Tabla de contenidos para 9/10/2020 en Finweek - Afrikaans

om volgens ’n reëlmatige tweeweeklikse saktyd te werk, laat ’n mens nogal jou lewe en hoe jy tyd meet in weeklikse blokke opdeel. Sodra ’n saktyd gehaal is, begin jou beplanning vir die volgende een. Telkens merk jy nog ’n week af en begin die proses opnuut. Waar ek hier skryf, is dit die 24ste week waarin die finweek-span van die huis af werk. Die grendelstaat het ons te midde van saktyd getref en ons moes kopkrap hoe om dit van ’n afstand af te haal. Die aard van die tydskrifproduksieproses maak dit onvermydelik dat iets onverwags altyd voorval, al beplan jy hoe sorgvuldig. Gelukkig het ons bitter klein spannetjie goed gekonfyt geraak om krisisse te hanteer. Soos ’n voormalige kollega graag gesê het: “Dis die finweek-manier.” So, ons het…

“BETALENDE KLIËN-TE SAL OPGESAAL SIT MET HOPELOOS INSOLVENTE MUNISI-PALITEITE WAT NIE HUL UITSTAANDE SKULD AAN ESKOM KAN BETAAL NIE.” – Waarnemende regter Anthony Millar het in Johannesburgse hooggeregshof beslis teen Eskom se besnoeiing van sy elektrisiteitstoevoer aan die plaaslike munisipaliteite van Lekwa (Mpumalanga) en Ngwathe (Vrystaat) weens wanbetaling. Moneyweb het berig dat Eskom die afgelope paar maande die toevoer van elektrisiteit aan hierdie twee en vele ander munisipaliteite in verskillende provinsies beperk het – nadat hy verskeie hofsake oor die afsny van krag verloor het. Millar het gesê Eskom moet probeer om geskille met munisipaliteite op te los voordat hy stappe doen wat groot menslike lyding meebring. “BESKULDIGDE NOMMER EEN.” − President Cyril Ramaphosa het in ’n brief aan lede gesê die African National Congress moet besef sy leiers word…

daarwas verlede week’n ritseling van onrustigheid onderontleders toe Patrice Motsepe, uitvoerende voorsittervan African Rainbow Minerals (ARM), sy maatskappy se finale dividenduitkering van R7 per aandeel (totale dividend van R12 vir die 2020-boekjaar) verdedig het ten gunste daarvan om kapitaal vir groei, hoofsaaklik projekte, opsy te hou. RMB Morgan Stanley meen die uitkering is “beskeie”, veral omdat ARM R3 miljard kontant het. Motsepe het egter gesê ARM ondersoek weer nuwe koperbeleggings, en ander gesprekke oor projekinvestering gaan voort. Motsepe het ook gesinspeel op die potensiaal in Harmony Gold, waarin die maatskappy ’n belang van 13,8% besit, en gesê die maatskappy het ’n belangrike koper-en-goud-prospekteerplek in die politiek gespanne en verafgeleë Papoea-Nieu-Guinee in die Stille Oseaan. Dis egter so dat ARM nie die beste prestasiegeskiedenis met projekte het nie. Hy het onlangse…

die National Education, Health and Allied Workers’ Union (Nehawu) het vir 3 September (die dag nadat hierdie uitgawe van finweek drukkertoe is) ’n landwye staking deur sy 240 000 lede uitgeroep. Die vakbond eis dat die regering sy bevriesing van staatsamptenare se salarisse herroep en genoeg persoonlike beskermendetoerusting (PBT) voorsien aan lede in die voorste linie van die pandemie. “(W)erkers is woedend oor die stadige pas van transformasie en die regering se onvermoë om staatsamptenare se lewens te verbeter, onder meer deur loonverhogings te bevries en na te laat om Resolusie1 van 2018 in werking te stel terwyl hulle toekyk hoe die elite by korrupsie baat vind danksy PBT-tenders en die verskaffing van ander noodsaaklikhede virCovid-19,” het Nehawu met die afkondiging van die staking verklaar. DieVereniging van Staatsamptenare (VSA) en…

