Tabla de contenidos para 5 February 2026 en Huisgenoot

1 ‘SOOS TWEE BOME WAT SAAM GEGROEI HET’ Pierre van Pletzen en Sandra Vaughn het destyds op die verhoog verlief geraak. Drie dekades later is dié twee steeds dolgelukkig getroud My dierbaarste vriende, ek wens julle alles van die beste toe. Mag al julle drome waar word. Dankie dat julle jul lewe met almal van ons deel. Bly net so mooi van binne en van buite. Liefde en nogmaals liefde aan julle. ANTHEA Baie geluk aan Sandra en Oom Spike. As daar so-veel lekker lag in julle huwelik is soos wat Pierre deur die jare aan ons as kykers gegee het, kan dit mos net goed gaan. Lag is doepa vir huwelike ook. COBUS Sandra en Pierre, as mense en as egpaar is julle so ’n groot voorbeeld en inspirasie…

SY WAS ’n ma van drie wat pryse vir haar gedigte gewen het, hy ’n verpleër wat lief was vir bergfietsry, sing en dans. Eintlik maar gewone mense – maar nou die simbool van ’n opnuut verdeelde Amerika. Hulle het albei gewoon in Minneapolis in die Amerikaanse staat Minnesota, en albei was gekant teen die owerhede se optrede teen immigrante in hul stad. En nou is hulle albei dood. Die 37-jarige Renee Good is op 7 Januarie drie keer geskiet deur agente van Amerika se nou berugte ICE-agentskap. Dit staan vir “Immigration and Customs Enforcement”, oftewel immigrasie-en doeaneafdwinging, en verwys na die administrasie van pres. Donald Trump se hantering van wat die owerhede beskou as onwettige immigrante. Renee het pas haar kinders by die skool afgelaai toe sy geskiet is,…

IN SY drastoeltjie by die piekniektafel langs die rivier begin klein Caleb se ogies skielik in teenoorgestelde rigtings draai. Sy pienk babawangetjies word bleekblou en sy regtervoetjie skop-skop onbeheersd. Langs hom hou Lara van Wyk sy ander voetjie vas en sê vertroostend: “Sorry, Liefie, dis okay, hier is mamma.” Caleb is net sewe maande oud, en sy ouers lyk besorgd maar nie paniekbevange nie. Hulle wéét wat besig is om te gebeur met hulle baba – dis ’n epileptiese aanval. En dít gebeur tot ’n honderd keer per dag met Lara en haar man, Mike (albei 34), se seuntjie. “Sorry, ek moet net gou hierdie doen,” sê Lara. Met ’n spuitnaald dien sy dan medikasie deur die voedingsbuis in sy magie toe. Caleb raak rustiger en die ouerpaar van Mbombela…

WITSJOKOLADE-& RICOTTA-BRIOCHETERT GENOEG VIR 8-10 /BEREIDING: 75 MIN. KORS ◗ 60 ml (¼ k) warm water◗ 10 ml (2 t) kitsgis◗ 55 g (¼ k) strooisuiker◗ 300 g (2 k) koekmeel, plus ekstra vir uitrol◗ 1,25 ml (¼ t) sout◗ 2 eiers◗ 20 g ongesoute botter, gesmelt◗ 5 ml (1 t) fyngerasperde suurlemoenskil VULSEL ◗ 375 g gladde ricottakaas◗ 300 g witsjokolade, gesmelt◗ 5 ml (1 t) vanielje ekstrak VIR VOORSIT ◗ 80 ml (k) grenadellapulp◗ 30 ml (2 e) strooisuiker 1 Kors Plaas die water en gis in ’n middelslagbak. Sprinkel 1 teelepel van die strooisuiker oor. Laat staan 5 min. of tot geskuim op die oppervlak. 2 Plaas die res van die strooisuiker, die koekmeel en sout in die bak van ’n voedselverwerker. Voeg die gis, eiers, botter…

