Tabla de contenidos para 2/18/2021 en Finweek - Afrikaans

ons sit met ’n reuse-probleem in die Suid-Afrikaanse ekonomie. Ek sal myself verstout om te sê dis dalk ’n effens groter probleem as wat die minister van finansies het om die staat se boeke te balanseer. Die probleem is dat daar hopeloos te min formele klein en middelslagondernemings in Suid-Afrika is. Moenie my verkeerd verstaan nie: Ondernemings in die informele sektor wat op die oorlewing van die eienaar fokus, is van kardinale belang om armoede teen te werk. Maar formele klein en middelslagondernemings, juis vanweë hul geformaliseerde aard, het ’n groter kans op groei en finansiële sukses vanweë onder meer toegang tot finansiering, versekering en geografiese reikwydte (te danke aan toegang tot vervoer). En dis juis die groei-aspek van formele klein en middelslagondernemings wat so van kritieke belang is om…

“TELEURGESTELD OM NIE OMMESWAAI TE ERVAAR.” — African Bank het aangekondig dat sy uitvoerende hoof Basani Maluleke ’n dag voor die bekendmaking van die eindjaarresultate gaan vertrek om “ander loopbaangeleenthede” na te streef. Volgens Business Day is Maluleke se bedanking die gevolg van haar “moeilike” werkverhouding met Thabo Dloti, die bank se voorsitter en voormalige uitvoerende hoof van die Liberty-groep. Maluleke sê sy is teleurgesteld dat sy nie die ommeswaai van die organisasie kon deursien nie, terwyl Dloti vinnig gereageer en gesê het dat die transformasie van die bank sedert hy vyf jaar gelede uit kuratorskap gekom het, nie aan enige enkele persoon toegeskryf kan word nie. “Wat is die waarde om hom van intelligensie te voorsien.” – Die Amerikaanse president Joe Biden het aan CBS gesê oudpresident Donald Trump…

MTN se omswaaistrategie om sy skuld te verminder, sy portefeulje te vereenvoudig, uitbreiding in nuwe markte te finansier en sy bedryfsrisiko’s te beperk, lyk suksesvol. Hy beplan om sy belang van 20% in die Belgiese telekommunikasiediensverskaffer Belgacom International Carrier Services vir R1,8 miljard te verkoop. Hy het by die skryf hiervan R14 miljard (aanvanklike teiken R15 miljard) deur sy bateverkoopprogram van 2019 tot 2021 verkry deur niekernbates te verkoop. Hy verkoop ook sy telekommunikasietorings in Ghana, Uganda en Botswana vir $523 miljoen aan ’n filiaal van die American Tower Company en wil die aflossing van sy voorkeuraandele in Nigerië afhandel. Hy wil ook aan die Midde-Ooste onttrek deur sy belang van 75% in die Siriese onderneming aan Teleinvest te verkoop. Hoe om hom te verhandel: MTN herstel in sy langtermyn-daaltendens.…

ek het al voorheen geskryf oor die onderwerp van ’n belegger wat soos ’n eienaar optree. Ek wil weer daarby uitkom omdat dit belangrik is, veral omdat talle van Suid-Afrika se genoteerde aandele steeds onder druk van die pandemie is en omdat die inperking dit op sekere maniere makliker gemaak het. Verbeel jou vir ’n oomblik dat jy ’n klompie pizza-restaurante besit. Jy besit hulle, maar jy bestuur hulle nie – die bestuur daarvan laat jy aan pizza- -kundiges oor. Dit is naastenby hoe dit werk wanneer jy genoteerde aandele op die aandelebeurs koop. As eienaar van hierdie pizza-restaurante, sal jy nie eenvoudig terugsit en vir die jaarresultate en dividend-uitbetalings wag nie. Jy sal ten minste ’n aktiewe belegger wees wat nou en dan by een van die restaurante sal…

gegewe Suid-Afrika se swak ekonomie is daar min twyfel dat die regering geen keuse het as om strukturele hervormings deur te voer en sy uitgawes te verminder nie. Die tyd vir praat is verby. Toe Suid-Korea in die laat 1990’s by die Internasionale Monetêre Fonds (IMF) beland het, het sy leiers die situasie ontleed en besluit om ideologieë en beleid wat nie werk nie, te laat vaar. Net 25 jaar later is die land se ekonomie mededingend. SA is op ’n soortgelyke keerpunt. Hy moet homself bevry van sy ideologiese wurggreep en die beleid wat die land tot dusver gevolg het. Besnoei lone in die openbare sektor Die openbare sektor se loonrekening moet dringend verminder word, soos die nasionale tesourie erken. Volgens syfers van die IMF vir 46 lande het…

