Tabla de contenidos para Uitgawe 2 Van 2025 en Baba & Kleuter

Dis nooit, ooit ons doel by Baba & Kleuter om enige ouer te laat skuldig voel nie. Ons wil eerder inspireer. Maar ma wees kom so dikwels (byna altyd) saam met skuldgevoelens. Ek is ook nie immuun nie. Deesdae dink ek nogal baie oor hoe kort die tyd is wat jy het om jou kinders te vorm en ek wonder of ek elke oomblik optimaal genoeg benut het. Baie kenners reken die eerste duisend dae (wat swangerskap insluit) is deurslaggewend; ander reken weer teen sewe jaar oud is die boompie klaar gebuig en is jou kind wie hulle altyd gaan wees. Ek is baie trots op my twee boompies wat nou al groot genoeg is om my skoene en klere te leen. Hulle is slim, hardwerkend en gee om oor…

Swangerskap is pragtig, maar jou vel verdien ook sorg. Bramley Tissue Oil is verryk met vitamien E en Bio-Pharm-olie om die vel se elastisiteit diep te voed, te beskerm en te verbeter. Dit help om die voorkoms van rekmerke te voorkom en te verminder. Dis sagkens, vinnig absorberend en luuks: Bramley hou jou vel soepel en stralend dwarsdeur jou swangerskapsreis. Bramley – bekostigbare sorg waarop jy kan vertrou. Stuur ’n foto, jou kind se naam en ouderdom, jou telefoonnommer, asook jou e-pos- en woonadres na sharing@ypbmagazine.com of WhatsApp ons by 076 433 4384.…

1. Kunstigheid is in Chané se gene. Ouma Salomie Terblanche het vir elke verjaardagmaatjie haar eie voorskoot gemaak wat hulle voor die aktiwiteite kon aantrek. 2. Veral die slymmakery was baie gewild en een van die hoogtepunte. Die maatjies kon nie ophou praat oor hoe lekker dit was nie. 3. Chané se Kunswinkel was die stasie waar al die aktiwiteitselemente uitgestal is sodat die maatjies self kon kies. Hulle kon slym maak, krale vir armbande ryg en kolwyntjies versier. 4. Die maatjies was lekker besig, en elkeen kon ’n armband maak. Veelkleurig, natuurlik! 5. Chané is lief vir kuns en kreatief wees. Chantelle vertel dat hulle twee heerlik saam idees uitgeruil en aan die partytjie beplan het. Daar is omtrent geknip, geplak, boksies gepak en dekor geskep. Chantelle het dit…

As jy in Suid-Afrika woon, is dit nie genoeg om net sonskermroom aan te wend nie. Jy moet ook ’n sonbril, hoed en die regte klere dra wanneer jy ’n dag in die son gaan deurbring. Klink dit oordadig? Gaan kyk dan na die skokkende inligting by cansa. org.za: ’n Kind wat net twee keer in sy kinder- of tienerjare blase gebrand het, het ’n dramaties verhoogde kans om later velkanker op te doen. Volg die raad in dié artikel om die hele gesin sonslim te hou. BLY UIT DIE SON Kinders onder een jaar moet liewer heeltemal uit die son bly, veral tussen 10:00 en 15:00. Soek na koel skadukolle terwyl julle buite is. Leer jou kleuters sommer van jongs af om altyd ’n koeltekol uit te soek en…

ONS KENNER Naarheid en sooibrand het een eienskap gemeen: Hulle begin net so skielik as wat hulle weggaan. Oggendnaarheid verdwyn in die meeste gevalle ná die eerste trimester en word gewoonlik gou opgevolg deur sooibrand, wat tot baba se geboorte kan duur. Ons verduidelik hoe jy dié skete kan voorkom of in toom kan hou. 1. Sooibrand Vir baie vroue beteken swangerskap hul eerste kennismaking met sooibrand. Dis ’n pynlike brandgevoel agter die borsbeen en tref jou veral nadat jy geëet het. Soms word dit van ’n suur smaak in jou mond vergesel. Die meeste swanger vroue se las van sooibrand begin in die tweede helfte van hul swangerskap. Dokters beskryf sooibrand as ’n toestand waarin die sluitspier van die slukderm (die ring of klep naby die onderpunt van die…

