Tabla de contenidos para 9/24/2021 en Finweek - Afrikaans

finweek-bydraer, Andile Ntingi, skryf vandeesweek oortuigend oor die ontwikkeling van Suid-Afrika se townships in sy meningstuk. Ek wil graag hier byvoeg dat die ontwikkeling van townships ’n gebiedende noodsaaklikheid is wat al sedert 1994 deurdie regering afgeskeep word – vanaf die Mandela-, Mbeki-en Zuma-era tot die huidige Ramaphosaadministrasie. Ntingi se doel is om ’n verband te vind tussen die onluste en plundery wat ons in Julie in dele van KwaZulu-Natal en Gauteng ervaar het en die kankervan inkomste-ongelykheid in Suid-Afrika. Ek wil graag op dié verband uitbrei. In kriminologie word die konsep van “ontneming” gebruik om die gedrag van die jeug te verduidelik waar hulle, onder meer, die buitensporige rykdom van een deel van die gemeenskap raaksien terwyl hulle nie dieselfde goed besit nie. Dit is al ’n twispunt onder…

ná die grootskaalse plundering van winkels en sakeondernemings in dele van Gauteng en KwaZulu-Natal in Julie, is verreikende gesprekke gevoeroordie belangrikheid daarvan om townships, waar inwoners onder lae inkomste en werkloosheid gebuk gaan, te ontwikkel. Vir langer as ’n week het Suid-Afrikaners in Julie vasgenael voor hul TV-skerms gesit en kyk hoe duisende mense winkelsentrums en kleinsakeondernemings plunder in ’n orgie van geweld en onrus soos die land nie sedert die vroeë 1990’s gesien het nie. Toe die stof gaan lê, het dit geblyk die gebeure – deur president Cyril Ramaphosa as ’n “mislukte opstand” beskryf – het 300 mense se lewens geëis en skade van sowat R50 miljard aan eiendom en infrastruktuur veroorsaak. In die pandemonium is duisende winkels en sakeondernemings in die townships finansieel geknou, wat die regering…

belangrike veranderinge kom dalk by African Rainbow Minerals (ARM), wat klaarblyklik belangrike vrae oor struktuur en strategie oorweeg. Beleggingsmaatskappye verhandel gewoonlikteen ’n afslag op die netto batewaarde omdat hulle net gedeeltelike blootstelling aan kontantvloei of geen bestuursbeheer het nie. Pallinghurst Resources het dié probleem ondervind en Mvelaphanda Resources vroeër ook. Die spesifieke vraag by ARM is of ARMPlatinum, sy onderneming vir die platinumgroepmetale, afsonderlik genoteer kan word – iets wat die maatskappy al sewe jaar lank bespreek, volgens Patrice Motsepe, uitvoerende voorsitter van die groep wat vroeg in September by die aankondiging van die groep se jaareindresultate oor die onderwerp gepraat het. Wat egter dié keer anders is, is dat die saak by die aankondiging van die groep se jaareindresultate bespreek is. Volgens Brian Morgan, Christopher Nicholson en Jared Hoover,…

Soms is dit die kleinstedingetjies wat die grootste gevolge het. Halfgeleiers, wat ook mikroskyfies genoem word, is piepklein deeltjies, maar vir die motorvoertuigbedryf het die wêreldwye skyfietekort ’n reuse-uitwerking op die vervaardiging van nuwe motors. Halfgeleiers, waarvan daar in vandag se moderne voertuie baie is, bestuur talle funksies, waaronder rekenaarenjinbestuur en bestuurderbystandstelsels. Die vraag na mikroskyfies het toegeneem saam met die groter vraag na rekenaartoerusting vanweë die oorskakeling na afstandwerk en e-handel. Min fabrieke vervaardig egter mikroskyfes, met die meeste van hulle in die Asië-Stille Oseaangebied. Covid-19-sluitings wat die mikroskyfieproduksie geraak het, het die tekort vererger. Maleisië, wat halfgeleiers aan die internasionale motorbedryf verskaf, is erg deur die derde Covid-19-golf getref. Neale Hill, besturende direkteurvan Ford Suid-Afrika, meen dat die probleme met die beskikbaarheid van halfgeleiers tot aanstaande jaar sal…

