Rooi Rose May 2024의 목차

Mei is die maand waarin ma's vir hul onbaatsugtige liefde en omgee gevier word. Ma's en hul dogters het gewoonlik 'n spesiale band, maar ma's en hul seuns kan net so 'n sterk verhouding hê. ✢ Ons voorbladster Natasha Joubert en haar ma is 'n voorbeeld van 'n wonderlike ma-en-dogter-verhouding en Natasha vertel dat sy, net soos haar ma 'n vrou wil wees wat uithou en aanhou, want dit is hoe sy grootgemaak is. (So gepraat van ma's en dogters, ons ma-en-dogter-kompetisie wat in Desember 2023 van stapel gestuur is, het groot aftrek gekry en die oormaaksessie en verhaal van die wenners sal in 'n latere uitgawe van rooi rose gepubliseer word.) Ons het dit goedgedink om met drie (manlike) bekendes oor hul verhouding met hul ma te gesels. Hier…

Net 'n halfuur. Dis al tyd wat Willem Botha se ma, Sarie, hom gegee het om die besonderse foto's van hulle twee vir hierdie artikel te neem. Sarie is nie een vir fieterjasies nie en om voor én agter die kamera te wees, is mos eintlik Willem se ding, al is dit ooglopend waar dié sanger, grimeerkunstenaar, fotograaf en sakeman sy goeie gene kry. “My ma het vir my gesê sy sal 30 minute lank haar alles vir my gee, maar dan moet ons vat wat ons kry,” vertel Willem toe ons 'n paar weke later gesels. “Sy praat altyd so baie dat haar oë gewoonlik toe is of haar mond snaaks trek op 'n foto. Om foto's met 'n perd te neem, is ook maar onvoorspelbaar. Toe sê ek…

Op die oog af lyk die 21-jarige Johnny Potsanyane, wat die rol van Tshepo in kykNET se telenovelle Diepe waters speel, altyd gemoedelik, hoflik en vriendelik, net soos die karakter wat hy vertolk. Maar hierdie jong akteur het op 'n vroeë ouderdom al met die dood kennis gemaak en self deur die spreekwoordelike diep waters gegaan. Sy geliefde ma, Sharon, het twee jaar gelede 'n heupvervanging gekry, maar het tydens haar hospitalisasie 'n hospitaalkiem opgetel en op 67-jarige ouderdom gesterf. Dit was vir Johnny, die jongste van sewe kinders, 'n groot verlies, want hulle het 'n baie hegte verhouding gehad. “Ek is die enigste aangenome kind van ons sewe kinders en omdat ek soveel jonger as my drie boeties en drie sussies is, het ek amper soos die enigste kind…

mode…

Wen Een leser kan 'n geskenkpak ter waarde van R3 050 wen. Dit sluit die volgende in: ✢ 1 × 12 Color Eyeshadow Palette ✢ 1 × 9 Piece Brush Set ✢ 1 × Liquid Matte Lipstick ✢ 1 × Lip Gloss ✢ 1 × Contour Powder ✢ 1 × Highlighter Powder ✢ 1 × Blush Powder Stuur 'n e-pos met jou naam, van, adres en telefoonnommer met “Willem Mei” in die onderwerpreël voor 23 Mei 2024 na rooirose@habarimedia.com. *Slegs een inskrywing per persoon Verbloem en versag donker kringe onder jou oë met 'n verbloemer (concealer) en nie met onderlaag en ander produkte wat net ekstra lyne sal veroorsaak nie. Willem vertel: Die jaar is sommer goed op dreef en winter is al weer om die draai. Ek is elke…

Veeldoelige wonderproduk Asyn is een van die veelsydigste middels wat jy in die kombuiskas kan vind. Asyn, wat afkomstig van die Franse woord “vin aigre” is en suur wyn beteken, is 'n kombinasie van asynsuur en water, wat in 'n fermentasieproses van twee stappe gemaak word. Dis natuurlik, laag in kalorieë en veeldoelig omdat dit as 'n kookbestanddeel, as 'n huishoudelike skoonmaakmiddel, sowel as 'n doeltreffende skoonheids- en welstandproduk gebruik kan word. Alles in een! KOOKWENKE: • Bring nuwe lewe na verlepte blaargroente deur dit in koue water en 'n bietjie asyn te plaas. • Versag jou vleis deur dit oornag in 'n tuisgemaakte asynmarinade te week. Voeg kruie en speserye by bietjie asyn en laat staan in die yskas voordat jy dit gaarmaak. SKOONMAAKWENKE: • Verwyder hardnekkige vet uit…

