Tabla de contenidos para October 2023 - January 2024 en Baba & Kleuter

Sentimenteel was ek nog nooit nie, maar met ”my baba” vanjaar in matriek vind ek dat ek nogal nostalgies geword het oor haar hele skoolloopbaan. Sy wil volgende jaar met mag en mening landuit en daardie naelstring voel al klaar of dit dun gerek word. Sy het iets soos 21 skooldae oor. Daarna is dit net swot en eksamen skryf, gevolg deur ’n groot gefuif saam met ’n trop pelle iewers, wat ek haar heeltemal gun. Haar skoolskoene val uitmekaar, die hemde is gerek, haar sokkies oud, die trui is verlore, maar ons gaan beslis nie nou nuwes koop nie. Die spesiale matriekbaadjie en -koffiebeker wat tans in gebruik is, is dan binnekort ook items wat maar weggepak kan word. Ons vat haar lankal nie meer self skool toe nie;…

WENBRIEF MEER MENSE MOET WEET My man, Jannie Snyman (27), is met ’n haaslippie gebore. Ons het nooit gedink ons baba sou dit ook hê nie, maar genetika is sterk en God se plan is sterker. Toe ons in 2022 swanger word, het die ginekoloog ons na ’n fetusspesialis verwys. Sy het bevestig dat ons babaseuntjie wel ’n gesplete lippie en verhemelte sou hê. Dit was ’n skok, maar die werklikheid het ná Elijah se geboorte ingesink. Hy is dadelik na die intensiewe eenheid vir pasgeborenes weggeswiep en ek was sonder my baba. Pappa het heeltyd gaan foto’s neem en my op hoogte gehou tot ek kon opstaan en loop. Elijah was ’n dag oud toe ’n afdruk van sy verhemelte geneem is om ’n slukplaatjie te laat maak. Ons…

WYS VIR ONS As jy wil hê jou kinder- of ooievaarspartytjie moet op hierdie blad verskyn, stuur gerus ’n e-pos met foto’s van ’n goeie gehalte en ’n kort beskrywing van die partytjie na sharing@ypbmagazine.com…

SMS-KODE BK243PP SES LESERS WEN ELK ’N HANDIGE GESKENKPAK VAN PANADO® TER WAARDE VAN R1000 ELK! Wanneer dit by die hantering van jou kinders se pyn en koors kom, weet Panado® dat die smaak van die medisyne ’n groot verskil kan maak. ’n Aangename geur is helfte van die stryd gewen, want dit kan moeilik wees om medisyne in daai lyfie te kry, veral as jou kleinding nog sleg voel ook. Dis noodsaaklik om ’n plan in plek te hê vir wanneer pyn of koors toeslaan. Panado® se pediatriese medisynereeks is hier om te help. Dis te kry in geure wat die taak ’n bietjie makliker vir ouers maak en beslis lekkerder vir die kleingoed! Die reeks sluit in stroop in aarbeigeur (50 ml of 100 ml), pepermentgeur (alkohol- en…

In die ou dae kon dokters eers ná ’n geboorte agterkom of die ma se plasenta verkalk het omdat hulle dit dan regstreeks kon ondersoek. Deesdae kan ’n sonar gelukkig die probleem gou-gou raaksien. “In die ou dae was klein, wit kalsiumstukkies in die plasenta ’n teken van verkalking,” sê suster Burgie Ireland, ’n ervare Suid-Afrikaanse vroedvrou. “Verkalking is ook nie as ’n groot probleem beskou nie. Daar is net gemeen die plasenta is ’n bietjie oud, wat normaal is as ’n baba ná sy verwagte datum gebore word. Ander tekens dat baba sy opwagting later gemaak het, was lang vingernaels, baie min vernix (die natuurlike lagie vet op baba se vel) en ’n droë vel.’’ Moderne tegnologie het dinge egter heelwat verander. Met gevorderde 3D-sonargrafika kan verkalking van die…

