om skerms en digitale toestelle heeltemal te vermy, maar daar ís dinge wat ouers kan doen. As jy agterkom jou kind sukkel om te fokus – dalk vat huiswerk ure om klaar te maak, hulle vroetel tydens etes of kan skaars aan ’n aktiwiteit deelneem sonder om ’n toestel op te tel – probeer hierdie strategieë om hul fokus en konsentrasie te verbeter. ◗ Skermvrye tyd Stel ’n tyd vas wanneer almal in die gesin hul fone en toestelle wegsit – verkieslik buite sig sodat daar nie versoekings is om na kennisgewings te kyk nie, stel Ashley voor. “Ek beveel aan ouers stel ’n beleid vir skermtyd tuis op,” sê Anuska. “Dit kan byvoorbeeld ’n geen-foon-reël insluit wanneer kinders studeer of huiswerk doen. Dit sal ook…

1 Verwyder klewerigheid met olie Of dit nou klewerigheid van ’n prysetiket, teer op jou skoene of ’n waksbehandeling is, gooi ’n bietjie sonneblom-of baba-olie op ’n lappie en vryf liggies. Die klewerigheid sal afkom. 2 Hou eiers langer vars Rou eiers moet binne vier tot vyf weke nadat dit gelê is, gebruik word. Wil jy dit langer vars hou? Probeer dié ou metode: Sit die eiers in ’n boks of blik met sout en hou dit op ’n koel, droë plek. 3 Stof plafonwaaiers met ’n kussingsloop af Trek ’n kussingsloop oor die lem en vee die stof af terwyl jy die kussingsloop terugtrek. Die stof bly in die kussingsloop en val nie op jou nie. 4 Verwyder ’n splinter Vul ’n bottel met warm water en druk die deel met die splinter…

EINDE EN BEGIN DEUR MICHÈLE MEYER Queillerie, R225* Michèle Meyer systap die gewraakte tweede-roman-sindroom wat baie debuutskrywers lamlê vernuftig met Einde en begin. Die verteller is Marié wat die leser leer ken toe sy op vier saam met haar ouers na die sendingveld in Rhodesië verhuis. Dis die 1970’s en onrustige tye breek aan in dié land wat ook ’n impak het op predikante en hulle gesinne. Die leser beleef die stuk geskiedenis deur die oë van die baie sensitiewe kind. Dis ’n lieflike verhaal wat ’n mens diep raak. MICHÈLE VERTEL Einde en begin ontgin enkele misteries wat my fassineer. ➧ My eerste visuele herinnering is ’n enorme uitstalkas met porseleinware. As pikkie bly ek daarna vra. Een beeldskone opdienbord beskryf ek in detail. Mettertyd kliek my ouers ek…

SY STYL is so herkenbaar dat selfs AI dit naboots, en te oordeel na die aantal groot name wat graag saam met hom werk, is die regisseur, draaiboekskrywer en rolprentvervaardiger WES ANDERSON ’n gerespekteerde figuur in die fliekbedryf. Die 56-jarige Wesley Wales Anderson is op 1 Mei 1969 in Houston, Texas, gebore. Sy ouers, Melver en Texas Ann, is geskei toe hy baie jonk was, iets wat uiteraard ’n groot invloed op hom en sy broers Eric en Mel gehad het. Wes het op skool al toneelstukke begin skryf – eers by die Westchester High School en later die privaat skool St. John’s in Houston wat glo die inspirasie vir sy 1998-fliek Rushmore was. LOOPBAAN Een van die gesigte wat gereeld in sy flieks verskyn, is die akteur Owen Wilson.…

SONBRANDFAKTOR Dis vandeesweek so warm hier op Upington, ek moet in die koelte gaan lê en sonbaai. Wollie, Pretoria VINNIG IN DIE ROOI Sarie kry skaam oor hulle ou skedonk. “Ek wens ons het ook iets gehad wat van 0 tot 120 kan gaan in drie sekondes,” skimp sy eendag. Toe gaan koop haar man vir haar ’n badkamerskaal. Anton, Bellville TERUGSKOUEND Jane: “Waarom kyk jy ons ons ou trouvideo agterstevoor?” Steve: “Ek hou van die deel waar ek jou ring afhaal, uit die kerk stap en saam met my vriende kroeg toe gaan.” Denise Murphy SELFBESKERMING Hoekom raak ’n mens se oë ál swakker soos jy ouer word? Sodat jy nie te groot skrik as jy verby ’n spieël loop nie. Rudolph Scharneck ONTSPANNINGSDRAG Hoekom het die geheime polisieman…

