Tabla de contenidos para June - September 2023 en Baba & Kleuter

Ek is uit die aard van die saak op heelwat Facebookgroepies wat hulle met ouerskap bemoei. Net nou die dag vra ‘n moedelose ma op een van die groepies hoe ‘n mens jou kinders in die winter vroeg genoeg uit die bed kan kry. Dis immers donker en koud en niemand is lus vir opstaan nie, maar almal kan ook nie altyd laat wees vir skool en werk nie. Die kommentare het in twee kampe geval; ek noem hulle sommer die hard en die sag. Die hard het ‘n kombinasie van aksies aanbeveel wat insluit dat jy die duvet afruk en met ‘n waterpistool lostrek terwyl jy heavy metal blaas en ‘n bulderende alarm in die verste hoek van die kamer stel. Ek skat dit was so ‘n kwart van…

WENBRIEF ENGELKIND Vroeg verlede jaar het ’n wonderlike ding gebeur! Die grense vir oorsee reis is oop en ek gaan Australië toe vir die geboorte van my pragtige blouoogkleindogter, Gaby. Die vreugde klop-klop in my keel. Die weersiens ná drie en ’n half jaar is pure partytjie. Ek wil die wêreld vir my kinders gee, alles wat mooi is. My hart loop oor. So word liewe Gaby op 4 Maart 2022 gebore terwyl almal maskers dra en geen besoekers by die hospitaal toegelaat word nie. Natuurlik mag Pa in die hospitaal gaan kuier, maar nie eens ousus Kara mag die nuwe kleinding ontmoet nie. Dit reën vlae water, en so reën my oë trane van genoegdoening. Welkom, kleine Gaby! Daar is hemel in my hart en ek loop blinkoog deur…

Rame met toutjies en pennetjies vir uitstal vanaf R290, en deursigtige akriel-rame vanaf R399, ninho.co.za. Hierdie idee is presies wat die naam sê – ’n muur vol knipborde. Dis goedkoop en maak dit baie maklik om die kunswerke gereeld om te ruil. Dekoratiewe knipborde lyk baie mooi terwyl jy wag dat nuwe kuns geskep word. Outydse kurkborde is veelsydig en baie maklik om te gebruik. Om dit mooier en meer uniek te laat lyk, kan jy rame uitsoek en die borde raam. Voeg elke kind se voorletter by sodat almal weet wie se kuns daar pryk. Skandeer die kunswerke en laat dit op doek druk. Of druk elkeen apart en skep ’n kunsmuur in die vertrek. As jou mure reeds vol kunswerke is, kan jy jou kinders se kuns op…

APGARSKAAL Kort ná baba se geboorte word sy algehele welstand met die Apgarskaal-metode bepaal. Sy hartspoed, asemhaling, velkleur, reaksie op prikkels en reflekse word onderskeidelik een, twee en tien minute ná die geboorte geëvalueer. ’n Hoë Apgartelling dui op ’n gesonde baba, en as die telling laag is, word baba herhaaldelik getoets om sy vordering te monitor. AMNION Dit is die binneste vlies om die embrio wat aan die naelstring verbind is en later die sak met vrugwater vorm. AMNIOSENTESE ’n Toets waarmee ’n spesialis kan vasstel of jou fetus ’n afwyking soos Downsindroom het. Dit word teen omtrent 16 weke gedoen. Van jou vrugwater word getrek en ondersoek. AMNIOTIESE VLOEISTOF/VRUGWATER Die beskermende vloeistof wat die fetus in die baarmoeder omring ANEMIE/BLOEDARMOEDE ’n Toestand wat voorkom wanneer jou bloedystervlak te…

Jou liggaam berei al sedert die begin van die swangerskap vir die geboorte voor. Soos jy die pylvak nader, begin jy fokus op die taak van kraam en wonder jy of jy een van die 5 persent van vroue sal wees wat óp hul verwagte datum ’n baba voortbring. Daar is ’n paar waarskuwings wat die begin van kraam aandui. Die natuur verskaf ’n verskeidenheid tekens pleks van duidelike stappe. Hierdie tekens kan in enige volgorde oor ’n tydperk van ’n paar weke, dae of selfs ure voorkom. Die volgende dui daarop dat jou liggaam besig is om vir kraam voor te berei. ■ POSISIEVERANDERING ( LIGHTENING) Hierdie term word gebruik om die verandering van jou baba se posisie te beskryf namate die koppie in die bekkenholte begin insak. Terwyl…

