Rapport 9/13/2020의 목차

Terwyl die land in rep en roer is oor die “rassistiese” sjampoe-advertensie op Clicks se webwerf is daar een haarkapper, wat al in ’n nasionale kompetisie geseëvier het, wat glo daar is niks verkeerd daarmee nie. Tshediso Tshabalala van The Rock-haarsalon in Bethlehem het Dinsdag ’n klein opskudding veroorsaak toe hy op Facebook sê hy vind niks fout met die advertensie nie en dit is nie rassisties nie. In die advertensie word ’n swart model se hare as “droog en beskadig” en “gekroes en dof” beskryf en ’n wit model se hare as “normaal” en “fyn en plat”. Tshabalala sê op Facebook al dié haarsoorte is “problematies”. Hy is in 2016 in die Dark & Lovely Golden Scissors-kompetisie as die beste haarstilis in die land gekroon. Hy skryf verder: “As…

Die polisie wil 200 oudpolisiemanne weer aanstel in ’n poging om kundiges te werf vir sy spesialiseenhede. Die poste is verlede week geadverteer. Brig. Vish Naidoo, ’n nasionale polisiewoordvoerder, sê die poste is vir polisiespesialiste. Hulle sal onder meer in die eenhede teen gesinsgeweld, kinderbeskerming en seksuele misdrywe en openbare orde asook in die nuwe moord-enroof-eenheid en die eenheid teen taxigeweld ontplooi word. “Ons nooi opgeleide en bekwame polisiebeamptes van enige range uit om aansoek te doen,” sê hy. Die nasionale polisiekommissaris, genl. Khehla Sitole, het einde Mei aangekondig die polisie gaan weer gespesialiseerde polisie-eenhede gebruik om prioriteitsmisdade te ondersoek. Jackie Selebi, destydse polisiekommissaris, het die eenhede in 2001 gesluit – wat volgens kritici bygedra het tot ’n toename in geweldsmisdaad. Dr. Johan Burger, polisiekenner en navorser by die Instituut…

Te midde van rassespanning oor ’n sjampoe-advertensie word drie mans van Carolina in Mpumalanga daarvan aangekla dat hulle twee mans in die stoorkamer van die plaaslike Spar so erg aangerand het dat een later aan sy wonde beswyk het. En in Standerton bring ’n vulstasieeienaar die naweek ook in aanhouding deur omdat hy EFF-lede wat by die plaaslike Clicks betoog het, glo ape genoem het. Die beweerde aanranding in Carolina het glo reeds op 1 September in die stoorkamer van die plaaslike Spar plaasgevind. Daar word beweer dit was omdat Thulani en Thabiso Sibanyoni ’n wit werknemer beledig het, maar Rapport kon dit nie bevestig nie. Twee senior bestuurslede van die winkel, William Viljoen (32) en Hannes Terblanche (29), asook Obi Nortjé (32), ’n veiligheidswag, het hulle voorverlede Vrydag reeds…

E en nuwe ietermagogkleintjie klink miskien nie na baie nie, maar vir ’n kritiek bedreigde spesie is dié geboorte ’n groot sege. Dis die eerste keer dat die Johannesburgse veeartsenykundige hospitaal vir wilde diere ’n geval teëkom van ’n ietermagog wat geboorte gee nadat dit uit die onwettige handel gered en in die natuur vrygelaat is. Sy is Ally gedoop nadat sy in April by ’n onwettige handelaar in Alldays afgeneem is. Veeartse het vasgestel sy is dragtig. Die ietermagog is die soogdier waarmee wêreldwyd die meeste gesmous word. Een van die vernaamste redes is dat hulle in China gesog is vir hul vleis en skubbe, wat as tradisionele medisyne gebruik word. Hul natuurlike habitat word ook vernietig weens ontbossing. Vroeg in die Covid-19-pandemie is daar gedink die virus het…

Daar is goeie nuus vir groot de-le van Suid-Afrika wat onder erge droogte gebuk gaan. La Niña is in die Stille Oseaan aan die ontwikkel – wat dui op goeie lente- en somerreëns. La Niña (die Spaans vir klein meisie) is die teenoorgestelde as ’n El Niño (klein seuntjie) wat gewoonlik lae reënval vir Suider-Afrika voorspel. Siklone oor Suider-Afrika is moontlik. “La Niña is ’n weerverskynsel wat gepaard gaan met laer as normale seeoppervlaktemperature in die sentrale tot oostelike Stille Oseaan en wat bogemiddelde somerreënval vir die grootste deel van ons land kan bring,” sê prof. Francois Engelbrecht van die Global Changeinstituut by Wits. Engelbrecht, ’n professor in klimatologie, sê La Niña is meestal goeie nuus wat watersekerheid en landbou in Suid-Afrika betref. “Die invloed van La Niña is die…

Slegs weke voor die Mnr. Suid-Afrika-kompetisie vir die eerste keer aanlyn gehou gaan word, vlieg prokureursbriewe en griewe tussen die twee hooforganiseerders en eienaars van die handelsnaam. In die linkerkant van die figuurlike bokskryt is die uitvoerende hoof en eienaar van die Mnr. SAhandelsnaam, J.P. Robberts, oor wie se kop ook ’n eis van meer as R1 miljoen hang. In die regterkantse hoek is ’n medeaandeelhouer en voormalige Mnr. SAdeelnemer, Ashraf Ismail. Ismail sê hy het griewe oor beweerde ongerymdhede deur Robberts aan die registrasiekantoor vir maatskappye en intellektuele eiendom (Cipro), die Inkomstediens en die Valke gestuur. Daarbenewens eis Rudi Baker, by wie Robberts in 2018 die Mnr. SA-handelsnaam gekoop het, nou R1,5 miljoen by hom. Robberts het R240 000 van die koopprys van R1,5 miljoen afbetaal en daarna in…

Vakbonde in die Cosatu-stal het hul gewig ingegooi by ’n hofsaak om staatsamptenare se ooreengekome salarisverhogings af te dwing. Die staatsdiensvakbond PSA vra die arbeidshof om die departement van staatsdiens en administrasie te dwing om die verhogings vir die laaste jaar van ’n driejaarooreenkoms wat in 2018 onderteken is aan amptenare te gee. Die Cosatu-geaffilieerde vakbonde Nehawu, Denosa, Popcru en Sadou wou aanvanklik hê die koördinerende bedingingsraad vir die staatsdiens moet dit hanteer. Omdat dit ná maande van onderhandelings nie vrugte afgewerp het nie, het hulle nou ook besluit die arbeidshof is die beste roete. Hulle gaan na verwagting môre eedsverklarings ter steun van die PSA-aansoek by die hof indien. Die minister van finansies, Tito Mboweni, het in Februarie aangekondig dat die regering sy salarisrekening vir staatsamptenare drasties gaan besnoei.…

