Tabla de contenidos para 5 March 2026 en Huisgenoot

1 ‘ONS MIS DIE DONDERSTORMS’ Riaan en Michelle Garforth-Venter is nou al elf jaar in die VSA. Die voormalige Nutsman sê hulle mis Suid-Afrika, maar is dankbaar vir die nuwe geleenthede Ek is so bly vir mense wat die groot skuif gemaak het en goed vaar daar anderkant. Suid-Afrika bly ’n pragtige land, maar daar is soveel uitdagings. My broer het 28 jaar gelede daardie besluit geneem. Hy is dolgelukkig. JANETTE Dis so lekker om julle twee weer te sien, ek het al amper vergeet. Dankie vir die plasing, nou onthou ek julle weer baie goed. Twaalf jaar is darem ’n lang tyd om nie iemand se gesig te sien nie. Julle lyk albei sommer nog baie goed. MARIA Daar is nêrens ’n paradys sonder die een of ander slang nie.…

Suid-Afrika het uitsonderlike wandelpaaie wat net wag om verken te word. Goeie voorbereiding is egter die verskil tussen ’n droom-staptog en ’n moontlike nagmerrie op die pad. Moenie so ’n avontuur sommer net blindelings aanpak nie, hier is wenke wat werk. Die versoeking is dalk daar om langs ’n vuur te gaan sit nadat jy deur water gestap het, maar moenie jou nat stapskoene langs die vuur sit nie. Die hitte kan die leer laat kraak of rubbersole of sintetiese dele laat smelt. Stop dit eerder vol klippies wat jy warm gemaak en in sokkies gesit het. Maak ’n kurkprop aan jou motorsleutels vas sodat dit kan dryf indien dit in die water val as jy deur strome loop. ’n Vullissak is nuttig om nat klere in te sit of…

1 IS MY POLIS VOLDOENDE? ◗ Omvattende motorversekering dek gewoonlik haelskade. Net derdeparty-, brand-en diefstalversekeringspolisse sluit dit gewoonlik uit, maar as jou motor skade aan ’n ander voertuig veroorsaak weens hael, kan daardie skade gedek word. ◗ Die meeste gebouversekeringspolisse sluit haelskade aan byvoorbeeld dakke, mure en vensters in. ◗ Huisinhoudspolisse dek gewoonlik stormskade, byvoorbeeld wanneer hael jou vensters stukkend slaan en daar waterskade aan meubels en elektroniese toestelle is. 2 HOE EIS EK VIR VOERTUIG SKADE? Dien die eis so gou moontlik in. Moenie herstelwerk laat doen sonder jou versekeraar se toestemming nie. Neem foto’s en video’s van die skade aan byvoorbeeld jou ruite, spieëltjies, ligte en bakwerk as bewys. Die skade sal dan geassesseer word. Onthou: As jou versekeringspolis haelskade dek, maak dit nie saak waar jou motor geparkeer was…

HEEL moontlik sal daar in die toekoms nog baie studies hieroor gedoen word. Oor hoe egpare se dinamika manifesteer in die konflik van hulle kykgewoontes. Ek is nie een wat graag uit die slaapkamer praat nie – in dié geval die televisiekamer – maar daar is min dinge so lekker soos om saam met jou mater ’n nuwe reeks te ontdek waarvan julle albei hou en wat julle graag saans wil kyk. Dit verander die hele vibe in die huis – geen nukkerige van-diewerk-af-brommery nie, die kos word vinnig en sonder drama gemaak, iemand help dalk wasgoed afhaal sodat die kyktyd nie onderbreek word nie, en soms is daar selfs ’n verfrissende drankie gereed, want o, die opwinding. Hoe gouer mens begin kyk, hoe makliker kan ’n tweede episode ingepas…

1 Wat is die grootste eiland in Afrika? 2 Hoeveel verskillende kleure is daar in M&M’s? 3 Watter vrug is die Minions se gunstelinghappie? 4 Watter voël word as ’n simbool van vrede beskou? 5 Die Groot Piramide, Piramide van Khafre, Piramide van Menkaure en die Groot Sfinks is almal in watter stad? ANTWOORDE 1 Madagaskar 2 Ses  3 Piesangs 4 Duif 5 Giza BRONNE KIDS.BRITANNICA.COM, HISTORY.COM, BBC.COM, DARKSKY.ORG, STUFF.CO.NZ, EDITION.CNN.COM, THEGUARDIAN.COM, SANPARKS.ORG, EN.WIKIPEDIA.ORG, ENCA.COM, REUTERS.COM, MERRIAM-WEBSTER.COM…

