Rapport 11/17/2019의 목차

In die 20 jaar sedert die Afrikaanse satelliet-TV-kanaal kykNET begin uitsaai het, het die kanaal se kykertal nie net skerp gegroei nie – sy aanbieders het ook al hoe vryer geraak om oor dinge praat wat kykers twee dekades gelede sou laat bloos het. KykNET se eerste programme is op 15 November 1999 uitgesaai, ses weke nadat Rapport op Sondag 3 Oktober 1999 die naam verklap het van die nu-we Afrikaanse TV-kanaal in ’n onderhoud deur Hanlie Retief met Elize Malherbe, destyds direkteur van spesiale projekte by M-Net. “Rapport het die naam vir die hele land ge-bust,” sê Lani Lombard, voormalige woordvoerder van kykNET en deesdae van M-Net, dié week oor die naam wat amper ’n jaar lank streng geheim gehou is. In week een al het kykNET met bekende…

Cisca van Niekerk sê sy is nie “white trash” nie, en het Charmaine Olivier al ’n jaar gelede gewaarsku: “My goed is my goed en bly weg van my man.” Dit kom nadat ’n video waarin Van Niekerk vir Olivier aan die hare beetkry en rondsleep omdat dié haar “man wil n***”, die afgelope week soos ’n veld-brand versprei het. Van Niekerk se man, Frikkie, het twee weke gelede die video van die voorval gemaak. Dit wys hoe Olivier met Frikkie staan en gesels, waarop Cisca haar aan die hare beetkry en oor die grond rondsleep. Cisca sê vir Olivier: “Klim op jou bike en p*** off.” Intussen skree Frikkie sy moet haar uitlos, maar hy spring nie in om te help nie. Dit was veronderstel om ’n rustige Sondagbraai…

Op 16 het ’n jong Jo Black selfmoord as die enigste uitweg gesien en ’n handvol pille gedrink. “Ek was eensaam en verwerp. Ek het gedink niemand sal my mis nie en dis genoeg om enige kind te laat knak,” het hy Vrydag aan Rapport vertel. Vandeesweek het Jo en sy broer, Willem Engelbrecht, die selfoon-app Heroes Anonymous bekend gestel om vir kinders sonder hoop ’n uitweg te gee. “Dit is deel van ons Be that guy/girl-veldtog waardeur ons kinders wil inspireer om goed te wees, goed te doen en in hulself te glo. “Ek en Willem het albei swaar grootgeword en dit was nog altyd vir ons ’n droom om kinders te help wat deur dieselfde gaan,” sê Jo. Sy ervaring as pa was ’n bykomende motivering. “My eie…

’n Klinieksuster van Limpopo sal vir altyd ’n krom ringvinger hê ná haar inhegtenisneming weens die diefstal van winkelmandjies, waarvan sy later kwytgeskeld is. Nou eis Lorette Lourens (60) skadevergoeding van R960 000 van die polisie en R647 250 van Shoprite. Lourens het aan Rapport gesê sy het die ses mandjies by ’n winkelier gekoop wat sou emigreer. Sy was in 2011 takbestuurder van die welsynsorganisasie Volkshulp 2000 in Mookgophong (Naboomspruit), en het die voorraad vir armes se kospakkies in die mandjies gepak. Op 17 November 2011 het sy ook ’n ou trollie persent gekry by die Vodacom-winkel in ’n sentrum waarin daar ook ’n tak van U-Save (’n deel van die Shopritegroep) is. Toe sy met die trollie op haar bakkie by die sentrum wou uitry, is sy voorgekeer.…

5 mans het soortgelyke verhale vertel. ’NOudonderwyser wat die onderwerp is van ’n reeks potgooie deur die man wat hy glo 22 jaar gelede verkrag het, het oornag sy onderneming se deure gesluit. Deon Wiggett, ’n kopieskrywer van Johannesburg, doen in die potgooie ’n “regstreekse ondersoek” na die lewe van die man wat hy “Jimmy” noem, die oudonderwyser wat ’n grootkop in korporatiewe kringe geword het. Jimmy se regte naam is aan Rapport bekend en word op regsadvies weerhou. In die potgooie getiteld My Only Story sê Wiggett (39) hy is op 17-jarige ouderdom deur Jimmy “in die mond verkrag”. Wiggett was in daardie stadium ’n leer-ling aan die Paul Roos Gimnasium in Stellenbosch. Jimmy was nie meer ’n onderwyser nie maar sy paaie het met Wiggett s’n gekruis. In die…

Die einde van Saldanha Staal, deur die oë van ’n staalwerker: ‘Ek het besluit om te praat, want hier oorkant jou sit nie net ek nie, maar 1 500 mense wat direk deur Saldanha Staal se sluiting geraak word. “So, ek waag dit maar, want iemand moet vertel van die ramp wat ons getref het, hoe die Weskus gaan bloei, hoe Saldanha ’n spookdorp gaan word.” Hy beduie met sy groot growwe hande, sy blou oorpak is ná die skof plekplek pienk van die ystererts-stof. Alles hier by Saldanha Staal is pienk nadat jy aangery gekom het deur die vaal landskap van die Weskus-somer. Die onderhoud is op voorwaarde dat hy nie geïdentifiseer word nie, want staalwerkers kan in die moeilikheid kom as hulle met die media praat. “Ons het…

’n Krugersdorpse vrou wat sê sy is agt weke lank in onmenslike en onhigiëniese toestande in ’n sementhok aangehou, eis R11 miljoen van ’n Pretoriase rehabilitasiesentrum. Dit was glo toe sy ná ’n poging om haarself om die lewe te bring, tien maande in House Generation (Edms. Bpk.) was. Wilhelm Adolf (Ado) Krige van House Regeneration and Extreme Freedom (’n nie-winsgewende firma) ontken die bewerings. Sandra Steyn, voorheen ’n sakevrou wat twee ondernemings bestuur het, het in Junie 2017 haar eie lewe pro-beer neem deur pille te sluk en haar polse met lemmetjies te sny. Sy was ook aan slaappille verslaaf. “Ek was lank depressief en het hulp nodig gehad,” sê sy aan Rapport. Steyn het nie self die opnamedokumente by House Regeneration geteken nie. Krige sê haar seun, Willie,…