Toe Massmart waarsku syverdienste virdie eerste vyf maande van die 2019-boekjaar kan met tot 50% daal, het sy meerder-heidsaandeelhouer Walmart een van syeie mense ingestuurom die agteruitgang te stuit. Só is Mitchell Slape as uitvoerende hoof aangestel. Massmart besit 423 winkels wat in 13 lande suid van die Sahara onder die handelsname Game, Builders Warehouse, Jumbo, Cambridge Food, Makro en DionWired sake doen. Slape het ’n regrukplan in werking gestel om koste te besnoei en winste en marges te verbeter. Massmart se verkope in die19 weke tot Mei 2020 het met 11,9% afgeneem weens die staat van inperking toe hy die meeste van sy algemene handelsware, huisverbeterings-en drankprodukte vyf weke lank nie kon verkoop nie. Hoewel hy 1 800 poste by sy sukkelendeGame-winkels – wat die groep se winste ’n…

die verdiensteseisoen het weer by die JSE aangebreek, met resultate vir die middel van die jaar in Junie en jaareindresultate wat nou gepubliseer begin word. En nou begin ons die ware uitwerking sien van die regering se streng inperking op maatskappye, wat laat in Maart begin het. Dit bied beleggers die werklike eerste aanduiding van hoe sake gedurende die inperking gevaar het en gee ons moontlik ’n vlugtige blik op hoe hulle sal herstel. Maar ten eerste is daar twee belangrike punte. Jaareindresultate sal net een kwartaal van die inperking insluit, terwyl middeljaarresultate ’n tydperk sal dek wat oor die helfte van die inperkingstyd strek. Dit is ook baie belangrik dat terwyl ons tans in vlak 2 van die inperking is, sake steeds riskant is en ons kan weer strenger…

in hierdie uitgawe van Fondsfokus is daar’n sterkvoorkeurvir buitelandse belegging, en daar is inderdaad talle goeie redes om blootstelling in die buiteland te wil hê. Dit help mense om hul blootstelling aan ’n enkele geldeenheid of mark te verminder, en bied diversifikasie ten opsigte van soewereine risiko, sodat jy nie aan politieke risiko in net een land blootgestel word nie. Suid-Afrika verteenwoordig minderas 1% van die wêreld se belêbare bates, en dit maak sin om blootstelling aan ten minste ’n deel van die ander 99% te kry. Een van die beste plaaslike presteerders is die Old Mutual Global Equity Fund, wat in die tien jaar tot Junie 2020 ’n geannualiseerde 21,2% verdien het, 13,5% oor vyf jaar en 21,1% in een jaar. Dit word in Londen deur Ian Heslop, Amadeo…

die plaaslike batebestuursbedryf het onlangs ’n toenemende aantal emigrasies en aftredes ervaar, en dit is verstaanbaar dat kliënte besorg is oor wie in die toekoms na hul swaarverdiende spaargeld gaan omsien. Na my mening, sal die stryd om talent in die jare wat voorlê waarskynlik toeneem, en dus sal die vermoë om talentvolle beleggingsberoepslui te lok en te behou werklik ’n mededingende voordeel wees. Ninety One is in ’n gunstige posisie omdat hy ’n internasionaal geïntegreerde onderneming is, wat sy personeel wêreldwyd geleenthede bied om te ontwikkel sonder die noodsaak om te emigreer, waar daardie emigrasie suiwer gegrond is op ’n gebrek aan plaaslike geleenthede om loopbane te ontwikkel. Clyde Rossouw, wat medehoof is van ons Quality-beleggingspan, woon in Kaapstad, maar bestuur ’n vooraanstaande internasionale aandelefonds, NinetyOneGlobal Franchise Fund. Insgelyks,…

ons as verhandelaars of beleggers is eintlik risikobestuurders en gewoonlik konsentreer ons op die risiko om geld te verloor. Risiko in die markte gaan egter oor meer as net om geld te verloor. Ek het voorheen al geskryf een van die wonderlike dinge van belê is dat jou daalrisiko tot 100% beperk is, want ’n belegging kan net tot op nul daal. Die beloning is egter onbeperk, want ’n aandeelprys kan hemelhoog styg. Hou ons dit in gedagte, is dit baie makliker om te belê – selfs al kom ons ’n paar nikswerd aandele langs die pad teë. Een van die wonderlike dinge van belê is dat jou daalrisiko tot 100% beperk is, want ’n belegging kan net tot op nul daal. Om te belê, behels egter meer as dit…

