Tabla de contenidos para October - November 2019 en Baba & Kleuter

Ek hoop nie ek is al een wat so dink nie, maar ouerskap is in die somer ’n bietjie makliker en lekkerder, of hoe? Die kinders (en ouers!) kry minder verkoue en griep, dis makliker om skermtyd te beperk en hulle buite te laat speel, dis makliker om soggens op te staan en almal betyds uit die huis te kry, dis makliker om vrugte en slaai in daai lyfies te kry. En al het ’n dag nog steeds net 24 uur, voel dit asof mens meer tyd vir mekaar het omdat dit langer lig bly. Die lekker warm weer wat Gauteng hierdie jaar vroeg al gevoel het, is die inspirasie vir dié uitgawe. Ons vertel jou hoe om die beste piekniek te hou, hoe om die somer se vrugte in…

EMILY LEES SAAM MET MAMMA TYDSKRIF Ons het as gesin net voor Paasnaweek vakansie gaan hou en dit was Emily se heel eerste keer by die see. Sy het dit vreeslik geniet, maar soos altyd het alle goeie dinge tot ’n einde gekom en moes ons terugkeer huis toe. Mamma het die nuutste uitgawe van Baba & Kleuter gekoop om op die lang pad terug Pretoria toe te lees en Emily wou natuurlik saamlees. Die ander baba op die voorblad het haar gefassineer. Baie dankie vir die lekkerlees-tydskrif propvol oulike artikels en wenke. Mamma en Emily sal maar van nou af beurte moet maak om elke uitgawe te lees. CHANTELLE GROBLER, PRETORIA, GAUTENG WEN ’N CLEVER LITTLE MONKEY-GESKENKPAK TER WAARDE VAN R1 800! Clever Little Monkey (cleverlittlemonkey.co.za. ) se nuwe…

My twee dogtertjies (vyf en sewe jaar oud) het al van vroeg af swemlesse geneem, waaroor ek dankbaar is. Met vakansie twee jaar gelede het my toe driejarige in die swembad beland en kon sy self op haar ruggie kant toe swem en uitklim. CHANTALLE LOUW, PRETORIA, GAUTENG My baba swem al van ses maande af en ek kan met ’n geruste hart sê dat dit een van die beste besluite is wat ek nog geneem het. ’n Mens kan absoluut nie die waarde meet van wat hulle leer nie. NADIA DU PLESSIS, HARTENBOS, WES-KAAP Swemlesse is ’n noodsaaklikheid! Ons dogtertjie het verlede jaar in die vierde kwartaal twee keer per week swemles begin neem, net voor sy twee geword het. Die eerste paar lesse het sy so erg gehuil…

PASOP VIR DIE SON Daar is min dinge so lekker as om in die son te baljaar, maar ons Suid-Afrikaanse son moenie onderskat word nie, veral nie as dit by kinders kom nie. Selfs op bewolkte dae kan kinders baie seer brand en in die somer behoort ’n sonskerm een van jul daaglikse gebruiksmiddels te wees. Daar is deesdae allerlei oulike sonskermverpakkings in die vorm van rome, stafies en aanspuitmiddels. Hou ’n buisie in jou motor, handsak en die doeksak, en smeer dit soggens aan jou kind se vel nog voor jy sy klere aantrek. Dit moet deel van jul daaglikse roetine wees. Sit ’n wyerandhoed op sy kop of ’n keps wat sy hele gesiggie toemaak. Hou in gedagte dat jou kind selfs deur sy klere kan brand. Beplan…

Dit is nou die ideale tyd om uitstappies te onderneem en niks is so lekker soos piekniek in die buitelug nie. Vind uit waar die naaste besienswaardighede, speelparke en botaniese tuine is. Stel vas wat die besoektye is, wat parkering en toegang kos en watter dae en tye goedkoper is. Daar is niks so ergs soos ’n opgewonde kleuter wat sy oë uithuil omdat hy so uitgesien het na ’n uitstappie wat op die nipper afgestel is nie. Die meeste baba en peuters geniet nog ’n oggend- of middagslapie. Beplan jul uitstappie daarvolgens – ’n moeë, ongedurige kind gaan die uitstappie vir almal goor maak. Dit is ’n goeie plan om ’n sak te pak. In dié sak kom ’n warm item, skoon broek en onderbroek (of klein broekie) in…