"VROUE WAT KALM EN POSITIEF MET DIE GEBOORTE IS, VOEL GEWOONLIK MINDER PYN AS VROUE WAT BANG IS" Hipnogeboorte kan kortliks verduidelik word as ’n metode wat hipnose inspan om pyn en vrees gedurende die geboorteproses uit te skakel. Dis egter nie die soort hipnose wat ’n mens dikwels in rolprente sien nie. Jy is in volle beheer van jou liggaam en is heeltemal ontspanne. Dis byna soos wanneer jy dagdroom. Om jou kind met behulp van hipnogeboorte die wêreld in te bring, beteken dat jy jou eie vaardighede gebruik om jou verstand en liggaam in harmonie met mekaar te bring. As jy eers dié vaardighede (wat jy aanleer en inoefen) onder die knie het, kan jou baba gebore word sonder spanning, en sonder dat jy bang is vir die…

GOEIE GOGGAS DOSSIER Borsvoeding help om babas se ingewande ná hul geboorte met voordelige bakterieë te vul. Dis omdat miljoene van hierdie piepklein mikrobes met elke slukkie melk na baba se dermkanaal gevoer word. Borsmelkbakterieë speel verskeie rolle in jou baba se dermkanaal. Dit verminder die voorkoms en erns van infeksies, verbeter die dermversperring deur die hoeveelheid slym wat as ’n skild dien te verhoog, lei die immuunstelsel op om goeie bakterieë van slegtes te onderskei, produseer antiinflammatoriese stowwe wat die derms laat floreer, verbrand energie wat bepaal hoeveel vet jou baba berg, en breek suiker en proteïene af. Die bakteriese samestelling van jou borsmelk word weer beïnvloed deur hoe jy die lewe geskenk het, asook deur jou dieet en welstand, jou omgewing en selfs jou geografiese ligging en ouderdom!…

As jou kind antibiotika neem, is dit ’n goeie idee om hulle ook ekstra probiotika te gee. Dit is omdat antibiotika die balans van organismes in die dermkanaal verander en so kan sekere skadelike bakterieë die oorhand kry. Dit kan weer tot maagontsteking of diarree lei, of jou kind se maag kan opgeblaas en seer wees. Vra jou dokter vir probiotika wanneer hulle antibiotika voorskryf. Vra ook wanneer jy daarmee moet begin, want dit kan die doeltreffendheid van antibiotika belemmer as dit tegelykertyd toegedien word.…

As laktasiekonsultant hoor ek by byna elke huis dieselfde (tranerige) storie. Terwyl sy swanger was, was mamma vuur en vlam oor borsvoeding. Ná die geboorte kon sy nie wag om haar bondeltjie aan die bors te sit nie. Maar iewers het dinge skeefgeloop. Sy was op moedverloor se vlakte, hierdie konsultasie haar Laaste Hoop. Dié klagtes is allesbehalwe seldsaam. Ek het seer tepels gesien. Babas met ’n swak suiggreep (latch). Kommer oor te min melk: soms met goeie rede, dikwels nie. Elke enkele een van hierdie probleme was voorkombaar. Hier volg 10 foute wat die beste voornemens in die wiele kan ry. Vermy hierdie slaggate, en jy is goed op pad na suksesvolle borsvoeding. "REËL VOORAF DAT JOU BABA NIE NÁ DIE GEBOORTE WEGGENEEM WORD NIE." 1. PETIDIEN TEEN…

“Geboortebinding is ’n tiener se enigste vangnet. Dis al wat sy het om haar oordeel, wat nog gevorm word, te rig wanneer dit by verslawing, verleiding en misbruik kom.” Dít was die woorde van Luke Lamprecht, ’n neurowetenskaplike navorser, Johannesburgse kinderregte-aktivis en stigter van die Teddy Bear-kliniek, by ’n skoolpraatjie. En die ouers in die skoolsaal het omtrent regop gesit toe hulle dit hoor. WAT IS BINDING? Nes die ouers daardie aand in die skoolsaal, besef baie mense nie aldag hoe belangrik binding is nie. Die begrip is die eerste keer omskryf deur die Britse sielkundige John Bowlby. Volgens hom is dit ’n “blywende sielkundige skakeling tussen twee mense”. Soos Luke was hy ook oortuig dat die band tussen ’n ma (of primêre versorger) en haar pasgeborene ’n geweldige uitwerking…

