Tabla de contenidos para 11 December 2025 en Huisgenoot

1 WIE’S JOU TANNIE? ÉK IS! Sy’t nooit van die aanspreekvorm ‘tannie’ gehou nie, vertel ’n briefskrywer, al is sy self so grootgemaak. Maar algaande het sy besef jong mense doen dit uit respek en nou hou sy daarvan ’n Oom is mos jou pa of ma se broer, en ’n tannie is jou ma of pa se suster. Vroeër jare het die boere mekaar ook gewoonlik “neef” genoem. Maar ons doen dit lankal nie meer so nie. ADRIAAN Noem my maar outyds, maar ek geniet dit ook om “tannie” genoem te word. Dit gee my so ’n warm gevoel. Dit gaan bloot oor respek. Iets wat nie alle kinders meer teenoor ouer mense of onderwysers betoon nie. CHRISTINE Die tye het darem nou verander. Meneer en mevrou word ook…

DIS dalk ’n weeksoggend skuins ná elfuur, maar dinge hier by Hennie’s-restaurant in Durbanville is al van vroeg af aan die kook. Musiek dreun, glase klingel, die pizzaoond brand, en bier word op skinkborde aangedra. By die tafels word gekuier, gelag en geëet. Al wanneer iemand régtig sy aandag van ’n lang bier of ’n bord kos afhaal, is wanneer die man in die blou pakkie – die bestuurder hier – tussen die tafels begin deurloop. Want as die man met die fluitjie om sy nek eers verbygedraf kom, kyk party mense nie net meer nie – sommige van hulle knoop lang geselsies aan, ander vra ’n foto. En soms, maar darem net soms, wil hulle by hom weet: “Is dit nie vir jou sleg dat jy eens bekend was…

HY’S trots dat mense hom MacGyver noem. Nes die TV-held van ouds bou hy vindingryke kontrepsies. Nie om skurke te fnuik nie, want dr. Clifford Bull is ’n veearts. Dis vir sy dierepasiënte. Neem nou maar vir Sheldon die skilpad, wat tans hier in John se dierehospitaal in Boksburg aansterk. “ ’n Hond het hom beetgekry en gekou,” sê Cliff (46). Die onderkant van die dop is beskadig, wat beteken die reptiel sou maklik lewensbedreigende infeksies kon kry as die maag oor die grond gesleep het. MacGyver moes ’n plan maak om Sheldon pens en pootjies in die lug te hou terwyl die wond genees. Die oplossing? ’n Soort skillie-skaatsplank, “gebou met my kinders se Lego! Kyk, ek het die spore van ’n Lego-treinstel as ’n raamwerk onder sy dop…

VRIESKASKOEKIES LEWER SOWAT 40 KOEKIES PER MENGSEL / BEREIDING: 15 MIN. / BAK: 12-15 MIN. / VRIES: 24 UUR ’n Absolute staatmaker om in die vrieskas gereed te hê. Die deegmengsel word gerol en dan in die vrieskas gedruk. Soos jy lus kry vir koekies bak, sny jy skyfies van die rol af en bak die lekkerste koekies. Ons gee jou vier heerlike variasies. BASIESE RESEP ◗ 600 g (5 k) koekmeel◗ 20 ml (4 t) bakpoeier◗ 5 ml (1 t) sout◗ 300 g botter in blokkies, kamertemperatuur◗ 250 ml (1 k) strooisuiker◗ 1 x 387 g-blik kondensmelkgeursel◗ 5 ml (1 t) vanielje 1 Sif die koekmeel, bakpoeier en sout saam. 2 Room die botter en suiker in die voedselverwerker tot goed gemeng. Voeg die kondensmelk en vanieljegeursel by en…

KRY DIT HIER @HOMEBYBASH.COM; CRAZYSTORE.CO.ZA086-111-1281; GRANDIFLORA.CO.ZA 010-017-1166; MRPHOME.COM 0800-212-535; SANTASWAREHOUSE.CO.ZA 086-999-0440; SHEETSTREET.COM 0800-212-535; SHOP.BABYLONSTOREN.COM 079-573-3429; TRENDYTREES.CO.ZA 076-720-8066; WOOLWORTHS.CO.ZA 0860-022-002; YUPPIECHEF.COM 021-702-4969 HOEWELONSALLESINONSVERMOË DOENOMKORREKTEPRYSETEVERSKAF, KANFOUTE VOORKOMWAARVOOR HUISGENOOT ENDIEVERSKAFFERSNIEVERANTWOORDELIK GEHOUKANWORDNIE.…