VIR party mense is dit ’n persoonlike assistent wat help met e-posse skryf, vir ander ’n beste vriend by wie hulle hul hart kan uitstort. Party klop aan vir terapie en ander vra resepte. Hoe jy dit ook al gebruik, kunsmatige intelligensie (AI) het blitsvinnig deel van ons alledaagse lewe geword. Maar dit beteken nie daar’s nie nog baie vrae oor die chatbots by wie ons so gereeld aanklop nie. Sal AI ooit kan begryp wat reg of verkeerd is? Of hoe belangrik dit is om eerlik te wees? Verstaan dit die verskil tussen ’n goeie en ’n slegte besluit? Dié soort vrae is die dinge waaroor Amanda Askell nadink – en wat sy ook nou as haar werk beskou. Sy is ’n Skotse filosoof en haar werk is om…

HY HET baie met sy pa in gemeen: die swart tulband, die baard en die raamlose bril. En die teiken op sy kop. Mojtaba Chamenei, seun van die vermoorde ajatolla Ali Chamenei, is volgens die Amerikaanse president, Donald Trump, ’n “onaanvaarbare keuse wat nie lank gaan hou nie” noudat hy sy pa as die nuwe leier van Iran opvolg. Israel noem hom “daardie seun Chamenei” en sê hy “sal nes sy pa ’n tiran wees en die regime se wreedheid voortsit”. En Iran se nuwe opperleier het reeds die woede van die land se vyande aan sy lyf gevoel. Chamenei is beseer in die ontploffing waarin sy pa, sy ma, Mansoureh, sy vrou, Zahra, en een van sy drie kinders dood is in een van Amerika en Israel se aanvalle…

KRY ’n stokperdjie. Gaan sien ’n terapeut. Maar bly seblief tog net op die agtergrond – maak nie saak wát jy moet doen om jou middeljare te oorleef nie. Moenie dié soort goed voor Rachel Weisz sê nie. Sy is ’n Hollywood-ster en beeldskoon. Maar sy is ook 56. Daarom was haar nuutste rol, as professor M in die Netflix-drama Vladimir vir haar ’n ernstige saak, al noem kritici die reeks stout en prettig. M se hele wêreld stort in duie toe haar man geskors word omdat hy by sy studente geslaap het. Haar professionele status verdwyn en haar huwelik is aan skerwe – en sy voel onsigbaar. Maar pleks van stokperdjies of daai terapeut, wend sy haar tot ’n veel jonger kollega. Sy soek ontvlugting by Vladimir (Leo Woodall),…

In die vroeë 60’s sê ’n skoolsielkundige vir ’n st. 9-leerling hy sal nooit suksesvol in die musiekbedryf wees nie. ’n Paar jaar later, as student by die destydse Heidelberg Onderwyskollege in die ou Transvaal, neem hy die trein van Johannesburg na Oos-Londen om ’n 15-minuut-vertoning in ’n verskeidenheidskonsert te doen. Ná sy studies gee hy onderwys aan St. Stithians College in Sandton, maar saans tree hy in plaaslike kroeë op waar hy Engelse cover-weergawes van bekende rock-en folkliedjies van die tyd sing. Niemand sou daardie tyd kon raai watter impak dié jong Anton Goosen eendag op die Afrikaanse musiekbedryf sou hê nie. Nog minder dat die geskiedenis hom sal onthou as “die vader van Afrikaanse rock”. Anton vertel hy weet nie of daardie sielkundige nog leef nie, maar indien…

1 BRITNEY VREES DIE TRONK Bronne na aan BRITNEY SPEARS sê sy’s in ’n toestand omdat sy dalk tronkstraf kan kry nadat sy onlangs in hegtenis geneem is vir bestuur onder die invloed van drank en dwelms. Britney (44) is vroeër die maand in Los Angeles afgetrek nadat sy te vinnig gery en heen en weer oor die pad geslinger het met haar swart sportnutsvoertuig. Sy is opgesluit en drie uur later vrygelaat. Sy moet in Mei in die hof verskyn. “Britney weet sy moet die gevolge dra, wat dit ook al gaan wees,” het ’n bron aan Page Six gesê. “Sy bid net dis rehabilitasie en nie die tronk nie.” 2 DAKOTA SE GEWAAGDE FOTO’S Nee, dis nie die vierde aflewering van Fifty Shades of Grey nie, maar DAKOTA JOHNSON…