REEKS THE NIGHT MANAGER Die eerste seisoen het kykers só gaande gehad dat dit eintlik verstommend is dat die tweede seisoen nou eers uitgesaai word. Dit was gegrond op die 1993 roman deur wyle John le Carré waarin die spioen-hotelier Jonathan Pine (Tom Hiddleston) groot risiko’s neem om die wapenhandelaar Richard Roper (Hugh Laurie) vas te trek. In 2017 het dit aan sy sterre – Tom, Hugh en Olivia Colman – Golden Globes besorg, en hoewel daar gepraat is oor ’n opvolg – ​en Le Carré sy toestemming aan ’n tweede seisoen gegee het voor hy in 2020 oorlede is – was Tom en die draaiboekskrywer David Farr nie oortuig nie. “Tom (Hiddleston) wou nie iets besonders vernietig deur iets minder goeds te doen nie,” het David aan The Guardian…

BRUNO MARS Hy is een van die suksesvolste popsterre ter wêreld en dis uiteindelik tyd om weer in die kalklig te tree. Bruno Mars (40) spog met ’n kraakvars nuwe album en beplande wêreldtoer. Bruno se vierde soloalbum, The Romantic, is op Vrydag 27 Februarie uitgereik, terwyl sy wêreldtoer op Vrydag 10 April in Las Vegas gaan afskop. Met die Romantic Tour kan aanhangers uitsien na ’n rits bekendes wat deel vorm van die toer as ondersteunende kunstenaars en vooraf-optredes. Dit sluit Anderson. Paak as sy alter ego DJ Pee. Wee in, asook die sensasionele Britse sangeres RAYE, Victoria Monét en Leon Thomas III. Bruno het ook solank die album se eerste liedjie “I Just Might” uitgereik. In die musiekvideo skep hy ’n nostalgiese 1970’s-atmosfeer waarin hy sy herkenbare danspassies…

FOTOBLOKRAAI NO 2380 KOMPETISIEVRAAG Watter instrument is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU Hierdie week wen een leser Weg is nie ’n plek nie deur Santie van der Merwe (H&R, R290). Natasja se hart is in stukke. Johnny het haar sowaar weer in die steek gelaat. En nou, ná ’n baie lang nag, bevind sy haar op die snelweg in die verre noorde, met al haar aardse besittings agter in haar kar. Eers nadat sy op die N18 afgedraai het en sy die bordjie opmerk, onthou Natasja: George, haar pa se boesemvriend, woon nog hier op Lelievlei. Miskien moet sy soontoe mik en gaan aanklop? Sy is doodmoeg, verward…

GETALLE help ons om te tel hoeveel goed ons het, soos byvoorbeeld appels, lekkers of selfs maats. Ons skryf dit met syfers soos 1, 2, 3 of as woorde soos een, twee, drie. Getalle word gebruik om te tel en ons maak somme daarmee. Ons gebruik ook getalle om dinge te meet, soos hoe hoog ’n muur is. Wiskunde gebruik getalle om ons te help om die wêreld beter te verstaan en nuwe dinge te ontwerp. Jy hoef gelukkig nie al die terme nou al te ken nie. Ons bespreek dit als bondig in die Blitsgids net vir volledigheidshalwe. Jou onderwyser sal vir jou baie mooi verduidelik wat jy alles moet ken vir die eksamen. VERSKILLENDE SOORTE GETALLE Natuurlike getalle: Dis die getalle wat jy ken. Dis soos jy jou…

‘EK’S in Durban gebore, maar het as kind wyd saam met my ma, Alta, ’n digter, en pa, Suren, ’n nou afgetrede suikerrietboer, rondgetrek. Ek’s van half-Afrikaanse en half-Indiese afkoms, was in byna twaalf verskillende skole en daar was heelwat uitdagings. Nie die ideale jeug nie, maar dit help mens ook karakter bou. My ouers het my die waarde van selfstandigheid en verantwoordelikheid geleer. Ek het vroeg geleer om alles te doen om doelwitte te bereik, selfs wanneer deure toeklap. Ek was op skool ’n vrywilliger by ’n diereskuiling in Johannesburg. Vir lank wou ek ’n veearts word of minstens ’n veeartsenykundige assistent wees. Ek het by die Dierebeskermingsvereniging as ’n leerlingwerker ingeval. Dit was ’n openbaring oor wat dit beteken om in Suid-Afrika in dierewelsyn te werk. Dis skokkend,…

