Tabla de contenidos para 11/26/2020 en Finweek - Afrikaans

ek en my man is besig om na ’n nuwe huis toe te trek. Soos baie ander mense wat vanweë die pandemie gelukkig genoeg is om van die huis af te werk, het ons die afgelope tyd baie ure tuis deurgebring en genoeg tyd gehad om deeglik oor ons finansies en behoeftes te besin. Om in jou eie huis te woon, is ’n voorreg; ek wil dit nie onderspeel nie. Daar is egter baie dinge wat ’n mens – met nabetragting – goed moet oorweeg voordat jy dié sprong waag. En, ek moet erken, ons het al frustrasies ervaar wat ons soms laat spyt voel het ons het die verantwoordelikheid van huiseienaarskap aanvaar. In elk geval, nou skaal ons af. Ek het al nagte en naweke deurgebring om te pak.…

Ek het al geskryf dat sekere klein-en middelkapitalisasie-aandele stewige resultate en handelsverklarings uitreikwat met stygings verras. In sommige gevalle het aandeelpryse vanweë die nuus verdubbel. Ashburton MidCap ETF (JSE-kode: ASHMID) word dikwels ’n beursverhandelde fonds (ETF) van die Suid-Afrikaanse sakesektor genoem, want die meeste van die aandele waaruit dit bestaan, verdien die meeste of al hul inkomste in die plaaslike ekonomie. Sake is wel steeds moeilik in SA, maar dit beteken nie dat daar nie geleenthede is nie. Dié ETF het tydens die streng inperking die helfte van sy waarde verloor, maar het intussen 50% van die verlies verhaal. Met ’n historiese prys-verdienste-verhouding van 16,5 is dit billik geprys, maar namate verdienste verbeter, is daar heelwat ruimte vir’n styglopie. Die ETF se grootste belange is onder meer Clicks, Remgro, Northam…

die bestuur van voorraad – dit wat ’n onderneming hou om in die toekoms te verkoop – is vir die meeste ondernemings ’n deurslaggewende kuns. Die uitsondering is suiwer tegnologie-ondernemings wat nie apparatuur verkoop nie, en finansiëledienstemaatskappye, wat gewoonlik kontant het en kapitaaltoereikendheidsverhoudings as ’n soort voorraadmaatstaf gebruik. Tradisionele kleinhandelaars, vervaardigers en mynboumaatskappye het egtervoorraad beskikbaar. Deesdae, met internasionale aanbodkettings en net-betyds-voorraadhouding, kan dit ’n mededingende voordeel wees om voorraad doeltreffend te bestuur. Tim Cook se opgang by Apple onder Steve Jobs was deels die gevolg van sy bemeestering van aanbodkettings, waar tienmiljoene iPhones in China vervaardig word uit onderdele van talle verskaffers wat oor Europa en Asië versprei is, en om dan te sorg dat elke iPhone by die regte winkel is wanneer ’n klant instap om daardie model…

kan ’n mens die meningspeilings oordie Amerikaanse verkiesing vertrou? In Oktober 2016 is daar vir Hillary Clinton ’n 91% kans gegee om DonaldTrump te verslaan. Vyf dae later het ’n nuusagentskap ’n peiling vrygestel wat haar ’n paar punte voorTrump geplaas het. Opgewonde vanweë die peilings het Demokrate die verkiesing genader met ’n vreugdevolle gevoel van onafwendbaarheid. Die kollektiewe ongeloof toe Clinton verloor, was verwarrend: hoe kon die peilings so verkeerd gewees het? Met die onlangse verkiesing was Joe Biden met dubbelsyfers voor Trump tot verkiesingsdag. Tans lyk dit asof Biden die Amerikaanse verkiesing met ’n marge van 4% tot 5% gewen het (dit is nou asTrump toegee). Dit beteken dat die peilings met gemiddeld ongeveer 5% tot 6% uit was. Na die 2016-stembus-fout, wonder ’n mens waar die samestellers…

suid-Afrika se verslegtende finansies het die land tot by die rand gebring van wat ekonome as ’n fiskale afgrond beskryf – wanneer’n land nie genoeg kan leen om sy bestedingsvereistes te dek en sy skuld terug te betaal nie, want hy kan óf niemand vind om by te leen nie, óf krediet het onbekostigbaar duur geword. Die kanse om oor die rand te stort, lyk ál groter, want SA se planne om sy leningsbehoefte oordie volgende drie jaar te bestendig, is byna heeltemal daarvan afhanklikdat die regering sy opgeblase salarisrekening bevries wat vanjaardie helfte van die land se belastinginkomste sal insluk. Sover is daar geen aanduiding dat die vakbonde, wat nie geraadpleeg is nie, sal instem tot die strategie wat in Oktober se mediumtermynbegrotingsraamwerk uiteengesit is en sal wegbreek van…