Min mense verstaan regtig wat ’n refluksmamma deurmaak. Hulle kritiseer, oordeel en dink jy is ’n slegte ma wat nie jou kind se probleem kan hanteer nie. Hulle dink dis jou skuld en nie die refluks s’n nie, want hulle ken nie die siekte nie. TIANA KLUYTS, ma van Hendrik en ’n beroepsvrou van Johannesburg, sê Hendrik is op sewe weke met refluks gediagnoseer, en dit was die begin van ’n sielkundig uitmergelende pad. “Ek was jaloers op mammas wat maklike en gesonde babas gehad het,” erken Tiana. “Ek was moeg, prikkelbaar en soms selfs kwaad vir my kind wat so moeilik is. Met tye het ek depressief geraak as gevolg van die emosionele stres. Ons het vriende verloor wat nie verstaan het nie, en ek het ’n kluisenaarsbestaan gevoer…

Met haar armpies gevou en lippies styf toegeknyp kyk sy jou stip aan. Sy hou nie van aartappel nie, sal haar lippe nie aan pampoen sit nie en vleis is net eenvoudig sies. Daar is min dinge wat ’n mamma so lam maak soos ’n peuter wat vol nonsens is en niks wil eet nie. Aan die klein mensie wat beter weet van alles en alles self wil doen, kan ons ongelukkig nie veel verander nie, maar hoe ’n ouer op kleingoed se giere en grille reageer, kan bepaal hoe lank die nonsens aanhou. Volg hierdie sespunt-plan om jou peuter te troef. AS JY ‘N NUWE KOSSOORT WILL BEPROEF, NOEM DIT ‘N VERRASSING 1. LAAT HAAR HELP Plant tamatieplantjies, pluk perskes of laat sy by die supermark help om…

1. Die kompetisie se inskrywings is oop vanaf 22 September 2023 tot 31 Augustus 2024. Geen laat inskrywings word aanvaar nie. Sien bl. 8 en 9 vir meer inligting oor die drie verskillende kategorieë se sluitingsdatums. 2. Deur in te skryf, stem jy in om gebonde te bly aan die bepalings en voorwaardes van die kompetisie. 3. Deelnemers moet die ouer of wettige voog van die kind wees. Die tydskrifte behou die reg voor om bewyse van die verwantskap aan te vra. As dit bewys is dat daar geen verwantskap is tussen the kind en die persoon wat die foto gestuur het, gee die persoon vrywaring aan die tydskrifte teen enige eis van ’n derde party indien die kind as ’n wenner gekies word. 4. Jy word outomaties vir albei…

VOORBLAD WENNER WAT BETEKEN HAAR NAAM EN HOE HET JULLE DAAROP BESLUIT? Haar volle naam is Malia Arabella Swart. Malia beteken “gelief, vreedsaam, rustig” en Arabella beteken “pragtig, liefdevol, grasieus”. Die Here het haar naam vir ons gefluister nog lank voordat ons geweet het ons is swanger. Dit is vir ons regtig besonders, want dis die naam wat Hy oor haar uitgespreek het, en dit pas so perfek by haar. VERTEL ONS MEER VAN HAAR GEBOORTE Ons was geseënd met ’n gesonde swangerskap en het besluit om op 39 weke en vier dae ’n amniotomie te laat uitvoer (dis wanneer die dokter ’n mens se water laat breek). Ná 20 uur van natuurlik probeer kraam kon ek nie verder as 8 cm ontsluit nie en moes ’n noodkeiser uitgevoer word.…

Happy Event stel ’n nuwe produk bekend: 100% Natural Body Oil. Dit kan gebruik word teen littekens, rekmerke, onegalige velkleur en droë vel. Die nuwe Happy Event Oil is ’n kragtige mengsel van olyf-, argan-, maroela-, kremetart- en hawerolies met die natuurlike geur van laventelolie. Die bottel en boks is albei van herwinde materiaal gemaak en is herwinbaar. Gebruik Happy Event Oil om tydens jou swangerskap rekmerke te voorkom en jou hele lyf te bevogtig. Beskikbaar by Dis-Chem. Om in te skryf: Stuur jou gunsteling-foto na sharing@ypbmagazine.com. Onthou om jou kind se naam, van, ouderdom, kontakbesonderhede en posadres in te sluit.…