KRIEKET Indië trek Tiere se tande Indië se krieketspan het die eerste toets in Indore, Indië, teen Bangladesj binne drie dae met ’n beurt en 130 lopies gewen nadat sy naatboulers amok gesaai het. Nadat Bangladesj net 150 lopies in sy eerste beurt behaal het, het Indië sy eerste beurt op 493/6 gesluit verklaar. Bangladesj is vir 213 in sy tweede kolfbeurt uitgeknikker. Indië se naatboulers het die eerste keer sedert 2001 23 ononderbroke boulbeurte in Bangladesj se tweede beurt afgestuur en ongekende sukses behaal. Mohammed Shami (foto, regs) (3/27 en 4/31), Umesh Yadav (2/47 en 2/51) en Ishant Sharma (2/20 en 1/31) het die Tiere flenters geboul, terwyl die Indiese draaiers net vyf paaltjies kon plattrek. – cricinfo.com RUGBY Griekwas bied pakkette aan Die Griekwaland-Wes Rugbyunie (GWRU) gaan skeidingspakkette…

Beserings is sy middelnaam. Die res is Marcell Coetzee. Gepas het dié Springbok die Bokke se Wêreldbeker-triomf op ’n plek gekyk waar geld ingesamel is vir kinders met erge beserings. En die Ierse toetslegende Willie John McBride was onder die teenwoordiges in die saal waar Coetzee sy blydskap oor die Bokke se WB-sege nie kon bedwing nie. Vir Coetzee was dit g’n bitter pil nie, al het hy na die Bokke gesit en kyk in die wete dat hy dalk daar kon gewees het – op die speelveld teen die Engelse. Sy besering kort voor die aankondiging van die Springbokke se Wêreldbekergroep het hom winduit gemoker. Maar vir die rateltaai Coetzee was dit net kortstondig, want vir hom is die seën dat hy nog kan speel veel groter as om…

Krieket Suid-Afrika (KSA) se gesloer in sy kommunikasie met Graeme Smith het glo ’n groot rol in die voormalige Protea-kaptein se besluit gespeel om hom aan die wedloop om die pos van direkteur van krieket te onttrek. Dít nadat KSA aanvanklik sowat tien weke terug na Smith uitgereik het om hom vir dié nuwe posisie te werf. Smith was die oorweldigende gunsteling om in die pos aangestel te word. Trouens, ’n bron sê hy het so te sê die werk gehad, voordat hy vandeesweek aangekondig het dat hy hom aan die wedloop om die pos onttrek. “Ná die nuus in die media hierdie week dat ek vir ’n onderhoud gegaan het vir die pos van KSA se direkteur van krieket, voel ek dit is nodig om te bevestig dat ek…

Die kundigheid wat die Springbokke die Wêreldbeker besorg het, skaars twee jaar nadat Rassie Erasmus as afrigter van die Bokke aangestel is, gaan straks ook neerslag vind in die veldtogte van die Suid-Afrikaanse spanne in die Super- en Pro14-reeks. Dit is as Erasmus, wat die leisels as afrigter neergelê het om op die pos as direkteur van rugby te fokus, sy sin kry. Daar word verstaan dat hy gretig is om sy hulpafrigters by die land se franchises as’t ware te ontplooi. In die verlede was Erasmus se assistente beskikbaar om die franchises by te staan as deel van sy plan om Suid-Afrikaanse rugby in ’n veel groter mate op dieselfde bladsy te kry. Tog het dit meestal in die rol van konsultante geskied waar hulle met ’n span sou…

Net in die Noord-Kaap loop 400 kommersiële boere die gevaar om onder te gaan weens die voortslepende droogte. Agri SA het dié boere se name aan handelsbanke gegee om te kyk wat gedoen kan word om hulle te help om kop bo water te hou. ‘Daar moet vroeër waarskuwings wees.’ Christo van der Rheede, adjunk- uitvoerende hoof van Agri SA, sê elkeen van dié boere se sake sal op meriete oorweeg word, maar die banke oorweeg oorbruggingsfinansiering, sagte lenings of toegewings vir skuldbetalingstermyne, of sal lenings hernieu. Buiten dié boere, is daar nog honderde in verskeie dele van die land wat by landbou-ondernemings probeer heronderhandel oor hul terugbetalings, sê hy. Willem Symington, hoof van Agri SA se rampbestuursentrum, sê in die Noord-Kaap is daar sowat 15 500 plase wat onder…

’NTwis broei met die departement van energie oor Transnet se gevorderde planne om ’n vloeibare-aardgas-terminus in Richardsbaai te bou. Die regering wil dringend die Coega-hawe in die Oos-Kaap as die spilpunt van die aardgas-bedryf ontwikkel, maar Transnet se planne vir Richardsbaai 1 000 km noordoos aan die KwaZulu-Natalse kus verwar beleggers, word beweer. Transnet weier ook na bewering om sy planne vir Richardsbaai met die departement te bespreek. Die regering sê dit is dringend om ’n vloeibare aardgas-terminus by Coega te bou sodat twee bestaande diesel-kragsentrales – Eskom se Gourikwa by Mosselbaai en die private Dedisa by Coega – omgeskakel kan word sodat dit aardgas pleks van diesel gebruik. Die omskakeling sal groot besparings in energiekoste meebring. Die plan is ook om weldra die Ankerligdieselkragsentrale by Atlantis aan die Weskus…

Suid-Afrika se grootste klere-kleinhandelaars het belowe om oor die volgende paar jaar 85 miljoen bykomende plaaslik vervaardigde kledingstukke, skoene en leerartikels aan te koop om die plaaslike tekstiel- en klerebedryf ’n hupstoot te gee. Dié onderneming sal die verkryging van plaaslik vervaardigde goedere teen 2030 van die huidige 44% tot 65% opstoot. Dié aankondiging is gemaak by die tweede Suid-Afrikaanse beleggingskonferensie in Sand-ton waar ’n meesterplan vir die ontwikkeling van die plaaslike tekstiel-, klere-, skoen- en leerbedryf onderteken is deur onder meer die regering, arbeid, The Foschini Group, Pepkor, Edcon, Mr Price en Wool-worths. Die tekstielbedryf pleit al sedert die 1990’s vir beskerming en ingryping. Die regering se huidige nywerheidsbeleid-aksieplan sê die tekstielbedryf het ná die drastiese afskaling van invoertariewe in die 1990’s al sowat 120 000 poste verloor. Die…

’n Ligpunt vir Suid-Afrika is dat die ANC sterker vertoon het in die laaste verkiesing en nie deur opposisiepartye bedreig word nie, sê Hendrik du Toit, mede- uitvoerende hoof van die Investec-groep. “Die ANC-regering het nou ’n gulde geleentheid om ’n nasionale gesprek te voer (oor die ekonomie), want as ’n sterk regerende party kan jy sulke gesprekke akkommodeer. “Net soos wat hulle boere laat verstaan het hulle kan nie langer aangaan om grondhervorming te ignoreer soos tevore nie, net so moet alle belanghebbendes verstaan dit is in almal se belang om ’n groeiende ekonomie te hê.” Eskom is tans die land se grootste probleem, het hy gesê, en dit sal waarskynlik ’n dekade of langer neem om dit reg te ruk.…