Eskom wil sy tariewe volgende jaar met 15% verhoog, kom wat wil. Die energiereguleerder Nersa probeer egter maniere vind om die verhoging te beperk. Sy aansoek om verlof tot appèl teen ’n vroeëre hofbevel wat vir Eskom die 15% sal gee, word Vrydag aangehoor. Eskom is egter reeds besig om alternatiewe maniere te ondersoek om die bykomende R23 miljard te kry wat hy in die volgende finansiële jaar van verbruikers wil hê. Eskom se pogings kom teen die agtergrond van beurtkrag, wat volgens die Wetenskaplike en Nywerheidsnavorsingsraad (WNNR) teen einde Julie reeds verlede jaar se rekordvlakke oorskry het. Die beskikbaarheid van Eskom se steenkoolvloot verswak steeds en Eskom se vooruitskatting vir die volgende drie maande is deurlopende fase 2-beurtkrag. Regter Fayeeza Kathree-Setiloane het in Julie beslis dat Nersa ’n fout…

Covid-19 het gelei tot onderhandelingsprosesse oor gesondheid- en veiligheidsprotokolle en die verandering van werknemers se diensvoorwaardes by bykans alle medium- en groot werkgewers. Daarna het onderhandelinge gevolg oor die hantering van kwesbare werknemers wat weens onderliggende siektes en logistieke uitdagings nie kan werk nie, afleggingskonsultasies waar poste weens Covid-19 ingeboet is en die hersiening van vorige kollektiewebedingingsooreenkomste. Dié onderhandelinge is ingewikkeld en uitdagend vir sowel werknemers as werkgewers en in die proses is ’n paar foutlyne in die arbeidsverhoudingstelsel ontbloot. ■ Die eerste hou verband met regulatoriese uitbuiting en veral werkgewers wat regulasies oor kwesbare werknemers misbruik om hul arbeidsmag te verklein. Omdat afleggingsprosesse omslagtig en duur is, het heelwat werkgewers hulle eerder daarvoor beywer om kwesbare werknemers uit diens te stel om kwansuis hul lewe te beskerm. Daar is…

Springbokke 9, Britse en Ierse Leeus 3. Dit was die drieë-telling in die toetse teen die Noordelike Halfrond se besoekers van 1997. Op die reeks-telbord het gestaan: Britse en Ierse Leeus 2, Springbokke 1. Dit was die reeks wat gewys het drieë is nie alles nie. Soos be-sit ook nie altyd alles is nie. Die prins van vleuels, Carel du Plessis, is in Februarie van 1997 in die plek van André Markgraaf aangestel as die Bokke se nuwe breier. Met ’n reputasie as een van die wêreld se beste vleuels in sy speeltyd, maar met min ervaring van afrigting, was die hoop op hom om van Bok-rugby ’n drieë-masjien te maak. Du Plessis het dit gedoen, maar ’n reeks-sege oor die Leeus het hom nieteenstaande ontwyk. Wat het fout gegaan?…

Suid-Afrika se krieketspelers is op hete kole oor Saskok se beoogde ingryping by Krieket Suid-Afrika (KSA) en die moontlike gevolge daarvan. Andrew Breetzke, uitvoerende hoof van die Suid-Afrikaanse Krieketspelersvereniging (Saca), het gister aan Rapport bevestig hulle was heeltemal in die duister oor Saskok se toetrede. “Al wat die spelers wil hê, is dat krieket weer aan die gang kom. Dit is veral internasionale krieket wat belangrik is. Dit is wat die geld inbring,” sê Breetzke. “Dis hartseer dat dinge by dié punt gekom het. Maar op ’n manier is dit nie verbasend nie, gegewe wat in die laaste paar maande gebeur het.” Volgens Breetzke is hul grootste bekommernis die onduidelikheid rondom bedryfsake by KSA. Hy sê daar sal oor die volgende paar maande baie werk aan die bedryfskant gedoen moet…

Die Westelike Provinsie Krieketvereniging (WPKV) het die hulp van sy voormalige uitvoerende hoof, Nabeal Dien, ingeroep om sake by dié beleërde krieketunie weer op koers te probeer kry. Dien, wat kort voor die nasionale staat van inperking die tuig neergelê het as die uitvoerende hoof, is in ’n raadgewende hoedanigheid betrek in ’n tyd dat die WPKV onder groot geldelike druk is. ’n Rits skok-bedankings in die laaste paar maande het boonop die unie erg ontwrig. Behalwe vir die kundigheid wat die WPKV afgestaan het met die bedankings, het die Covid-19-pandemie ook nog ’n negatiewe impak gehad op die ontwikkeling van sowat R750 miljoen by die Nuweland-krieketterrein. Dié ontwikkelingsprojek, wat as ’n bykomende inkomstestroom deur die WP in samewerking met Sanlam en Krieket Suid-Afrika (KSA) aangepak is, is erg vertraag…

‘Sommige drome is net drome, maar hoe weet ’n mens?’ ‘Wat is die slaap ’n wondersoete ding!” Só het D.F. Malherbe donkiejare gelede geskryf. As hy maar net geweet het watter uitdagings ons in hierdie vreemde tye sou moes oorkom om rustig te slaap . . . Wat veronderstel is om ’n wondersoete ontsnapping te wees, het vir baie mense in ’n nagmerrie-ervaring ontaard – letterlik. Al hoe meer mense begin kla dat hulle wakker lê snags, en wanneer hulle uiteindelik aan die slaap raak hulle nagmerries kry en dan nie soggens uitgerus voel nie. “Ja, ek kan ’n duidelike toename sien in die getal pasiënte wat sedert die inperking kom aanklop omdat hulle nagmerries kry en sukkel om te slaap,” sê dr. Wessel Vermeulen, wat al vir 40 jaar…

Leon Schuster: Showmax het vanjaar midde-in die Black Lives Matter-storm besluit om ses van dié komediant se flieks van sy platform te verwyder. Die flieks waarin Leon in blackface die spot met Suid-Afrikaners dryf, is as onsensitief en rassisties beskryf. Chane Grobler: Dié TikTok-ster het die plaaslike kanselleerlys gehaal nadat stemgrepe van haar persoonlike gesprekke op sosiale media geplaas is waarin sy transfobiese en rassistiese kommentaar lewer. Chane het gesê die boodskappe is gedokter en buite konteks gebruik, maar het verskoning gevra. Sy neem ’n “sosialemedia-vakansie” om haarself op te voed en na te dink. J.K. Rowling: Die Harry Potter-skrywer het die LGBTQIA+-gemeenskap woedend gehad toe sy gereageer het op ’n artikel waarin gepraat is van “mense wat menstrueer” in plaas van “vroue”. Rowling het onder meer op Twitter gesê…