Hoe goed bly jy op die hoogte van sake? Vind uit deur ons jongste vasvrawedstryd vanaf 23 November aanlyn te voltooi by fin24.com/finweek. 1. Waar is Petra Diamonds se primêre notering? 2. Waar of onwaar? Tupperware het ’n ooreenkoms aangegaan om die plaaslike skoonheidsonderneming, Avroy Shlain, te verkoop. 3. Waar is Aspen Pharmacare se hoofkantoor in Suid-Afrika? 4. Vul die weggelate syfer in. SA se werkloosheidsyfer het in die derde kwartaal van 2020 tot ______gestyg. ■ 29,7% ■ 30,8% ■ 32% 5. Waar of onwaar? Die DA het Anton Bredell as sy nuwe federale leier verkies. 6. Wat is die hoofstad van Bosnië? 7. Wie het die Amerikaanse aangewese president, Joe Biden, as sy stafhoof aangestel? ■ Mick Mulvaney ■ Richard McDonough ■ Ron Klain 8. Waarvoor staan die bank…

teen die einde van Oktoberwas Suid-Afrika seCovid-19-sterftesyfer (bevestigde sterftes gedeel deur die bevestigde gevalle van die siekte) 2,7%. Hierdie syfer toon natuurlik nie die groot verskille in ouderdom nie. Wêreldwyd is die sterftesyfer 0% vir mense jonger as 10 jaar; maar vir diegene ouer as 80 is dit bo 10%. Anders gestel: vergeleke met mense in hul 20’s, is dit nege maal minder waarskynlik dat babas sal sterf. Dis egter agt maal waarskynliker dat ’n 75-tot 84-jarige in die hospitaal sal beland en 220 keer waarskynliker dat hy/sy sal sterf. Hierdie groot verskille lei daartoe dat ekonome ’n belangrike vraag in verband hiermee kan ondersoek: tot watter mate beïnvloed risiko ons gedrag? Die gedragsekonomie in handboeke vir eerstejaarstudente, waarvolgens verbruikers die nut van iets as die belangrikste aspek daarvan beskou,…

nadat hy sy eerste korporatiewe werk in 2015 in die navorsings-en ontwikkelingspan van Discovery losgeslaan het, het dr. Thomas Brennan al hoe meer bewus geword van die hindernisse wat Suid-Afrikaners verhoed om hul geld te belê om welvaart te skep eerder as om dit in ’n bank te los waar dit stadiger kan groei weens inflasie. Hy het talle finansiële adviseurs geraadpleeg, maar nie een het aan sy verwagtinge voldoen nie. “As programmeerder wat in masjienleer spesialiseer, het ek die data wat hulle my gegee het, gebruik om simulasies te ontwikkel van hoe hulle voorgestelde beleggings sou presteer, insluitend die deurlopende gelde. Die meeste van hulle het nie eens die moeite gedoen om my te antwoord toe ek hierdie simulasies pere-pos aan hulle gestuur het nie,” sê Brennan. Hy was…

“dag een, as ek wen, gaan ek ons Navobondgenote skakel en sê: ‘Ons is terug’,” het die Amerikaanse aangewese president, Joe Biden, in Julie aan Arizona-TV gesê. Dit behoort werklik’n groep-oproep te wees wat die hele wêreld betrek. Behalwe ’n paar uitsonderings, soos sy mede-populis, Jair Bolsanaro, president van Brasilië en sonder twyfel sy groot vriend, die Russiese president, Wladimir Poetin – is die wêreld ondenkbaarverlig oorwat hy hoop die naderende uittog uit dieWithuis sal wees van DonaldTrump – die aggressiewe en beledigende eensydige persoon wat sy rug op die wêreld gekeer het. Maar sy vertrek is egter nog nie verseker nie omdat Trump weier om te erken dat hy verloor het, selfs al het Biden 306 stemme in die verkiesingskollege op hom verenig – 36 meer as wat hy…