Twee weke gelede het jy iets merkwaardigs gedoen – jy het die lewe geskenk aan jou kind. Tot nou was jou lewe ’n warboel van voeding, slaap, winde uitvryf en liefde gee aan jou klein bondeltjie. Maar vanaand, vanaand lyk dinge effe anders. Uit die bloute het jou rustige, tevrede baba haar knieë na haar bors opgetrek, haar vuiste gebal en begin skree. Nie een van jou pogings om haar te laat bedaar, help nie. Jy ruil haar doek, probeer haar voed en bad haar selfs, maar sy hou net aan skree. Dan skielik, so vinnig as wat dit begin het, is dit verby en lê sy dromerig daar asof niks gebeur het nie. Hierdie toneeltjie speel hom ontelbare kere af in miljoene huishoudings oor die wêreld heen en nuwe…

1. SING EN KLETS ’n Vrolike gekletsery, singery en verskillende gesigsuitdrukkings is wonderlike visuele en ouditiewe stimulasie vir jou baba. Dink aan liedjies sing, rympies opsê, boekies lees en musiek luister. Behou goeie oogkontak tydens al dié aktiwiteite aangesien dit belangrik is vir spraak-, taal- en sosiale ontwikkeling. Beweeg ook rond terwyl jy sing sodat jou baba jou met haar oë kan volg en haar visuele veld kan ontwikkel, net soos met kiekeboe. 2. MASSERING Gereelde massering van jou baba se lyfie stimuleer nie net haar tasstelsel nie, maar help ook met liggaamlike bewuswording en is wonderlik vir binding tussen ma en baba. Gebruik ferm masserings, rol haar lekker styf toe met ’n kombersie of handdoek en druk lekker diep op die lyfie. Speel ook met sponsies en…

E-pos jou vrae na sharing@ypbmagazine.comVrae kan ongelukkig nie persoonlik beantwoord word nie. ONS KENNER Q My kleindogter is vroeg gebore. Sy was twee en ’n half maande in die NISE. Haar naeltjie staan soos ’n worsie teen haar maag uit. Die hospitaalpersoneel het dit probeer terugdruk, maar dis nog daar en is nou met ’n pleister vasgeplak. Hoekom het die naeltjie uitgespring? A DR. H.P. VAN DER MERWE ANTWOORD: Die worsvormige veluitstulping waaroor jy bekommerd is, word veroorsaak deur ’n onderliggende naeltjiebreuk. Dié breuke is algemeen en kom by tussen 10 en 20 persent van pasgeborenes voor. Dis veral algemeen by vroeggebore babas. By vroeggebore babas word dit gewoonlik eers sigbaar wanneer hulle sterker is en daar wanneer hulle huil, genoeg buikdruk is om ’n breuksakkie in die vorm van…

Jy en jou kind sal albei beter voel as jy haar met humor en selfs speletjies dissiplineer, skryf die Amerikaanse sielkundige Larry Cohen in sy boek Playful Parenting. As jy speels en vol humor is, werk jy op haar vlak omdat kinders hul gevoelens deur spel verken en leer begryp. Humor help jou kind ook om meer ontspanne met jou te kommunikeer en om nuwe begrippe beter in te neem en langer te onthou. Boonop skep humor ’n spesiale band tussen ouer en kind. Dit sorg uiteindelik vir ’n verhouding waarin jou kind haar meer oopstel om te leer oor die grense wat geld. Met humor keer jy menige magstryd en ontlont konfliksituasies sonder dat ’n uitbarsting, bakleiery of straf nodig is, want alle mense reageer beter op humor as…

VOORLEES-MARATON Loer gerus na Afrikaans.com. Hierdie webtuiste het die prettigste boeke vir kinders. Soek onder die “Lees dit”-afdeling na “Kinderboekrak” en daar klik jy eenvoudig op die boek waarvan jy hou en laai dit gratis af. Van die boeke daar beskikbaar kan ook geluister word – ideaal vir vakansietye! Anzil Kulsen se kinderboeke, soos Leroy op die maan en Patatranke vir oupa, is geskik vir beginnerlesers en het die allermooiste, helderkleurige illustrasies deur Iranda Erasmus. Anzil bekyk temas oos geldsake, afsterwe van geliefdes en aanneming, en bied dit maklik verstaanbaar vir jong lesers aan. Manje, die koenlapper en Schalk se skatteg deur Ismi van Niekerk is weer ideaal vir voorlees-lekkerte net voor slaaptyd; so ook die Kadoempie-reeks deur die afgetrede onderwyseres Jeannette Grobler. Daar is heelwat gratis boek te kry.…