Dis moontlik om jou kredietgeskiedenis gratis en aanlyn te bestel sonder om ’n foon op te tel. Die kredietburo’s vereis dat jy op hul webwerf registreer en sekere veiligheidsvrae beantwoord om seker te maak oor jou identiteit. Jy kan ook die kredietburo skakel en vra oor hul proses indien jy nie toegang tot die internet het nie. Die land se grootste kredietburo’s is: ■ TransUnion: transunion.co. za. Heel onder links op die blad, onder “About Us”, is daar ’n skakel na “Free Credit Report”. Jy hoef nie vir hul ander dienste te betaal om jou kredietgeskiedenis na te gaan nie. ■ XDS: xds.co.za. Regs bo op die blad is daar ’n skakel na “Credit4Life”. Dit is XDS se aanlyndiens om jou kredietgeskiedenis te bekom. ■ Experian: Kontakbesonderhede is by experian.co.za,…

Gebakte kaaskoek (Met Turkse appelkose in roosmarynstroop) Kors: 200 g tennisbeskuitjies, gekrummel 15 ml suiker knippie sout 65 ml (60 g) gesmelte botter Vulsel: 3 x 200 g houers Kiri-roomkaas, teen kamertemperatuur 220 ml (180 g) suiker knippie sout 7 ml vanielje-ekstrak of 50 ml suurlemoensap 3 groot eiers 120 ml suurroom 120 ml room Voorverhit oond tot 175 °C. Smeer die kante van ’n klampkoekpan van 20 cm in deursnee en 7 cm diep met gesmelte botter. Hou ’n groot, diep oondpan reg vir die waterbad. Kors: Meng die beskuitjiekrummels, suiker en sout in ’n groot mengbak en roer die gesmelte botter by. Druk die krummelmengsel met jou vingers vas op die bodem van die koekpan, met net ’n effense opdraandetjie om die binneste rand. Bak die kors vir…

Dit is veral die kinders se gesigte wat my boei op foto’s van die Springbokke se onlangse oorwinningsparades. Ons sien hulle selde so gelukkig, en selde so trots, die kinders van ons land. Anders as byvoorbeeld Amerikaanse kinders wat grootword in buurte waar hul landsvlag algemeen voor huise wapper en wat jaarliks op 4 Julie vrolik opgaan in patriotiese feestelikheid, speel nasietrots nie juis ’n alledaagse of opsigtelike rol in Suid-Afrikaanse kinders se lewe nie. Die redes hiervoor is velerlei. Hulle word groot in ’n land waar sosiale en politieke samehorigheid swaar gebuk gaan onder etniese vyandighede, politieke verdeeldheid en die maniere waarop die regering se mislukkings manifesteer: hoë misdaadsyfers, ineenstortende infrastruktuur, dalende prestasies op skool en universiteit, stygende werkloosheid en knellende armoede. Almal voel kwesbaar in so ’n klimaat,…

Dit is tyd dat die regering terugstaan en die Suid-Afrikaanse Lugdiens (SAL) toelaat om in duie te stort – iets wat lankal sou gebeur het as die SAL nie teen ’n obsene som deur belastingbetalers, ryk en arm, gesubsidieer is nie. Die SAL is eintlik reeds bankrot, het die parlement die afgelope week gehoor. Skuld van R28 miljard het die laaste 13 jaar opgeloop. Die lugdiens verloor R500 miljoen per maand en die domastrante staking sedert Vrydag kos die SAL ’n bykomende R50 miljoen per dag. Die enigste manier om die SAL aan die gang te hou is om nog miljarde in die staatskas te gaan vind. Dis miljarde wat daar nie is nie. Tito Mboweni, minister van finansies, het die situasie mooi opgesom toe hy verlede maand in die…

Vorster en nog ’n regsgeleerde het ’n konsepverklaring by die plaaslike polisie ingedien wat blykbaar na die polisie se eenheid vir seksuele misdrywe verwys is. Vorster sê hy weet daar is ’n ondersoek begin, want hy het met die ondersoekbeampte gepraat, maar dit het blykbaar later doodgeloop. Randall hou vol sy fotonemery is onskuldig. “Dit gaan oor selfverdediging. Die kinders illustreer selfverdediging-grepe. Mense koop dit dan en gebruik dit vir opleiding. “Ons maak ook klein stories. Iemand soek dalk ’n verhaal oor ’n boelie wat sy les leer, dan script hulle dit en die kinders voer dit op,” sê Randall. “Ek het streng reëls soos hoe lank hulle kan skiet en hulle word ook voorgeskryf watter klere hulle mag dra. Geen kind kan sonder die skriftelike toestemming van ’n ouer…

Die veroordeelde moordenaar Najwa Petersen is glo uitgevang dat sy duisende rande per maand in die tronkwinkel bestee – baie meer as wat toegelaat word. Alle gevangenes het ’n “debietkaart” waarop hul families hoogstens R700 per maand kan inbetaal om basiese items soos sigarette en snoepgoed by die tronkwinkel te koop. Petersen het duisende rande meer as die toelaatbare bedrag op haar kaart en het dié geld glo gebruik om gunste by bewaarders te koop. Sy was ook in beheer van die tronkwinkel. Senior tronkowerhede het bewus geword daarvan toe ’n medegevangene gaan kla. Petersen is van die Brandvlei-gevangenis by Worcester na Pollsmoor in die suidelike Skiereiland verskuif terwyl die saak ondersoek word. Sy dien 28 jaar tronkstraf uit vir haar aandeel in die moord op haar man, die musieklegende…

Die doktore in die DA en VF Plus was gister in mekaar se hare oor die eersgenoemde se besluit om geen insette te lewer oor hoe ’n wysiging van art. 25 van die Grondwet moet lyk nie. Die DA glo dié artikel het nog nooit in die pad gestaan van grondhervorming nie en behoort geensins te verander nie, maar ’n ad hoc-komitee van die parlement gaan voort om die bewoording van die wysiging te bespreek nadat die parlement reeds besluit het dit moet gewysig word. Dr. Annelie Lotriet, leier van die DA-koukus, het Vrydag gesê haar party gaan nie verdere voorleggings doen nie. Dr. Pieter Groenewald, VF Plusleier, sê hoewel sy party ook nie glo die Grondwet moet gewysig word nie, sal hulle die “eerste” wees om steeds deel te…