finweek publiseer Kollektiewe Insig kwartaalliks namens die Suid-Afrikaanse beleggingsgemeenskap. Die menings wat hierin uitgespreek word, is nie noodwendig dié van die uitgewer nie. Alle regte word voorbehou. Geen deel van dié publikasie mag gekopieer of uitgesaai word sonder die vooraftoestemming van die uitgewer nie. SAMEROEPER Anne Cabot-Alletzhauser Praktykdirekteur van GIBS se inisiatief vir verantwoordelike finansies REDAKSIONELE ADVIESKOMITEE Jonathan Brummer Beleggingskonsultant van RisCura Kelly de Kock Bedryfshoof van Old Mutual Wealth Trust Company Lindelwa Farisani Hoof van ekwiteitsverkope: Suid- Afrika by UBS Investment Bank Professor Evan Gilbert Medeprofessor by USB en navorsingsontleder by Momentum Investments Delphine Govender Beleggingshoof van Perpetua Investment Managers Craig Gradidge Uitvoerende direkteur van Gradidge-Mahura Investments David Kop Uitvoerende direkteur van die Financial Planning Institute of Southern Africa Deslin Naidoo CFA, stigter en praktykdirekteur van GIBS se inisiatief…

vertroue is moontlik die gesogste betaalmiddel wat tussen ’n kliënt en ’n beleggingsbestuurder verhandel kan word. Maar dit is ietwat van ’n vae konsep omdat dit so moeilik is om te bepaal of te kwantifiseer. Vertroue is egter ’n werklikheid en daarsonder sal kliënte onwillig wees om hul swaar verdiende loon vir bewaring te oorhandig en dis onwaarskynlik dat hulle deur al die nukke van die finansiële markte steeds by jou sal belê. Die pandemie het talle nuwe risiko’s en uitdagings na vore gebring wat verdere druk op dié gesogte betaalmiddel plaas. Hierdie artikel som ons strewe en oortuigings op met betrekking tot beste praktyk wanneer dit kom by die bou en handhawing van kliënte se vertroue tydens die Covid-19-pandemie. Die alombekende hoekstene vir die verdien van ’n kliënt se…

“onderling verbind” is een van die konsepte wat oor die afgelope jaar in my gedagtes opgekom het. Ondanks die beperkings wat geografiese grense, politieke affiliasies of ons keuse van sokkerspanne moontlik op ons plaas, raak die menslike gemeenskap elke dag al hoe meer onderling verbind en geïntegreerd. Die laaste keer wat die wêreld in ’n greep van diepgaande maatskaplike verandering was – soos ons vandag is – was tydens die Tweede Wêreldoorlog. Almal wou hê, en dit was noodsaaklik, dat die wêreld weer tot normaliteit moes terugkeer; maar ook toe het veranderings diep posgevat. Wêreldleiers worstel met twee oorheersende uitdagings: hoe beveg ons die mediese krisis en hoe balanseer ons die ekonomie met die red van menselewens? Daar is beduidende hulpbronne en talle slim kenners wat tot oplossings verbind is,…

▸ In 2016 was daar 175 fondse. ▸ Vanjaar is daar 252 fondse (’n styging van 44% in die getal fondse). ▸ Teen 4 Februarie vanjaar het vyf fondse ’n negatiewe geannualiseerde opbrengs oor vyf jaar gehad waarvan vier fondse deur dieselfde fondsbestuurder bestuur word. ▸ Teen 4 Februarie vanjaar het net sewe van 175 fondse oor vyf jaar beter gevaar as die algehele opbrengs van die FTSE/JSE-indeks van alle aandele – ’n aanwyser wat alle uitkerings insluit. ▸ Teen 4 Februarie vanjaar het 145 uit 175 fondse oor vyf jaar beter as die verbruikersprysindeks gevaar. ▸ Teen 4 Februarie vanjaar het net 14 van 252 fondse oor een jaar beter as die algehele opbrengs van die FTSE/JSE-indeks van alle aandele gevaar. ▸ Teen 4 Februarie vanjaar het 11 uit…