1. Die kompetisie se inskrywings is oop vanaf 23 September 2022 tot 31 Augustus 2023. Geen laat inskrywings word aanvaar nie. Sien bl. 8 en 9 vir meer inligting oor die drie verskillende kategorieë se sluitingsdatums. 2. Deur in te skryf, stem jy in om gebonde te bly aan die bepalings en voorwaardes van die kompetisie. 3. Deelnemers moet die ouer of wettige voog van die kind wees. Die tydskrifte behou die reg voor om bewyse van die verwantskap aan te vra. As dit bewys is dat daar geen verwantskap is tussen the kind en die persoon wat die foto gestuur het, gee die persoon vrywaring aan die tydskrifte teen enige eis van ’n derde party indien die kind as ’n wenner gekies word. 4. Jy word outomaties vir albei…

KEER HONDBYTE NOG VOOR DIT GEBEUR Honde verstaan nie dat dit verkeerd is om mense te byt nie. Honde byt dikwels wanneer hulle bang is of hulself probeer beskerm. Om te keer dat ’n hond ons byt, moet ons almal verstaan: ■ Hoe ’n hond voel. ■ Hoe om bekende en vreemde honde te nader. ■Wanneer dit veilig is om ’n hond te nader of interaksie te hê met ’n hond – en wanneer nie. HOE OM OP TE TREE RONDOM HONDE Honde wat jy ken ■ Leer jou kinders om met honde te speel wanneer die hondjies nog klein is. Doen dit ook self. Dit help om die honde te sosialiseer wat verseker dat hulle nie vir mense bang is nie, want hierdie soort spel maak hulle gewoond daaraan…

WANNEER KOM KOORSSTUIPE VOOR? 6 maande tot 5 jaar Koors styg vinnig en is bo 38ºC Koorsstuipe kan veroorsaak word deur siektes wat met koors gepaardgaan of ’n familiegeskiedenis van stuiptrekkings in die kinderjare. WAT JY OOR KOORSSTUIPE MOET WEET ■ Dit veroorsaak nie breinskade of chroniese siekte nie ■ Word veroorsaak deur ’n vinnig stygende koors; is nie self 'n siekte nie HOE LYK KOORSSTUIPE? Rukkerig Verstywing Oë rol SKAKEL DIE NOODDIENSTE AS: ■ stuiptrekkings weer binne 24 uur geskied ■ die toeval vir langer as 5 minute duur ■ die kind nie daarna weer normaal optree nie ■ die kind se mond blou word en die kind ophou asemhaal RAAD AAN OUERS:…

VOORBLADWENNER JULLE IS ’N GESIN WAT BAIE RONDRITS. VERTEL MEER. Ek en Malaika se pa, Dylan Holtkamp (34), is in 2016 getroud. Hy is ’n Amerikaner en ek is ’n Indonesiër. Ons was nog jonk, besig met ons loopbane en wou wag voor ons met ’n gesin begin. In 2019 het ons van Amerika na Taiwan verhuis, en in September 2022 het ons Suid-Afrika toe getrek. Ek het in Taiwan al probeer swanger word, maar is deur die toestand PSOS gepootjie. Ons het egter nie hoop verloor nie. HOE HET JY DIE DIAGNOSE HANTEER? Ek is destyds vertel dat ek net swanger sou kon word met die hulp van medikasie en in vitro-bevrugting. Ek wou dinge egter op ’n meer natuurlike manier benader. Ek het gesonder begin eet, meer geoefen…