Dis nog duister wat daartoe gelei het dat ’n senior lid van die Valke verlede Sondag dood in haar huis in Kaapstad aangetref is – en wie die twee skote geskiet het. Dit was nie in kol. Christelle Stemmet (47) se aard om haar eie lewe te neem nie, het haar suster Lana aan Rapport gesê. Lana sê Christelle was ’n uitstekende skut en sou nie ’n “toetsskoot” skiet nie. Lana, hul ma, Aletta (74), en suster Adrie Nel, asook dié se twee kinders, het verlede naweek uit Vredendal vir Christelle in haar dubbelverdiepinghuis in Table View kom kuier. Lana sê sy en Christelle het die Sondagoggend vroeg nog saam plante geplant. “Wie sou, as sy beplan om selfmoord te pleeg, so iets doen?” Die familie het omstreeks 09:00 vertrek,…

Die feit dat hul lêers gedigitaliseer is en nie meer in liasseerkabinette gesoek hoef te word nie, is een van die redes waarom pasiënte in Wes-Kaapse hospitale vinniger gehelp word. Nou wil die Noord-Kaap ook dié praktyk instel. Die twee provinsies het ’n tegniese span saamgestel om die fyner detail van hul nouer samewerking uit te werk. Dit kom nadat ’n afvaardiging onder leiding van dr. Zamani Saul, Noord-Kaapse premier, die Wes-Kaap besoek het om onder meer te sien hoe die Wes-Kaap dit reggekry het om ontslae te raak van alle papierdata van pasiente by hospitale en klinieke. “Die twee provinsies kan baie mekaar leer,” het Saul Vrydag gesê. Dit het begin toe Alan Win-de, Wes-Kaapse premier, by pres. Cyril Ramaphosa se maandelikse koördineringsraad verduidelik het hoe die Wes-Kaap 13…

’n Vrou het haar eksman gedagvaar vir R5,4 miljoen omdat hy haar glo tot die dag voor hul egskeiding erg gevloek en geterroriseer het. Cheryl de Freitas (41), wat by ’n kleuterskool in Roodepoort werk, wil haar eksman, Pedro de Freitas, laat dwing om haar R300 000 te betaal vir elkeen van die 18 kere wat hy haar glo liederlike goed toegesnou het. Cheryl se saak het egter die afgelope week ’n terugslag in die hooggeregshof in Pretoria gehad. Die hof het Pedro gelyk gegee dat Cheryl se eisbesonderhede vaag en ’n verleentheid is. Die hof het haar boon-op ’n kostebevel opgelê. Sy moet nou binne tien dae haar eisbesonderhede wysig deur meer besonderhede in te werk. Volgens hofstukke is Pedro ’n sake-man in die selfoonbedryf en woon op ’n…

Twee mans wat in ’n aanhoudingsel gedwing is om voor ander mense te masturbeer, moet elkeen skadevergoeding van ’n paar honderdduisend rand kry. Jimmy Bambela en Joseph Masindi is aangehou terwyl die staat geweet het die twee mans se DNS verbind hulle nie met ’n verkragtingsaak nie. “Dit was ’n vernederende ervaring.” Die hooggeregshof in Pretoria het die nasionale direkteur van openbare vervolging (NDOV) beveel om R640 000 aan Bambela en R320 000 aan Masindi te betaal. Hulle was 16 dae lank opgesluit. Die hof het reeds in Januarie 2018 bevind die NDOV is 100% aanspreeklik vir die skade wat die twee mans teen hom kon bewys. Masindi het in sy eis getuig hy is op 29 Julie 2011 in Musina gearresteer op ’n klag van verkragting en een van…

Die begin van Saldanha Staal, soos beleef deur die Saldanhabaaier Paulina Mila: Net ná die demokrasie was Paulina Mila deel van ’n brigade ma’s wat ná die sluiting van drie visfabrieke, toe Saldanha “amper, ámper verander het in ’n spookdorp,” gaan baklei het om vir hul kinders werk aan die Weskus te skep. Toe daar sprake was van ’n staal-aanleg in die omgewing, het “ons anties hand en tand genegotiate” om dit op Saldanha gevestig te kry. “Ons is met vier buste hier weg om onse deuntjie te gaan sing by die parlement: We want steel! We want steel! Dit was baie jollie op daai buste, dit het gevoel ons ry Jerusalem toe. Ons was vuurwarm om hierdie projek hier te kry. Nie een het gekla hulle wil gaan eet…

Die regering oorweeg die uitfasering van mikrokorrels omdat dié piepklein plastiekdeeltjies ’n enorme besoedelingsprobleem in veral die oseane veroorsaak. Mikroplastiek het ’n deursnit van minder as 5 mm en beland in die see omdat dit nie uit waterbronne verwyder kan word nie. Seediere neem dit in en uiteindelik beland dit ook in mense se liggame, lui die DEA-verslag. Die Wêreldnatuurfonds (WWF) waarsku dat mikroplastiek ook reeds ons varswaterbronne besoedel. Nog bronne van mikroplastiek is brokstukke van motorbande, sintetiese materiale – stukkies wat loskom wanneer jy jou klere was – en glitter, lui ’n WWF-verslag. Mikrokorrels word vervaardig met ’n deursnit van minder as 1 mm vir skoonheidsprodukte en skoonmaakmiddels (skuurmiddels). Die gebruik hiervan word reeds verbied in onder meer Brittanje, Ierland, Kanada en Nederland.…

Sinterklaas het gister grootliks sonder voorval in dorpe in Nederland voet aan wal gesit ná ’n week van hoogdrama oor sy tradisionele helper, Zwarte Piet. Die jaarlikse “intoch” van Sinterklaas word in honderde dorpe en stede in die land gevier. Dit is tradisie dat hy vergesel word van Zwarte Piet-karikature, tot 400 van hulle in een optog, met krulhare en swartgeverfde gesigte. Al hoe meer mense beskou die voorkoms van Zwarte Piet as “blackfacing” en dus rassisties en kwetsend vir swart mense. Ander meen dis ’n onskuldige tradisie waaraan hulle nie ’n duit wil verander nie. Die gevolg is ’n hewige en emosionele debat wat nou al ’n paar Nederlanders in die tronk laat beland het. Vanjaar-ishy-al-op-60­plekkeonwelkom. Verlede naweek is vyf pro-Zwarte Piet-aktiviste, die jongste net 13 jaar oud, gearresteer…