Hier’s een wat my irriteer. In Engels praat en skryf hulle gereeld van ’n NGO – omdat “NGO” 24 letters korter is as “non-governmental organisation”. Maar wanneer ons vertaal, is daar nie regtig ’n bekende afkorting wat ons dink almal gaan ken nie. So ons maak dit “nieregeringsorganisasie”. Die afkorting daarvoor is “NRO”, maar ek dink die meeste mense sou nie dadelik die klou by die oortjie bring nie. Ons wil eintlik net sê “organisasie”, want die meeste van die tyd is die nieregerings-deel regtig net nie belangrik nie. Dieselfde as hulle in Engels praat van ’n “nonprofit”. In Engels het hy al ’n naamwoord geword, so “nonprofit” is korter as “nonprofit organisation”. Maar met vertaling gebeur wat volgens my een van die skerpste klippies in enige skoen kan wees:…

GEEN gladdebek bly lank gevrywaar teen die waarheid van geykte gesegdes nie. ’n Kierang is ’n ding wat braai. Die wiel is ’n ding wat draai. Hoogmoed kom oplaas tot ’n val. Dis die blonde, dis haar ou, dis al. Teen die tyd wat jy dié storie lees, weet jy reeds Peet en Mel Viljoen is in Amerika in hegtenis geneem. Hý toe hy vroegdag met sy jeans, plakkies en pensie in sy swart Range Rover tussen die palms van Florida gaan rondrits. Sý toe sy in haar wit japon by die wit voordeur van hul gehuurde woonstel op die tweede verdieping van ’n doodgewone blok uitloer. “You arresting me?” het hy met ’n bewende onderlippie gevra toe die polisie boeie om sy polse slaan. “Can I make a call?”…

TOE haar seun 18 word, vra sy ma, Leslé Jansen, hom wat hy vir sy verjaardag wil hê. Nie ’n selfoon nie. Nie geld nie. Nie ’n partytjie nie. “Hy’t geantwoord: My eie ID met my naam op,” vertel sy. Vir die meeste Suid-Afrikaners is ’n ID-kaart net ’n formaliteit – ’n foto, ’n paar vorms en vier tot ses weke voor jy die kaart gaan haal. Maar vir !Khūboab Oedasoua Lawrence was dit ’n stryd van byna twee jaar. Binnelandse sake kan ’n kopseer wees. Die lang toue en die stelsel wat van lyn af is, is deel van die frustrasie en die grappies as jy aan dié instelling dink. Maar vir !Khūboab was dit sy groot droom om in daai lang toue te sit en die identiteitsdokument te…

V My probleem raak net groter by die dag. Laat ek by die begin inval. Ek werk reeds tien jaar by ’n firma waar ek baie gelukkig is. My inkomste is goed genoeg dat dit my toelaat om al my verpligtinge na te kom en ook te kan spaar. Twee jaar gelede het ek ’n wonderlike vrou ontmoet en ons trou die einde van die jaar. Sy het ook ’n goeie werk, maar is nie so gedissiplineerd met haar begroting nie. Wat beteken dat sy geen geld spaar vir noodgevalle of haar troue nie. Ek besef dus dat ek verantwoordelik gaan wees vir al die uitgawes. Ek het toe ’n sekere bedrag begroot en is nie van plan om meer as dit uit te gee nie. Ek fokus ook daarop…

RAM 21 MAART – 19 APRIL Die planeet van liefde en verhoudings wat deur jou teken beweeg het, het jou die kans gegee om in aanraking te kom met jou behoefte aan onvoorwaardelike liefde. Venus verander op die 30ste van teken, en die goeie nuus is dat hierdie planeet in jou geldhoroskoop inbeweeg. Dit bied jou die geleentheid om jou verhouding met geld te herdefinieer, en om te koester wat jy het. BUL 20 APR – 20 MEI Jou heersende planeet, Venus, verander op die 30ste van teken en beweeg in die Bul in. Dit gee jou mag. Die kern van die Bul is die bestuur van die materiële wêreld van geld en besittings – alles wat nodig is om jou ’n gevoel van sekerheid te gee. Dis ’n goeie…

DIE ORAL LUNA PAIGE Luna se bekende suiwer stem dawer oor die teatrale musiek. Hoewel haar musiek nooit werklik konvensioneel is nie, prikkel dit beslis altyd die luisteraar se nuuskierigheid. “Die oral” is die tweede liedjie van ’n vollengtealbum wat in September vanjaar uitgereik sal word. Die vonk vir dié liedjie het ontstaan in Porto, Portugal, tydens haar reise in 2024 waar sy die universele taal van liefkosing tussen mense van ’n afstand dopgehou het. “Om in ’n vreemde land te wees, herinner jou net weer aan hoe anders ons almal is en hoe afhanklik ons van mekaar is,” sê sy. HEY JY! SIMEON KRIEL Dié een is hoofsaaklik vir die millenniërs wat die MK-dae mis. Wie kan dan die emo-rockgroep Alleen Na Desember vergeet wat die destydse Rockspaaider-kompetisie so…