Ontmoet die nuwe seepreeks: ARA Imphepho. Die unieke formule van ARA Imphepho-seep is ontwikkel vir droë, sensitiewe vel wat tot ekseem geneig is. Dit word gebruik om te reinig en genees en bevat Imphepho-olie van ’n hoë gehalte wat sag met die vel werk en dit ekstra bevogtig. Die Luxury Family Bar (100 g) kos R16,99 en die Gentle Baby Bar (75 g) kos R13,99. Te kry by uitgesoekte takke van PEP en aanlyn by SkinMiles, takealot.com en houseofcosmetics.co.za. Om in te skryf: Stuur jou gunsteling-foto na sharing@ypbmagazine.com. Onthou om jou kind se naam, van, ouderdom, kontakbesonderhede en posadres in te sluit.…

Gebalanseerde diëte bestaan uit baie groente en vrugte, peulgroente, melk en melkprodukte asook vis, hoender en maer vleis. Neute en sade bevat ’n verskeidenheid voedingstowwe wat waardevol is vir jou en jou kinders se gesondheid. Dit bevat gemiddeld 50 persent vet, waarvan die oorgrote meerderheid onversadigde plantolies (”goeie vette”) is. Verder bevat dit onder meer baie vesel, vitamien E en minerale soos sink, magnesium en kalium. Neute en sade is ook ’n goeie bron van plantaardige proteïen. Die spesifieke voedingstowwe hang af van elke soort neut en saad. Brasiliaanse neute is byvoorbeeld bekend vir die groot hoeveelheid selenium daarin en amandels vir hul kalsiuminhoud. Chiasaad en okkerneute is gewilde keuses danksy hul omega 3-vetsure. Dis ’n slim plan om gereeld vir jou kroos neute en sade te gee. NEUTE EN…

STAP 1 PRAAT MET JOU MAAT Paartjies moet saam besluit dat die tyd reg is. Gesels oor dinge soos bekostigbaarheid, tydsberekening en die ouderdomsgaping tussen jul kinders, kindersorg en werkopsies. As dit jul eerste baba is, kan julle ook gesels oor ouerskapstyl en moontlike ondersteuningstelsels. Julle kan gerus ook albei die dokter raadpleeg en van jul plan vertel, sodat enige moontlike probleme vroeg opgespoor en behandel kan word. Dit kan onnodige stres en teleurstelling voorkom. STAP 2 WORD GESONDER Jou vrugbaarheid hang af van jou ouderdom, gesondheid, emosies, menstruele siklus, die soort voorbehoeding wat jy gebruik en hoe lank jy dit al gebruik. Jong vroue word meestal maklik swanger omdat hul eierselle jonger is en omdat die serviks langer oop bly tydens ovulasie (die vrugbare dae van die siklus). Vroue…

Swanger vroue is dikwels die middelpunt van al die aandag en selfs wildvreemdes sal om haar kloek. Met al die aandag wat op Ma gerig is, kan Pa afgeskeep voel. HOE MA VIR PA KAN BETREK Soms is al wat nodig is dat jy jou maat verseker dat jy lief vir hom en trots op hom is. Verseker hom dat hy die beste pa gaan wees waarvoor enige baba kan vra. Hier is 10 praktiese maniere om hom te betrek. 1 Nooi hom saam na sonarondersoeke, doktersafsprake en voorgeboorteklasse sodat hy kan sien hoe jul baba ontwikkel en ook al sy vrae kan stel. As hy werklik nie die sonarondersoeke kan bywoon nie, bring vir hom ’n videogreep of foto. 2 Versier die babakamer saam. Selfs al gaan jul baba…

E-pos jou vrae nasharing@ypbmagazine.comVrae kan ongelukkig nie persoonlik beantwoord word nie. ONS KENNERS PETIDIEN TEEN PYN V Ek beplan ’n normale geboorte. Ek is nog nie seker oor die pynmedikasie nie. Wat kan petidien vir my doen? Is daar nadele? A DR. JP DU BUISSON ANTWOORD: Petidien is ’n pynverligtingsinspuiting wat ons gewoonlik gebruik om pyn ná operasies te verlig. Dit kan wel tydens ’n bevalling ook ingespan word. Dit word gewoonlik gebruik saam met ’n antihistamien, wat die petidien beter laat werk en ook help voorkom dat die petidien ’n mens naar maak. Kraam word in ’n latente en ’n aktiewe fase verdeel. Die aktiewe fase begin as jy verder as 3 cm by die baarmoedermond ontsluit het en gereelde kontraksies kry. In hierdie fase van kraam behoort jy…