kos Ilse vd Merwe Ilse van der Merwe is 'n resepontwikkelaar, kookboekskrywer, kosblogger, TV-aanbieder en entrepreneur wat op Stellenbosch woon. Op haar blog The Food Fox deel sy met haar lesers nuwe resepte en resenseer sy restaurante. Sy is die skrywer van Cape Mediterranean – The Way We Love to Eat (2019), Simply Seasonal (2021) en nou ook Easy Al Fresco (2023). Ontbeende varknek in die ketelbraai met 'n heuningmosterdsous ✢ 6 porsies 1,5-2 kg heel ontbeende varknek, vasgebind met tou, indien nodig, om 'n rol te vorm 15 ml (1 e) gerookte paprika 30-45 ml (2-3 e) Dijonmosterd 30 ml (2 e) vars roosmarynblaartjies, fyngekap SOUS 45 ml (3 e) heelkorrelmosterd 45 ml (3 e) Dijonmosterd 45 ml (3 e) heuning 80 ml (1/3) mayonnaise van goeie gehalte KETELBRAAI 1. Kry jou ketelbraai gereed vir…

In die soeke na liefde bevind ons onsself dikwels besig om na perfeksie te strewe. Ons soek iemand wat aan al ons romantiese standaarde voldoen, maar bestaan daar iets soos 'n perfekte lewensmaat? Kenners meen die perfekte verhouding is eintlik twee lewensmaats wat besluit het, om ten spyte van hul foute, saam aan die perfekte verhouding te bou. Dr Zander van der Westhuizen het sy doktorsgraad in gesinsen huwelikspastoraat gedoen. Hy sê wanneer 'n mens na verhale oor pasmaats en verhoudings luister, hoor 'n mens verskillende stories. “Sommige mense sal vertel dat hul eerste liefde hul sielsgenoot is. Ander sal vertel hoe hulle 'n mislukte eerste verhouding of huwelik gehad en eers later ware liefde gevind het. Daar is verhale van mense wat liefde gevind het, hul maat verloor en…

Londen het nege miljoen mense, 270 nasionaliteite en meer as 300 tale word hier gepraat. Dis een van die mees kultureel diverse stede in die wêreld, sou ons later op 'n toer hoor. Ons twee se pad met Londen strek oor 'n rapsie meer as 30 jaar. In Februarie 2024 was dit 31 jaar gelede wat ons in die hartjie van 'n baie koue winter daar geland het. Ons praat nou nog daaroor: Ons het daardie Februarie 1993 uit Upington met die bus na Johannesburg gereis vir ons jaar lange oorsese avontuur. Ons rugsakke was swaar gelaai met alles van stofies tot slaapsakke en eetgerei. Ons het dun denims en hemde in 'n kokende Johannesburg aangetrek waarna ons op die vliegtuig geklim het, waar mense só gerook het dat die…

brei Afkortings aw – aweregs ks – koussteek (1ste ry: r. 2de ry: aw. Herhaal) oorbl – oorblywende r – regs RK(V) – regte kant (voor) rVa – regs voor en agter in dieselfde steek vmeer – vermeerder VK(V) – verkeerde kant (voor) weersk – weerskante WAT HET JY NODIG? ❖ 4 balle ELLE Blur ❖ 5- en 5,5 mm-breipenne GROOTTE Pas Medium MATES Breedte = 62 cm Lengte = 66 cm Moue = 48 cm AANWYSINGS Agterpant Met 5 mm-naalde stel 90 ste op en werk in 2x2-rif vir 14 rye. Met 5,5 mm-naalde gaan voort in ks tot werk 61 cm lank is, eindig met VK-ry. Vlg ry | r34, heg 22 ste af, r34 tot einde. LINKERSKOUER Vlg ry | aw. Vlg ry | heg 4 ste af (halsrand), r30 tot einde. Vlg ry |…