Buddha in Africa Dié dokumentêr oor Malawiese jonges in ’n Boeddhistiese weeshuis in Malawi en hoe hulle hul Afrika-tradisies met die Chinese kultuur verweef, is uniek. Dit is insiggewend en vars, met ’n vernuftige kombinasie van vertellings en beelde. Ons beweeg saam met Enock Alu deur hierdie landskap wat inspirerende, alternatiewe kykstof op Showmax bied. Die regisseur, Nicole Schafer, was onlangs by ’n bespreking van haar film op die 11de Durban Does Docs-FilmMart wat aanlyn deur meer as 1 000 mense gekyk is. The King of Staten Island As jy Judd Apatow se naam sien, weet jy: hier kom ’n onortodokse komedie. Sy humor is skril en vulgêr, en Apatow kies die verloorder se kant – die van Scott Carlin (Pete Davidson), wat luilekker lewe. Hy bekommer hom nie oor…

Sou dit waar wees dat die Covid 19-pande-mie besig is om ’n verskuiwing na “postmaterialisme” te veroorsaak? Is dit moontlik dat waardes wêreldwyd heroorweeg word en dat welstand belangriker begin raak as welvaart? Daar is wel aanduidings van perspektiefverskuiwings. Tydens die inperking het ons familie, vriende en gemeenskappe weer na waarde leer skat. Om geskei te wees het die kosbaarheid van samesyn onderstreep. Toe almal tot stilstand kom, het ons nuutgevonde plesier geput uit ons tuin, agterplaas of balkon. Die bekoring van stiller stede en tyd in stadige pas was ’n onverwagte toeverlaat. Die voordele vir die planeet toe die samelewing in sy spore vassteek, was duidelik. En terwyl mense in hul huis vasgekeer was en lewens stukkend geval het, was dit nie die bankiers en aandelemakelaars tot wie hulle…

Die Wysigingswetsontwerp op die Wet op Burgerlike Verbintenisse is grondwetlik. Punt. Die-gene – soos adv. Nadene Badenhorst en Daniela Ellerbeck wat verlede Sondag die teendeel op hierdie blaaie aanvoer – is nie net besig om die publiek ’n rat voor die oë te draai nie, hulle wil ook ’n verarmde staat in onnodige litigasie betrek waardeur nóg geld gemors sal word op ’n hofgeding waarvan die uitkoms voor die hand liggend behoort te wees. Die wetsontwerp onder bespreking het sy oorsprong in die stryd vir selfdegeslaghuwelike ná die konstitusionele hof se uitspraak in die sogenaamde Fourie-saak. Ná hierdie uitspraak het die wetgewer die Wet op Burgerlike Verbintenisse aangeneem ten einde te verhoed dat bewoording in die Huwelikswet van 1961 ingelees sou word om selfdegeslaghuwelike só te wettig. Reeds sedert die…

Gerhard van der Merwe, Potchefstroom, skryf: Die DA het nou, ná vele beloftes, uiteindelik ’n beleidskonferensie gehou, maar die konferensie het bloot ’n verkiesingstrategie vir die munisipale verkiesing in 2021 opgelewer. Die tekens was reeds die afgelope paar maande daar dat die DA, in ’n skielike ommeswaai, weer probeer om verlore stemme terug te wen deur minderheidskwessies soos taal- en kultuurregte asook plaasaanvalle te takel. Hierdie kwessies was tot onlangs nog taboe in DA-geledere en nie politiek korrek nie. Die DA het duidelik hard daaraan gewerk om, soos met vorige balanseertoertjies, ’n boodskap te formuleer wat die indruk skep dat die party wegbeweeg van “rasgegronde regstelling”, maar dan darem nog genoeg ruimte laat dat dit nie werklik die geval is nie. Dit is nou vir wanneer die omstandighede of die…

Antoinette Schoeman, Welkom, skryf: Ek praat glad nie die Clicks-debakel goed nie, maar moet die vervaardigers van die produk nie eerder gestraf word as die verkopers van die produk nie? Julius Malema is die grootste rassis in die land. Hoekom kom hierdie rassistiese, barbaarse en onkundige wese skotvry van alles af? Hy moes al lankal agter tralies gesit het, maar kom weg met moord en geweld en stook kwaad waar hy gaan. Ek het nog nooit een positiewe woord uit sy mond gehoor nie. Kyk, ek is werklik nou keelvol vir Malema en sy kinderagtigheid. Hy is mos darem al ’n groot man en behoort te weet wat reg en verkeerd is. Die groot probleem is egter dat hy wit mense haat – nie my woorde nie, maar syne. Dit…

Karien Baard, Fairland, skryf: Loftus Marais se rubriek Bekrek van verlede week noop my om hóm bietjie in die bek te ruk! Ek stem saam dat ou omies nie meer aan die stuur van sake in die politiek behoort te staan nie. Maar, ai, jongman, jy is darem baie hard op ons oumense! As ek met my rumatiekvingers nog ’n WhatsApp wil tik, is dit my probleem! En as hierdie ou tannie nog onafhanklik is en self agter die stuurwiel van haar eie motor wil inklim, dan sal sy dit doen. Rolbal, kanasta, brug, sudoku en teepartytjies is darem baie beter as om jou dae voor die TV te verwyl of om saam met “die boys” aan’t suip te gaan! Nee, sies, man! Betoon ’n bietjie meer respek teenoor ons…

Die besluit van Clicks se base om die EFF Donderdag by dié party se hoofkantoor en op dié party se voorwaardes te ontmoet, en dan boonop aan ’n lang lys EFF-eise toe te gee, is ’n oorwinning vir die voorstanders van geweldpleging en anargie in die land. Terwyl ’n mens Clicks se besluit begryp om ’n apologie te bied aan die derduisende klante en ander lede van die publiek wat gebelg was deur die gewraakte advertensie vir sjampoe, was die uitreiking van ’n gesamentlike verklaring Donderdag deur Clicks se bestuur op ’n EFF-briefhoof ’n gevaarlike kapitulasie. Dit was in wese die toegewing van ’n magtelose slagoffer wat haar vanger, al dreigende dat sy nog ’n paar houe teen die kop sal kry, gee net wat hy vra. Om aan diegene…