Volgens Izaak Breitenbach, hoofbestuurder van die SA Pluimveevereniging (Sapa) se Braaikuikenprodusente-organisasie, het die aanvaarding van die meesterplan reeds tot die volgende positiewe verwikkelinge gelei: ▸ Beloftes vir beleggings ter waarde van R1,14 miljard is reeds verkry en teen 2023 behoort dit tot R1,5 miljard te groei. ▸ Die jaarlikse produksievermoë het van 117 miljoen braaikuikens in 2019 tot 123 miljoen in 2020 en 135 miljoen vanjaar toegeneem. ▸ Die weeklikse slagvermoë is van 19,5 miljoen braaikuikens in 2019 tot 20,5 miljoen en 22,5 miljoen in onderskeidelik 2020 en vanjaar uitgebrei. ▸ Tans is daar 98 braaikuikenondernemings in swart besit teenoor 70 in 2019. ▸ Swart boere boer nou met 26 miljoen hoenders. ▸ In 2020 het die bedryf 980 nuwe werksgeleenthede geskep en vanjaar al 1 298. ▸ Na beraming…

In 2001 het Naspers* met ’n goeie belegging van $32 miljoen die Chinese internetreusTencent se grootste aandeelhouer geword, met ’n 31%-aandeel. Dit was Naspers se suksesvolste belegging en die grootste aandrywer van sy aandeelprys. Nou loop dieselfde belegging egteronderdie toorn van China se tegnologiereguleerder deur, wat internetmaatskappye weer gewaarsku het om nie skakels na mededingende dienste te blokkeer nie. Beijing se opdrag was dat beperkings rondom platforms afgebreek moet word. Voorheen is ’n siviele regsgeding in volksbelang aanhangig gemaakteen ’nTencent-filiaal en gesê WeChat voldoen nie aan wetgewing wat minderjariges moet beskerm nie. HoewelTencent nuwe maatreëls bekendgemaak het om minderjariges toegang tot syvlagskip-videospeletjie “Honorof Kings” te ontsê, lyk dit of die Chinese regering hom steeds wil beboet. Naspers word natuurlik hierdeurgeraaken omdat sy aandeel in Tencent nou meeras $100 miljard meeras…

ek het al dikwels voorheen genoem dat niemand met absolute sekerheid kan sê wat môre gaan gebeur nie. Sommige lesers mag van my verskil. As dit vandag Vrydag is, kan ek vir jou sê ek gaan môre braai. Dis ’n feit. Die waarheid is egter dat ek beplan om môre te braai, en op grond van wat ek gewoonlik doen, is die waarskynlikheid groot dat ek sal braai. As ek ooit so gelukkig kon wees, sou Warren Buffett die een mens wees wat ek graag na ’n braai sou wou nooi. Dié welbekende belegger het al meer as een keer genoem dat een van die belangrikste pilare van sy beleggingsbesluite op waarskynlikheid berus. In sy eie woorde (vertaal): “Ons neem beleggingsbesluite gegrond op ons evaluasie van die winsgewendste kombinasie van…

verbruikersprysinflasie het van ’n hoogtepunt van 5,2% in Mei tot 4,9% in Junie en 4,6% in Julie gedaal, volgens Statistieke Suid-Afrika. Dis goed binne die monetêrebeleidskomitee se inflasieteikenbestekvan tussen 3% en 6% per jaaren net effens bo die bestek se middelpunt van 4,5% per jaar wat die komitee verkies. DieSuid-Afrikaanse Reserwebank (SARB) probeer SA se inflasiekoers beheerdeur rentekoerse te bepaal om sy teikenbestek te bereik. Die idee daarmee is dat rentekoerse die prys van geld is en hoe duurder geld is (op grond van hoër rentekoerse), hoe minder geld sal goedere en dienste najaag. Wanneer die vraag – uitgedruk as die hoeveelheid beskikbare geld – relatief tot die aanbod afneem, sal pryse stadiger styg of daal. Die teenoorgestelde word ook as waar beskou: Laer rentekoerse maak geld goedkoper, wat die…