A an die begin kan jy so verbysterd wees dat jy dit moeilik vind om te begryp wat jy voel – want om ’n ouer te word, is eweveel ’n ervaring van die verstand as van die liggaam. Dit is ook die opwindendste, uitdagendste, lonendste maar mees ingewikkelde ontwikkeling moontlik binne-in ’n mens. Sowat ses dae ná bevrugting kan ’n bloedtoets vasstel dat jy swanger is. Die toets kyk of die hormoon hCG (menslike chorioniese gonadotropien) teenwoordig is. Hoe vroeër jy weet, hoe beter, want dan kan jy na jou en jou baba omsien in die allerbelangrike eerste 12 weke, wanneer die ontwikkelende fetus op sy kwesbaarste is. Skryf al jou vrae neer en neem dit saam wanneer jy jou mediese raadgewer weer besoek. SO BAIE TOETSE Jou gesondheidswerker sal…

Nuwe ma’s voel dikwels onhandig en oorweldig as dit by borsvoeding kom: Dis ’n groot verantwoordelikheid om ’n afhanklike mensie se enigste voedselbron te wees. Maar hou moed! Sowel jy as jou baba is gebore om te borsvoed – dis instinktiewe gedrag eerder as ’n vaardigheid wat julle moet aanleer. Dis dalk nou moeilik om te glo, maar binnekort sal borsvoeding vir julle albei tweede natuur wees. SPRING DADELIK WEG Navorsing wys dat die eerste 72 uur van kritieke belang is. As dinge dan vlot verloop, het jy ’n baie groter kans om jou borsvoedingsdoelwitte te bereik. Hoe meer gereeld en doeltreffend jou baba drink, hoe vroeër sal jou melk inkom en hoe oorvloediger sal jou voorraad wees. Melkproduksie is ’n stelsel van vraag en aanbod: Hoe beter jou baba…

OGIES Jy kan jou baba se ogies met ’n klam wattebolletjie reinig, een vir elke oog. Gebruik afgekoelde kookwater. Vee liggies van die binnehoek na die buitehoek om aanpaksels te verwyder. As jou pasgeborene se ogies skoon is, hoef jy dit nie te doen nie. MOND Jy hoef nie jou pasgeborene se mond skoon te maak nie, maar as jy ’n wit lagie op die tong en aan die binnekant van die mond sien, kan dit moontlik sproei wees. Raadpleeg dan liefs die pediater. ORE Jou pasgebore baba se ore is baie delikaat en hoef nie binne skoongemaak te word nie. Jy kan die oorskulp en agter die oorskulp met ’n nat lappie vee as melk of spoeg daar opdam. Maak seker dat jou baba se oorskulp nie knak wanneer…

ons kenner V My baba is maar ’n paar dae oud. Ek moet oor vier maande terugkeer werk toe en wonder wanneer ek kan begin uitmelk en bottel gee? Ek is ook bang vir tepelverwarring. A LISANNE DU PLESSIS ANTWOORD: Jy kan in jou kraamverlof al begin uitmelk en so verseker dat daar ’n voorraad borsmelk beskikbaar is wanneer jy terugkeer werk toe of sommer net gaan inkopies doen. In die eerste twee tot drie maande van borsvoeding is borsmelkproduksie meestal hormoongedrewe. As jou borste oorvol word, is dit ’n goeie plan om uit te melk tot jy gemaklik voel. Hierdie melk kan vir latere gebruik gevries word. My raad is egter dat jy eers aktief begin uitmelk wanneer borsvoeding goed gevestig is en jou borsmelkproduksie gestabiliseer het. Dit gebeur…

Jou kind ontwikkel in haar eerste lewensjaar vinniger as enige ander tyd van haar lewe, en die regte stimulasie is dus baie belangrik. In die eerste jaar word al die boustene vir baba se toekomstige ontwikkeling gevorm. Maar wat is die doeltreffendste manier om jou bondeltjie te stimuleer? Hierdie speletjies sal jou kleinding se brein sommer gou aan die werk skop. GEBOORTE EN OUER SPELETJIE #1 Vryf verskillende teksture materiaal soos satyn, wol en handdoekstof oor jou baba se lyfie. Aanraking is een van die belangrikste maniere waarop baba die wêreld verken. Die aanraaksintuig ontwikkel reeds voor geboorte en baie van jou kind se leerervarings hou daarmee verband. As jy jou kleinding dus blootstel aan verskillende tassensasies sal jy haar bewuswording van haarself en haar wêreld vergroot. SPELETJIE #2 Gee…

Begin jou instink vir jou sê dat dit tyd is om jou baba aan vaste kos bekend te stel? Jy ken haar immers beter as enigiemand anders. As jy egter onseker is, help dit om te weet daar is tekens wat wys dis tyd dat jul eetavontuur begin. Wanneer drie of meer van die volgende fisieke en intellektuele mylpale behaal is, kan jy die eerste treetjies van die kosreis gee. FISIEKE MYLPALE • Jou baba sit al mooi regop (met ondersteuning of alleen) en haar kop en nek is nie meer wankelrig nie. • As sy op haar magie lê, kan sy haar kop al goed lig en haar gewig op haar skouers ondersteun. • Sy het haar geboortegewig minstens verdubbel. • Sy bly nie lank versadig nie en het…