’n Huisdokter van Oudtshoorn het nooit gedink die kinderboekie wat hy ’n paar maande gelede “sommer in 12 minute tussendeur pasiënte sien” vir sy kleindogter geskryf het, sou soveel aftrek kry nie. Dr. Wessel Vermeulen (68), wat al 40 jaar as huisarts in die Klein-Karoo praktiseer, sê sy agtjarige kleindogter Marley se gebedjie een aand voor slaaptyd het hom geïnspireer om die boekie te skryf. “Sy het gebid en gesê Liewe Jesus moet nou kom, want ons is besig om die game te verloor (teen die virus). En sy het gebid vir haar sussie Sadie (11) se verjaardagpartytjie, wat sy gemis het. “Toe sê sy: ‘Liewe Jesus, as daar ander kinders in die hemel is wat verjaar, moet jy maar daar vir hulle ’n partytjie hou.’ ” Hy het besluit…

Drie rowers het gisteroggend polisiebeamptes by die Badplaas-polisiekantoor in Mpumalanga met vuurwapens aangehou en ’n R5-geweer en kontant uit ’n kluis gesteel. Dit is die tweede keer in net minder as twee en ’n half maande dat ’n polisiekantoor in Mpumalanga beroof is. Kol. Brenda Muridili, ’n nasionale polisiewoordvoerder, sê die rowers het die polisiekantoor om 00:39 binnegekom en pistole op polisiebeamptes gerig. Hulle het twee polisiebeamptes se pistole by hulle afgevat. Die rowers het die beamptes gedwing om die kluis oop te maak en ’n R5-geweer en kontant daaruit gevat. Die rowers het weggehardloop, sê Muridili. Niemand is in die voorval be-seer nie. Die rowers is nog soek. In die vorige geval in Junie het drie rowers twee R5-gewere uit ’n kluis en vier beamptes se dienspistole by die…

’n WhatsApp-plasing waarin hy hom glo met Al-Kaïda vereenselwig, het ’n polisielid sy werk gekos. Nkanyiso Mdunge (29) was ’n lid van die misdaadintelligensie-eenheid en ’n “doodsbende”, waaroor voor die Zondo-kommissie getuig is. Hy is op 20 Augustus ná ’n tugverhoor afgedank, maar gaan dit betwis. Mdunge be-weer hy en ander lede wat in 2016 opleiding in China ontvang het, word geteiken. Die destydse minister van polisie, Nathi Nhleko, het glo deur sy vrou se nieregeringsorganisasie 16 “topveiligheidsagente van die staat” gewerf om opleiding by ’n Chinese staatsagentskap te ondergaan. Mdunge is in sy tugverhoor daarvan beskuldig dat hy weens sy assosiasie met ’n verbode organisasie nie voldoen aan die vereiste om lojaal aan Suid-Afrika en aan sy Grondwet te wees nie. Brig. Ashnie Krishnadutt, afdelingshoof vir veiligheidstandaarde by misdaadintelligensie,…

Burgerregtegroepe in Tshwane wend hulle tot die hof om ’n omstrede begroting ongeldig te laat verklaar weens onder meer vasgestelde tariewe vir water- en sanitasiedienste. Die Tshwane-metroraad ontken in hofstukke die stad se administrateur, Mpho Nawa, het die begroting goedgekeur, soos drie burgerregtegroepe beweer. Die stadsraad het dit self goedgekeur voordat dit in Maart ontbind is, sê Alex Jonker, die stad se waarnemende direkteur vir eiendomswaardasiebestuur, in ’n verklaring. ’n Oudburgemeesterskomiteelid, wat die vergaderings bygewoon het, sê dit is ’n “infame leuen” en die raad se eie dokumente “weerspreek” Jonker. Laasgenoemde se verklaring is by die hooggeregshof in Pretoria ingedien in antwoord op ’n dringende aansoek deur die Tshwane Money Matters Caucus (TMMC) en Alas! Tshwane, wat beswaarde inwoners verteenwoordig. Hulle vra onder meer dat Nawa se goedkeuring van die…

Met een beweging het die Tshwane-metroraad se kraginspekteur verlede Donderdag nie net Imibhobho Fibre Africa in Waltloo, Pretoria, se krag afgesny nie, maar ook miljoene rande se onmiddellike én potensiële skade veroorsaak. Die aanleg, wat nege produksielyne vir die vervaardiging van plastiekpype het, is gewoonlik 24 uur per dag, ses dae van die week in bedryf. Daardie oggend het dit egter gestaan weens beurtkrag van 07:00 tot 09:30. Daarna het die vyf uur lange proses begin om die aanleg weer in bedryf te stel. Hulle was net reg om te begin, toe kom die inspekteur . . . Al die maatskappy se fyn be-planning om R1,5 miljoen se pype betyds vir installasie aan hul nuwe klant in Botswana te lewer was na die maan. Nie net die klant nie, maar…

’n Seun wat daggakoekies aan ander leerlinge verkoop het, is twee keer uit sy skool geskors. Albei kere het sy ma hofbevele gekry om dit op te hef. Maar nou het die hoërskool in Limpopo eindelik ’n ronde in dié lang geveg gewen. Die hooggeregshof in Polokwane het bevind die ma kon nie bewys haar kind se “wit onderwysers” het hom geviktimiseer en hom net beperkte toegang tot die toilette gegee nie. Die skool het in Augustus suksesvol geappelleer teen ’n interdik van 22 November 2018 wat hom verbied het om die seun “emosioneel, fisiek en andersins” te viktimiseer, te teister en teen hom te diskrimineer. Die onderwysdepartement het die betrokke kind intussen uit die skool geskop omdat hy in 2018 daggakoekies skool toe gebring het. Hy het in Desember…

Die inperking is vir niemand maklik nie, maar allermins vir mense soos Christiaan Kotze, ’n bekroonde sportfotograaf wat sy brood gewoonlik langs die sportveld verdien. In Januarie is die ligamente in Kotze (57) se een knie morsaf geskeur terwyl hy foto’s by ’n krieketwedstryd geneem het. “So ’n jaar of wat gelede het die werk so min geword dat ek nou nie meer medies het nie.” Gelukkig het die Franse nuusagentskap AFP, vir wie hy gereeld op ’n vryskutgrondslag werk, aangebied om vir sy knieoperasie te betaal. Maar skaars het hy van die operasie herstel, of die inperking het begin. “So, van Januarie tot nou het ek feitlik geen inkomste gehad nie. AFP het my darem in Maart en April betaal vir die wedstryde wat ek sou afgeneem het.” Al…