Verlede jaar het sekere maatskappye in diskresionêre verbruiksbesteding, tegnologie en digitale dienste sterk gepresteer deurdat die Covid-19-pandemie groter gebruik van hul produkte en dienste veroorsaak het. PPS Global Equity Fund se opbrengs was teen dié agtergrond besonder sterk omdat beleggings in maatskappye soosTesla en Amazon sterk opbrengs vir die jaar gelewer het. Markte het sedert vroeg November verlede jaar – nadat verskeie doeltreffende entstowwe aangekondig is – hul aandag verskuif na maatskappye wat vroeër tydens verlede jaar se taamlik beperkte marklopie agterweë gebly het. PPS Global Equity Fund het daarin geslaag om aan albei tydperke deel te neem en het sedert sy aanvang in Januarie verlede jaar 28,89%* opgelewer teenoor sy maatstaf, MSCI se wêreldindeks vir alle lande (ACWI), wat in dieselfde tydperk 20,88% behaal het. Namate inflasieverwagting normaliseeren met…

Terwyl die JSE beswaarlik die skuld vir Suid-Afrika se strukturele probleme kan kry, is dit nie magteloos om die vooruitsigte daarvan te verbeter nie. Warren Ingram van Galileo Capital meen dat sommige van die JSE se ellendes sy eie skuld is. “Sy sondes haal hom al baie jare lank in. Toe ons van fisieke aandeelsertifikate na elektroniese aandeelsertifikate oorgeskakel het, is ons as beleggers belowe dat Strate as die beurs se sentrale hoofbewaarplek van sekuriteite en sentrale bykomende platform dit goedkoper sou maak om aandele te koop, te hou en verkoop. In werklikheid het die teenoorgestelde gebeur en die beurs is nie doeltreffender nie.” Hy sê oorgeërfde bedryfstelsels het ’n probleem geskep, maar daar is meer strukturele kwessies. “Dit klink belaglik, maar JSE-genoteerde maatskappye weet nie wie al hul aandeelhouers…

Hoewel Suid-Afrika nie voorheen plundery en beskadiging van eiendom op die skaal van die opstand in Julie gesien het nie, is hy bekend vir sy gewelddadige stakings, sê Patrick Deale, arbeidsadvokaat van Deale Prokureurs. “Ons het almal al ’n staking beleef deur munisipale werkers wat die stad se vullis uitgooi, of werkers wat in die strate marsjeer, chaos veroorsaak en straatverkopers plunder.” In 2013 het vakbondlede ’n onbeskermde staking begin wat twee weke lank geduur het. Die onderneming In2Food het ’n dringende interdik van die arbeidshof teen die Food and Allied Workers Union (FAWU) en sekere werknemers verkry, maar die staking het voortgegaan met talle gevalle van geweld. Die maatskappy het skade van R16 miljoen gely. Die vakbond is met R500 000 beboet. Die arbeidshof het tydens stakings ’n sterker…

die South African Gold Coin Exchange (SAGCE) enThe Scoin Shop is bekend as leiers in die verhandeling van goudmunte. Met meer as 45-jaar-ervaring in die goudmuntmark, is die onderneming deurlopend besig om te ontwikkel om klante se ervaring te verbeter. Rael Demby, uitvoerende hoof van SAGCE enThe Scoin Shop, meen dat verandering in die lewe en sake onafwendbaar is. As tegnologie besig is om vordering te maak, so ook moet besighede. SAGCE enThe Scoin Shop was die eerste gewees wat kleinhandelwinkels, e-handel en kriptogeldbetaalstelsels in die bedryf ingevoer het. Hulle is besig om nuwe tegnologieë te benut deur’n verspreidingsooreenkoms metTroygold, ’n fintegmaatskappy in Stellenbosch, te onderteken. Demby sê: “Om in ’n snel veranderende wêreld te gedy is ons verbind tot buigsaamheid en aanpasbaarheid. Ons klante is op soek na ’n…