Hoewel die boonste vellaag van ’n pasgeborene net so dik soos ’n volwassene s’n is, is jou baba se velletjie veel delikater as joune. Jou baba se vel dien as die eerste beskermingslaag wat haar teen fel temperature, mikroörganismes en infeksies beskerm. Dermatoloë weet nou dat ’n baba se vel buite die baarmoeder eintlik aanhou ontwikkel. Veral die vel se vermoë om as waterversperring te dien, hou in baba se eerste jaar aan ontwikkel. Die wêreld in die baarmoeder is nat en daar was jou baba deur vrugwater omring. Haar velletjie het haar teen die vrugwater beskerm met die hulp van ’n wasagtige lagie wat vernix genoem word en wat haar bedek en geïsoleer het. Met geboorte sal daar steeds ’n bietjie vernix aan haar vel wees en jy behoort…

E-pos jou vrae nasharing@ypbmagazine.comVrae kan ongelukkig nie persoonlik beantwoord word nie. ONS KENNER Q My kinderoppasser dra my ses maande oue baba in ’n handdoek op haar rug. Is dit gesond? Die beentjies lyk vir my so wyd uitmekaar. A LIZANNE DU PLESSIS ANTWOORD: Om rondgedra te word, hou heelparty voordele vir sowel baba as versorger of ma in. Navorsing wys dat babatjies wat gedra word, minder huil en goed gewig aansit, en dat hul ma’s minder tot postnatale depressie geneig is. Babas word in verskeie kulture op die versorger se rug gedra en dis ’n noodsaaklike deel van die grootmaakproses. Dit beteken dat mammas en versorgers kan voortgaan met hul werk en dat take soos kos maak en stryk veilig uitgevoer kan word. Die riglyne vir die abbategniek is:…

JOU GESIN 1 Trek warm aan en gaan stap in ’n park naby jul huis. 2 Stel ’n vroegaand-Milo-ritueel in, waar julle almal saam ’n koppie geniet en net gesels, sonder skerms en ander afleiding. 3 Laat elke lid van die gesin ’n wens neerskryf. Verbrand elkeen se papier met die wens daarop in die kaggel nadat julle dit hardop vir mekaar gelees het. Die kleinstes kan ’n prentjie van die wens teken. 4 Soek na ’n 5 km-pretdraf in jul omgewing en begin as gesin saam daarvoor oefen. 5 In die winter kan ’n mens se tuin maar valerig lyk. Koop of maak hangvlaggies wat julle in die bome kan ophang om die tuin op te kikker. 6 Hou ’n groot sopkook-naweek en vries porsies van verskillende soorte. 7…

Vandag se kinders is slagoffers van oorweldigende stres wat spruit uit ’n omgewing wat voortdurend verander, waar die pas aanhou versnel en waar ál groter eise aan hulle gestel word. Die samelewing word ál meer prestasiegedrewe en mededingend. Ouers weet dit – dis immers die wêreld waarin ons elke dag ons brood verdien. Ons is besig besig besig. Geen wonder ons is so dikwels angstig of moeg nie. Om ons kinders se onthalwe moet ons egter ons eie stresvlak onder beheer kry en daadwerklike stappe doen om hulle ook teen stres te beskerm. SORGELOOS OF GESTRES? Jou kind se brein is nog aan die ontwikkel. Emosioneel en intellektueel kan hy nie naastenby die dinge hanteer wat ’n grootmens hanteer nie, en dikwels voel ’n kind ook magteloos om hokaai te…

EK SIEN ELKE DAG HOE SY GROEI, HOE HAAR WOORDESKAT ONTWIKKEL EN HOE MY KLEIN BABATJIE ’N PEUTER WORD. Ek en Karin het besluit dat Lillie-Marie met skool sal begin aan die einde van die maand waarin sy begin loop. Dit is die logiese volgende stap omdat ek net soveel werk met ’n baba op my skoot gedoen kan kry en Karin weer dringend aandag aan haar praktyk moet gee. Twee maande voor die verwagte tyd het ek navraag gedoen oor hoe ons te werk moet gaan om Lillie-Marie by die skooltjie van ons keuse in te skryf. Ons is gewaarsku dat hulle net 15 kinders per klas aanvaar en dat hulle reeds 13 inskrywings het. Ons is aangeraai om solank die nodige vorms in te vul en dat Lillie-Marie…