DAAR was ’n tyd toe sy gedink het sy sal nooit weer naby ’n swembad kan kom nie. Dit was net te traumaties. Sy het geweet die oomblik wat sy die sprankelende water sien, sou sy weer terug wees in die nagmerrie toe sy koorsagtig na haar driejarige dogtertjie gesoek het – en haar dood in die swembad gekry het. Hoe was dit eens moontlik dat klein Darcey kon verdrink het, het Kirsty Doig haarself lank daarna oor en oor afgevra. Al was sy so jonk, was Darcey ’n goeie swemmer. Daarvoor het Kirsty gesorg deur haar vir swemlesse te vat. Maar op die een of ander manier het Darcey ongesiens by haar gesin se huis in Somerset-Wes in die swembad geval en verdrink. Hoe gaan ’n ouer voort ná…

Hulle is eintlik al lank fiks se baas en was nog nooit bang vir enige sport nie. Daar was al rugby, armdruk, fietsry, staptoere, hardloop, swem, driekampe . . . Maar nou berei die Binnelanders-akteurs GERALD STEYN (Uys Wagener) en JE-ANI SWIEGELAAR (Naomi Koster) saam voor vir waarskynlik een van hulle taaiste uitdagings nog: ’n volle Ysterman op 18 en 19 April in Gqeberha. “Dis iets wat ek nog altyd wou aanpak,” sê Je-ani (38) opgewonde oor die voorbereiding. Sy het al ses halwe Ysterman-kompetisies voltooi. “Die volle Ysterman is een van die items op my wenslysie en ek het besluit ek moet dit eenvoudig net aftik voor ek my veertigs tref.” Dit was Je-Ani se idee dat hulle hierdie ding saam aanpak, vertel Gerald (36). Hy het in Julie…

Toe BILLIE EILISH en haar broer Finneas in 2024 die Oscar vir beste liedjie vir “What Was I Made For” gewen het, het sy haar kinderkoorjuffrou Mandy Brigham spesiaal bedank. “Juffrou Brigham, dankie dat jy in my geglo het,” het Billie (24) op die verhoog gesê. Billie het vandat sy agt jaar oud was in die Los Angeles Children’s Chorus gesing en Mandy was toe die koordirekteur. “Sy’t altyd pragtig wysie gehou, wat ’n gawe vir enige koordirekteur is,” het Mandy later gesê. By een van sy konserte in Manchester het HARRY STYLES hulde gebring aan sy kleuterskooljuffrou, Ann Vernon. Hy’t gedink sy was in die gehoor. “Ek wil net vir jou dankie sê vir alles in daardie vormingsjare,” het Harry (31) gesê. “Dit beteken vir my baie dat jy…

IN ONS land met sy 12 amptelike tale (Suid-Afrikaanse gebaretaal ingereken) is daar heelwat mense wat minstens vier of vyf tale vlot kan praat. Elkeen sou moontlik beskryf kon word as ’n poliglot. Dié woord is saamgestel uit die Griekse woorde vir “vele” en “tonge”, en dit beteken iemand wat ’n hele paar tale kan praat. Maar ’n hele paar tale was nog niks vir die Kanadese boorling Powell Alexander Janulus nie. Hy het in 1985 ’n Guinness-wêreldrekord opgestel vir die mens wat, amptelik geverifieer, die meeste tale kon praat – ’n volle 42. Toe Guinness World Records hom getoets het om te kyk of hy regtig gemaklik kan gesels in soveel tale, het kenners hom twee uur lank ondervra in al die tale wat hy benewens Engels onder die…

Wat sou jy anders doen as jy jou lewe kon oorhê? Ek sou dalk vroeër begin glo het dat ek genoeg is – op skool, in my verhoudings en in my loopbaan. Wie sou jy die graagste vir ete wou nooi en wat sou jy vir ete maak? Prinses Diana. Ek sal beslis nie kook nie. Ons sal iets lekker bestel, of ek sal Woolies Dash kry en dit in my eie breekware opdien om dit te laat lyk asof ek gekook het. Ek is nie ’n kok nie – ek wil gesels, nie oor potte en panne stres nie. Wat kan jy nie verduur nie? Onegtheid, oneerlikheid en onvriendelikheid, veral wanneer dit ander mense klein laat voel. Wat is jou diepste put van ellende? Selftwyfel, en wanneer ek te…