1 HOE VERSKIL DIT VAN SKULD-BERADING? Een van die grootste verskille is dat krediteure nie bates terugneem wanneer jy in wettige skuldberading is en die proses getrou nakom nie. Maar met mediasie is daar geen hofbetrokkenheid nie. Dus kan krediteure steeds dagvaardings uitreik en op jou bates beslag lê. Jy kry ook nie ’n skuldklaringsertifikaat nie, selfs al vereffen jy jou skuld. ’n Skuldklaringsertifikaat is ’n wettige dokument wat bevestig dat jy jou skuld ten volle terugbetaal het, en nie eers onder skuldhersiening is nie. Dit word uitgereik deur ’n geregistreerde skuldberader en by kredietburo’s ingedien om jou kredietprofiel by te werk. 2 SPEEL DIT VINNIG MET SKULDPRO-BLEME KLAAR? Nee, dis nie ’n kitsoplossing nie. Jy sal moet voortgaan met betalings ingevolge die nuwe, onderhandelde terme. (Soos laerrente, kwytskelding van…

BESTUUR jou verwagtinge. Soos baie dinge in die lewe moet ’n mens dit ook toepas wanneer jy televisie kyk. En dit is moeiliker as wat mens dink. Daar is verwagtinge wat jy nie kan help nie – die vooraf publisiteit van ’n reeks of fliek bou dinge so op na ’n punt toe, dat jy dalk met gans te veel hoop en entoesiasme regskuif vir ’n ervaring, net om ná afloop effens afgeblaas te voel. En jy begin dan sommer jou aanbeveling met “moenie vooraf oplees nie, kyk dit net” of dalk meer reguit met “moenie te veel verwag nie”. So was sowel BARBIE as OPPENHEIMER vir my gewees – baie ophef vooraf, en die flieks is nie vrot of sleg nie, maar dit was net nie die hiper-opgewondenheid werd…

1 Watter land het ’n sederboom op hulle vlag? 2 Uit watter taal kom die woord “jogurt”? 3 Wat is die grootste getal Michelin-sterre wat ’n restaurant kan kry? 4 Watter krieketveld word as die “tuiste” van dié sport beskou? 5 Watter kleur is iets wat lapis lazuli is? ANTWOORDE 1 Libanon 2 Turks 3 Drie 4 Lord’s 5 Blou BRONNE: BRITANNICA.COM, WHO.INT, WIKIPEDIA.ORG, SMITHSONIANMAG.COM, FRANCE24.COM, POKEMON.COM, SANPARKS.ORG, THEGUARDIAN.COM, ELECTREK.CO, COLLINSDICTIONARY.COM, NATIONALGEOGRAPHIC.COM…

MOENIE met jou kos speel nie! As Harley Langberg se ma dít ooit vir hom gesê het, het hy duidelik nie geluister nie. Of dalk hét hy destyds. Maar nie meer nie. Maar Harley (36) speel nie regtig met sy kos nie. Hy skep kuns daaruit. In sy hande word die dinge wat die res van ons verorber iets om eers te bewonder. Hy deel gereeld foto’s van sy kunswerke op Instagram, en duisende mense sien daarna uit om te weet wat hy volgende met die dinge uit sy koskas sal optower: Frida Kahlo, Ed Sheeran, The Mask, Mufasa, noem maar op . . . Harley is nie ’n voltydse kunstenaar nie. Hy en sy pa, Jeffrey (77), bestuur ’n beleggingsmaatskappy, en sy regte werk neem ’n groot deel van…

JY SAL mooi moet soek vir ’n stukkie oop muur om nog iets in dié twee kantore te hang. Dis net grade, sertifikate en toekennings waar jy kyk. En tussen die twee kantore in die Nelson R. Mandela School of Medicine in Durban sit ’n persoonlike assistent wat twee dagboeke, twee loopbane en ’n nimmereindigende stroom versoeke van reg oor die wêreld bestuur. As jy ’n gaatjie soek in die dagboeke van die twee epidemioloë, prof. Salim Abdool Karim en prof. Quarraisha Abdool Karim, albei 65, moet jy maar by die assistent aanklop en wag vir jou beurt. “Ons doen soveel saam dat ons een mens nodig het om albei dagboeke te bestuur,” sê Salim. “Ons skedules moet letterlik gesinchroniseer word.” En dis nie net omdat hulle saam werk nie…