Ná die lang winter sal die vooruitsig van ’n maaltyd buite op die grasperk of in die buurt se parkie jou kind beslis opgewonde maak. Dis gelukkig maklik om dinge voedsaam te hou en jou boonop ’n blaaskans van die kospotte te gee. Pak ’n kombinasie van soet en sout kos en verfrissende drankies. Onthou dat die fokus meer op die prettige uitstappie moet wees as op die kos; moet dus nie van jou kinders verwag om lank stil te sit en eet nie. Laat hulle speel en rondhardloop en kort-kort die piekniekkombers besoek om ’n vinnige happie weg te sluk. In die loop van die middag sal hulle so wel genoeg kos inkry. JOU PIEKNIEKLYSIE SOUTHAPPIES • Suikerertjies, wortelstokkies en babamielies met ’n guacamole-doopsous • ’n Doopsous gemaak van…

EEN SWANGERSKAP, KITSGESIN Swangerskap is ’n wonderlike ervaring, maar dis ook ’n tuimelrit van hormonale op- en afdraandes, en dis ’n fisieke inspanning – veral as jy meer as een baba dra. Anne Lewis (34) van Pretoria vertel hoe dit gevoel het toe hulle die nuus kry: “Ek en my maat het binne omtrent drie sekondes ’n klomp verskillende emosies beleef, van ekstase tot angstigheid! “Maar toe die skok eers verby was, het ons besef hoe gelukkig ons is. Johan en ek wou altyd twee kinders gehad het, en omdat ons albei ouer is, was dit vir ons voordelig om al twee gelyk te kon hê. “Ek weet dit klink dalk ’n bietjie selfsugtig, maar die inspanning wat swangerskap meebring hoef ek nou net een keer te beleef, al is…

Wou jy nog altyd saam met jou kinders gaan kamp? Hoekom besluit julle nie op iets luukser nie? Safari Plains is teen die pragtige Waterberge in Limpopo geleë, slegs twee uur se ry vanaf Johannesburg. Hierdie privaat wildpark bied ’n kinderprogram wat jou kinders nooit sal vergeet nie. Dink aan malvalekkers wat braai oor ’n bomavuur onder die melkweg, of leer hoe om spoor te sny opsoek na die Groot Vyf, die Klein Vyf en die Lelike Vyf. Julle kan ook tyd in die buitelug deurbring en alles geniet wat Safari Plains bied. Die Safari Plains-span se spesiale aktiwiteite vir kinders sal sorg dat hulle moeg, maar gelukkig saans gaan slaap. Daar is aktiwiteite in die bos, joga op die gras, kunsaktiwiteite, natuuruitstappies, “bumble”-wildritte (vir jong kinders), flieks met springmielies…

Dis die vermoë om jou emosies te beheer en te reguleer sodat jy doeltreffend en gepas optree wat betref jou gevoelens oor wat jy besig is om te ervaar. Ons as volwassenes het al geleer om sterk emosies te bestuur. Ons het ook toepaslike maniere geleer om ons emosies uit te druk. Jy weet byvoorbeeld dis nie aanvaarbaar om jou baas met ’n koppie tee te gooi as hy weier om jou verlof toe te staan nie. “Kinders, veral voorskoolse kinders, ervaar baie van dieselfde emosies as volwassenes, maar hulle het nog nie die kans gekry of die vaardigheid geleer om die gevoelens te reguleer nie,” sê die Bloemfonteinse voorligtingsielkundige Eloise Venter. Hierdie onvermoë lei dan tot vloerstuipe wanneer jou kind kwaad, hartseer, moeg, jaloers of gefrustreerd voel. Die goeie…

’N HELD VAL 19 Maart 2019. Die dag waarop al my drome waar sou word. Ons reënboogkind was geskeduleer om daardie dag gebore te word, en daarby was dit ook oupa Niel se verjaardag. En was oupa Niel nie trots nie! Sy derde kleinkind sou sy geboortedag deel. Om alles te kroon, het ons maande tevore al besluit om ons seuntjie na oupa Niel te noem. Ons was dus gereed om klein Niel op oupa Niel se verjaardag te ontmoet. Die dag skop heerlik af. Oupa en ouma kuier by ons uit Stilbaai. Ons wens oupa geluk met sy verjaardag voor ons hospitaal toe vertrek om ons klein mannetjie te ontmoet. Alles verloop glad en almal kry die kans om vir Niel hallo te sê. Ouma hou hom in ekstase…