HY WAS die beste professionele pickleball-speler in Amerika, fiks, gesond en in die fleur van sy lewe. Hy’t dwarsoor die wêreld gereis om dié gewilde sport soortgelyk aan tennis te beoefen – en dikwels gewen ook. Maar toe verander alles soos handomkeer toe hy ondraaglike pyn begin ervaar op ’n plek waaroor baie mense te skaam is om te praat. Dit was die begin van ’n nagmerrie, een wat so erg was dat hy uiteindelik ’n drastiese besluit moes neem: om sy rektum te laat verwyder en sy anus permanent te laat toewerk. Rob Nunnery (40) het in 2023 gehoor hy het perianale Crohnsiekte, ’n chroniese inflammatoriese dermsiekte wat ontsteking rondom die anus veroorsaak. Omdat dit so ’n diep persoonlike probleem is met sulke erge newe-effekte, het Rob lank stilgebly…

DIS die openingswoorde wat aanhangers in fliekteaters hardop laat juig: A long time ago in a galaxy far, far away . . . Baie dinge het natuurlik verander sedert die eerste Star Wars fliek in 1977 op die silwerdoek ontplof het. Nuwe storielyne is geweef, eksotiese karakters en hoofspelers het gekom en gegaan. Wat nooit verdwyn het nie, is die man wat lewe gegee het aan C-3PO. Oftewel “Seethreepio,” daardie paranoïese robotkarakter. Anthony Daniels is sy naam, en hy’s die enigste akteur wat in ál elf flieks in die supergewilde reeks gespeel het. Gesigloos, want hy had altyd daardie goue pak aan. Anthony is op 21 Februarie 1946 in Salisbury, Engeland, gebore. Hy het aanvanklik regte studeer, maar dit gelos vir die toneelwêreld. En in 1975 reël sy agent vir…

Wanneer en waar was jy op jou gelukkigste? Op die verhoog, in my laerskoolrevue, toe ek ’n kameelperd gespeel het. Wat is die ding wat jy die meeste in mense bewonder? Die vermoë om jou naastes se tekortkominge te waardeer as deel van wat hulle innemend maak. Wat kan jy nie verduur nie? Ek sukkel met mense wat nooit verkeerd wil wees nie, of weier om hulle eie teenstrydighede in te sien. Wat is jou diepste put van ellen de? Aansoekvorms. Wie is of was die liefde van jou lewe? My liewe ma. Wie of wat sou jy in jou volgen de lewe wou wees? ’n Monnik. Wat is jou gunstelingwoord in Afrikaans? Tortelduif. Wat is jou gunstelinggesegde in Afrikaans? Die kluts kwytraak. Ek raak gereeld die kluts kwyt. Wie…

ELSABÉ de Jager sit op die rand van haar man, Linde, se bed in die kamer by die Bloemfontein-Hospies. Sy lig haar altviool, en note vul die kamer. Linde kom regop. Sy lyf – eens sterk en lenig – is broos van kanker, maar sy oë volg elke beweging van Elsabé se strykstok. “Wat wil jy hê moet ek vandag speel?” vra sy sag. “Enigiets,” antwoord hy. Sy begin speel. Vandag is dit “Amazing Grace”. Ander dae “How Great Thou Art” of “You Raise Me Up”. Enigiets. Ná elke liedjie fluister hy: “Dankie, dis mooi.” Elsabé kan sien hoe die musiek hom lig, al is sy liggaam siek en swak. Die video van een van hierdie sessies, wat sy op 13 Februarie op sosiale media geplaas het, het nou soos…