Meer as R100 miljoen se pensioengeld van elektriese kontrakteurs landwyd is “vasgevang” weens die strafsaak teen die flambojante “profeet” Shepherd Bushiri. Nog vier pensioenfondse wag vir byna R100 miljoen wat ook by hom belê is. Bushiri, oorspronklik van Malawi, is hoof van die Enlightened Christian Gathering-kerk. Hy en sy vrou, Mary, is verlede jaar in hegtenis geneem op aanklagte van bedrog en geldwassery. eNCA het onlangs berig nog klagte word teen hom ondersoek. Bushiri besit glo ’n rits luukse motors, wat insluit ’n Maserati, wat hy in 2017 vir sy dogter gekoop het vir dié se sesde verjaardag. Daarby het hy glo ook ’n private vliegtuig, wat op die Lanseria-lughawe gehou is. Die owerheid het as deel van die vervolging op sy bates beslag gelê en daarmee die pensioenfonds van…

Meer as ’n driekwart van werkende Suid-Afrikaners wat hul werk van die huis af kan doen, is nie terug op kantoor nie, al is die inperkingsmaatreëls verslap, sê Statistieke Suid-Afrika. Die regsfirma Cliffe Dekker Hofmeyr het ’n webinaar gehou oor die uitwerking wat tuis- en afstandwerk op die geestesgesondheid van werkers het. Die Suid-Afrikaanse Depressie-en-angsgroep (Sadag) het gewaarsku dat ’n nuwe pandemie op pad is – sielkundige probleme wat uiteindelik baie meer vernietigend en langdurig kan wees as Covid-19. Tanya de Water, ’n kliniese sielkundige, het in haar aanbieding gesê die in-perking het ’n erger uitwerking op mense wat sielkundige probleme het. De Water het na persoonlikheidstipes gaan kyk wat sy op die sogenaamde vyffaktor-model geskoei het. Dié faktore verklap of mense uitgeknip is vir tuiswerk of eerder sal floreer…

Raymond Rhule het ná sowat drie jaar die Spook van Albany verjaag. Maklik was dit nie vir die 27-ja-rige Springbok-regtervleuel nie. Hy moes die afgelope sowat 36 maande die stukkies wat van sy rugbyloopbaan oorgebly het, in Frankryk gaan optel nadat dit gevoel het of sy lewe op 16 September 2017 in Albany ineenstort. Rhule was daardie dag die regtervleuel in die Bokke se rekordnederlaag van 57-0 teen die All Blacks. Hy het op die koue wintersaand in Albany net buite Auckland nege duikslae verbrou. Nooit daarna is hy weer vir die Bokke gekies nie. Ná daardie donker dag in Suid-Afrikaanse rugby was hy lank sku om met die media te praat oor die impak wat dit op hom as speler gehad het. Sy loopbaan is egter nou terug op…

■ Vervolg van bl. 24 Saskok skryf beweringe dat sy toetrede regeringsinmenging is, is “kwaadwillig, verkeerd en beledigend”. Saskok is boonop bereid om met die IKR te vergader om sy posisie te verduidelik. ’n IKR-lidland kan vir regeringsinmenging geskors word. In die vierde brief wat Rapport gesien het, sê vyf afgedankte KSA-werknemers hulle is “moedswillig geskors” tussen 29 Oktober en 5 Desember 2019. Daarom het Appiah (bedryfshoof), Eksteen (hoof van borgskapsverhoudinge), Nkuta (senior bestuurder: finansies), Maja (verkrygingsbestuurder) en Nolan (Appiah se persoonlike assistent) hulle nou tot Saskok gewend om hulp. Corrie van Zyl, KSA se voormalige krieketbestuurder, is ook op 29 Oktober saam met Appiah en Eskteen geskors, maar is ná ’n amptelike waarskuwing terug by die werk. Die ander vyf is gepos. “Ons skorsings en gevolglike afleggings was deel…

Vir die negende keer in nege For-mule Een-renne sal ’n Mercedes vandag in die Toskaanse Grand Prix eerste wegspring, nadat Lewis Hamilton die 95ste kroonposisie van sy loopbaan verseker het. Hamilton was 0.059 sekondes vinniger as sy spanmaat, Valtteri Bottas, wat geen rede tot vreugde ná sy kwalifiseringsessie gehad het nie. Die Fin was die vinnigste jaer in al die oefensessies en in die eerste fase van kwalifisering, maar voordat hy ook sy stempel in die laaste deel kon afdruk, het Renault se Esteban Ocon van die baan getol en die beamptes genoop om die geel vlae te waai. Dit het gebeur in ’n stadium toe die beste tyd agter Hamilton se naam was, en het ’n stokkie gesteek voor almal anders se ambisies om ’n beter tyd na te…

Die beseringspook het op nóg ’n Wêreldbeker-Bok toegeslaan, met die Springbok-losskakel Handré Pollard wat Vrydagaand in Parys met ’n draagbaar van die veld is. Pollard is in die hospitaal opgeneem met moontlik geskeurde kruisligamente ná ’n besering in Montpellier se wedstryd teen Racing92. Sodra die swelling gesak het, sal ’n skandering lig werp op die erns van die Bok-losskakel se besering. Pollard is beseer toe hy Baptiste Chouzenoux in die twee-de helfte probeer duik het. Spel is lank gestaak voordat Pollard met ’n draagbaar van die veld is. Sy span is met 17-41 verslaan. ’n Dokter het gister aan Rapport gesê die graad van sy besering sal bepaal vir hoe lank hy uit is. Met ’n graad 1-kruisligamentebesering is spelers gewoonlik drie tot vier weke buite aksie en ses tot…

In die laat 1930’s het drie sakemanne plase gekoop om ’n nuwe nedersetting by Bettysbaai te vestig. Gerald “Jack” Clarence was een van hulle. Hy moes ’n pad vanaf Somerset-Wes tot by Bettysbaai en Hangklip bou waar hy eiendom besit het. Die mans het net ná die aanvang van die Tweede Wêreldoorlog meer as 63 000 Italiaanse krygsgevangenes ingespan, wat bekend was vir hul werkvermoë, om die roete te bou en voltooi. In 1998 het die premier van die Wes-Kaap, Gerald Morkel, die opknapping van die pad aangekondig tot die wêreldgehalte-roete wat dit vandag nog is – al is die draaie soms skerp en vind daar wel nog soms rotsstortings hier plaas. Kontakbesonderhede ■ The Grille Shack: www.thegrilleshack.co.za. ■ Getyinligting vir Kogelbaai en Dappat se Gat: www.surf-forecast.com. ■ Kogelbaai-oord: 021…