DIS dalk ’n bietjie skokkend om te hoor as iemand só op die dood van hulle ma reageer. Maar Ian von Memerty praat reguit oor toe sy geliefde ma op 95 dood is. “Daar was net verligting en blydskap. Ek het nie een traan gestort nie,” sê hy. “Die harde waarheid is dat ek nie kon wag dat sy doodgaan nie. Niemand wat iemand anders liefhet, sal van hulle verwag om elke dag te ly sonder enige hoop op verbetering nie. Ek is só bly en verlig dat sy nie meer ly nie.” Ian (61) word veral onthou as aanbieder van Strictly Come Dancing en sy rol as beoordelaar in die eerste vier seisoene van SA’s Got Talent, maar het ook baie solovertonings gedoen en agter die skerms as…

KRALE MET KARAKTER ARMBANDE WAT PRAAT HOE GROTER, HOE BETER ALSBEHALWE GEWOON KRY DIT HIER AMERICAN SWISS, EXACT, FOSCHINI, STERNS, THE FIX by BASH.COM; FOREVERNEW.CO.ZA; JAMESJEWELLERY.CO.ZA; JEULIA.CO.ZA; LOVISAJEWELLERY.CO.ZA; MERAKIJEWELLERYDESIGN.COM; MR PRICE MRP.COM, OLDKHAKI.CO.ZA; POETRYSTORES.CO.ZA; WOOLWORTHS.CO.ZA; YDE.CO.ZA; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. ANGS OOR GRAAD 11 SE DRUK V Ek is baie bang gepraat deur ander oor die belangrikheid van gr. 11, in so ’n mate dat ek aan angstigheid begin ly. Wat kan ek doen om my dogter te help wat nou daarmee begin? A Dit is inderdaad so dat gr. 11 uiters belangrik is, veral as jou kind dit oorweeg om universiteit toe te gaan. Saam met die aansoekvorms word onder meer…

NIE almal hou van flieks of reekse wat in die toekoms afspeel nie. Die woord wetenskapsfiksie of sci-fi is iets wat fliekmakers mooi oorweeg voor hulle dit aan hulle produk koppel, want nes dit kan lok, sit die woord ook ’n hele klomp mense summier af. ’n Familielid van my wat niks van wetenskapsfiksie hou nie, sê gewoonlik dis omdat “enigiets kan gebeur”. “Dis soos iemand wat sy droom vir jou vertel – jy kan met niks stry nie, want daar is geen logika nie en geen struktuur nie.” Dit verskil lynreg met ’n kollega se mening. Hy is ’n groot aanhanger van sci-fi, maar raak brommerig wanneer ’n fliek of reeks nie binne die logika hou nie. “Selfs LORD OF THE RINGS moes by ’n sekere logika bly,” sê…

ONS GESELS OOR VIR die eerste keer sedert 1972 gaan mense weer maan toe, of hulle gaan ten minste om die maan vlieg. Nasa is van plan om tussen Februarie en April vanjaar die Artemis IIsending te lanseer. Die sending sal vier ruimtevaarders om die agterkant van die maan neem. Om reg te maak daarvoor het hulle in Januarie die vuurpyl wat gebruik gaan word, van die gebou waar dit saamgestel is na die lanseerblad geskuif. Die reis van 6,5 km het amper 12 ure gevat omdat dit baie versigtig gedoen moes word. Dit het alles teen ’n slakkepas van 1,3 km/h gebeur. Duisende werkers van Nasa en hulle families het buite die Kennedyruimtesentrum in Florida byeengekom om die geskiedkundige gebeurtenis te aanskou. Jared Isaacman, die administrateur van Nasa, sê…

BAMBOESHAAIE word reg oor die Groot Koraalrif in Australië aangetref waar hulle gewoonlik tussen koraal wegkruip. Die haaie is eintlik klein in vergelyking met ander spesies en kan “loop” – hulle wikkel hulle liggame en druk vorentoe met hul vinne. ’n Nuwe studie van die James Cook-universiteit sê dat kenners verstom was om uit te vind dat die haaie blykbaar geen ekstra energie gebruik wanneer hulle eiers lê nie. Die navorsers het aanvanklik gedink dat die haaie baie energie sou gebruik om dit te doen om- dat hulle eiers eintlik kompleks van aard is. Hulle lê twee eiers op ’n slag, elke 14 dae tydens die broeiseisoen. Dit beteken dat hulle jaarliks tussen 20 en 50 eiers lê. “Ons het verwag dat om sulke eiers te maak sou beteken dat…