Met Graeme Smith wat homself vandeesweek van die wedloop om die pos as Krieket Suid-Afrika (KSA) se direkteur van krieket onttrek het, bly daar drie kandidate oor. KSA het glo onderhoude gevoer met Smith, Hussein Manack, Dave Nosworthy en Corrie van Zyl om hierdie pos voltyds te beklee. Sedert KSA ná die Wêreldbekertoernooi sy nuwe bestuurstruktuur – bestaande uit ’n Protea-spandirekteur wat aan die direkteur van krieket rapporteer, wat op sy beurt aan die uitvoerende hoof, Thabang Moroe, verslag doen – aangekondig het, het Van Zyl die pos deeltyds beklee. Van Zyl is egter aan die einde van Oktober saam met twee ander senior KSAamptenare, Naasei Appiah en Clive Eksteen, geskors hangende ’n ondersoek na beweerde pligsversuim rakende ’n beeldregtekwessie van 2018 se Mzansi-superliga. Die spelersvereniging Saca het daarna gesê…

Junie 2017: KSA kondig die T20 Global League aan. September 2017: Haroon Lorgat, vorige uitvoerende hoof van KSA, verlaat die beheerliggaam ná probleme om die liga aan die gang te kry. Oktober 2017: KSA kondig aan die T20 Global League word tot 2018 uitgestel. Franchiseeienaars wil slange vang. April 2018: Onderhandelinge sloer om ’n nuwe memorandum van verstandhouding tussen KSA en die spelersvereniging Saca op te stel. Junie 2018: KSA kondig aan die T20 Global League gaan nie plaasvind nie, maar vervang word deur ’n kompetisie (die Mzansi-superliga) met spanne wat deur KSA besit word. Julie 2018: ’n Nuwe memorandum word beding. Februarie 2019: Thabang Moroe, die nuwe uitvoerende hoof, stel voor dat hy aftekenreg kry op Protea-spanlyste. Hierdie reg word aan hom toegeken, maar kort daarna weggeneem. April 2019:…

Grens Rugby kan nog ’n reddingsboei by die regering kry wat die Bulldogs in staat sal stel om aan te hou speel, hoewel die unie steeds onder administrasie is. Bronne na aan die unie het bevestig dat Bulelwa Tunyiswa, die LUR vir sport in die Oos-Kaap, Vrydag met Mark Alexander, president van die Suid-Afrikaanse Rugbyunie (Saru), Monde Tabata, ’n lid van SA Rugby se uitvoerende bestuur, en Tim Dlulane, Grens se bedryfsbestuurder, in Kaapstad sal vergader om die tweede reddingsboei vas te knoop. Die bedrag kan glo meer be-loop as die R4,2 miljoen wat die unie vanjaar in April ontvang het. Die verhoging sal die unie in staat stel om opwarmwedstryde te reël en om die afrigters te vergoed. Maar daar heers ongelukkigheid by die klubs – wat Grens basies…

Suid-Afrikaners het verlede jaar R3,5 miljard aan videospeletjies bestee. In 2014 was die bedrag maar R2 miljard en die konsultantegroep PwC sê in sy jongste vooruitsig vir die media- en vermaaklikheidsbedryf dit kan tot R5,4 miljard in 2023 styg. Inkomste uit speletjies via sosiale platforms het verlede jaar 56,6% van die totale videospeletjie-inkomste uitgemaak en dit sal na verwagting teen 2023 tot 68,4% van die inkomste styg. Charles Stuart van PwC se vermaak- en media-afdeling sê slimfone maak dit vir miljoene Suid-Afrikaners moontlik om bekostigbaar toegang tot speletjies te kry. Toegang is dikwels gratis, asook om te speel, maar tydens die speletjie is koopopsies beskikbaar. Waar slimfoon-speletjies met rasse skrede groei, is die mark vir wolkgegronde rekenaarspeletjies gestrem deur relatief stadige internettoegang en die feit dat die databedieners wat vir…

Die staalbedryf, wat al jare kla oor goedkoop invoer- en onvolhoubare geadministreerde pryse, het die afgelope week ’n slag gehad met die aankondiging dat Arcelor-Mittal (Amsa) sy Saldanha-aanleg gaan sluit. Willie Venter, Solidariteit se adjunkhoofsekretaris vir die metaal- en ingenieurswesebedryf, sê Amsa was al lank met sy rug teen die muur sonder noemenswaardige hulp. “Die regering moet eenvoudig sy ekonomiese beleid dringender hersien om die toenemende werksverliese te stop,” sê Venter. Sowat 900 mense gaan hul werk in Saldanha verloor.…

R1,2 miljard Dít is hoeveel Isuzu Motors van Japan in Suid-Afrika gaan belê om die volgende generasie Isuzu-bakkie te bou. Daarbenewens sal dit nog R2,8 miljard se waarde in plaaslike inhoud vir die bakkies genereer, het die maatskappy aangekondig. Dié belegging in die Struandaleaanleg in Port Elizabeth is deel van Isuzu se plan om die produksie van bakkies hier tot 29 000 eenhede per jaar te verhoog, sê Yoichi Masuda, voorsitter van die direksie van Isuzu Motors Suid-Afrika. Michael Sacke, uitvoerende hoof en besturende direkteur van Isuzu Motors Suid-Afrika, sê die bakkie sal plaaslik ontwerp word om die vereistes van die Suid-Afrikaanse en Afrika-mark in ag te neem. 0,2% Dié skamele styging in kleinhandelsyfers in September teenoor ’n jaar gelede, weerspieël lae verbruikersvertroue, druk op huishoudings se geldsake en die…

Die krediettelling is ontwerp om met ’n enkele syfer te wys hoe jy jou krediet hanteer en bestuur vergeleke met ander verbruikers. Die meeste krediet- en diensverskaffers gebruik die inligting in jou kredietverslag as deel van die ontwikkeling van jou eie kredietrisiko-telling. Dit, saam met jou werksgeskiedenis, inkomste en bekostigbaarheidstoets, asook die soort krediet waarom jy aansoek doen, beïnvloed die uitlener se besluit. Om jou krediettelling te bereken, word ’n formule gebruik wat evalueer hoe goed of sleg jy is met die betaling van jou rekeninge, hoeveel skuld jy het en hoe dit met ander leners vergelyk. Hoe hoër jou telling, hoe beter. TransUnion se krediettelling vir ’n verbruiker wissel van 0 (swak) tot 999 (uitstekend). Dít is wat die tellings beteken: Uitstekend: 767 – 999 Goed: 681 – 766…

Die Lexis Nexis-publikasie Expatriate Tax - South African Citizens Working Abroad and Foreigners in South Africa, onder redaksie van Tax Consulting South Africa, gee inligting oor die belastingoorwegings tot beskikking van Suid-Afrikaners wat in die buiteland werk of internasionale belange het, en buitelandse wat in Suid-Afrika woon en werk. Tax Consulting South Africa is een van die grootste onafhanklike belastingpraktyke in die land met meer as 90 professionele kenners – meestal toegelate prokureurs, geoktrooieerde rekenmeesters, belastingspesialiste en kenners van internasionale mobiliteit. Die handboek is gemik op die breë publiek – van belastingspesialiste tot die leek wat sy belastingverpligtinge wil verstaan.…