Eens op ’n tyd is sy lewe geken aan ure in ’n bussie op pad na nóg ’n konsert op nóg ’n dorp – daar was verhoë, liedjies, deuntjies en al die dinge van ’n boy band. Maar vandag, vyf jaar sedert die sanger JOE FOSTER en sy man, ZIECH-FRIED, na Knysna verhuis het, lyk die lewe heeltemal anders. Want Joe is dalk op Knysna net so bekend soos in sy jare as lid van Adam, maar deesdae om ’n heel ander rede: die tuisgebakte suurdeegbrode en koffie wat hy elke dag in The Sandwich Shack, sy koffiekroeg en bakkery, voorsit. Maar na dese is dit nie al nie. Want buiten die broodbakkery wat hulle bedrywig hou, het Joe onlangs die koffie-en-sjokoladeroostery Bean Collective saam met ’n vriend begin.…

WAT toneelspel betref is GARY OLDMAN se repertoire genoeg om enige akteur jaloers te maak. In sy dekades lange loopbaan het hy al in die skoene van skurke, helde, historiese figure, verlore geliefdes, doodgewone mans en onlangs die onversorgde, siniese spesiale agent in Slow Horses gestap. Gary (67) het ’n lawwe versameling aandenkings opgebou om hom aan van sy rolle te herinner. Dis in die vorm van sagte viltpoppe wat sy vrou, Gisele Schmidt, oor die jare by die Britse kunstenaar Ed Mironiuk laat maak het. Hier’s ’n paar. Gary het ’n lawwe versameling aandenkings opgebou om hom aan van sy rolle te herinner – in die vorm van viltpoppe…

Wanneer en waar was jy op jou gelukkigste? Eenkeer, toe ek alleen in Amsterdam was, het ek 02:00 die oggend nog op ’n fiets rondgery. Die kalmte daarvan om te weet ek was daar op ’n plek aan die ander kant van die wêreld waar niemand my ken nie . . . Dit het vir my ’n ander tipe vrede gebring – ’n soort stilte wat jou nie bang maak nie, maar herinner jy’s mens. Wat is die ding wat jy die meeste in mense bewonder? Eerlikheid selfs wanneer dit ongemaklik is. Wie sou jy die graagste vir ete wou nooi en wat sou jy maak? My oorlede ma. Ek sou sommer net iets simpel gemaak het en dit geniet om by haar te wees. Wat is jou diepste put van…

SY IS net ses, maar sy roep met selfvertroue: “Action!” En dan, mooi gehoorsaam, luister almal vir die klein regisseurtjie. Die mense agter die kameras, die mense wat die klank opneem, selfs die regte regisseur. En ook haar ma. Want as die een wat die volgende skoot moet inlui “Action” roep, luister álmal – ook Reandi Grey. Sy’s die aanbieder van Boer soek ’n vrou, maar dis vandag haar dogtertjie wat die volgende “link” aankondig. ‘AS MAMMA WEG IS, MIS ONS HAAR BAIE’ ’n “Link”, het klein Heidi hier tussen die kameramanne geleer, is die tussenskote van tonele – die stukkies wat opgeneem word om die aksieskote te verbind. Sy’s saam met haar sussie, die driejarige Lente, en haar pa, Dewald, hier op die plaas naby Loskopdam in Mpumalanga om…

KORT LYF Wil jy jou middel beklemtoon? Kies hierdie korter opsie, veral as jy ’n uurglas-of peervormige bou het. Dis sag en vroulik saam met lang, regaf rompe of jeans met ’n hoë middellyf. HOË NEK Hierdie klassieke keuse vlei die meeste liggaamsvorms deur aandag na die nek en skouers te trek. Dis perfek vir diegene met kleiner borste omdat dit volume skep. Bonus: Die hoë neklyn help om ’n lang nek korter te laat lyk. HALTER-NEK Peervormige liggaamsbou? Die breër bande lei die oog na die bolyf, weg van die onderlyf, vir ’n gebalanseerde silhoeët. SPORT-RUG Met die klem op jou skouers, balanseer hierdie keuse jou silhoeët perfek as jy ’n atletiese of reghoekige liggaamsvorm het. Ook ideaal vir peervormige figure of kleiner gestaltes. VIERKAN-TIGE NEK Met die klem…