Suster André en ’n gespook en spartel Kyk, ’n fisieke gewatertrappery is mos ’n besigheid wat enige aanskouer tot snelle hulp, stille angs of vreeslose hulpverlening van die trapper kan dryf. In die meer figuurlike sin van die woord laat ’n gewatertrappery ’n mens normaalweg stom. Maar die soort stom wat sy ontstaan put uit hulpeloosheid. Sodanige hulpeloosheid wil ’n mens nie in die midde van ’n dodelike pandemie by jou magshebbers bespeur nie. Maar dat die regering met sy entstowwe (dié wat werk en selfs dié wat nie werk nie) watertrap, is nou so. Een tante wat egter nie (figuurlik) watergetrap het deur haar lewe nie, is Suster André, ’n non uit Frankryk. Sy is die oudste persoon in Europa, 117 goeie jare, en het Covid-19 oorleef deur nie…

inligting is mag, dit weet ons. In die 1340’s het ’n groep sakemanne in die stad van Florence saamgespan om ’n posdiens te stig. Die diens het as Scarsella dei Mercanti Fiorentini bekend gestaan, en die doel daarvan was om gereelde briefwisseling tussen die ondernemings en hul agente in Barcelona, Parys, Keulen en Brugge oor te dra. Dit was ’n eenvoudige idee, maar die impak was ongekend: Dit het kommunikasie skielik betroubaarder gemaak sodat handelaars met gereelde tussenposes die pryse van goedere in verre markte kon bepaal. Ander innovasies het gevolg, soos fakture, vragbriewe en skeepsmanifeste. Dit is grotendeels hierdie innovasies wat die Florentynse handelaars in staat gestel het om meer suksesvol as hul mededingers te wees. Dit was nie lank nie voordat ander handelaars, soos dié in Venesië en…

barloworld het ná die afname in toerisme en ander soorte reise gedurende die Covid-19-pandemie besluit om sy motor- en vlootsake onder een leierskorps te konsolideer. Die groep het sy motorvoertuig- en-logistiekafdeling weer bekyk omdat die verkope van nuwe motors skerp afgeneem en die reële groei in voertuigverkope ondanks die lae inflasie- en rentekoerse aansienlik verlangsaam het. Sy aandeelprys het begin styg ná ’n aankondiging in Desember verlede jaar dat Barloworld met MMI Durban South Motors oor die verkoop van sy motorkleinhandelsake onderhandel. Op die grafiek: Barloworld se aandeelprys het in Januarie verlede jaar geval nadat ’n negatiewe kop-en-skouers-patroon (blou blokkies op die grafiek) onder 10 300c per aandeel gevorm het. Hy het agt maande lank op die rand van sy belangrike steuntendenslyn (vet, swart lyn) gewankel, maar het stewig bo…

DISTELL Sterker ná die pandemie Distell is die een ontspanningsverwante aandeel wat selfs sterker uit die pandemie uitgekom het. Dis deels danksy sy grootte, en deels ’n nuwe bestuurspan wat op sy handelsmerke en skuldvermindering fokus. Sy handelsverklaring vir die ses maande tot einde Desember bevestig dit. Hy het in dié tydperk 41 verkoopsdae verloor weens die alkoholverbod, maar tog was plaaslike omset plat, met volumes net 1,4% laer. Die res van die vasteland en uitvoere het albei met 20% gestyg. Die skuldverhouding tot verdienste voor rente, belasting, depresiasie en amortisasie, het van 3,1 keer in Junie 2020 tot 1,2 keer aan die einde van Desember verbeter. Wesensverdienste per aandeel (WVPA) sal na verwagting tussen 8,6% en 13,6% hoër wees. Dit plaas Distell op ’n verwagte prys-verdienste-verhouding van sowat 17…

beleggingstrategieë verskil en daarom moet ’n belegger of fondsbestuurder die verskillende strategieë identifiseer en dan bepaal hoe elkeen by spesifieke marktoestande toegepas kan word. Dis waar verantwoordbare beleggings (omgewing, maatskaplik en bestuur) my oog gevang het. OMB, oftewel ESG in Engels, is ’n beleggingsklas wat val onder die vaandel van “volhoubare beleggings”. Ter opsomming is ESG ’n beleggingstrategie wat ’n maatskappy se korporatiewe gedrag evalueer met die doel om die toekomstige finansiële prestasie van so ’n maatskappy te bepaal. Dit sluit aspekte in soos etiese en korporatiewe bestuurskwessies, die bestuur van ’n maatskappy se koolstofvoetspoor op die omgewing en om te verseker dat daar stelsels bestaan om ’n sin van aanspreeklikheid te verseker. Daar is sekere ESG-kwessies wat in so ’n beleggingstrategie hanteer kan word. Waarom ’n ESG-beleggingstrategie? Baie beleggers…