Waterstones Piccadilly @WaterstonesPicc ’n Klant het sopas ’n 2021-kalender gekoop. Meneer, ons bewonder jou optimisme. Songezo Zibi @SongezoZibi “Dooie man van Oos-Londen kry tender vir toerusting vir persoonlike beskerming”. Ware berig. JUSTICE 4 BELLY @findingmalo Ek het onlangs uitgevind babas huil wanneer ander babas huil omdat hulle empatie ontwikkel en nie daarvan hou dat ander babas verdrietig is nie. Tot nou toe het ek net gedog hulle is werkloos en het niks anders om te doen as om saam te huil nie. Mark @TheCatWhisprer UITGAAN: Kan nie wag om jou weer te sien nie. HUWELIK: Deel van jou knie was gisternag weer aan my kant van die bed. Paul Theron @paul_vestact Ons word versoek om plaaslike produkte te koop noudat die inperkingvernielde ekonomie sukkel om weer reg te kom. Ek…

ons eet almal te veel suiker. Ek het die afgelope twee jaar hard probeer om my suikerinname te verminder, met heelwat sukses het ek gedink, totdat ’n vriend die suikerinhoud van Mrs Ball’s-blatjang en All Gold-tamatiesous uitgewys het – stapelvoedsel in die Fourie-huishouding. Ons sal hom nie sommer weer vir ete nooi nie! Maar die gevolge van ons oorverbruik is geen grap nie. Die oormatige inname van suiker kan tot ’n groot verskeidenheid dieetverwante siektes lei, soos diabetes, kanker en hartsiekte. In Suid-Afrika is hierdie kwessies veral kommerwekkend. Die SA demografiese en gesondheidsopname van 2016 het bevind dat 68% van vroue, 31% van mans en 13% van kinders oorgewig of vetsugtig is. Die nasionale dinamiese inkomsteopname toon die groot geslagsgaping vir armes: hoewel slegs 4% van mans in die…

Daar word ernstig kopgekrap in ARM se finansiële afdeling. Die maatskappy is in die laaste fase van ’n interne forensiese ondersoek na hoekom daar nie van ’n ontvangbare item van ’n heel beduidende R230 miljoen rekenskap gegee kan word nie. Blykbaar is die kwessie al sewe jaar lank in die boeke. ’n Ouditeursverandering het tot ’n kwalifikasie van die balansstaat gelei wat ’n eksterne forensiese ondersoek sal vereis as dit nie in die volgende twee tot drie weke intern uitgeklaar kan word nie. ARM het aan ontleders gesê hy sal “baie verbaas” wees as die saak op bedrog neerkom, maar dit kan nie buite rekening gelaat word nie. Dit hou waarskynlik verband met die interafhanklike en komplekse web van lenings tussen hom en Glencore, sy vennoot in ’n gesamentlike onderneming…

shoprite, Afrika se grootste kruideniersgroep, het kop gehou toe Covid-19-vrese in Maart ’n wêreldwye uitverkoping ontketen het. Hy het stewige steun op 9500c per aandeel behou. Aan die einde van Augustus het Shoprite gesê dat sy verkope in die tweede helfte met 9,4% in die laaste drie maande van die fiskale jaar tot einde Junie gestyg het. Die streng inperking het Shoprite se verkope ’n hupstoot gegee terwyl sy Checkers Sixty60 digitale toepassing na 87 winkels uitgebrei is. Die verkope van sterk drank het egter met 29,5% gedaal. Vooruitsig: Ondanks sy vorige uitdagings van valutadevaluasie, bied Shoprite se gesentraliseerde voorraadketting die kruidenier ’n bedryfsvoor sprong, en sy handelsmerke is in ’n goeie posisie om in die verskillende teikenmarkte met uiteenlopende inkomstegroepe mee te ding – wat hom selfs ’n groter…