Op Kimberley se stasie wag ’n gids met ’n bussie vir ons. Die Groot Gat is net ’n paar blokke weg. Ek was op laerskool, ’n kwarteeu gelede, ’n hele paar keer hier, maar goeiste, het dinge verander! Ons het toe teen ogiesdraad geleun en in die gat afgekyk. ’n Paar koekepanne met gekleurde klippies in, het eenkant gestaan. Nou is hier ’n houtdek wat loop tot oor die gat. ’n Fliek in die moderne besoekersentrum vertel die verhaal van hoe hoopvolle delwers van heinde en ver gekom het om vanaf 1871 tot 1914 ’n gat van 240 m diep en 463 m in deursnee met die hand te grawe opsoek na diamante en rykdom. Daar is ook ’n museum waar die geskiedenis verder vertel word en regte diamante in…

Thys sê omtrent die helfte van die ta-toes wat by Fallen Heroes gedoen word, word gedoen om vorige mislukte pogings toe te teken. Hy raai mense aan om mooi te dink en hulle huiswerk te doen vóórdat hulle ’n permanente kunswerk laat aanbring. “As jy sien ’n tatoe-kunstenaar is nie ’n paar weke vooruit geboek nie, moet jy vra om te kyk na sy vorige werk. Hoekom is die ou nie besig nie?” En maak seker die kunstenaar se styl val in jou smaak. “Dis soos wanneer jy by ’n galery instap en ’n kunswerk sien. Een ou gaan mal wees daaroor, vir jou sê dit niks. Jy hou dalk van Gustav Klimt, maar gaan na Michaelangelo vir ’n tatoe . . .” Maar, sê Thys, daar is ook ander…

The Wedding Year Wanneer jy hierdeur geworstel het, besef jy dat jy vir ál jou sondes betaal het – ook dié wat nog kom! Dis ’n lukrake aanmekaarflans van komiese tonele wat tevore in vele televisiesitkoms voorgekom het, en nou nuwe klere aantrek. ’n Dwarstrekkerige heldin (Sarah Hy-land) wat vanaf haar eerste toneel op jou senuwees werk, moet 15 huwelike binne een jaar bywoon. Dit is die soort vermaak waarna jy op ’n vliegtuig kyk om die pad tussen bestemmings te verkort. Al probleem is: jy kan nie uit die vertoning stap nie! (Maar darem oorskakel na iets vermaaklikers.) Weerbarstig irriterend. Swift Hierdie slordige, oorgeklankte animasieprent gaan oor ’n windswael wat ’n seemeeu wil wees. Jy het dié soort stories, veral in animasievorm, al dikwels tevore gesien, en Swift fladder…

Party weet nog altyd watter kleur, ander wil weer soos hul gunsteling-sangeres lyk, maar die meeste meisies weet lank voor die tyd hoe hul matriekafskeidrok moet lyk. Die meeste matriekmeisies droom jare oor die perfekte matriekafskeidrok. Nicola Lategan van die Hoërskool Kroonstad (Bloues) vertel byvoorbeeld sy het van kleintyd af geweet sy wil eendag ’n vlootblou rok hê. “Ek het omtrent 15 rokke aangepas en net dadelik gewéét toe ek die regte rok aanpas, dit is die een,” vertel sy. Gaby Murray van die Dainfern College in Johannesburg wou weer ’n moderne rok hê, en die bekende ontwerper Vesselina Pentcheva het gesorg dat sy die koppe laat draai. “Ek het die idee gekry van ’n rok wat die sangeres Selena Gomez gedra het,” vertel sy. Vele meisies, soos Soné Fourie…

■ Die digter Sandile Dikeni is in Kaapstad aan tuberkulose dood. Hy was 53 jaar oud. Sy drie digbundels, Guava Juice (1992), Telegraph to the Sky (2002) en Planting Water (2007), is goed ontvang. In die 1990’s was hy ’n gewilde en opstandige rubriekskrywer vir die Cape Times, waar hy gereeld lesers, veral in die suidelike voorstede van Kaapstad, heerlik woedend gehad het. Maar agter die sogenaamde rebelsheid was ’n fyn oog vir ironie en selfspot. Hy het ook as kunsredakteur vir dieselfde publikasie gewerk. Omdat hy teater verder as die soet binnekring van ’n opgepofte hand-om-die-blaas bedryf gedek het, is hy gereeld gelooi omdat hy dit buite die kraal gewaag het. In 2005 was hy in ’n grusame motorongeluk waarin verskeie mense dood is. Dikeni self was maande lank…

Andries Pretorius van Pretoria skryf: Ek het nie geweet Allan Gray was ’n regte mens nie. Ek het altyd gedink “Allan Gray” is net ’n logo in rooi en grys wat ’n ontwerper uitgedink het omdat dit kwansuis een of ander “gevoel” by verbruikers sou skep. Maar hy het bestaan. Well,-I-never, soos my oupa sou sê. Noudat ons op die onderwerp van egtheid is: Ek lees die man onder wie se redakteurskap die Sunday­Times-of-London in 1983 eksklusief die “dagboeke van Adolf Hitler” gepubliseer het, is oorlede. In-1983,-The-Sunday-Times-of-London-claimed-to-have-Adolf-Hitler’s-diaries,-scribbled-in-the-Führer’s-ownhand.-A-renowned-historian-had-authenticated-them.-What-it-actuallyhad-were-forgeries-.-.-.­ The-newspaper’s-top-editors-discovered-the-truth-at-the-last-minute-andtried-to-stop-their-publication.-But-thepaper’s-owner,-Rupert-Murdoch,-dismissed-their-concerns-and-orderedthat-the-presses-roll. The-paper-sold-well.-But-the-diaries’-unmasking-was-already-in-theworks-.-.-.-and-the-whole-enterprisequickly-unraveled,-proven-to-be-a--­hoax-perpetrated-by-a-prolific-German-forger,-Konrad-Kujau.­ It-didn’t-take-a-scientist-to-suspectfakery.-The-entries-were-riddled-withfactual-errors-.-.-. Een van die inskrywings het gelui: “That Goebbels, what a pain in the neck.” Dis vir my so snaaks, ek wil drie geel emoticons wat lag dat die trane rol agterna plak. Dis so vals, dit klink eintlik waar. Gepraat…