China se internetsektor het in die tweede weekvan November sowat $290 miljard se waarde verloor. Dit het gekom na die regering op internetreusetoegeslaan het deurvirdie eerste keer teen-mededingingsreëls toe te pas om monopolistiese praktyke ondertegnologiese uitleners uit te skakel – die einde van ’n era. Dit kom terwyl die Europese Unie en Amerika ook die mag van internetreuse probeer beperk. Die Chinese regering wil aanlyn platforms keer om saam te sweer en sensitiewe verbruikersdata te deel, kleiner mededingers uit te druk, en dienste teen onder koste te subsidieer om mededingers uit te skakel. Volgens ontleders salTencent beter daaraan toe wees omdat sy kernsake, van sosialemedia-advertensies tot videospeletjies, min met die ware ekonomie en mense se lewensbestaan te doen het, anders as e-handel-en finansiële platforms. Met dié dat Tencent Naspers* se…

GROWTHPOINT Boekbousukses Growthpoint het laat kapitaal begin verkry, maar die versnelde boekbouproses kry baie steun met dié dat R4,3 miljard teenoor die beplande R4 miljard ingesamel is, luidens ’n aankondiging op 12 November. Die gepaardgaande verklaring was nie mooi nie, maar Growthpoint is nou goed gekapitaliseerd, en selfs al is uitkerings van 100% tot 75% verminder, is dit die beste aandeel in die genoteerde eiendomsektor. DIS-CHEM Brei uit na primêre gesondheidsorg In Dis-Chem Group se resultate virdie ses maande tot 31 Augustus het die wesensverdienste per aandeel met 16,2% gestyg, vergeleke met dieselfde tydperk verlede jaar. Wat werklik uitstaan, is die aankondiging dat die dividend gekanselleer is vanweë “ ’n aantal potensiële strategiese verkrygings”. Dis-Chem het benewens die koop van BabyCity wat reeds aangekondig is, twee verkrygingsteikens op die radar:…

wat ’n jaar was dit nie tot dusver nie. Die meeste nuus vanjaar was negatief, met woorde soos Covid-19, pandemie, inperking, markregstelling en ekonomiese resessie oral om ons. Plaaslik het ons ook ’n paar ander beskrywings gehoor, soos rommelstatus en buitelanders as netto verkopers van plaaslike aandele en effekte. Aangesien buitelanders al 16 agtereenvolgende maande netto verkopers van Suid-Afrikaanse aandele was, wil ek hier vra of daar dalk nog êrens so iets soos kopers van SA aandele is. Die kort antwoord is, ja, beslis. Onlangse nuus oor plaaslike maatskappye was in werklikheid baie positief, en dit kan heel moontlik tot meer goeie nuus lei. Kom ons kyk na ’n paar moontlikhede. Adcock Ingram In totaal word 99% van Adcock Ingram se omset in Suider-Afrika gegenereer. Vroeër vanjaar het hy 1,5%…

“EK SAL SLEGS OPSY STAAN AS DIE TAKKE WAT VIR MY GESTEM HET, MY VRA OM DIT TE DOEN.” − Na sy eerste verskyning in die hof op 21 aanklagte van beweerde korrupsie en bedrog, het die ANC se sekretaris-generaal, Ace Magashule, ’n skare ondersteuners toegespreek en gesê dat hy nie uit sy pos gaan bedank nie omdat hy op ’n konferensie deur die party se takke verkies is. Magashule het tot die verdediging oorgegaan en het gesê daar is ’n politieke heksejag teen hom. Hy het ook sy kritici gedreig dat hy weet van mense se korrupte geheime en dat hy hulle eers sal ontbloot wanneerdie tyd ryp is. Magashule is op borgtog van R200 000 vrygelaat. “Ons respekteer die keuse van die Amerikaners.” – Die woordvoerder van die…