Ons het vir prof. Kobus Maree, wat al vier boeke oor drome geskryf het, gevra wat drie nagmerries waarvan ons te ho-re gekom het moontlik kan beteken. ■ In die verlede het sy gereeld gedroom sy swem in kristalhelder water en sien eksotiese visse, maar nou droom sy sy is “vasgevang” in vuil, bruin water en kan nie sien wat om haar aangaan nie. Daar is ’n gevoel dat daar ’n gevaarlike haai of monster in die water is wat die dromer nie kan sien aankom nie. Kobus sê: Dit is ’n baie emosionele droom. Visse is ’n teken van fertiliteit. Iets het verander in jou werk of verhouding, of daar is iets wat jy nie kan hanteer nie. Jy is onseker oor wat aangaan. Iets bedreig jou skielik. Dalk…

Mulan Met Yifei Liu en Li Gong. Regisseur: Niki Caro. Hierdie hervertelling van ’n legende wat haar oorsprong in Chinese volksverhale het, slaan jou asem weg. Miskien daarom dat kinders onder tien nie toegelaat word nie. Dit is so skouspelagtig met titaniese gevegte (van die bes gechoreografeerde oorlogstonele in jare) dat blootstelling daaraan in fliekteaters kleintjies kan oorweldig. Eintlik is Mulan ’n legende vir volwassenes waarby tieners aanklank kan vind. En anders as in die animasiefilm, is daar nie ’n liedjie van ’n dag oud nie! Dit vertel op kleurryke wyse die storie van ’n dapper Chinese vrou met die siel van ’n kryger wat haar pa se plek inneem wanneer een man per gesin moet aanmeld vir oorlogvoering, want die opperbevelvoerder wil China teen invalle beskerm. Niemand vermoed Mulan…

Wat presies vir jou erfeniskos is, is ’n innerlike reis. Vir my is dit kerrieafval met witrys, stowelamsvleis met halwe snytjies witbrood bo-op, Maizena-kluitjies met kaneelsuiker, Ma se soet Vrystaatse kerrie met Mrs Ballsblatjang, asynpoeding met tuisgemaakte eiervla, melktert, Peppermint Crisp-tert, pap en sous, braaivleis en nog baie meer. Ierse onthou Vir my Ier is dit weer varkworsiekasserol, herderspastei, tunapastei met eiers en kapokaartappels, Brusselse spruite, sampertjies (mushy peas), colcannon (kapokaartappels met boerenkool of kool), oondgebakte beesfilet met bruinuiesop en ’n mosterdkors en pavlova. Die Vlakte se eenvoudige smake Doreen van der Berg wat vir my werk het baie arm in Guguletu grootgeword met net pap en suiker vir ontbyt (geen melk nie) en dan weer pap en vaal pens-enpootjies vir aandete. Hulle het ook eiers van hul eie hoenders…

■ Die Britse aktrise dame Diana Rigg, bekend om haar rolle as Emma Peel in The- Avengers en Olenna Tyrell in Game- of- Thrones, is in die ouderdom van 82 oorlede. Sy was ook die enigste vrou wat mev. James Bond geword het – in die film On- Her- Majesty’s- Secret- Ser-- vice, waar sy die rol van die gravin Teresa di Vicenzo vertolk het. ■ Chris Galloway was ’n akteur van Kaapstad wat toe hy jonger was veral goeie karakterrolle vertolk het. Hy het gereeld met Pieter-Dirk Uys gewerk – sedert hul dae by Die Ruimte-teater in die 1970’s. Van die stukke waarin hy opgetree het, was Die- Van- Aardesvan- Grootoor, Rearranging- the­Deckchairs- on- the- SA- Bothatanic en Cry- Freemandela- –- The- Movie. ■ Die Suid-Afrikaans-gebore draaiboekskrywer en neef…

Johan Wepener, Durbanville, skryf: In die berig “53% van landdroste leef in vrees” verlede week bekla streeklanddros Wilma van der Merwe haar lot en veral die swak salaris wat landdroste verdien. Ja, sommige landdroste het rede om te vrees vir hul lewens, maar hulle is nie uniek nie. Speurders wat groot sake ondersoek is in dieselfde gevaar – so ook aanklaers wat groot skurke moet vervolg. Van der Merwe stel ooglopend haar vrees as grondslag vir haar klag dat sy nie met haar salaris van R1,3 miljoen per jaar tevrede is nie. Wat sy verswyg is dat minder as 2% van die bevolking meer as R1 miljoen per jaar verdien. Landdroste word dus objektief uiters goed besoldig. Sy sê sy verarm in so ’n mate dat sy tot drie keer…

Christhénus van der Vijver, Kuilsrivier, skryf: My Sondae gaan deesdae gepaard met ’n beklemming om die hart oor die stand van sake by die WP-rugbyunie en sy president, Zelt Marais, se uitsprake. Dit voel al hoe meer of ek by ’n oop graf staan terwyl die grafrede gelees word. Dit raak al hoe duideliker dat WP ten alle koste transformasie wil najaag. Om Ebrahim Rasool, die nuwe voorsitter van die direksie, as ’n “groot staatsman” en persoon met ’n “vlekkelose politieke verlede” te beskryf, som Marais se politieke gedienstigheid mooi op. Dit maak ook nou sin waarom Rasool se swaer, wyle adv. Hishaam Mohamed, sonder die medewete van Saru ’n ontmoeting vir Marais met die minister van sport gereël het. Mens kan maar net raai wat op só ’n vergadering…

Piet le Roux, Napier, skryf: Ek verwys na Maretta Bellingan se onlangse rubriek “Spesiale hel toe met die ryk kwakke . . .”. Sy maak daarin melding van ’n onderhoud wat CNN gevoer het met ene Mike Lindell, wat beweer dat hy ’n middel uit die oleanderplant – in Suid-Afrika algemeen bekend as die selonsroos – ontwikkel het teen die koronavirus. Die selonsroos (Nerium oleander) is een van die giftigste plantsoorte wat algemeen voorkom. Alle dele van dié plant is giftig. In die 1950’s was daar ’n geval in Namibië waar iemand vir hom ’n braaivurk van ’n selonsroostak gesny het. Hy is dood weens vergiftiging. Enigeen wat daarom dink dat hy dié plant kan gebruik as middel teen Covid-19 maak ’n reusefout. Waar ek die plant in tuine sien…