vra finansiëledienstemaatskappye se bestuurshoofde na hul maatskappye se reaksie op die Covid-19-pandemie en hulle vertel gewoonlik geesdriftig hulle het vinnig die oorgang gemaak om van die huis af te werk. Hulle verkondig hulle kon aan kliënte ’n soomlose transaksievermoë en ononderbroke toegang tot hul digitale platforms bied toe die grendelstaat op sy ergste was. Hul vertroue in die vernuwende tegnologieë waarop die vierde nywerheidsomwenteling berus, is moontlik geregverdig, maar dit verskuil ’n onheilspellende feit waarvan min bestuurshoofde weet. Die vinnige oorgang na alles digitaal verskans die sub-optimale kliënte-ervaring waaraan talle finansiëledienstekliënte voor die pandemie blootgestel was, want nuwe oplossings steun swaar op verouderde infrastruktuur en hulpbronne vir kliëntesteun. Innovasies soos toepassingsprogrammering-koppelvlakke (API’s), kletsbotte wat deur kunsmatige intelligensie gedryf word en digitale platforms skiet gewoonlik tekort wanneer daar ’n behoefte aan…

die wêreld het verlede jaar harde lesse geleer. Inperkings het mense gedwing om nuwe tegnologie te gebruik vir vergaderings, partytjies en samewerking met kollegas. Terselfdertyd is ons almal herinner aan die belangrikheid van menslike verhoudinge. Die wêreld sal dalk ’n beter plek wees nadat die pandemie verby is. Baie mense het ’n nuwe fokus op die omgewing, die gesinslewe en hoe ons ons werksdae struktureer. Verrassing Miljoene mense is deur die inperking gedwing tot ’n hersiening van hul geldbesteding. Dit sal in die toekoms voordelig wees vir spaarkoerse en opbou van bates. Ek is miskien naïef, maar ek glo dat baie van ons meer bedag sal wees op die manier waarop ons ons finansies bestuur en ons in die wêreld gedra. Volgehoue swaarkry en voortgesette finansiële onsekerheid sal waarskynlik nuwe…

as ’n mens aan telekommunikasiemaatskappye dink, is dit gewoonlik aan die groot netwerkverskaffers, naamlik die maatskappye soos Vodacom en MTN, of as dit in Amerika is, sal ’n mens aan AT&T en Verizon dink. Jy laat jou gedagtes selde so ver gaan as om te dink aan dié netwerke se onderliggende infrastruktuur. En ’n mens sal natuurlik gewoonlik dink dat hierdie groot mobiele netwerkverskaffers die infrastruktuur wat hulle gebruik self besit en in stand hou. Ja, so sal jy natuurlik dink, maar nee, dit is nie die geval nie. Of gewoonlik nee, in elk geval. En in hierdie artikel fokus ons op die maatskappy American Tower, wat sy hoofkantoor in Amerika het en wat op die New Yorkse aandelebeurs genoteer is (met die aandeelkode NYSE: AMT). Dis interessant dat American…

die ekonomiese moeras waarin talle maatskappye hulle bevind, benadruk die noodsaaklikheid van ’n geloofwaardige taksering wat ’n sakeonderneming se werklike waarde weerspieël. ’n Waardasie wat op datum is, is van wesenlike belang wanneer die eienaar of bestuur ’n onderneming wil verkoop, maar dis ewe belangrik vir regulatoriese voldoening, goeie bestuurstoesig, leningsaansoeke of die hernuwing van versekeringspolisse. Johann de Lange, waardasiekundige en medestigter van Worth.Business, sê sonder voldoende kennis van die metodologie en onderliggende aannames wat nodig is om by ’n geloofwaardige taksering uit te kom, is dit eintlik riskant om ’n interne waardasie te probeer doen. Nicholas Mothilal, direkteur by The Business Counter, beveel aan dat veral die eienaars van klein en middelslag-ondernemings jaarliks ’n hoëvlakwaardasie (lessenaarwaardasie) moet doen. sê hy. Waardasies is allermins ’n presies wetenskap. Dit verg ’n…