VEEARTS BEANTWOORD VRAE STOP DIE GEGRAWE Kan'n mens honde keer om nie so in die grond te grawe nie? Daar is baie redes waarom sekere honde gate grou. party honderasse, soos jack Russellterriërs, worshonde, pool-honde, beagles en schnauzers, is eeue terug geteel om prooi uit gate te grou. Hulle het die jageienskap as deel van hul gedragspatroon behou. Honde kan gate grou as hulle verveeld is of stimulasie kort. Sekere honde kan ook gate grou om in die koel ground af te koel. Daar is ook sekere jaghonde, soos Franse das-honde (bassets), beagles, golden retrievers en worshonde, wat gate grou om hul kos of speelgoed weg te steek. As'n mens honde wil keer om in jou spogtuin te grou, moet jy probeer uitvind hoekom dit doen. Honderasse wat natuurlik grou,…

so sê hulle Dit was ongeveer in 1964, my sub A-jaar, toe my ma haar Singer-naaldwerkmasjien gekry het. Vars uit die boks. Al die pad van die Kaap met die rooi spoorwegbus gekom. Tot by die Blounek-bushalte neffens ons plaas waar die bus gestop het om die possak en melkkanne op en af te laai. Van daar het my pa die Singer met sy Chev-bakkie aangery. Die verniste houtkabinet het staanplek voor die sonvenster in my ma-hulle se plaasslaapkamer gekry. Bedags het sy die masjien se ysterpedaal getrap, want ons het net saans elektrisiteit gehad, wat my pa met 'n waterstelsel uit die Kammanassieberge aangelê het. As klein kind was dit 'n towerklank as sy saans met die elektriese masjienvoetjie gewerk het. Kerkrokkies, speelpakkies, flenniepajamas, konsertuitrustings en popklere vir my…

Van jongs af was daar 'n spesiale band tussen die akteur en rolprentmaker Bennie Fourie en sy ma, Susan. Al is hy een van vyf kinders (twee ouer boeties, Wilbrie en Reynold, en 'n sussie, Mareli – hul jongste sussie is op tweejarige ouderdom oorlede), is daar 'n hegte band tussen hulle wat vir hom nou as volwassene voortduur. “Toe ek met Bennie swanger was, het ek vir 'n dogtertjie gehoop – ek was bang vir nog 'n seuntjie,” vertel Susan. “Maar toe Bennie gebore is, was ek met bonatuurlike ekstase gevul wat nie van my af gekom het nie. Van toe af was daar 'n ongelooflike band tussen ons.” Bennie spot dat hy nog altyd die gunstelingkind was. “Ek het nie volgens dieselfde reëls geoperate nie,” vertel hy. “Ek…

skoonheid Shakaila Forbes-Bell, 'n modesielkundige en skrywer van Big Dress Energy, sê: “Studies toon dat rituele, soos die aansit van grimering, mense kan help om negatiewe emosies die hoof te bied, hoofsaaklik omdat jy volle beheer oor die proses en die uitkoms het.” Aangesien jy jou kleure en die produkte wat jy gebruik, kan kies en op voorspelbare resultate kan staatmaak, sê sy dit gee jou moed en help om emosies te bestuur. KLEUR DIE PRENTJIE IN Kevyn Aucoin, die wêreldberoemde grimeerkunstenaar wat in die jare negentig naam gemaak het, het gesê: “Ek sê nie dat grimering die wêreld of selfs jou lewe sal verander nie, maar dit kan 'n eerste stap wees om dinge oor jouself te leer wat jy dalk nooit andersins geweet het nie. Die ergste wat…

Makeup Work Luxe 10 Piece Set R2 155, www.themakeuoworx.co.za Hierdie stel van tien grimeerborsels bied jou alles wat jy nodig het. Dis van VeganLuxe-vesels ge-maak en is van goeie ge-halte. Die borsels is geskik om van onderlaag tot oog-skadu aan te wend. Dit kan maklik skkongemaak word sonder die vesels te beskadig. Tree Hut Shea Moisturising Epsom Salt Coconut Lime R325, Takealot 'n Bad met Engelse sout is nie net 'n heelike manier om te ontspan en seer spiere te streel nie, maar is ook Wonderlik vir jou vel. Die versagtende voordele, saam met galambotter en klapperolie, verseker dat jou vel heerlik glad en sag ná jou bad voel. Dit bevat ook magnesiumsulfaat om span-ning te verlig, en die verfrissende lmmetjiereuk sal jou gemoed sommer dadelik lig. Eucerin Even Pigment Perfector Gentle Cleansing…