DANKIE, JAN BRAAI! My Eerste JanBraai Boek is die beste bekendstelling tot braai vir kleintjies. Dit bevat vertalings van basiese braaiterme in Engels, Afrikaans, Xhosa en Zoeloe, asook stappe met foto’s oor hoe om gunstelingbraaigeregte soos chakalaka en geroosterde malvalekkers te maak. Dis geskik vir kinders van drie tot ses jaar oud, maar selfs volwassenes wat met basiese braaibeginsels sukkel, sal sommer baie uit die boek wys word. Dis amper so goed soos om Jan Braai self in lewende lywe langs jou vuur te hê. Die boek skep ’n wonderlike geleentheid vir kinders en ouers om te bind om ’n gedeelde liefde vir braai. R150, Penguin Books. HEERLIKE HOENDERPOTJIE Dié hoenderpotjie sal jou al die basiese beginsels van ’n heerlike potjie leer. Hoewel dit ’n eenvoudige resep is, smaak dit…

E-pos jou vrae na sharing@ypbmagazine.com Vrae kan ongelukkig nie persoonlik beantwoord word nie. ONS KENNERS Beste tyd vir die naald V Ek beplan om normaal te kraam, maar sal tog die opsie van epidurale verdowing wil hê as dinge dalk te seer word. Nou hoor ek dat ’n epiduraal soms geweier word as ’n mens te laat daarvoor vra, of uitgewerk is voor jy klaar gekraam het. Hoe werk dit? A TINA OTTE ANTWOORD: Spanning en uitputting kan veroorsaak dat die kraamproses lank en uitgerek word, en epidurale verdowing op die regte tyd kan help om die spanning te verlig en toelaat dat die kraamproses vorder. Soos met enige kraam-ingryping beteken epidurale verdowing dat die bestuur van jou bevalling verander. Dis meer waarskynlik dat jy dan “medies bestuur” sal word…

Navorsing wys dat rus, ontspanning en ’n positiewe instelling tydens jou swangerskap ’n goeie manier is om te help verseker dat jy ’n gesonde swangerskap en gesonde baba het, sê Tina Otte, vroedvrou en skrywer van vele boeke oor swangerskap. Ouers het ook nou ’n besonderse en belangrike kans om ’n verhouding met hul baba te smee terwyl hy nog in die baarmoeder is. “Dis in skrille kontras met vorige sienings dat ongebore babas nog nie oor die vermoë vir interaksie beskik nie en nie kan onthou, leer of betekenis aan hul ervarings kan heg nie,” sê Tina. Nou die dag nog het dokters dikwels vir swanger vroue en amperpa’s vertel dat dit tydmors is om met ’n ongebore baba te gesels, maar nou is daar toenemende bewyse dat die…

BIO-OIL VIR ’N NUWE GESLAG Vra maar vir ander mense … ma’s sweer by Bio-Oil (R270 vir 200 ml) om rekmerke te help voorkom. Dit bestaan al sedert 1987 en word nou as die wêreld se voorste rekmerk- en littekenolie beskou. Dis ook wonderlik dat hulle nou Bio-Oil (Natural) het, wat net van natuurlike olies gemaak word. Ons is ook aanhangers van die Bio-Oil Dry Skin Gel wat vinnig absorbeer. ’n Titseltjie rig baie uit, wat beteken dat die produk regtig lank hou. bio-oil.com JUSTINE SE NUUTSTE OLIE Avon Justine het talle soorte weefselolie, maar hierdie outjie is die een wat jy wil gebruik as jou lyf onder druk is of was, dus tydens of ná jou swangerskap. Justine Tissue Oil Active Repair (R169 vir 100 ml) is voedend vir…

Koliek word beskryf as ’n toestand waarin ’n andersins gesonde baba minstens drie uur per dag troosteloos huil en dit minstens drie keer per week vir minstens drie weke doen. Dit kan so vroeg as op vier weke begin en vervaag gewoonlik teen omtrent 16 weke. Die gehuil begin meestal laatmiddag of vroegaand en kan ure aanhou. Babas kan hul bene hoog optrek, wriemel en rooi in die gesig word. Die oorsake van koliek is ’n bietjie van ’n raaisel. Jy is egter nie alleen nie – 20 persent van pediaterbesoeke in ’n baba se eerste vier maande is aan koliek te wyte. Dinge soos allergieë, spysverteringprobleme, laktoseintoleransie, hormone, temperament, ’n onvolwasse immuunstelsel, die omgewing en oorstimulasie – of ’n kombinasie van al hierdie faktore – is moontlik die koliek-sondaars.…