WESKUS-GEEL-STERT BEDRUIP met APPELKOOSKONFYT GENOEG VIR 6-8 MENSE / BEREIDING EN GAARMAAK: 25 MIN. ◗ 1 heel geelstert, oopgevlek, met die vel aan◗ 125 ml (½ k) goedkoop groenteolie, om die vis en die braairooster mee te smeer◗ geroosterde lemmetjies, vir voorsit◗ laventeltakkies, vir garnering◗ gekapte koljander, vir garnering (opsioneel) BEDRUIPSOUS ◗ 30 ml (2 e) botter, gesmelt◗ 125 ml (½ k) appelkooskonfyt◗ 30 ml (2 e) blatjang◗ 5 ml (1 t) kerriepoeier◗ 5 ml (1 t) fyn borrie◗ 2,5 ml (½ t) fyn komyn◗ 2,5 ml (½ t) knoffelpoeier◗ 2,5 ml (½ t) witpeper sout, na smaak SOUS ◗ 30 ml (2 e) ekstrasuiwer olyfolie◗ 2 salotte of 1 klein of middelslag-ui, baie fyn gekap◗ 1 knoffelhuisie, gekap◗ 250 ml (1 k) groenteaftreksel◗ 45 ml (3 e) appelkooskonfyt◗ 15…

WENK Balanseer die diepte en warmte van donkerhoutstukke met ligter kleure KRY DIT HIER @BASH.COM; CORICRAFT.CO.ZA 087-245-0005; DECOFURNSA.CO.ZA 087-049-4155; HERTEXHAUS.CO.ZA 021-948-4764; ICONOMYONLINE.COM 081-219-0576; MRPHOME.COM 0800-212-535; SHEETSTREET.COM 0800-212-535; THELOCALEDIT.COM; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANT-WOORDELIK GEHOU KAN WORD NIE.…

JY WIL gewig verloor of bloot gesonder keuses maak wanneer jy kos koop. Een kyk na die etiket en jy besluit om bloot vir die beste te hoop. Ons help jou die inligting op kosetikette beter verstaan. TIPIESE VOEDINGSINLIGTING Die voedingstowwe wat in die kos is, word gewoonlik in ’n tabel met twee kolomme gelys – per 100 g en per porsie. Die tabel kan jou help om te sien of die item hoog of laag is in terme van vet, versadigde vet, suiker en natrium (sout). PORSIEGROOTTE Die per 100 g op die etiket verwys na per 100 g vaste stof of per 100 g vloeistof. Let op: Porsiegrootte verwys na ’n spesifieke hoeveelheid, nie die hele item nie. ’n Sjokolade van 180 g kan byvoorbeeld 9 porsies van…

SKIMME EN SPOORSOEKERS DEUR MARTIN STEYN Lapa, R305* Skimme en spoorsoekers is ’n versameling stories wat Martin Steyn oor die afgelope 27 jaar geskryf het. “Die ouer stories het meestal bonatuurlike elemente, want dit kom uit my gruweljare,” vertel hy. “Hoe meer misdaadfiksie ek begin skryf het, hoe meer realisties word dit egter. Ek stel belang in die hoe van polisiewerk, die prosedures, die tegnieke. “Ek is ook meer geïnteresseerd in geloofwaardige speurders en misdadigers as die superintelligente karakters van so baie misdaadfiksie. Die toegewyde speurder wat rondkrap en rondvra, is vir my baie interessanter as die een wat op ’n toneel verskyn en ’n briljante observasie maak.” Martin verkies die speurder wat ’n dossier bou sodat die verdagte in ’n hof skuldig bevind kan word. “Ja, veel eerder as…

ONGESKIK Nou die dag kry ek ’n nuwe digitale skaal wat kan praat! Baie opewonde klim ek op. Maar sal die ding nie vir my sê “een persoon op ’n slag” nie! Emmie, Mosselbaai NOU OF NOOIT Twee skelms het pas by ’n woonstel ingebreek toe hulle polisiesirenes hoor nader kom. “Gou! Kom ons spring by die venster uit!” sê een. “Ons kan nie, ons is op die dertiende verdieping,” antwoord sy maat. “Man, dis die verkeerde tyd om bygelowig te wees,” skreeu die eerste ou. Louise Noeth VRYGEES “Moenie my eet nie,” het die nota by die groot sny sjokoladekoek in die yskas gewaarsku. Nou’s daar net ’n leë bord met die boodskap: “Moenie vir my sê wat ek moet doen en wat nie.” Denise, Pretoia PADGEVAAR Twee drinkebroers…