die rehabilitasie van die mynbousektor sedert die donker dae van 2017 – toe die bedryf ’n vyftiende agtereenvolgende jaar van onderprestasie behaal het – was opmerklik. Dit is ’n herstel van oorbesteding en die daaropvolgende chroniese skuld, wat in goud duidelik was. Goudmyngroepe op die Kanadese Scotiabank se radar het sedert September dividendstygings van gemiddeld 70% behaal. Die gemiddelde dividendopbrengs vir gevestigde en intermediêre multibate-goudprodusente is nou 2%, wat die S&P 500 se opbrengs van 1,6% oorskry. Teen dié opbrengs sal goudprodusente meer algemene en inkomstegefokusde beleggers lok. “Die aansienlike verhogings wys goudprodusente het geleer uit hul foute en gaan kapitaaldissipline handhaaf,” sê Scotiabank. “Dit dui ook op produsente se vertroue om suksesvol deur die voortslepende pandemie te kan werk.” Suid-Afrika se goudsektor bevestig dit. Harmony Gold is een van…

suid-Afrika se grootste distilleerder, Distell, se aandeelprys het met 39% oor die afgelope 30 dae gespring namate beleggers hul sentiment jeens alkoholprodusente aangepas het. Distell verhandel sedert Maart sywaarts tussen 6 640c en 8 900c per aandeel. Dit het stygende onderpunte binne die sywaartse patroon gevorm, nadat Distell in Augustus bekend gemaak het dat sy resultate virdie volle jaar veerkragtig in Afrika presteer het, ondanks Covid-19. Vooruitsig: Hoewel die groep ongeveer100 miljoen liter in verkoopsvolume en R4,3 miljard in inkomste weens die inperking verlooren dividende tydelik opgeskort het, het hy hom goed vir die herstel gedurende die inperking geposisioneer. Eerder as om werkgeleenthede te besnoei, is salarisse verminder. Die verligting van landbou-uitvoerregulasies gedurende vlak 4 het Distell in staat gestel om oop bestellings ter waarde van ongeveer R440 miljoen te…

dis weer tyd om te begin dink aan wat sommige van die belangrike marktemas in die komende jaar gaan wees. In vorige artikels het ons party van die beursverhandelde fondse (ETF’s) uitgelig wat ons in die energiesektor koop en wat meestal op blootstelling aan oliedienste, energieproduksie en uraan gemik is. Ons meen dat olie, aardgas en energie in die algemeen vanweë die aanboddinamiek in die oliemark aanstaande jaar groot temas gaan wees. Daarom gaan ons die energiemark in dié artikel van nader bekyk, asook een individuele maatskappy wat ons meen deur ’n terugkeer na energievraag bevoordeel gaan word namate die wêreld uit die wêreldwye Covid-19-verlangsaming tree. Kom ons begin met olie. Soos altyd word pryse aangedryf deur vraag en aanbod. Dis nie werklik verbasend nie, want dis hoe die prys…

die dag 27 November is die 20ste herdenking van die notering van die eerste beursverhandelde fonds (ETF) in Suid-Afrika – die Satrix 40 (STX40*). Dit het teen 774c per aandeel genoteer en verhandel met die skryf hiervan teen 5 267c. Dividende wat oor die 20 jaar ontvang is, beloop ’n bykomende 1 517c, wat ’n totale opbrengs van ongeveer 776% oor die twee dekades verteenwoordig. Sy prys het nog nie tienvoudig vermeerder nie, maar dis ’n goeie opbrengs vir niks doen nie (behalwe dat jy hom met sy notering moes gekoop het). Toe ETF’s hul verskyning in Suid-Afrika gemaak het, was hulle nie wêreldwyd iets nuuts nie, maar hulle het destyds nie juis byval gevind nie. Terloops, toe Jack Bogle sy eerste indekseffektetrust in 1975 bekend gestel het, het die…

Chester Missing @chestermissing Die SAUK sê hy gaan sy stroomdiens Netniks noem. James Breakwell @XplodingUnicorn As jy onseker is of jy kinders moet hê, my driejarige dogtertjie het tekere gegaan omdat haar tong pienk is. Elizabeth Windsor @Queen_UK President Trump is gefrustreerd. Hy tel stemme, maar hy het al sy vingers gebruik en kan nie sy tone sien nie. Max du Preez @MaxduPreez My vrou: Het jy die rommel uitgevat soos ek gevra het? Ek: Ek wil die vraag nie beantwoord nie ingeval ek myself inkrimineer. #InTheDudu Jimmy Kimmel @jimmykimmel AsTrump weier om dieWithuis te verlaat, moet hulle dit “Viëtnam” noem. Hy sal vinnig padgee. Mommy Laura @lmegordon Jy kan my nie seermaak nie. Jy is nie ’n foto van my wat my man geneem het nie. Forrest B @ForrestBrung…