1 Hoeveel lede is daar gewoonlik in ’n aflosspan? 2 Wat is die grootste orgaan in die liggaam? 3 Watter oseaan is tussen Afrika en Australië? 4 Watter land se sokkerspan het onlangs die Afrikanasiesbeker gewen? 5 Wat is die Sahara, Gobi, Kalahari, Namib en Atacama? Antwoorde: 1 Vier 2 Dievel 3 Die Indiese Oseaan 4 Senegal  5 Woestyne BRONNE THEGUARDIAN.COM, EDITION.CNN.COM, NASA.GOV, STUFF.CO.NZ, JCU.EDU.AU, EN.WIKIPEDIA.ORG, ABC.NET.AU, BBC.CO.UK, ETYMOLOGIEBANK.NL W…

JY HET NODIG MAAK DIE KLEURSTOWWE Stap vir stap 1 Vra ’n grootmens om jou te help en was, skil en kap die twee bete en vier rooikool-blare grof. 2 Plaas elke beet en die koolblare in hul eie mikrogolfbakkie en bedek met water. 3 Plaas die teesakkie in ’n aparte mikrogolfbak en bedek met water. 4 Verhit elkeen sowat 1 minuut in die mikrogolfoond op hoog. (Jy kan ook elke bakkie se inhoud in ’n ander klein kastrol giet en dit een op ’n slag 15 minute lank op ’n stoofplaat verhit.) 5 Laat dit minstens 30 minute afkoel. 6 Giet die gekleurde water deur ’n sif in drie afsonderlike glashouertjies (’n plastiekbak kan vlek). Gooi die groente op jul komposhoop. 7 Meng die borrie met 75 ml (5…

OP 40 was sy enkellopend en eintlik heel gelukkig om haar huis met net haar drie katte te deel. Na liefde van die soort wat jou hart laat vinniger klop, was Tanya van Graan nie op soek nie. Sy was gelukkig met haar lewe in Simonstad, waar sy haar groot liefde vir vryduik kon uitleef. Meer wou sy nie hê nie. Net ’n paar kilometer verder, in sy kliphuis met ’n uitsig oor die uitgestrekte blou see van Houtbaai, het Ard Matthews ewe gelukkig gewoon. Die rocker van Just Jinjer het die mooi aktrise en model van Simonstad nie geken nie, en sy nie vir hom nie. En in sy laat 40’s was Ard ’n geswore bachelor, wat vandag erken: “Ek was my hele lewe lank teen trou.” Maar vandag…

’NVRIENDSKAP wat aan skerwe lê. ’n Aktrise wat spartel om haar reputasie en loopbaan te red. ’n Regisseur wat glo grense oorskry het. En ’n eggenoot wat sy beroemde vriende nadertrek. Dis van die stories wat die rondtes doen in die aanloop tot die hofsaak tussen BLAKE LIVELY en die regisseur van It Ends with Us, JUSTIN BALDONI. Dis nou net meer as ’n jaar sedert Blake (38) ’n eis van $160 miljoen (R2,5 miljard) teen Justin (42) en die rolprent se vervaardiger, Jamey Heath, ingestel het. Sy beweer hulle het haar seksueel geteister en daarna in ’n so sialemedia-veldtog swartgesmeer om haar reputasie te skend. Onlangs het ’n regter gelas dat dokumente wat voorheen verseël was – onder meer tek sbood skappe, e-posse en verklarings van getuies – as…

NAOMI OSAKA sal ewe tuis wees op ’n loopplank as op die tennisbaan. Al moes die Amerikaanse tennisspeler onlangs weens ’n besering aan die Australiese Ope onttrek, bly sy die wenner aan die modefront.…