OP ’N reënerige Januarie-middag in ’n Londense ateljee is dit pure chaos: Sewe tienerseuns bons in lospassende jeans rond. Hulle sing, dans, stoei, neem selfies en maak TikToks vir hul leërskare vroulike aanhangers wat blitsvinnig groei. Die musiek is oorverdowend hard, die hare kry byna meer aandag as die sang, en die peuselhappies, koeldrank en Nando’s hou net aan kom. Dan daag Simon Cowell op. Hy klim uit ’n reuse-swart sportnutsvoertuig, stap sonder jas die reën in, geklee in ’n grys pak en sy kenmerkende sonbril. Daar sak vir ’n oomblik ’n byna eerbiedige stilte oor die vertrek. Die poppemeester omhels elkeen van sy sewe nuwe protégés om die beurt, en dan is dit weer terug na die ou ritme: Selfies word geneem, geroosterde toebroodjies verdwyn in keelgate af, en…

SY’S 13 jaar oud – ’n ouderdom wanneer kinders wêreldwyd kopkrap oor huiswerk en hulle ouers smeek vir nog skermtyd. Maar Kim Ju-ae speel in ’n ander liga – al is dit veilig om te sê min tieners sal in haar skoene wil wees. Haar dae gaan oor kernstrategie-inligtingsessies en om die fynere besonderhede van haar pa se regime baas te raak. En dit alles is deel van haar opleiding as die toekomstige opperleier van Noord-Korea. Volgens Suid-Korea se Nasionale Intelligensiediens is Ju-ae deur haar pa, Kim Jong-un (42), as sy opvolger aangewys. Amptenare was aanvanklik skepties, gegewe die land se diep konserwatiewe kultuur en tradisie van manlike oorheersing in leierskap. Maar die afgelope vier jaar het die meisie – wat byna net so lank soos haar kort pappa is…

SY HET jare laas aan ’n grimeersakkie geraak, probeer nie haar grys hare wegsteek nie en bring haar dae in die stof van haar Australiese plaas deur. Ja, Rachel Ward lyk nie meer soos sy gelyk het toe sy op haar bekendste was nie. Toe was sy die beeldskone Meggie wat ’n priester se hart gesteel het in die 1980’s-trefferreeks The Thorn Birds. Maar dis omdat sy, soos almal, ouer geword het. Gee sy om? Glad nie. Gee mense op sosiale media om? Duidelik. Toe die 68-jarige aktrise onlangs ’n video op Instragram deel om vriende en bure te bedank vir hulle hulp op haar plaas, was dit asof sy ’n teiken op haar voorkop teken. En die trolle het nie op hulle laat wag nie. Dit was bedoel om…

Die akteur STIAAN BRUWER, bekend vir Diepe waters, sê hy en ’n groep vriende het met ’n onlangse vakansie in die Krugerwildtuin amper leeukos geword. Hulle was by die Balule-wildreservaat toe hulle op pad terug na die kamp op ’n rivierbrug stilgehou het – en toe wil die bakkie nie weer aanskakel nie. “Daar was nie selfoonopvangs nie en dis nie juis asof ons iets van enjins af weet nie!” sê Stiaan. ’n Groep hiënas en leeus het kom vriende maak. Hulle was vrék bang, sê Stiaan. Toe vat die bakkie. “Daai leeus het honger gelyk, so terug by die kamp het ek eers ’n bietjie gehuil en toe dankie gesê dat ons veilig is”.…

NOG ’n Hollywood-ster se vlam is uitgedoof. Die wêreld rou oor die dood van ERIC DANE, die Grey’s Anatomy-ster wat oorlede is tien maande nadat hy bekend gemaak het hy het ALS, een van die algemeenste vorms van motorneuronsiekte. Eric (53) was in sy laaste dae omring deur mense wat hom liefgehad het: sy vrou, REBECCA GAYHEART (54), en hulle dogters, BILLIE (15) en GEORGIA (14). In ’n spesiale onderhoud op Netflix, Famous Last Words – wat hy geweet het eers ná sy dood uitgesaai sou word – het hy sy hartroerende laaste boodskap met sy twee dogters gedeel. “Billie en Georgia, hierdie woorde is vir julle. Ek het probeer. Ek het soms gestruikel, maar ek het probeer. Alles in ag genome het ons ’n ongelooflike tyd gehad, nè?” sê…