soet Corli Prinsloo Corli Prinsloo is in 2016 as die wenner van die gewilde Koekedoor-reeks aangewys. Sy is tans as ontbytSAKE se sjef te sien. Sy besit Corli's Kitchen. Haar resepteboek Corli se kombuis, het in 2016 by Human & Rousseau verskyn, maar is uit druk uit. Ouma se krimpvarkies + 25 koekies KOEKIES 250 ml (1 k) botter 375 ml (1½ k) suiker 250 ml (1 k) mielieblom 250 ml (1 k) melk 500 ml (2 k) koekmeel 10 ml (2 t) bakpoeier  'n knippie sout 4 eiers 5 ml (1 t) vanieljegeursel STROOP 60 ml (¼ k) kakao 375 ml (1½ k) water 600 g suiker 15 ml (1 e) botter 500 g klapper KOEK 1. Voorverhit oond tot 180˚C en smeer oondpan van 22 cm × 22 cm. 2. Plaas botter en suiker in mengbak van staanmenger en klits…

dekor…

BEKENDES EN BLOMME ONS VOORBLADSTER SE GUNSTELINGBLOM Natasha Joubert vertel sy het grootgeword in 'n familie wat altyd mooi en groot tuine gehad het. “My oupa en ouma het vir seker 'n hand met 'n plant en leer my vandag nog truuks hoe om na plante te kyk. Hulle maak gereeld konkoksies vir my aan, wat ek op my plante moet gebruik om goggas weg te hou. Hulle het tot vandag toe nog 'n kweekhuis waar hulle plante kweek. My pa en ma het ook nog altyd mooi tuine gehad en die huis waarin ek grootgeword het, was spesiaal met van Iceberg-rose tot vrugtebome (mango, perskes, suurlemoene, neute, avo) – en dié mooiste grasperke!” Natasha en Enrico het in 2021 hul eerste huis gekoop en sy het sommer dadelik begin…

Ek is nie van nature'n jaloerse (ouer) vrou nie, maar die afgelope ruk voel ek tog'n bietjie groener om my mondhoeke. My vriendin, Marie, lyk elke week jonger wanneer ons groepie vriendinne vir 'n potjie brug en'n glasie wyn ontmoet. Marie gloei net meer en meer, soos 'n olielamp wie se pit al hoër gedraai word. Sy het'n nuwe onmiskenbare glow – en dit is nie 'n menopause glow nie. Sy is al deur daardie hittegolf. Ek is ook nie van nature'n vreeslike nuuskierige mens nie, maar as'n (ouer) vriendin weekliks die horlosie met'n paar jaar teruggedraai kry, ontstaan daar'n lus om agter die kap van die verjongingsbyl te kom. “Was jy agter ons rug vir botoks?” vis ek. Marie skud haar kop en kyk met die nuwe stralende gesig…

mense Dit is 'n Donderdagoggend in 'n voorstedelike woonbuurt in Centurion, Pretoria. Ek kuier by Natasha en haar ma, Ninette. Die son het uiteindelik ná 'n paar nat somersdae op die Hoëveld deurgebreek. Natasha en haar ma se hartlike ontvangs laat my voel asof ek by vriendinne kom koffie drink. Natasha maak vir ons cappuccino's terwyl ons kletspraatjies oor die weer en die omgewing maak om die ys te breek. In haar sitkamer maak Natasha haarself op haar rusbank gemaklik. Uit die staanspoor is dit duidelik dat daar 'n gemaklike vertrouensverhouding tussen ma en dogter is. Hulle vertel een en ander oor die rooi rose-voorbladfotosessie wat die vorige dag plaasgevind het. Terwyl Natasha haar ontbyt eet, vra ek vir Ninette hoe dit voel dat haar dogter Mej Suid-Afrika is. “Aan…