Daar is byna ’n hele woordeboek vol nuwe begrippe wat amperouers ontdek. ’n Mens kan hope pret daarmee hê, maar dis ook belangrik dat jy goed weet wat hierdie woorde beteken sodat jy verstaan wanneer jou dokter dit gebruik. DIE RESUSFAKTOR Afhangende van die teenwoordigheid van ’n sekere bloedproteïen bekend as die resusfaktor (Rh-faktor) in jou rooibloedselle, is ’n mens resus-positief (as die Rh-faktor daar is) of resus-negatief (as dit afwesig is). Die meeste mense is Rh-positief. As jy Rh-negatief is en jou baba is Rh-positief (wat waarskynlik is as jou man Rh-positief is), word gepraat van bloedgroep-onversoenbaarheid. Dan kan jou liggaam teenliggaampies vervaardig wat jou baba se bloed aanval en baie gevaarlik kan wees. Dis dus baie belangrik dat jou dokter moet weet of jy Rh-positief of -negatief is…

Elke kind kan ’n goeie sin vir humor ontwikkel. ’n Humorsin is nie iets waarmee ons gebore word soos blou oë of groot voete nie. Dis ’n vaardigheid wat jou kind kan aanleer, sê die Rustenburgse spelterapeut Madelein Koen. Wat jou kind snaaks vind, hang van sy ontwikkelingsvlak af, sê Madelein. “ ’n Tweejarige gaan nie reageer op sarkasme nie en ’n vyfjarige gaan nie meer skaterlag vir ’n kiekeboe-speletjie nie.” Die belangrike faktore in die ontwikkeling van ’n kind se humor is verbeelding, die vermoë om ’n ander se perspektief raak te sien en taal. “Elke kind se vaardighede ontwikkel egter teen ’n verskillende tempo en beïnvloed die ontwikkeling van sy sin vir humor.” Jy kan jou kleinding se humorsin slyp deur self baie te lag en ’n omgewing…

Liefste Seuntjie-seuns, Ek skryf hierdie brief by ons kombuistafel in Kenridge in die Kaap, kort ná ’n oggendstappie saam met julle ma en ons twee honde. Tans sit julle op die kombuisvloer in julle fluffy pakkies en eet pruimedante. Eergister was julle 16 maande oud en dis veilig om te sê dat julle tans deur twee goed gedryf word: impuls en nuuskierigheid. O ja, en ’n heeltydse honger. Tans dink julle nog glad nie aan die gevolge van julle dade nie. Ons moet julle voltyds dophou, anders kan julle julself óf mekaar lelik seermaak. Want julle ruk en pluk, klim en klouter en hardloop om hoeke (soms in hoeke vas) soos twee Duracell-hasies wat doeke dra. Julle verwondering het nie brieke nie. Ek dink vanoggend aan ons onlangse Wildtuin-vakansie, minder…

KLARA SE LEWE HET MET ’N GROOT UITDAGING BEGIN? Klara moes op net agt weke oud ’n operasie kry. Ná talle toetse – van sluktoetse tot sonars – is sy gediagnoseer met piloriese stenose*. As mamma het ek die eerste keer werklik verstaan wat dit beteken as mense sê “ ’n mamma weet”. Ons was baie bekommerd, maar ons was in goeie hande. Prof. Daniel Sidler en sy span by die Louis Leipoldt-hospitaal het binne 24 uur ’n operasie gereël – in Desember! Haar pediater, dr. Wayne Hough, het ons deur alles gelei. Die span was verbaas oor hoe sterk sy was vir ’n baba met dié toestand. Hierdie mamma het nog nooit so baie geborsvoed en wasgoed gewas soos in daardie weke nie! EN DIT WAS OOK NIE DIE…