FOTOBLOKRAAI NO 2387 KOMPETISIEVRAAG Watter stad is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG Hierdie week wen een leser Op die spoorweg deur David Williams (Tafelberg, R330). Kom reis saam deur Suid-Afrika se ryk spoorerfenis – van die luukse presidensiële WitTrein met sy gestyfde tafeldoeke tot die goederetreine wat eens die land se ekonomiese lewensbloed was. David Williams vertel die storie van Afrika se mees uitgebreide spoornetwerk, verryk met staaltjies uit sy eie ervaring as spoorwegkind, kelner en treinentoesias. Hy neem ons na spoorwegdorpe en terug na sy kinderdae in Estcourt, waar die gefluit van treine en die magtige stoomlokomotiewe die ritme van die lewe bepaal het. Dié ingenieurswonders het uitdagende terrein…

FLIEKS HOPPERS NOU IN TEATERS In dié Disney-en Pixar-animasie vat die diereliefhebber Mabel die gesegde “sit jouself in my skoene” tot die volgende vlak. Sy gryp ’n geleentheid aan om ’n nuwe tegnologie te gebruik om haar bewussyn in ’n lewensgetroue robot-bewer te sit en direk met diere te kommunikeer. Sy moet die hele diereryk bymekaarkry om ’n groot dreigende menslike bedreiging die hoof te bied: die gladdebek plaaslike burgemeester Jerry Generazzo. HET JY GEWEET? Die span het inspirasie uit die natuur geput, insluitend navorsingstoere na dieretuine en parke en het met ’n bewerkenner gewerk. LEER KEN JOU WÊRELD KINGDOM MAANDAE VANAF 16 MAART OM 20:00 OP BBC EARTH (DSTV 184). Dis een van die indrukwekkendste natuurlewereekse ooit gemaak. David Attenborough is die stem agter die reeks van ses episodes.…

DIT was nie sommer net ’n verkiesing nie. Dit was soos ’n bokswedstryd tussen twee generasies: oud en jonk, gister en môre. In die een hoek was ’n 74-jarige politieke swaargewig, iemand wat probeer het om vir die vyfde keer Nepal se premier te word. En sy teenstander? ’n Voormalige rapper wat 35 jaar oud is en hom geensins aan die reëls steur nie. Die kiesers in dié Himalajakoninkryk sou die wenner bepaal. En toe word die klein landjie vir ’n slag wêreldnuus. Want miljoene Gen-Z-kiesers het vir die hiphop-sanger Balendra Shah gestem. ‘DIS DIE OORWINNING VAN HOOP EN VERANDERING’ Dit was ook nie net-net nie. Die rapper, bekend as Balen, het ordentlik gewen. Sy party, die Rastriya Swatantra-party (RSP), het 182 van die 275 parlementêre setels verower. En…

DIT is ’n Vrydagmiddag en die Laerskool Gansbaai in die Wes-Kaap het pas uitgekom. Estie Goosen, een van die onderwyseresse, stap oor die pad na haar en haar man, die liedjieboer ANTON GOOSEN, se huis. Hulle pak hulle voertuig, want sy neem hom weg na ’n geheime bestemming vir ’n naweekwegbreek, het sy hom vooraf ingelig. Dit was immers net die dag tevore sy 80ste verjaarsdag. Hulle ry en ry, en sowat ’n uur later draai sy uiteindelik by The Lineage Lodge in die Elginvallei in. “Sy’t my letterlik ontvoer!” sê Anton aan Huisgenoot. Aangekom by die lodge, stap hulle deur ’n onthaalsaal. Skielik spring sowat 30 mense van agter ’n paar tafels op. Vir ’n oomblik is Anton uit die veld geslaan. Hierdie is dan almal sy vriende, besef…

’NDOODGEWONE dag het onlangsvirRIHANNA’n skokkende wending geneem toe ’n vrou in die straat voor haar huis aan die skiet gegaan het. Ivanna Lisette Ortiz (35) van Florida word van poging tot moord aangekla nadat sy skote met ’n aanvalsgeweer buite die sangeres se woning in Los Angeles afgevuur het. Volgens polisieverslae was Rihanna (38) by die huis toe Ivanna tot voor haar hek gery en van oorkant die pad uit haar Tesla losgebrand het. Rihanna se lewensmaat, die rapper A$AP Rocky (37), en haar kinders, RZA (3), Riot (2) en die vyf maande oue Rocki, sowel as personeel, was tuis. “Rihanna het die skote gehoor, maar nie besef wat aangaan nie,” het ’n bron aan People gesê. “Dis skrikwekkend om te dink dat so iets selfs met ’n puik sekuriteitspan…