Stuur jou gunsteling-foto na fotoblad@ babaenkleuter.co.za. Onthou om jou kind se naam, van, ouderdom, kontakbesonderhede en posadres in te sluit.…

WonderWÊRELD Gaan maak gerus ’n draai by die Hazendal-wynlandgoed se nuwe Wonderdal-vermaak-en-opvoedsentrum naby Stellenbosch. Dis gemik op kinders tussen vyf en 13 jaar oud. In die sentrum word tegnologie en fisieke elemente gekombineer om ’n kreatiewe binnespeelplek te skep. Terwyl kinders speel, leer hulle oor onderwerpe wat deur die Suid-Afrikaan se skoolleerplan gedek word, soos die verskeie vorme van energie, hoe plante groei en wat gesonde voeding behels. Daar is verskeie leersones wat jou kind kan ontdek! Gaan na hazendal.co.za vir meer inligting. MOOI LOOP Oktober is internasionale swangerskaps-en-babaverlies-bewusmakingsmaand. Skryf in vir die Walk of Remembrance op Saterdag 10 Oktober 2019, wat ’n 2,5 km stap- of drafroete op die terrein van Avianto-landgoed in Muldersdrif behels. Hierdie landelike roete kan as gesin of op jou eie aangepak word. Neem jou…

Om die een of ander rede snuffel muskiete sagte jong velletjies altyd vinnig uit en dis regtig erg om jou kind soggens propvol byte te sien. As dit die geval is, moet jy dalk ’n muskietnet vir sy bedjie oorweeg. Sitronella is ’n muskietweermiddel en daar is goeie produkte spesiaal vir kinders op die mark. Muskiete byt veral saans en daarom is dit ’n goeie plan om saans ná badtyd ’n insekweermiddel wat veilig vir babas en kleuters se vel is, aan te smeer. Produkte soos verdunde sitronella-olie, Peaceful Sleep en Tabart is veilig vir kleuters. Reinig ’n bytplek met seep en water en as hy regtig erg bygedam is en jeuk, kan jy hom ’n bietjie antihistamien gee (vra jou apteker). Met bysteke moet jy seker maak dat die…

Alle ouers wil eerder rustig en kreatief voel as uitgemergel en prikkelbaar. Die Johannesburgse sielkundige Noa Belling, skrywer van die topverkoper The Mindful Body, sê as jy maniere kan vind om jou energievlak te voed, maak dit ’n groot verskil aan jou welstand en hoe jy jou kinders hanteer. Die “plek” waar jy moet wees, is die ”sone van welstand”, sê Noa. Dis ’n plek van veerkragtigheid en verdraagsaamheid. “In dié sone voel ons goed en gelukkig. Ons voel koel, kalm en agtermekaar en tevrede met ons verhoudings. Ons voel ons kan die wipplank van die lewe hanteer asook die bedrywigheid. Dis tye wanneer ons doeltreffend is en dinge gedoen kry. Ons is fyn op ons kinders ingestel, ons bons gou van terugslae terug en as dinge taai raak, vind…

Marina Petropulos het onlangs ’n nuwe uitgawe van haar Baby & Child Care Handbook bekendgestel, ’n internasionaal bekroonde “bababybel” waarvan meer as een miljoen eksemplare oor die afgelope 30 jaar verkoop is. Daar is nuwe byvoegings by hierdie weergawe: alles wat jy oor swangerskap moet weet, die voorkoming van voedselallergieë, borsvoedingbywerkings en ’n paar borsmites. Wanneer jy ’n eksemplaar koop, kry jy ook gratis toegang tot ’n webtuiste wat 120 praatjies deur die wêreld se vooraanstaande pediatriese kundiges en professore insluit. Die boek kos R349 by alle groot boekwinkels. Een gelukkige leser wen een van hierdie boeke. SMS die kode BK228MP met jou naam, woonadres, e-posadres en telefoonnommer na 37176 voor 5 nm. op 30 November 2019. Bepalings en voorwaardes geld.…

• Sit gemaklik en bring jou baba na jou bors toe. Moenie na hom toe afbuk nie – jou rug gaan seer word en jou baba kan aan jou tepel hang, wat seer tepels waarborg! • Jou baba moet op sy sy lê en sy gesig moet na jou bors kyk. As jy sukkel, sit ’n kussing op jou heup aan die kant wat jy borsvoed sodat jou baba se neusie in ’n lyn met jou tepel is. • Wag tot sy mondjie wyd oopgaan en bied dan jou bors aan. Jy sal weet jou baba het goed geheg as sy ken en neus teen jou bors vasdruk. Jou baba se mondjie moet soos die K van “Kellogg’s” lyk terwyl hy suig. Sy onderlippie moet uitkrul en hy moet ’n…