EK BLY LEKKER, MAAR IS DIT REG? V Ek is geskei ná ’n huwelik van 30 jaar. Tot ’n paar maande gelede was ek in ’n verhouding met iemand anders. Hoewel die verhouding verbreek is, is ek nog baie lief vir die persoon. Ná hierdie breek het ek besluit om ’n skuif stad toe te maak, met die doel dat die afstand my sal help genees en ook om nader aan my kleinkinders te wees. Dit is heeltemal in ’n ander provinsie. Ek het my eie huis gekry en reeds die deposito betaal, maar voor ek die kontrak kon teken, het ’n finansiële ramp my een kind se gesin getref. So gebeur dit toe dat ek op 58-jarige ouderdom by my kinders intrek. Ek bly so lekker en hulle smeek…

HY WIL nie sê waar hy aan die idee gekom het nie. O nee. “Dis ’n vraag wat ek om twee redes nie kan beantwoord nie. Die eerste is dat die onthulling van die oorspronklike idee vir die storie – wat ek seker al 20 jaar lank in die agterkop ge had het – dinge vir mense sal bederf wat die boek nog nie gelees het nie. En die tweede was ’n belofte van vertroulikheid toe ek ’n ware storie deur ’n onberispelike bron bekom het.” Ons praat van Skorpio, Deon Meyer se nuutste misdaadroman. “Aksiebelaai” is die eufemisme van die jaar. Want: ◗ ’n Gespanne vrou in ’n umbhaco rok (’n woord wat ek moes google) dog dis die deur van die hotelkamer langs hare wat iemand oopmaak. ◗…

BOERPOT Vrou: “Dokter, ek is raadop, my man dink hy’s ’n perd!” Sielkundige: “Ek glo ek sal hom kan genees, maar dit sal baie tyd en geld verg.” Vrou: “Geld is geen probleem nie, hy’t verlede Saterdag die Durban July gewen.” Johan H, Gonubie KLIMAAT Om te dink ek was ook iemand se Sonskyn. Maar toe raak dit erg bewolk. L. Saayman WELSTAND As jou naweek soos jou teepouse voel en jou Maandag soos ’n hele week, het jy dalk nog nie die regte balans tussen jou werk en persoonlike lewe nie. Emmie, Mosselbaai LAASTE WOORD As ons vroue altyd reg is, hoekom kies ons dan gedurig die verkeerde mans? Denise, Pretoria OPENBARE VEILIGHEID Die nagklubs in Gauteng is deesdae rowwer as ooit. As jy nie ’n wapen het nie,…

DIT was veronderstel om een van die mooiste oomblikke van haar lewe te wees. Haar baba is pas gebore – ’n sussie vir haar seuntjie en nog ’n kleinkind vir haar ma wat al soveel tragedie moes trotseer. Maar toe, kort ná die geboorte, kry sy die nuus – toetse wys sy het bloedkanker. En eerder as om haar nuwe baba dae later huis toe te neem, moes sy in die hospitaal aanbly om chemoterapie te kry. Dis net meer as ’n jaar later, en Tatiana Schlossberg, die dogter van wyle John F. Kennedy se dogter, Caroline (68), het bekendgemaak sy sal haar kinders nie sien grootword nie. Haar terminale leukemie is die jongste wending in die familiesage van verdriet op verdriet, wat mense al beskryf het as die “vloek…

HY’S ’n OscarbenoemdeHollywood- ster. Sy’s ’n skat-skatryk werklikheidster, sakevrou en ma. Dit is sekerlik nie maklik om ’n verhouding te laat werk nie. Sedert TIMOTHÉE CHA-LAMET en KYLIE JENNER in 2023 begin uitgaan het, is hulle romanse onder die vergrootglas. Onlangs weer het bronne gesê die voortdurende kollig wat daarmee saamgaan om met ’n Kardashian-Jenner uit te gaan, het vir Timothée (29) te veel geword en hy het uitgemaak. Die twee is vroeg in Oktober laas saam gesien toe hulle ’n bofbalwedstryd by die Yankees Stadium in New York gekyk het. Volgens bronne het Timothée al voorheen met die skoonheid opgebreek, maar het Kylie (28) hom oorreed om met die verhouding voort te gaan. “Sy’s mal oor hom, so dit kan heel moontlik weer gebeur. Daar’s probleme, maar hulle…