Hoe lank skryf jy al en hoe het dit gebeur dat jy begin skryf het? As kleuter wou ek glo nie uit die bad klim nie. As my ma wou weet hoekom nie, het ek oor my skouer, terwyl ek op my maag lê, geantwoord: “Ek is besig om vir Vang-Vang 'n brief te skryf.” (Dit verwys na my biologiese pa, Vloog Theron.) Is dit moeiliker of dalk makliker om 'n nuwe boek te skryf ná 'n boek soos Vaselinetjie wat bekroon en verfilm is? Dit hang alles af of ek onder dwang skryf of 'n spontane bevlieging gekry het. Wanneer 'n storie soos Twa, die tydloper aanmeld, is dit soos 'n stroombaan wat my insluk en 'n portaal van woorde skiet my onwillekeurig vorentoe die kosmos in. Waar kom…

mode…

geld Stel jou voor jy sit op die strand met 'n lekker mengeldrankie in die hand en 'n wonderlike see-uitsig. Alles is perfek. Maar iets bly jou pla, dis soos 'n apie wat op jou skouer sit en aanhoudend jou oor trek … Die rede waarom jy nie behoorlik kan ontspan nie, is omdat jy onseker oor iets is. Jy weet jy kan nie die vakansie bekostig nie. Jy weet ook dat jy finansieel in die moeilikheid is, maar wat jy nie weet nie, is hoe diep in die moeilikheid jy is! Wanneer dit by finansies kom, is dit die meeste van ons se grootste probleem – ons weet nie wat in ons finansies aangaan nie. Daarom is dit nodig vir 'n paar stappe. EERSTE STAP | Die enkele belangrikste…

Anika de Beer het in Pretoria en Potchefstroom as een van vier kinders grootgeword, en verruil haar kinderjare vir niks. Haar beste vakansies was op haar oumahulle se plaas waar al die niggies en nefies gekuier het. Van kleins af was dit vir haar duidelik dat landbou en die weer onlosmaaklik van mekaar staan wanneer sy gehoor het hoe daar om die kombuistafel oor reën gesels is; soms met groot dankbaarheid, maar soms met 'n diepe bekommernis. Vir haar is familie en vriende net so belangrik soos wat reën vir 'n boer is. Die weer het haar altyd gefassineer, maar dit was in graad 3 toe 'n juffrou vir hulle die fliek Twister gewys het dat sy al wat 'n boek oor tornado's begin verslind het en haar ma haar…

Waar in die tuin groei krismisrose die beste? Hoekom wil myne nie mooi blom nie? Ek het al gehoor as dit suurder grond is, is die blomme 'n ander kleur (meer blou). Is dit so? Van November tot laat somer versier die pragtige hydrangeas (krismisrose) ons tuine. Daar is om en by 70 plus spesies van hydrangea. Krismisrose aard in die algemeen oral in Suid-Afrika, maar vaar die beste met goeie somerreënval met matige temperature. Die meeste krismisrose is rypbestand, maar die blomknoppe kan deur erge koue en wind beskadig word. In warm droë gebiede sal die plante wel groei as hulle genoeg water en skadu op die warmste tyd van die dag kry. Krismisrose doen die beste met oggendof middagson. Hulle verkies vrugbare, los grond wat goed dreineer. Ons…

BLOKRAAI 1 BLOKRAAI 2 BLOKRAAI 3 BLOKRAAI 4 ANTWOORDE Blokraai 1 & 2 van bl 114 & 115 BLOKRAAI 1 BLOKRAAI 2 Raaikettings 1 & 2 van bl 120 RAAIKETTING 1 Skuins na onder: 1. Wig; 2. Edel; 3. Beker; 4. Ekses; 5. Essie; 6. Eelte; 7. Sotte; 8. Sens; 9. Rat. Skuins na bo: 1. Web; 10. Idee; 11. Gekke; 12. Lesse; 13. Reses; 14. Silo's; 15. Etter; 16. Etna; 17. Est. RAAIKETTING 2 Skuins na onder: 1. Veg; 2. Item; 3. Rewer; 4. Rites; 5. Gelek; 6. Regie; 7. Seëls; 8. Stap; 9. Sny. Skuins na bo: 1. Vir; 10. Eter; 11. Gewig; 12. Meter; 13. Reles; 14. Seges; 15. Kiets; 16. Elan; 17. Spy. BLOKRAAI 5 BLOKRAAI 6 LEIDRADE DWARS 1. Vermaard (7) 4. Bly tot iets gebeur…