Dalk skrik jy op die eerste dag vir jou nuwe baba, wat so vreemd en anders lyk as die babas in die sjampoeadvertensies. Maar moenie die fout maak om te dink dat daar nie veel in daardie koppie aan die gebeur is nie, om van die lyfie nie eens te praat nie. Ons bekyk ’n paar van die vernaamste mylpale aan die fisieke, intellektuele en emosionele front en deel wenke ook. Week 1 Teen die einde van baba se eerste dag in die wêreld sal sy al jou reuk herken. Sy word gebore met sintuie wat al goed werk (buiten sig, wat aan die begin maar swak is), en haar breintjie begin onmiddellik met die leerproses om sin te maak van alles wat haar sintuie haar voed. ’n Paar dae…

E-pos jou vrae na sharing@ypbmagazine.comVrae kan ongelukkig nie persoonlik beantwoord word nie. ONS KENNER V Ons baba is vandag 10 dae oud. Ek het van dag een af probeer borsvoed, maar het gevind dat sy nie genoeg melk inkry nie. Sy is ons derde baba. Ons eerste twee kon ek wonderlik borsvoed. Ek het sedertdien ’n borsverkleining gehad en neem nou aan dat van my melkbuise dalk in die operasie “afgesny” is. Ek het met die ander twee normaal gekraam, maar met Francine moes ek ’n keisersnee kry omdat sy stuitliggend was. Die keisersnee is onder volle narkose gedoen omdat twee vorige rugoperasies ’n spinale blok onmoontlik gemaak het. Het al hierdie faktore ’n rol gespeel in my melkproduksie? Ek melk steeds uit sodat ek haar darem ’n bietjie borsmelk…

TERWYL EK JOU BORSVOED, KYK JY STIP NA MY GESIG ASOF JY WIL PEIL HOE HIERDIE VROU LYK WAT JOU MA IS. MAAND 1 Is daar ’n groter oomblik as om jou baba die eerste keer vas te hou? Jou volmaak geskepte handjie krul styf om my vinger. As ek aan jou wangetjie raak, draai jy jou kop outomaties daarheen, soekend na my bors. As jy dit kry, suig jy instinktief en sterk. Reeds met geboorte het jy gereageer op skerp lig deur jou gesiggie op ’n frons te plooi, en harde geluide laat jou jou arms wyd oopgooi en huil. Maar as ek jou styf teen my vashou, word jy rustig. Jy ontwikkel letterlik elke dag: Ná die eerste week kan jy jou koppie vir enkele sekondes effens skuins…

E-pos jou vrae na sharing@ypbmagazine.com Vrae kan ongelukkig nie persoonlik beantwoord word nie. ONS KENNER V My kind is nou drie en ’n half jaar oud. Ons is nou al ’n paar maande lank met potjielesse besig, maar kom nie juis êrens nie. Ek raak nou bekommerd, want al die ander kinders van haar ouderdom het potjielesse al onder die knie. Het my kind ’n probleem? Wat kan die oorsaak wees? A LIZANNE DU PLESSIS ANTWOORD: Elke kleuter het ’n unieke temperament en daarom is daar nie ’n regte manier of ’n regte tyd om te leer nie. Kinders bemeester potjielesse op verskillende ouderdomme, en dis hoekom verskillende benaderings vir elkeen werk. Soos met enige ander ontwikkelingsmylpaal is daar aspekte van ontwikkeling wat bemeester moet word voor potjielesse aangepak kan…