“Leer jy nie jou les nie? Dis nie die adres nie. Dis jou mense wat jou huis is.” So sing Laurika Rauch, en hoe waar is dit nie? Huis die afgelope vier jaar is Girona in Spanje, ’n dorpie sowat 100 km noord van Barcelona. Dis geleë in die provinsie Katalonië, wat tans hard om onafhanklikheid veg en ’n land van hul eie wil wees. Hier word hoofsaaklik Katalaans gepraat en inwoners neem aanstoot as Spaans gebruik word. Ons het al geleer om ons liewer eers in Afrikaans uit te druk voor ons die sin in Engels herhaal, aangesien hulle taamlik onvriendelik teenoor die Engelse gemeenskap is. Só maak ons seker hulle is bewus dat Engels ook nie óns eerste taal is nie. Ons groet in Spaans – hola –…

HERONTDEK TYDLOSE STORIES Hierdie twee boeke kombineer twee van ons gunstelingdinge: sprokies en opwipboeke. Aspoestertjie bly maar ’n onvergeetlike storie en Hansie en Grietjie voel soos deel van die Afrikaanse kultuurskat, al is dit vertaal. Die twee boeke hou by die klassieke stories en het die lieflikste illustrasies. Elke dubbelblad voel soos ’n nuwe avontuur met so baie om te ontdek. R260 elk, Human & Rousseau. OPVREETBAAR OULIK Liefde en lees bou selfbeeld. Wie is so oulik? en Wie is my skattebol? deur Camilla Reid met illustrasies deur Nila Aye is interaktiewe lig-die-flappie-boeke vir babas en peuters. Die flappies is sag en daar is ’n lekker versteekte verrassing aan die einde wat jou kind van plesier sal laat kraai. R180 elk, Pan Macmillan. BORDBOEKIES IS DIE BESTE Hierdie twee kort…

As jy swanger is, gaan jy en jou maat binnekort met ’n naam vir jul nuwe baba vorendag moet kom. Dis ’n opwindende besluit, maar nie altyd ’n eenvoudige een nie. Die meeste ouers weet van die begin af watter soort naam hulle verkies – ’n Bybelse naam, familienaam, byderwetse naam, of ’n naam met betekenis. Die belangrikste is egter dat sowel jy as jou maat met die naam tevrede is. Julle kan julle afvra of dit maklik is om te sê in die taal wat julle tuis praat en of jul vriende en veral jou kind se maats dit sal kan uitspreek en onthou. As jy ’n naam oorweeg, is dit wys om dit eers ’n paar keer hardop te sê en te gebruik voor jy ’n besluit maak.…

E-pos jou vrae na SHARING@YPBMAGAZINE.COM. Vrae kan ongelukkig nie persoonlik beantwoord word nie. V Ek verwag my eerste kind. Hoe sal ek weet of ek begin kraam het? Is daar sekere dinge waarvoor ek op die uitkyk moet wees? A DR. JP DU BUISSON ANTWOORD: Die kort antwoord is: Jy sal weet wanneer jy begin kraam het. En dit kom van iemand wat nog nooit in kraam was nie. Ek sê altyd vir my pasiënte as jy wonder of dit ’n kontraksie is, dan is dit nie een nie! Hierdie woorde sal jy eers verstaan wanneer jy waarlik kontraksies ervaar. Kontraksies word beskryf as ’n pyn wat uit jou rug kom en aan albei kante van jou maag om jou lyf tot voor strek. Kontraksies duur enigiets van 20 tot…

E-pos jou vrae na SHARING@YPBMAGAZINE.COM. Vrae kan ongelukkig nie persoonlik beantwoord word nie. ONS KENNERS V My baba is amper drie maande oud. Ek sukkel met my blaas en kan nie knyp nie. Gaan dit altyd so wees? Is daar iets wat ek kan doen? A ANRO-MARI COHEN ANTWOORD: Baie vroue sukkel met inkontinensie, oftewel die verlies aan blaasbeheer. Dit word veroorsaak deur faktore soos swangerskap, kraam en menopouse. Die erns wissel tussen urine wat af en toe lek wanneer jy hoes of nies tot so ’n skielike en sterk drang om te urineer dat jy nie betyds by ’n badkamer kan uitkom nie. As inkontinensie jou daaglikse aktiwiteite beïnvloed, moet jy liewer dokter toe gaan. Vir die meeste mense kan eenvoudige leefstylveranderinge dié probleem in bedwang bring. As jy…