Julius Malema gaan “vir eers” vervolging vryspring weens beweerde tenderbedrog van R60,4 miljoen, al gaan die nasionale vervolgingsgesag (NVG) sy voormalige sakevennote opnuut vervolg. Die NVG het Vrydag uiteindelik in ’n brief aan AfriForum gesê hy gaan On-Point Engineers in Limpopo, Lesiba Gwangwa en Kagisho Dichabe weer in die hooggeregshof daarvan aankla dat hulle Limpopo se paaie-en-vervoerdepartement mislei het in die toekenning van ’n tender van R52 miljoen. Thomas Rasethaba is nou ook een van die beskuldigdes. Hy het volgens Mail & Guardian ’n trust gestig wat ’n belang in On-Point gehad het. In dieselfde verhoor sal Gwangwa en sy On-Point-maatskappy ook teregstaan op drie bedrogklagte omdat hulle glo aan die departement voorgegee het die maatskappy is nie vir padontwerpe betaal nie, al het hy wel R8,4 miljoen daarvoor gekry.…

Die regering sê hy wil die waarde van buitelandse be-leggings in die wapenbedryf in die volgende vier jaar verdubbel tot R25 miljard, maar sy eie optrede kan volgens kenners die hele bedryf laat ineenstort. ’n Nuwe vereiste waaraan vervaardigers in die lugvaart-, maritieme en verdedigingsbedryf moet voldoen voordat hulle enige wapentuig na kopers oorsee kan uitvoer, het wapenuitvoer tot stilstand gebring en kan tot duisende werkverliese by die regering se wapenvervaardiger Denel en ander vervaardigers lei. Die bepaling vereis dat enige land wat wapens by Suid-Afrika koop, moet instem tot inspeksies in hul lande deur Suid-Afrikaanse amptenare, anders reik Suid-Afrika nie ’n “eindgebruiksertifikaat” uit nie. Dit is ’n voorvereiste vir ’n uitvoerpermit. Lande soos Saoedi-Arabië en die Verenigde Arabiese Emirate (VAE), wat peperduur wapentuig in Suid-Afrika kom koop, is nie…

Tot die helfte van plastiek wat in Suid-Afrika gebruik word, beland op stortingsterreine. Dit ondanks beleid en regulasies wat die regering ingestel het om plastiekgebruik te verminder en herwinning aan te moedig. Dié uitdaging word Donderdag en Vrydag op ’n nasionale plastiekberaad van die departement van omgewingsake, bosbou en visserye (DEFF) in Gauteng getakel. Die plastiekbedryf lewer ’n wesenlike bydrae tot die plaaslike ekonomie. In 2015 het dit R75 miljard (1,9%) tot die BBP bygedra en werksgeleenthede vir meer as 60 000 mense verskaf, lui ’n regeringsverslag. Maar dié hulpbron skep ook uitdagings met die hoeveelheid plastiek wat op stortingsterreine en in die omgewing be-land. Daarby sal die uitdagings wat enkelgebruikplastiek skep, groei weens bevolkingsgroei en verstedeliking. Die jongste National State of Waste-verslag wys dat tot die helfte van plastiek…

Ons moet tot op die hoogste vlak – insluitend die regering – met almal saamwerk om afvalbestuur te takel. Ek het reeds ’n skrywe aan Gwede Mantashe, minister van minerale bronne en energie, en Pravin Gordhan, minister van openbare ondernemings, gerig om hiermee te help. Afvalbestuur en veral ook enkelgebruikplastiek-afval het dringende aandag nodig. Die regering het regulasies en belasting ingestel om besoedeling te takel en mense se gewoontes te beïnvloed wat betref die gebruik van plastieksakke, maar dit is duidelik nie genoeg nie. Die departement ondersoek ook die impak van enkelgebruikplastiek (sakke, strooitjies, oorstokkies en eetgerei). Ons sal met alle belangegroepe hieroor praat. Ons wil toesien dat klante hul gunstelingwinkels takel, ons wil toesien dat kleinhandelaars met hul verskaffers hieroor praat en ons wil seker maak dat produsente met…

Ouers wat nie hul kinders van driejarige ouderdom af vir vroeëkinderontwikkelingsklasse inskryf nie, moet strafregtelik vervolg word. EFF-takke moet gestig word by alle werksplekke met meer as 1 000 werknemers. “Die takke moet bestaan uit 100 lede en sal verantwoordelik wees vir EFF-mobilisering in die werksplek”. Dit is van die voorstelle in die party se besprekingsdokument vir sy nasionale kongres – sy hoogste besluitnemingsliggaam – in Johannesburg in Desember. Die EFF wil hê alle vroeë skoolverlaters – onder wie huiswerkers en sekswerkers – moet aangemoedig word om hul skoolloopbane te voltooi deur verskeie maniere van onderrig. Beroepsvoorligting moet ook verpligtend wees vir alle hoërskoolleerlinge en die heropening van onderwyseropleidingskolleges moet teen ’n vinniger pas geskied, sê die party. Die EFF het groot drome vir sy kaders, soos dat alle lede…

Krieket EERSTE TOETSWEDSTRYD (Indore, Indië) Bangladesj 1ste beurt 150 Indië 1ste beurt 493/6 gesluit verklaar (Agarwal 243, Rahane 86, Jadeja 60). Bangladesj 2de beurt S. Islam b Sharma..................................... 6 I. Kayes b Yadav......................................... 6 M. Haque bvp b Shami.............................. 7 M. Mithun v Agarwal b Shami................ 18 M. Rahim v Pujara b Ashwin.................. 64 M. Mamudullah v Sharma b Shami........ 15 L. Das v&b Ashwin .................................. 35 M. Hasan b Yadav.................................... 38 T. Islam v Saha b Shami ........................... 6 A. Jayed nie uit nie.................................... 4 E. Hossain v Yadav b Ashwin ................... 1 Ekstras (2ll, pbl, 1w)............................... 13 TOTAAL (213 almal uit, 69.2 bbe.)....... 213 Val van paaltjies: 1-10 Kayes, 2-16 Anik, 3-37 Haque, 4-44 Ali, 5-72 Mahmudullah, 6-135 Das, 7-194 Miraz, 8-208 Islam, 9-208 Rahim, 10-213 Hossain. Boulontleding:…

Suid-Afrikaanse afrigters se spore lê oral in die wêreld van rugby. Maar min van die SA breiers bevind hulle oorsee op die skoleverhoog. Een van die uitsonderings is die voormalige Springbok-senter André Snyman, wat maar pas by Hill House School in Doncaster in Yorkshire, Engeland, in die pos van hoofafrigter ingeval het. “Ek het vir Leeds gespeel en is mal oor Yorkshire,” vertel Snyman (45) oor sy nuwe pos. “Toe ek deur een van my oudspanmaats te hore gekom het van die vakante pos by Hill House, het ek onmiddellik aansoek gedoen. “Ek geniet dit om rugby onder die jeug te help ontwikkel en Hill House is geweldig sportgeoriënteerd. “My dogter en seun gaan ook daar skool, so ek’s bevoorreg om ook by hulle rugby-ontwikkeling betrokke te wees. “Keira (11)…