Een- tot driejariges moet reuse-spronge maak in hul sosiale en emosionele ontwikkeling. Jou baba moes hoofsaaklik vertroue leer, maar nou moet hy leer om sy emosies te kommunikeer, uitdagings te hanteer, vriendskappe te smee, en empatie asook ’n gewete (’n sin van reg en verkeerd) ontwikkel. Die sleutel tot hierdie sosiale en emosionele kennis lê in liefdevolle en ondersteunende verhoudings met ouers, volwassenes en vriende, sê Zero to Three, ’n Amerikaanse nieregeringsorganisasie wat in peuters se emosionele welstand spesialiseer. UITDAGINGS EN VERTROUE Die wêreld kan vir jong peuters angswekkend en onvoorspelbaar wees. Noudat hulle kan stap, kan hulle hulle op ’n vreemde plek bevind (selfs in jou huis of erf) sonder dat hulle noodwendig daar wou wees. Jy laat jou peuter veilig voel wanneer jy hom aanmoedig om op ’n…

PLAK EN LEER Leer van kleure saam met Ollie Olifant is propvol plakkers en aktiwiteite sodat jou kleuter speel-speel van kleure kan leer en op die koop toe lekker besig kan bly. Leer van vorms en teenoorgesteldes saam met Krokkie Krokodil beloof dieselfde, maar die tema is vorms en teenoorgesteldes. Dis die perfekte pretboekies vir die oefen van motoriese vaardighede en leer jou kind ook basiese begrippe. R80 elk, Human & Rousseau. DIS NOU OORSPRONKLIK! Almal in Feetjieland kan rustig slaap danksy Kaptein Fanie en Sersant Saarkie van die Feetjiepolisiediens wat ’n oog oor hulle hou! Die skrywer Leon-Ben Lamprecht is ’n betreklik nuwe stem in die Afrikaanse kinderboekmark en ons kan eenvoudig nie genoeg van sy stories kry nie! Die humor is fantasties en so eg Afrikaans dat dit…

EK WENS DIKWELS ONS HET KAMERAS ORAL IN ONS HUIS GEHAD SODAT EK MY GESIGSUITDRUKKING KON SIEN DIE OOMBLIK DAT LILLIEMARIE IN TRANE UITBARS. Dit kom skielik. Asof van nêrens. Net soos baie mense al die oomblik voor ’n aardbewing of ander natuurramp ramp beskryf het. Niemand het dit sien kom nie. Niemand weet mooi wat gebeur het nie. Niemand het dit opsetlik veroorsaak nie. Dis net skielik daar. En enige persoon wat dit al eerstehands beleef het, kan jou presies vertel waar hulle op daardie oomblik was en wat deur hul gedagtes geflits het. Ek was voor die koskas terwyl Lillie-Marie se vinger beduie na die peuselhappies wat ons daar bêre. Selfvoldaan haal ek die pakkie appelkooslekkers uit waarvoor sy so lief is en sien in my geestesoog hoe…

VOORBLADKOMPETISIE ONS IS AANLYN! Sociale media Volg ons op sosiale media vir gereelde kompetisienuus: #CoverStarSearch Vir die volledige bepalings en voorwaardes, gaan na bladsy 97. Om ‘n seuntjie in te skryf, epos ‘n foto na coverstar@ypbmagazine.com Maak seker die foto is onlangs, duidelik en van goeie gehalte. Onthou om die kind se naam, ouderdom en waar julle vandaan kom in te sluit, asook kontakbesonderhede. Ouderdomsperk: 48 maande SLUITINGSDATUM: 31 DESEMBER 2023 Om ‘n pasgeborene in te skryf, epos ‘n foto na coverstar@ypbmagazine.com Die baba kan enige geslag wees. Maak seker die foto is duidelik. Onthou om die kind se naam, ouderdom en waar julle vandaan kom in te sluit, en kontakbesonderhede. Ouderdomsperk: tot 3 maande SKRYF IN VAN: 1 JANUARIE – 30 APRIL 2024 Om ‘n dogtertjie in te…

DIE DEFINISIE ’n Vrou word as onvrugbaar beskou as sy nie swanger geword het nie ná ’n jaar van seks sonder voorbehoeding. Ná die ouderdom van 35 word selfs aanbeveel dat jy hulp soek as jy nie binne ses maande swanger is nie. As jy ’n geskiedenis het van ongereelde, pynlike of abnormale maandstondes, bekkeninfeksies, operasies of pynlike seksuele omgang, moet jy vroeër hulp soek. DIE OUDERDOM Die ideale tyd vir ons liggaam om swanger te word is tussen 18 en 24 jaar oud. Ouderdom is een van die grootste faktore in vroulike onvrugbaarheid. Namate ’n vrou ouer word, neem die gehalte en doeltreffendheid van haar eiertjies af. Daarby word haar kans ál kleiner om swanger te word en ’n voltermynswangerskap te geniet. Vroue jonger as 35 wat hulle tot…