Wenk Jy kan die krammetjies met gom vervang, solank dit ’n goeie, sterk gom is. JY HET NODIG Sponspapier, sagte papier, kartonpapier of vilt in verskillende kleure Plastiek- of gewone toutjie Skêr " Potloo Klein sirkel wat jy kan aftrek, soos ’n klein glasie Krammasjien MAAK SO Trek sirkels op die sponspapier af. Ons het by drie kleure gehou, maar jy kan soveel kies as wat jy wil. Knip die sirkels uit en vou hulle een vir een om die toutjie sodat dit ’n halfmaan vorm. Druk met die krammasjien krammetjies in elkeen om dit in dié posisie te hou. En siedaar – ’n hangertjie wat jou dogter om haar nek kan bind.…

WENBRIEF My gesin, my wêreld Toe ek en my man in 2016 getroud is, wou ons dadelik met ’n gesin begin, maar ná toetse het ons besef dat dit nie vir ons beskore was nie. In 2019 maak ons die besluit om aan te neem. Middel September 2022 word ek een aand wakker en Abba praat duidelik met my. Hy vertel my dat ek ons spaarkamer in ’n babakamer moet verander. My eerste reaksie? U is seker lekker laf! Dadelik maak ek vir Cornelius wakker en vertel hom. Sy eerste reaksie? As God so sê, wie is ons om ooit daarteen te stry? Op die oggend van 9 Oktober ná kerk gaan koop ons die laaste items – ’n bababad en -stoeltjie. Die aand terwyl ons bordspeletjies speel, lui my…

Een van die grootste bederwe van die somer is dat jy en jou gesin die etenstafel kan verruil vir ’n piekniekkombers onder ’n skaduboom of selfs die sterre. ’n Piekniek hoef nie spoggerig of duur te wees nie; die betowering lê juis in die eenvoud daarvan. En dis min werk! Ná net ’n paar pieknieksessies sal jy die wenresep vir ’n perfekte piekniek deeglik onder die knie hê en behoort dit ’n somertradisie in jul huis te word. WAAR? Julle kan op amper enige plek gaan piekniek hou. Die belangrikste is dat daar genoeg ruimte moet wees waar jou kinders kan rondhardloop en speel, soos ’n groot grasperk. Moenie te ver gaan soek nie – ’n park naby jul huis is ideaal. Hier is idees: Die strand ’n Veilige park…

1 LAAT DRUK DIT OP LAP Kies ’n kunswerk met ’n herhalende patroon soos die hartjies regs. Skandeer dit en laat dit op katoen druk sodat julle vatlappe, oondhandskoene of voorskote kan prakseer. As jy eerder iets met een groot kunswerk wil doen, laat dit skandeer en op skilderdoek druk sodat jy dit kan laat raam en teen die muur hang. As jy regtig groot gaan, kan dit ook ’n piekniekkombers word. 2 GELAMINEERDE PLEKMATJIES Skandeer ’n verskeidenheid horisontale kunswerke en maak seker hulle is almal dieselfde grootte. Laat druk dit dan op dik papier en laat lamineer. 3 VARIASIE BY DIE WERK! Gebruik een van jou knipborde by die werk om jou werkstasie op te vrolik. Dis ’n daaglikse herinnering aan jou kind se talente en dis maklik om…