Dis doodnormaal vir ons om van ’n “drie” in rugby te praat al tel hulle vyf. Sou ons van ’n “vyf” gepraat het as ons nou skielik rugby ontdek het? Sou ons ’n vyf moes versewe? Wie weet. ’n “Try” in Engels het oorspronklik niks met die woord “drie” te doen gehad nie. In die 19de eeu het jy nie punte gekry net omdat jy die bal agter die doellyn druk nie. Wat jy gekry het, was ’n “try at goal” – ’n kans om te skop, waarna die punte eers toegeken is. Jy het letterlik “probeer” score. Eers in 1886 het jy een punt vir jou “drie” gekry. Die verdoelskop daarna was drie punte. Maar teen 1893 het die drie vir die eerste keer drie punte geword en die…

HAAR lewe lank het sy oor die liefde gesing en daarin bly glo, selfs nadat haar eerste drie huwelike in die skeihof geëindig het. Maar toe sy ná ’n lang en gelukkige vierde huwelik ’n weduwee word, het Min Shaw gedink dit sou haar nooit beskore wees om weer iemand se liefling te word nie. “Ek was 82 jaar oud en ek het aanvaar ek gaan my laaste dae op aarde rustig klaarmaak,” vertel die sangeres oor haar alleenjare. Min het sy toe geweet dat sy op ’n Kaapse somerdag weer ’n bruid sou wees. “Want hier staan ek nou, 91 jaar oud, en verlief soos ’n skoolmeisietjie!” koer sy kort ná haar groot dag oor die foon uit Mauritius waar sy en haar geliefde wittebrood hou. Wie is die…

AS JY al vlokkies op jou kopvel of skouers gesien het, is jy beslis nie alleen nie. Skilfers is een van die algemeenste kopvelprobleme, maar daar’s steeds wanopvattings daaroor. Dit word dikwels op swak higiëne geblameer, maar dis eintlik die gevolg van verskeie faktore, onder meer te veel olie, oormatige groei van natuurlike gis, en selfs stres of weersveranderinge. Die goeie nuus? Met die regte sorg kan dit doeltreffend beheer word. Ons het die Kaapstadse dermatoloog dr. Dilshaad Asmal gevra om te verduidelik wat skilfers regtig veroorsaak, hoe om dit te behandel, en hoekom ’n gesonde kopvel vir jou algehele welstand saak maak. Wat is skilfers? Skilfers is ’n kopveltoestand wat mense van alle ouderdomme en met alle haartipes oorkom. “Dis ’n nie-inflammatoriese toestand wat hoofsaaklik afskilfering van die kopvel…

BOOGSKUTTER 22 NOVEMBER – 20 DESEMBER Mars was al ’n ruk in jou teken en het jou moontlik geïrriteerd laat voel. Gelukkig is dit op die 15de tyd vir sy vertrek, wat jou meer ontspanne maak as wat jy in weke was. Dit word voorafgegaan deur jou liefdesplaneet, Mercurius, wat op die 12de in jou teken inbeweeg en liefde na jou bewussyn bring. Om jou gevoelens verbaal uit te druk behoort nou makliker te wees. STEENBOK 21 DES – 20 JAN Mars, die planeet van oorlog en konflik, beweeg op die 15de in jou teken in. Dit gee jou toegang tot sy beste en slegste eienskappe. Dis ’n uitstekende tyd vir nuwe projekte wat motivering en leierskap vereis. Wees versigtig vir familietwiste wat nie maklik opgelos kan word nie. Deurdagte…

FRANKENSTEIN AS JY ’n boekgetroue weergawe van Mary Shelley se Frankenstein soek, gaan jy teleurgestel word met hierdie fliek. Die bekroonde regisseur Guillermo del Toro (The Shape of Water, Pan’s Labyrinth) het op verskeie plekke afgewyk om sy eie visie ten volle te verwesenlik. Aanhangers van hom sal mal wees hieroor. Visueel is die film ’n meesterstuk. Die stelontwerp, kostuums en kinematografie is verstommend, en elke raam is ’n plesier om na te kyk. ’n Mens hoop eintlik die fliek word êrens ook op ’n IMAXskerm vertoon. Die visuele effekte is meestal prakties en word hoogs effektief aangewend, en Alexandre Desplat se musiek, hoewel soms ’n bietjie dramaties, is spookagtig mooi en verhef die ervaring na ’n heel ander vlak. Dis Gotiese romantiek op sy beste. Oscar Isaac is briljant…