die mense hou daarvan om te sê dat die tyd vlieg as jy jou geniet. Ek het nog altyd gedink dat so ’n mening waar is – maar dit was voordat 2020 aangebreek het. Nou het ons so pas die laaste maand van die derde kwartaal van die jaar binnegegaan, en skielik is dit amper weer tyd om oor ons beleggings en finansies vir volgende jaar te begin dink. In die lig hiervan dink ek dit sal beter wees om, as ek mag, hierdie gesegde van ons so ’n bietjie aan te pas: “Die tyd vlieg as jy jou geniet, behalwe as jy ingeperk is, want dan vlieg die tyd selfs nog vinniger.” Met alles wat in 2020 gebeur het, wil ek drie onderwerpe bespreek wat beleggers met die oog…

die onlangse sarsie rentekoersverlagings kan vaste-inkomstebeleggers bekommerd laat oor toekomstige opbrengste. Histories het inkomstefondse egter steeds opbrengste gelewer wat inflasie klop en beter as kontant is – selfs ná rentekoersverlagings. Ons is optimisties oor die vooruitsigte vir vaste inkomste op mediumtermyn, maar die geleenthede is nie eweredig versprei nie. Nou, meer as ooit tevore, moet beleggers selektief wees. Gewoonlik presteer inkomstefondse tydens siklusse van stygende rentekoerse byna soos kontant, en aansienlik beter as kontant in ’n omgewing van dalende rentekoerse. Hierdie beter prestasie was duidelik in die vorige siklusse van rentekoersverlagings in die vroeë 2000’s, ná die internasionale finansiële krisis (IFK) en ook tans, ná die kumulatiewe rentekoersverlaging van drie persentasiepunte. Basiese beginsels van vaste inkomste Opbrengste op vaste-inkomstebeleggings bestaan uit ’n inkomstekomponent (inkomstekoerse) en ’n kapitaalkomponent (opbrengste verkry weens…

verbeel jou jy is in Mei 2012 by ’n skemerkelkiepartytjie. Die gesprek draai na die aandelemark, en jou vriendin noem dat sy daardie maand Facebook teen sy aanvanklike openbare aanbod (“IPO”) gekoop het. Jy vertel aan almal dat jy pas in ’n vragmotor-vervoermaatskappy belê het. Terwyl jou vriendin onmiddellik die middelpunt van belangstelling op die partytjie word, staar jy die res van die aand in jou drankie. Jou vriendin het ‘n goeie besluit geneem – Facebook se aandeelprys het sedert die IPO amper sewevoudig gestyg. Maar jou belegging in XPO Logistics was ook nogal opwindend. So onlangs soos Januarie vanjaar was die prestasie van sy aandeelprys gelykstaande met dié van Facebook, en albei maatskappye se inkomste peraandeel het tot die einde van 2019 soortgelyke sterk groei getoon. Sedertdien het die…

Positiewe faktore Onderliggende redes om in die nabye toekoms in vooraanstaande wêreldaandeelfondse te belê: • Meer fiskale stimulusse is in Amerika op pad (fiskale stukrag is die grootste sedert die Tweede Wêreldoorlog).• Europa se blootstelling aan finansiële aandele en siklies sensitiewe sektore soos nywerheidsaandele, materiale en energie, gee hom die potensiaal om te oorpresteer wanneer ekonomiese bedrywighede toeneem en opbrengskurwes styler word.• Brittanje is swaar getref deur die Covid-19-krisis, en hoewel Oeso vanjaar ’n afname van 11,5% in BBP voorspel het, verwag hy dat dit volgende jaar met 9% gaan herstel.• Dit lyk asof China vanjaar ekonomies matig, en volgende jaar stewig gaan herstel namate die stimulus posvat en die wêreldekonomie herstel.• Groei is merkwaardig besig om na ontluikende markte deur te vloei, wat tans heelwat van die wêreld-ekonomie aandryf.…

die Nasdaq en S&P 500 wat opnuut rekordhoogtepunte aanteken, laat vrese ontstaan oor ’n markborrel wat deur die realiteit van ongunstige ekonomiese toestande geprik kan word. Die Amerikaanse markte lyk uit pas uit met die ekonomiese werklikhede van ’n internasionale pandemie wat uiters aktief bly, plus swak maatskappyverdienstes en gedempteekonomiesedata – selfs die Amerikaanse Federale Reserweraad (Fed) waarsku dat meer onsekerheid voorlê. Tog is alle markverliese sedert Maart ingehaal en die Nasdaq het sedert Januarie met meer as 25% opgeskiet. Die miljardêr-beleggerGeorge Soros is onderdié wat waarsku ’n borrel kan binnekort bars, soos met die internet-borrel in 2000. Batebestuurders waarsku die Amerikaanse ekonomie sal moontlik nie in die verlangdeV-vorm herstel soos verwag nie, maar eerder ’n K-vorm aanneem waar party maatskappye herstel en ander steeds die wind van voor kry.…