VEILIGHEID IN EN OM DIE HUIS ■ Hou ’n lys van noodnommers by alle telefone en stoor dit op jou selfoon. Gebruik die akroniem ICE (In Case of Emergency) voor elk van hierdie kontakte sodat die nommers maklik is om in ’n noodsituasie op te spoor. ■ Hou verwarmers in ’n goeie werkende toestand, buite jou kind se bereik en ten minste 1m weg van gordyne, papier of meubels wanneer dit aangeskakel is. Gebruik beskermende bedekkings. ■ Maak seker dat elektriese koorde nie rafels het of oorlaai word nie, en buite bereik is. Alle kragpunte moet veiligheidsbedekkings hê. ■ Installeer veiligheidshekke vir peuters aan die bo- en onderkant van alle trappe en verseker dat die sterkte van trappe, relings, buiteportale en balkonne nagegaan is. ■ Installeer veiligheidsknippe of -slotte op…

Noodsituasies kan angswekkend wees, veral as babas of jong kinders betrokke is. Die beste is om so kalm as moontlik te probeer bly en dié belangrike stappe te onthou: een As jy vermoed jou kind het gif ingekry, neem haar hospitaal toe. twee As jy dink sy het ernstige beserings opgedoen, moet jy haar nie skuif nie, tensy sy in verdere gevaar verkeer. Hou haar warm en gemaklik en wag vir hulp om op te daag. drie Maak seker dat jy bekend is met die basiese KPR-stappe (sien bladsy 24 tot 27 vir instruksies). vier Hou jou gesin se basiese gesondheidsinligting byderhand. Hou ’n rekord van jou kinders se geboortedatums, immunisasies en enige belangrike mediese geskiedenis op ’n veilige, toeganklike plek, ingeval daar ’n noodsituasie ontstaan. Die paramedici sal soveel…

1 ANAFILAKSE (’N ALLERGIESE REAKSIE) Anafilaktiese skok is ’n erge teenreaksie wat die hele liggaam affekteer op ’n stof soos sekere kossoorte (grondboontjies), ’n bysteek of medikasie. Anafilakse tree onmiddellik ná blootstelling aan ’n allergeen in. Dis ernstig en betrek die hele liggaam. Dit is vreesaanjaend en vereis dadelik optrede. Oorsake ■ Kos Grondboontjies is gereeld die sondebok wanneer dit met kinders gebeur. Selfs ’n titseltjie daarvan kan anafilakse by iemand wat allergies is daarvoor, veroorsaak. Ander kossoorte wat ’n allergiese reaksie kan laat opvlam is vis, skulpvis, vrugte en sekere speserye, voedselkleursel en bymiddels. ■ Insekbyte en -steke van bye, perdebye en jellievisse. ■ Medikasie Spesifieke medisyne soos penisillien, verdowingsmiddels en pynstillers. Tekens en simptome Die simptome ontwikkel vinnig, dikwels binne sekondes, en kan insluit: ■ Angstigheid. ■…

JOU KOMPETISIE ONS IS AANLYN! Sosiale media Volg ons op sosiale media om op hoogte te bly van kompetisienuus.#CoverStarSearchVir die volledige reëls, en bepalings en voorwaardes, blaai na bl 97. Om ‘n dogtertjie in te skryf, epos ‘n foto na coverstar@ypbmagazine.com Maak seker die foto is onlangs, duidelik en van goeie gehalte. Onthou om die kind se naam, ouderdom en waar julle vandaan kom in te sluit, asook kontakbesonderhede. Ouderdomsperk: 3 tot 48 maande SKRYF DOGTERTJIES IN: 1 MEI – 31 AUGUSTUS 2023 JY KAN JOU INKOPIES NOU AANLYN DOEN BY DIS-CHEM BABY CITY Dis-Chem Baby City se wye reeks produkte teen lae pryse elke dag is nou aanlyn te kry met die opsie om jou aankope te laat aflewer of self af te haal. Dis geen wonder dat Dis-Chem…