STAP #1 Jy gaan in die eerste drie jaar van jou baba se lewe minstens ’n halfdosyn keer per dag doeke ruil. Dis dus ’n goeie plan om ’n spesiale doekruilstasie in te rig waar jy gemaklik kan staan en werk. Maak seker baba gaan ook gemaklik daar lê en dat dit groot genoeg is dat jou baba as peuter ook daar kan lê. As jy in ’n dubbelverdiepinghuis woon, skep op elke vloer so ’n stasie. Die doekruilstasie kan in die babakamer wees of in die badkamer. Koop doeke van die regte grootte. As jy weet wat jou baba weeg, is dit maklik. Ouderdom is nie so belangrik soos gewig nie. Wanneer doeke gereeld begin lek, is dit waarskynlik tyd om na ’n groter doek oor te skakel. STAP…

Sodra jou baba goeie kop- en nekbeheer het, kan jy gerus die volgende posisies beproef. Onthou om die kant waaraan jy jou baba vashou, gedurig af te wissel. • Laat rus jou baba op jou heup met haar beentjies om jou gevou terwyl sy na jou kyk. Wissel heupe af. • Laat hang haar met haar boude teen jou heup terwyl jy haar met jou arm onder haar magie deur vashou en sy van jou af wegkyk. • Hou haar soos ’n rugbybal onder jou arm vas terwyl sy vorentoe kyk. Dit maak jou een hand los sodat jy dit kan gebruik. Maak net seker jy stamp nie haar koppie teen iets nie.…

V My baba is een maand oud en ek het gedink hy drink goed en suig behoorlik aan my bors vas, maar hy sluk steeds baie winde. Dit maak hom huilerig, winderig en onrustig. Hoe kan ek seker maak dat hy behoorlik vassuig en nie winde sluk nie? A LISANNE DU PLESSIS ANTWOORD: Babas drink die voormelk aan die begin van ’n voeding soms baie gulsig. Wanneer die melkvloei stadiger begin word en die agtermelk inkom, raak hulle dan geïrriteerd. As jy jou baba te vroeg van die een bors afhaal en aan die ander bors sit, drink hy weer van die ander bors se voormelk. Die voormelk bevat meer laktose as die agtermelk. Hierdie groot lading voormelk en hoër laktose-inhoud kan maagkrampe veroorsaak wanneer die melksuiker begin verteer. ’n…

Dis baie belangrik om ’n balans te vind tussen te min en te veel stimulasie. Hou altyd jou baba se reaksie dop en laat jou deur hom lei. As baba wegdraai wanneer jy iets met hom wil doen is dit waarskynlik ’n teken dat hy genoeg gehad het of nie gereed is vir stimulasie nie. Die tekens van oorstimulasie is: Jou baba is prikkelbaar, hy kan minder as gewoonlik konsentreer (en sal dus wegdraai van aktiwiteite), hy is moeg en reageer nie op stimulasie nie, hy is ongelukkig en hy sukkel om aan die slaap te raak.…

1 MAAK DIT GAAR Harder vrugte soos appels en pere werk beter as dit eers gaargemaak word. Vir jou baba kan jy skil, stoom en dan fynmaak. Vir ouer kinders kan jy ’n vrugtenagereg as bederfie bak: Pak die vrugte in lae in ’n bak, besprinkel met kaneel en suurlemoensap en smeer ’n krummellaag gemaak van hawermout, botter en klapper bo-oor. 2 ROER DIT DEUR Die kombinasie van vrugte en jogurt is ’n wenner. Roer self vrugtepuree deur dubbelroomjogurt – so keer jy dat jou kind die bygevoegde suiker inkry wat meestal by klein jogurtpotjies gevoeg word. Dis ook goedkoper en jy kan porsiegroottes beheer. Doen dieselfde met sy oggendpap. Geur hawermoutpap met appelmoes pleks van suiker. As die vrug baie ryp is en jou baba al meer tekstuur kan…

Oormatige suiker word dikwels geblameer vir onhebbelike gedrag by kinders, maar studies wys dat sintetiese kleurstowwe die eintlike sondaar is. Hierdie chemiese stowwe kan veroorsaak dat sommige kinders prikkelbaar, aggressief en hiperaktief word. Die meeste van ons weet ons moet lekkergoed en koeldrank wat hierdie stowwe bevat vermy, maar dit kruip ook soms op onverwagte plekke weg, soos in jogurt en gegeurde melk, en selfs gedroogde vrugte en vla. As jy lekkergoed inpak, kies eerder dié wat nie kleurmiddels bevat nie, soos sjokolade, Smarties en toffies. Lees etikette en vermy enige produkte wat die volgende bevat: E102, E104, E110, E122, E124, E129.…