Die fiskale ellendes van Suid-Afrika se regering, waarvan die skuld nie as beleggingsgraad gegradeer word nie weens internasionale beleggers se vrees oor sy vermoë om dit terug te betaal, het met die drankverbod net vererger. Die waarde van belastingen aksynsverliese word op gelykstaande met R25,1 miljard geraam omdat die geld deur die hele waardeketting sou vloei – van boer tot produsent tot die eindverbruiker. “Die eerste en tweede verbod sal ’n vermindering van sowat R19,4 miljard in belastinginkomste (aksynsbelasting uitgesluit) tot gevolg hê, en ’n vermindering van sowat R5,7 miljard in aksynsbelasting,” sê Kurt Moore, uitvoerende hoof van die SA Liquor Brand Owners Association.…

suid-Afrika bly kwesbaar vir die gevaar wat die misbruik van data inhou; die land staan ook ’n groot kans om daaronder deur te loop. Die onlangse voorval waarin kuberkrakers toegang verkry het tot die persoonlike data van tot 24 miljoen Suid-Afrikaners en byna 800 000 sakeondernemings by die maatskappy Experian SA, toon hoe kwesbaar ons is. Teen dié agtergrond sien talleSuid-Afrikaners reikhalsend daarna uit dat die oorblywende bepalings van die wet op die beskerming van persoonlike inligting (Popi) in werking gestel moet word, sê Nadine Mather, mededirekteur by die regsfirma Bowmans. Dié wet het op 1 Julie van krag geword en sakeondernemings het 12 maande grasie (tot 1 Julie 2021) om te verseker hul stelsels, prosedures en beleide voldoen aan alle bepalings van die wet. Dit klink miskien na genoeg…

toe ek hoor dat die ANC vra dat ’n depositonemende staatsbank gestig word om met gevestigde kommersiële uitleners mee te ding, het ek gewonder hoe enigiemand by sy volle verstand sy swaarverdiende spaargeld aan dié bank sal toevertrou weens die baie korrupsie en wanbestuur by ondernemings in staatsbesit in die hande van ANC-kaders. Die ANC se beweerde betrokkenheid by die plundery en ondergang van VBS Bank het die publiek se vertroue in die regerende party ondermyn waarvan die leiers nou voor’n openbare terugslag te staan kom weens die inpalm van miljoene rande uit korrupte staatstenders vir toerusting vir persoonlike beskerming in die stryd teen Covid-19. Afgesien daarvan dat ek nie die regering onder leiding van die ANC vertrou om ’n bank eties en bevoeg te bedryf nie, het ek twee…

james Paterson en Benji Meltzer het Aerobotics in 2014 begin nadat hulle gesien het watter uitdagings op plase met lugfotografie en masjienleer opgelos kon word. Die twee het lugfotografiese en satellietbeeldmateriaal nodig gehad om bedreigings vir oeste te identifiseer, maar daar was destyds nie hommeltuie wat geskik was vir hul behoeftes nie. Waar baie ander dit as ’n terugslag sou beskou, het dié twee hul akademiese agtergrond ingespan om hul eie te bou. Albei het megatroniese ingenieurswese aan die Universiteit van Kaapstad gestudeer. Paterson het daarna sy meestersgraad in lugvaart- en ruimtevaartkunde aan die Massachusetts Institute ofTechnology en Meltzer’n MSc-graad in neurotegnologie aan die Imperial College in Londen behaal. Wêreldwyd was afstandswaarneming in 2014 nog in sy groeiskoene en in Suid-Afrika ’n nuwe konsep; net enkele landbouers in dieWes-Kaap wat…