Ons bly nou al ’n bietjie langer as ’n jaar hier in die noorde van Perth – of noord van die rivier, soos die Australiërs dit noem. My hart breek as ek dink dat ons hierdie drie Afrikaanse, Bloemfonteinse kinders ’n jaar gelede een oggend by hulle verskeie Engelse skole afgelaai het met die woorde: ”Sterkte. En as julle nie verstaan nie, sê net ‘I don’t understand’ ”. Arme goedjies. ’N JAAR LATER EN HULLE FLOREER. HULLE LEES, SKRYF EN PRAAT ENGELS, MAAR NATUURLIK NOG STEEDS AFRIKAANS – DIE TAAL VAN ONS HART. Dis ’n jaar later en hulle floreer. Hulle lees, skryf en praat Engels, maar natuurlik nog steeds Afrikaans ook, die taal van ons hart. Hulle moet elke dag ’n hoed saam skool toe neem, want hier is…

Van ons gunsteling-kenmerke van die Wonder-wiegie is dat dit jou help om jou baba snags naby jou te hê. Dis beter vir binding en veiligheid, en julle sal almal rustiger slaap. Tradisionele wiegies staan in die babakamer, maar die Wonder Swivel Soother 2.0 plaas jou baba in jou bereik sonder dat hulle die bed oorneem. Dit beteken jy kan snags dadelik help as jou baba onrustig is of in die nag wil voed, sonder dat jy hoef op te staan. Omdat dit minder ontwrigtend is, sal jou baba waarskynlik ook gouer weer insluimer. Ander ikoniese ontwerpkenmerke wat die Wonder-wiegie so spesiaal maak, is die twee maasstofvensters, en die ritsmuur wat jy kan laat sak om die wiegie deel van jou bed te maak. Danksy die hoogteverstelbaarheid, kan jy seker wees…

Huil is ’n paar weke lank die enigste manier waarop jou nuwe baba kan kommunikeer. Wanneer ’n baba huil, is sy besig om uiting te gee aan ’n basiese behoefte. Sy sê eintlik vir jou: ‘‘Help my; iets is nie reg nie.” Mettertyd leer jy jou baba se verskillende soorte huil ken asof dit gesproke woorde is – maar dit kos ’n bietjie oefening. Jy moet fyn luister, waarneem en dan besluit wat fout is. Hier is die grootste oorsake van ’n gehuil. 1. IS SY ONGEMAKLIK? Die meeste babas hou nie van vuil of nat boudjies nie. Maak dus seker dat dit nie dalk die probleem is nie. As ’n baba ongemaklik voel (dalk kry sy te warm of koud), trek sy gewoonlik haar ruggie krom wanneer sy…

Ons gebruik elke dag die groot spiere van ons lyf wanneer ons loop, sit of staan. Groot motoriese ontwikkeling gaan daaroor dat jou kind die spiere wat onder meer sy kop, skouers, arms, rug, maag en bene beheer, só leer gebruik dat hy bewegings akkuraat en met goeie tydsberekening kan uitvoer. Dit stel jou kind in staat om regop op ’n stoel te sit en by ’n tafel te werk. Groot motoriese spiere stel jou kind ook in staat om vir langer rukke stil te sit, soos hy by die skool moet kan doen. Jou kind se spiere leer met sy brein en senustelsel saamwerk om sy lyfie te laat doen wat hy wil doen. Dit sluit in ’n goeie balans, oog-hand- en oog-voet-koördinasie, goeie samewerking tussen die twee kante…

E-pos jou vrae nasharing@ypbmagazine.comVrae kan ongelukkig nie persoonlik beantwoord word nie. ONS KENNER Q My kleuter is vier jaar oud. Ek het gedink skeidingsangs kom net by babas voor, maar sy klou soos ’n apie aan my wanneer ek haar soggens by die skool moet laat. Hoe moet ek dit hanteer? A LIZANNE DU PLESSIS ANTWOORD: Skeidingsangs maak deel uit van normale emosionele ontwikkeling en kan so vroeg as ses maande kop uitsteek. Vir die meeste kinders is dit die ergste teen 18 maande en neem dit teen twee jaar oud af. Alle kinders ervaar skeiding verskillend – op watter ouderdom en vir hoe lank kinders dit het, hang af van hul temperament, die ervarings waaraan hulle blootgestel word en hoe die angs hanteer word. Kinders met ’n sensitiewe temperament…