“NOU IS DIT JUS-TISIEMINISTER RONALD LAMOLA SE SKUIF.” – Mbhazima Shilowa, die voormalige premier van Gauteng, het in ’n News24-rubriek gesê die verantwoordelikheid om die verslag van besluite oor oudpresident Jacob Zuma se mediese parool en die mate waarin prosesse gevolg is, onmiddellik bekend te maak, lê by die minister van justisie, Ronald Lamola. Die departement het aangekondig dat die nasionale kommissaris van korrektiewe dienste, Arthur Fraser, Zuma mediese parool toegestaan het. Fraser het openlik erken hy het die paroolraad se beslissing om vrylating om mediese redes nie aan te beveel nie, verwerp. John Steenhuisen, DA-leier, het sedertdien ’n aansoek ingedien om Fraser se “onwettige” besluit te hersien en tersyde te stel. “As iets my uit die slaap hou … is dit buitelandse uitvloei.” – Dr. Leila Fourie, uitvoerende hoof…

Ford se visie vir die Silverton-monteeraanleg en Tshwane se spesiale ekonomiese sone vir die motorvoertuigbedryf (TASEZ) word vinnig ’n werklikheid. Die eerste fase van Ford se investering van $1,05 miljard om die Silverton-aanleg te moderniseer en uit te brei – om die produksie van die volgende generasie van die Ford Ranger-bakkie te vergroot – is reeds voltooi. Tydens ’n sluiting van sewe weke is opgraderings aan die Ranger-monteerbaan geïnstalleer en gevorderde tegnologie en stelsels ingestel wat die vervaardigingsbedrywighede op gelyke vlak met Ford se aanlegte elders ter wêreld geplaas het. Die aanleg kan nou 200 000 voertuie per jaar vervaardig, wat dit een van die grootste Ranger-produksieaanlegte ter wêreld maak. Die byvoeging van ’n derde skof maak dit vir Ford SA moontlik om tot 720 voertuie per dag te vervaardig…

vodacom bied ’n reeks dienste aan, insluitend mobiele stem-, boodskap-, data-en konvergensiedienste. Hy het die grootste aandeel in die mobiele mark in SA en is bedrywig inTanzanië, die DRK, Mosambieken Lesotho. Deur middel van Vodacom Business Africa (VBA), bied hy sakebestuurde dienste aan ondernemings in meer as 40 lande oor die vasteland heen. Sy mobiele finansiëledienste, M-Pesa en M-Pawa, bied geldoorplasings-, spaar-en kredietdienste. Geskiedenis van die aandeelprys Vodacom se aandeelprys het in 2017 ’n absolute hoogtepunt bereikteen R187,00 per aandeel. Toe stem-en SMS-inkomste begin afneem, het Vodacom na finansiële dienste uitgebrei en 34,94% van Safaricom vir R34,6 miljoen in Kenia verkry. Safaricom is nou die grootste maatskappy in Oos-Afrika met ’n markkapitalisasie van $13,3 miljard. Vodacom se aandeelprys het in 2018 opwaartse momentum begin verlooraangesien die trae SA ekonomie verbruiksbesteding…