sibanye-Stillwater se aandeelprys het die grootste deel van die jaar gestyg, ondanks die Covid-19-aandeelskok in Maart. Dit kan egter beter wees, volgens Neal Froneman, uitvoerende hoof van die maatskappy. Hy het ná die resultaataanbieding in Augustus in ’n onderhoud aan finweek gesê sy maatskappy is agter mededingers soos AngloGold Ashanti, asook – verbasend genoeg – Impala Platinum en Anglo American Platinum. ’n Mens sou dink dat beleggers Sibanye-Stillwater se platinumaandele net so hoog soos vergelykbare plaaslike aandele sou aanslaan, maar Froneman reken nie só nie. Skuld en tot onlangs nog ’n gebrek aan aandeelhoueruitkerings dra tot die relatiewe onderprestasie by. Tog meen Froneman dat die maatskappy se Suid-Afrikaanse blootstelling deel van die risikomengsel is, selfs terwyl die maatskappy die skuldkwessie pak. Die onlangse hervatting van ’n tussentydse dividend sal help…

PSG het sy aandeel in Capitec* ontknoop om waarde te ontsluit, maarookterwille van ’n lenigergroep waarin die anderondernemings in sy besit sy wins kan beïnvloed. Voor die ontknoping was die Capitec-aandeel soms meer as die hele PSG werd, wat die res van die groep met ’n negatiewe waardasie gelaat het. Die maatskappy het ’n som-van-die-dele-waardasie (SOTP) gepubliseer, wat die dag ná Capitec se ontknoping ’n waarde van R76,39 gewys het. Nogtans het PSG meer as 40% laer as sy SOTP verhandel. Beheermaatskappye verhandel gewoonlik teen ’n diskonto op hul SOTP, maar15% tot 20% laer is meer realisties, wat beteken PSG se aandeelprys behoort sowat R60 te wees. Ondanks die diskonto besit die groep ’n klompie goeie ondernemings – genoteerén ongenoteer. Stadio, wat private hoëronderwysinstellings besit, het indrukwekkende resultate gepubliseer. Aan…

in ons interaksie met die bestuurders van fondsportefeuljes en met ontleders gedurende die afgelope kwartaal het dit duidelik na vore gekom dat buitelandse portefeuljes die grootste voorkeur van fondse is. Dit is ook geen verrassing nie. Ja, Suid-Afrika het groot maatskaplike, politieke en ekonomiese probleme, dit moet ’n mens erken. Maar aan die ander kant groei effektetrusts oral ter wêreld besonder vinnig, en dit sluit in indrukwekkende omvattende kliëntgeoriënteerde fondse. Dit is egter belangrikom te onthou SA verteenwoordig minderas 1% van die wêreldwye markkapitalisasie. Die getal erkende effektetrusts in die wêreld het van 83 000 in 2009 tot 123 000 verlede jaar toegeneem, met die meeste in Amerika, die Verenigde Koninkryk, Duitsland en Australië. Meer as 50% van huishoudings in die VSA is tans daarin belê, dubbel die syfer van…

daar is in die algemeen min bekend oordie Sasfin BCI Global Equity Feeder Fund, maareen van sy grootste eienskappe is dat sy onderligende buitelandsefonds deur Bruce Ackerman, een van die mees ervare en suksesvolle bestuurders in die globale batebestuurbedryf, bestuur word. Hy is die seun van die Ackermanswinkelgroep se stamvader, Gus Ackerman, en die broer van Pick n Pay se stigter, Raymond. Bruce is in 1944 in Kaapstad gebore en het in die laat 1960’s met ’n BCom-en MBA-graad aan die Universiteit van Kaapstad gegradueeren het daarna na Brittanje verhuis waar hy sommige van die land se grootste en suksesvolste fondse bestuur het. Dit sluit in 24 jaar by Lloyds Bank se institusionele beleggingsvleuel in Londen as fondsbestuurder en as mede-besturende direkteur in die vroeë 1980’s totdat hy in 1994…

n Paar van ons kliënte het ons onlangs met dieselfde penarie genader. Hulle wil om al die regte strategiese redes in die buiteland belê, maar hulle wil nie te veel risiko neem nie. Die gevolg is dat hulle eenvoudig nie weet waar om hul kapitaal in die huidige omgewing toe te wys nie. En dis omdat hulle die volgende dilemma het: Rekordhoë aandele en rekordlae opbrengskoerse Aan die een kant is opbrengsverwagtinge vir inkomstebates, soos kontant en effekte, wêreldwyd ongemaklik laag – die gevolg van rekordlae rentekoerse wat meestal deurontwikkelde markte se sentrale banke in reaksie op die Covid-19-krisis ingestel is. Die rekordlae rentekoerse maak beleggings in dié bateklasse onaantreklik, met die Amerikaanse tienjaar-skatkiswissel wat ’n perfekte gevallestudie bied. Die tienjaar-opbrengskoers was by die skryf hiervan by ’n historiese laagtepunt…