TEEN TWEE JAAR… In haar tweede jaar word jou kind se vingers, hande en gewrigte ál slimmer. Sy sal kryt met haar hele hand vashou en probeer om horisontale strepe te trek. Sy hou daarvan om bewegende voorwerpe dop te hou en tel graag klein goedjies tussen duim en voorvinger op. Sy kan vormpies sorteer en blokkies op mekaar stapel. Met etenstyd word haar nuwe vaardighede ook ingespan. Sy sal haar self kan voer en mettertyd ál minder mors. Met oefening sal sy ook ’n bekertjie met handvatsels kan bemeester. Teen 16 maande sal sy boeke se blaaie kan omblaai en self haar eie klere probeer uittrek. HELP SO • Gee geleentheid vir krabbel, veral teen ’n vertikale vlak. • Laat haar dinge in- en uitpak en houers oop- en…

Maak seker jou kind kan met selfvertroue sy naam, van en ouderdom verskaf en ken sy adres, minstens een van sy ouers se telefoonnommers en ook sy verjaardagdatum. Hy moet hom onafhanklik kan versorg, sy veters kan knoop, genoeg selfvertroue hê om die juffrou te vra om klas te verlaat (oefen dit deur rolspel as hy hiermee sukkel), en sy besittings kan oppas. Vaardighede soos knip, plak en inkleur is belangrik. Maak seker hy kan netjies op ’n reguit en geronde lyn knip en kan met stafiegom werk. Laat hom prentjies uit tydskrifte knip en plak. Kyk ook hoe hy inkleur: hy moet tussen die lyne in dieselfde rigting kan inkleur en kleure realisties kan gebruik. Baie graad 1’s voel oorweldig deur die vinnige werkpas, sê Adele. “Soms is ’n…

Ek het gedink ons troudag was die beste dag van my lewe, maar toe raak dit net beter! Nooit het ons gedink dit gaan nou al gebeur nie, maar Liewe Jesus het ons geseën met ’n wonderlike geskenk: Ons gesinnetjie van twee word nou drie! My man se reaksie toe hy hoor ons gaan amptelik met ons eie gesin begin, was gevul met trots, vreugde, dankbaarheid én opgewondenheid. Hy wou die goeie nuus sommer dadelik met die hele wêreld deel. Ouerskap is ’n opwindende toevoeging tot ons lewe. Ons gaan probeer om ’n ritme te vind waarin ons mekaar en ons kind altyd ’n prioriteit maak, maar veral ook mekaar sal ondersteun om ons individuele passies uit te leef en aanhoudend ons drome na te streef. Ons bid vir ’n…

Ons het ’n bietjie meer as ’n jaar gelede uit Suid-Afrika op Doebai se internasionale lughawe aangekom. Ons huis hier was vol van ons besittings, maar nog nie ons harte nie. ’n Jaar later is ons terug op die lughawe op pad Suid-Afrika toe vir ons eerste lekker lang kuier, want die skole het pas vir die somervakansie gesluit. Ons bewe skoon van opgewondenheid, maar besef dat ons net gaan kuier, want Doebai is ons huis en ons harte is nou ook hier. Ons lewe het in hierdie jaar handomkeer verander. Ons gesin het ontdek dat ons ontsettend veerkragtig is. Nuwe tale, kulture, kossoorte en denkwyses is aangeleer en ons voel dankbaar en verryk daar deur. Doebai maak deel uit van sewe emirate en saam staan hulle bekend as die…

Dis nie net ouerskap wat uitdagend is nie. Die moderne lewe is ’n strawwe plek, met die gevolg dat baie van ons dikwels buite die gemaklikheid van die sone van welstand is. Noa sê ons hoef nie so uitgelewer te voel nie. “Ons kan doelbewus ons verbintenis met die sone van welstand en verdraagsaamheid versterk deur tyd te maak vir dinge wat ons beter laat voel. “Dit sluit in bekende strategieë soos gesond eet, gereeld oefen, gehaltetyd met familie en vriende deurbring, doelwitte in die lewe hê en genoeg slaap kry. Daar is ook eenvoudige strategieë wat jy oombliklik kan toepas en by jou alledaagse bestaan kan inweef wat jou kan help om na die welstandsone oor te skakel as dit voel of jy beheer begin verloor.” As jy dié…

