Cara Haf 2022

A’r ddwy ohonon ni’r golygyddion yn Gardis (un wedi’i geni yn y sir a’r llall wedi ymgartrefu yno ers 30 mlynedd), rydyn ni wrth ein boddau bod yr Eisteddfod wedi cyrraedd Ceredigion o’r diwedd. Trowch i dudalen 24 i weld yr hyn sydd gan Dregaron a’r cyffiniau i’w gynnig, yn hanes cyfoethog, yn fusnesau lleol ac yn deithiau cerdded hardd. A beth am gael picnic wrth fynd am dro dros yr haf? Mae gan Rhian Cadwaladr bedair rysáit sy’n berffaith ar gyfer pryd o fwyd al fresco, mae Elin James Jones yn argymell diodydd hafaidd i dorri syched, ac mae Cara wedi hel pethau pert i’w prynu ar gyfer y picnic delfrydol. Pam ddim manteisio’n llawn ar fod allan yn yr awyr iach cyn iddi droi’n aeaf? Cawn wybod mwy…

Dwi’n teipio brawddegau, a wedyn yn eu dileu nhw, sy’n profi rhwbeth i fi – ma’r pwnc yma’n ddilys ar gyfer TABŴB.Nag yw, dyw e ddim yn destun i greu sioc fel y rhai o’n i’n arfer sgwennu amdanyn nhw. Sai’n trafod fanny farts, nac orgasms, na’n hen ffrind ni, y clitoris. Dwi isie, ond ar hyn o bryd dwi’n fwy ddim isie trafod trio am fabi, felly dyna pam dwi’n gorfodi fy hunan i wneud. Yr eiliad dath Wini, fy mabi cynta i, mas, o’n i’n barod i fod yn feichiog eto. Dwi’n gwbod ers i’n chwaer i gyrraedd y byd ’ma pan o’n i’n dair oed ’mod i isie llwyth o blant fy hunan. O’n i’n 33 yn ca’l Wini, felly o’n i’n ymwybodol bod rhaid i fi…

Cyflwyno newyddion ar y teledu oedd un o’i breuddwydion ers pan oedd hi’n ferch ifanc, ond doedd dim byd wedi’i pharatoi ar gyfer y negeseuon anweddus fyddai’n llenwi ei ffrwd Insta a Twitter yn gyson. Dyw hi ddim eisiau cael ei henwi, yn rhannol rhag annog rhagor o negeseuon rhyfedd. Ond wrth siarad â fi ar y trên ar y ffordd i Lundain mae’r cyflwynydd newyddion teledu ifanc yn dweud wrtha i gymaint mae’r negeseuon yn ei chorddi. “Mae’n neud fi’n eitha crac i’w darllen nhw, achos mae’n neud ti deimlo bod safon dy waith di ddim gwerth siarad amdano fe.” “I’d like to have sex with you in a hotel room. I would pay for it.” Yn aml, mae’r negeseuon yn cyrraedd yn syth ar ôl i bobl ei…

Pan mae Gwyddelod yn gofyn i mi o ble yng Nghymru dwi’n dod, dwi’n deud y gogleddddwyrain, ger Wrecsam, achos mae ’na siawns eu bod nhw wedi clywed am Wrecsam – yn enwedig y dyddiau yma, ar ôl i’r sêr o Hollywood brynu’r tîm pêl-droed! Mewn gwirionedd, dwi’n gallu galw lot o lefydd yn Sir Ddinbych a Sir Fflint yn ‘adre’ achos ein bod ni wedi symud o gwmpas pan o’n i’n blentyn: o Acre-fair, i Loggerheads ger yr Wyddgrug, i Nercwys, i Lanynys yn Nyffryn Clwyd, ac yna i’r Wyddgrug. Er y symud o gwmpas, aeth fy mrawd, Niall, a finnau i’r ysgol yn yr Wyddgrug gydol yr amser: i Ysgol Glanrafon ac wedyn Maes Garmon. Wnes i grwydro cryn dipyn wedyn, cyn dod i fyw i Iwerddon. Ar…

CYRRAEDD Y DDINAS Gallwch gyrraedd Dulyn ar y fferi o Gaergybi i Borthladd Dulyn (tua £68 i 2 berson; £200 i 2 berson a char) neu ✈ hedfan o Gaerdydd (£86 i 2 gyda Ryanair). Diwrnod 1 Bore: Mae Dulyn yn llawn hanes, felly beth am ddechrau ar ochr ddeheuol yr afon er mwyn ymweld â Chastell Dulyn, adeilad nodedig a phwysig yn hanes y wlad ers 1204? Yn dilyn tân, ailadeiladwyd ar y safle yn y 17eg a’r 18fed ganrif i greu un o adeiladau Sioraidd gorau’r ddinas. Mae’n werth ymweld â’r Capel Brenhinol yno hefyd. Ychydig i’r dwyrain mae cerflun Molly Malone, gan Jeanne Rynhart, a ddadorchuddiwyd yn 1988. Yn ôl y gân, a gyhoeddwyd yn America yn 1876, roedd hi’n gwerthu bwyd môr ar hyd strydoedd y…

Un o’r pethau dwi’n ei fwynhau fwyaf am yr haf ydy cael bwyta yn yr awyr agored. Mae rhywbeth arbennig am fwyta al fresco. Mi fydda i’n mynd â phicnic efo fi wrth fynd i gerdded yn y gaeaf ac yn ei fwyta wrth swatio tu ôl i wal neu mewn hen furddun, ond pan ddaw’r haf cawn osod blanced ar y gwair a rhoi ein picnic arno cyn eistedd ymhlith y blodau. Mae rhywbeth mor rhamantus am hynny. Dyma i chi ychydig o syniadau am be i’w roi yn eich basged bicnic. Salad cig moch ac wy Dyma fersiwn hafaidd o tsips, bacwn ac wy! Hawdd fyddai rhoi hwn mewn twb i’w gario efo chi ac mae’n eich llenwi ddigon fel na fydd angen dim arall, ac eithrio ffrwythau…