FOTOBLOKRAAI NO 2372 KOMPETISIEVRAAG Watter lekkerny is ter sprake? As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. WEN ’N BOEK VAN HUMAN & ROUSSEAU Hierdie week wen een leser Weg is nie ‘n plek nie deur Santie van der Merwe (H&R, R290). Natasja se hart is in stukke. Johnny het haar sowaar weer in die steek gelaat. En nou, ná ’n baie lang nag, bevind sy haar op die snelweg in die verre noorde, met al haar aardse besittings agter in haar kar. Eers nadat sy op die N18 afgedraai het en sy die bordjie opmerk, onthou Natasja: George, haar pa se boesemvriend, woon nog hier op Lelievlei. Miskien moet sy gaan aanklop? Sy is doodmoeg, verward en verslae. As…

DIE Nasionale Seereddingsinstituut (NSRI) is ’n Suid-Afrikaanse waterreddingsdiens wat deur vrywilligers bedryf word. Of dit nou op die see, riviere, mere of damme is – dit is die NSRI wat hulp verleen aan enigiemand wat naby water in gevaar verkeer. NSRI-spanne bestaan meestal uit opgeleide vrywilligers wat hulle tyd vrylik gee om lewens te red. NSRI-spanne is gereed vir enige scenario: ’n branderplankryer wat deur sterk strominge meegesleur word, ’n kind wat in ’n rivier geval het, of selfs ervare vissers wie se boot dalk omgeslaan het. Die NSRI is 24 uur per dag, elke dag van die jaar gereed. NSRI-GESKIEDENIS Toe drie vissersbote in 1966 in ruwe see langs die kus van Stilbaai in die Wes-Kaap gesink het, het dit die aandag van ’n plaaslike onderwyseres, Pattie Price, getrek.…

IN ’N vaagbekende sakepark op Stellenbosch, tussen die beige geboue en warmgebakte parkeerterreine, is ’n klein kantoortjie wat ’n skatkis van die verlede huisves. Rakke vol materiaal wat selfs die mees getraumatiseerde geskiedenisliefhebber sal laat glimlag – en nie eens ’n goudstaaf sou dit kan koop nie. Dis materiaal wat geen prys kan dra nie, maar nie omdat dit duur is nie. Dis onvervangbaar. Tydskrifte en koerante wat dekades lank net in stowwerige argiewe en biblioteke gesluimer het. Daar is tydskrifte uit die dae toe sigarette nog oral geadverteer is. Daar’s vergete tydskrifte uit die vroeë 1800’s en 1900’s – Ons Klyntji en Die Boerevrou – wat die Afrikanervrou van destyds geleer het oor korsette wat haar figuur beskerm, oor hoe om bedags na haar gesin om te sien, en…

SY WAS so deel van rugby soos Rassie en die ref. As die Springbokke speel, kon jy maar weet jy gaan René Naylor in haar kortbroek en T-hemp langs die veld sien. As die Bokke se fisioterapeut het sy jare lank by elke wedstryd diens gedoen en dan ook agter die skerms ingeklim om seker te maak die brekers se lywe herstel betyds vir die volgende kragmeting. Jare lank was die spelers en span haar hele lewe. Maar vandag sit ’n ander René (53) hier voor ons. Daar’s nie ’n T-hemp of ’n tekkie in sig nie. Sy lyk elegant in haar wit kortbroekpakkie en hoëhakskoene, en haar donker hare kartel oor haar skouer. Sy lyk gelukkig – en verlief. En sy’t ’n ring aan die hand. En hier sit…

1 KATY SE GOLIAT-OORWINNING KATY PERRY vier ’n regsoorwinning in haar lang dispuut met die man by wie sy in 2020 ’n huis vir $15 miljoen (R255 miljoen) gekoop het. Dae nadat Katy (41) en haar eks Orlando Bloom (48) die eiendom by Carl Westcott (85) gekoop het, het Carl die ooreenkoms herroep. Hy het beweer hy was geestelik ongeskik toe die kontrak onderteken is. ’n Regter het nou bevind dat Carl, wat met Huntington se siekte saamleef en in ’n hospies woon, skadevergoeding van $1,8 miljoen (R30,6 miljoen) aan Katy moet betaal vir die huurinkomste wat sy die afgelope vyf jaar verloor het. 2 JESSIE HET DIE MES IN JESSIE J (37) het ook nou ’n liedjie uitgereik waarin sy ’n steek na ’n eks inkry. Toe sy “Threw It Away” onlangs gesing…