PASOP VIR PILLE Het jy geweet ’n normale dosis aspirien kan ernstige gevare vir ’n ma en haar ongebore baba inhou? Van dié gevare kan eers met die geboorte duidelik word, wanneer kwaai komplikasies met die ma se bloedvloei kan intree. As aspirien naby die einde van die swangerskap geneem word, kan dit die hormone inperk wat die geboorteproses stimuleer en só die swangerskap verleng of die geboorte vertraag. Daar is ook studies waarin gewys is dat die gebruik van aspirien tydens bevrugting of vroeë swangerskap die kans op ’n miskraam verhoog. Aspirien is ook al die skuld gegee vir ’n plasenta wat skeur. Ander medisyne wat gevaarlik kan wees tydens swangerskap, is dié met ’n antiinflammatoriese komponent soos ibuprofeen en sekere soorte antibiotika. As jy wonder oor medikasie tydens…

Dink daaraan: As jy ’n vrou is met ’n gemiddelde gewig en lengte, is die ligament wat jou baarmoeder en bekken met mekaar verbind, 3 tot 5 cm lank. Maar nou word jy swanger en hierdie einste ligament wat jou baarmoeder ondersteun, begin rek – en word tussen 15 en 20 cm lank. Geen wonder dus dat die meeste vroue ligamentpyn kry terwyl hulle swanger is nie. HOE WEET EK DIS LIGAMENTPYN? Talle swanger vroue voel pyn laag onder in hul buik – dis gewoonlik ligamentpyn. In groter swangerskappe kan jy die pyn ook aan die kante van jou baarmoeder voel. Soms is dit net ’n ligte pyn en baie vroue skryf dit af as ’n gewone swangerskapskeet. Maar in sommige gevalle is die pyn so intens dat baie onmiddellik…

Voor jou en jou kleinding se liggaam op hul beste kan werk, is ’n gesonde spysverteringstelsel noodsaaklik. Meer as 500 verskillende soorte bakterieë is hard aan die werk in die spysverteringskanaal. Presies hoeveel en wat hul eienskappe is, verskil van plek tot plek. Elke mens op aarde het ’n unieke derm-mikrobiotaprofiel (mikrobiota is ’n gemeenskap mikroörganismes in jou derm) wat in die vroeë kinderjare gevorm word. Hierdie omgewing, of bioom, bly egter nie konstant nie, maar word aanhoudend beïnvloed deur faktore soos dieet of siektes, om maar net twee te noem. Dr. Anton Janse van Rensburg van Pretoria sê dat baie aspekte van ons moderne lewe ongelukkig nie die bioom in ons derms gesond help hou nie. “Antibiotika, rook, stres, anti-inflammatoriese middels, teensuurmiddels vir die maag en die afwesigheid van…

Dis moeilik om te weet wat normaal is wanneer dit by jou baba se doek kom en baie ouers is bekommerd oor hardlywigheid wanneer die doek vir ’n rukkie leeg was en dit lyk of baba druk. Die beste aanduiding van hardlywigheid is egter nie gereeldheid nie, maar eerder poef wat droog en hard is, selfs al is dit gereeld. Dit is belangrik om jou baba goed gehidreer te hou, want dis die beste manier om hardlywigheid te voorkom. Aan die ander kant van die doekspektrum is ouers weer oor diarree bekommerd. Borsbabas se poef lyk tipies baie nat. Sommige babas kan 10 vuil doeke per dag produseer, en ander net een per week – dis alles normaal. Wees egter op die uitkyk vir slym in die stoelgang, of ’n…