“Inspiration is a dish better served cold,” sê uncle Milo tewyl hy met ’n smug smile staan voorie klein patch tyn wat hy laasjaa hie kom maak et. Antie Mary bas yt vannie lag. “Is revenge Milo, revenge is ’n dish best served cold, hou op agtestevoo praat. Ek sweer jou tong is aanmekaa gelas met duct tape,” sê sy terwyl ôs lag. Uncle Milo kyk ôs confused an. “Wie will dan nou revenge serve, is mos ’n popkop wat dai doen,” sak hy af en begin vroetel wee in sy stukkie Eden. Ek sallie stry nie, sy tyntjie lyk impressive, hy het somme groente en blomme saam in een spot geplant. Is genius, wan as hy nie hie issie, en ôs sien die blomme vrek, dan wate ôs die…

Die enigste rede hoekom ek eendag begrawe en nie veras wil word nie, is dat ek graag ’n paar boeke sal wil saamneem. Net ingeval iemand ’n verkeerde diagnose gemaak het. Dan lê ek darem nie ses voet diep en speel met my vingers nie. Die boeke wat ek sal inpak op my laaste reis sal met groot oordeel gekies moet word. Hulle sê immers boeke kom op jou pad wanneer jy dit die nodigste het, dalk kan ek dan uiteindelik Eben Venter se My Beautiful Death lees, want ek dink nie daar’s ’n handleiding oor hoe om uit jou graf te ontsnap nie. Maar alle makabere grappies op ’n stokkie. Op die eerste dag van die inperking staan ek voor my boekrak en wonder wat die leesgode vir my…

Die messe is skynbaar uit vir Patricia de Lille, minister van openbare werke en infrastruktuur. Talle ANC-hoës dring aan op optrede teen haar ná bewerings van inmenging in haar departement se verkrygingsprosesse. Senior ANC-lede het aan City Press, Rapport se susterkoerant, gesê die ANC se besluit dat amptenare opsy moet staan as hulle van korrupsie beskuldig word, geld ook vir De Lille, leier van die Good-party. “Die vraag is wat gaan met De Lille gebeur; sy is nie ’n lid van die party nie, maar ’n politieke aanstelling deur die president, so al die oë is op hom om op te tree teen sy ontplooide.” ’n Minister het gesê die herrie gaan daaroor dat individue soos Bongani Bongo, Andile Lungisa en Zandile Gumede met “minagting” behandel is, terwyl De Lille…

“Jy kan wegbeweeg van rasseklassifikasie én ekonomiese regstelling bereik.” Op 13 het Gwen Ngwenya aangesluit by haar skool se debatsvereniging. Week ná week het sy St Mary’s Diocesan School for Girls verteenwoordig in kompetisie teen ander Durbanse skole. Sy het, natuurlik, altyd gewen. Dis waar sy geleer het om skepties en krities te dink en “nie alles vir soetkoek op te vreet nie”. In haar matriekjaar (2007) het sy, heel op haar eie, by die DA aangesluit. Niemand het haar gewerf nie. Sy het die partybeleid bestudeer en besluit dis waar sy tuis voel. As kind van twee apolitieke onderwysers was dit ’n ongewone stap, hoewel sy dit self nie só sien nie – dis tog vanselfsprekend dat matrieks in ’n verkiesingsjaar sou spring om te gaan stem, reken sy.…

Reds klop Rebels; pak die Brumbies Die beseringspook het gister in Brisbane wyd geloop toe die Reds met die Rebels afgereken het vir Saterdag se eindstryd van Australië se plaaslike Superrugby AU-reeks teen die Brumbies. Die Reds, wat met 25-13 gewen het, speel vir die eerste keer in nege jaar in ’n Super-eindstryd. Maar die sege is versuur met die beserings van Jordan Petaia (harsingskudding) en Chris Feauai-Sautia (lies). ■ Punte: Reds 25 (10): Drieë: Jordan Petaia, Lukhan Salakaia-Loto, Filipo Daugunu. Doelskoppe: James O’Connor (2). Strafdoele: O’Connor (2). Rebels 13 (10): Drie: Marika Koroibete. Doelskop: Matt Toomua. Strafdoele: Toomua, Reece Hodge. Franse, Engelse boos vir rugbybase Die Franse klubrugbybase het met die ondersteuning van die Engelse Premierliga ’n klag teen Wêreldrugby by die Europese Kommissie ingedien oor die toetsvenster wat…

Tennis AMERIKAANSE OPE (New York) Mansenkelspel: HALFEINDRONDE: Dominic Thiem (Oos) k Daniil Medvedev (Rus) 6-2 7-6(9) 7-6(7); Alexander Zverev (Duits) k Pablo Carreno Busta (Sp) 3-6 2-6 6-3 6-4 6-3. Gholf PORTUGESE MEESTERS (Vilamoura, Portugal)) Voorste tellings ná die derde ronde: 202- George Coetzee (SA) 66 70 66; 203-Julien Guerrier (Fr) 62 66 75, Masahiro Kawamura (Jpn) 67 71 65; 204-Laurie Canter (Eng) 64 72 68, Niklas Lemke (Swe) 70 69 65; 205-Sebastian Garcia Rodriguez (Sp) 70 68 67, Liam Johnston (Skot) 61 74 70, Sihwan Kim (Kor) 67 66 72. SA tellings: 207-Brandon Stone 67 70 70; 208-Bryce Easton 68 72 68, Wilco Nienaber 70 65 73. SAFEWAY OPE (Scottsdale, Arizona) Voorste tellings ná die tweede ronde (VSA, tensy anders vermeld): 129- Sam Burns 64 65; 131-Harry Higgs 69…

Sy eerste Grand Slam-eindstryd was ’n driestel-warrelwind waarin hy nooit ’n wenkans gehad het nie. Die tweede ’n viersteller met ’n klein bietjie meer rede tot hoop. En die derde ’n vyfstel-marathon wat hy netsowel kon gewen het. As Dominic Thiem se vertonings op tennis se heel grootste verhoog aanhou om lineêr te verbeter, sal hy vannag in New York uiteindelik die eksklusiewe klub van Grand Slam-kampioene be-tree. Sy twee eindstryd-nederlae teen Rafael Nadal by Roland Garros en die hartverskeurende Aussie-teleurstelling van Januarie teen Novak Djokovic sal in die boksie vir “lesse geleer” weggepak word, en Thiem sal baai in die verwesenliking van sy grootste droom. Maar dat dit vierde keer skeepsreg sal wees, is geen gegewe nie. Nie net staan die Duitser Alexander Zverev – oor wie al sedert…