”Om vir ons kinders te vertel ons staan op skei, was een van die moeilikste dinge wat ek ooit moes doen,” vertel Sonya Vermeulen* (43), ’n ma van twee van Port Elizabeth. “Hulle was in daardie stadium maar vier en vyf jaar oud. Hulle het ontroosbaar gehuil toe hul pa die dag sy tasse pak en uittrek en het weer gehuil toe hulle besef hy kom nie terug nie. Die eerste twee jaar was die moeilikste. Vandag is ek en hy albei weer getroud én gelukkig en die kinders floreer danksy die feit dat ons van die begin af soos volwassenes elke liewe aspek bespreek het.” En dis waar die sleutel van ’n ”geslaagde” egskeiding lê, meen kenners. Hoe moeilik dit ook al vir julle is, moet julle die kinders…

Omega 3- en 6-vetsure is polionversadigde vette en is belangrike bestanddele van selwande. Dit het verskeie funksies soos die regulering van bloeddruk en bloedstolling en die ontwikkeling en werking van die brein en senuweestelsel. Die belangrikste omega 3-vetsure is alfalinoleensuur (ALA), eikosapentanoësuur (EPA) en dokosaheksanoësuur (DHA). ALA kan glad nie in jou lyf gemaak word nie en daarom moet jy genoeg daarvan inkry deur kos. DHA en EPA kan wel gemaak word uit die ALA in jou dieet, maar die proses is ondoeltreffend. Die beste is dus om elke week genoeg van al die verskillende soorte omega 3-vetsure in te neem. Linoleensuur (LA), arachidoonsuur (AA) en gammalinoleensuur (GLA) is almal omega 6-vetsure. LA kan ook nie in jou liggaam gemaak word nie en ons behoort dus genoeg daarvan in te…

ONS KENNER 1 ALKOHOL Alkohol hou niks goeds vir jou ongebore baba in nie. Die gevolge van alkoholmisbruik sluit in ’n moontlike miskraam, fetale alkoholsindroom, fisieke afwykings, lae geboortegewig, hiperaktiwiteit en latere aandaggebrek. Die tydperk met die hoogste risiko is die vroegste stadium van die swangerskap wanneer jou baba se organe gevorm word. Party vroue is meer kwesbaar vir die skade van alkohol as ander en daarom is daar nie iets soos ’n veilige perk nie, sê Anel Kirsten, ’n dieetkundige van die Paarl in die Wes-Kaap. “Vermy alkohol dus heeltemal terwyl jy swanger is. Die vorige riglyn, dat swanger vroue hulle tot een of twee eenhede alkohol een of twee keer per week mag beperk, geld nie meer nie.” 2 AROMATERAPIE Sommige olies is nie veilig nie; sorg dus…

V My baba is drie weke oud. Dit gaan goed met die borsvoeding en sy sit mooi gewig aan. Ek moet egter een van die dae terug werk toe en wil graag op kantoor uitmelk. Hoe moet ek te werk gaan om die uitmelkery so maklik en pynloos moontlik te laat verloop? A LISANNE DU PLESSIS ANTWOORD: Dis uitstekende nuus dat jy nou al planne maak om aan te hou borsvoed wanneer jy terug werk toe gaan. Stap een is om seker te maak dat jou direkte bestuurder of toesighouer weet dat jy wil uitmelk en dat jy volgens wetgewing daarop geregtig is. In ’n agtuur-werkdag mag jy twee keer per dag vir ’n maksimum van 30 minute op ’n slag uitmelk – dis nou bo en behalwe jou ander…

1. GOED VIR ALLES As jou baba gereeld op haar magie lê, versterk dit haar nek-, rug- en skouerspiere en help dit die romp, skouers en heupe stabiliseer. Jou kind leer om haar lyfie in die omgewing te beheer, en dit help met balans, koördinasie en liggaamsbeheer, wat die grondslag van alle bewegings is. Ons word al dekades lank vertel dat die beste verweer teen wiegiedood is om baba op haar rug te laat slaap, en dit is waar. Maar dié veldtog was nie sonder sy nadele nie: Studies het gewys babas wat op hul rug slaap, is geneig is om motories stadiger te ontwikkel as babas wat op hul magie slaap en dat hulle eers later begin sit, omrol en kruip. Dié wat in hul wakker tye meer tyd…