Min dinge laat jou so vinnig opspring soos ’n kakkerlak wat oor die kombuisvloer skarrel. Of is dit ’n kokkerot? Dis natuurlik dieselfde goggenjoster – maar sy name het ’n volgestempelde paspoort. Albei woorde lei terug na die Spaanse cucaracha. (Jip, die liedjie sit nou in jou kop vas. Nie te danke.) Spaanse seevaarders het die woord eeue gelede saam met hulle skepe oor die oseane geneem. Van daar af het dit in Nederlands beland as kakkerlak, en toe, met ’n draai by die Kaap, in Afrikaans posgevat. Nes die gediertes. In ons monde het kakkerlak begin skuif en skuur tot hy kokkerot geraak het – ’n lekker ronde woord vir ’n bitter onplesierige dier. Party mense roep hom kakkerlak, ander hou by kokkerot. Dis soos ertappels en aartappels, knie…

WENK Dra bonkige veterskoene saam met donker jeans vir ’n netjiese geleentheid, of hou dit informeel met trendy tekkies. WENK Dra ligte jeans saam met helder, funky tekkies wat jou persoonlikheid wys. Hou tops eenvoudig en kies kleure wat mekaar komplementeer vir balans. KRY DIT HIER ACKERMANS.CO.ZA; BASH.COM; COTTONON.COM; EDGARS.CO.ZA; PEP BY PEPSTORES.COM; SUPERBALIST.COM; ZALEMART.CO.ZA; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. DIE LAWAAI KRY MY ONDER V Die afgelope vyf jaar woon ek in my droomhuis in ’n rustige buurt. Ek werk van die huis af en het vir myself ’n lieflike kantoor/biblioteek professioneel laat inrig. Nou het ek ’n probleem wat my baie frustreer. Nuwe bure het hul huis in ’n dagsorg omskep. Daar is twee groepe – babas en dan kleuters van twee tot vier jaar oud. In die middag kom…

SUIKER Nie alle suiker is sleg nie. Melk bevat byvoorbeeld laktose. Beperk jou inname van minder voedende suiker soos mieliestroop, en enigiets wat ’n hoë glukose-inhoud het. VOLKORING Dit beteken nie altyd dat ’n produk gesond en voedsaam is nie. Kyk vir inligting soos “100% volkoring” of “volgraanmeel” as eerste bestanddeel. VRUGTESAP Al staan daar suikervry op die etiket, bevat vrugtesap steeds natuurlike suiker soos fruktose, wat kan beteken die suikerinhoud is steeds hoog. CHOLESTEROL Party produkte spog met “geen cholesterol” terwyl hulle van nature reeds geen cholesterol bevat nie. VERRYKTE DRANKIES Daar staan dikwels op etikette dat die drankies “vitamienverryk” is of “antioksidante” bevat, maar dan bevat dit baie suiker of kunsmatige kleurmiddels. BRONNE: HUISGENOOT-ARGIEF, MAYOCLINIC.ORG, WOOLWORTHS.CO.ZA…

VISSE 19 FEBRUARIE – 20 MAART Met die harmonieuse driehoek tussen die Visse-son en ruimhartige Jupiter op die 5de voel jy gelukkig en tevrede, al beweeg Mercurius agteruit in jou teken. Venus verlaat op die 6de jou teken vir die Ram wat reguit praat. Moenie geflous word nie: Wanneer sy op die 7de by Neptunus aansluit, kan mense jou saggeaarde aard uitbuit. Oefen om nee te sê en stel duidelike grense. RAM 21 MRT – 19 APR Die liefdesdiva Venus vestig haar op die 6de in die Ram en skielik is romanse en verhoudings weer in die kollig. Op die 7de maak sy kontak met Neptunus en op die 8ste met Saturnus, wat alles rondom die liefde ekstra dringend laat voel. As jy iemand of ’n situasie dalk te veel…