Die Deen Søren Kragh Andersen het gister sy eerste skofoorwinning in die Tour de France behaal deur presies op die regte tyd met ’n aanval te kom. SA se Impey 91ste, Gibbons nou in 132ste plek Anderson (Sunweb) het die 14de skof oor 194 km tussen Clermont-Ferrand en Lyon in 4 uur, 28 minute en 10 sekondes voltooi. Luka Mezgec (Mitchelton-Scott) van Slowenië was 15 sekondes ná hom in die tweede plek, gevolg deur die Italianer Simone Consonni (Cofidis, +15 sek). Die 26-jarige Anderson het sowat 3 km van die einde af van die peloton weggebreek. Die ander aanspraakmakers op ’n skofoorwinning se tande was toe lankal getrek. Hy is beslis dank aan sy spanmaats, en veral Tiesj Benoot, verskuldig. Benoot het 11 km van die einde met ’n aanval…

Suid-Afrika se krieketbase het die Mzansi-superliga (MSL) geskrap omdat SuperSport sy neus vir die uitsaairegte opgetrek het. Dit is die tweede keer dat Suid-Afrika se T20-toernooi afgelas word omdat ’n TVuitsaaier nie aan boord wou kom nie. SuperSport het ook in 2017 kop uitgetrek as TV-uitsaaier van die T20 Global-toernooi toe hy en Krieket Suid-Afrika (KSA) nie tot ’n vergelyk kon kom nie. KSA het reeds ’n hoofborg vir die toernooi bekom. Met die inkomste uit die borgskap en SuperSport het KSA gehoop om vanjaar gelyk te breek met die aanbied van die toernooi, ná verliese in die verlede. “Met die titelborg aan boord én SuperSport se vooruitskattings, sou die toernooi gelyk gebreek het in die derde jaar. Dis twee jaar vroeër as Thabang Mo-roe (voormalige uitvoerende hoof van KSA)…

SA Rugby ondersoek speelgeleenthede vir die Junior Bokke in 2021 met volgende jaar se Junior Wêreldtoernooi wat moontlik weens Covid-19 in die slag kan bly. Rapport verneem ’n Britse en Ierse Leeus o.20-toer is een van vele opsies wat deur SA Rugby vir die Junior Bokke oorweeg word. ’n Toernooi in Suid-Afrika waarin die jong spanne van die Sesnasies-lande en Sanzaar-lidlande speel, word ook bespreek. Nog ’n moontlikheid is dat die Junior Bokke volgende jaar in ’n Suidsee-Eilande-toernooi speel. Die Sanzaar-spanne, Fidji, Samoa en Japan sal daaraan deelneem. Dis onseker wanneer SA Rugby ’n besluit sal neem of Wêreldrugby ’n aankondiging oor volgende jaar se Junior Wêreldtoernooi sal maak. Weens geldelike redes bestaan daar volgens ’n ingeligte groot kommer oor die toekoms van die Junior Wêreldtoernooi. ’n Kans bestaan selfs…

Toe twee jong Suid-Afrikaanse vroue vroeër vanjaar besluit het om in te skryf vir die Mej. Suid-Afrika-kompetisie, het hulle natuurlik gedroom van roem en geleenthede. Om in te skryf moes elkeen ’n video op sosiale media plaas waarin sy haar aansoek vir die kompetisie aankondig. Bianca Schoombee en Oneida Cooper se hoop is summier “gekanselleer”, met verwysing na die #CancelCulture-verskynsel, waarin ’n ieder en ’n elk op sosiale media verantwoordbaar gehou word. Bianca is deur Twitter-speurders “aangekla” weens twiets van 2013, toe sy 14 jaar oud was, waarin sy met swart vroue se liggaamsvorm spot. Binne ’n dag het die hutsmerk #BiancaMustFall deur die plafon gebars. Sy het later verskoning gevra op dié platform, haar rekening gedeaktiveer en ook haar Mej. SAaansoek teruggetrek. Sy het steeds haatboodskappe ontvang van “duisende”…

Piet Pyl van Polokwane skryf: Wanneer ’n mens kos in die oond sit met foelie oor, moet die blink kant of die dowwe kant buite wees? Dr. Jani antwoord: My een oupa, wat vir die Nasionale Party gestem het, het vas geglo die blink kant buite. My ander oupa, ’n Sap, het weer verkondig dis beslis en uiteraard die dowwe kant. Dis ’n hoogs verpolitiseerde kwessie – bietjie soos Covid-19 in Amerika. Ek weet nie. Vra vir Anél Potgieter. Babs Butler van Bothaville skryf: Mense wat kla hulle kan nie hul chroniese medisyne by Clicks gaan haal nie weens die narre wat chaos daar saai oor ’n sjampoe-advertensie – is daar g’n ander manier om dit te kry as om dit fisiek te gaan háál nie? Allamapstieks, dis die jaar…

‘Kô-lô-nel, is u in staat om te erken of om te ontken dat daar op daardie dag, 27 Mei, negentien-honderd-ses-en-tagtig, om ongeveer nege- of tienuur in die voormiddag, op of naby die hoek van Paul Krugerstraat en Pretoriusstraat, tussen tweehonderd-en-vyftig en drie-honderd-entwintig mense, in of naby ’n protesoptog, teenwoordig was; en kô-lô-nel, is u verder in staat om te erken of om te ontken dat daar op of omtrent dieselfde dag op of omtrent dieselfde tyd op of omtrent op dieselfde plek tussen vyf-en-dertig en sewe-en-veertig polisiebeamptes, gewapen of ongewapen, teenwoordig was . . . Já of néé?” In die talle anti-apartheidsake waarin George Bizos as advokaat opgetree het, het hy dikwels daarop aangedring om Afrikaanssprekende veiligheidspolisieoffisiere in hul moedertaal te kruisverhoor. Sy juniors moes soms deur die nag vertaal.…

Is die DA besig om selfmoord te pleeg? Die laaste DA-kongres in April 2018 was indrukwekkend, maar dis waar die verdeeldheid begin het wat op verlede week se beleidsbeginsels uitgeloop het. Daar was ’n sjampanje-atmosfeer danksy die merkwaardige vordering wat die DA in die munisipale verkiesings in 2016 behaal het toe die party saam met sy koalisievennote beheer van die land se twee grootste metro’s, Johannesburg en Tshwane, oorgeneem het. En boonop Nelson Mandelabaai verower het. Dit was inderdaad die mees diverse partypolitieke nasionale kongres wat nog in die land gehou is. Natuurlik is die meer as 2 000 afgevaardigdes nie op ’n rassegrondslag getel nie, maar dit was duidelik dat swart afgevaardigdes in die meerderheid was. Dit het gelyk asof die DA onstuitbaar is in ’n opmars om die…