WENK 1 BEGIN MET GEBOORTE Die Amerikaanse Akademie van Pediatrie sê magietyd kan al begin op die dag wanneer jou baba van die hospitaal af huis toe kom. Help haar so daaraan gewoond raak: Plaas haar twee tot drie keer per dag vir kort rukkies op haar maag. Drie tot vyf minute is genoeg, veral as sy dit nie geniet nie. Namate sy ouer word en haar spiertjies versterk, kan jy die tyd op haar magie ál langer maak en sal jy ook vind dat jou baba dit ál meer geniet. WENK 2 DOEN DIT WANNEER SY GOED VOEL Die ideaal is om magietyd by jul normale roetine in te bou. Elke keer wanneer jy haar doek ruil, kan jy haar byvoorbeeld gou op haar magie neerlê. Vermy dit direk…

Dink jy die woord “nagmerrie” is gelyk aan ’n klein baba op ’n vliegtuig? Dit hoef nie so te wees nie. Vlieg bly een van die veiligste maniere van vervoer en is beslis vinniger as ander opsies. Lugdienste maak dit ook deesdae vir ouers so gerieflik moontlik. BEREI SO VOOR ■ Jy moet gewoonlik ’n klein vasgestelde bedrag vir kinders onder twee jaar oud betaal. Dit wissel na gelang van die lugdiens. Kinders van twee en ouer betaal by baie lugdienste die volle of byna die volle tarief. ■ Jy moet jou baba se geboortesertifikaat by die toonbank wys. ■ Daar is doekruilgeriewe op alle vliegtuie. Sommige lugdienste het ook wiegies beskikbaar. Die aantal aan boord is egter beperk. ■ Niemand mag op die vliegtuig se vloer lê nie. ■…

BENODIGDHEDE ■ ’n lang sokkie of ’n hele paar sykouse■ ’n stuk opgefrommelde papier■ ’n opgefrommelde plastieksak■ tou of wol■ ’n hand vol ou knope■ ’n flessie groot blinkertjies■ rys of bone GAAN SO TE WERK 1. Stop die punt van die sokkie of sykous met een van die items hierbo. Maak ’n knoop of bind dit styf toe met die tou of wol. 2. Stop dan ’n volgende item in die sokkie en bind dit toe. 3. Gaan so voort tot jy bolletjies van verskillende teksture het. 4. Maak seker dat jy met die sykous ’n paar lae gebruik sodat jou baba nie daardeur kan byt nie. 5. Jou baba sal dit geniet om te voel en te vat aan die sokkie, wat verskillende klanke sal maak afhangende van…

Dis elke ma se nagmerrie dat jy jou kind in ’n winkelsentrum of ander besige openbare plek sal verloor. Jy dink dalk dit gebeur net met onverantwoordelike ma’s, tot jy jou woorde moet sluk as jou peuter skielik uit jou hand losruk en soos ’n blits tussen die mense verdwyn. Vir sommige peuters is dit bloot ’n prettige speletjie om in ’n besige winkelsentrum van hul ma af te probeer weghardloop, maar daar kan ook ander redes wees waarom hulle koers kies. Baie peuters begin vreemd optree in winkelsentrums, waarsku die Pretorianer Esta Hansen, ’n opvoedkundige sielkundige en fasiliteerder by die ouerskapsorganisasie Doelgerigte Ouerskapsleiding (D.O.L). “Party hardloop weg terwyl ander temerig en huilerig raak. Ander sal selfs begin kruip of sit en weier om verder te loop.” Die helder en…

As tuisblyma voel ’n mens maklik of jy tonnelvisie ontwikkel terwyl die dae by jou verbyglip en jy ál jou aandag aan jou kleuter wy sonder dat jy voel julle bereik ooit iets. Jy is egter in die perfekte posisie om jou kind optimale een-tot-een-stimulasie te gee. ’n Dagprogram kan help om jou meer in beheer van jul dag te laat voel en ook verseker dat geen faset van hul stimulasie per ongeluk agterweë bly nie. Ons het Carla Cronjé van Vryburg, ’n opgeleide voorskoolse onderwyseres en ma van drie, gevra om wenke oor ’n goeie tuisprogram te deel. WAT MOET JY STIMULEER? Jou kind is ’n ontdekker met ’n natuurlike instink om meer oor die wêreld om haar te leer. Jou rol as ouer is om haar soveel moontlik…