Die Griekse tennisspeler Stefanos Tsitsipas het gister in Londen met ’n koel en berekende vertoning vorendag gekom om die derde gekeurde Roger Federer in die halfeind van die ATP-jaareindtoernooi te klop. Die sesde gekeurde Tsitsipas mag dalk nog net 21 somers agter die blad hê, maar dit het hom nie gekeer om die 38-jarige Switser met 6-3, 6-4 te klop nie. En die Griek het dit in styl gedoen deur ’n kishou te moker om die wedstryd te beklink – een van daardie wat Federer net kon aanskou sonder enige kans vir ’n terughou. “Vandag is ek so trots op myself met my goeie vertoning. Somtyds, met wedstryde soos hierdie, wonder ’n mens by jouself hoe jy al daardie moeilikhede oorkom het,” het Tsitsipas gesê. Tsitsipas, wat vanjaar die eerste…

Sy Cape Cobras-debuut die afgelope maand het Thando Ntini heeltemal oorbluf gehad. Die jongeling het nooit kon droom sy eerste proesel van plaaslike meerdagreekskrieket sou so vroeg al kom nie. Al was daar sprake dat hy hierdie seisoen deur die Cobras-afrigter, Ashwell Prince, ingespan sou word, het die 19-jarige seun van die voormalige Proteas-snelboulsensasie Makhaya Ntini verwag dit sou eers later in die seisoen wees. Dit was in elk geval sy doelwit. Maar toe hy verlede maand teen die Dolphins sy debuut maak en kort daarna ook sommer vir die eerste keer op Nuweland in Cobras-gewaad aangetree het, moes hy vinnig sy doelwitte aanpas. Op dieselfde Nuweland waar sy droom bewaarheid is, het sy beroemde pa menige paaltjie laat spat en kolwers laat bontstaan met sy kartetse. Ntini is besig…

Met die skryf van hierdie rubriek het die SALstaking pas begin, en teen die tyd dat Libertyn Sondag gepubliseer word, kan die staking dalk tot die verlede behoort. Ek hoop nie so nie! Dit klink dalk of ek ongevoelig staan teenoor bykans 1 000 mense wat hul werk kan verloor. Dit is allermins die geval, maar die SAL-debakel bied ʼn geleentheid om die lewensbedreigende sweer in die ekonomie oop te steek. Ek hoop die kans word benut. Ek het al voorheen geskryf dat daar ʼn onvermydelike botsing tussen die regering en georganiseerde arbeid op pad is. Georganiseerde arbeid het die stert geword wat die hond rondswaai en tot op hede het die ANC-regering hulle op elke terrein tegemoet gekom. Die omvang van die finansiële verval by die staatsbeheerde ondernemings (SBO’s),…

’n Leser wil weet waarom vorm ’n pensioenbelang deel van ’n aanwas-eis by egskeiding en nie by dood nie. En toe ek hom antwoord – hy werk vir ’n bekende makelary – stry hy met my op grond van handboeke en menings van prokureurs. So, ingeval lesers ander menings hieroor kry, maak ek eers die stelling en dan verduidelik ek. Jou pensioenbelang is nie deel van die aanwas-bedeling nie. Nie by egskeiding nie en nie by die dood nie. Net eers weer kortliks oor die aanwas-bedeling. By die beëindiging van huwelike met aanwas-bedeling – hetsy weens egskeiding of dood – word die onderskeie netto batewaardes in die twee partye se boedels bepaal. Die een met die kleinste groei (tydens die bestaan van die huwelik) in netto boedelwaarde het ’n eis…

Charlie’s Angels met Ella Balinska, Naomi Scott en Kristen Stewart. Regisseur: Elizabeth Banks Dié slaaiblaar-vir-middagete-lyfies slaan ’n kishou vir vroueregte! Die beeldskone meisiekinders skop mans se kroonjuwele aan flarde dat die testosteroon spat. Boonop is hul kwinkslae seep-glad, hulle wys meer lyf as enige model wat ’n loopplank agtergelaat het (dit word eintlik ’n mode-parade op spykerhakkies), en hulle verneder mans met dieselfde gemak as wat hulle hul maskara aanwend. En so van maskara gepraat, hier is genoeg maskara vir motorbande om grasieus in te gly. Geen gesig kan plek hê vir soveel maskara én nog funksioneer nie! Die tema bied hoop dat ons geplunderde land beurtkrag nog kan oorwin. ’n Nuwe vorm van elektrisiteitsverskaffing word ontwerp wat in die verkeerde hande as wapens aangewend kan word, en die engeltjies,…

Ek was die afgelope week so lus vir ’n New York-styl gebakte kaaskoek en moes net my voorskoot aantrek om een aanmekaar te slaan. Gelukkig het een van Kiri-roomkaas se resepte in my inboks gelê en soos hulle sê: Die res is geskiedenis. My banting ook! Dié klassieke en weelderige kaaskoek is maklik om te maak en met die stroperige appelkose in roosmarynstroop bring dit iets nuuts na die koekbordjie. Kiri nou in George gemaak Die gewilde Franse kaasprodukte Kiri-roomkaas en The Laughing Cow word nou in George op die Tuinroete gemaak. Hierdie twee vlagskipprodukte in die stal van die Bel-groep, ’n Franse suiwelmaatskappy wat reeds in 1865 gestig is, moes tot nou toe ingevoer word. Plaaslike vervaardiging van Kiri sal aanvanklik fokus op die 200 govaal houers, ’n verpakkingsgrootte…

Dis jou tyd, vat dit so stadig soos jy wil. Jy hóéf nie die Comrades te hardloop of rekords op te stel nie. Trouens, jy hoef nie eens te hardloop nie. Begin deur die goeie gewoonte aan te leer om gereeld ’n halfuur se rustige staptyd vir jouself in te ruim – sê maar twee of drie keer per week. Sit jou voet neer, as’t ware. As jy voorheen nie baie aktief was nie, gaan jy sommer gou beter voel en dan kan jy geleidelik jou pas versnel, en die tyd rek wat jy op die pad deurbring. Die sleutel is nie hoeveel of hoe vinnig jy stap of draf nie, maar om die gewoonte te vestig. Waar kan jy stap? Probeer stap of draf waar jy is. Hoe minder…