WAAR LÊ DIE PROBLEEM? Die behandeling van jul keuse hang minder af van hoeveel geld julle bereid is om uit te gee as van wat die oorsaak van jul onvrugbaarheid is, sê Jaco. As jy byvoorbeeld endometriose het, is die antwoord om hierdie toestand te behandel. In die geval van ’n man hang dit daarvan af of die probleem by sy hormone of sy testikels lê. Sekere hormoonprobleme kan met hormoonbehandeling gemanipuleer word, terwyl die oplossing vir testikulêre probleme in vitro-bevrugting is. As toe buise of langdurige, onverklaarbare onvrugbaarheid die probleem is, is die keuse in vitro-behandeling. INSEMINASIE VS. IN VITRO-BEVRUGTING Inseminasie is heelwat goedkoper, maar dit het ’n suksessyfer van ongeveer 1 uit 10. Jaco sê hulle bied dit net gewoonlik aan vir mense waar die kans op sukses…

ons kenners BABA LÊ STUITJIE NA ONDER V Ek het pas my 34 weke-ondersoek ondergaan. My ginekoloog het gesien dat ons baba in ’n stuitposisie lê. Kan sy die baba draai of moet ek ’n keisersnee kry? Is daar iets anders wat ek kan doen om die baba te laat draai? A DR. JP DU BUISSON ANTWOORD: As jou baba teen die einde van jou swangerskap steeds ’n stuitbaba is, is ’n keisersnee inderdaad die beste plan. Ná ’n rigtinggewende studie wat die Term Breech Trial genoem word, word stuitbabas nie meer vaginaal verlos nie, tensy daar uitsonderlike omstandighede is. Die goeie nuus is dat net 3 persent van babas teen hul geboorte nog stuitliggend is. Omdat jy net 34 weke swanger is, is daar altyd ’n kans dat jou…

■ Selfhipnose Dit behels dat jy vooraf tegnieke leer wat jou baie rustig laat voel en ”verby” die pyn help fokus. ■ Massering, teendruk of vingerdrukterapie Die krag van aanraking moet nooit onderskat word nie. Harde, ferm druk op sekere dele van jou liggaam sal die manier verander waarop pynboodskappe ontvang word. Vingerdrukterapie streel die pyn, so ook die vryf van jou hakke. ■ Verandering van posisie Beweging verdryf pyn en sal jou persepsie daarvan verander. Bly so regop moontlik en gebruik die swaartekrag om jou baba af te bring en jou bekken oop te maak. Maak ’n geraas tydens die geboorte. As jy kerm, word endorfiene vrygestel wat jou baba ook bevoordeel. ■ Bad of stort Water het ongelooflike pynverligtingskrag. Gebruik water om jou te streel voor en gedurende…

As jy dit eers onder die knie het, is badtyd een van die spesiaalste ervarings wat daar is. En jy gaan dit boonop vir nog baie lank onthou. Volg ons gids om jou baba se badtyd met selfvertroue aan te pak. DIE BO-EN-ONDER-BAD In die eerste paar weke van jou pasgeborene se lewe is dit nie nodig om haar ’n volwaardige bad te gee nie. Sy slaap en drink net heeldag en word tog eintlik nie vuil nie! Die Amerikaanse pediatrieakademie beveel aan dat pasgeborenes wie se naelstringstompie nog nie afgeval het nie, liewer net ’n sponsbad kry. Die geheim is om alles voor die bad reg te sit. Vir ’n sponsbad het jy ’n warm kamer met ’n plat oppervlak nodig. ’n Badkameroppervlak, kombuistoonbank, ferm bed of doekruiltafel is…

■ Moenie elke keer ’n dik laag room of salf aansmeer wanneer jy weggooidoeke ruil nie. Die salf smeer aan die binnekant van die doek af en belemmer die absorpsievermoë. Die doek sal dus nie so goed werk nie. ■ Trek die rekkante van ’n weggooidoek om die beentjies uit om te keer dat die doek lek. ■ Broekdoeke wat opgetrek word, hoef nie weer afgetrek te word nie. Skeur dié doeke eenvoudig aan die kant oop om hulle af te kry. ■ Moenie vogdoekies by die toilet afspoel nie. Dit gaan jou rioolpype verstop. Net vogdoekies wat van papier gemaak word, kan veilig afgespoel word. Kyk op die pakkie – dit sal so aangedui word.…

■ Wieg en skommel jou baba: Sit op ’n wiegstoel, tel jou baba op jou skoot en wieg hom. Jy kan hom in jou arms vashou of op sy magie oor jou bobene laat lê. Dié ervaring is kalmerend en stimuleer sy vestibulêre stelsel, wat later ’n rol in balans speel. ■ Hou jou baba regop teen jou skouer in die tradisionele winde-uitvryf-posisie. Wissel die kant af waar jy hom hou. Dis die ideale posisie waarin hy kan oefen om sy koppie vir kort rukkies op te lig en so sy nekspiere te versterk. ■ Lê plat en laat baba op jou bors lê. Hy sal sy kop wil oplig om na jou te kyk. ■ Dra hom in ’n buidelsak voor jou. Nie net sal hy by jou liggaam…