LEKKER, LEGO Dalk het jy al agtergekom dat die LEGO Friends Universe-stelle deesdae effens anders lyk. Dis wonderlik! Die figuurtjies sluit nou ’n groter verskeidenheid velkleure en kultuuragtergronde in, asook spesiale behoeftes en neurodiversiteit. Dit weerspieël ons diverse werklikheid dus baie beter. Die nuwe geslag LEGO’s is oral te koop en jy kan ook op hul You-Tube-kanaal na LEGO Friendstelevisie kyk. Gaan na lego.com/friends vir nog inligting. GRATIS GEHALTE IN AFRIKAANS Een van die beste aanlyn hulpbronne vir vroeë kinderontwikkeling (VKO) wat ons nog teëgekom het, is op Afrikaans.com te kry. En dis gratis! Daar is ’n volledige 40 week lange kleuterkurrikulum vir peuters van twee tot vier jaar, asook vir graad pre-R en R. Dié topgehalte-materiaal is deur Yolandi van den Heever en Sophie Breytenbach saamgestel. Hulle glo aan…

Jy hardloop nader as jou kind net struikel, jy maak ’n afspraak by die dokter sodra sy die geringste teken van ’n loopneus toon en dis vir jou niks vreemds om haar kleuterskool elke uur te bel nie. Ja, sommige mense noem jou dalk ’n helikopterma, maar jy weet jy doen als in jou vermoë om jou lieflingkind te beskerm. Ons maak ons kinders immers vandag in ’n baie ander wêreld groot as dié waarin ons grootgeword het toe ons nog sorgeloos buite kon speel en fietsry. Ons lees elke dag van aaklige dinge wat met onskuldige mense gebeur en daarom is dit sekerlik reg as ’n mens al die moontlike doen om jou kind te beskerm. Of is dit? Sinette van Rooy Booysen, ’n kliniese sielkundige van Durban, sê…

Nuwe ouers se leerkurwe is enorm! My kinders is byna oud genoeg om die nessie te verlaat, maar die kurwe plat nog steeds nie af nie. Ek sal seker maar altyd oor hulle gesondheid en veiligheid bekommerd wees, veral noudat hulle begin bestuur het. Dit maak nie saak hoe paraat jy is nie, jou kinders sal soms siek word en hulle sal soms ongelukkies en einas oorkom wat jy meestal beter kan soen. Dis deel van grootword. Ouers kan egter beslis ’n verskil maak deur hulself te bewapen teen ernstige beserings en reperkussies van siektes deur beskermende en voorkomende aksie te neem en deur te weet wat om in ’n noodgeval te doen. Net sodat jy weet... koors en valle het ’n manier om op die mees ongeleë tye en…

Die voorbereiding vir jou nuweling se koms het nege maande geduur. Jy is nou ’n ouer en jou wêreld word op sy kop gekeer. Jou doelwit is om jou baba veilig en gesond te hou. Dit begin wanneer julle die hospitaal verlaat om huis toe te gaan en daarvoor het jy ’n motorstoeltjie nodig. KIES ’N MOTORSTOELTJIE Babas word veral blootgestel aan beserings aan die kop en spinale koord omdat hul bene en ligamente nog aan die ontwikkel is. ’n Baba se kop is proporsioneel groter as die nek, sodat die strukturele ondersteuningstelsel nog ’n bietjie wankelrig is. Daar is twee soorte motorstoeltjies wat elk spesifieke vereistes het vir behoorlike installasie. Wanneer jy ’n stoeltjie kies, onthou dat jou baba se kop en nek die grootste risiko dra, maar dat…

Dis nie altyd maklik om te besluit of jy jou kind dokter, of selfs noodeenheid, toe moet neem nie – veral nie as simptome snags ontwikkel nie. Die reël is: hoe jonger jou baba, hoe dringender moet jy mediese sorg soek. Babas se gesondheid kan vinnig agteruitgaan, dus moet jy liewers veilig speel. Soos jou kind grootword, sal jy meer ervare raak om hom self te monitor, sy skete en pyne te behandel en meer geneig wees om self ’n oog oor hom te hou en te kyk of dinge verbeter. Wat ook al jou kind se ouderdom, vertrou jou instink. Jy kan liefs agterna besef jy was onnodig besorgd. Moenie uitstel omdat jy nie jou dokter met ’n onbenulligheid wil pla nie. KOORS Liggaamstemperatuur wissel deur die loop van…