SHOPRITE Uitsonderlike resultate Shoprite het syfinansiële resultate virdie 53 weke wat op 4 Julie geëindig het, op 7 September gepubliseer, en dit was uitstekend. Inkomste het met 8,1% gestyg, WVPA met 20,3% en die dividend met 42%. Dit was terwyl die res van Afrika weerwinsgewend geword het en R307 miljoen bygedra het nadat dit slegs R2 miljoen in die vorige jaaropgelewer het en ’n verlies in die 2019-boekjaar gely het. Sy handelsmarge was 6,1%, wat die beste is wat ek kan kryonderdie groot voedselkleinhandelaars oral terwêreld – die meeste was heel tevrede om ’n handelsmarge van 3% te behaal. Net ’n opmerking: Ek gebruik gewoonlik bedryfsmarge wat wisselkoerswinste of -verliese en wins op huurveranderings of kansellasies insluit. Dit sluit ook “kapitaalitems” uit, of waardedalings, en hiperinflasieverliese in Angola. Maar kleinhandelaars…

een van die belangrikervrae wat deesdae op die mark bespreek word, is of inflasie in werklikheid ’n verbygaande stand van sake verteenwoordig. Ons kan die vraag effens verder uitbrei en vra wat die impak in werklikheid sal wees as die Amerikaanse Fed uiteindelik sy bate-aankope geleidelik begin verminder of die monetêre verruiming wat hulle sedert die aanvang van dieCovid-19-pandemie beskikbaar maak, nou stopsit. Ek glo wel dat as ons hierdie twee vrae nou kan beantwoord, of ten minste darem met ’n redelike mate van akkuraatheid, ons ons portefeuljes sal kan posisioneer om voordeel te trek uit die verandering wat aan die kom is. Die eerste ding om na te kyk en in ag te neem, is die inflasiekoers – veral die inflasiekoers in Amerika, aangesien dit die Amerikaanse ekonomie is…

Beantwoord dr. ST Potgieter se vraelys: ◻ Word jou slaappatroon deur bekommernisse ontwrig? ◻ Voel jy minder effektief in die werksplek? ◻ Voel jy angstig om te begin werk? ◻ Voel jy oorweldig deur die lewe? ◻ Sien jy jou familie en vriende minder? ◻ Ervaar jy meer hoof-en spierpyne en is jy meer gereeld siek? ◻ Hou jy heeltyd die horlosie dop? ◻ Verval jy al meer in slegte gewoontes soos om meer te drink? ◻ Het jy jou sin vir humor verloor en oorheers negatiwiteit jou lewe? ◻ Voel jou werk en jou lewe vir jou leeg en betekenisloos? ◻ Voel jy oorlaai met jou werk? ◻ Voel jy gefragmenteerd met al jou verskillende take? ◻ Is jy besig om jou te isoleer van jou kollegas en vriende?…

Suid-Afrika se kitskosbedryf is ’n kenmerkende voorbeeld van ’n mededingende bedryf. Geen franchisegroep oorheers die mark nie: Terwyl KFC die grootste is, is daar minstens 20 ander handelsmerke met minstens 30 winkels. Dink maar aan Steers, Debonairs, Wimpy, Nando’s, McDonalds, Fishaways en King Pie – om maar ’n paar te noem. En daar is altyd nuwe toetreders. In 2018 het Bertus Basson, gevierde eienaar en sjef van Overture, De Vrije Burger, ’n burger-en-tjipskits-kosplek in Stellenborsh, begin. Ek vra hom wat hy van kitskos geleer het wat hy nie vroeër geweet het nie. “Eerstens is kitskos in baie opsigte ’n makliker sakemodel om te bestuur as ernstige aansitrestaurante. Aangesien ons kitskosmodel lineêr is, was dit makliker om ons span toe te rus om spesialiste op hul terrein te wees. Die selfdiensmodel…