elke jaar voor die begrotingsrede, vra die minister van finansies, Tito Mboweni, lede van die publiek om wenke met hom te deel oor hoe om begrotingsgeld toe te wys om ekonomiese groei te stimuleer en armoede te verlig. Mboweni, wat later vandeesmaand sy begroting in die parlement ter tafel gaan lê, hoef nie verder te kyk as die onlangs gepubliseerde 2020-hersieningsverslag van die nasionale ontwikkelingsplan (NOP) vir inspirasie nie, in plaas van sy reklamefoefie wat die indruk skep dat gewone burgers se menings deur die regerende elite ter harte geneem sal word. Die hersieningsverslag van 75 bladsye bevat verskeie wenke vir Mboweni oor hoe hy die begroting moet benut sodat dit in sy doelwitte slaag. Dié oorsig, wat deur die nasionale beplanningskommissie (NBK) opgestel is, is ’n eerlike taksering van…

die finansiële resultate van die mynmaatskappye Glencore, Anglo American en BHP in Februarie , asook die JSE se edelmetaalmaatskappye Sibanye- Stillwater, Impala Platinum (Implats), en Gold Fields sal tot groot geesdrif onder beleggers lei. “ ’n Goeie, stewige dividend wat in die nabye termyn betaal word, kan ’n effense buffer bied teen ’n daling in die prys van kommoditeite as ons ’n regstelling ná die onlangse herstel ervaar,” het RMB Morgan Stanley in Januarie gesê. Nadat Kumba Iron Ore (waarvan Anglo American 70% besit) byvoorbeeld voldoende kontantreserwes opgebou het, sal hy na verwagting al die vrye kontant wat hy in die tweede helfte van sy finansiële jaar geskep het, uitbetaal. Dit sal na Exxaro Resources vloei, wat sy 20%-belang in Kumba se filiaal, Sishen Iron Ore, uitbetaal. Exxaro sal ongeveer…

Ek het die laaste paar maande telkens geskryf oor kommoditeitspryse en dat al die mynboumaatskappye baie goed vaar omdat die wêreldwye vraag toeneem. Die toename word in ’n groot mate deur infrastruktuurbesteding in reaksie op die Covid- 19-pandemie aangedryf. Plaaslike mynmaatskappye is in ’n goeie posisie met sterk balansstate, min skuld en geen groot projekte wat kontant en bestuurstyd opneem nie. Trouens, die balansstate is só sterk dat dié maatskappye ’n paar rekorddividenduitkerings kan doen. Kommoditeitspryse sal waarskynlik die volgende jaar of drie sterk bly, terwyl party verder kan styg. Die maklike wenopsie vir beleggers hier is die beursverhandelde fonds (ETF) Satrix Resi 10, wat die plaaslike hulpbronindeks naspoor. Die risiko met belegging in mynmaatskappye is dat hul bestuur ’n bestedingstog kan aanpak om mededingers uit te koop om hul…

met die wêreld wat daagliks verander en al die tegnologiese vooruitgang wat dit meebring, is die gesegde “jy is nooit te oud om iets nuuts te leer nie”, vandag seker meer relevant as ooit. Februarie is bekend as UA-seisoen – die maand waarin beleggers ekstra aandag aan hul uittreeannuïteite (UA’s) skenk, en meer onlangs, ook belastingvrye beleggings. Baie beleggers reken egter dat in hierdie afdeling daar niks nuuts te leer is nie, maar met die fokus meer op UA’s, was ek verbaas om onlangs, uit gesprekke met kliënte en in die algemeen, te leer hoeveel van die kleiner kenmerke van hierdie produk, mense redelik onbewus is van. Daar is ongetwyfeld ’n handvol van hulle, maar ek bespreek graag ’n paar wat ek persoonlik gereeld teëkom. Belastingvoordele Die belastingvoordele van ’n…

tien jaar gelede het Edward Kieswetter my ’n geleentheid gegee wat ’n ommekeer in my werk in finansies sou meebring. Ek het altyd gesê hy het vir my die beste werk in die finansiëledienstebedryf gegee. Nou meen ek dis werk wat almal in ons bedryf in ’n stadium in ons loopbane moet ervaar Edward is destyds pas by die Suid-Afrikaanse Inkomstediens (SAID) gewerf om Alexander Forbes deur ’n “moeilike tyd” tot in ’n nuwe era van “toewyding aan kliëntediens” te lei. By die SAID was hy adjunk-kommissaris en as sodanig intiem daarby betrokke om die SAID in ’n wêreldleier met die invordering van belastinginkomste te transformeer. Wat hy toe by Alexander Forbes wou hê, was ’n navorsingsinstituut wat fokus op hoe goed die finansiëledienstebedryf in kliënte se behoeftes voorsien. Dit…