Min woorde laat mense só ernstig regop sit soos diagnoseer. Dis soos ’n koue termometer in die oog. Tog is daar ’n taalstryd in hospitaalgange én WhatsApp-groepe: Moet ’n mens sê “hy is met diabetes gediagnoseer” of “dia betes is by hom gediagnoseer”? Die kort antwoord: Albei werk. Die langer antwoord: Vat ’n chill pill, asseblief. Die werkwoord diagnoseer kom via Latyn uit Grieks (diagignōskein), wat beteken “om te onderskei” of “duidelik te herken”. Met ander woorde: Iemand kyk mooi, dink hard, en plak ’n etiket op ’n stel simptome. Wie of wat nou grammatikaal voorop staan – die pasiënt of die siekte – is sekondêr tot die herkenning self. Die konstruksie “hy is met X gediagnoseer” is vir baie Afrikaanssprekendes natuurlik, idiomaties en bondig. Dis ook hoe ons…

OUKEI, oukei. Almal gaan seker nou weer ’n eiertjie wil lê, so voor enigiemand iets sê, sê hy dit liewer self. Ja, hy hét twee jaar terug aan die vooraand van sy 60ste verjaardag gesê hy’s klaar, klaar, klaar met die liefde. Hy’t dit aan Huisgenoot en aan die wêreld verkondig, en hy’t dit bedoel, sê Dozi. Hy bly immers ’n man wat dit al drie keer tot voor die kansel én tot by die skei-hof gemaak het, ’n man wat in sy lewe al ’n hele klomp romanses gehad het wat hulself soos branders op droë sand laat uitspoel het. “Miskien moes ek minder getrou het,” het Dozi destyds met homself gespot. “Maar dis verby. Jy kan 60 Charlize Theron-lookalikes hier aanbring, en ek sal hulle komplimenteer op hulle…

DIT word gebruik om fees te vier en te ontspan, maar ook om angs te onderdruk en hartseer te verdof. Soms is dit ’n rebelse tienerdaad, soms iets om die atmosfeer meer gesellig te maak. Die redes vir die gebruik van alkohol kan ingewikkeld wees, maar die wetenskap oor hoe dit ons liggaam beïnvloed, is eenvoudig – ons liggaam verwerk alkohol anders op 16 as op 60 en ons brein reageer met verskillende grade van kwesbaarheid en veerkragtigheid na gelang van waar jy in jou lewe is. Dis veral wanneer ons liggaam dinamiese veranderinge ondergaan – soos in ons tienerjare en oor 60 – wat ons baie meer vatbaar is vir die uitwerking van alkohol, sê prof. David Nutt, hoof van die neuropsigofarmakologie-eenheid by die Imperial College London. Daar is…

WATERDRAER 21 JANUARIE – 18 FEBRUARIE Party mense sal sê jy het radikale sienings, en jy hou dalk wel daarvan om te skok. Jy het die afgelope ruk die septer geswaai aangesien daar soveel planete in jou teken was, maar jou heerskappy is verby. Verwag botsende standpunte tussen die 5de en die 8ste – en onthou dit kan ’n swaar las wees om altyd reg te wees. Sodra Mercurius en Venus jou teken verlaat, sal dit rustiger raak. VISSE 19 FEB – 20 MRT ’n Meningsverskil met jou lewensmaat rondom die 5de kan die stemming in die huis bederf, veral as dit nie uitgelok was nie of uit die bloute kom. Daarby kan ’n broer of suster krapperigheid veroorsaak – probeer verstaan hoekom hulle inmeng. Wanneer Mercurius en Venus by…

SPAR wil jou en jou graadeentjie help om die jaar met reuse-pryse af te skop. Kry dus jou kamera gereed, sorg dat al jou toestelle gelaai is (want ons weet mos hoe dit gaan) en neem hope kiekies op die groot dag. Jou kind se eerste skooldag is ’n onvergeetlike mylpaal – en ons wil daardie kosbare oomblikke saam met jou vier! En dit raak nóg beter: Jou kleinding kan GROOT wen, met selfs meer kanse om uit dié ervaring munt te slaan. GEREED VIR DIE TERUG-SKOOL-TOE-STORMLOOP? By SPAR kry jy alles wat jy vir die nuwe skooljaar nodig het. Benut fantastiese afslag en kry jou kind skoolgereed – sonder om die bank te breek. Dis een ding minder waaroor mammas hulle hoef te bekommer, sodat jy die opwindende reis…