Die aflossing van platinumgesteunde beursverhandelde fondse (ETF’s) in Suid-Afrika het in die tweede kwartaal 173 000 onse beloop volgens ’n verslag vroeg in September van die World Platinum Investment Council. ’n Onvermelde gedeelte van die fondse is na die JSE se platinumgroepmetale-aandele verskuif, sê die hoof van navorsing by die raad, Trevor Raymond, in ’n onderhoud. “Ek sal dit nie nou juis ’n vlug noem nie, maar verdienste vir die maatskappye was uitsonderlik,” het hy gesê. Implats het projekte aangekondig om hulpbronne uit te brei, maar hulle sal stadig in werking gestel word, aldus Raymond. “Dus moet jy meen dat dividende uitbetaal gaan word,” het hy bygevoeg. Die platinumprys het tussen Januarie en Februarie met een derde toegeneem – ongeveer $300 per ons – en het daarna met $100 per…

transformasie, die oplos van ondoeltreffendhede asook groei en uitbreiding vorm nou die breë verhaal en fokus van landboubeleid. Dit het reeds neerslag gevind in die nuwe meesterplanne van verskeie landboubedrywe, waaronder dié van die pluimveebedryf wat homself reeds jare lank probeer bevry uit die wurggreep van handelversteurings en internasionale roofhandel. Vóór die minister van handel, nywerheid en mededinging, Ebrahim Patel, die pluimveebedryf se herstelplan in November 2019 onderteken het, het Suid-Afrika weens bogenoemde probleme gesukkel om self in die groeiende vraag na pluimveevleis te voorsien. Die pluimveebedryf se uitbreiding het volgens Izaak Breitenbach, hoofbestuurder van die SA Pluimveevereniging (Sapa) se Braaikuikenprodusenteorganisasie, daartoe gelei dat die hele graanwaardeketting ook verder gestimuleer kon word. Die aantal hektare onder mielies en sojabone is met onderskeidelik 144 600 en 122 200 uitgebrei. Boonop is…

Bidvestse onlangseresultatevirdiejaartoteindeJunietoon wesensverdienste peraandeel (WVPA) op 1 183c en ’n dividend van 600c. Dit bring die aandeel op ’n p/v van 15 keer en ’n dividendopbrengs van 3,2% te staan. Die maatskappy het in die tweede helfte sterk van die Covid-19-inperkings herstel. Bidvest se balansstaat is sterk, met die vermoë om transaksies te finansieras aantreklike geleenthede hulle voordoen – heel waarskynlikdié wat sy bestaande werksaamhede sal onderskraag. Bidvest se sakebedrywighede is hoofsaaklikop SA toegespits, met 83% van sy verdienste voor rente, belasting, depresiasie en amortisasie wat plaaslikgegenereerword. Klaarblyklik skrikdit beleggers af wat die maatskappy as ’n spieëlbeeld van die SA ekonomie beskou. Daar is egter plaaslik geld te maak en Bidvest kan sygrootteen prysbepalingsvermoë gebruikom markaandeel in sy sektore te wen. Die nuwe bestuur sê wins is nou die fokus,…

die jongste aanduidings van die Fed het aandelemarkte gerusgestel dat dié sentrale bank nie roekeloos sal optree met die vermindering van effekteaankope nie. ’n Teleurstellende Amerikaanse werkskeppingsyfer het tot verdere omsigtigheid gelei, terwyl die Delta-variant van die koronavirus verdere ontwrigting tydens die komende winter in die Noordelike halfrond kan veroorsaak. Die Fed se boodskap was dat maandelikse effekteaankope teen die einde van die jaar kan daal, maar dit sal geleidelik wees en moenie as ’n aanduiding van ’n naderende rentekoersverhoging beskou word nie. Groot tegnologiemaatskappye se aandele het gevolglik gestyg, wat nog ’n terugslag vir daalverkopers was, omdat hulle gehoop het dat ’n strenger monetêre beleid hoofsaaklik die groot tegnologie-aandele van hul huidige hoogtepunte sou terugtrek. Apple het nuwe hoogtepunte bereik en sy markkapitalisasie tot $2 600 miljard verhoog, terwyl…