Ons het duidelik beter antwoorde deur versekeraars nodig oor hoe hulle hul polishouers in sulke krisisse kan help – selfs nou, byna ’n jaar later. finansiële beplanners is gewoond aan situasies waar ons kliënte moet help om hul koers weens onvoorsiene lewensgebeurtenisse aan te pas. As probleme voorkom, is dit gewoonlik in die vorm van weerstand deur produkverskaffers. Dis wanneer die “bepalings en voorwaardes” uitgehaal word. Met Covid-19 was dit egter vir adviseurs sowel as produkverskaffers anders. Die blote omvang van versoeke om die een of ander soort planaanpassing was anders as enigiets wat ons nog vantevore gesien of ervaar het. Dis egter makliker gemaak deurdat die meeste verskaffers gevestigde sakepraktyke laat vaar en ’n bietjie verligting aan kliënte probeer bied het. Ons almal het lesse daaruit geleer. Rol van…

ondernemings is in die huidige klimaat gedwing om innoverende maniere te vind om sake te doen; en soms moes hulle hul hele bedryfsmodel aanpas. Party moes selfs met ander bedrywe saamsmelt om aan die gang te bly weens die wisselvalligheid wat die pandemie ontketen het. Maatskappye wat digitale e-handelsoplossings bied, is baie beter geposisioneer om by die nuwe sakevereistes aan te pas. Kleiner ondernemings met kleiner begrotings het dikwels net nie die geld om in hierdie infrastruktuur te belê nie en het die impak van die pandemie die ergste ervaar. Eenvoudige finansiële transaksies wat voorheen fisieke kontak vereis het, soos om elektrisiteit of kruideniersware te koop, skuld te vereffen of lenings aan te vra, is nou moeilik weens beperkte toegang wat vereis word deur sosiale distansiëring. Finansiëlediensteverskaffers moet nou sorg…

vir die meeste belastingbetalers is Februarie ’n tyd om hul aftreevoorsiening wat van belasting afgetrek kan word, weer te bekyk. Dit behels gewoonlik ’n hersiening van ’n mens se beleggingsdoelwitte en om hulle met die prestasie van jou huidige beleggings te vergelyk. Omdat baie van ons vir ons aftrede (en sekere diskresionêre besparings) deur kollektiewebeleggingskemas (effektetrusts) voorsiening maak, is dit soms nodig om die prestasie van dié spaarinstrumente te ontleed. Daar is in die algemeen – maar nie uitsluitlik nie – drie kategorieë effektetrusts wat dit kragtens die pensioenfondswet vir mense wat vir aftrede spaar moontlik maak om hul neseier in te hou. Aan die meer riskante kant is daar die multibate- hoë-aandeelfondse, waarna ’n mens as die gebalanseerde fondse kan verwys. Hulle skram gewoonlik nie daarvan weg om hul…

Soort onderneming ’n Franchise-onderneming word as ’n veiliger opsie beskou as ’n soortgelyke onderneming wat nie deel vorm van ’n franchise nie. Dit is vanweë die suksesformule, franchisehandleidings en die franchisegewer se deurlopende steun en advies. Handelsbanke gee makliker finansiering vir dié soort ondernemings, wat ’n groter groep kopers skep en die oënskynlike waarde laat styg. Bategrondslag ’n Sakeonderneming met ’n lae bategrondslag (diensgerigte onderneming) behaal nie dieselfde waarde as ’n onderneming met ’n groot bateregister (soos ’n vervaardigingsonderneming) nie, al lewer hulle dieselfde wins. Die hoofrede is dat handelsbanke bates sal finansier, maar nie klandisiewaarde nie. Bestuur Sakeondernemings wat deur bekwame bestuurders bestuur en bedryf word, dwing gewoonlik ’n sterker verkoopsprys in die mark af. Die rede is dat dit die kopersmark oopgooi vir moontlike beleggers wat verkieslik nie…