DOW JONES-INDEKS Die fyn puntjies Ek het al voorheen gesê die Dow Jones is die vreemdste indeks terwêreld, aangesien hy daagliks eenvoudig die prysbeweging (net die sente, nie persentasies nie) van die 30 aandele waaruit hy bestaan, gebruik om die indeksvlak te bepaal. Hy het ook nie ’n gereelde hersieningsproses nie. Nou is daar’n vernuwing van sy aandele weens Apple se aandeelverdeling. Dit sal Apple se aandeelprys viervoudig verlaag, terwyl die getal aandele viervoudig verhoog word. Dit sal die tegnologiekomponent van die indeks verminder weens Apple se laer aandeelprys. ExxonMobil, wat sedert 1992 in die Dow Jones is, vertrek saam met Pfizeren RaytheonTechnologies. Nuwelinge is Salesforce.com, Amgen en Honeywell International. Dit het op 31 Augustus in werking getree. Soos met ander indeksveranderinge, sal dit nie die indeksvlak beïnvloed nie, maar…

daar is min dinge waarvan ’n mens seker kan wees wanneer dit by ’n aandelebeurs kom. Een van die weiniges is dat groeiende wins, veral as dit gepaard gaan met dividende, ’n aandeel se prys soos ’n magneet optrek. Dit is pas weer bewys deur die jongste winssyfers van aandele soos Sibanye-Stillwater, Impala Platinum en Northam Platinum. Dié drie se aandeelpryse het die afgelope 12 maande met onderskeidelik sowat 145%, 82% en 97% gestyg. Sibanye-Stillwater se styging is gehelp deur sy besluit om dividende te hervat. Royal Bafokeng Platinum, boaan die tabel van sterkste aandele, het oor12 maande met 74% verbeter. By goudaandele loop DRD Gold voor met 264%. Dat daar verwag word dat die positiewe tendens vir platinum-en goudaandele gaan voortduurword ook bevestig deur die konsensus-aanbevelings van ontleders. By…

Suid-Afrika se groot broubedryf – die 12de grootste ter wêreld volgens die Beer Association of SA (Basa) – skets ’n droewige prentjie van die sektor in ’n verklaring van middel Augustus. SA Brouerye (SAB), Heineken en die Craft Brewers Association is van die vereniging se lede. “Baie ondernemings in die bierbedryf het steeds nie van die eerste verbod van 27 Maart tot 31 Mei herstel nie, waaronder 8 000 gelisensieerde tavernes en 30% van boetiekbrouerye wat bankrot gespeel het,” sê Patricia Pillay, uitvoerende hoof van Basa in die verklaring. “Die tweede verbod, wat op 13 Julie van krag geword het, het nog 15% van boetiekbrouerye en duisende tavernes gedwing om permanent te sluit. Dis ’n tragedie van epiese omvang, veral omdat 54% van tavernes besit word deur vroue wat hul…

Artikel 69 van die Popi-wet maak dit onwettig om regstreekse bemarking deur enige vorm van elektroniese kommunikasie te doen as die datasubjek nie daartoe ingestem het nie. Dié elektroniese kommunikasie sluit e-posboodskappe, SMS’e en outomatiese oproepe in. ’n Datasubjek mag slegs een keer vir sodanige toestemming genader word. Word toestemming geweier, is die weiering vir altyd geldig. Wat bestaande kliënte betref, moes hul kontakbesonderhede in die konteks van die verkoop van ’n produk of diens verkry gewees het. Die regstreekse bemarking deur elektroniese kommunikasie mag slegs verband hou met die verskaffer se eie soortgelyke produkte of dienste, en wanneer die inligting ingewin word en telkens wanneer sodanige kommunikasie uitgestuur word, moet die kliënt die reg hê om te onttrek. BRON: https://www.popiact-compliance.co.za/popia-information/13-direct-marketing…