ons het die afgelope jaar ’n klomp nuwe beursverhandelde produkte (ETP’s) gesien noteer en het nou 85 beursverhandelde fondse (ETF’s) en naastenby soveel beursverhandelde notas (ETN’s) op die JSE. Die kwessie wat ek vandag wil aanroer, is hoe ’n mens besluit of ’n splinternuwe ETP die moeite werd is om by jou portefeulje te voeg. Die eerste vraag is of dit nie soortgelyk is aan die ETP wat jy reeds besit nie? Indien wel, is dit die moeite werd om ’n klompie besonderhede te kontroleer, soos die totalekosteverhouding (TKV) en of die ETP miskien ’n sogenaamde totaleopbrengsproduk is. ’n Goedkoper TKV is altyd aantreklik en om die nuwer en goedkoper produk te koop of nie, is dan ’n maklike besluit – doen dit. Totale opbrengs beteken die ETP sal die…

Leila Fourie, uitvoerende hoof van die JSE, sê ’n onlangse Bloomberg-ontleding toon dat SA aandele teen ’n afslag van 27% teenoor ander ontluikendemarkte- en teen ’n afslag van 50% teenoor internasionale portuurgenote verhandel. “Dit dui op ’n fantastiese geleentheid om in hoëgehalte-aandele in die SA mark te belê.” Sy sê al is sekere sektore erg geraak deur inperkingbeperkings en onsekerheid wat deur Covid-19 veroorsaak is, het sommige van die aandele wat die ergste geraak is indrukwekkend herstel. “Die Fini15, ons kernindeks vir die finansiële sektor, het in die jaar tot dusver met 22% gestyg – veel meer as die indekse van tien hulpbronaandele (vanjaar sover 9,47% hoër) en 25 nywerheidsaandele (vanjaar sover 6,46% hoër).” Warren Ingram van Galileo Capital sê aanduidings van ekonomiese hervorming toon dat positiewe veranderinge op pad…

die rol van ’n beleggingshoof is hoofsaaklik om ’n firma se portefeulje van bates te verstaan, te bestuur, te monitor en beleggingstrategieë, onder meer vir groei, te bepaal. Tydens die wêreldwye pandemie, die grootste sodanige gebeurtenis sedert die groot depressie wat die wêreldekonomie en openbare markte hard getref het, het Adriaan Pask, PSG se beleggingshoof, by diversifikasie gehou as een van die belangrikste beleggingstrategieë om die storms te deurstaan, en deurlopend multibateportefeuljes aanbeveel om wisselvallige markte die hoof te bied. “Mense praat so dikwels oor diversifikasie dat dit eintlik soms as ’n holruggeryde onderwerp beskou word,” sê Pask. In die huidige klimaat is dit egter “super belangrik, want ons verwag om nog meer wisselvalligheid te sien”. Regulatoriese ingryping opvallend Naas die ingrypende uitkring-effek wat die wêreldwye pandemie het, het Pask…

Uyagula Hierdie uitgawe se isiZulu-woord is uyagula. Uyagula is “hy/sy/dit is siek.” Met ’n effens ander klem op u is dit “jy is siek.” Die woord is ’n samestelling van twee woorde - uya (“jy/hy/sy/dit is”) en gula (“siek”). Uya kan ook wees “jy/hy/sy/dit gaan na ’n plek.” Kom ons fokus op uyagula as “hy is siek.” En ja, hierdie stuk handel oor Zuma. Nee, nie die een waaraan jy dink nie, nie daardie een nie. Dit gaan hier oor my man, Edward. Sy arme pa is op mediese parool vrygelaat omdat hulle vir ons sê uyagula, maar dan sê Edward in ’n onderhoud sy pa is gesond en fiks. Uyagula uEdward. Hoe kan jy jou pa sommer so onder ’n bus ingooi? Ek dink ek weet wat aangaan –…