FOTOBLOKRAAI NO 2384 KOMPETISIEVRAAG Watter eetding is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE Hierdie week wen een leser Die laaste leuen deur Anita du Preez (Queillerie, R320). Sophia Blijdenstein beleef weer een van die episodes waar alles voor haar swart word. Toe sy bykom, vind sy haar man, die popster Max Bladen, bewusteloos met ’n dodelike wond aan sy kop. Sy lewe hang aan ’n draadjie. En dit is net sy in die huis saam met hom. Te midde van ’n mediasirkus word Sophia vir poging tot moord gearresteer. Sy sal bitter vinnig ’n manier moet vind om haar onskuld te bewys – al kan sy niks onthou nie. Max is in…

DIE mens se nuuskierige ingesteldheid en vermoë om dinge te bevraagteken, het al tot baie uitvindings gelei. In die natuurwetenskappe gee dit jou kans om dinge te ondersoek en meer daaroor uit te vind. Van die wêreld se bekendste wetenskaplikes het, as gevolg van hulle nuuskierigheid, dinge ondersoek wat tot groot ontdekkings gelei het. Dink byvoorbeeld aan Isaac Newton wat die teleskoop uitgevind het (ja, hy was nie net bekend vir sy wette oor gravitasiekrag nie) en Alexander Graham Bell wat die telefoon uitgevind het. Deesdae word ’n spesifieke metode gebruik om dinge te ondersoek. Ons noem dit die wetenskaplike metode (of wetenskaplike ondersoek). Die basis is gelê deur Francis Bacon (1561-1626). Hy het aangemoedig dat wetenskaplikes feite of waarnemings deur eksperimente toets en dan ’n gevolgtrekking maak. Die wetenskaplike…

IN DIE gitswart Bosveldnag hou Deon Verster sy hand bo sy kop in ’n desperate poging om die pangahoue af te weer. Die swaar lem klief deur sy hand, byt sy gesig en skedel. Terselfdertyd steek ’n ander invaller hom oor en oor met ’n mes. Danksy ’n adrenalienvlaag breek hy weg na sy bakkie, maar kry nie weggetrek nie. Oplaas daag daar hulp op en hy word hospitaal toe gejaag. Op die operasietafel kon dokters Deon se lewe red, en sy wonde het eindelik genees. Selfs sy hand en oog wat letterlik aan stukkies vel en spierweefsel gehang het, het eindelik herstel. Wat die dokters nie kon red nie, was sy verhouding met sy meisie, Heleen. Want daardie nag in 1986 het iets binne hom gebreek. Weens sy trauma…

MELKTERT, vars gebak en pas afgekoel, wag op die toonbank in die kombuis. “Vat nog ’n stukkie. Hier eet ons ruim,” por die TVkok en resepteboekskrywer Marinda Engelbrecht. Die stylvolle vrou met haar vietse figuur lyk asof sy selde of nooit voor die versoeking van “nog ’n stukkie” swig. Twee towerwoorde het haar gehelp om byna die helfte van haar gewig af te skud toe sy jare gelede die skaal op 114 kg getrek het, vertel sy: “Nee, dankie!” Dit beteken darem nie dat die lekkerte van melktert of slaptjips vir haar taboe is nie. Net dat sy geleer het om “nee, dankie” te sê vir ’n skeppie te veel daarvan of ’n tweede porsie of ’n snoephappie bloot as trooskos of beloning. Vandag kan sy steeds spog: “Ek is…

IN DIE sitkom The Big Bang Theory het ons KUNAL NAYYAR leer ken as die sensitiewe Raj Koothrappali met ’n groot hart en ’n selfs groter bankrekening. Aanhangers sal bly wees om te hoor dat Kunal (44) nie veel van sy karakter verskil nie. Hy’t onthul een van sy gunstelingdinge is om op die skenkingswebtuiste GoFundMe te gaan en die mediese rekeninge te betaal van gesinne wat hy toevallig daarop raaksien. Om jou ’n aanduiding te gee van hoe diep sy sakke is – Kunal het destyds glo $1 miljoen (R16 miljoen) per episode van die reeks verdien, en hy het volgens berigte ’n netto waarde van $45 miljoen (R726 miljoen). “Geld het my groter vryheid gegee, en die grootste gawe is die vermoë om terug te gee, om mense…