SOOS DAG EN NAG Sukkelende Sarel: “Wat is jou geheim? Ek probeer als onder son, maar ek kry net nie ’n meisie nie!” Gladde Gawie: “Dalk moet jy ’n slag onder die maan probeer, my ou maat!” San Marchand NUWE BESEM “En hoe gaan dit met jou nuwe werk?” vra Sannie vir Annie. “Baie goed! Ek’s ’n inspirasie vir my kollegas. Almal sê hulle werk twee keer harder sedert ek by die maatskappy is.” Johanna Rademeyer FOTO’S KÁN LIEG Klein Bennie blaai deur sy ma se fotoalbum. “Wie is hierdie man met die spiere en krulhare?” vra hy. “O, dis jou pa, my kind,” antwoord sy. “Regtig? Nou maar wie is die vet oom met die kaalkop wat hier by ons bly dan?” wil Bennie weet. San Marchand GOEIE BEDOELINGS…

Harry Styles Dit kan dalk een van die beste jare in musiek in ’n lang tyd wees. Veral nadat groot kunstenaars hul terugkeer aangekondig het. Een van hulle is Harry Styles. Dié Britse sanger en voormalige One Direction-lid het onlangs laat weet sy vierde soloalbum, Kiss All the Time. Disco, Occasionally, word op 6 Maart uitgereik. Sover ons weet, gaan die album 12 liedjies op hê. Harry was vir ’n hele ruk stil. Sy laaste album, Harry’s House, is in 2022 uitgereik. Dit het ook later album van die jaar by die Grammys gewen. Die liedjie “As It Was”, dié album se hooflied, was nommer een vir 15 weke op die Billboard Hot 100-trefferlys. Maar al was die sanger vir vier jaar stil, luister daar steeds 52 miljoen mense elke…

KABINETTE vol lêers. Ingeboude staalkaste wat tot teen die dak reik. Dose op dose papier – sommige vergeel, sommige kraakvars – met datums wat terugstrek tot 1947. Elke beskikbare oppervlak dra sy eie klein stapeltjie dokumente: kaarte, sketse, briewe, goedkeurings. Alles verlig deur ongenaakbare, steriele oorhoofse ligte. Vir die meeste mense sou hierdie plek ’n vorm van marteling wees. Vir Martin Verhoeven is dit iets nader aan ’n heiligdom. Hier is hy kalm. Hier is hy seker. Vra hom waar ’n spesifieke dokument lê – een papier uit meer as 57 000 dose – en hy draai sonder huiwering om, stap doelgerig weg en keer minute later terug met presies wat jy soek. Dis een van die redes waarom die Drakenstein-munisipaliteit se elektrisiteitsafdeling se skip, ten spyte van storms, steeds…

PARTY mense sê dalk sy’s net nog ’n blonde bom wat hoop om op televisie liefde in die arms van ’n gespierde breker te vind, en dis dalk gedeeltelik waar. Want ja, CHARLENE WOLMARANS is blond en beeldskoon. Maar sy’s ook iemand wat die dood al in die oë moes kyk, gelukkig is om te leef en lank nie meer tyd het om te mors nie. Charlene (41) is een van die vroue wat in die vierde seisoen van Op my eish! hoop om die oudrugbyspeler RUAN SMITH se hart te steel. Maar vier jaar terug het haar lewe baie anders gelyk. Toe, sê Charlene, het sy in ’n Kaapstadse hospitaal om haar lewe geveg terwyl dokters min hoop gehad het dat sy die volgende 30 dae sou oorleef. Trouens,…

DIE regisseur RYAN COOGLER is in die wolke nadat sy fliek Sinners geskiedenis gemaak het as die rolprent wat die meeste Oscar-benoemings nog ooit ontvang het – ’n verstommende 16. Ryan (39) het onlangs sy waardering uitgespreek vir iemand wat hom geïnspireer het om flieks te maak: Rosemary Graham, sy universiteitsprofessor in kreatiewe skryfwerk. Ryan het onlangs vir Rosemary, wat by die Saint Mary’s College of California vir hom klas gegee het, as gas na die National Board of Review se jaarlikse toekenningsgala in New York saamgeneem. “In die tweede semester van my eerste jaar het ek haar klas bygewoon,” het Ryan aan Entertainment Tonight vertel. “Ná die eerste taak wat sy ons laat doen het, het sy my na haar kantoor laat kom en voorgestel dat ek begin draaiboeke skryf.”…