V My peuter het ’n kwaai uitslag op dele van haar lyf. Veral haar arms en die waaie van haar bene is jeukerig en rooi en sy krap daaraan. Ek voel jammer vir haar. Watter produkte of stappe kan ek beproef om van die uitslag ontslae te raak? A MARETHA COMBRINK, PEDIATER, ANTWOORD: Atopiese dermatitis, oftewel ekseem, is ’n algemene, chroniese, inflammatoriese veltoestand. Dit tas sowat een uit elke vyf Wes-Europese kinders aan en het ’n groot invloed op hul lewensgehalte omdat dit hul daaglikse aktiwiteite en maatskaplik-sielkundige funksionering beperk. By Suid-Afrikaanse kinders is die voorkoms sowat 17 persent. Dit word gediagnoseer as kinders se vel jeuk en drie of meer van die volgende faktore teenwoordig is: • ’n Sigbare veluitslag in die velvoue of fleksure (bv. onder die arms,…

OEFEN VIR GROOTSKOOL Die Nuwe Alles-In-Een Voorskoolse aktiwiteitsboek 2 bevat meer as 30 aktiwiteite in volle kleur vir kinders van 18 maande tot vyf jaar oud. Temas sluit in “Goggas”, “Water”, “My klere, kos en liggaam”, “Plaasdiere” en nog meer wat jou kind baie interessant sal vind. Die boek het ’n verwyderbare handleiding met wenke oor elke aktiwiteit en tema en wat verduidelik hoe die aktiwiteite ouderdomsgepas aangepak moet word. NB Uitgewers, R125 SPELKONING Met die Nuwe Alles-In-Een- reeks Pret met spel: Graad 1, Graad 2 en Graad 3 kan jy aandag gee aan die verskillende klanke asook die lees en skryf van woorde wat in elke graad geleer word. Jou kind sal hou van die kaart-, bord- en bewegingspeletjies. Elke werkboek bevat ook ’n lys sigwoorde gepas vir die…

WAT HET JY NODIG? • gekleurde papier• skêr• swart merkpen• kleeflint• toiletrolle• gom MAAK SO STAP 1 Begin deur te besluit watter diere of skepseltjies julle wil skep. Maak jou kleuter deel van die proses. Soek inspirasie in tydskrifte of aanlyn. Teken ’n prent van die dier wat julle wil maak op die toiletrol en besluit watter elemente julle nodig gaan hê. STAP 2 Sny ’n strook papier effens wyer as die toiletrol. Draai dit om die toiletrol en vou die ekstra stuk oor die bokant. Gom die papier in hierdie posisie vas en plak die boonste en onderste kante van die papier met kleeflint aan die toiletrol vas. STAP 3 Teken die klein oortjies of voelers van die diertjie op die ekstra stuk wat jy om die bokant gevou…

Die vinnige pas waarteen leerders in graad 1 wegspring, vang menige ouer en kind onkant. As daar dan nog begrippe is wat in graad O minder goed vasgelê is, kan jou graad 1’tjie gou oorweldig voel. Wat kan jy doen om te keer dat dit gebeur? Verskillende skole koester verskillende verwagtinge van graad 1’s, sê Lisé-Marie Duvenage, ’n graad 1-onderwyser van Humansdorp. Daar kan selfs ander verwagtinge van vanjaar se groep gekoester word as van verlede jaar s’n. Dit hang alles af van hoe sterk die nuwe graad 1-groep is. TAALGEREED KLANK Menige ouer wens dikwels hulle het in graad O meer aandag aan klanke geskenk. Heelparty kinders sukkel om drie lettergrepe in klanke op te breek en weer saam te stel deur net mooi daarna te luister, sê Lisé-Marie.…

Sy het yskoud geword toe sy haar driejarige seuntjie met ’n baie skerp kombuismes op die grasperk sien hardloop, vertel Lizane van Jaarsveld (31) van Bloemfontein. “Ek het probeer kalm bly en stadig na hom gestap en gevra dat hy die mes vir my gee. Hy wou natuurlik nie, want die nuwe speletjie was te lekker.” Lizane het die mes by hom afgeneem, dankbaar dat hy hom nie raakgesny het nie. Hy het begin huil, op die gras neergeval en 10 minute lank geskree – salig onbewus van hoe naby hy aan ’n aaklige mesongeluk was. ONTSPAN: DIS NORMAAL Dis heeltemal normaal dat kinders woedend op ons besluite reageer. Dit wat jou kleuter van die wêreld verstaan is nie dieselfde as wat jy daarvan begryp nie. ’n Skerp mes, ’n…